Muhabbat - chiroyli kapalak
Qo'rqaman sho'rlikni tutgani.
Kapalak quvganim yodimda
Yodimda yo'q ammo yetganim.

Оффтоп:

Muallifi bilan davomini eslatib yuboring .

Менинг муҳаббатим нимага арзир,
Нимага ҳам арзир ёниб-куйганим?
Меҳр-бу суннатдир, Меҳр-бу фарздир,
СЕНИ ХУДО СУЙСИН, МЕНИНГ СУЙГАНИМ!

Muallif Shavkat Rahmon

...Модалар уйини эслатар даргоҳ,
Отада пул қадоқ, онада адоқ,
Чертиб кийинади, ахир ҳар қандоқ
Кийимни киймайди талаба қизлар!

Ризқ тўлиқ косага етказсин Худо,
Бир ақли расога етказсин Худо,
Гуркираб турганда қовжирама, дўст,
Қўлингни асога етказсин Худо!

Халима Худойбердиева

Мен сизга бермадим заррача умид,
Олмадим илк бора берган гулингиз.
Озорланманг бўлиб ноумид,
Ўйламай ранжитдим мурғак дилингиз.

Йўқ,мен бундан асло,афсус чекмайман,
Куйиб қолмасингиз ҳоҳладим фақат.
Сизни қадрлайман,лек,суя олмайман,
Унутишга топинг куч ва қаноат.

Азоб-кутиш,хижрон-жавобсиз севги,
Не қилай юракка буюриб бўлмас?
Ишқингиз меҳримга арзирли туйғу,
Лек сизни суюшга туйғулар кўнмас.

Хуршида Ахмаджон қизи.

“Sen menga quloq tut” – deyman , ba`zida,
Sening fahming boshqa , tushunchang bo`lak,

Ikkimiz hamfikr o`zga nazdida,
Qayroqtosh boshqa-yu, tosh xarsang bo`lak.

Men bir o`rta tilda so`zlashmoqchiydim,
Sening o`rtang boshqa, meniki bo`lak,

Qiyomatni senla ko`zlamoqchiydim,
Sening ertang boshqa, meniki bo`lak.

Алишер Асрор

"Кеч" дединг.Мен ундан кеча олмадим,
Тилимни боғлади андиша,шавқат.
Келар йўлларимни хижронга кўмдим,
Борар йўлларимга чимбосдим... қат-қат.

Яна учраштирди-бахтли тасодиф,
Ўчмаган гулханлар кетди ловуллаб.
Юр дединг .Кетайлик, сенсиз қийналдим,
Дийдамдан тўкилди соғинч шовуллаб.

Сен мени,мен сени ўтдик авайлаб,
Ёринга азобни кўрмадим раво.
Иккимиз яшадик кўпни қадрлаб,
Хеч ким қадримизга етмади аммо.

Бугун хар нарсанг бор...меҳрдан бошқа,
Ўтяпсан ишқимнинг адоси бўлиб.
Васлинг умидида турибман қара,
Соғинч соҳилининг гадоси бўлиб...

Ханифа Умматқулова

..Бедорман-уйқуям керакмас,
Ҳеч нима, ҳеч қачон
Сен каби дилимни тўлатмас
Сўзингдек дардимни қулатмас.
Қайғуни ёнимга йўлатмас,
Иқболим шаънини ёрқинроқ ёққани
Кераксан.

..Интиқ дил ўзгани кўрмайди,
Ҳолингни мен каби
сабрсиз сўрмайди.
Соядек ортингдан эргашиб,
Орзую хавасга тенглашиб,
бекорга изингдан юрмайди,
Кераксан.

Масъудбек Махсудов

На афсун, на имкон, на журъат топдим,
Илинж йўл бермади , янчиб ташлашга.
Ўзинг айт не қилай қайсар юракни,
Ўргата олмадим сенсиз яшашга.


Моҳитун.