Бир дўстим айни пайтда хорижда. Кеча у билан гаплашаётиб, «байрамлар билан!» десам хайрон қолди.
-Қанақа байрам?
Кутилмаган саволдан салкам довдирадим.
-Мустақиллик байрами-ку!
“Ҳа-а, шундай демайсанми...” - деб қўйди у бепарво тарзда. Сезяпман, мусофирчиликдаги турмуш тарзи, оиласидан узоқда, тирикчилик кўйида кечаётган ҳаётидан мамнун эмас. Бунга эса сабаб, важ қилиб бир четда мустақилликни кўраётган бўлса ҳам ажаб эмас.
Мутақиллик айёми. Ўн тўққиз йилдан бери ушбу санани нишонлаяпмиз. Тўғри, ўтган йиллар давомида кимдан олдин, кимдан кейин бўлиб келдик. Баъзида бундан-да яхши бўлиши мумкин эди-ку деб гиналар қилдик. Аммо, нега энди қорин ғамини, тўкис яшаш деган азалий истакни ҳамиша Ватанга бўлган меҳр билан қориштиришимиз керак? Демак, ўз юртимизда шоҳона яшасак, Ватан бечора севилишга ҳақли-ю, оч-наҳор кунларимизда таъна-дашномлар кўмилсинми?
Ахир, Ватан – она эмасми? Онадан эса бирон нарса хомтама бўлмайдилар. Қайтангга, Уни улуғлашни, авайлаш ҳам фарз ҳам қарз деб қулоғимизга қуйиб келишган. Шоир айтганидек, Ватан синглим каби покдир, онамдайин хокисор!
Ўн тўққиз йил ўтди, аммо нима ўзгарди дейдиганларга эса жавоб битта – шу ўтган йилларнинг тинч-осойишта кечганининг ўзи улкан ютуқ эмасми?
Ҳа-я, гап билан бўлиб муддаога кўчмабман. Ҳаёлидан кўтарилганларга сиз ҳам эслатинг - эртадан кейин байрам! Мустақиллик байрами!
Истиқлол тантанаси барчамизга муборак бўлсин! Ватанга меҳримиз, мухаббатимиз тобора ошиб бораверсин!

Дилга жо бўлгандир ватан туйғуси,
Келажаги буюк Давлат бўлғуси.
Озод, хур, ватандир чаман гул боғлар,
Дарёлар, чўллар-у, осмондек тоғлар.

Ватандур ўсимлик, хатто жонивор,
Ватан туйғусидир гўзал, улуғвор.
Унга таъзим қилиб, яшамоқ керак,
Ватан деб уради, доимо юрак.

Ватан туйғусидир бокира она,
Тоғларга кўрк бериб очилган лола.
Менинг ватанимсан,гўзал бўстоним,
Мустақиллик муборак, Ўзбекистоним.

Барчангизга байрам муборак!

Мустаққилигимизга Dolimov айтмоқчи “қонсиз” эришганимиз учун хам етарли даража қадирламаётгандирмиз. Мустақилликга эришиш халқ учун катта бахт, лекин халқ учун хақиқий бахт шу мустаққил юртнинг гуллаб-яшнашида, бу эса халқнинг ўзини қўлида.

Мустақиллик арафасида халқимга Ватанимизни гуллаб-яшнашини тилаб қоламан.

Барчани Мустақиллигимизнинг 19 йиллиги билан табриклайман.

Mustaqilligimizning 19 yilligi barchangizga qutlug' bo'lsin

Kecha Yurtimizning kuni edi, xalqimizning kuni edi, bugun esa mening kunim. Men qo'limga hozirgina fan doktori degan diplomimni oldim. Muborak, Ramazon kuniga nasib qilgan ekan, O'ziga, Yaratganga cheksiz hamdu -sanolar bo'lsin. G'alaba Allohdan. Allohni unutmaslik kerak, buyurganini bajarib, buyurmaganidan chekinish kerak. Shunda Inson barcha orzi niyatiga, albatta, yetajak.

Tabriklaymiz.