Тадбир " Оила, маҳалла, мактаб концепцияси" асосида ташкил этилди.

https://img.uforum.uz/thumbs/vevsntx9523630.jpg

Тадбир жуда чиройли ташкил этилди. Бу каби тадбирлар янаям "Оила, маҳалла, мактаб" ҳамкорлигини кучайтиради ва таълим тараққиётини янада юксалишига олиб келади, деб ўйлайман.

Севимли адабимиз Худойберди Тўхтабоев бу даврага жуда файз киритиб, жонлантирвордилар. Ўзлариям хурсанд бўлганликларини яширолмадилар-а, тадбир охирида.Назаримда болажонларнинг савол-жавобларидан ёшариб кетгандек бўлдилар..
https://img.uforum.uz/thumbs/uwqthpf1147724.jpg

Shu o'rinda tadbirni uyushtirish g'oyasini bergan va bizni Toshkent shahar, Sergeli tumanidagi "Temiryo'lchi" mahallasi bilan hamkorlik qilishga yordam bergan G'ayratxo'ja Saydaliyevga hamda "Temiryo'lchi" fuqarolar yig'inining raisi Abdujabbor Karimovlarga o'z minnatdorchiligimizni bildiramiz.

Хайрли ишни бошлаш, уни амалга ошириш ва ундан асосийси бирон натижа бўлса, уни кўриш нақадар хуш ёқади одамга! Мани яна бир ҳайратлантиргани, Нигора эътибор бердингизми, ўқувчиларимизнинг саволларга тўлиқ жавоб берганликлари, яна суюкли адибимизни ҳам ўзларини қизиқтирган турли саволларга кўмиб ташлагани..
Агар уларнинг ўзида бундай билим етарли бўлмаса, саволни эплаб беришни ҳам билишмасди.

Бунинг асосий сабаби нима, ўқувчиларингиз зукко, зеҳнли, деб сўраганимизда биз учун энг керакли жавоб "ZiyoNET" дан унумли фойдаланаяпмиз, қолаверса ўқитувчиларимиз жуда талабчан ва изланувчан, деб жавоб беришди.

"Зулфия" мукофотига номзод қизларимиз ҳам таҳсил олишяптийкан бу (8-сонли) мактабда.. Демак, ҳамкорликни кучайтириш керак.

"Қучоқ очиб халқ ичига борайлик"..(адашмасам, Чўлпон ижодиданмиди..)

Награждение победителя Викторины Комила Асланова (аlbatros, приятно было развиртуализоваться! :-0))

https://img.uforum.uz/images/gckfukg221525.jpg

Поздравляю!

Katta rahmat! Biz forumdoshlarga ana shunday viktorinalar, tadbirlar tashkil etib berayotgan Nigora opa Umarovaga hamda Evgeniy Sklyarevskiylarga, shuningdek barcha forum tashkilotchilariga o'z minnatdorchiligimni bildirib qolaman. Ilohim forumdoshlarimiz duolarini olib, elimiz ardog'ida yurishsin.

Худойберди ака, бир вақтлар мактабда ўқитувчилик қилгансиз, тарбиявий аҳамиятга эга бўлган, насиҳатомуз эмас, балки ўқувчининг ўзи хулоса чиқаришига ундайдиган асарлар ёзадиган севимли болалар ёзувчисисиз. Мактабни, тарбияни танлашингизга асосий сабаб нима?

Мен отадан эрта етим қолиб, унинг тарбиясини кўрмаганман. Онамдан ҳам узоқда бўлганман. Ҳамиша ўхшашга интиладиган, ўрнак оладиган кишилар бу-муаллимлар эди. Мактабни, тарбияни танлашим ҳам шундан бўлса керак. Чунки, болалигимда мен учратган уч ўқитувчи руҳий дунём, ҳаётий эътиқодимнинг шаклланишида ҳал қилувчи муҳим роль ўйнаган. Улар ҳамон юрагимда яшаб келмоқда.

Биринчиси қишлоғимиздаги Эрматов домла дегани эди. Бир воқеадан кейин у киши умрбод эсимдан чиқмади.
1943 йил... Учинчи синфда ўқиётган даврим эди. Иккинчи жаҳон уруши айни авжига чиққан пайти. Ўша йиллари юртимизга Украинадан кўплаб оилалар эвакуация қилинганди. Бу оилаларнинг уч-тўрттаси бизнинг қишлоқларга ҳам жойлаштирилди. Шулардан иккитаси бизнинг қўшнимиз бўлди. уйларимизнинг ўртасида ҳатто девор ҳам йўқ эди. Вақт ўтган сари катталарнинг алоқалари тобора қалинлашар, биз болалар ҳам бирга ўйнай бошлагандик. Зинаида исмли қўшни қизалоқнинг турли расмларга бой биринчи ва иккинчи синфларда ўқиган китоблари бор эди. Ҳаётимда илк бор суратли китобни қўлимга олишим эди. Расмлар завқимни оширар ва қайта-қайта кўриб чиқиб ҳам тўймасдим. Ҳатто улардан бирини ўртоқларимга кўрсатиш учун мактабга кўтариб бордим.
У маҳалда бошланғич синфларнинг ҳаммаси бир хонада ўқишар, синф тахтаси икки ёки учга бўлиниб дарс ўтиларди. Ўшанда фронтдан яқинда келган Эрматов домла бизга сабоқ берарди. Биринчи куни барча болалар дарсни ҳам, ўқитувчимизни ҳам эсдан чиқариб, атрофимни ўраб олишганча ҳайратларини яшира олмай роса томоша қилишди. Домла индамадилар. Эртаси куни яна шу аҳвол такрорланди. Муаллимимиз китобингни олиб қўй, дея бир-икки огоҳлантирди, бироқ болалар бир нафас ўтмай олдимда йиғилаверишди. Сўнг уинг росманасига жаҳли чиқиб, ҳассасини партага урди. Чўчиб кетган ўқувчилар дув этганча жой-жойига ўрнашиб олишди. У оқсоқланганча тўғри менинг олдимга келди-да, китобни ғазаб билан парча-парча қилиб йиртиб печкага солиб юборди ва юзимга бир тарсаки туширди. Бу иши кўнглимга қаттиқ ботди ва синфдан отилиб чиқиб уйга қараб чопдим.
Энди Зинаидага нима дейман?! Бир неча кун ўзимга кела олмадим. У китоб мен учун нодир эди гўё. Мактабга ҳам беш-олти кун бормадим. Ўша пайтда ким дарсга қатнашса яримта нон берарди.Бориб шу нонни олгим келарди-ю, лекин қўрқув йўл бермади. Охири ўртоқларим келиб, Эрматов домла касал бўлиб қолибди, сени кўргиси келяпти экан, дейишди. Йўқ, деб ўйладим ўзимча, у мени шундай алдаб чақириб олмоқчи. Орадан уч кун ўтгач, муаллимнинг укаси келиб, акам оғир ётибди, тинмай сени сўраяпти, бориб кўриниш бергин, дея қўярда-қўймай судраб кетди. Олдига киргач, билдимки, домла ҳақиқатдан ҳам оғир, нафас ололмай хириллаганча ётибди. Қўлимни ушлайман деб қўлини узатди. Қўрқиб ортга тисландим, лекин аҳволини билгач, қўлимни бердим.
Шунда у:
-Ўша куни ноҳақ эдим, сени бекорга хафа қилдим, мени кечироласанми,-деб сўради.
Индамай туравердим. Унинг қўллари шундай титрар эдики, зўрға тутиб турарди. Орқамда турган укаси:
-Сендан нима кетди, бир оғиз сўз-ку, айтгин, дея ортимдан турткиларди. Ноилож "кечирдим", дедим.
- Илтимос, яқинроқ келиб шу сўзларингни такрорла, яхшироқ эшитай,- деди Эрматов. Қулоқларига уч бор айтганимдан кейин, домланинг кўзларидан икки томчи ёш сизиб чиққанини кўрдим. Ўқитувчимиз кўзларини юмди. Тинчлангандай бўлди. Мен чиқиб кетдим. Эртаси куни тонг саҳар маҳаллада йиғи овози. Билсам, домла дунёдан ўтибди...
Ўшанда бу воқеанинг моҳиятига етмагандим. Орадан йиллар ўтиб тушундимки, устоз оддий ўқувчисининг дилига озор берганига пушаймон бўлиб, қилган иши учун ўзини кечиролмабди. Шунча жангу жадалда қон кечиб келган бўлса-да, муаллим инсоний туйғуларни, айниқса, ўқитувчилик қалбини ўзида сақлаб қолган ва бу дунёдан ўқувчисининг норозилиги билан кетолмай ётган экан. Кейинчалик, инсон бировнинг кўнглига озор берган ҳолда оламдан кетмаслиги керак, деган хулосани чиқариб, бутун асарларимга ушбу фалсафани сингдиришга ҳаракат қилдим.

Хотирамда ёрқин из қолдирган яна бир ўқитувчим Меҳмонали Турсунов домла бўлиб, бу киши, болалик тасаввуримда Эрматовдан ҳам олийжаноб эди. У бизни тўртинчи ўқитганди. 1947 йили еттинчи синфни битираётган йилимиз мактабимизга тўрт киши Қўқон шаҳридаги ўғил болалар педагогика билим юртида ўқиши учун таклиф билан келибди. Шундан тўрт болани танлашди. Улар орасида мен ҳам бор эдим. Меҳмонали домла колхоз аравасида бизни олиб жўнади. Фарғона каналидан ўтгач, Охунҳайдар деган жойга етганимизда Маҳмуджон ўртоғим "бизни уруш бўлган ерларга қурол-яроғ тердиргани олиб кетишяпти", деб қолди. Бу гап тўртталамизга ҳам бирдан қаттиқ таъсир қилди.
Ўша йиллари урушнинг даҳшати ҳали тугамаганди. Кўз очиб юмгунча аравадан сакрадик-да, домланинг ҳай-ҳайлашига қарамай ура солиб қишлоқ томон қочдик. Ўқитувчимиз изма-из қувлаб келяпти. Аравакаш Холбек ака эса ортимиздан от солиб, Фарғона каналининг кўприги олдида йўлимизни тўсиб бизни тўхтатди. Ортимиздан ҳансираганча етиб келган Меҳмонали ака қўлларимизни ушлаганича, тўсатдан ҳўнграб йиғлаб юборса бўладими.
- Болаларим! Мен сизларни ўқисин, қишлоққа маданиятли қиши сифатида қайтсин, ўрнимга ўқитувчи бўлсин, деб Қўқон шаҳридаги ўғил болалар педагогика билим юртига олиб кетаяпман, сизлар нима деб ўйладинглар, болаларим,-деб йиғларди. Биз унинг гапларига ишониб, яна йўлга тушдик. Етиб борганимиздан кейин бизни жойлаштирди. Қочиб кетишимиздан хавфсираб илим юрти ёнидаги чойхонада ўқитувчимиз уч-тўрт кунгача қолди. Ҳар куни келиб, бизни овқатлантирар, илиқ гаплар айтиб ўқиб муаллим бўлишга ундарди. Биздан ваъдани олгач, кейин қайтиб кетди.

Учинчи бир ўқитувчини ўша билим юртида учратдим. Ўқишга келган йилимнинг ноябрь ойида Ашхабодда зилзила бўлди. Ўша зилзилада бутун Ашхабод шаҳри вайронага айланди. Табиий офат бизга ҳам таъсир қилмай қўймади. Билим юртининг ётоқхонаси эски бир бинода эди. Унинг қулаб тушиш эҳтимоли йўқ эмасди. Зилзила пайтида ўқувчиларнинг ҳаммаси ташқарига отилиб чиқишга улгурди. Ёнимизда катта одамлар бўлмагани учун саросимага тушиб қолдик. Бир соат ўтар-ўтмай Солиев деган геграфия ўқитувчимиз пайдо бўлиб, ҳаммамизга далда берди. Кейин билсак, биздан хавотир олиб салкам 10 км.ли масофадан чопиб келибди. Ўша домла болалар қўрқиб қолишди, ўқишни ташлаб кетиб қолмасин, деб уч кунгача олдимизда гирдикапалак бўлди. Ўзи шундоқ ҳам қийинчилик даври бўлишига қарамай, 35 нафар болага ўз ҳисобидан билим юрти ёнидаги чойхонада уч кун ош берди. Уларнинг фидойилиги, мардлиги, тантилигини қаранг. Ёшликда, ғўр маҳалинг бу нарсаларнинг туб моҳиятида нима яширинганига унчалик ҳам эътибор қаратмайсан киши. Бироқ йиллар ўтиб, муаллим деган зотнинг ким эканлигини англай бошлайсан. Уларнинг фидойилиги, жонкуярлиги туфайли қийинчилик, машаққатли даврларда ҳам маънавиятимиз, руҳий гўзаллигимиз, имон-эътиқодимиз сақланиб қолди. Мана салкам етиш йил бўляпти. Барча таниган-билганларим ёдимдан чиққан бўлиши мумкин, лекин шу учала ўқитувчини бир дам бўлса-да, унутганим йўқ. Асарларимда қандай яхши инсонлар тимсолини яратган бўлсам, шу учов ўқитувчиларимнинг характери асосида пайдо бўлган. Албатта, ҳозир ҳам бундай ўқитувчи ва мураббийлар етарлича топилади. Юртимиз номини дунёга танитаётган ёшларимизнинг камол топаётганлиги улар меҳнатининг самарасидир.

Diqqat! Diqqat! Diqqat! Tanlov.
 

Муҳтарам форумдошлар!

Ардоқли ёзувчимиз Худойберди Тўхтабоев шу йил 17 декабрь куни муборак 80 ёшга тўладилар. Шу муносабат билан барча китобхонларни йиғиб "EZIDIYOR" кошонасида ош бераётган эканлар. Барчамизни ушбу тадбирга таклиф қилдилар.

https://img.uforum.uz/images/cntgxra1493505.jpg

https://img.uforum.uz/thumbs/xbsdlyc8245127.jpg

Худойберди Тўхтабоев бир қатор янги китобларини нашр эттирибдилар.

https://img.uforum.uz/images/ydlxdhh5268600.jpg

OmoN, "Омонбой билан Давронбой" қиссаси қуйидаги китобда нашр эттирилибди.

https://img.uforum.uz/images/janvlea5907215.jpg

80 ёш?! Адибимиз кўринишларидан 60-65 ёшга ўхшайдилар-а... Бу ҳам кўнгиллари болаларникидек мусаффо бўлганлигидандир, балки.

Илоҳим, умрлари узоқ бўлсин, 80дан сакраб, 90га тўқнашиб, 100 билан юзлашиб, 110 ёшларида "Барлосбой ва Билмасвойнинг саргузаштлари"ни ўқувчиларга тақдим этиш насиб этсин... (яхши ният, ёрти мол, бу ҳам бир ғояда :) )

Tanlov e'lon qilinganligi qachooooooooooon edi....

Атоқли адибимиз Худойберди Тўхтабоев билан ўтган асрнинг 80-йилларида танишган куним - ҳаётимда энг унутилмас кун бўлиб қолган. Ўшанда устоз "Гулхан" журнали бош муҳаррири эдилар!
Устоздан анча-мунча сабоқ олиш бахтига мушарраф бўлганмиз.
Бу ҳақда кейинроқ батафсилроқ айтадиган сўзларимиз бисёр.

Худойберди Тўхтабоевнинг "Пешонасига телевизор ёпишган бола" китобини олдим. Болалар учун яхши китоб экан.
ПС: Ошга кимлар бормоқчи? Агар биргалашиб борсак тўпланиб бирон бир совға оламизми? Мен ЛСД монитор олишни тавсия қиламан.

"Oshga kim boshlab boradi?"- degan savolga javob bermasa ham bo'lar. Taklifnoma menda. :)

Men ham boraman, sovg'a olish fikriga qo'shilaman.
Kim-kim borishini aniqlab olsak, keyin nima olib borish kerakligini maslahatlashar edik.

Menda bir taklif: sovg'a sifatida yozuvchimiz va ularning asarlari tasviri aks ettirilgan kalendar chop qildirsak-chi? Sovg'a tariqasida topshiramiz, ham orginal chiqadi.

Қаршилигим йўқ. ЛСД монитор ҳақидаги бемаъни фикр расмдаги СРТ мониторни кўрганимда келувди.

Shu fikrni aytaman deb turgandim. Yaxshi taklif bu. Iloji boricha kattaroq razmerda tayyorlansa zo'r chiqadi. Agar surat tushirilgan kalendar bilan bir qatorda uforum yoki Ziyonet emblemasi bilan yana biror buyumga ham tushirilib sovg'a qilinsa yanada yaxshi bo'larmidi...

Боғча опаНигора опа, мавзуга битта опрос қўшиб ким боришини аниқлаб олайлик. Шунга қараб нима олишни келишамиз. Менимча ёзувчига календардан кўра ЛСД монитор фойдалироқ. Расмда адашмасам Samsung SyncMaster 753 ёки шунга ўхшаган бошқа эскироқ монитор турибди. Агар янги монитор олиб берсак маза қилиб янги асарлар ёзарди... Календарниям қўшворсак бўлади...

UZINFOCOM Markazi, Mas'udbek, Husniddin Ato, Komiljon Aslanov va barcha forumdoshlar sa'yi -harakatlaringiz bilan muhtaram yozuvchimiz Xudoyberdi To'xtaboyevni EZIDIYOR to'yxonasida yozuvchining 80 yillik yubileylari va Hoshimjon Ro'ziyev tavalludining 40 yilligiga bag'ishlangan tadbirga borib tabriklab keldik.

https://img.uforum.uz/images/meerpmf4209485.jpg

Husniddin Ato olgan suratlarni ko'rgan insonning ko'zi quvnaydi.

https://img.uforum.uz/images/jgexyfs8388965.jpg

Komiljon Aslanov(albatros)ning g'oyasi asosida 12 varaqlik yil taqvimi dizayni ishlab chiqildi.

https://img.uforum.uz/images/psvvdae4400912.jpg

https://img.uforum.uz/images/rpxdtpa7147037.jpg

Muhtaram adibimizga ham taqvim ma'qul keldi.

https://img.uforum.uz/images/rrylavu6396285.jpg

O'zbekiston teleradiokompaniyasining "O'zbekiston" teleknali xodimlari va tengdoshlari tayyorlagan badiiy lavhalar bolajonlarga taqdim etildi.

https://img.uforum.uz/images/iczrxvm6706405.jpg

https://img.uforum.uz/images/hdpksbu6102153.jpg

Bayram tadbiriga tashrif buyurgan barcha 300 dan ortiq o'quvchilarga Xudoyberdi To'xtaboyevning yangi- "Peshonasiga televizor yopishgan bola" kitobi taqdim etildi.

Fotosuratchi forumdoshimiz Husniddin Ato olgan suratlar asosida barcha forumdoshlar nomidan qo'ldan kelgancha "O'zbek bolalar adabiyoti qiroli" Xudoyberdi To'xtaboyevning muborak 80 yoshga kirganliklari munosabati bilan ularga kichik bir sovg'a tayyorlashga harakat qildik:

https://img.uforum.uz/images/esoahbd7270660.jpg

https://img.uforum.uz/images/qxxznpk6521264.jpg

Ilohim sevimli yozuvchimizning umrlari uzoq, ijod yo'li hamisha porloq bo'lsin. Hamisha bolajonlar uchun ko'plab sehrli asarlar yozib, ularni xursand qilib yuraversin.Ularning 100 yoshga kirgan kunini ham ana shunday chiroyli yubiley asosida birgalikda nishonlash nasib etsin.
Men esa bundan xursandmiz.

Бир оғиз хабар қилиб қўйиш қийинмиди?

Таклифномани ўқиб кўриш қийинмиди?

Тадбирларда қатнашадиганлар устоз Наим Каримовнинг юбилей тадбирида ҳам, болажонларга аталган тадбирда ҳам қатнашишди.

Оффтоп:

Мавзуни гинахонликка айлантириб юбормайлик.

Мавзуга сўровнома қўшинг, биргалашиб биронта совға олайлик дедим... Ким боришиниям, нима олиб боришниям билмай қолган фақат мен бўлмасам керак.

https://img.uforum.uz/images/eizrrgh7296142.jpg

Bugun bolalar yozuvchisi Xudoyberdi To'xtaboyevning xonadonlariga borgan edim. U kishi bir narsani aytib berdilar: Qiziq bir misol keltirmoqchiman. Latviya, Litva, Estoniya maktablarida bo'lganimda maktablarga borib o'quvchi bolalar yiqqan to-tom ertaklarni ko'rdim. Har bir o'quvchi maktabni bitirayotganda bobolari va buvilaridan kamida 50 ta ertak yozib olib qoldirib ketishi kerak ekan. Bo'lmasa shahadotnoma ololmas ekanlar. AbxaziyaningSxaltuba shahridagi bir maktab o'quvchilari ham1936-yildan buyon ertak yig'ishar ekan. Maktabda uch yuz tomdan ortiq ertak yig'ilgan, shu ertaklardn to'plab, har yili 8-10 ta kitob ham chiqarib turishar ekan".
Ushbu kitob ham O'zbekistonimizning turli viloyatlaridagi 5-6-7-8-sinf bolajonlari tomonidan bobolari va momolaridan yozib olinib yozuvchi bobojon Xudoyberdi To'xtaboyevga xat orqali yetkazilgan. Ertaklarni o'qib chiqdim. Tarbiyaviy ahamiyatga ega. Siz Iftixorga o'qib bergan ertakdan keskin farq qiladi, tarbiyaviy ahmiyatga ega. Ham qisqagina, bolani zeriktirmaydi. Jami 30 ta ertak jamlangan. Ertak aytuvchi bobojon va momojonlarning yoshi 80 yoshdan 57 yoshgacha.

Китоб келтиринг бизга

Бозорларга борсангиз,
Дўконларга кирсангиз,
Ўғлим-қизим десангиз,
Китоб келтиринг бизга.

Суратлари мўл бўлсин,
Туя, бузоқ, қўй бўлсин,
Сакраб турган той бўлсин,
Китоб келтиринг бизга.

Китоблар дунё эмиш,
Билими дарё эмиш,
Лиммо-лим зиё эмиш,
Китоб келтиринг бизга.

Ҳар кун барвақт турамиз,
Новвос боқиб берамиз,
Боғдан олма терамиз,
Китоб келтиринг бизга.

Музқаймоқ ҳам емаймиз,
Конфет беринг демаймиз,
Ҳечам шўхлик қилмаймиз,
Китоб келтиринг бизга.
1984 йил

Китобсевар ўғилнинг отасига ноласи

Ҳовлимизда буқа бор, уйимизда китоб йўқ...

Ҳафтада бир тўйлар қилардик,
Қўша-қўша қўйлар сўярдик,
Еб-ичардик, роса тўярдик,
Уйимизда йўқ эди китоб.

Тўқсон чойнак, уч юз пиёла,
Мингта коса, писта, қандола.
Яна сананг сизга ҳавола,
Уйимизда йўқ эди китоб.

Стол, стуллар бир вагонда,
Ҳам ўнгда-ю, чап томонда.
Артиб турамиз ҳар замонда,
Уйимизда йўқ эди китоб.

Тахмонда кўрпа тоғ-тоғ эди,
Олтмиш гилам бойлоқ эди,
Мақтовмас, асли шундоқ эди,
Уйимизда йўқ эди китоб.

Волга-ю, Нексиямиз бор эди,
Шинам уйлар қатор эди,
Бойликка уйлар тор эди,
Уйимизда йўқ эди китоб.

Пулларими ҳам жарақ эди,
Рўйхати нақд бир варақ эди,
Кайфимиз ҳам тарақ эди,
Уйимизда йўқ эди китоб.

Қўша-қўша буқа боққанмиз,
Қулоғига ҳалқа таққанмиз,
Семирганда пулга чаққанмиз,
Уйимизда йўқ эди китоб.

Японча, хитойча, испанча,
Кўйлагу туфли истаганча,
“Кўк”идан ҳам бор эди анча,
Уйимизда йўқ эди китоб.

Кино кўрсак қўрқув бўлади:
“Ўлдир-ўлдир”, “қув-қув” бўлади,
Кўзда ёшлар дув-дув бўлади,
Уйимизда йўқ эди китоб.

Адажоним каттакон ишда,
Онажоним меҳмон ташвишда.
Қўллари банд ҳам ёзу қишда,
Уйимизда йўқ эди китоб.

Онажоним ўйнаганда гап,
Адам бўлар чойхона талаб,
Биз кўчада гоҳо ҳафталаб,
Уйимизда йўқ эди китоб.

1993 йил

Чойхонада ўлган отам...

Ароқхўр отанинг қизини отаси ўлганида айтган марсияси

Улфатларингиз ҳам соз эди,
Бири “хўроз”, бири “ғоз” эди.
Бир-биридан мумтоз эди,
Чойхонада ўлган отам.

Масту-аласт қайтар эдингиз,
Кийим бошни йиртар эдингиз,
Чала сўзлар айтар эдингиз,
Чойхонада ўлган отам.

Эрта кетиб, кеч келар эдингиз,
Уйқусираб нелар дердингиз,
На бизларга таълим бердингиз,
Чойхонада ўлган отам.

На кундуз, на кеч кўра олдик,
Дадажоним деб суя олмадик,
Дийдорингизга тўя олмадик,
Чойхонада ўлган отам.

Сайрларга чиқсак дегандик,
Қўл ушлашиб юрсак дегандик,
Гоҳо гуллар терсак дегандик,
Чойхонада ўлган отам.

Чойхонангиз кўп салқинмиди,
Улфат фарзанддан яқинмиди,
Шу одат сизга маъқулмиди,
Чойхонада ўлган отам.

Қулоқ солинг энди бир нафас,
Онажоним киймади атлас.
Ҳам кўрмади бир орзу-ҳавас,
Чойхонада ўлган отам.

Тобутингиз оқ шамшод бўлсин,
Арвоҳингиз биздан шод бўлсин,
Чин дунёингиз ҳам обод бўлсин,
Бизни ташлаб кетган отам.

Аллоҳ сизга марҳамат қилсин,
Жойларингиз жанннатда бўлсин,
Қабрингизга оппоқ нур тўлсин,
Бизни ташлаб кетган отам...

Кеча "Сариқ девни миниб-2" кинокартинасининг премьераси бўлиб ўтди. "Сариқ девни миниб-1" га нисбатан анча қизиқарлироқ ва мукаммалроқ суратга олинибди. Болажонлар билан мириқиб томоша қилдик. Ҳатто адабиётшунос олим устоз Абдуғаффур Расулов билан китоб ва фильм ўртасидаги тафоввутлар ҳақида фикр алмашишга ҳам улгурдик. Бизнинг Ҳошимжон ҳар қандай Гарри Поттерни ортда қолдиради. Сайфиддин Мелиев ёмон қаҳрамоннинг ҳам яхши қаҳрамонга айланиши мумкинлигини эпизодик роль орқали қойилмақом ижро этибдилар. Анимация, компьютер графикаси уйғунлашган лавҳалар беихтиёр кулгу уйғотади. Бироқ барибир китобини ўқиганга етмайди. Агар асардан тўлақонли фильм яратилса, нақд 150 серияли сериал бўлиши табиий ҳол.

https://img.uforum.uz/images/fplhrjj2047255.jpg