Тушиниш қийинмас ҳаёт тарзини,
Ҳар ким, ҳар ҳил айтар дарду арзини.
Беркиниб сичқондек "чийиллагандан",
Очиқ айтган дуруст иймон фарзини.

"Иймон" дан бошлайди хар каломини,
"Иймон" деб уради доим кўксига..
Иймон юрагингда бўлсин аввало,
Огизда иймону, захлик кўнглида.

Азизим,
Не учун инсон яралдик,
Кўнглимиз сиғмаса еру самога?
Оҳ, энди шу қадар муҳаббат билан
Биз қандай яшаймиз бу тор дунёда?..
Биз нечун яралдик ёлғон дунёда?

Арз этма, йиғлама, ялиниб кетма,
Кимнингдир куйига чалиниб кетма.
Бир бор ён , бир бутун ўзингники бўл,
Минг битта бўлакка бўлиниб кетма.

(C)

Ақлсизга ақл бўлсанг сендан кулади,
Ҳатто ўзингга ҳам душман бўлади.
Баҳодир паст кетиб тенг бўлай дема,
Гап уқмас бўлса у, шундай ўлади.

Ишинг тушса, иним
Махаммадга бор,
Шоирлар ичида
Ишонганим шу.
Бироз ичишини
Айтмаса агар,
Кукси тиник бола,
Халол бола у.
Факат сал соддарок,
Факат сал ёшрок,
Лола, лолажоним,
Лолакизгалдок.

Qo’y, melislar eshitmasin,
Qo’rqinchli bir sir aytaman,
Ko’pdan beri orzuyim bor,
O’g’ri bo’lmoqni istayman!

Insonlarning orasidan
Sotqinlarni,
Vijdonini pulga sotgan
Nodonlarni
O’g’irlamoq istar edim!

Bu tuproqni kundan-kunga
Nega ortar dardi-sari…
Davlatlarning orasidan
Sarhadlarni
O’g’irlamoq istar edim!

Axir, ne ish ko’rgan bo’lsam
O’g’irlik-da ishning zo’ri,
Onajonim yuzlariga
Bevaqt tushgan ajinlarni
O’g’irlamoq istar edim!

Birisini yiqmoq bo’lgan
Ikkisining ulfatini,
Insonlarning yuragidan
Har kinini , nafratini,
Yo’lg’onini bundan unga,
Undan bunga sotganlarni,
Ikki sevgan orasida,
U uchinchi odamlarni
O’g’irlamoq istar edim!

N. Kasamanli

Men yashadim tog‘larga boqib,
Suluvlarning bag‘rini yoqib,
Yor ko‘ksiga lolalar taqib:
Davrim o‘tib keksaygan chog‘im
Bir bor eslab qo‘ygin, chirog‘im.
Muhtoj ko‘rsam chetlab o‘tmadim,
G‘ariblarni tashlab ketmadim,
Do‘stga qarshi noma bitmadim:
Nochorlanib qolsa yarog‘im
Alhol eslab qo‘ygin, chirog‘im.

Мен эсласам ёнар ёноғинг,
Балки учар бодом қовоғинг,
Балким қизир гапдан қулоғинг,
Қўй эсламай. Тинч юр чароғим.

Мен акам кулгисин қўмсаган эдим,
Ҳоридим ҳаётнинг тартибларидан.
Хотира, соғинчни симириб олдим
Ҳар томчи сувларнинг таркибларидан.
Яхшилар бор экан, яхшиям, ёҳу,
Ёмонни кўришга хоҳиш бўлмади.
Ака, келганингиз яхши бўлди-ю,
Уша ёзганингиз яхши бўлмади.

Иқрорман, бахонам олис масофа.
Минг бора ўйласам, минг бор соғинсам,
Натижа биттадир: кўнгил безовта.

Мен юриш бошладим, тугар мудофаа:
Кунми-тун, қишми-ёз, уйга топинсам,
Акангиз келди келди деб қилгум безовта...

Aldanganmi, zor yig'lar osmon,
Kiprigimda tomchilar og'ir...
Darddan zada, qayg'uga oshyon-
Yuragimga sanchilar yomg'ir,
Sanchilar yomg'ir...

Bo'g'zim ichra yonar qo'rg'oshin,
Zil ko'ksimda tuyg'ular og'rir.
O'h, o'z qo'lim mushtlagan boshim,
Bilmam, nega siypalar yomg'ir,
Siypalar yomg'ir...

Tor dunyoning to'rt tomonida,
Xiyonatlar yoygan keng tomir.
Nopoklarning kir tovonida,
Asrolmayman, yanchilar yomg'ir,
Yanchilar yomg'ir...

Umr-bir qur telbalik darsi,
Vujud-avval, ruh esa oxir.
Nomardlarning kasofat kasrin,
Yog'ar yuvib farishta yomg'ir,
Farishta yomg'ir...

Sen samoviy hur, inja hilqat,
Har qatrangda Haq vasli zohir.
Kel, tomchingda o'ldir-u, faqat
Tomchilarga ko'm meni, yomg'ir,
Ko'm meni, yomg'ir.