***

Минг бир дарду ғамдан ғариб урёнман,

Жигар-бағри куйгун кабоб бирёнман.

Бағрим ёқар алам: кўз мардумидек

Кўзим ичрасан - кўролмай гирёнман.



Абусаид АБДУЛХАЙР

Nigori gul badanimni tushimda ko`rsam edi,
Labi shirin shakkarimni tushimda ko`rsam edi.

Ko`z ochmayin g`amidin ro`zgorim o`tquvchidir
Ki, yori siym tanimni tushimda ko`rsam edi.

Nodira

Икки дарё ўртаси кенг дастурхон,
Туз тотгансан, тузлуғингни унутма.
Дастурхонни белбоғ қилиб ўстирган
Ўзбек ўғли ўзлигинигни унутма!

Садарайҳон букилгани-сўлгани,
Эр йигитнинг эгилгани-ўлгани.
Йўл бермагил душманларга кулгани,
Ўзбек ўғли ўзлигинигни унутма!

Иқбол Мирзо

Ana , menga qarab turgan surating,
Yana isming yozilgan dastxat...
Ha esimda... sening odating,
Ermak qilib topasan rohat...


Alisher Asror

Тонглар отар, кунлар ботар,
Шафоатдан йўқ дарак.
Ёзлар ўтар, кузлар ўтар
Умр ўтар жон халак.

Яшамоқ не йўлга қараб-
Наҳот шудир муҳаббат?
Сендан кечдим, сендан бездим
Энди кутма ҳеч шафқат
..Уч кун дединг, беш кун дединг,
Ойлар ўтди келмадинг...


Фарида Афрўз

...Gar bulbul bo`lsa-yu , gulzor - oshyon yo`q,
Gulzorga bulbuldek sayroqi jon yo`q.
Bir buyuk el bo`lsa faraz qil do`stim,
Boshini qo`ygani tuproq, makon yo`q.
Bir elga, bir Vatan bo`lmasa qiyin.

(C)

Паҳлавон Маҳмуд Аллоҳни назарда тутиб айтган шундай сатрлари бор:



Ниҳон ҳам ўзингсан, ошкор ҳам Ўзинг,

Тафаккур лол-ҳайрон асрор ҳам Ўзинг.

Васлига муяссар айлар ошиғин,

Сеҳру меҳри бисёр дилдор ҳам Ўзинг!

Gurs etib qadamim tashlab ketolmam,
Bir so`zla ko`zlaring yoshlab ketolmam,
Qalbimni, dilimni toshlab ketolmam,

Sening sog`inchingdan ayrilolmayman,
Sendan o`zgasiga qayrilolmayman!

Bugungi sovuqlik omonat deyman,
Hali iliqliklar tumonat deyman,
Gumonlar, gumonlar hiyonat deyman,

Sening sog`inchingdan ayrilolmayman,
Sendan o`zgasiga qayrilolmayman!

Bir so`z bor yurakni yaqin etguchi,
Bir nigoh ko`zlarni chaqin etguchi,
Bir umr daqiqa sayin ketguchi,

Sening sog`inchingdan ayrilolmayman,
Sendan o`zgasiga qayrilolmayman!

Alisher Asror

На олтин, на жавоҳир эдим,
Соддагина бир шоир эдим.
Зуҳро бўлмасанг ҳам чиройда,
Мен ишқингда нақд Тоҳир эдим..

Гуноҳим не? Жангда бўлганим,
Қон кечганим, юз бор ўлганим?
Дийдорингни унутолмайин,
Ўлимлардан ҳатлаб келганим?..

Базмларнинг гули бўлганинг
Ёлғон бўлса, боқ-чи кўзимга.
Мақтовларнинг қули бўлганинг-
Ёлғон бўлса, айт-чи ўзимга...

Миртемир ("Суръат")

Ассалом, мeҳрибон, мeҳридарё дил,
Овозлари майин, бeғубор кўнгил,
Соғинчдан кўнгилга сиғмаяпти қил,
Тушингизга киргим кeлди, онажон.

Ёнингиздан жилмай, қувончга тўлиб
Дунёларга сиғмай, қийқириб, кулиб,
Биз зумга бўлса-да, ёш бола бўлиб
Орқангиздан юргим кeлди, онажон.

Айтар гапларим ҳам кўпдан зиёда,
Йиғлолмасдан ёшлар ичимда шода.
Қўнғироқ қилибмас, бугун рўёда,
Ҳолингизни сўргим кeлди, онажон

Ичим жимирлайди, хавотир тинмас,
Бeмeҳр ўғлингиз қадрингиз билмас,
Ҳар кун тавоф айлаб, расмингизнимас,
Ўзингизни кўргим кeлди, онажон.

Тунлар ухлолмасдан ҳалак бу жоним,
Мeҳрингизни қўмсаб бир зумга тинди.
Қўллари дуода - жон Онажоним,
Шу кeча мeн Сизни жуда соғиндим.

(c)