Имкон қадар изладим фойда кўрмадим,
Сихга тортиб гўштин анинг,маза қилмадим.
Қарға- зоғнинг гўштларидан кўнглим айнир,
Мен инсонман,гўштим ширин,яна билмадим.

Мен ёмонни,ёмон қилган ўзинг жоним,
Севмайман деб айтаётган сўзинг жоним.
Майли қанча яширмагин дил розингни,
Севишингни айтиб бўлган кўзинг жоним.

Минг бора кўзлари "Севаман!" деди....
Кўз қалбнинг ойнаси. Севдим шубхасиз.
Балки мен англардим бор хақиқатни,
Бир бора кўзимга боқса линзасиз...

Зулфингни кўрарда ишқ деган туйғу келар,
Ҳуснингни кўрарда ойга ҳам кўзгу келар.
Руҳим очилур гул каби чеҳрангни кўриб.
Билдингми, кўнгилга не ажаб орзу келар?


Собир Термизий

Руҳсорингни кўрмоқ буюк орзуим,
Суратингга термулиб, туравераман,
Сен яшар манзилинг асли бир кадам,
Маккатиллога ҳам боравераман.

Не боис бошимда балойи ҳижрон?

Кулиб жавоб берди жонажон жонон:

"Кўзингман, не ажаб кўрмасанг асло,

Жонингман, кўринмас жон ҳам, эй нодон!"


Абусаид Абулхайр

Нокасдан сир беркит, дилингно боғла,
Аблаҳдан яширин бўлмоқни чоғла,
Кишилар жонига ўз қилимишинг кўр,
Сен ҳам шунга кўз тут, шуни сўроқла.

Умар Хайём

Аҳмоққа аҳмоқлигин айтмагин зинҳор,
Устингдан кулади,ўзинг деб бемор.
Гар сени севмоғин истасанг дўстлар,
Дўстим,дунёда синиқ бўл,қолгани бекор.

"Ротор", "Робот", "Радиатор",
"Резонанс", "Ромб", "Резистор"...
Хуллас мендек мухандисга,
Шоирликка нима бор...

Рафиқдирсан, рости билмам рақибдирсан
Бахтдан масрур дўст излаган ҳабибдирсан?
Ким бўлсанг ҳам инсондирсан дўстсан балки
Дардли дилни даволовчи табибдирсан?...

ким бўлсанг ҳам инсондирсан..инсондирсан..

Нихоят англадим. Мен ҳам сиз каби. Лекин сиз менданда соддароқ дилсиз.
Юрагим осмонга олиб чиққандим. Барибир етмадим сиздек олисга.
Мен сизни олисдан излашим хато. Аслида сиз менга якинроқдирсиз.
Мен содда бўлолсам учратармидим, ишонсам ишқданда соддароқ ҳисга?

Аҳли ишқ оҳидан наво топ, эй дўст,

Ёр дарду ғамидан даво топ, эй дўст.

Бир қадам кифоя васли ёр учун,

Қутлуғ қадам билан сафо топ, эй дўст!

Баҳоий

Топмадим излаб анингдек,содиқу вафодор бир дўст,
Бўлғучи малҳам дардима,доимо ёнимда бор бир дўст.
Шоҳ эдим,бўлдим гадо,лек бир анга қилмади фарқ,
Онаизордек яқинроқ,топмадим жисмимга зор бир дўст.

Тил азоб чекар ҳар ёнда: - хатолар.
Ўзбекнинг Оллоҳи Аллоҳ аталар.
Жўқийлашиб кетдик "Баҳру байт"лар ҳам,
Шеър мавқин кўтаринг опа акалар.

Роса ўрганибсизларда жўқий сўзини,
Қўлингиздан келаркан ёзинг ўзингиз,
Шоир бўлмасак ҳам эплаб ёзяпмиз.
Роса жонга тегди жўқий сўзингиз.

Зўрларга хавасдан бахру байт қилдик,
Машқимиз завқимиз ёнмоғи учун.
Қийшиқни туртганга тўғри бўлмайди,
Дурадгор яхшидир йўнмоғи учун.

Не учун керакдир бунча гап ковлаш,
Кимнингдир қалбини беҳуда доғлаш?
Қўлингдан келмасми ҳечқурса жим тур -
Кимнингдир кўнглини юпатмоқ, чоғлаш..
..

Назм - аъло , сўзнинг олтин тожидир,
Кўнгилларнинг юксакка ривожидир,
Сўзи ширин, лафзи гўзал каслардан,
Дунё рози, осмонлар ҳам розидир.

(C)

Шукрким, дўст кўпки асло ёв кўрмадим,
Жабрким, чин дўстки беаёв, кўрмадим.
Сабрким қилмоққа дўстдин ғов кўрмадим,
Ғанимким бўлмоққа имкон тополмаслар...

Рақиблар сўзига бардош берурман,
Туҳмату ғийбатга жавоб айтурман.
Ва лекин дўстларим отса зарра тош -
Ёшимни тийолмай йиғлаб ўтурман.

Изоҳ: Хато бўлса, узр сўрайман, аммо адашмасам ушбу шеърни муаллифи менингча Шуҳрат эди..шекилли?..

Nega jonima jafo qilursan?
Vaqti o'ldi agar vafo qilursan.

Jonim chiqadur firoq o'tindin
Dardimg'a qachon davo qilursan?

Ul zulfni solma yuzung uzra,
Kim yuz bila ming balo qilursan.

Bo'ynungda qonim, ki bizni, ey ko'z,
Xo'blar bilan oshno qilursan.

Jondin ilikingni,Lutfiy, yuvg'il,
Chun ishq bila marhabo qilursan

Наманган шаҳридин, дўстлар, менинг ёронларим келди,
Отам бирла онамни билгучи меҳмонларим келди.

Шижоат бобида ҳар қайсиси бир Рустаму Суҳроб,
Адолат тахтиға минган бу кун султонларим келди.


Иноятли, диёнатли, яна ҳам муршиди комил,
Ҳама ориф, ҳама содиқ, ҳама ирфонларим келди.

Аларминг хоки пойи кўзларимга тўтиё, Машраб,
Чароғимни мунаввар қилғучи хоқонларим келди

Ишонмагин,берган гулинг сўлган десалар,
Ҳижронларда паймонамни,тўлган десалар.
Висолингни раво кўрсанг,гар келолмасам,
Шунда фақат ишон мени,ўлган десалар.

Руҳим талпингани,Сизни топганим,
Оллоҳ нигоҳини Сизга қаратсин.
Ягона ўтинчим Оллоҳдан бу кун,
Сиздай инсонларни кўпроқ яратсин...!

Нола қилгум Яратгандан,сенга бахт тилаб,
Кўз тегмасин,менга изҳор этган сўзингга.
Мен ҳам сени шундай севай,балки ортиқроқ,
Бир кун келиб,топшираман ўзни ўзинггга.

Азизим қалбимнинг чироғи сизсиз,
Кўзимнинг нурию қароғи сизсиз,
Севгимнинг чашмаси,булоғи сизсиз,
Шу булоқ сувидан қонгим келади.

-----------------------------------------------
Илк севгим гулининг раъносисан сен.
Гузаллар ичинда аълосисан сен.
Хаётим мазмуни,маъносисан сен.
Юрагинг оташида ёнгим келади.

Ишқнинг кўзи кўрми шунчалик?
Баъзи дилни овлар икки бор.
Нахот кўрмас дайди бу овчи,
Қайси бир дил унга интизор?

Ростин айтсам куйдиради ишқнинг олови,
Ёлғон айтсам топилади қорнинг қалови,
Шунинг учун дўзах, жаннат чорлайверади,
Жаннат топсам куйдиради дўзах лов лови.
(С)

Ишқ олови дейди кимдир, кимга эса муз.
Кимга бу ишқ рохатбахшдир, кимгадир армон.
Ёндириб кул қилмоқ бўлар мени ҳам хануз,
Чунки ишқнинг ўзи менга ошиқ бегумон.

Не бўлди фироқ ичра зиёним, сўрама,
Не чекди куйиб ғамингда жоним, сўрама.
Нелар кўйида учди фиғоним, сўрама,
Не бўлди ишим, шудир жаҳоним, сўрама.

Адиб Собир Термизий

Азалий даврада чарх уради ер,
Муштарий азалдек чақнаб турипти...
Беш аср сўнгида буюк Алишер
Баҳри муҳит аро кезиб юрипти.

Э.Вохидов.

Ишқ аҳли олам аро,анингдек ёри аълони кўрмади,
Нур сочар гул чеҳрасидин,ул каби зебони кўрмади.
Мен ғариб куйдим кўйида,тополмай кўнглин анинг,
О фалак!Дунё менингдек,дарди бе давони кўрмади.

(С)

Ичкилик ичмоқ учун ишрат макони не керак,
У маконда йўқ гўзал - андайин они не керак,
Май маконда жонга озиқ, жон олур унда гўзал,
Бир гўзалсиз бу маконда Журъатга жони не керак.

Кимса бормуким мен каби,ҳижрон аро девона бўлган,
Севгану,лекин етолмай,борлиқ аро афсона бўлган.
Ул гўзал олис маконда,ҳеч боролмай бечораман,
Борму мендек бир бегона,тупроқ аро сарсона бўлган.
(С)

Hигохларим калбимдек махзун
Туб-тубига мунг котган кунглим
Айтолмайман кийнама мени
Нега хадеб сурайсан синглим?
Калбим чекди канча озорлар
Чил-чил синган бу менинг кунглим
Унутмокчи буляпман лекин
Сенчи хадеб кийнайсан синглим

Юрагимда канча яралар
Унутмай туриб яна тирналар
Гулдай нозик ох нозик кунглим
Кунглим сураб кийнама синглим

Муҳаббат, бу-ялт этган нигоҳ
Ва ҳаловат абас, дегани.
Муҳаббат, бу-ўзингни севмоқ
Ва ўзгага хавас дегани.

Ҳаёт иси келар исмидан,
Ҳаётингни кесса-да зимдан,
Муҳаббат, бу-куй тўла зиндон,
Атиргулдан қафас дегани.

У-қуёшдир, ета олмассан,
У-кўз ёшдир, тута олмассан.
Муҳаббат, бу-кета олмасдан-
Жон талашган нафас дегани.

..Тарихларни бузган қудрати,
Ёруғликдан ўзган суръати.
Муҳаббат, бу-бахтнинг суръати,
БАХТНИНГ ЎЗИ ЭМАС, ДЕГАНИ,..



Узр муаллифини билмадим..

Ишқнинг кўзи кўрми шунчалик?
Бир висолга берар минг хижрон.
Муҳаббатнинг сўқмоқларида
Икки дилни қилади сарсон.

Muallifi: Iqbol Mirzo.