Бугун 1 апрел! Оддийгина қилиб айтсак, ҳазил ва мутойиба куни. Форумдошларимизнинг аксарияти қувноқ, ҳазилкаш ва бирозгина қитмир эканликларини инобатга олсак, уларда 1 апрел билан боғлик бир-биридан қизиқарли таассуротлар, хотиралар бўлиши аниқ. Келинг, бугун шулар ҳақида суҳбатлашсак.
2007 йилнинг 1 апрели. Шоу бизнесга ўралашиб юрадиган курсдошим телефон қилиб, ўша кунга Феруза Жуманиёзованинг концертига 2 кишилик текин чипта борлигини, аммо ўзи кира олмаслигини таъкидлаб, ёнимга биронта шерик топиб 19.00 да “Ҳалқлар дўстлиги” (ҳозирги “Истиқлол”) саройига келишимни тайинлади. Тўғрисини айтсам, унинг текин чипталар билан кўп бора сийлагани учунми ҳеч иккиланмасдан яқин одамларимдан бирини олиб, айтилган жойга айтилган вақтда етиб келдим ва курсдошимга қўнғироқ қилдим. Менинг келганимни эшитган заҳоти унинг шарақлаб, тинимсиз кулиши ҳамма нарсани ойдинлаштириб юборди. Бахтимга ёнимда чиптага етарли пул бор экан, ҳамроҳимнинг олдида уялиб қолмаслик учун ими-жимида кассага кириб билет олиб чиқдим ва “мириқиб” концерт томоша қилдим. :( :)
|
