Ayroliq tugarmi tugab azoblar?
Visol onigacha bormi hisoblar?
Ko`yimizga qachon chiqar oftoblar?
Bu savollar bag`rim tilsa na qilay!?

Yiqildingmi? Ko'zlaringda buncha alam
Usti boshi chang ko'rmagan erka bolam.
Shiddatingni shamoliga
Hushing bir zum shaydo bo'ldi.
Sening ravon yo'llaringda
bu tosh qaydan paydo bo'ldi?
Yoki aqling ketganmidi
Endi toshlar qolmagan deb?
La'natlading bolam meni-
-Yo'ldan toshni olmagan deb...

U.Azim

Билдим, қаноатнинг манзили Худо,
Билдим, саодатнинг тунлари ялдо,
Томирда ИШҚ деган алам уйғонса
Бошингга балодир, балодир, бало,
БИЛДИМ!

Эҳтимол, сочларим шабнамга ювдим,
Тонг чоғи, гул чоғи, дил чоғи сармаст,
Хар тола домига кўнгилни илдим,
Хушсиз,
СИЗСИЗ,
ҲЕЧ КИММАН!
БИЛДИМ!

Фарида Афрўз

[MOD]Gulchehra opa!
She'rning muallifi garchi uforumda qatnashmasalar ham forumimizning she'riyatga oid mavzularini doimiy ravishda kuzatib boradilar. Shunga ko'ra, iltimos, mualliflarni ham ko'rsatib o'tsangiz.
Agar she'r muallifi o'zingiz bo'lsangiz u holda she'rning pastiga o'z ismingizni yozsangiz.
Mualliflik huquqini suiste'mol qilmaylik
[/MOD]

Meni avf eting va menga,
Bunday xumor ko'zla tikilmang.
Sirli so'zlar aytsangiz, kulsam
Qizning ko'ngli bor deya bilmang.
... ... ...

Meni avf eting va sira
O'ylamang yo'q deya sevgani.
Uyalaman axir har kimga:
Sevganim bor mening, deganI

U.Abduazimova

Ishq bu olov , kuydim demang parvona bo`lmaguncha,
Bir so`z demangiz Mashrabdan devona bo`lmaguncha,
Sevgi vodiysida bo`lmas , kibri-g`ururi baland,
Yorga sazovor bo`lmas ul. ostona bo`lmaguncha

Alisher Asror

Avval ostonangizga asta qadam tashlayman
Izhorlarim Mashrabi devonadan boshlayman.
Parvona emasdirman, ishq o'tida yongani
Shu alanga tilida raqsga tushib yashnaymaN.

(c)

Nozik tabiatingiz aytib turar to`rt satr,
Olovning tillarida o`ynagan ishqqa asir.
Qadamingiz kulbamni albat nurga ko`majak,
Yo quraymi sizga deb kattaroq saroy – qasr?

Alisher Asror

Розимасман, ёш томса гар кўзимдан,
Розимасман, сал ранг кетса юзимдан.
йўл юрсам-у, сал йўлимдан адашсам-
Розимасман унда тамом ўзимдаН!

Nolimasman, ko`zimda gar yoshlar bor,
Nolimasman , yurakda zil toshlar bor.
Odam Ato adashgan bu o`lkada,
Tangri bergan fazilat - bardoshlar bor!

Alisher Asror