Игали овулида эшитганимдек,
Гўзал аёлни деб кавказлик ошиқ.
Учқур тулпорига берганича эрк,
Ўтармиш тоғлардан ел каби ошиб.

Дерларки, бир золим, буйруқпараст шоҳ
Сабаб бўлган эмиш дув-дув, миш-мишга-
У гўзал аёллар қошида ҳар чоғ
Бошини қуллардай эгар эмиш, ҳа.

Жавоб бергин ўзинг, холис ўқувчим,
Хассослик эмасми - севгида мардлик?
Гўзал аёлни деб рақиблар мамнун
Дуэлга чиққанлар қадни тутиб тик..

..Аёл ҳусни билан зебодир замин,
Файзнок - у сочган нурда, зиёда.
Ва мен шу нарсага бўлдимки амин,
Жозибасиз аёл йўқдир дунёда.

Расул Ҳамзатов

***
Агар саховатдан гап очилса гар,
Сенинг инъомларинг ёзиб ташлайман.
Сахийлик санъату сен унда заргар,
Қайбири қолди деб бошим қашлайман.

Ўз айбларим менга достондай аён,
Сендан айб излашга ҳеч кимда ҳақ йўқ.
Бош уриб тоғларга бормайин қаён,
Ўз тилим ўзимга отилгайдир ўқ.

Ҳаёт лаззатидан шароблар ичдим,
Бу сенинг азобинг, ситаминг эди.
Мен фақат ўзимдан чиқолмай қочдим.

Атрофда нодонлар “Сен аҳмоқ” , деди,
Майли мен ноҳақлик қурбони бўлай,
Фақат сен ҳақ бўлсанг бўлди, айланай.
(С)

Йиғлагинг келдими, майли йиғлаб ол,
Дардларинг тўкилсин кўз ёшларинг-ла.
Сенга қалб керакми, келгил унда қол,
Ундаги ғамларни дардга қўшиб ол..

Кўтара оласанми бу оғирликни?..

Изладим изларинг сийпалаб,
Саробдан сув ичиб тўймадим.
Бахтимни тополмай ийманиб,
Адолат излашни қўймадим.
(С)

Мағрурсан ҳа,
Сен фақат менга мағрурсан,
Бошқаларга ювош, ҳатто меҳрибон.
Йиллар ўтиб борар йиллар ортидан,
Сен эса қошимда мағрурсан ҳамон.

Жуда соз,
Ҳуш кўрмайман мен
Қаршимда бировнинг таслим туришин.
Лекин ўзгаларга шундоқ бўлгин сен,
Менга оғир ботар улар олдида
Мағрур юришинг.

Дилдан ўтинаман,
Мағрур бўл лоақал ёлғиз мен билан.
Мен сени севмасман ожиз, хафаҳол.
Йиллар учиб ўтар йиллар ортидан,
Барча мағрурлигинг сенинг - МЕН УЧУН,
МАҒРУР БЎЛИБ ҚОЛ!

Ўлжас Сулаймонов

Латиф жамолингга истеҳком - ғурур,
Истеҳком пойида бир мажнун турур.
Қанча ишқ, изтироб , истак - пойимол,
Сенинг борлигингдан у эса масрур...

(С)

Розиман, ул ғурур бўйни узилсин,
Кўйингда кўз ёшим маржон тизилсин..
Минг битта армондан куймагин ёрим
Бўлишим шу асли, шу асли борим..

Шабнам

***
Мана, булбуллар ҳам "Қуръон" ўқийди,
Уларнинг Қуръони муҳаббат мадҳи.
Ҳар бир қурт ўзича шеърлар тўқийди,
Улар ҳам ёнади дилида дарди.

Мен тиниқ осмонга тикилдим толиб,
Бутун вужудимда зангори оҳанг.
Ёнимда қизғалдоқ ҳайратда қолиб,
Этаги йиртилди, билсанг онажон.

Мен ҳам ўзимча бир мадҳия тўқиб,
Дилдаги пўртана расмин чизаман.
Туну кун қоридай шеърларим ўқиб,
Ўз қалбим торини ўзим узаман.

Бир гулнинг васфида китоблар битиб,
Умрим хазонига тож қўяй ибрат.
Менга гул дил берса ханжарлар ютиб,
Сенга мадҳ ўқийман яна муҳаббат.
(С)

..Турарди шай қабрлар аро
Ажал, ҳудди танобчига хос.
Боқиб жонсиз юзимга бежо,
У бўйимга чуқур ўлчар мос.

Тортар алҳол ҳамманинг ҳушин
Шу ўртадан бир овоз пойдор.
Янграр эди менинг товушим
Аввалгидек сокин, улуғвор:

"Алвидо, эй зарҳал ва нилий
Гумбазлари товланган эҳром.
Ёрлақагин караминг ила
Менга қисмат чалганида жом.

Алвидо, эй йиллар -ўксик, лол!
Рози бўл, ғам-ғуссага жонин
Туҳфа қилиб яшаган аёл!
Эдим муҳораба майдонинг.

Алвидо, эй руҳим сарвати,
Парвоздаги дамлар, алвидо.
Сўзга кўчган олам талъати,
ИЖОД ДАРДИ, ҒАМЛАР, АЛВИДО!"

Борис Пастернак

Орзу яқин сизни кўрмакдан,
Ҳаёлимни тута олсам бас...
Шунда бўлиб бахтга ёр , ҳамдам,
Бу ишқ ичра абад қолгум маст.

Оҳ, сиз мендан шунча узоқда,
Умрча йўл камлик қилса-я,
Интилсаму ета олмасам,
Ета олмай паймон тўлса-я.

Талпинаман ёлқин бир нурга:
Балки ўша нури-зиё - Сиз,
Юзингиздан тушган шуладир,
Балки боқиб турган кўзингиз !?


(C)

Замин фарзандисан, не даркор осмон,

Инсон тафтин фақат олади инсон.

Остона - меҳвари жаҳон даврасин,

Мард бўлсанг, меҳварга фидо айла жон.

Шавкат Бухорий

Ne desang yoningda, qara yaxshiroq,
Istaging shu yerda tuzikroq bir boq.
Senu mendan qolar g'urbatxonada,
Chaman bolib yasha , ko'ngillarni yoq!

(C)

..Қундуз телпак кийган чавандоз.
Учқур бўлар тоғ йигитлари,
Яна рашкчи уларнинг бари,
Сен улоқда ўзгил улардан,
Бир йигитдай рашк ҳам қиларсан?
Учқур бўлар тоғ йигитлари.
Огоҳ бўлгил яна бир сирдан,
Сен курашга тушарсан қирда,
Совриндорни йиқитганинг дам,
Отам сенга қилгайдир карам.
Сен курашга тушарсан қирда.
Шу шартларни бажарсанг, ўғлон,
Жайрон кўзга фидо бўлсин жон.
Сўнг рўмолим олсанг, майлига.
Бизнинг тоғда қолсанг, майлига,
Шу шартларни бажарсанг, ўғлон!

Халима Худойбердиева

Нихол каби нозик кулларинг,
Буйнимга печакдек чирмашиб олса,
Бахор гунчасидек ширин ва тотли,
Лабингдан лабларим бир буса олса,

Армон нелигини билмай утардим,
Бир умр ёнингда колиб кетардим.

Кузларинг мисоли жайрон кузлари,
Нигохинг тобида куйдирар жоним,
Жонгинам кел узинг,ошик сузлари,
Айтилса сен учун,булмай армоним,

Армон нелигини билмай утардим,
Бир умр ёнингда колиб кетардим.

Юракка буюриб,булмас десалар,
Азобинг хеч качон,битмас десалар,
Баходир,севганинг сотмас десалар,
То абад ёнингдан кетмас десалар,

Армон нелигини билмай утардим,
Бир умр ёнингда колиб кетардим.

Баходир.

Баходир кушаков, форумга ўз ижод намуналарингизни жойлаштиришингиз яхши, албатта. Бироқ "қоғозга ўралмаган", бемаъни "яланғоч" фикрли шеърларни ушбу жойда жойлаштириш шартмикан?!..
Ижод аҳллари "андиша" деган миллий туйғуларимиздан мосуво бўлишмаса яхши бўларди.
[MOD]Интернет майдони-бу "хабарларнинг чиқит майдони" эмас.[/MOD]

Nevaram quyunday otilib kirib,
Qalamim tagidan qog‘ozni yular .
Damda varrak yasab ko‘kka uchirib,
Izidan qop-qora ko‘zlari yurar,

Varrak tortar shekil, murg‘akni kuch-la
Oyoq tirab siltar dakani kibor
Ayrilib qog‘ozdan, she’rdan va hushdan
Boqaman varrakboz jonga baxtiyor,

Naq bobosi siyoq zehnday tiyrak,
Ko‘kish alangada yonar sochu qosh.
Borlig‘i ezgu bir o‘t bo‘lsa kerak,
Tomirlarda qonmas, kezadi quyosh.

Daka varrak tiniq zangori fazo
Tubiga intilar, sho‘ng‘ir naq xayol.
Talpingan ko‘ksingda, bolakay ne bor,
Sen iqbolga, senga ne tutar iqbol?

Nevara bo‘lmasa, odamzod albat,
O‘zi kashf etardi, kashf etganday baxt.

Zulfiya.

Takovaringg'a bag'ir qonidin hino bog'la,
Itingg'a g'amzada jon rishtasin rasan qilg'il.
Firoq tog'ida topilsa tufrog'im, ey charx,
Xamir etib yana ul tog'da ko'hkan qilg'il.
Yuzung visolig'a yetsun desang ko'ngullarni,
Sochingni boshdin-ayog' chin ila shikan qilg'il.
Xazon sipohiga, ey bog'bon, emas mone'
Bu bog' tomida gar ignadin tikan qilg'il.
Yuzida terni ko'rub o'lsam, ey rafiq, meni
Gulob ila yuvu gul bargidin kafan qilg'il.
Navoiy, anjumani shavq jon aro tuzsang,
Aning boshog'lig' o'qin sham'i anjuman qilg'il.

Оффтоп:

"L" harfi bilan odamni qiynab qo'yasizda, Gulchehra opa!

La’natlab bo‘lsa ham, qarg‘ab bo‘lsa ham
Har kun tilovatda aytilar nomi.
Uning bosh suqmagan joyi kamdan-kam,
Ichilgan har qadah uning ham jomi...

Deydilar, norasta go‘dakni hatto
Uyquda qitiqlab kuldirar emish.
Salgina g‘aflatda qolsang mabodo
Qilmagan ishingni qildirar emish.

Shaytonning hunari chindan rang-barang,
Sallani paytava qilib o‘ratgay.
Agar sidqidildan ko‘rsatsa nayrang
Nodonni shoh qilib, yurtni so‘ratgay.

Minoda Shaytonni qildik toshbo‘ron,
La’natga ko‘mildi badbaxt u lain.
Dedik, shuncha yukning ostidan Shayton
Ming yillar chiqolmay yotmog‘i tayin.

Shodumon yo‘l oldik Vatanga qarab,
Shayton qoldi, deya chuqurda-choxda.
Manzilga qaytgandik, Shayton, voajab,
Bizni kutib oldi tayyoragohda

A.Oripov

..Ammo bildim.
Siz butkul boshqa!
Buloqdirsiz – sokin va beg’am.
Anglamaysiz, bir kuni aytmay,
Poyingizda suvsab o’lsam ham.

Yo’q, bu ishqni ko’tarolmaysiz,
Sizni ezar tahqir va ta’qiq.
Bu dunyoda eng go’zal sevgi,
Hamisha xor, mahkum, mustahiq!

Keting,
Sizga ehtiyojim yo’q!
Sevsam endi sevgum O’limni.
Yana ming yil yashasangiz ham
Tushunmaysiz, afsus, ko’nglimni…

Zebo Mirzo

Минг бор узр.Биздан утибди.

Баходир.

Izlab topolmayman birorta taftni,
Sensiz har qadamda urilib toshga.
Ko'ksimda hech narsa ildiz otmabdi,
Egallagan o'sha chechakdan boshqa.

Halima Hudoyberdiyeva

SO'NGGI UCHRASHUV


Avval hayron qolding, quvonding, kulding,
Jim qotding. Ko’zingga yosh olding birdan.
So’ng begonaday menga termulding,
Yig’i nuqsi urgan nigohing bilan.

Xavotir ichida deding: „Men ketdim...“
To’xtading. Xo’rsinding. Jo’nading shitob.
Kuzgi chorbog‘ aro yo’qolding, yitding,
Atlas liboslarga belangan sarob.

Avval hayron qoldim. Beparvo kuldim.
Jim qotdim. Go’dakday yig’ladim birdan.
So’ngra begonaday ko’kka termuldim –
Men hanuz falakka begonadayman...


Usmon Azim

* * *
Никоҳ ўқилади арши алода,
Демак биз гуноҳга қодир эмасмиз.
“Севиб улгурмаган, қўйинг, болада”,
“Севиш болаликми, наҳот севмаймиз”?

Ўзингсан яратган эй қодир Худо,
Гуноҳлар дафтарин манглайга битиб.
Нега ялинтирдинг айт деб илтижо,
Мана яшаяпман тинмай ялиниб.

Кел жоним бағрингга сингиб кетайин,
Тангри буюрандир менга севишни.
Агар севишганлар бўлса бетайин,
Мен тинмай бажаргум бу гўзал ишни.

Яланғоч туғулдим бу ҳаёт сири,
Совугач танамни иситсин дўзах.
Жаннат деб аталмиш Тангрининг гули,
Мен ундан кулгайман, қилгайман мазах.

Дўзахда ҳаёт бор, тинмай ёнасан,
Севги онларини эслайсан ёниб.
Ҳурларда жинс ҳам йўқ, бари хунаса,
Мен яшаш истайман севгида ёниб.

(С)

Маҳмуд ака! Аввало узр: Аммо, ушбу жумлалар манга умуман ёқмади!http://uforum.uz/images/icons/icon12.gif Ё балки тушунмадим..?? Булар аввал қаердадир ишлатилувди шеклилли,..изоҳ талаб қилинувди, чамамда?..Тўғри, уни Сиздан ўтказиб ҳеч ким изоҳлаб беролмайди.http://uforum.uz/images/icons/icon7.gif


Лекин мана бу сатрлар учун жавоб ёзаман:

Демак, "Б"ҳарфига:

***
Асрлар расмидан жой олган,
Даҳшат худосининг чексиз сиймоси,
Кичкина оддий бир сўз бор,
Унинг тагида кўплар уввоси,
Бу сўз даҳшатлидир
Унинг номи дор.

Омма томошога талпинди шу он,
Унинг кўзларида қувонч ва туғён.

Замонлар ўзгариб ранглар ўзгарди,
Даҳшат худоси ҳам ўмбалоқ отди,
Ранглар жилосида дорнинг рангги ҳам,
Қилич ва кундага айландиб қотди.
Қиличда чопилди сўзлар жилоси,
Кундага урилди қоннинг уввоси.

Омма чапак чалди, дарё оқди қон,
Очкўз бу оммага керак эди нон.

Яна замон ўтди, ўтди асрлар,
Шоҳлар нон тарқатиб базм беришди.
Ўзини билмаган ландаҳур омма,
Яна томошога зимдан эришди.
Энди сўз судларда жонини берди,
Судларни уйида кўрарди ҳамма.

Очкўз омма алданди яна,
Энди у куларди уйда бачкана.

Дору қиличларни ихтиро қилиб,
Неларга эришдинг бани одамзод.
Бугун кун аслида Лондонда туриб,
Озод Африкани уриб йиқитдинг.
Наҳот сен шундайин абад қоласан,
Томошога ўч бир нодон боласан.

Ҳамон чапак чалар бу очкўз омма,
Ҳаммамиз кирамиз бу сўзга “ҳамма”.

(С)

Аз беадабон канора будан адаб аст,
Аз аҳли адаб сухан шунидан адаб аст.
Бар беадабон тарки адаб нест адаб,
Бо беадабон адаб намудан адаб аст.

Шайх Исомиддин Иброҳим

To'yganmidim shodlikni ichib,
Kelganmidi hatto ishq malol,
Aytolmadim: - Azizim, kechir...
Qichqirmadim: - Ketmasang-chi! Qol!

Yolg'izlikning ulkan zalvori,
Bozar - qalbim tortadi mayda.
Endi qaro tunga yolvorib,
Shivirlayman: - Qaydasan, qayda?

Endi beishq begonalarga
Oyoqosti bo'larkan jonim,
Men xushomad qilib ularga
Jovdirayman: - Iltimos, qoling...

Usmon Azim.

***
«Гадолардан сўраб садақа,
Бойларига бераман ўзим»
Айш, ишратдан юрагим зада,
Мусибатда тилайман тўзим.

О, халойиқ, беғам, бепарво
Юришларни ҳадя қил менга.
Ҳаёт ўзи минг дардга даво,
Гадоларга кераксиз танга.

Бир қошиқ қон тиладим сендан,
Ахир бу ҳам бир инсон хуни.
Тилаб олган пиёлам синди,
Пешонамда бир қулнинг куни.

Шоҳларига садақа бериб,
Гадолардан тиланиб ўтдим.
Аслин олсам меҳробдан туриб,
Оломоннинг қўлини ўпдим.

На бир меҳр, на бир шафқатни
Билмас асли ушбу оломон.
Ҳотамликдан юрагим қотди,
Ҳадя бермай ўтди бу замон.
(C)

Yig‘la, ko‘zim, yig‘la, kulmasman ortiq,
Ko‘ngul do‘sta ketar, kelmasman ortiq.

YUNUS EMROning ushbu satrlar bilan boshlanuvchi sheri bilan javob:

..Na g‘am bunda manga ming bor o‘lsam
Onda o‘lim bo‘lmas, o‘lmasman ortiq.

Yonsin jonim, yonsin ishqing o‘tina,
Oqsin qonli yoshim, bilmasman ortiq.
Mani irshod etgan murshidi komil,
Yetar, bir qo‘lni ham olmasman ortiq.

Borligim yo‘qlig‘a tenglashmish manim,
Bugun jona bunda qolmasman ortiq.
Fanodan baqora ko‘ch aylar bo‘ldik,
Yo‘naldim shul yo‘la, do‘nmasman ortiq.

Muhabbat bahrining g‘avvosi bo‘ldim,
Kerakmas Jayhuna cho‘mmasman ortiq.
Tilarman fazlingdan ayrilmasimni,
Tangrim sandin o‘zga sevmasman ortiq.

So‘ylar oshiq tilindan buni Yunus,
Qachon oshiq esam, o‘lmasman ortiq.

Қўлни тутинг ёғмоқда қор,
Ҳар донаси мендан салом .
Дилимдаги бу дард-асрор ,
Тафтингиздан эрир тамом.

Киприкларга қўнсин момиқ ,
Чақнаб турсин юлдузингиз .
Қўлни тутинг, оппоқ борлиқ
Безатади кундузингиз. .

Қўлни тутинг, кўз ёшларим,
Ёмғир эди, қор бўлибди.
Соғинчларда ўртанган дил,
Интиқ эди, зор бўлибди.


(C)

Istaganlar, bizni sahroi baloda istangiz,
Vodiyi hijron ila dashti fanoda istangiz.

Vomiqu, Farhodu Majnundeklar ul vodiy aro
Bo'lsalar paydo, meni ham ul aroda istangiz.

Yuz alarning ishqicha dardu, balou g'ussag'a
Tolib el boshig'a kelgan mojaroda istangiz.

Eyki, istarsiz savodul vajh fiddorayidin,
Boxabar bo'lmoq meni yuzi qaroda istangiz.

Ko'nglim ul zulf ichradur, zinhor ishqim sharhini
Istamang men telbada, ul mubtaloda istangiz.

Nuqta yanglig'kim, vafo uzra qilur kotib raqam,
Ishq o'tining dog'ini ahli vafoda istangiz.

Og'zi shavqidin Navoiy itti, oni istar el,
Yo adam dashtida, yo mulki fanoda istangiz.

(мабодо мазкур ғазалда айрим камчиликлар бўлса, аввалдан узр..)

Zamona kulfatidin bu ko'ngil dog' o'ldi, dog' o'ldi,
Bu charhi bemuruvvatdin ko'ngil dog' o'ldi, dog' o'ldi...

Uvaysiy

Iymonning nafasi,
shuurda to'lqin,
E'tiqod nigohi chorlaydi birdan.
Sarson ruh dunyodan kechishi mumkin,
Voz kechmas boqiylik-abadiy nurdan...

Akmal Tosh

На вақтда ҳаловат, на ором жонда,
На дилда суруру, на файз маконда,
Кетмоқчи бўламан ўзимдан қочиб,
На куч бор, на имкон, на шиддат қонда...


(С)

Ayollarni seving,
erkalang, avaylang,
Hey!
Do‘stlarim,
erkaklar —
Arslon yuraklar!
Sizga maslahat:
Bir umrlik
malika saylang,
Malikasiz na shohlik bor,
na saltanat...

...Do‘stlarim, erkaklar —
Arslon yuraklar!
Ayollarni avaylang,
e’zozlang,
baxtin so‘roqlang,
Hatto,
kerak bo‘lsa yoqlang,
Balolardan saqlang,
Seving,
ardoqlang!

Ramz Bobojon

***
Гулнинг ўз фасли бор баҳор аталмиш,
Обрўнинг тиланиб тургани ёмон.
Чирқираб куйлайди най бўлиб қамиш,
Донога нотавон келганда замон.

Золимлар ичида аслида золим
Вақт деб аталади билсанг эй инсон.
Нодон жоҳилни ҳам кечир илоҳим,
У ҳам бир дунёга чап келган меҳмон.

Фақат илҳомнинг ҳеч оғзин ёпмагин,
Дардини куйласин бу ожиз қалам.
Ожизлар дунёдан шафқат топмаган,
Бунга гувоҳликни беради олам.

Иффат тозалиги виждон муҳридир,
Қўрсликка менгзама ҳар бир ҳақ сўзни.
Тарих ҳақиқатни қилмайди таҳрир,
Баҳор, йиғлатмагин гул бўтакўзни.

(С)

Изладим бир-бир жаҳонда ҳар неча бўлса китоб,
Кўрдиму хаттингни, дедим, муддао бу ердадур.

Зебунисо

Rizo mulkidaman, halqumni tuttum tig’I Akbarga,
Bu yo’lda siynai poki Zabunullog’a sig’mamdur.

Agarchande ziyorat qilmadim men Ka’bayi zohir,
Tariqat hojisidurmanki, Baytulloga sig’mamdur.

Gahi bo’ldum faqiru, gohi shohu, gah gadodurman,
Ajab devonaman, fardoki mahshargohg’a sig’mamdur.

Maqomi hayrat ichra gohi xudman, gohi bexudman,
Junun bozorida mastmanki, istig’nog’a sig’mamdur.

Gah o’rus, gohi cherkas, gohi mo’min, gohi tarsoman,
Ne kavnayni miyoni lou illollog’a sig’mamdur.

Mudom miskin erurman chun g’uloming – Mashrabingdurman,
Meni bechora bu dunyo bilan uqbog’a sig’mamdur.

Ризо бўлсалар агар, кулбасин кужига сиғгайман,
Тақмоқ исташса, ўзни узук кўзига йиғгайман.

(С)