Ишларим жойида. Кучага чиксам,
Йулкадан жунасам, одобим саклаб,
Мошинлар тухтамай утар ёнимдан,
Шухлик хам этишмас арикдан хатлаб.

Жунасам- хазилу хузуллар бекор,
Улкан юрагимни жойлаб танимга.
Дарахтлар йул узра туришар катор,
Гуё чикишгандай олий таълимга.

Ишларим жойида. Дунё режаси
Гар-чи тушмаса-да юрагимга мос.
шеърлар шивирлайди бахор - кечаси,
Кузига термулсам куз айтади роз.

Миям чирок каби ёнаркан тунда,
Бошим атрофида парвона мисол.
Олис дунёлардан-олис туткундан
Айланар садолар, айланар савол.

Гар чексизликнинг бир заррасиман,
Аммо карамасдан кенглик раъйига.
"Дунё, сен нимасан?"- тинмай сурайман.
Жавоб тополмайди. Ишим жойида.

Усмон Азим

Ayriliqni o'ylasam,
Tomirimda oqar qon.
Ko'zlaring haqqi qasam,
Sensiz kun yo'q, Qizlarxon.

Ichganim qasam ekan,
Quchganim tizzam ekan.
Qizlarxonning ko'nglini,
Koshki, bilmasam ekan.

Sovg'a qilgan ro'molim,
O'ramayman dedi u.
Ko'rishganda ahvolin,
So'ramayman debdi u.

Qizim hali yosh-ku, deb,
Otasi qo'ymas ekan.
Balog'atni, yaxshilar,
Yashirib bo'lmas ekan.

Har bir bosgan iziga,
Ta'na qilib o'tadi.
Ro'molini yuziga,
Pana qilib o'tadi.

Ayriliqni o'ylasam,
Tomirimda muzlar qon.
Ko'zlaring haqqi qasam,
Sensiz kun yo'q, Qizlarxon.

Holvasidan totganman,
Sumalak yalamayman.
Qizlarxonni topganman,
Boshqaga qaramayman.

Birga bog' kezsak ekan,
Nok uzib yesak ekan.
Sevgi yo'q, deb aytganing
Og'ziga kesak ekan.

Iqbol Mirzo

Nima bosib turar
Yelkalarimni-
Bandam turmasin deb
Dunyoda bekor?
Bir-bir sanab chiqqin
Telbalaringni-
Hammadan ilg'orga
O'tdimmi jabbor?

Onam o'tmagaydir
Besavol ammo,
Yana javob talab-
Keldim qoshingga.
Ne uchun osmoning
Har kun - bexato
Qulab tushaverar
Mening boshimga?

Usmon Azim

Ay, ko'ngilni qitiqlagan erka gul!
Ay, olamni ko'mgan orzu-sirga, gul!
Qayga desang, men ketarman birga, gul!
Sen ham mendek dardga xaridormisan?

Oy ham kulcha ko'rinarmish ochlarga,
Bulut ko'rpa bo'lib zor-muhtojlarga.
Tashna dilu ruhi yalang'ochlarga -
Birdek tansiqmisan, madadkormisan?

Jonim gulim, o'tinaman, so'lmay tur,
Dunyo yashnaganda hazon bo'lmay tur.
Meni yetim qilma, ketma, o'lmay tur,
Sen ham mendek dunyodan bezormisan?

Iqbol Mirzo

Нечун, жоним, кўзларингда нам?
Нечун йиллар қийнадинг ўзинг?
Дардларингни кўрамиз баҳам,
Ҳақиқатдан юммагин кўзинг.

Қанча кутдим гоҳида чидаб,
Гоҳи сендан қилиб андиша.
Мажбур бўлдим ўзимни алдаб,
Яшаб юрдим кулиб ҳамиша.

Қалбим-чи, у йиғлар эди жим,
Қайғуларин этмасди ошкор.
Фақат розинг кутди юрагим,
Қадамингга бўлиб интизор.

Кўзларингни яширма мендан,
Сўзинг тинглаб, қараб тўймайман.
Меникисан. Энди ҳеч қачон,
Ҳеч кимсага бериб қўймайман.

Mas'ud

Не учун кунглимга етди
Инграниб зор шарпаси?
Бу хаёл кузгусида
Пайдомидир ёр шарпаси.

Мен мухаббат шавкида
Олам аро хушбахт эдим-
Келдиму чарх фаслининг
Сайрида инкор шарпаси.

Чархи золим хукмида
Менда итоат йук эрур-
Гох газаб терс мавжланур,
Гох тулгонур ор шарпаси.

Рост суз кук хакда шу:
Осион панохлик этмагай-
Гох бевакт босгай жала,
Гох титратур кор шарпаси.

Ох, уйин этгай фалак-
Юлдуз ишора мул эрур-
Ким кунгил йулидаким
Босгайдир ошкор шарпаси.

Куйлагин, оним маним,
Дилни хисобот айлаким,
Келди вакт- соз устига
Кулка турур дор шарпаси.

Юзга босма панжаким,
Олам, вокиф улгин бу кун,
Хакка етгум - тилда "ох",
Кунглимда икрор шарпаси.

Усмон Азим

Ishonma...
Aldadim...
Oyni childirmadek chalganim yolg'on,
Zufof kechasiga kelinni chorlab.
Barmog'imdan sirqib, tomchigan qondan
Erib bitgani yo'q nayzador qorlar...

Eshigi zichlangan bu mening hujra,
Tushimga kirmading nurdek sirg'alib.
Ajdaho komiday zulumot ichra
Men g'arib.
Sham yonar sarg'arib.

Zumurrad tonglarim senga armug'on,
Quyoshni puf-puflab tutib edimmi?
Uchqur xayollarim bo'lsin arg'umoq,
Uchib kel, uchib kel, uchib... dedimmi??

O'ylasam, dilimni kuydirgan olov,
Kuylasam, tilimni qonatgan paykon,
Quchsam, quchog'imni chok etgan abro',
Mening imkonimga sig'magan imkon... dedimmi?

Oyni childirmadek chertganim yolg'on
Nikoh kechasiga o'zingni chorlab.
Yurak gup-gup urar. Bir hovuch talqon.
Endi hech kim buzmas tinchingni, zorlab...
Ishonma...


Iqbol Mirzo

Ayqashgan, chalkashgan changalzor - Hayot,
Yuzimni, bag'rimni tildi chakalak.
Tikan azobidan tovonda faryod,
Og'riqdan mast kabi yurdim chayqalib.

Yashab ko'rganim yo'q- yo'llar noayon,
Odimim- jonsarak- noxos tajriba.
hayot changal tilda so'zlarkan biryon,
faqat fido onim etdi tarjima.

Borarkan changalni yorib manglayim,
Tushlarimga kirdi tekis sayhonlar.
Tirik yurganimga hayron-angrayib,
O'limimni kutdi noqisa hayvonlar.

Bobolar nigohin yelkamda sezdim,
- Adashdim!.. - Qichqirib so'radim ko'mak.
Havoda bir so'zning sharpasi kezdi:
- Yurak... Yurak... Yurak...
- Aniq ayt!
- Yurak!..
Horib gulxan yoqdim qorong'ulikda,
shiddatni birlahza charchoq o'ldirdi.
Changalzordan chiqdi o'zligim tikka-
Dilimga ilashib shundoq o'ltirdi...

Usmon Azim

Ism boshqa xolos, jismu-jon bitta,
Bir-biriga zimdan qarashar ekan.
Ba'zisida yurak, oshqozon bitta,
Shular ham goh ovqat talashar ekan

Iqbol Mirzo

Нега қайғуларга берасан имкон?
Нега кўз ёшларинг асло тинмайди?
Ғурбат дунёсини этибсан макон,
Қалбинг умид хиссин асло билмайди?

Рухингни чўктирма, бос олға қадам,
Дунё гўзаллиги – қалбингга далда.
Ғамлардан қувонч-ла олгин сен алам,
Ва ҳаёт бошлагин айни шу дамда...

Мен эса...
Билмайман қайда бахтсизлик,
Бахт билан чегара жойда туради.
Тушунмам қалбимни хатто ўзим ҳам
Нима у, кўксимда доим уради?..

Mas'ud