"Қаловини топсанг қор ҳам ёнади", деганларидек,..http://uforum.uz/images/icons/icon7.gif аслида "сўзлашгим келади"..деб бошлангувчи мисраларни.."гаплашгим келади" сўзлари билан алмаштирилдиhttp://uforum.uz/images/icons/icon7.gifhttp://uforum.uz/images/icons/icon7.gif, яъни мослаштирилиб, ўйин қоидаларига андак ғирромлик қилинди, узрhttp://uforum.uz/images/icons/icon7.gifhttp://uforum.uz/images/icons/icon7.gif

Иккимиз ҳам яна йўқолиб қолдик,
Соат милларининг сояларида,
Сен Зуҳро, мен Тоҳир, ҳушёр бўлайлик,
Севги –сандиқ –ҳаёт қояларида.
(С)

Азал тақдир экан бир кун йўқолмоқ,
Тақдирнинг қўлидан насиба олмоқ..
Пешона ёзуғи, ёзуқ шу ахир
Ёзуқда йўқ экан Сиз билан қолмоқ..
(с)

***
Қалбга сурма суриб бўяманг, санам,
Уни бошқалардан яширмоқ керак,
Оламда очиқча яшамасдим ҳам,
Бурнимда булоқи, атадим зирак.
(С)

Ким ошкор, ким пинхон қилмоқ истайди,
Аслида нима фарқ, топилади чўп.
Булсайди имконсиз сир сақламоқлик,
Бизлардан ўрганиб такрорловчи куп.

Паргор ўнг оёғиман,
Ҳаёт унга чап оёқ.
Мен уни қўйган билан
Ул мени қўймас йироқ.
(С)

Қаердадир нотинч кeзар хаёлим,
Нимадир йўқотиб қўйгандeк бeжо.
Туманлардан боши гаранг иқболим,
Зиёни қидириб, қилар илтижо.

Қаердадир қисмат юлдузим порлар,
Гарчи кўзларимдан жудаям йироқ.
Билмадим, қачон у ўзига чорлар,
Билганим – охири кўринмас фироқ.

Қаердадир маъюс кeзар дарбадар,
Мeҳрсираб қолган ошуфта кўнглим.
Кимдандир кутганча соғинчли хабар,
Тақдир йўлларига тeрмулмоқда жим.

Қаердадир баҳор гулларин очиб,
Йўлимга поёндоз этмоққа тайёр.
Минглаб қаҳратондан нeча йил қочиб,
Умрим кўкламларга бўлган интизор.

Қаердадир мeни излаб, интиқиб,
Баъзан ўйчан,
баъзан парвойи палак -
Баъзида сиқмаган жонини сиқиб,
Ҳадик ҳам соғинч-ла урар бир юрак.

Қаердадир, хаёл исканжасида,
Руҳим соғинчларга кўмилиб қолди.

(c)

Изладим изларинг сийпалаб,
Саробдан сув ичиб тўймадим.
Бахтимни тополмай ийманиб,
Адолат излашни қўймадим.
(С)

Маҳшар куни ошиққа бўлак кор бўлмас,
Ёр юзига боқмас эрса ул, бор бўлмас.
Васлинг кўйидин биҳишт сари бошласалар,
Бормасмен, агар ваъдайи дийдор бўлмас...http://uforum.uz/images/icons/icon14.gif

Абдулло Ансорий

***
Сўнгги бор саждага бош қўйсам агар,
Самодан термулиб қараса қамар,
Ҳайҳот, деб солинчак чўзмоқ шарт эмас,
Тақдиру азал бор - ягона самар.
(С)

Рост сўзни сўзласам, ёлғон-у, дединг,
Бўлиши мумкинмас, гумон-бу, дединг..
Кўнглингга йўл топдим рўёдан сўйлаб,
О, қалбинг бунчалар уммон-ку, дединг..

Гулҳан - ёнган қалбдан тушган соядир,
Муҳаббат кўнгилга суянч, қоядир,
Майли кўчамиздан ўтманг , азизим,
Баҳтиёр юрсангиз , шу кифоядир.

(С)

Aylanadi charxpalak, guldiraydi tegirmon,
Umr o‘tar suv kabi, bug‘doy misol to‘kilar.
Un ko‘tarib qaytayotgan befarzand Yoqub polvon
Simyog‘ochga suyanib yig‘laganin kim bilar?..
Do‘st, tirnoqqa zor bo‘lma, ko‘rmagil tirnoqcha g‘am,
Har yili ko‘ztumorlar osilsin beshigingga.
Mening ham elkamdagi yukimni olsin bolam,
Ramazon aytib borsin bir kuni eshigingga.

Iqbol Mirzo

Ажали етмаса улмаган жонлар,
Хижрондан тириклар азоб тортади.
Ишкида куйдим деб айтса ишондим,
Улдим деб суйганга шубхам ортади..
(С)

Ишқ боғининг ниҳоли ғам, бари ҳирмон эмиш,
Қилмағай эрдим бу гулшанни тамошо кошки.

Қилмағай эрди кўнгул ишқин хавас, бас тилга ҳам
Кечмагай эрди анингдек лафа асло кошки.

Киши ёлар кўйида умри шариф этгунча сарф,
Қилғай эрдим масжиду меҳроб аро жо кошки.

Ихтиёр эт ўзга иш, Бобурки, ҳосил бўлмағай,
Ишқу васлу айш ила ишратдин илло, кошки.

Ишқнинг кўзи кўрми шунчалик?
Юракка ўк отар бенишон.
Гоҳо дардли ошиқ дил кулиб,
Гоҳо қувноқ дил чекар фиғон.

Ишқнинг кўзи кўрми шунчалик?
Танламайди қалбингдан макон.
Ёш танламас, хуснинг танламас.
Танламайди на он на имкон.

Ишқнинг кўзи кўрми шунчалик?
Кўрмас танинг дардини хатто.
Ахир қандоқ ишқ ханжарини,
Юрагингга урар бехато?

Ишқнинг кўзи кўрми шунчалик?
Бир висолга берар минг хижрон.
Муҳаббатнинг сўқмоқларида
Икки дилни қилади сарсон.

Ишқнинг кўзи кўрми шунчалик?
Баъзи дилни овлар икки бор.
Нахот кўрмас дайди бу овчи,
Қайси бир дил унга интизор?

Ишқнинг кўзи кўрми шунчалик?
Ёки менинг кўзларим басир?
Ким бўлдию қурбон, ким нишон?
Билолмасман ким кимга асир?

(C)

Рост экан гўл ишқнинг кўзи кўрлиги,
Пешона гоҳида талх ё шўрлиги..http://uforum.uz/images/icons/icon7.gif
Ишқнинг кўзи сўқир бўлмаса ахирhttp://uforum.uz/images/icons/icon7.gif
Мен сенинг кўнглингга бўлмасдан асир..http://uforum.uz/images/icons/icon9.gif

(Ч.Б)

деб ўқилсин илтимос..

* * *
Ранг олами мафтун айлаган,
Рангларга мот кўнглим дилбари.
Бу дунёнинг шаклин англамам,
Маъносини англаган сари.

Бир қатра нур беради жило,
Мен билмаган кўнглим рангига.
Нур нелигин билмайман асло,
Сиғинаман тинмай Толега.

Ранг изладим “рангсиз бир ҳолат”,
Шаклларни англамоқ бўлдим.
Учиб юрган тинмай хаёлот,
Имконсизлик бўғади ҳалқум.

Маъно излаб ҳатто шаклни
Англамайман, ўтиб бораман.
Танимадим энг азиз ҳурни,
Шаклим дору ўзим дордаман.
(С)

Русмиз, молдаванмиз — замин биттадир,
Ҳиндумиз, испанмиз — биттадир ҳаёт.
Киприкда томчидек қалқиб турган ер
Букун сену мендан кутмоқда нажот.

Эркин Воҳидов

Тиларман васлини тинмай неча йиллар юриб сарсон
Бориб айтинг ўшал ёрга жудоликдай бало бўлмас.
Агар машъуқ юзин кўрмоқ бу дунёда раво бўлмас
Агар минг йил наво қилсам, Сенинг дардинг адо бўлмас..

Сен-мендан олдин ҳам тун-кун бор эди,
Айланга фалак ҳам бутун бор эди.
Тупроққа авайлаб қадамингни қўй,
Бу тупроқ қора кўз бир нигор эди.

Умар Хайём

Ишқ атаб куйлайсиз боғда райхонни,
Севги деб атайсиз гулни, япроқни.
Мен содда, ишқни хам куйлай олмайман
Мен севгим келади чўлда янтоқни.

(С)

Инсон умри асли-азал бир тутам,
Бас, шод яша етса-да сенга қанча ситам.
Акл аҳли билан бўл, бу вужудинг асли —
Тупроғу шамолу яна оташ ила нам.

Умар Хайём

Майли, бу йўлларда чоҳ бор, азоб бор,
Майли, сизга етмоқ бўлса-да, душвор,
Ҳатто васлингиздан бўлмай умидвор,
Хиёнат қилмасман, минбад азизим!..

Муҳаббатга зорланади ташна юрагим,
Тополмайин ишқ сахроси ичра бир булоқ.
Сарсон юрар висол излаб тунамоқ учун,
Йўлларида вафо бўлиб ястанар қумлоқ.

Орзуларга зорланади хаста бу кўнглим.
Ёр васлини сароблардан тополмай ночор.
Кунлар қуёш сирдош бўлмиш армонларига,
Тунлар дардин хилолага этади изхор.

Армонларга зорланади жонсиз вужудим,
Кўз ёшлари қум бағрига сингмаган дарё.
Тушунмайди, ёлғизликдан кўр бўлган қалбим,
Муҳаббатнинг орзулари армонли дунё.

(С)

Ёлғизлик Худога ярашар фақат,
Инсон яккаликка қилолмас тоқат.
Дўстингни номин айт, қил менга шафқат-
Кошкийди, битта жон жўрангни билсам..

Қувса рашк аталган бир ёвимизни,
Озроқ тортиб қўйса “жиловимиз”ни,
Яраштириб қўйса икковимизни
Кошкийди битта жон жўрангни билсам?!..


(Х.Б)

Мен келдим, шул шаффоф сўзимни тониб,
Мен билдим, юракдан Ватанни севмоқ —
Беланчак осилгап толларни ўпиб,
Чақалоқ кўзига ҳалол термулмоқ...

Муҳаммад Юсуф.

Мана,булбуллар ҳам Қуръон ўқийди,
Уларнинг Қуръони муҳаббат мадҳи.
Ҳар бир қурт ўзича шеърлар тўқийди,
Улар ҳам ёнади дилида дарди.

Мен тиниқ осмонга тикилдим толиб,
Бутун вужудимда зангори оҳанг.
Ёнимда қизғалдоқ ҳайратда қолиб,
Этаги йиртилди, билсанг онажон.

Мен ҳам ўзимча бир мадҳия тўқиб,
Дилдаги пўртана расмин чизаман.
Туну кун қоридай шеърларим ўқиб,
Ўз қалбим торини ўзим узаман.

Бир гулнинг васфида китоблар битиб,
Умрим хазонига тож қўяй ибрат.
Менга гул дил берса ханжарлар ютиб,
Сенга мадҳ ўқийман яна муҳаббат.
(С)

Tepadan boqaman,manglayda qo'lim,
Boqaman pastdagi mo'jaz qishloqqa.
Qishloq tabiati naqadar so'lim,
Qushlarin ovozi yangrar quloqqa.

(c)

Ajib bir tarona qushloq ustida:
Qo'ylarning ma'rashi, itning hurishi,
Buvining allasi, qizning kulishi,
Dalada traktor omoch surishi...

Ишқим мани тошга тушди,
Тошнинг эса кўнгли йўқ.
Кўп савдолар бошга тушди
Тушларимнинг ўнги йўқ.

Қасос хаволарин очлик билан ют,
Гарчанд ситорасан, нафис аёлсан,
Менинг гумоним йўқ кетмоғига ўт,
Сен агар «ўт кетсин» дея қўзғолсанг...

Ҳалима Худойбердиева

Гоҳо маъюс, ғамгин боқувчи,
Дилгинамга олов ёқувчи
Сирларингиз ошкор чақувчи-
Кўзингизни севаман Сизни! .

(Ч.Б)

"Issiq-sovuq" qildi yorim arazlasam,
Shundan sovuq, issiq nima, yonidaman.
"Issiq-sovuq" qildi yorim. Arazladim,
Endi issiq, sovuq nima? Konidaman!

Не хушки, жаҳондин кечибон кетгайсен,
Манзилга пушаймонсиз агар етгайсен.
Ҳар нечаки айласанг — бугун айла адо,
Чун эртага нотавон қолиб, нетгайсен...

Абу Али ибн Сино

***
Не бир дунёларни тинмайин кездим,
Ҳавасларим ортди кўрганларимдан,
Иштиёқ ўтига ўзимни отдим,
Ўзимни ёққаним сезмаганимдан.
Дард чекиб дилимга даволар топдим,
Дардманнинг дардига бўлолдим малҳам,
Яхши ва ёмонни оч итдек қопдим,
Шахсий тубанлигим элдан ёполсам.
Доро бўлиб босдим турклар давлатин,
Зулқарнай ёнимда ип ҳам эшолмас.
Иуда синггари дунёни сотдим,
Қайбир иштиёққа малҳам тополсам.
Ҳаммани англадим, ҳарни англадим,
Ҳарна балоларни тушундим чоғи.
Фақат бир нарсага ақлим етмади,
Нега Бахлул арабнинг гулламас боғи.
Герострат устоздан ўтмоқчи бўлдим,
Боғдоду Каъбани ёқишга тайёр.
Ошиқ олчи бўлса ғурурга тўлдим,
Ҳаммага мақтандим, фалончи айёр.

Ҳамон ўзлигимни излайман чопиб,
Бу оғир иш экан, чунон ҳам чунон.
Тангри бермаганни бўлмаскан топиб,
Кетиб бормоқдаман дунёдан ҳайрон.
(С)

Нафис чайқалади бир туп наъматак
Юксакда, шамолнинг беланчагида.
Қуёшга кўтариб бир сават оқ гул,
Виқор-ла ўшшайган қоя лабида
Нафис чайқалади бир туп наъматак...

Ойбек

Куюниб най йиғлайди,
оҳанглари сел қилар,

Оҳанг ичра тўла дард
юрагимга йиқилар...

(С)