1

О, телба юрагим, тентак юрагим,
Синфдош гузалга эрмак юрагим.
Сен истаб, мен мажбур кирган бу богдан,
Насиб этмади гул термак, юрагим.

Гул деб топганимиз тиконлар булди,
Шеър деб айтганимиз фигонлар булди.
Биров далли деди, биров девона,
Акли бутлигимиз гумонлар булди.

Тилим етган жойга кулим етмади,
Дунё етди менга, гулим етмади.
О, телбам, тентагим, ошик юрагим,
Кутдик, хатто бизга улим етмади.

2

Мен хам йигит дедим, мен хам мард дедим,
Юрагим, кузингни дарров арт, дедим.
Бизнинг кадримизга етмади бу киз,
Шахарга кетамиз, енди хайт, дедим.

Хали излаб борар ортимиздан у,
Шахарда тентираб овора булсин.
Ким кузга иларди, кишлоки кизни,
Ундан-да гузаллар борлигин билсин.

Кирк ёнда кирк пари икковимизни,
Култиклаб юрганин йиглаб кузатсин.
Жахлдор отаси уни бизгамас,
Узидек тупори эрга узатин.

О, хали курасан икковимизни,
Изимизни кузга суртади бу киз.
Козондаги оши, човгумда чойи,
Егани, ичгани булади афсус...

3

Ун йил утди, хали унутмадингми?
Бунча щам йиглоки булдинг, юрагим!
Унинг ку-у-уп фарзанди, менинг углим бор,
Барибир хар сахар уни сурадинг.

Тугри, айтганчалик машхур булмадик,
Кизлар карамади, хатто кайрилиб.
Топган-тутганимиз узимизники,
Факат шоир булдик, ундан айрилиб...

4

Бугун у бизларга пешвоз чикади,
О, бечора юрак, бардам бул энди.
Кузига узингни бахтлидек курсат,
Бир кун йигламагин, бир кун кул энди.

Узингни шундайин бепарво тутки,
"Сиз кимсиз, биз сизни танимадик", де.
"Хамма синфдошлар ёдимизда бор,
Биз сизни синфдош санамадик", де.

Ёзган шеърларимиз сизга эмас, йук,
Бошка гузалларга аталган деб айт.
Хотирдан чикибсиз, унинг йулига,
Улкан муз тоглари кадалган деб айт.

Биз ун йил йигладик, у хам бир марта,
Йигласа йиглабди, девона булиб,
Факат бир кун чида. Кейин майлига,
Иккимиз йиглаймиз шахарга келиб.

Бахт бу - сенсан, бахсизлик - бу мен,
Кетмокдаман, кочокка йуйма.
Мен узимни топиб келгунча,
Сен узингни йукотиб куйма.

Вохид Лукмон

Azaldan loyimni qorganda Xudo,
Bilardi fe'limdan ne bo'lur paydo.
Hukmidan tashqari emas gunohim,
Ne uchun mahsharda beradi jazo.

Olisda oy botmaydi aslo,
Quyosh doim nurin sochadi.
Unda hukm surar oliy Baxt,
Yomon doim yo'ldan qochadi.

Olisda suv oqadi tiniq,
Yer yuzida ko'rinmaydi gard.
Har insonning yuzida kulgu,
Ular uchun bilinmaydi dard.

Olisda yosh to'kmaydi ko'zlar,
Mehr bilan boqar tabiat.
Sevishganlar ulug'lanarlar,
Inoqlikda yashar jamiyat.

Olisda kun bo'yi bulbullar,
Parvarishlab o'tar gullarni.
Muhabbatga oshno qalblar,
Sehrlaydi mudom dillarni.

Olisda men kabi Majnunlar,
Gullar tutar Laylilariga.
Jonlarini to'kib berarlar,
Suyuklisin mayillariga.

Olisda gul ulashar bahor,
Gul ufori olamni tutar.
Umr to'lib borar mazmunga,
Qalblar abad yasharib ketar.

Olisda yoz qaynoq taftini,
Bizlar bilan baham ko'radi.
Mo'jaz rangga bo'yab olamni,
Go'zallikdan tortiq qiladi.

Olisda kuz xazonrezgida,
Muhabbatga bo'yaydi bag'rin.
Mayin shamol entikib unda,
She'rlar aytib erkalar bargin.

Olisda qish oppoq qorlarin,
Muhabbatga o'rab to'kadi.
Sevishganlar baxtli boshiga,
Oq niyatli qordan tegadi.

Olisda ishq atalgan tuyg'u,
Quyosh kabi nurlarin sochar.
Ikkimizdek sevishganlarga,
Baxtli hayot quchog'in ochar.

Rizqim tosh bo'lsa ham, halol et - qand qil,
Meni mendan qutqar, O'zingga band qil.
Tubanda yuzimni yo'qotayozdim,
Meni yuragimdan boshlab baland qil.

Behzod Fazliddin

Muhabbatim, ketma....
 

Muhabbatim, ketma....
Tuni bilan yog'di yomg'ir baxs boylashib ko'z yoshimga,
Sel yuvadi g'uborlarim, dard quyilar bardoshimga,
Qora tunda qora bulut aylanadi sirdoshimga,
Nega senga "ketgin" dedim, sen ham ketding Muhabbatim?

Nega bir-bir tashlab ketdi qalbim suygan yaqinlarim?
Nega bir bir o'char bo'ldi mehr nomli yolqinlarim?
Qayda qoldi dilimdagi quvonchlarim, toshqinlarim?
Nechun sendan kechar bo'ldim, sen ham kechding Muhabbatim?

Yo bardoshim etmasmidi? Taslimmanmi xijronlarga?
Adashdimmi yana qayta mehrim berib insonlarga?
Yoki yana aldandimmi taqdir degan dostonlarga?
Seni tashlab men ketdimmi yoki senmi Muhabbatim?

Seni ko'rmay suygan bo'lsam ko'r qalbimni suyarmiding?
Orzularim bilganingda sen ham armon tuyarmiding?
Isming aytib jonim bersam zarra bo'lsa kuyarmiding?
Ketma desam qabrimda ham qolarmiding Muhabbatim?

Yomg'ir yog'ar sel sel bo'lib, savollarga yo'ldosh bo'lib...
Chaqmoq kabi portlay deyman, dod solaymi ko'ksim to'lib?
Bulut to'sgan hilol kabi ruhim borar asta so'nib,
Men ketgandek tashlab seni umrim ketar Muhabbatim...

Alisher BEK
Hindiston. Yomg'irli qora tun.
20 Mart, 2007 yil.

PS: Bahrubaytga so'z topolmadim. Uzr so'rayman.

Maysaday uyg'ondim tog'lar bag'rida,
Yellar beshigida topdim halovat.
Tog'lar asrab keldi qishlar qahridan,
Kiyiklar tilidan uchdi salovat.

Buloqbola bo'ldim- tiniq nigohi,
Diydamdan o'tdilar turfa qadamlar.
Gohida yig'latib, kuldirib gohi
Ko'zlarimni ochib qo'ydi odamlar...

Behzod Fazliddin

Ruhim koinotni tark etguncha
Jonginam sizni sevaveraman,
Men sendan na boylik, na zeru-zevar,
Oltin taqinchoqlar qimasman da’vo

http://sheriyat.vo.uz portalidan...

Ошиқсан?
Наҳот тушунасан севги каломин?
Қалбинг муҳаббатга бўлмиш ошино?
Музлик дунёсини тарк этиб бугун,
Сўзлайсан бевафо эканин дунё?

Кечирим сўрамам – қалбим покиза,
Севганим эмас-ку, ахир гуноҳим.
Воз кечиб ишқингдан, меҳрибонгинам,
Бошқадан топгумми энди паноҳим?

...Севиш, севилишдан бўлганман маҳрум,
Билмам...недан юрак ишққа совуққон?
Шеъримда уни мен этиб тараннум,
Аслида бегона яшайман, ҳайрон....

...Ҳаётим бугунин сўзладим, мана,
Эртасин қуришини ўйлайман махзун,
Ишқнинг китобини очаман яна,
Яна мен Фарҳодман...Яна мен Мажнун!


2006, ноябрь... Firdavs