Kecha yangilik eshitib men hursand bo`ldim, faqat men emas, hamma o`qituvchilar hursand bo`lishdi desam xato qilmayman. Baraka topgur ta`lim va`zirimiz o`qituvchining ahvolini yaxshilashga har xolda ancha ish qilb qo`yibdilar. Qog`ozlar yozish minimumga tushibdi, ya`ni, o`sha faqat zarur bo`lgan hujjatlar yoziladi (qog`ozlar emas :) ). Necha yildan beri ahmoqona shaklga solib qo`yilgan baholash tizimiga o`zgartirish kiritilishi nazarda tutilayotgan ekan, eshitib hursand bo`ldik, ammo hali bularning bari loyiha emish, ahmoqona narsalar bir pasda hayotga tadbiq qilinadi, yaxshi narsalar esa negadir uzoq yo`l bosadi, ammo shunisiga ham hursandmiz. Bu haqda kimda to`liq ma`lumot bo`lsa o`rtoqlashsangiz yaxshi bo`lardi.

Эсимда, ўқитувчимиз дарсга қўлида журнал билан кириб келарди. Ўқитувчи ва журнални алоҳида-алоҳида тасаввур қилолмасдик ҳам. Қаттиққўл устоз столига ўтирар экан, йўқлама (э-келинг, шуни борлама дейлик) ни бошларди. Дарсга келмаган ўқувчиларга минус қўйиларди. Бундан-да, даҳшатлиси дарсни ўз вақтида қилмаганимиз учун “2” олиш ва унинг журналга босилиши нақ фожеа эди. Ҳа, мактаб ҳаётининг темир қонуни шу! Бугунчи? Келинг, бугуннинг айрим манзараларини тасвирлашга уринамиз

Ёш ўқитувчи илк иш кунида дарсга киришдан олдин ўша синфнинг раҳбаридан журнални сўраса,
- Вой бу, биринчи иш кунидан журнал сўраяпсизми? Ҳали сизга 5-6 ой бор, тўлдиришда хато қилишингиз мумкин!

Ўқитувчи келмаган ўқувчиларга журналда минус қўйса,
- Нега мен билан маслаҳатлашмай, журналга ўзбошимчалик билан минус қўясиз. Мана, масалан бугун Фалончиев келмаган эди, ота-онаси менга айтган, сабабли эди у!!! Такрорланмасин!

Долзарб савол: Бугунги ўқитувчи журналга “2” қўйишни нега истамайди?
- Зарур келибдими, ўз бошимга ўзим ташвиш орттириб? Ҳозир “2” қўйсангиз, ўқувчидан кўра ўқитувчига қийин! Ҳақиқий даҳмаза ўшандан кейин бошланади. Нега “2” қўйдингиз, сабаблари нимада, иккичи ўқувчи билан алоҳида вақт ажратиб унинг устида ишладингизми? Ўзлаштириши қанақа? Хуллас, яна бир дунё ҳужжатларни расмийлаштиришга тўғри келади!

Қойилмақом кашфиёт: Ҳа-я, мактаб раҳбариятлари ўқиутвчиларнинг ортиқча вақтларини олмаслик учун ҳархолда жимгина қараб туришгани йўқ! Масалан, касал бўлиб, бир кунгина дарсга келолмаган ўқитувчининг ўша кунги маошини қирқиш учун расмийлаштириладиган ҳужжатлардан осонгина воз кечишди.
Яхшиси, маош тўлиқ чиқаверсин. Ҳисоб-китоб қоғозларини ўзгартиришга қанча вақт кетади дейсиз?
Эндиликда ўша бир кунлик иш ҳаққини ўқитувчи ойлик олаётганда кассирнинг ўзига нақд қилиб қайтариб берадиган бўлди! Ҳайрият, шўрлик ўқитувчиларни ўйлайдиганлар ҳам бор экан! Аммо, муаммо шундаки, ўша бир кунлик иш ҳақининг кейинги тақдир ҳозирча мавҳум!

Яна бир кашфиёт шундаки, ҳар ойда маълум бир фан ойлиги ўтказиш анъанага айланиб улгурган. Биласизки, анъананинг ўз қоидалари бор! Масалан, физика фани ойлигида мактабнинг физика ўқитувчилари дарсларда фойдаланган турли альбомлари, кўргазмали қуролларини РайОНОнинг физика фани бўйича методистига тақдим қилишлари лозим! Энди тасаввур қилинг, битта туманда ўртача 30 та мактаб бўлса, 30 та альбом ва турли кўргазмалари воситаларни бечора методист каталакдек хонасига сиғдира олармикан?
Шунга қарамай, жонкуяр методистлар мактаб ўқитувчиларнинг ортиқча вақтларини олмаслик учун уларга альбом ва бошқа воситаларни ўзлари тайёрлаб беришни таклиф қилишаётган эмиш! Э, борингларга шукур-эй! Ўқитувчининг ғамини ейдиган ҳам бор экан-ку! Фақатгина, шу қоғоз-қаламга ўқитувчилар арзимас 5-10 минг йиғиб берса, бас экан! Нима бўпти? Мана бу кашфиётни ҳам оммалаштириш керак!

Чаққон репортёр
Юнусобод туманидаги 000 - мактабдан форум учун махсус тайёрланди

Бунақа имконият борлигини эртароқ айтмайсизми? Биз аҳмоқлар аҳмоқ бўлиб туни билан ҳисобот тайёрлаб ўтирибмиз. Ўша 5-10 минг қоғозлар сотиб олишга ва материалларни принтердан чиқаришгаям кетиб қолади (бу кетишда яқинда принтер сотиб олсам керак).

Bu narsalarni chiqarishdan asl maqsad, shu ishlarni o`qituvchi qilaolmaydi va keyin pul to`laydi deb chiqarilgan-da, qarashsa o`qituvchilar qilishyapti, yana yangilarini o`ylab topa boshlashdi, endi yaqinda eshitganimiz rost bo`lsa bu ahmoqliklarga chek qo`yilar.

Iye sizlardagi xo`roz xuddi biz tarafdagiga o`xshab qichqirarkan a? Fan oyligida bizdayam xuddi shunaqa.:rtfm:

Bizda oldin komp biladigan metodistlar turli hujjatlarni chiqaib sotardi. Hozir insof kirgan. Tekinga elektron versiyani fleshkaga tashlab berishadi.

Hozir qog`ozbozlik hamma sohada bor. Qil;ingan ishlarning isboti qog`oz. Obidning askiyasi boru "Otam ekanligingiz haqida spravka olib keling" degan. Qilingan ishingning mevasi qog`oz ko`rsatadi. Umuman maktab sistemasida o`qituvchini qog`oziga qarab baholash noto`gri. Jurnaldagi bahosiga qarab baholash no`to`g`ri. Haqiqiy ustoz bahoni juda ko`tarib qo`ymaydi. U hamma vaqt o`quvchidan ko`proq narsani kutadi.

Yomon dehqon suv va o`g`itga butun kuchini qaratadi, yomon duradgor bolg`a va mihga zo`r beradi, yomon mansabdor esa qog`oz bilan himoyalanadi.

Чаққон репортёр яна бир маълумотни қўлга киритди!
25 май куни ўқув йилининг якуни - "Сўнгги қўнғироқ" муносабати билан пойтахт истироҳат боғлари ва бошқа дам олиш масканларига ўқитувчилар оммавий рейд(!)ларга чиқишар экан. Тасаввур қилинг: гала-гала ўқувчилар ва уларнинг кетидан қувиб юрган ўқитувчилар...
Бу кетишда мактабларга ҳуқуқни муҳофаза қилувчи орган мақоми берилмаса бўлгани эди! Ахир, вояга етмаганлар билан шуғулланувчи ички ишлар идоралари ходимларига нима иш қолади кейин?

EHHa
 

Yahshiyamki qog'ozda so'rayabti ekan foto va video versiyalarini ham so'rashadi ba'zida...

Tepadan pastga??????????
 

Fikringizga qo'shilaman hammadan ma'lumotlarni qog'ozda va elektron versiyasini olib borib ko'rmay tanishmay ma'lumotlarni o'zi yana umumlashtirib tepaga jo'natadida...

Биз тадбирларнинг ҳисоботини фотосуратлари билан бирга топширамиз. Ўқитувчиларга маслаҳат: Битта принтер сотиб олинг. Беш-олти ойда ўзини оқлайди. Агар оилада 2 та ўқитувчи бўлса 3 ойда ҳам оқлаши мумкин. Энг яхшиси 3 в 1 олиш керак. Ксерокопия ҳам ўзингизда бўлади.

Демак, сиз аллақачон компьютери ва фотоаппарати бор бўлган ўқитувчиларга маслаҳат беряпсиз-да!

Фотоаппарат шарт эмас. Лекин компьютер бўлиши шарт. Чунки РайОНОда фақат компьютерда тайёрланган ҳисоботлар қабул қилинади.

Menda unisi ham, bunisi ham, fotoapparat ham bor, ammo, kimga kerak bo`lsa kelsinde o`zi suratga olib, videoga olib ketsin, agar shu tadbirlar o`tkazilganiga ishonmasa, kelib o`sha paytda shu yerda o`tirsin, dedim, ammo baribir o`quvchilarga chiqarib berayotganimda hisobot uchun ham 4ta chiqarib berdim. Ularning menga ishonib berishi menga shartmi, men tadbir o`tkazdim, kamida 100ta guvoh bor, o`sha paytda qo`liga videokamera olsinde kinoga oladimi, suratga oladimi uning ishi.

Золотые слово... (с)Наша Раша. Кимга зарил кепти Сизнинг ростдан ҳам тадбир ўтказганлигингизни исботлаш? Келиб фото/видео съемка қилгандан кўра "тадбир ўтказилмади" деб қўя қолиш осонроқ-ку. Фақат ўзингизга керак. Дарсни қойилмақом қилиб ўтганингиз билан қоғозга туширмасангиз ёки нотўғри туширсангиз демак ўтмаган ҳисобланасиз. Тадбирни ўтказганингиз билан ҳисоботингиз бўлмаса ҳеч ким ишонмайди. Агар ҳисобот бўлса-ю тадбир ўтказилмаган бўлса демак тадбир ўтказилган.

Har bir qilingan ishning isbotiga qarab siz haqingizda xulosa chiqariladi. Ishlagan ishingizni ko`rsata bilish ham mahorat.






Odamlar sekin aytilgan haqiqatdan ko`ra qichqirib aytilgan yolg`onga ko`proq ishonishadi.

Bu qog`ozbozlik nimaning alomati?... Menincha hozirgi rahbarlar tez va vizual (faqat ko`rinishga qarab) xulosa chiqarishga odatlanishgan. Ular tashqi ko`rinishga qarab baho berishadi. Bizda bir maktab bor. Juda chiroyli qurilgan, ozoda, shinam, tatib-intizom joyida, o`quvchilari doim maktab formasida, hammayoq chinniday.O`sha maktab hammavaqt boshqa maktablarga doimo o`rnak (rahbarlar nazarida). Lekin u yerda maktab kollektivi faqatgina chiroyli hisobotlar, chiroyli tadbirlar, maktab ozodaligini saqlash bilan ovora. Maktab o`quvchisining qay darajada bilim olayotganligi hech kimni qiziqtirmaydi. Faqat vizual ko`rinishgagina ahamiyat berishadi xolos...Bunday maktab kimga kerak...? Ertaga bu maktabni bilimli o`quvchilar emas, chiroyli tadbirlar o`tkazadigan, chiroyli hisobotlar tayyorlaydigan ("ko`zbo`yamachi") o`quvchilar bitiradi.

Кеча "Ўзбекистон" телерадиоканали орқали "Таълимдаги тамагирлик" номли кўрсатувни кўрганлар борми?
Унда "Булунғур" тумани ХТБ мудирининг атиги 10 ойлик раҳбарлик фаолияти давомида 60 млн. сўмдан ортиқ маблағни ўзлаштирганлиги қайд этилган! Таъкидланишича, мазкур маблағларнинг аксарияти ўқувчилардан (аниқроғи, ота-оналардан!) ремонтга, пардага, обунага ва яна бошқа баҳоналар учун йиғиб олинган экан.
Шунингдек, мавзуимизга даҳлдор жойи шунда-ки, Самарқанд вилоят Халқ таълими бошқармаси мутасаддисининг айтишича, ўзлаштирилган пулларнинг бир қисми туман ХТБ томонидан бир тийинга қиммат услубий қўлланмаларни чоп эттириб, пуллаш орқали амалга оширилган. Яъни, қоғозбозликдан соққа ишлашган!!!
Дарвоқе, ўша мутасадди ўта қайғурган қиёфага кириб маълум қилишича, Булунғур тумани ХТБ да 1996 йилдан бери камида 8-10 та раҳбар алмашган эмиш-у, натижада туманда таълим тизими бутунлай издан чиқибди!
Бўлиб ўтган воқеалар юзасидан четдан туриб бемалол баҳо бераётган бу акамизни кўриб, худди бу кўргиликларда вилоят ХТБ нинг айби, иштироки йўқ деб ўйлайди одам!

Ана шундай кўрсатувлар кўпайса яхши бўларди!

To`g`ri aytasiz, men allaqachon aytib bo`lganman: "Men bu yerda (maktabda) siz uchun ham emas (maktab rahbariga qarab) o`zim uchun ham emas, mana shu bolalarni deb yuribman, nasibamni esa Olloh boshqa tomondan berib turibdi, kimdir menga ishonmasa bu uning muammosi, men o`zimning aybsiz ekanligimni isbotlab o`tirishim kerak emas, aksincha kimdir ishonmasa, mening aybdorligimni isbotlashi kerak." Albatta bu gaplarga ancha yil bo`lib ketdi, ammo ular hali ham o`z kuchini yo`qotmagan.

salom
 

Hammasiga ulgurishingiz kerak o'qituvchi bo'lgandan keyin

Agar yozuv bo'lmasa shunday o'qituvchilar borki ular o'z ustida ishlashmaydi shu bahona sal o'qib o'rganadilar nima deysiz

Тўғри. Ота-онаси тақдирига қизиқмайдиган ўқувчиларни уйига бориб мактабга "судраб" келишгаям, бирон бир ҳужжатга қўл қўйдириш учун ўқувчининг ота-онасини ортидан қувишгаям, кечаси қоровулликкаям, баъзи "қўли сингани учун чап оёғи билан ёзадиганлар"нинг дафтарини текширишгаям, касал ўқувчисини поликлиникага олиб чиқиб докторга кўрсатишгаям(баъзи ота-оналар шу ишниям қилмайди), битирувчиларни колледж, лицейларга жойлаштиришгаям, имтиҳон учун ҳужжатларини йиғишгаям, ва ҳ.к.з.... Агар ўша ўқитувчилар улгурмаганида Сиз ҳозир шу тиниш белгиларисиз, услубий жиҳатдан нотўғри бўлган ёзилган икки оғиз хабарниям тўлиқ ёзолмаган бўлардингиз.
Агар ўша ёзувлар камроқ бўлганида баъзи ўқитувчилар тижорат билан шуғулланмасдан мактабда дарс берарди. Ўша қоғозбозлик бўлмаганида адабиёт ўқитувчингиз уйида дарсда ўтилиши керак бўлган асарни тўла ўқиб, мазмунини Сизга сўзлаб берарди, физика ўқитувчингиз фақатгина қоидаларни айтиб, ўргатиб кетмасдан қизиқарли мисоллар, ўқув қўлланмалари тайёрлаб келишга вақти бўларди. Натижада фойдани Сиз - ўқувчилар кўрардингиз.

Хм... Кизик гап булдику... Укиган пайт.. шу ёзув чизув нега керак деганимга.. Манга шундай жавоб кайтаришганлар.. Факат "укитувчилар" деган жойда "укувчилар" сузини ишлатишган..
Даср килмайдиган талаба 1000 киган билан дарс килмайди. Бу укитувчиларга хам тегишли. Якинда узим ишлайдиган лицейда бир дасрнинг гувохи булдим. Дарснинг 50% факат адабиётларни ёзиш билан утди.. Адабиётлар хам бари ..... дан олинган. Колган 50% кеча курсатилган "эсмералда" сериалининг обсужденийси билан утди.. Бу информатика дарсида эди. Домлода барча ёзув чизувлар килинган. Лекин домло фанининг мутахасиси эмас.. Вактида хамшира булиб ишлаган..

Baraka topgur yuqoridagidaka fikrlaydigan rahbarlarimiz o`qituvchining ustidan kulishning "yangi va yangi, xilma-xil" usullarini o`ylab topishyapti. O`zi endi olimpiadadan o`tib yengil nafas oluvdik, yana mana bu ahmoqona nazoratlar chiqdi. "Bu kimga kerak" degan savolga javob shu. Qo`lidan ish kelmaydiganlar mana shunaqa narsalar bilan o`zini ishlayotganday qilib ko`rsatib yuribdi, bu yerda ming, yuz minglab o`quvchi va o`qituvchilarning qarg`ishiga qolib yurishibdi, ko`karishrmikan. Olimpiadaning tashkil qilinishini eplolmagan rahbariyat (XTTB) endi nazoratda ham shunday hunar ko`rsatdi-ki, hatto o`quvchilar ham "Nega indamaysizlar, ustoz?" deyishdi.

Энг муҳими шу.

Оффтоп:

Цитата:

Сообщение от OmoN (Сообщение 505009) Натижада фойдани Сиз - ўқувчилар кўрардингиз.

Меҳриддин ака, узр. Адашмасам кеча профилингизда "ўқувчи" деб ёзилгандай бўлувди. Шунинг учун Сизни ўқувчи деб ўйлабман. Ё глюк бошланди ё ростанам ўқувчи деб ёзилганди.

Қиладиган иши бўлмаганидан кейин ўзини ишлаётган қилиб кўрсатиши керак-ку.

http://darakchi.uz/?p=2117 ушбу форумдаги мавзу энди омма эътиборига хам таништирилибди. Хурсанд булдим.

Хақиқатдан ҳам зўр иш булибди

Hozirda maktablarda qog'ozbozlik bo'lgani uchun hamma narsa osoyishta.

Qog'ozbozlik jonga tegdi!!!!!!
 

O'qituvchi mazza qilib darsini o'tsa o'quvchilarga bilim bersa qog'ozbozlik nimaga kerak uning o'rniga o'quvchilarga bilim berishsin hozi faqat dokumentlarni tekshiradi bilimini emas kelgan tekshiruvchi

Hamma ham chin ko'ngildan dars o'tadimi?

Tajribamdan bilaman dars chin ko'ngildan o'tmaganlarni qog'ozlari (dokumentlari) joyida bo'ladi, chunki faqat tekshiruvlar uchun ishlashadi.

Shahodat, hamma ish rejalar va referatlar va h.k qog'oz orqali amalga oshadi. Agar qog'ozbozlik bo'lmasa dars ham osoyishtalik ham bo'lmasa kerak.
Lekin sizning fikringizga ham qo'shilaman

Бошда қоғозбозликдек туюлганди бизга ҳам. Ўша топшириқларни адо этиб бўлгач, билдикки, фаолиятимиз учун бағоят зарур экан ҳаммаси! :)
Энди дангасароқ кимсаларга бу "қоғозбозлик"дек туюлишини англадик.

Fikrizga qo'shilaman Chunki men har bir o'qituvchini ish rejasi, tadbiri va h.k men kompyuterga yozib chiqarib beraman.

Шу жараёнда ҳам анчагина маълумотларга эга бўлишингизга ишонаман. Бу ҳам таълим сифатининг жаҳон андозалари даражасида ошишига хизмат қилаётган бўлса ажабмас. :)

Albatta bunday saromjonlik meni qoniqtiradi

Biroq qog'ozda boshqa, amalda boshqa bo'lsa dars samaradorligi oshadi deb o'ylaysizmi?