Армон, чиқ юрагимдан,
Ғашлик , тарк эт дилимни,
Бугун туғилган куним,
Шодлик, забд эт кўнглимни.

Дунё устимдан кулма,
Кўксингдаги нолангман.
Қирқ олтига кирсам ҳам,
Мен ҳамон ёш болангман.

Дўстлар келинг уйимга,
Меҳрингиздан бўлай маст.
Энг гўзал шеърлар ўқий,
Куйга, қўшиққа пайваст.


(C)

Туғилган айёминг муборак бўлсин,http://uforum.uz/images/icons/icon7.gif
Бугун уйинг гулу лолага тўлсин!
Омаду бахт ва хотиржамлик
Ҳамиша ортингдан эргашиб юрсин!http://uforum.uz/images/icons/icon14.gif

Savolimga javob bermadingiz?!

Бу асосан ўша пайтдаги ҳолатга боғлиқ! Туйғулар ҳолат ва ҳайратдан туғилади..Аммо нафратга айланган туйғулар вақти келиб қачонлардир муҳаббатга айланиши ҳам мумкин..http://uforum.uz/images/icons/icon9.gifhttp://uforum.uz/images/icons/icon7.gif

Наҳрлар сўйилган,
қоннинг ранги йўқ,
ичимда бўридай увлар бир шамол,
қиличдай чарақлар ой нурида йўл,
кенгликда ухлайди улкан бир қарол.
Оловдан сўйлайми,
сўйлайми майдан,
дарбадар набидай ўқийми оят.
Бу сохта булбуллар намунча сайрар,
намунча пўйроздан оқар ҳақорат.


Ш. Раҳмон

menimcha javob berdim...

Манзил йироқ кўринар, то йўлга тушмагунча,
Йўл азоби сезилмас у чўлга тушмагунча.

Молингни эҳтиёт қил, қўшнини ўғри тутма!
Ўғри - ўғри саналмас бир қўлга тушмагунча.

Тоғда сакраб ўйнар сув, хатто тошни ўпирар,
Тинчимайди у шошқин то кўлга тушмагунча.

Ойлик маош демайсиз, ойлик маош нима у?
Чўнтакдаги қат-қат пул то нўлга тушмагунча.

Айтди сўзни Алишер. ҳазил куйини чалиб,
Ҳар кўйга солиб шеърни бир йўлга тушмагунча.:)

Men hech qanday javobni ko`rmayapman... Istasangiz, savolni takrorlayman:

Sevgan insoningiz xiyonati qarshisida baxtiyorlik satrlarini qog`ozga tushura olasizmi?!

Ashkim to`kibon hajr-u g`amingda kecha kunduz
Vayrona vatan - manzili obod eshigingda.

ul husni-jamolingni o`ti Mashrabga tushibdur,
Parvonasifat kuydi, parizod, eshigingda...

Ай дил, кўзингни оч, жаҳон ўтгусидир,
Умринг бу жаҳонда ройгон ўтгусидир,
Тан манзилида маҳбусу ғофил қолма,
Манзил оша манзил карвон ўтгусидир...


Румий

Жавоб:

1. Севги ўзингдан ташқарида эмас.
2.Агар алданмоқчи бўлсанг қаттиқ ишон.
3. Бировнинг кўнглига ҳукмимиз ўтмайди, ҳар ким ўз кўнгил уйининг подишоси.
4. Менинг кўнглим сен билан,
Сен кетарсан ким билан...
Қадамингда гуллар очилсин!!!
Бу минг йиллик дардни кўп эшитгансиз , албатта. Эътибор беринг:Қадамингда гуллар очилсин!

Руҳимни эзғилаб жон ўтгусидир,
Умримни парчалаб он ўтгусидир.
Ёрнинг кўйи ичра итдек сарсонман,
Қарамай ул паришон ўтгусидир.

(С)

Рафиқо, кел менинг дардим эшит, дармони бўл,
Сояда қолдим сарғайиб, йўл кўрсат сарбони бўл.
Суҳбатингдан аржуманд этгил бу кеч, шодмон эт,
Кет сўнгра ул сорига майли кўнглим армони бўл..
(Ч.Б)

Кет десалар, кетиб боргум ул сорига,
Шукур қилгум бир суҳбатингиз борига.
Дейдиларку, ойнинг ўн беши қоронғу,
Гул хидлаган чидар тикан-хорига.:)

Laylim, sado bergin, izlaring qayda?
Oromim berkingan ko'zlaring qayda?
Yuragim olovda, qo'llarim mayda,
Sog'indim, sen-chi yor, etasanmi hech...?

Шаҳноза,кеч қолибсиз, жаримасига яна битта шеърhttp://uforum.uz/images/icons/icon7.gif, демоқчийдим..қарасам..ўйинни бузган "жаримачи" бошқа экан..

Чун кўрди мению гул очди майин.
Уйқули, хумор кўзларини юмди кейин.
Ғам чекма, деди, ёри вафодоринг ўзим,
Шул сўзни деган сўзингга қурбон бўлайин..

Ҳаким Саноий

Opajon, qoidabuzarlar bir chetda qolib meni jazolashingiz adolatdanmi? :biggrin: Alisher Asror L harfiga she`r yozishlari kerak edi menimcha... :cray: Men aybdor emasman... :cray:

Айбдорни келтуринг!!http://uforum.uz/images/icons/icon7.gif:dash2:
http://uforum.uz/images/icons/icon7.gif

Буюрин , бан гелдим:)

Ne tong edi izg'irinlar zahrini totding,
Dasturxonda muztar qoldi qandu novvoting,
Shahidlarning munglaridir har bir ravoting,
Abadiyot erur asli adabiyoting,
Cho'lpon, Fitrat, Qodiriy ham Usmonim Vatan...

Надин титрар сийналар,
Надин аччиқ диналар?
Йўлингизга ёмонлар,
Сочди совуқ иналар?

Юз дарра ўлмасада, битта яхши ашъор битиб, Форумнинг исталган мавзусинда чоп этгайсуз..йўқса..!http://uforum.uz/images/icons/icon7.gif
Шаҳноз, аламдан чиқдингизму?http://uforum.uz/images/icons/icon7.gif

Руҳни ишққа бердим, жон эса халак
Ақлимни ўғирлаб олган шўх малак.
Навоий куйлаган ишқни топмадим
Тўхтагин, мени ҳам обкет, капалак?!..

(Ч,Б)

Кўнгим келмас тақдирга сира,
Гўё ҳаёт тўхтаб қолгандай...
“Бахтли кунлар – наҳот хотира,
Энди сизсиз яшайман қандай???”

Айрилиққа ишонолмайман –
Куз фаслининг хазонларига.
Томчи ёшдай тўкилолмайман
Севгим қаро мужгонларига.

Кўз ўнгимда армонли тушлар –
Юраккинам бошлар ғалаён:
Мени кимга кетяпсиз ташлаб,
Чексиз-ҳадсиз саҳролар томон???

Тиз чўкаман пойингизда жим –
Ортингизга қайрилолмайсиз...
Кўкка учар дардли ўтинчим,
Кўнглингиздан айрилолмайсиз...

Ва сўзлайсиз оҳиста:
“Кутгин...”
Ишонаман –
Қайтиб келасиз...
Ҳаётимнинг сўнгигача чин
Менинг севгим бўлиб қоласиз...

Забт этгани келмадим сени,
енг ичида йўқдир пичоғим.
Мен Искандар, Чингизхон эмас,
осмон каби очиқ қучоғим.

Ишонмасанг, қара кўзимга,
кўзларимда яшайдир Ҳотам,
мен тегмадим ҳатто илонга,
ниши тўла заҳар бўлса ҳам.

Жимлигини бузмади тоғлар,
ўз бағрини очмади, зимдан
ҳадиксираб, мингта кўзи-ла
фақат қараб турар изимдан.

Шавкат Раҳмон

Ногоҳ пайдо бўлди даврада гадо,
Давра аҳли эса шоҳлар эдилар.
Улар таажжубда қолиб шу асно,
Гадога боқишиб: — Кимсан? — дедилар.
Бир кун пайдо бўлди даврада подшоҳ,
Давра аҳли эса гадолар эди.
Улар ҳам таажжуб ичра баногоҳ: —
Подшоҳга боқишиб: — Сен кимсан? — деди.
Ғайбдан садо келди: — Тингла эй банда,
Барчангга яратгум ягона макон.
Бир-биринг камситиб қилма шарманда,
Ахир иккингиз ҳам эрурсиз меҳмон.

A.Орипов.

Na gul sayr ayla na fikri bahor et,
Jahondin kech, hayoli vasli yor et.

Muhabbatsiz kishi odam emasdur,
Gar odamsen - muhabbat ixtiyor et.

Uzor-u qaddu raftoringni ko'rsat,
Chaman sarv-u gulini sharmisor et.

Labi maxmuridurmen, jomi may tut,
Karam qil, soqiyo, da'fi xumor et.

Analhaq mojarosin aylading fosh,
Kel, ey Mansur, istiqboli dor et.

Kuyub, ey Nodira, olam elig'a
Muhabbat shevasini oshkor et.

Turibman qo‘limda qadah shu palla,
Demak, jom so‘zimni aytmasam bo‘lmas
Sizga baxt tilashim mumkin baralla,
Lekin baxtli qilish qo‘limdan kelmas.

Tilayman albatta sog‘liq va umr,
Tuhfa qilolmasman lekin ularni.
Tilayman hech so‘nmas ilhom va surur,
Garchand berolmasman bu tuyg‘ularni.

Men faqat siz uchun orttirib alam,
Yo‘lingiz to‘smasman devorga o‘xshab.
G‘alvali dunyoda shuning o‘zi ham,
Mening nazarimda juda katta gap.

A.Oripov

Тун ўтмоқда; имиллайди вақт,
Қалб бeдорлик қўшиғин куйлар.
Қаердадир кутиб яшар бахт
Ечимини топмаган ўйлар.
Кeтар хаёл осмонга учиб,
Гоҳ зулматга бўламан таслим.
Тушларимда ерларни қучиб,
Сўнг ўнгимда топаман аслим.
Уйғоқманми, ухлаганманми,
Билолмайман; бошларим гаранг.
Аламлардан ёнган танамни,
Умид ушлаб турибди аранг.

Тун ўтмоқда,
Чиқиллар соат,
Милларида умрим тортқилаб.
Ҳeч нарсага этмай итоат,
Баъзан уриб, баъзида силаб.
Барчасига бу юрак чидар,
Ортиб борар ортига ғамни.
Бўлса зулматлар ҳаминқадар,
Шунча ёрқин ёқади шамни
Чарчамайди,
Шукр,
Уради,
Ҳақ бeлгилаб бeрган онгача,
Ҳовучимда даврон суради,
Балки йиллар,
Балки тонггача.

Тун ўтмоқда,
Ўтмоқда ҳаёт,
Зимистондан зиёни излаб.
Сақлаяпман муштумдeк жоним,
Кимни сeнлаб, кимнидир сизлаб.
Имоним-чи, ориқлаб кeтган,
Нур қидирар тунда тeнтираб.
Билмам, қанча кeчалар ўтган,
Қўлларимни манглайга тираб.

Тун ўтмоқда,
Субҳидам яқин,
Қуёшларни соғиниб кeтдим…

(c)

Mani oshiq, sani ma'shuq ki, derlar xush bu olamda,
Nasib o'lmush manga davlat firoqing o'tida kuysam...

Chunonam ko'ngli qattig'san, biram holimni so'rmaysan,
Jamolingga to'yolmasman boshingdan yuz-ming o'rgulsam.

Nechuk bedodi ishq o'ldi - ki man sandan judo bo'ldum,
Jafolarni ki man tortib, "Na mushkul?" - der, qarab qolsam.

O'shal Majnuni shaydodek biyobonlar aro tanho
Ko'yingda dam-badam yorim "Qani Laylo?" - deb, oh ursam...

Kel, ey, Mashrab, ko'zing yo'llarda qoldi termulib, naylay,
Qani ul hoki-poying ko'zlarimga to'tiyo qilsam...

Mana bu hikmatga, do‘stim, sol quloq,
Balki senu menga bo‘lgay bir saboq.
Posbonning qovog‘i uyilgan bo‘lsa,
Hatto jannatga ham tortmaydi oyoq.

A.Oripov

Қатра сув чайқалиб кўл бўлолмайди,
Ҳар сўқмоқ карвонга йўл бўлолмайди,
Сув ҳаёт, йўл ҳаёт, аммо инсонга,
Ақлдан бошқаси қўл келолмайди.
(С)

Isming balki Sulton, balki Qodirsan,
Sen jangdan qaytmagan shahid shoirsan.
Lekin g‘olibsanki - safda hozirsan,
Sen saqlab qololgan jahoning menda.

Urush deganiga bo‘lsin ming la’nat,
Neki tirik bo‘lsa - aylagay g‘orat.
Sening qalaming ham sindirmish bevaqt,
Yetib-etolmagan armoning menda.

Beiz ketmadi, yo‘q, shahidlar qoni,
Quzg‘undan asradi mas’um dunyoni.
Agar ko‘kka yetsa tiriklar shoni,
O’zing orzu qilgan osmoning menda.

Har nechuk, shoirman - sen bilan jondosh,
To‘yingda to‘ydoshman, tirik yelkadosh.
Degayman, yosh umring o‘ylab, ey, qondosh,
Bitgum, bitilmagan dostoning menda.

A.Oripov.

Ай тун, қоронғу тун, саҳар бўлгайсен,
Бу дарди дилимга сен самар бўлгайсен.
Ай субҳ, отланиб келарсан, оё
Мақсуди дилим сари хабар бўлгайсен...

Шайх Нажмиддин Кубро

Нури-зиё қилар тунларни кундуз,
Қоронғу кечалар милтирар юлдуз,
Бу икки орда сарсон, оввора,
Девоналар бўлдим сенсиз, мен сенсиз...


(C)

Золим ёр, озоринг зор этди мени,
Ҳажрлар, ажрлар хор этди мени,
Сен менинг йўқотган боримсан асли,
Кўнгилда илинжлар бор этди мени..

(Ч.Б)

***
Илм истаб айладим шитоб,
Чўққиларга интилиб ўтдим.
Шафқат билмай қиларди итоб,
Соҳир ҳаёт, мен эса мужрим.

Тонг саҳарми ёки эрта кеч,
Титкиладим тинмайин шу тоб,
Учратмадим бу жаҳонда ҳеч,
Луғатлардан яхшироқ китоб.
(С)