Гоҳи ўзгаришга учрайди замон,
Ҳатто аёлларда мардлик намоён.
Шундай кетаверса бола эмизмоқ,
Эркак зотига ҳам бўлади осон.

Ибрат боғи жисми узра эрталаб,
Очилмишди мотам гуллари юзлаб.
Аммо бу табассум ё ёка йиртиш
Эканин сўрашга ҳеч ким очмас лаб...

Buni Hayot derlar, unutnma aslo,
Bir kun ochilasan, bir kun so'lasan.
Qalbimda-ku yolg'iz sen eding tanho,
Qabrim ustida ham o'zing bo'lasan.

Sen bizning sevgidan xotira-bayroq,
Lola, lolajonim, lolaqizg'aldoq...

Muhammad Yusuf

Qushlar kutmas bahorni bizday:
Tushganida o'rtada firoq,
Ketishadi bahorni izlab,
Topishadi bizdan oldinroq...

Shavkat Rahmon

Qavsning bog’lariga tun tushayotir,
Yurakni bir sog’inch o’rtadi yomon.
Hech kimga bildirrmay, uning yoniga
Borgim kelayapti.., Xudojon!

Zebo Mirzo

Ногоҳ ортга ўгрилиб бир он,
Бечора севгимга узоқ тикилдим.
Ҳаёлим олган кўз ёшларингдай,
Тўкилдим, азизам, такрор тўкилдим.

Қора кўзларингда жажжигина дард
Менинг суратимни борлигин билдим.
Бахтиёр хис этдим ўзимни охир,
Мен севдим, севилдим ва унутилдим!

Men quvonar bo'lsam - sen sabab,
O'yga tolar bo'lsam - sen sabab.
Men o'lishni istamasman.., Yo'q!!!
Nogoh o'lar bo'lsam - sen sabab...

Abdulla Oripov

Бемалол ётади осмонда хилол,
Ўзига кўнгли тўқ, ерга тиним йўқ.
Тўнтариб қўярдим имконим бўлса,
Шамс туртиб чарчатар. Ором туним йўқ.
(с)

Qaniydi, iloji bo'lganda edi,
Aslo sog'inmaslik, aslo kutmaslik.
Ilojsiz qo'limdan kelganda edi,
Hijron azobida qonlar yutmaslik.

Qaniydi ko'zimni bir zumga yumsam,
Bir zum xotiralar meni tark etsa.
Ko'zimni ochsam-u, dunyoni ko'rsam,
O'tmishim qush kabi uchsa-yu ketsa...

Ajralishdik, ko'tar boshing,
Ko'zlaringda nega g'am?
Mardim, to'kma ko'zing yoshin,
Tomchisiga arzimam.

Ne kun solding sen boshimga.
Bu qanday ishq, qay firoq?
Arzimaysan ko'z yoshimga,
Men ham yig'layman biroq...

Halima Xudoyberdiyeva

Қўлдан кетганинки қайтармоқ осон -
Эмас экан, чекма дўст миннатин, жон.
Адолат чидами камайганда ҳам,
Зинҳор қабул этма бировдан эҳсон.

Турар жойинг Совий ва ёки Ганжа,
Таваккалдан берма ўзингга ранжа.
Панд ема, сабабсиз бўлмагай ҳеч иш,
Тирноқсиз бир тугун ечолмас панжа...