Bayramlarimiz Muborak
 

Aziz o'qituvchilar va murabbiylar bayraminggiz muborak bo'lsin!!!!!!!!!

Утган байрамлар билан Азиз устозлар!

1-октябрь, Устозлар ва мураббийлар куни!
 

Устоз отангдан улуғ дейишади, устозлар байрамингиз муборак!

Балким "Устоз отангдек улуғ!" дейиш тўғрироқдир.:)

Фурсатдан фойдаланиб барча устоз ва мураббийларни 1-октябрь касбий байрам билан табриклайман.:)

Ustoz otangdan ulug'...
 

Ustoz aslida otangdan ulug' deyilishi sabab bu maqol Islom etiqodi bilan bog'lik. Yana ko'p narsani go'dak ona qornidayoq sezib, eshitib his qila boshlaydi va rivojlanadi. Ona birinchi ustoz bo'ladi. Ona Islomda otadan ustun qo'yiladi. Ona bn ota bir paytda chaqirsa, uch marta onanga bor keyin otanga deb aytgan payg'ambarimiz (s.a.v.). Yana Musulmonlar o'z ustozi sifatida payg'ambarimiz Muhammad mustafo (s.a.v.) ni tushunadilar. Yana ag'ar ota o'z o'rnida haq yo'lida ustoz ham bo'lishi mn.

Ustozlarga ta'zimqilsak ham kam shundaymasmi azizlar

Мен ҳам шундай мазмунда мақола ёзган эдим, устоз Умарали Норматов танқид қилган. Адабиётшунос олим, Ўзбекистон Республикаси Фан арбоби бўлган устознинг айтишича, халқ мақолида: "УСТОЗ ОТАНГДАН УЛУҒ" дейилган, Абдулла Қаҳҳор "сўз атомдан кучли" деб ёзганида ҳам шундай сифатловчи маънони қўллаган, аслида, атом портласа, сўз айтувчилар кукунга айланиб кетади... Мақол замирида ҳам худди шундай устозни улуғловчи маъно бор. Аслида эса, отадан улуғи йўқ!!!

Мақол, менимча ҳам, "Устоз - отангдек улуғ".

Баъзилар бошқача талқин қилишига сабаб, Искандар Зулқарнайндан отаси ва устози ҳақида сўраганларида, у "отам мени осмондан ерга туширишга сабабчи бўлган бўлса, устозим мени ердан осмонга кўтарилишимга сабаб бўлди", - деган экан... Балки, шу ривоят асосида шу каби тушунча шаклланган бўлиши мумкин.

Юқорида ажратилган фикрингизга далил келтира оласизми, илтимос. Менинг билишимча, яхшилик қилиш борасида аввал уч марта онага ва сўнг отага, дея буюрилган. Бўйсиниш борасида эса, агар ота ва она бир вақтнинг ўзида чақирса отага бориш кераклиги айтилган. Бироқ, ҳозир афсуски далил топа олмадим.

Сиз ким-у Фан арбоби Умарали Норматов ким? :)
Бир пайтлар (йигирма йилча олдин) ёшлик, фикриторлик қилиб ёзган мақоламга сизнингча устоз нотўғри муносабат билдирдимикин? :)

Ha yaqinda o'qigandim, unda sharhi ham bor edi. Nima uchun onaga uch marta ekanligiga. Unda ayol kishi yuragi ostida 9 oy ko'tarib yurganidagi, farzandni dunyoga keltirganida, uni ko'krak suti bn emizganidagi qiyinchiligu, hissiyotlarni, mexr berishda erkak kishi hech qanday ko'mak qila olmasligi aytib o'tilgan edi. Qarab ko'ray agar Inetda bo'lsa link ko'rsataman.

Barcha ustoz va murabbiylarni kasbiy bayram bilan tabriklayman !

Заодно устозларга совға учун қанчадан пул йғилияпти хозирги пайтда.
Масалан, ўткан йили лицейларда 200 кўкатдан эди, бу йил қанчадан тушаркин.

Оффтоп:

Пул йиғиб овора бўлмасдан - пахтадан ўқитувчиларни озод қилинг бу энг катта совға бўлар эди

Устозлар хорманг!
Балки ҳозирги кунларда икки кишини меҳнатини қилаётгандирсиз, лекин бу қўлингиздан келади, Сизга қаноат, мустаҳкам ирода бу пайтларда бирга бўлсин.
Шунинг учун эътибор ҳамда эъзозда бўласиз Худо хоҳласа.
Якинлашаётган байрам қутлуғ келсин...
Ёдингизда бўлсин барибир "Ким ўқитган" деган саволга жавоб қалбимизда бўлади. Хонадонингизда файз, қўлингиз барака ичида бўлсин.
Сизларни хар куни кишиларни мушкулини осон қилишга яроқли қилсин, одамларни розилигини олиш насиб этаверсин. Яна бир бор хорманглар...байрам муборак.

"Ol-a..."-deyisharmidi.... O'qituvchi bo'lib 15 yil ishlab shuncha pulni sovg'a sifatida olmaganman, olishganligini ham ko'rmagan edim. :)

Вой, вой, вой.. олдин қайси лицейда дарс берардингиз, информация ўша лицей талабаларидан!

Албатта, хамма хам бундай совға талаб қилмаса керак.

Студентлигимда ва диплом олиш учун мактабда уқитувчи булиб ишлаганман, бироз. Такшта, бу байрам менга хам таълуқли, табрикласанглар булаверади )))

Хурматли, мехрибон) устозлар, Нигора бону ва бошқа аёллар!
Байрам муносабати билан, сизлар хохлаган қахвахонага таклиф қиламан, морожна, тортик олиб бераман.))))))

Келолмайдиганларга, чиройли ва қизиқарли расм тайёрлаб қўйганман.:074::054::give_rose:

https://img.uforum.uz/images/anemvcc6226688.jpg

Уч авлодга: ота-онамга, уларнинг фарзданларига ва бугунги кунда невараларига таълим-тарбия берган устоз, беназир инсон - Тўхтамурод Жумаев (сурат ота-онамнинг винеткасидан олинган)

Устозлар!!!
Касб байрамингиз, миллат байрами муборак бўлсин!!!

ТАЪЗИМ АЙЛАНГ УСТОЗЛАРГА...
 

Олтин куз - хаёллар, ширин ўйлар фасли. Сокин туйғуларнинг турналардек баланд парвози еттинчи осмон қадар юксак. Кўнгил яна мурғак боладек ҳар томон ҳайрат кўзи ила нигоҳ ташлайди. Кузак шамоллари фаромуш дарахтларнинг офтоб нурида ял-ял товланиб турган сабза рангдан зарғалдоқ, олтин тусга кирган япроқларини бандидан оҳистагина тортиб меҳр нурларидек бошлардан сочаверади, сочаверади. Фаришта куз гуллари эса баҳордагидек навқирон ва дилбар...
Дарвоқе, бугун куз ҳақида эмас, мана шу олтин фаслдаги бахтиёр онларга йўғрилган муҳим сана Ўқитувчи ва мураббийлар куни - муборак айём ҳақида ҳам сурур, ҳам ғурур ила сўзламоқни ихтиёр этдим.
Айтишларича, инсон боласи ҳали дунёга келмасидан бурун Яратган унинг жисмига жон ато этган ондан бошлаб, она қорнидалигидаёқ илк бахш этиладиган неъмат - тарбия ва таълим эмиш. Ҳақиқатан ҳам оламга ибрат кўзи билан боқсангиз, буюк ишлар, хусусан, инсонлар ўртасидаги холис муносабатлар, улар барпо этаётган маънавий, моддий олам тараққиёти, улкан кашфиётлар, изчил тамойилларнинг кун сайин юксалиши, асрлардан асрларга ўтиб келаётган ўлмас меросларнинг келажак ворисларга етиб келиши, бу албатта, инсонийлик тамаддунига ўлмас нақшлар ила қайд этилган ҳар даврда, ҳар миллатнинг ўзига хос таълим-тарбияси, ўзлигининг ҳосиласи эканига гувоҳ бўламиз. Англаймизки, бу боқийлик силсиласи натижасида таълим-тарбия жараёни, устоз ва мураббийлар ўрни алоҳида таҳсинга лойиқ.
Шундай экан, бугун айтиладиган жамики лазиз ва илиқ сўзлар устоз деб аталмиш қалб меъморлари ҳақида.

Меҳрингиз-ла очмиш ҳаёт кўзини,
Мадҳ зтмоққа шайдур бугун овозим.
Сизга ўхшатаман қуёш юзини,
Оддий муаллимим, азиз Устозим.
***
Қалби ззгуликка тўла, лиммо-лим,
Кўкка йўлладингиз - баланд парвозим.
Ҳамиша менга ёр Сиз берган таълим,
Отамдай улуғим - азиз Устозим.
***
Шеърият мулкига ошно этдингиз,
Китоблар қатига битилар розим.
Сиз-ки, борингизни фидо этдингиз,
Ҳар нафас ҳамдамим - азиз Устозим.

Устозлар шаънига қанча сўзлар илинмайлик, барибир кам. Тилагимиз барча устозларимиз соғ-омон бўлишсин. Уларни мана шундай шукуҳли онларда айёмлари билан чин қалбимиздан қутлаймиз.
Қадрли устоз ва мураббийлар! Қўлимиз кўксимизда, қаршингизда таъзимдамиз!

Ширин сўздан, нурли юздан ёруғ йўллар,
Чин меҳрдан, мурувватдан обод чўллар.
Шу зотларни, шогирдларин кўкка йўллар,
Лойиқ улар қанча ҳурмат-эъзозларга,
Бошлар эгиб, таъзим айланг Устозларга!

(с) 26.09.2012 й.

Агар бўлмаса йўл бошлагучи пир,
Солур бўйнинга шайтон доми тазвир.
Ажаб йўлдур тамоми меҳнати ранж,
Ва лекин ҳар қаричда бир ниҳол ганж.

Сўфи Оллоёр

Азиз устозлар!
Ўқитувчи ва мураббийлар куни умумхалқ байрами барчангизга муборак бўлсин! Ҳамиша элда азиз, юртга фидойилар қаторида бўлинг!
Агар ҳаёт бўстон бўлса, биз муаллимлар унинг боғбонимиз. Ҳар доим эл назарида бўлиб келганмиз, шундай бўлиб қолайлик. Ёмон назарлардан Ўзи асрасин. Масъулиятли ишингизда Сизга сабру-қаноат, матонат тилаб қоламиз.


https://img.uforum.uz/images/gapfitn7013517.jpg

Дурдона, ганжина сатрлар учун раҳмат.

A. Navoiyning muhakamatul lug'atayn asaridan...
 

Мир Хусравнинг «Мир'отус-сафо» (Тозалик ойнаси») номли қасидасига халлоқул-маоний (ма'нилар яратучи) Хоқоний Шервоний пайравлик қилгандир. Бошланмаси бундай:
Таржимаси:
«Кўнглим ёш боладир, ишқнинг пири тил ўргатучи муаллимдир, юз қоралик ундаги дарс бўлиб, мискинлик мактабнинг бурчагидир».

Ҳазрати Махдумий унинг жавобида «Жилоур-руҳ» («Руҳ равшанлнги») номли қасидани айтибдирлар ва бошланмаси бундай:
Таржимаси:
«Муаллимким? — Ишқдир, хомушлик (жимлик) бурчагиунинг мактабидир, ундаги дарс—нодонлик бўлиб, дона дилим мактабнинг сабақ ўрганучи боласидир»,

Фақир ҳам «Насимул-хулд» («Жаннат шамоли») қасидаси билан ҳар икки улуғларга пайравлик қилибмен, бошланмаси будир:
Таржимаси:
«Муаллим ишқдир, ақлнинг пири сабоқ ўқучи боладир,
болага одоб бериш учун фалак айланучи чарх бўлди».
Бу қасидага ҳам кўп ма'нилар гавҳари киритилган ва умр маблағи сарф қилингандир.

https://img.uforum.uz/images/aeqxinw8235205.jpg (того, кто сможет прочесть и перевести, ожидает приз от меня)

https://img.uforum.uz/images/dibxzbw3331506.jpg

[QUOTE=Colorado;805265]
https://img.uforum.uz/images/aeqxinw8235205.jpg

"IQRO" o'qi deganimi?

Азиз хамкасабалар! Байрамингиз муборак булсин!

[QUOTE=Fayzbek;805319]

Оффтоп:

азгина интрига ушлаб турамиз, сешанба куни 18-00 гача

Ushbu kitob javoni "Iqra" deb nomlanadi. :)

Yoshu keksaga ilm va ziyo ulashishda sidqidildan mehnat qilib yurgan barcha insonlarni Murabbiylar kuni bilan tabriklayman!
Tinimsiz mehnatingiz samarasi - el-yurtimizning ravnaqi bo'lsin!

Barcha ilm-ziyo tarqatuvchi ustozlarimizni qutlayman! Tarbiyachi murabbiylar bayramingiz muborak!

Noto'g'ri informatsiya! Kimdir nimanidir oshirib yuborgan ko'rinadi...

Уқитувчи - биринчи мухаббатим!
Бешинчи синфда рус тили ва адабиёти уқитувчисини севиб қолдим. 10 чи синфгача бу фандан фақат аъло бахога уқидим.

Еттинчи синфда инглиз тилидан янги уқитувчи дарс бера бошлади, синф иккига булинарди, группада 9 уғил бола бўлса, хаммаси “англичанка”ни севарди, мен хам. Университетга инглиз тили кириш имтихонда - аъло бахо.

Нима демоқчиман: азиз уқитувчилар, чиройли кийиниб, содда бўлсаям, макияж қилиб юринглар. Уқувчиларингизда стимул пайдо бўлади, ана ундан кейин натижа бўлади!

Байрам муборак!


https://img.uforum.uz/images/qcismhv3258974.jpg
Бухоро. 100 йил аввал. Муаллиф Прокудин-Горский

Барча ўқитувчи, устоз ва мураббийларни 1-октябр куни билан шахсан ўзим номимдан ва UZINFOCOM жамоаси номидан чин қалбимдан муборакбод этаман. Шунингдек, дунёдаги барча яхши ниятларни азиз устоз ва мураббийларга тилаб қоламан. БАЙРАМ МУБОРАК, АЗИЗ УСТОЗЛАР !!!

https://img.uforum.uz/images/nxnqrjx1928868.gif https://img.uforum.uz/images/ptbrnfv3751046.gif

Ҳурмат билан, Дилшод Агзамов.

Aziz ustozlar,ma'rifat yo'lida jon kuydirayotgan yurtdoshlarim! Barchangizni kasb bayramingiz muborak bo'lsin! Ziyo taratishdek mashaqqatli va mas'uliyatli ishda barchangizga sabr-bardosh tilayman! Yurtimiz ravnaqi yo'lida qilayotgan mehnatlaringiz rohatini ko'rib yuring!