Arzimas bir kosa mayni sipqordim,
Mayning rag`batila ul yorga bordim.
Ul go`zal aytdiki: qaydadir boshing?
Boshim yoq, yurakni senga tutqardim.

(C)

Майнинг иши мудом ақлни олгай,
Унинг рутубати дилга ғам солгай.
Дилдорга бошлаган майдир, юракмас-
Манга ақлсиз бош минбаъд керакмас!..

Келсангиз-Сиз бунда ақл-ла келинг,
Ақлнинг косаси бош ила келинг.
Майнинг кучи кетар, ўткинчи дамдир
Сиз бунда ҳам бошу, юракла келинг.

(Ч.Б)

Gardanga ishq xarsang toshini qo`ydi,
Ko`ksimga sevgining nomini o`ydi,
Boshimni ko`yingda itlarga tashlab,
Yurakni qadaming ostiga so`ydi.

(C)

Иккимиз ҳам яна йўқолиб қолдик,
Соат милларининг сояларида.
Сен Ширин, мен Тоҳир, ҳушёр бўлайлик,
Севги сандиқ очиқ ҳаёт қояларида.
(с)

Ажаб дунё экан бу ишқ дунёси, аё дўстлар,
Бу дунё деб у дунёни баҳосиз пулга сотдим-ку.

Унинг гулзорида булбул ўқиб қон айлади бағрим,
Кўзимдан ёшни жў айлаб аламлар ичра ботдим-ку.

Қаландардек юриб дунёни кездим, топмайин ёрни
Яна кулбамга қайғулар, аламлар бирла қайтдим-ку.

Муҳаббат осмонида гўзал ЧЎЛПОН эдим, дўстлар,
Қуёшнинг нурига тоқат қилолмай ерга ботдим-ку.

[MOD]Домла!
Яна шундай шрифтда ёзсангиз жарималанасиз![/MOD]

Urilib-surilib o`tadi qayg`u,
Urilib-surilib ketar ko`zdan yosh,
Urinib qaydadir yo`qolar sevgi,
Burilib kimgadir ketar qalam qosh...

Urilgan boshimdan zerikdi devor,
Qoqingan toshlar ham bo`ldilar bezor,
Do`stim deb suyansam, qoyaga malol,
Qadrim deb yuragim chekadi ozor.

Urilib-surilib men panoh istab,
Boraman ko`ngilga bir yamoq istab.

(C)

***
Бир наво келади узоқ узоқдан,
Маҳлиё қилади кавсар боғлари.
Юрак қон томирим ва унда оққан
Қизил қон аслида армон доғлари.

Менга ҳасрат бўлиб турган орзулар
Ўтмиш боболарнинг ҳаваси балким.
Мен ҳам авлодларни қилиб қарздор
Яшаш фалсафамни айладим тулки.

Қонимда намоён ирсий ёзувлар,
Уни зийнат билиб мақтаниб юрдим.
Боламнинг бўйнига осиб қарзлар,
Бу ёлғон курашдан мен зада, тўйдим.

Қайбир наво мени олға чорлайди,
Кетиб бормоқдаман унинг ортидан.
Энг қизиқ жойи ҳам мана шундаки,
Югуриб келмоқда ортимдан болам.

Мени бехонумон тинмай куюб ҳар дам фироқингда,
"Нигоро!"деб отинг айтсам ки, шавқингдан забон ўртар.

Қаю тил бирла, эй жоно, сенинг васфинг баён айлай,
Тилим лолу кўзум гирён, сўнгакларни чунон ўртар.

Машраб

...Ростин айт, мен озлик қилдимми сенга?!
Айт бир юрак озми? Мана! Тўйдим-ку!
Ўжар севгим билан тегдим жонингга,
Кечир, рашким билан қийнаб қўйдим-ку.

Рауф Парфи

***
"Бу дунё ўткинчи, уни эзгуликка сарф қилинг"
Бибихоним обидаси пештоқидаги битик.


Ривоят қилишар қадим мозийдан,
Эҳромлар, масжидлар, буту калисо.
Тинмай сиғинмоқ фақат лозимдай,
Ваҳий олиб келар Муҳаммад, Исо.

Тавба, саждамизни буюрган Ўзи,
Ўлчаб қўйган ахир ризқу рўз, нонни.
Товуқ сўймоққа ҳам қўймайди кўзи,
Гумонлар комига отгай иймонни.

Алҳол бу дунёни ўткинчи атаб,
Эзгулик боғига чорлайди хоним.
Сабоқ керак десам йўқ бирор мактаб,
Саждага бош қўйсам қийнар гумоним.

Ҳайҳот, бу дунёни ўткинчи дедик,
Аммо абадликнинг йўқдир иложи.
Кетмоқ мақсад бўлса биз нега келдик,
Ахир биз ҳаётнинг ердаги тожи.

Шу ерда энди баҳру байтнинг шартлари андак бузилади, менимча..Аввалроқ ёзган шоиримизга жавобни ёзсак
менимча тўғри бўлар деган истиҳолада жавоб:

Уч кун дединг, беш кун дединг,
Ойлар ўтди келмадинг.
Фироқингда илинжларим-
Қонлар ютди, келмадинг..

Тонглар отар, кунлар ботар,
Шафоатдан йўқ дарак.
Ёзлар ўтар, кузлар ўтар
Умр ўтар жон халак.

Яшамоқ не йўлга қараб-
Наҳот шудир муҳаббат?
Сендан кечдим, сендан бездим
Энди кутма ҳеч шафқат

..Уч кун дединг, беш кун дединг,
Ойлар ўтди келмадинг...

Фарида Афрўз

..Интиқ дил ўзгани кўрмайди,
Ҳолингни мен каби
сабрсиз сўрмайди.
Соядек ортингдан эргашиб,
Орзую хавасга тенглашиб,
бекорга изингдан юрмайди,
Кераксан.

Масъудбек Махсудов

Nomingdir tilimning uchida,
Hayoling ketmaydi yodimdan.
Umidim, orzuyim sen bilan,
Yuragim titraydi dodimdan...

Men bitta emasman oshig`ing,
Eng ko`proq sevgani bo`lsamda.
Men senga baxtdan taxt tilayman,
Eshiging ortida o`lsamda...

Kerakmanmi?

Alisher Asror

Istaysizmi-yo‘qmi, gardun aylana,
Istaysizmi-yo‘qmi, qaytib kelaman.
Sog‘inmagan ko‘zingizdan aylanay,
Istaysizmi-yo‘qmi, sizni sevaman.

I.Mirzo

Nihoyat uyg`ondim. Uyquda olam.
Ko`rpasini yirtib ingradi xotin.
Mendan bir to`g`ram non tiladi bolam.
Qandayin tugandi, bu mashhar bu tun?

Men uyg`ondim . Salom - assalom.
Qaytib keldim, ey vadasi yolg`on Kun.

Rauf Parfi

***
Йўл пойандоз,
У Машрабнинг пайтаваси.
Сендаги бу ноз
Туғилишнинг бир саси
Туғилганда емоқчи эдим
Мен ўз чаранамни
Ахир у озодликнинг қафаси.

Ҳайвонларда буюк фазилат
Боласининг ейди эшини.
Туғилгандан йўқолар кулфат
Очилади озодликнинг
Биз билмаган эшиги.
Бу ҳақиқий ҳикмат.

Наҳот бизга ҳайвон бўлиб
Яшамоқ керак.

(с)

Кўнгил ичра минг бир армон,
Ҳар орзуга етиб бўлмас,
Фақат дўстдан айрилган он-
“Хайр”, демай кетиб бўлмас.

Кечаги дўст бугун-ғаним,
Нима эди айбим маним-
Ҳозир танҳо англаганим-
“Хайр”, демай кетиб бўлмас.

Армон-минг бир, дунё бир кам,
Айрилмоқлик тақдир экан.
Унутгансиз, балки эркам-
“Хайр”, демай кетиб бўлмас!.. (Б.Б)

...Суяниб кўзага, чалдим рубобим,
Хурсандлигим бунда, бунда азобим,
Шодон дилим, яна дили кабобим...
Хатолар мангудир, тушунмоқ мангу!


(C)

Умрим ўчиб борар мисли бир шаҳам.
Бағримни ўртайди дилимдаги ғам
Сенга юрагимни кўргандим баҳам.
Бугун кечгим келди ҳатто сендан ҳам!

***
Мен осмонни топдим ой излаб,
Соҳилларни йўқотдим - анҳор,
Бўса излаб топганларим - лаб,
Вақт йўқотдим, умримни - зинҳор.

Барг қўйнидан чиқди оғочлар,
Шакарлардан унди қамишзор.
Қалбим кесди тиғдайин сочлар,
Гулзорларим ҳувуллар - мозор.

Ваҳдад куйин чаламан боғда,
Ўт сочади музлаган юрак.
Қалбларидан топмай қўналға,
Интиламан ҳаммага - ҳалак.

Таскин излаб топдим ғавғолар,
Юрагимдан очдилар тузкон.
Ишқ йўлида қилди иғволар,
Тинчгина бир топмадим макон.

Ой сизга-ю осмон меники,
Қуёшни ҳам олинг сиз, майли.
Юрагимда бир гулнинг барги,
Балки гуллар - бу - мен туфайли.
(с)

Меҳрибон қароғинг, меҳрли сўзинг,
Менга интиқ бўлиб туришларинг бор.
Мен Сени ҳеч кимга бермасдим, лекин
Сен ўзганинг ёри, мен ўзгага ёр.

Кўришсак ҳаяжон, илоҳий титроқ,
Кўрмасак юраклар бўлар интизор.
Ёнимдан ҳеч сени кетказмасдим , лек
Сен ўзганинг ёри, мен ўзгага ёр.

Тушуниксиз Дунёми, тушуниксиз Дард,
Менинг гулзоримга ёғаётир қор...
Тўзим бер! Сабр бер! Эй, Тангрим , мадад!
У ўзганинг ёри, мен ўзгага ёр.

(C)

Sal kech qolibman, uzrlar!

-Рост айтсам, эй дўстим, гул ва муҳаббат
Қўлимга тутқизган баҳорда қалам.
Шу қалам қўлимдан тушмайди албат,
Чаманга бурканиб яшаркан ўлкам.

Мабодо беш юз йил умр кўрсам ҳам,
Баҳордан, севгидан ёзардим фақат.
Дер эдим- "ЯШАСИН ГУЛ ВА МУҲАББАТ",
Дер эдим:- "ЯШАСИН БУ НОДИР ОЛАМ!"

Шуҳрат

...Меҳр - қароқлардан оққан у дарё,
Меҳр - Лайлоларни излаган саҳро,
Меҳр - ҳар юракка бергани баҳра,
Сенинг илинжингда дайдиб юрибман,
Ҳар дам мурувватлар сендан кутиб ман.

(С)

Нетай. Пешонамда шу дард бор бўлса!
Қанийди бу дардга харидор бўлса...
Сени танлармидим ихтиёр бўлса?!
Ҳолим ёмон бўлди сени соғиниб..

Иқбол Мирзо

Баланд томли дарчангизга етолмадим,
Кўнгил узиб кўчангиздан кетолмадим,
Паста ётган хасдан сўранг, тошдан сўранг,
Унга айтган дардим сизга айтолмадим.


(C)

Шоир ака,адашмасам бу шеърингиз такрорга ўхшайди? ..Такрор бўлса..шаҳар берасизhttp://uforum.uz/images/icons/icon7.gif

Майли-да, кимгадир ёқса, ёқмаса,
Уларга қўшилиб йиғлашармидик.
Биз бахтли бўламиз худо хоҳласа-
Худо хоҳламаса-учрашармидиК?!


Муҳаммад Юсуф

Bo`lishi mumkin, bir qarash kerak... Sizdan bitta shahar aylansin:)

Кечаги кунимиз мисоли бир туш.
Эртаги кунимиз эртакка юмуш.
Осмонларда бўлсанг , бўл, заминга туш,
Кел, бугунги кунни байрам қилайлик.

Сен зўрсан, қолганлар сендан анча паст,
Сен гўзал, ўзгалар пойингда бир хас,
Эрта чўққиларни қтлсанг-да ҳавас,
Кел, бугунги кунни байрам қилайлик.

Кечаги виқор йўқ юришларингда,
Салобат , дадиллик туришларингда,
Киноя, истеҳзо кулишларингда...
Кел, бугунги кунни байрам қилайлик.

Юракка яқиним , эй , кўзи чарос,
Дўстона суҳбат қур, тўхтагил бир оз,
Бир лаҳза вақтингни оламан халос,
Кел, бугунги кунни байрам қилайлик

(С)

Кўп эди севишдан бошқа ҳам ишим,
Панд берди кўнглимга эркни беришим
Ўйлайман, балки бу менинг бахт қушим
-Ишонинг, бу менинг сўнгги севишим!

Гуноҳ қилган бўлсам бу жазолар оз,
Мен ҳам “башараси қурсин”ман бироз.
Саёз яшаяпман, жудаям саёз,
Онажон бу менинг сўнгги севишим!.


Адҳамбек Рўзиқулов

Мисол учун мен ҳам ишондим дейлик,
Кейин севишлардан, хўп, тондим дейлик.
Кўнгилни кўчада итларга ташлаб,
Муҳаббатни кечда қовуриб ейлик.

(С)

Кўнглимни билмайман нима қилишни,
Ў..унда нималар бўлмади содир.
Яхшиси мен сенга кўнглимни берай-
Сен ҳам бериб юбор уни кимгадир?!.
(Ф.А)

Rasmimni beraman mayliga olsin,
She`rimni sumalak sayliga olsin,
O`zimni berganman taqdir qo`liga...
Dardkashim , shu ko`nglim yonimda qolsin.

(C)

Не боис бошимда балойи ҳижрон?

Кулиб жавоб берди жонажон жонон:

Кўзингман, не ажаб кўрмасанг асло,

Жонингман, кўринмас жон ҳам, эй нодон!"


Абусаид Абулхайр

Кўзларингни майлига яшир,
Керак эмас нозлар, имолар.
Гўзалликнинг қошида ахир
Чўкка тушган ҳатто Худолар

А.Орипов

Ростким улким, назари тугридур,
Ким илиги эгридур, ул угридур.

А.Навоий

"Рости-русти" эди Темур шиори,
Забардаст эди у, юракда ори.
Номин айтиб кимлар мақтанар бугун,
Ўзида ғурур йўқ, йўқ касби-кори.
(Ч.Б)

Изладим бир-бир жаҳонда ҳар неча бўлса китоб,
Кўрдиму хаттингни дедим: муддао бу ердадур.

Зебунисо