Худойберди ака, сиз билан бугунги кундаги болаларнинг маънавияти хусусида кўп гаплашганмиз. Яқин орадаги кузатишларингиз асосида бу борада қандай фикрдасиз?

"Компьютер ичида адашиб қолган бола" ҳам борми?

"Компьютер ичида адашган бола" мавзусидаги янги романим устида ишлаяпман ва материал йиғяпман. Романим орқали "Компьютер болаларнинг тарбиясига салбий таъсир этадими ёки ижобий?" саволига жавоб топмоқчиман. Роман ғоясининг ечимини ана шу масала қамраб олган. Бола компьютерда ўйнаьб ўтириб компьютернинг ичига - компьютер оламига кириб қолади. Компьютеристондан чиқиш учун бир қанча саволларга жавоб бериш керак бўлади. Боладан миллатини сўрашганида у миллатини айтади. Демак, дейишади унга ,-Сен миллатинг дарвозаси томонда имтиҳон топширишинг лозим,-дейишади унга. Япон боласи 3 кунда урф-одатлари, аждодлари, тарихи ҳақидаги саволларга жавоб бериб Компьютеристондаги маҳбусликни тарк этади.
Бу асардаги бир сюжет. Ўйлаб қолдим, бизнинг ўзбек боласи Компьютеристондаги маҳкумликни қанча муддатда тарк этаркан деб.
Яқинда пойтахтимиздаги мактаблардан бирида бўлиб ўтган учрашувларда болаларга шундай саволларни бериб сўровнома ўтказдим.
- Кимнинг бувиси бор?
Барча болалар қўл кўтарди.
- Ким бувисидан эртак эшитади?
Ҳеч ким қўл кўтармади. Халқда "Эртаклар яхшиликка етаклар" деган гап бежизга айтилмаган. Эртак бола тарбиясига ижобий таъсир кўрсатади.
- Бешта мақолни ким санаб беради?
Ҳеч қайси бола мақол айтиб бера олмади. Бу жуда ачинарли ҳол-ку...
- Халқ қаҳрамонларидан бештасини номини санаб беринг.
Хайрият бир бола қўлини кўтариб, Жалолиддин Мангуберди, Амир Темур... сўнг эса Жумонг, -деди.
Буларнинг ҳаммаси болаларимиз кўраётган ўзга юрт сериалларининг таъсиридир.
Авваллари болаларга аждодлари ким бўлганлиги ҳақида оилавий суҳбатларда айтишарди. Ҳозир эса болалар ҳаттоки ўз бувиси ва бобосининг ҳам исмини билмайди. Биз фарзандларимизга бобо ва бувиларининг исми-шарифини, насл-насаби кимлигини ўргатишимиз керак. Бироқ ота-она бунга вақтини ажратмаса, бобо ва бувилар набираларига эртак айтиб беришмаса, бола китоб ўқимаса, маълумотларни фақат телевизор орқали олса ундан биз яхши тарбияни қандай қилиб талаб қила оламиз?!..

Муҳтарам адибимиз Худойберди Тўхтабоев билан бўлиб ўтган суҳбатнинг видеолавҳасини мана бу ерда кўришингиз мумкин.

Yozuvchi Xudoyberdi To'xtaboyevning yosh kitobxonlar haqidagi fikrlarini eshitmoqchi bo'lsangiz quyidagi videolavhani tomosha qiling.

"Омонбой билан Давронбой" ҳали босмадан чиқмаптими?

"Омонбой ва Давронбойнинг саргузаштлари" қиссасини матнини "Янги аср авлоди" нашриётига топширибдилар.

Ҳурматли ёзувчимиз Худойберди Тўхтабоев пойтахтимиздаги 106-мактабнинг аълочи ўқувчиларини оталиққа олганлар. Ҳар ўқув йилининг якунида оталиққа олган синфларининг аълочи ўқувчиларини ҳамда синф раҳбарини боғларига меҳмонга чақириб уларга ўзларининг янги нашрдан чиққан китобларини ўз дастхатлари билан, бундан ташқари бадиий адабиётлардан тақдим этадилар. Ўз навбатида ўқувчилар ҳам шеър, асарлардан парчалар ёдлаб келишиб иштирокчиларга ва ҳурматли адибимизга намойиш қилиб беришади. Ёзувчи ва ёш китобхонлар ўртасида суҳбат бўлиб ўтади.

https://img.uforum.uz/images/khkthmk5974136.jpg

https://img.uforum.uz/images/bnldzyh4507158.jpg

https://img.uforum.uz/images/zjmveam2900551.jpg

Мана бу миттивой бу йил мактабга чиқаркан, мактабда ўқиётганида худди акасидек аълочи бўлишни орзу қиларкан. Севимли ёзувчимиз унга ҳам расмли китобни тилаклар ёзиб тақдим қилдилар.

https://img.uforum.uz/images/utmfxdt2599130.jpg

Тақдимотдан сўнг адибнинг рафиқаси Санобар ая барчани дастурхон атрофида суҳбатга чорладилар.

https://img.uforum.uz/images/njzdmha8488245.jpg

Барча ўқувчилар яхши ўқитганликлари учун она тили ва адабиёт ўқитувчиси Марғуба опага ўз муташшаккирини билдирдилар.

Раҳмат. Хурсандман.