НАВРЎЗГУЛИ

Наврўзгули, бойчечагим, бормисан,
Мен сенга зор, сен ҳам менга зормисан?
Муз ичида асрадим мен кўнглимни,
Сен ўзингни асраб, бахтиёрмисан?

Омонлиқсан, тўтиёсан кўзларга,
Севги мактубисан маъсум қизларга.
Суйкаласан дудоқларга, юзларга,
Битта ўзинг бир бутун гулзормисан?

Ниначининг қанотидек баргинг бор,
Асал ва сут бўйи келар атринг бор.
Қадрим билиб йўқладингми, қадринг бор,
Ёлғизгинам, ёлғизларга ёрмисан?

Ай, кўнгилни қитиқлаган эрка гул!
Ай, оламни кўмган орзу-сирга, гул!
Қайга десанг, мен кетаман бирга, гул!
Сен ҳам мендек дардга харидормисан?

Ой ҳам кулча кўринармиш очларга,
Булут кўрпа бўлиб зор-муҳтожларга.
Ташна дилу руҳи яланғочларга –
Бирдек тансиқмисан, мададкормисан?

Жоним гулим, ўтинаман, сўлмай тур,
Дунё яшнаганда ҳазон бўлмай тур.
Мени етим қилма, кетма, ўлмай тур,
Сен ҳам мендек дунёдан безормисан?

бу ҳам И. Мирзодан....

Оффтоп:

Кимлардан ўқиб, сал таъсирланар, шаъмаю ишоратларни англар балки..

НИМА ҚИЛАЙ

Нима қилай, баргдан гул кўп чаманзорда
Ўхшашингни тополмасам нима қилай?
Гулбаргича дил бўлмаса сен дилдорда,
Юрагингни ўполмасам нима қилай?

Нима қилай, қоракўзим, нима қилай?
Икки олом ора ўзим, нима қилай?
Қошларингдан пора кўксим, нима қилай?
Кўзларингни тутолмасам, нима қилай?

Дард берарда сахий, бахтга хасис менга!
Зардаларинг, аччиқларинг лазиз менга.
Сен турган жой пойтахт менга, азиз менга,
Фарғонамга кетолмасам, нима қилай?

Не сайёдсан, не жаллодсан, не золимсан!
Тиғида нур ярқираган ҳилолимсан!
Умидимсан, орзуимсан, хаёлимсан...
Ўйлаб, ўйга этолмасам, нима қилай?

Бир бандиман, сенки ҳурсан, нима қилай?
Кўкда бўлсанг, ерда юрсам, нима қилай?
Шу ҳолимга яхши кўрсам, нима қилай?
Ўхшашингни тополмасам, нима қилай?
2004
И.Мирзо

Йўл юриб, мўл юриб келдим олисдан,
Минг йил ахтарганим ёнимда борсан.
Ёнимда борсану баттар ёлғизман—
Кошки юрагингга яқинроқ борсам.

Қўл чўзсам, зулфингга етар бемалол,
Балки қучишимни кутяпсан, зорсан.
Қўлларим ҳалвираб тушар бемажол,
Кошки юрагингга яқинроқ борсам.

«Қўй юрак, силтанма, ошиқма бекор.
Бунча шошқалоқсан, бунчалар торсан?»
Бунча бечораман, бунчалар ночор—
Кошки юрагингга яқинроқ борсам.

Қайси йўлдан борай, кимдан сўрай, айт?
Қайси тошга уриб бошимни ёрсам?
Сўраб-ку Маккани топарман бир пайт,
Кошки юрагингга яқинроқ борсам.

"Дилдаги сатрлар"га кириб қолмадимми, мабодо?!..http://uforum.uz/images/icons/icon7.gif
Яхши шеърлар экан..

N da tugab qolgan. N harfidan boshlash kerak....davom etamiz...

Huvaydodan

Na qildim sango man, yorim, jamolingdin judo qilding,
Boshimda gardi g'amni chun charog'i osiyo qilding.

Hamisha kuydurub sham'i firoqing birla jonimni,
Mani parvonani xokistarini zеri po qilding.

Judolig' aylar ekansan, oyo Laylivashi Shirin,
Nе dеb avval o'zungg'a man g'aribni oshno qilding.

Gar qabuliyatg‘a qobil tushsa jon jonim sanga
Jonima minnat fido bo‘lsun, begim, jonim sanga. .
Gadoiy

Atoiy, yerga yel zulfin tegurmas,
Qaroerga sening bosh urmog'ing ne!?

Yetgaymu dodim nozuk adoga,
Yorga yetar kun bormu, yoronlar?

Shum toleimdan ko’rdum jafoni,
Zolim raqiblar ko’rdi vafoni,
Holim so’r emdi, bergil davoni
Yorga yetar kun bormu, yoronlar?

Bulbuldayinkim faryod etarman,
Ishq daftarini bunyod etarman,
Ko’nlumni bir dam men shod etarman,
Yorga yetar kun bormu, yoronlar?..

Mashrab

Бу дунё ўткинчи, уни
Эзгуликка сарф этинг.
«Бибихоним» обидаси
пештоқидаги ёзув

Ривоят қилишар қадим мозийдан,
Эҳромлар, масжидлар, буту калисо.
Тинмайин сиғинмоқ фақат лозимдай,
Ваҳий олиб келар Муҳаммад, Исо.

Тавба, саждамизни буюрган ўзи,
Ўлчаб қўйган ахир ризқу рўз, нонни.
Товуқ сўймоққа ҳам қўймайди кўзи,
Гумонлар комига отган иймонни.

Алҳол бу дунёни ўткинчи атаб,
Эзгулик боғига чорлайди хоним.
Сабоқ керак десак йўқ бирор мактаб,
Саждага бош қўйсам қайнар гумоним.

Ҳайҳот, бу дунёни ўткинчи дедик,
Аммо абадликнинг йўқдир иложи.
Кетмоқ мақсад бўлса биз нега келдик,
Ахир биз ҳаётнинг ердаги тожи.
(С)

Illo, ketmak emas maqsad dunyodan,
Bitta bog', bir ezgu amal qolsin hech.
Inson kamoliga bir g'isht qo'ygan deb,
Zurriyotlar so'ngra esga olsin hech.

(C)