Navoiy Hazratlaridan

Ne kun o'lg'ayki, nigorim kelgay,
Bog'i umrumda bahorim kelgay.

Umr bog'ida bahor uldurkim,
Sarvqad lolauzorim kelgay.

Il gado jonig'a o't tushkaykim,
Olg'ali sham'i mazorim kelgay.

Ko'yida itti ko'ngul, vah, qachon ul
Masti devonashiorim kelgay.

Qani maykim, chu ichib mast o'lsam,
Ko'kka tuz boqqali orim kelgay.

Ey Navoiy, tilamon huru pari,
Shoyad ul bazmda yorim kelgay.

Йиғи келмайди сира,
Ғазабдан қақраган кўз.
Бу йўлларнинг яхидек
Лабимда қотибди сўз...

Қошлар, киприклар қирон -
Юраман хушсиз, ҳайрон.
Қорним оч, эсга келмас
Халтамдаги ғиштдек нон...

Куйган уйларда увлар
Қиш қуюни бетиним.
Танҳо кезаман. Йиғлар
Юрагимда ВАТАНИМ...

Ойбек

M harfiga...Jadidlarimizni xotirlab, ruhi-poklari shod bo'lsin deb...Cho'lpondan

QALANDAR ISHQI

Muhabbatning saroyi keng ekan, yo'lni yo'qotdim-ku,
Asrlik tosh yanglig' bu xatarli yo'lda qotdim-ku.

Karashma dengizin ko'rdim, na nozlik to'lqini bordir,
Halokat bo'lg'usin bilmay, qulochni katta otdim-ku.

Ajab dunyo ekan bu ishq dunyosi,ayo do'stlar,
Bu dunyo deb, u dunyoni bahosiz pulga sotdim-ku.

Uning gulzorida bulbul o'qib qon ayladi bag'rim,
Ko'zimdan yoshni jo' aylab, alamlar ichra botdim-ku.

Qalandardek yurib dunyoni kezdim,topmayin yorni,
Yana kulbamga qayg'ular, alamlar birla qaytdim-ku.

Muhabbat osmonida go'zal Cho'lpon edim, do'stlar,
Quyoshning nuriga toqat qilolmay yerga botdim-ku.

Узум йиғлар,
йиғлар буралиб,
йиғлайверар қишгача дилдан,
биллур каби мўлдир турланиб,
кузда дўнар олтин шингилга.
Поёни йўқ куз оғушида
қандай гўзал йиғлайди узум!
Шундай бўлар ҳақиқий йиғи.
кўриб қўйгин,
эй, ношуд кўзим!

Шавкат Раҳмон

Майли тошлар отсин ортимдан ахлоқ,
Майли мени диндорлар есин,
Ўзим атай танлайман тошлоқ,
Ахир бунга етади эсим.

Майли, қўлларимда танга турмасин,
Майли бойлар атасин аҳмоқ.
Фақат ҳеч ким қонда юрмасин.
Хоҳишингиз мени синамоқ.

Мен ўзимни тинмай синаб юраман,
Ўтга сувга ураман ўзим.
Безовтаман, тонгда тураман,
Гуноҳларим тилайди тўзим.

“Буюк”ларга билиб қўл бермай қўйдим,
Энди ўзим “буюк”ман, нетай.
Мени алқар ҳар бир гуноҳим,
Орт олдимда куйлайди “ҳай, ҳай”.

Кимлар савоб йиғиб атай жаннатга
Қурбон қўйга миниб боради.
Менчи миниб гуноҳларимга,
Жаннатидай кўнглим яйради.
(С)

I harfiga Navoiydan

ISTANGIZ
Istaganlar, bizni sahroi baloda istangiz,
Vodiyi hijron ila dashti fanoda istangiz.

Vomiqu, Farhodu Majnundeklar ul vodiy aro
Bo'lsalar paydo, meni ham ul aroda istangiz.

Yuz alarning ishqicha dardu, balou g'ussag'a
Tolib el boshig'a kelgan mojaroda istangiz.

Eyki, istarsiz savodul vajh fiddorayidin,
Boxabar bo'lmoq meni yuzi qaroda istangiz.

Ko'nglim ul zulf ichradur, zinhor ishqim sharhini
Istamang men telbada, ul mubtaloda istangiz.

Nuqta yanglig'kim, vafo uzra qilur kotib raqam,
Ishq o'tining dog'ini ahli vafoda istangiz.

Og'zi shavqidin Navoiy o'tti, oni istar el,
Yo adam dashtida, yo mulki fanoda istangiz.

***
Замон кечар мисли ўқ,
Ҳар бир одам бир чечак.
Ўлганларга ўтмиш йўқ,
Тирикларга келажак.

Осмон тешар юлдузлар,
Ой бир хамир зувала.
Тупроқ излар бу кўзлар,
Гўдак айтади алла.

Ҳайратга ҳеч ўрин йўқ,
Тош қайнайди ҳиссиёт.
Яшашданку кўнгил тўқ,
Битсак бўлади баёт.

Тарих, майли бор нарса,
Келажак мавҳум ва ёт.
Иккиси ҳам хунаса,
Биргина бордир ҳаёт.

Келажакка интилма,
Тарихдан сенга жой йўқ.
Ҳечкимни илоҳ билма,
Ўтарсан сен ҳам бир ўқ.
(С)

Қайрилма қошларинг, қаро қошларинг,
Мени соғинтирган бало қошларинг,
Раҳм-шафқат билмас дили тошларинг...
Кел букун, бир бора , Сен, кўнглимни оч
Менинг айвонимга қўнгил қалдирғоч.

Қишу совуғимдан безибми - кетдинг
Юрагим, юрагим эзибми кетдинг,
Барибир севишим сезибми кетдинг
Кел букун, бир бора , Сен, кўнглимни оч
Менинг айвонимга қўнгил қалдирғоч.

Жудолиқ жонимдан ўтди нарига,
Яқинларим кетди тупроқ қаърига.
Қандоқ чидаш мумкин заҳмларига!?
Кел букун, бир бора, Сен , кўнглимни оч
Менинг айвонимга қўнгил қалдирғоч.

Мен сўзлай озгина меҳринг билан боқ,
Озгина яқин тут, бўл дўсти-ўртоқ,
Майли ундан кейин қанотингни қоқ...
Кел букун, бир бора , Сен, кўнглимни оч
Менинг айвонимга қўнгил қалдирғоч.

Чарҳ уриб осмонни кесиб учасан,
Гоҳ пастлаб, гоҳида кўкни қучасан...
Мен учун барибир ўша-ўшасан.
Кел букун, бир бора , Сен, кўнглимни оч
Менинг айвонимга қўнгил қалдирғоч.

Ғарибни йўқлаган савоб бўлармиш
Ғарибни йўқлаган тавоб бўлармиш
Келмасанг бир дили кабоб ўлармиш.
Бир бора кел букун , Сен, кўнглимни оч
Менинг айвонимга қўнгил қалдирғоч.
2010-йил, июн.

(C)

Чархнинг мен кўрмаган жавру жафоси қолдиму?!
Хаста кўнглум чекмаган дарду балоси қолдиму?!
Мени хор эттию қилди муддаийни парвариш,
Даҳри дунпарварнинг ўзга муддаоси қолдиму!
Мени ўлтурди жафою жавр бирла ул қуёш,
Эмди тиргузмоқ учун меҳру вафоси қолдиму?..

Заҳириддин Муҳаммад Бобур

Umidim bor hayotdan hali,
Tugamagan ko`nglimda bardosh,
Kel, bir nafas orom ol, qalbim,
Uxla, qo`yib yor ko`ksiga bosh,
Umidim bor hayotdan hali.
Zora taqdir boshimiz silab,
Saodatga yor etsa bizni,
Tole bulbul ovozi bilan
Allalasa pok sevgimizni,
Talpinma ko`p, devona ko`ngil.


Sergey Yesenin