Ёзувчи ҳаётидан ҳангомалар. Иккинчи воқеа.
 

Ижодингизнинг асосий қисмини болалар учун ёзган асарлар ташкил этади. Айнан болалар учун ёзишингизга нима сабаб бўлган?
Худойберди Тўхтабоев: "Бунинг икки сабаби бор:Биринчиси, фаолиятимни мактабда болалар ўртасида бошладим. Болаларни яхши кўриб қолдим. Қалбимда, руҳиятимда болалар дунёси айланади. Мен дастлаб 15 йил давомида фельетон ёзганман. Х. Тўхтабоев, Т.Худойбердиев, Н.Каримов, рус тилида ёзганимга Н. Баранова фамилиясини қўллаганман.
О.Тоғаев 1960-70-йилларда "Совет Ўзбекистони" газетасида публицистика жанри" мавзусида докторлик диссертацияси ёзиб, кенгашга қўйиши керак эди. Ўқиб, фикрингизни айтинг, деб таҳририятга келди. Ўқисам, публицистикада тақлид кучайган. Х. Тўхтабоевга Т.Худойбердиев, Н.Каримов тақлид қилаяпти. Бу ҳам етмаганидек энди рус тилида ижод қилаётган Н. Баранова ҳам тақлид қиляпти, деб ёзилган. Буларнинг ҳаммаси менман дедим. Шундан кейин бу фикрларини кенгашга тақдим этмади. Хуллас, мен фелъетон ёзишдан тўхтадим. Сабаби мен айтган гаплар тарвузнинг устидан сув қуйгандек тўкилиб кетаверди. Ҳеч ким қулоқ солмади. Болалар менинг гапимни жон қулоғи билан тинглайди. Шундай қилиб мен болалар ёзувчиси бўлиб қолдим.

Яқинда Худойберди Тўхтабоевнинг 1979-йилда нашр қилинган "Омонбой билан Давронбойнинг ажойиб ва ғаройиб саргузаштлари" номли китобини топиб олдим. Мен учун жудаям қадрли китоб (исмларимиз мос келгани учун эмас :)) болалигимда шу китобни қайта-қайта ўқиганим учун. Болалар учун жудаям зўр китоб. Шу китобни қайта нашр қилдиришнинг иложи бормикин? Нигора опа, модераторлигингизни ишга солиб адиб билан гаплашиб кўринг. Агар қайта чоп эттириш имкони бўлса китобнинг электрон версиясини тайёрлаб бераман (болалар уйидаги ҳайрия тадбирида агар шу китоб бўлса қайта чоп эттирардим дегандай бўлувдилар). Қайси алифбода ёзиш кераклигини айтсалар бўлди(менимча лотинда).
ПС: Китобни мактаб кутубхонасига қайтариш ниятим йўқ :) Ўрнига адибнинг лотин алифбосида чиққан бошқа китобларини олиб бераман.

Омонбой!
Севимли адибимиз билан суҳбатлашдим. "Омонбой ва Давронбой"қиссасини топилганидан хурсанд бўлдилар. Айтганингиздек, қиссани лотин алифбосида ёзиб беришингизни илтимос қилдилар.

voy, dumalab qoldim kulaverib...:-)

tabiiy, keyinchalik degan ma'noda yozgan edim, ya'ni elektron versiyasi tayyor bo'lgach degan ma'noda....

Мана ўша китоб. 1979-йилдаги нашри. Китоб қачон ёзилганини билмайман.
https://img.uforum.uz/images/dxkfenl7931091.jpg
ПС: Китобдаги "Сир очилди" қиссасининг биринчи бобини кўчириб бўлдим. Агар кириллча ёзиш керак бўлганида анча тезроқ ёзардим.

Иккинчи боб ҳам тайёр. Қиссанинг анча йиллар аввал ёзилганини ҳисобга олсак, "секретарь", "план", "пионервожатий", "колхоз" каби эскиргансўзлар кўплаб учрайди. Бу сўзларнинг ҳозирга кўринишига ўзгартиришга тилимқўлим бормаяпти. Асарнинг мазмунига путур етказиб қўйишдан қўрқаман. Бу ишни адибимиз ўзлари қилгани маъқул деб ўйладим.

Ниҳоят китобдаги қиссалар("Сир очилди", "Ака-ука Омонбой билан Давронбойнинг қишлоққа газ олиб келганлари ҳақида жажжи қисса")ни лотин ёзувида кўчириб бўлдим. А4 форматда 14 лик шрифтда 55 саҳифа бўлди. Эндиги вазифа кўчирмани китоб муаллифига етказиш.