Муҳтарам Эшбеков Тўлқин ака! Марҳамат қилиб, бир оқибат кўрсатиб айтинг-чи, Сиз қатнашган бирор мавзу борми, жанжалсиз, дилхираликсиз тугайдиган?
Бошқа мавзуларда ҳам форумдагиларни ҳатто насабсизликда айблаганингизда шокка тушгандим!
Умуман, зиёли киши учун форумнинг ўзига хос жиҳатларига Робинзон Крузодаги жумавойлар каби қараш ярашадими? Бечора шогирдларингиз нима деб ўйлайди бундай нодир фикрларингизга? Ахир э-почталарнинг аксариятида ҳам никлардан фойдаланилади, наҳотки шунақа постларингиз билан уларни ҳам ўзгартириб юбораман, деб ўйласангиз?! Умуман, Сиз шаклланган ХХ асрда бундай нарсалар бўлмаганини тушунамиз, аммо замон сенга боқмаса, сен замонга боқ, деган ота-боболаримизнинг фикрлари жаа бизникичалик саёзмасдир. Ҳеч бўлмаса шунга амал қилишга ҳаракат қилиб кўринг!
Нима кераги бор бошқаларнинг жиғига тегиб, вақтини олиб?!

Бўлмаса, мана Сизга оқибат тўғрисида бир мисол. Бундан 2-3 йил илгариги воқеа. Хизмат сафарида йиллар давомида юраверибман, иссиқ сув, иситиш учун қарзларим 600 минг сўмдан ошиб кетибди, синглим: "ака, пластик карточкамдан тўлаб юборинг" деб қолди, "хўп" дедим, яна ҳар эҳтимолга қарши 600 минг нақд сўмни олганман, карточка орқали уни тўлаб, энди судга бориб квитанцияларни кўрсатаман деб турувдим, туфлимни пошнаси синиб қолса бўладими, Юнусободдаги кийим-кечак бозорига йўл олдим. Бир йигит бўларди, доимо ундан оёқ-кийим сотиб олардим. Аксига олиб, эсимга ярим йил олдин олган туфлини қимматроқ олганим эсимга тушиб, роса савдолашиб янги оёқ-кийим сотиб олдим, бунда 600 минг сўмим(қора пакет)ни туфлиларни устига қўйган эканман. Ҳуллас, бозордан янги туфли кийиб, эскисини қора пакетга солволиб чиқаверибман, ҳаёлим судда... Қўлимда бир нарса бор эди, деб ўйлайман, мана қора пакет... 10-15 минутдан кейин (бозордан дарров чиқиб кетмаган эканман) орқадан кимнингдир овози эшиталади, ўгирилиб қарайман, телефон дам-бадам жиринглайди(суддагилар, қачон келасиз деб), ўша йигит югуриб келиб пулли пакетимни қўлимга тутқизиб, "ака, молларим қолиб кетди" деб орқасига югуриб кетди. Ота-онасига раҳмат шу укамизни, мана Сизга тарбият ва оқибат. Бермаса ҳам бўлардику, мен эсимга келиб унинг олдига қайтиб борганимча у пулларни "юмалоқ ёстиқ ", "туя қўрдингми, йўқ" қилолмасмиди?...

Истиқлол йилларида мамлакатимиз дунёларга бўйлади. Бошқа юрт халқлари юртимизга келди, ўз навбатида биз ҳам дунё кезиб, дунёдаги барча миллатлар билан яқиндан танишиш имконига эга бўлдик. Бу халқимизга хос қадриятларнинг одамийлик деб аталмиш меъзонга не чоғли уйғун эканини кўрсатиб берди. Айниқса, Миллий давлатчилигимизнинг энг кичик бўғини маҳалла институти нақадар ноёб ва фойдали эканини бугун ҳамма эътироф этмоқда. Маҳалла нафақат ўзини ўзи бошқариш муассасаси, балки миллий урф-одатларимизнинг бешиги ҳам саналади. Бир болага етти қўшни ота-она, деган нақл бежиз пайдо бўлмаган. Оилада фарзанд тарбиясининг пойдевори қўйилса-да, айнан маҳаллада сайқал топади. Шу жумладан катталарга хурмат кўрсатиш, кичикларни эъзозлаш каби анъаналар ҳам маҳаллада шаклланади, шу ерда камол топади. Кўча бошида катталар кўринса, ёшлар дарров ўйинидан тўхтаб, салом беради, уларни ўтказиб юборгач, ўйинни давом эттирадилар. Бирор нима кўтариб келишаётган бўлса, қўлларидан олишга ошиқилади. Йўриқ-йўсинда, тўй-маъракаларда ҳам уй тўри, шубҳасиз, катталарники. Бундай ёзилмаган қоидалар қон-қонимизга сингиб кетган. Бирор сабаб туфайли катталардан тепага чиқиб олсангиз, рости, ноқулайликдан ўтирганча бўлмайсиз. Бу бизга берилган тарбия натижасидир.
Ишдан қайтаётганимда учинчи қаватда турадиган қўшнимиз қўлида челак билан пастга тушаётган экан. Ҳадича ая ёлғиз яшайди. Фарзандлари турмаган дейишади. Ёши саксонларга яқинлашиб қолганига қарамай, рўзғор ишларини ўзи қилади. Бошқаларга юк бўлгиси келмаса керак-да. Қўлларидан челакни олиб сув олиб келиш учун пастга йўналдим. Кўп қаватли уйимиз ҳовлисида ўйнаётган қўшни бола ёнимга югуриб келди-да: «менга беринг, амаки», деб қўярда-қўймай қўлимдан олиб, ариқ томонга кетди. Уйга кириб кетсам, бўлаверарди. Аммо кўнглим бўлмади. Чунки қўшнимни ўғлини аядим. Сув тўла челакни учинчи қаватга олиб чиқишга қийналмасин, дедим.

("дилдаги қуёш" эшиттиришидан.) (с)

[MOD]"Oqibat"ga oid mavzuda oqibatsizlarcha qoldirilgan xabarlar o'chirildi.
Ogohlantirish: O'chirilgan xabarlarga oid bahs-munozarani yana davom ettirgan ishtirokchiga qat'iy chora ko'riladi!!![/MOD]

Энг мушкул иш - одам бўлишдир, деган экан донишмандлар бири. Оқибатли бўлиш ва унга эришиш ҳам шундоқ мушкул эканлигини англадингизми, азиз форумдош? :)

Ўз фарзандини хатарли йўлга бошлаётган бир она унга қанчалик оқибатсизлик қилаётганини билармикин...

Shu mavzuni ochiqroq aytib bering

Bir lo'li hotin o'z qiziga "Bor anu ko'chaga chiqib tilamchilik qilgin" deyayotgan paytda, To'lqin domla yonidan o'tib ketayotib "Ўз фарзандини хатарли йўлга бошлаётган бир она унга қанчалик оқибатсизлик қилаётганини билармикин..." deb o'y qiganla.:)