***
Ишқинг ўтида, дилбар, ҳар дамда куяй дерман,
Қоним била, эй жонон, оламни бўяй дерман.

Юзинг билан қошингдин ўзгага назар қилсам,
Ханжар олибон кўзга кўзимни ўяй дерман.

Мижгон ўқидин, дилбар, қонимни тўкар бўлсанг,
Ул шамъи жамолингга парвона бўлай дерман.

Мен дашти муҳабатда баста бўлубон юрдум,
Эй соқий қадаҳ сунғил, тўйғунча ичай дерман.

Раҳм айласа гар дилбар ҳам очса ниқобини,
Мен хастасиман, дўстлар, тўйғунча кўрай дерман.

Машраб сени деб, дилбар, кечди икки оламдин,
Раҳм айлагил, эй жоно, биргина кўрай дерман.
Машраб

Неча кундин бери кўрсатмайин васлин соғунтирди,
Тараҳҳум айласун ул шўҳи жонон бир келуб кетсун.

Келурға кундузи андиша қилса шум рақиблардин,
Қилубон аср ила ё шому хуфтон бир келуб кетсун.

Агар қўрқса Худодин ман ғарибу зор шайдони
Йўлида қилмасун кўп зору ҳайрон, бир келуб кетсун.

Қафас ичра асирам андалибдек доғи ҳажридин,
Агар бир марҳамат қилса гулистон бир келуб кетсун.

Ва ё қилмоқ эса қурбон бу зулми кору боридин,
Олиб қўлига ханжар марди майдон бир келуб кетсун.

Фироқи фурқатидин етди бошим бистари ғамга,
Кўрарга ул ҳакими Кобилистон бир келиб кетсун.

Кетуб тандин мадорим гул юзим чун заъфарон ўлди,
Дилимни қуввати, дардимга дармон бир келуб кетсун.

Агарчи мандан ўтган бўлса ҳар саҳву хато, дилдор
КЕЧУРСИН, ТАВБА ҚИЛДИМ, юз пушаймон, бир келуб кетсун.

Ниҳоний га неча аҳду вафолар боғлағон эрди,
Дегил, кўп қилмасун аҳдини ЁЛҒОН, бир келуб кетсун.

***
Нега келдим, гўзал сўрмади ҳолим,
Кетсам ғазаблари ошгани маълум,
Келишим, кетишим маъносин айтгил,
Бу ҳолда чақишга узатгин қўлинг.
Х.Ж.М.

[MOD]Mahmud Jurat домла, Гулчеҳра опа!

Хабарларингиз сони 100 тадан ортиб кетган. Форум қонун-қоидаларига мувофиқ шрифтда- Verdana-3 да хабарларингиз матнини қолдирсангиз. Кўплаб хабарларингизни индамайгина таҳрир қилдим Сал эътиборлироқ бўлинг, илтимос.
Кейинги сафар хабарларни ўчириб ташлаб. чора кўришга мажбур қилманг.[/MOD]

Гар бўлса умр, боз бергайди Худо,
Гар умри фано бўлмаса, нақд умри бақо.
Ишқ оби ҳаёт эрур, унинг мавжига кир.
Ҳар қатраси бир ҳаёт эмиш, сенга фидо...

О, уйқуда яшадик ҳарчанд,
Тушлар билан овутдик ўзни.
Бахтимизни босиб ётар чанг,
Бизчи ўйин қиламиз сўзни.
(С82С)

Iltimos!
Gapirmang. So`zlamang ortiq.
Chorlamang. Chaqirmang. Ishqqa zormasman...
Men muzga ko`nglimni etganman tortiq.
Hazonrez bog`larga qaytib bormasman…
Iltimos!
Kul bosgan ko`chamdan o`tmang!
Shivirlab uyg`otmang armonlarimni...
O`ksinmang, o`rtanmang, ko`zlamang, kutmang!
Dardga almashganman, hijronlarimni…
Iltimos! Qayrilmang, qalb yig`lab qolsa…
G`urur jiloviga olmasa tilni...
Ming yillik faryodlar qayta o`t olsa,
Qanday ovutaman, sho`rlik ko`ngilni?!
Iltimos…
(C)

Сени излаб тоғлар билан хасратлашдим,
Тош-тиконлар тилиб кетди товонимни.
Дардим айтсам тушунмади харсанглари
Шабадалар илиб кетди забонимни..


Суҳбатингга ташнадир қалб, фидо жоним
Қайлардасан, боринг билдир Ёрижоним..

Ғурурларни илиб қўйдим янтоқларга,
Соғинч деган бир неъматдан тўйдим ёрим..
Соғинганни соғинса дил айб эмасдир,
Йўқликлардан Сени топдим, сенсан борим.

Бир илтифот кутмагайман, зорижоним
Қайлардасан, боринг билдир, Ёрижоним..

(с)

***
Мен сизга боғланиб қолибман,
Мен сизни соғиндим азизим.
Мен сизни эртакдан олибман,
Ҳаётда мен ҳамон бир ўзим.

Гулларни сиз дедим париваш,
Лабларим бўяди лолалар.
Муҳаббат саҳроси – мен ҳабаш,
«Жинни» деб тош отар болалар.

Сен ҳам зор талпиниб яшадинг,
Хаёллар оғуши алдади.
Адашган карвонга ўхшадинг,
Фироқнинг йўқ эди адади.

Саробга чирмашиб дил аро,
Қонимда ишқ ўти ётади.
Рўёлар юртига фуқаро,
Ошиқлар бош эгмай ўтади.
(С)

Ishq dedik – yo’lida ado bo’ldik biz,
Ishq qayda? Bilmadik – xato bo’ldik biz,
Ishqimizu ishq so’rab gado bo’ldik biz –
Ishq jondan do’zaxni boshlab o’tadir,

Ko’ksimdan qalb chiqdi – ochilib qoldi,
Shamollar tikanday sanchilib qoldi,
Zamon to’fonida yanchilib qoldi –
Oshkormas, pinhon dard yashnab o’tadir.

Suyganim yashamoq sabru qanoat,
Daqiqa – sinovdir, lahza – sinoat,
Ishq deb ado bo’lmoq balki saodat –
Garchi u ko’zlarni yoshlab o‘tadir.

Usmon Azim