Bu narsani har tomonlama o'zimizga bog'liqligga qo'shilaman, albatta. Lekin... O'zim aniq bilmaganim uchun ham "menimcha" deb qo'shib ketganman. Meni yaxshi taniydigan sizdek atrofimdagilar aytsinchi, meni axloqim yomonmi? Shunday bo'lsa bu haqda aytib, meni ogohlantirish do'stlarning ishi emasmi?

Қизиқ, баъзан оддий нарсаларни тушунмай қоламан... Ёки лақмамикинман-а?
1. Она тили ва адабиёти ўқитувчиси "1999 йилда "Радио рекордс" студияси томонидан аудио кассета чикканди мактаб болалари учун" деди...
2. Форумда унга "Орадан шунча вақт ўтди, нега бошқа чиқарилмади?" қабилида савол берилди.
3. Бунга "Бу саволга мен эмас, балки мутассадди шахслар жавоб бериши керак" деган табиий жавоб бўлди.
Бир қарашда мен учун барчаси тушунарли. Тўғрида, муаллим кассета чиқариш учун масъул эмаску, ҳар ким ўз ишини қилиши керак...

Аммо, негадир юқоридаги жавобга нисбатан томдан тараша тушгандек


деган фирк билдирилди. Бу фикрни қўллаб-қувватловчилар ҳам бор экан..

Умуман олганда, шахсан мен бўлар-бўлмасга миллат шаънига ёрлиқ ёпиштирувчиларни унчалик ҳам тушунавермайман... Мен ҳам Ўзбекман! Бўлар-бўлмасга ваҳима қилиб, пашшадан фил ясамаслик ҳам қонимда бор!
Азизлар! Исталган муаммони олсангиз - шу муаммо дунёнинг деярли барча мамлакатларида, миллат ва элатларида у ёки бу масштабда мавжуд. Аввало шу нарса биз учун ҳақиқатдан муаммоми -йўқми шуни аниқлаш керак. Мисол учун, шахсан мен шу топикдаги фикрлар билан танишиб, РЕП - умуммиллат даражасида бартараф қилиниши зарур бўлган муаммо эканлигига хали тўла ишонч хосил қилмадим.
ИМХО, шунинг учун, "биз ундоқмизда, бундоқмизда" деб жар солишнинг ҳожати йўқ! Балки кимнингдир атрофидагиларидан ёки танишларидан айримлари бошқа пайтда зўр-у, масъулият кўринганда четга чиқар... Бу инсонга хос хусусият. Лекин бу факт бутун бошли миллатга хос хусусият сифатида тамға босилишига асло асос бўлолмайди!
Муаллимнинг жавобига нисбатан эса умуман ноўрин. "Қўшни, қизимга совчи келяпти, нима қилсам экан-а?" деса, қўшниси "Эгачи, йўқ қатиқни қаердан оламан? деган экан...

Демак, муаммони умуммиллий муаммога айланадиган даражада кенгайишини кутиб, купол айтганда ярани мада бойлаб, йиринглаб кетгунига кадар кузатиб туриб, кейин даволашни бошлаш керак экан-да?!!

Мавхумликка ойдинлик киритганингиз учун ташаккур Маэстро!
Олимбекнинг фикрларига келсак, хеч ким масулиятдан кочмайди. Масъулиятсизлик килиб бирор бир ишни бажаргандан кура, бу шини килишдан воз кечган афзал. Колаверса, ишимга оид масъулиятли вазифа чикиб колса, четга туриб томоша килиш менинг феълим учун хос ва мос эмас!!!

Бизнинг бошқа миллатлардан ажралиб турадиган бир фарқимиз бор. Бу ўзбекона андиша. Бирор бир муаммога дуч келсак ёки чигал бир масалада тортишиш бўлса биз жим турамиз. Андиша қиламиз. Ишонмасангиз бир марта шу холга гувоҳ бўлинг. Авваломбор бошқа миллат вакили ўз эътирозини билдиради. Биз эса андиша қиламиз.
Бу фикрга қўшилиш мумкин. Аммо хамма шундай деб ўйласачи?. Бир нарсага аминман. Бу темада ёзилганларни РЭП мухлислари ҳам РЭП юлдузлари ҳам ўқимайди. Бу ерда хозир булганлардан қай бир мард шу фикрларни РЭПчиларга етказа олади?. Ким уларни ишини назорат қила олади? Умуман бу холга ким айбдор?. Нафақат РЭП керак булса бошқа йўналишларда хам айтсак (саънат сохасида) айбларимиз тиқилиб ётибди. Вақтингиз булса ОАВларида берилаётган қўшиқларни бир тинглаб кўринг. Клипларни бир қаранг. Хамма ёкни ярим яланғоч ўйинчи босиб кетди. Husen Tangriyev яхши фикр айтибди. Менимча бундай ярани кесиб ташлаш керак. Бу яра маддалаб бўлди.

Телевизорда Муножот Йўлчиевани бир ашуласини тинглаб қолдим. Микрофон хонандадан 30 - 40 см узоқда эди. Қойил қолдим. Шунда ёнимда турган дўстим бу ижрони тарихини айтиб берди. Бир ҳалқаро анжумандаги бу ижро шу қадар мохирона бўлган эканки, тингловчилар (Чет эллик мехмонлар, элчилар) ижро охиригача ўрнидан туриб қарсак чалиб туришибди. Тингловчилардан бири бир қучоқ гул келтириб, хонанданинг оёғи остига ташлаб, Қўлимдан келганида бутун олам гулларини оёғингиз остида тўкардим деган экан. Ўйлайсизки улар қўшиқ матнига тушунганми?.
Мен РЭПга қаршилик қилиш фикридан йироқман. Бир пайтлар кибернитика фанига хам эътирозлар булган. Аммо хар бир нарса авваломбор шу юрт, миллат манфаатига хизмат қилиши керак. Фонограммани таъқиқлаб, қўлидан микрофонни олиб қўйингчи, Ўзбекистонда нечта қўшиқчи қолар экан?
Энг ёмони шунда буляптики, баъзи бир хонандаларимиз ҳалқимизнинг куп асрлик мумтоз мусиқа дурдоналари айтишга тушишди. Айтсанг айт хеч ким қаршилик қилмайди. Аммо қулингдан келса, бузмасдан айт барака топгур дейдиган мард топилмаяпти?.

[QUOTE=olimbek;91668]Бизнинг бошқа миллатлардан ажралиб турадиган бир фарқимиз бор. Бу ўзбекона андиша. Бирор бир муаммога дуч келсак ёки чигал бир масалада тортишиш бўлса биз жим турамиз. Андиша қиламиз. Ишонмасангиз бир марта шу холга гувоҳ бўлинг. Авваломбор бошқа миллат вакили ўз эътирозини билдиради. Биз эса андиша қиламиз.
Мухтарам Олимбек!
Мен бу ерда ишни мукаммал килмок хакида фикр билдиргандим.

Қани муаммо? Сиз учун ёки ҳамфикрларингиз учун РЭП балки муаммодир... Ҳамма шундай фикрдамасдир? Ҳатто шу топикда ҳам ҳали бир тўхтамга келинмади шекилли...
30-40 йиллар аввал Майкл Джексон, Абба, Назарет, Род Стюард, Айрон Мэден, Скорпионс, Мадонна, Иглесиес, Пинк Флойд, Металлика, Ю-ту, Оттован, Дюран-Дюран, Депш мод, Тина Тернер, Розенбаум, Высоцкий (чекланган), Наутилус, Браво, Кино, Аквариум каби ижрочилар фаолияти ёшлар ва омма фикрини заҳарловчи муаммо баҳоланиб, таъқиқланган эди. "Ласковый май" гуруҳи чиққанида-ку, уларни "қўшиқларидаги саёз матн ва унданда саёз мусиқа" учун мамлакат миқёсида танқид қилмаган телекўрсатув, радиоэшиттириш ёки газета деярли қолмаган эди. Манаман деган мусиқашунослар-у ижрочилар уларни муҳокама қилишган. Хозир бунга ишониш қийинми? Балки кулгилидир? Аминманки, 30 йилдан кейин РЭП ҳақидаги мазкур топикни ўқиганлар биздан кам таажубланишмайди. Умуман олганда, турли "кураш"ларга нисбатан ўз фикримни бошқа топикда келтирган эдим (http://www.uforum.uz/showthread.php?t=3202&page=7).

Дейлик, мен етказа оламан. Улардан эшитадиган жавобни ҳам аввалдан биламан: "Ока, талаб борми - таклиф ҳам бор. Қўлимда казо-казо мутахассислар кенгашиб, расмийлаштириб берадиган лицензиям ҳам бор. Солиқларни ҳам вақтида тўлайман. Умуман олганда, бизда ижод эркинлиги. Миллатчилик, ирқчилик ёки бузғунчиликни тарғиб қилаётганим йўқ-ку. Ёқмаса - эшитманг! Болангизга салбий таъсир кўрсатаяпти деб ҳисобласангиз - унинг эшитишини таъқиқланг, назорат қилинг! Агар бу иш қўлингиздан келмаса, айб мендамас. Омон бўлинг!".

Клиплардаги очиқ-сочиқлик бўйича фикрингизга қўшиламан. Аммо бу ярани қандай қилиб кесиб ташлашга ақлим лол... Чунки, улардан ҳам деярли юқоридаги жавобни олишим тайин. Қўлимдан келгани - фарзандларимга қўйилган чеклов.

Judayam o`rinli fikrlar qoldiribsiz. To`g`ri biz erkin demokratik davlatda yashaymiz va hech bir narsa (agar u qonunda belgilangan me`yorlarga zid bo`lmasa), hech bir g`oyani ta`qiqlab bo`lmaydi. Qoshiqchilikda ham shunday. Faqat, repning, aniqrog`i bugungi o`zbek repining holati yuqorida siz keltirgan qo`shiqchilarning birortasiga o`xshamaydi.
Sababi, to`g`ri siz keltirgan qo`shiqchilar qo`shiqlari matnida ham o`z davri stereotiplaridan chekinishlar bor va bu tabiiy ravishda etirozga sabab bo`ladi. Buguni o`zbek repperlari "matni" eas (aslida bu o`rinda matn so`zi ham shartli ravishda ishlatilagan) umuman kurakda turmaydi.
Yaqinda TV markazda bir qo`shiq premerasini tasodifan ko`rib qoldim. Dahshat!!! Qanchondan boshlab bizda qizllarga nisbatan "toza", "shirin" sifatlari ishlatiladigan bo`ldi.
Keyin eng achinarlisi, repperlarda engil turmush tarzi targ`ib qiladi. Shaxriyor bir dumalab "boy" ga aylanadi, ko`ngli tusagan ishini qiladi, bizga, bugungi yoshlarga shunaqalar o`rnak qilib ko`rsatilayaptimi. Yoki bugunning prototipi shundaymi.
Xullas shunga o`xshash bezorilik, to`polon qilish, "razborchik"lik - bugungi o`zbek repidagi eng "xaridorgir" mavzular bo`lib qolgan.
Yana qaytraman, biz ularni ta`qiqlashga hech qanday huquqimiz yo`q. Qo`limizdan kelgani, o`zingiz aytganingizday o`z ta`sir doiramizdagilarga ta`sir ko`rsatish. Lekin qachongacha sukut saqlash mumkin.
Mana sizning qo`lingizdan ularga etkazish kelar ekan, ulardan (ixtiyoriy birortasini) mana shu forumga kiritish keladimi. Bizning Rep haqidagi fikrlarimiz bilan shaxsan tanishardi, qilayotgan ishi san`at kushandasi ekanligigni ochiq-oydin aytar edik. balki fikri o`zgarardi.
Yana qaydam, men haqiqatni emas o`zim haqiqat deb bilganlarimni yozdim.

Бунга жуда-а-а кўп бўлган, балки асрлар.... Мумтоз қўшиқларни ҳам тинглаб турингда, укатой...
Тушунмадим, қайси репперларда енгил турмуш тарзи тарғиб қилинаркан? Бирортасини номини келтириб, клипини шархлаб берсангиз бўларкан. Ёки Шахриёрнинг айнан қайси қўшиғи хақида гап кетаётганлигини билдиринг.
Айнан гап шу мавзуларнинг нега бунчалик "харидорлиги" ҳақида кетмоқда. Агар бу зарарли деб топилса, "харидорлар" билан ишлаш, уларни тарбиялаш керак...
Агар асосланган фикрлар билдирилмаса (шу топикдаги каби), менга ишонаверинг - фикри асло ўзгармайди. Бу худди "тамаки фабрикаси директорининг олдига бориб - "Сиз ишлаб чиқараётган сигаретлар қанчадан-қанча ёшларнинг тамаки чекишига ва халқ саломатлигига путур етказилишига сабаб бўлмоқда. Бу ишингизни тўхтатинг!" десам, гапимга кирармикин?" деган фикрга ўхшайди...
"Санъат кушандаси"... Ким сизга РЕПни санъат сифати қабул қилинг деяпти? ИМХО, РЕП ва санъат умуман бошқа-бошқа нарсалар...