Ne balolig' erdi, ey sho'xi diloro, surating,
Aqlimi lil etti qilg'uncha tamosho surating.
Ketti bir ko'rgach ani sabru qarorim shevasi,
Ayladi toqat nechuk chekkanda tarso surating...

Furqat

Hayotda uchrashganda "bahru-bayt" mavzusida kim qatnashgan bo'lsa, albatta, bahru-bayt o'tkazib aniqlashtirib olamiz. :)

Go'daklarning aytgan ilk so'zi ONA
Ular bor,uyimiz doim koshona.
Volidasiz uy gar qasr bo'lsa ham,
Farzand uchun bu joy go'yo vayrona.

(c)

Aql yor olsaydi, tarki ishqi yor etmazmidim,
Ixtiyor o'lsaydi, rohat ixtiyor etmazmidim.
Lahza-lahza suratin ko'rsaydim ul shirin labing,
San kibi, ey Besutun, ban ham qaror etmazmidim.
Yor-la ag'yori hamdam go'rmaga o'lsaydi sabr,
Tarki g'urbat aylayub, azmi diyor etmazmidim.
Voizing kufrin banim rasvolig'imdan qil qiyos:
Onda sidq o'lsaydi, ban taqvo shior etmazmidim?..

Fuzuliy

Muhabbat- bu eng go'zal tuyg'u,
Uning o'gushida sarmast ko'ngillar.
Muhabbat - yurakdan taralgan yog'du,
Undan yorishadi qorong'u dillar.

Humoyun Mirzo

Rasvo bo'lgan nomus-or uchun,
Jangda o'lgan do'st uchun yig'lang.
Yov toptagan gul diyor uchun,
Ta'qiqlangan so'z uchun yig'lang.

Qolgan dardlar-charxning hazili.

Anvar Obidjon

Ismin unutganim muattar ranglar
Bugun qarog‘imni keldi daraklab.
Yig‘latib ketibdi quvg‘indi g‘amlar –
Dilni ardoqladim baxtga yo‘rgaklab.
Kulgichga tomizib sho‘x kulgularni,
Do‘st, ko‘zga surtaylik navro‘zgullarni.

Iroda Umarova

Iloho, menga yetkurg'aymukin xurshidi matlabni,
saodat vaqtida boshimg'a chun iqboli kavkabni,
Iloho, sen yetur himmat yo'lig'a xasta mashrabni,
Hama obod bo'ldi, bo'lmadim obod dastingdin,
Ki men har qayg'a borsam, dod etarman, dod dastingdin.

Mashrab