Ногоҳ пайдо бўлди даврада гадо,
Давра аҳли эса шоҳлар эдилар.
Улар таажжубда қолиб шу асно,
Гадога боқишиб: — Кимсан? — дедилар.

Бир кун пайдо бўлди даврада подшоҳ,
Давра аҳли эса гадолар эди.
Улар ҳам таажжуб ичра баногоҳ: —
Подшоҳга боқишиб: — Сен кимсан? — деди.

Ғайбдан садо келди: — Тингла эй банда,
Барчангга яратгум ягона макон.
Бир-биринг камситиб қилма шарманда,
Ахир иккингиз ҳам эрурсиз меҳмон.

А.Орипов.

Нечук жонман, паришонман, сарупо айбу нуқсонман,
Ёмонман, йўлдин озгонман, на инсонман, на ҳайвонман.

Абас умримни ўтказдим, гуноҳлар дафтарин ёздим,
Маъосий даштида оздим, тополмай йўлни ҳайронман.

Ҳисолимдин уётганман, гуноҳ лойиға ботганман,
Худойимни унутганман, нечук дерман мусулмонман.

Ўтиб кетди маҳу солим, оқарди сочу соқолим,
Дигаргун бўлмади ҳолим, маолимдин паришонман.

Хўжажон Рожий Марғиноний.

Комилжон, жарима!http://uforum.uz/images/icons/icon7.gif Тўловига бошқа шеър! Ахир олдинги саҳифада бу шеърингизни ёзгансиз

Неки олдим, бахтми, тахтми қарз бари,
Бари бир кун қўлларимдан кетгайдир.
Бу боғнинг ҳам чаппар урган гуллари
Ранги ўнгиб, йўлларимдан кетгайдир.
Гарчанд ҳали мушки-муаттар, қара,
Куз кириб келмоқда уриб бар, қара,
Икки ўрим сочим — дарё, қарқара,
Қаён кетса белларимдан кетгайдир.
Дунёларим шамол қилар қаҳратон,
Не қилса бир амал қилар қаҳратон,
Саҳроларим қамал қилар қаҳратон,
Қарға, қийғир чўлларимдан кетгайдир.
Таназзулда, ярқираган он ичра,
Қонга, шонга менинг билан бир учраб,
Фақат ишқинг, жоним ичра, жон ичра,
Кетсам, тупрок, гилларимда кетгайдир.

Ҳалима Худойбердиева

Bo'ladimi bu she'r.

Sizga ham Jarima Gulchehra opa.:biggrin: Axir qoidani buzdingiz.Oldingi she'r "n" bilan emas, "r" bilan tugagan edi.

Тўғри 1х1 бўлди-ми, шунда?! Аслида мен сизга "Жарима" ёзгунимча орадан 2 дақиқа вақт ўтибди..Атиги 2 дақиқага кечикибман, мени Сиз чалғитдингиз, қани ўзларидан бўлсин укажонhttp://uforum.uz/images/icons/icon7.gif Лекин мана бунақа http://uforum.uz/images/icons/icon10.gif қиб қўрқитмангда, бўлмаса шеър ёзвораман "Албатрос" дебhttp://uforum.uz/images/icons/icon7.gif

Росулуллоҳ ҳимоятда, шафоат осий умматга,
Гумон йўқтур бу бобатда, шафоат осий умматга,
Ўқуб кўрдим китобатда, шафоат осий умматга,
Умидим шул қиёматда, шафоат осий умматга,
Ўшал рўзи аломатда, шафоат осий умматга.

Қиёмат хавфидин бағрим яро бўлган мани афзун,
Кўзумдин ёш тўкарман зорлар йиғлаб бўлиб дилхун,
Бу кун бу турфа аҳволимға тонгла қилмағил маҳзун,
Лаҳаддин бош кўтаргай аввалину-охирин ул кун,
Туруб барча надоматда, шафоат осий умматга...

Хўжажон қози Рожий.

Асрори азалнн сану ман билмасмиз,
Бу ҳарфи чигални сану ман билмасмиз.
Ҳар нечаки сўзладик, дедик парда оша,
Чу пардаки тушди, сану ман билмасмиз...

Албатта бўлади, Комилжон, ажойиб шеър! "Қарзингизни узибсиз"http://uforum.uz/images/icons/icon7.gif