... Ишк нафаси келар хаводан,
Кайда у нур, кайда у Одам?
Сен борсан-ку, нега ёлгизман,
Тушган булсак бирга самодан?

Тошларини ёгдирди хижрон,
Бу ишк мени енгди беомон.
Кахринг шунча каттик булмаса,
Йиглармидинг бошимда, осмон?

Азобларинг утди жонимдан,
Тиглар занглаб битди конимда.
Дилимга кир кулларин чузиб,
Изгиб юрар иблис ёнимда...

Вужудимни емирмаса гам,
Юрагимни билмас эдинг хам...
Мен севмасам, севилармидинг,
Эй, кунглимнинг эгаси, Одам?!

Зебо Мирзо

Кутдим-кутдим келмадинг бу кун,
Умид килдим эртанги кундан.
Эртанги кун топмокда якун,
Аммо хамон дарак йук сендан.

Туни билан мижжа кокмайин,
Яна кутдим эртангги кунни.
Сипкорарлар кимлар ишк майин.
Кимлар чапдаст тукмокда уни

Сендан эса на хабар, на хат,
Тун ё тонгда келмайди менга.
Тугаб борар мендаги токат,
Учми надир олар аланга.

Нега жимсан тоза ишк номин,
Упиб мен куз тиндиргим келди.
Нега жимасан кайнок ишк жомин,
Тошга отиб синдиргим келди.

Нега жимсан...

Халима Худойбердиева

Ushbu sahifamiz bahru bayt tarzida olib borilmoqda
Bahru bayt aytish shartiga ko'ra Sizdan oldin she'r aytgan insonning she'ri qaysi harfda tugasa, o'sha harf bilan boshlanuvchi she'rni aytib mushoirani davom ettirishingiz lozim. ;-)

Men sizga nasihat aylay,
Vatan tark etuvchi bo`lmang,
O`zin biomagan odamning,
Xizmatin etuvchi bo`lmang.

Eshikdan joy tanlab kira,
Yigit o`ltirar joyni ko`ra,
"Kel", deb aytmagan yera,
Qalqinib boruvchi bo`lmang.

O`tmang yaxshini ko`rganda,
Holidan xabar olganda,
Bir dardni yig`lab turganda,
Yonidan kuluvchi bo`lmang.

Bir yigit zuryodsiz bo`lsa,
Yaylov to`la moli qolsa,
Yo nolangga quloq solsa,
So`z - undan oluvchi bo`lmang.

Yaxshi niyati ravshandur,
Ani ko`rmak g`animatdur,
Nomardning ishi minnatdur,
Zar bersa, oluvchi bo`lmang.

Yurish ho, Go`ro`g`li, yurish,
Maslahatdin chiqar har ish,
Urushsang, mard bilan urush,
Qochganni quvuvchi bo`lmang.

"Go`ro`g`li" dostonidan.

Gul g'unchalig'inda xor ilandir,
Ochilg'ach o'zga yor ilandir.
Aslinda tikan chekar azobin,
Faslinda hakim olar gulobin.

Muhammad Fuzuliy

Qancha ulug‘ zotlarning munavvar darsxonasi,
Har bir ko‘hna g‘ishtingda zamonlar afsonasi,
Mangulik qo‘rg‘onida so‘nmagay nishonasi,
Uyg‘onguvchi millatning ilmu fan koshonasi,
Milliy universitet,
Milliy universitet.

O‘zbekning bu dunyoda tulpori bor, oti bor,
“Qutadg‘u bilik”lardan boshlangan bunyodi bor,
Sokin devorlaringda allomalar yodi bor,
Sadoqat pirxonasi, saodat nurxonasi,
Milliy universitet,
Milliy universitet.

Kitoblar uzra yuz ming kechalar kunduz bo‘lur,
Ustozlarning orzusi — yuz ming o‘g‘il-qiz bo‘lur,
Ma’rifat osmonida bu yuz ming yulduz bo‘lur,
Yoshlik ham muhabbatning tuganmas taronasi,
Milliy universitet,
Milliy universitet.

Ilm olmoq olamda ulug‘ ne’mat, ulug‘ erk,
Bag‘ringda vijir-vijir qaldirg‘ochlar to‘lug‘dek,
Ko‘rsa havas qilardi o‘zi sulton Ulug‘bek,
Necha bir avlodlarning yarqiroq peshonasi,
Milliy universitet,
Milliy universitet.

Bir so‘z o‘rganmoq uchun ketgay qanchalar sabot,
Asli so‘ngsiz sinovdir, dorilfunundir hayot.
Sen o‘zing parvoz bergil, sen o‘zing bo‘lgil qanot,
Sendadir kamolotning yuksalur pog‘onasi,
Milliy universitet,
Milliy universitet.

Bizlar toshqin daryolar — bir jonu tan bo‘lgaymiz,
Tiriklik chechaklari — gul-gul chaman bo‘lgaymiz,
Ulg‘ayib, kamol topib, buyuk Vatan bo‘lgaymiz,
Istiqlol durdonasi, istiqbol ostonasi,
Milliy universitet,
Milliy universitet.

Ushbu sahifamiz bahru bayt tarzida olib borilmoqda
Bahru bayt aytish shartiga ko'ra Sizdan oldin she'r aytgan insonning she'ri qaysi harfda tugasa, o'sha harf bilan boshlanuvchi she'rni aytib mushoirani davom ettirishingiz lozim.

Нечун, жоним, кўзларингда нам?
Нечун йиллар қийнадинг ўзинг?
Дардларингни кўрамиз баҳам,
Ҳақиқатдан юммагин кўзинг.

Қанча кутдим гоҳида чидаб,
Гоҳи сендан қилиб андиша.
Мажбур бўлдим ўзимни алдаб,
Яшаб юрдим кулиб ҳамиша.

Қалбим-чи, у йиғлар эди жим,
Қайғуларин этмасди ошкор.
Фақат розинг кутди юрагим,
Қадамингга бўлиб интизор.

Кўзларингни яширма мендан,
Сўзинг тинглаб, қараб тўймайман.
Меникисан. Энди ҳеч қачон,
Ҳеч кимсага бериб қўймайман.

Mas'ud

Ushbu mavzuni Bahru bayt deb o'zgartirib qo'yilsa bo'lmasmikan. Aks holda ko'pchilik yanglishayapti.

Buni moderatorlardan iltimos qilsak bo'larmikan? Ushbu mavzu muallifi e'tiroz bildirmaydilarmi?

Оффтоп:

Bemalol o'zgartirishingiz mumkin...

Сообщение модератора:

Мавзуни номи ўзгартирилди

Demak mavzu o'zgardi qaysi xarfda to'xtagan edik?

:clapping: :buba: :187: :rtfm: :clapping:

Bilishimcha Тема -Mavzu bo'lsa kerak. Shunday ekan buni xato deb bo'lmaydi (balki bu sizning nazaringizda xato bo'lsa xam).

Оффтоп:

Бу бир маълумот эди, хато деб айтмадим шекилли? Мени хатоимни топиб берганингиз учун рахмат.

Сообщение модератора:

Ҳамма ерга оффтопларни қолдиришни бас қилинг, ҳеч бўлмаса оффтоп теги билан ёзишга ҳаракат қилинг

Оффтоп:

Тушунмадим, бу нима килик булди яна?
Барака топгур, шахсий номада тушунтириб булмаса, бу жойда тушунтириб булмаса, еее... манга нима?
Лекин, килган килигингиз роса узингизга ярашибди, ростдан!!!:187:

Аввало мавзу муаллифи ва модератордан, колаверса барча форумдошлардан узр сурайман.

Нечун яна кузим, кулмайсан нечун,
Нечун сен ёзмайсан инжа канотинг,
Яна тортмакдами ушал мудхиш тун,
Уфкда учдими, эй, куёш, отинг.

Очгил кузларингни. Нашъа соч. Борлик
Ок эркин ичрадир. Хар нарса ок. Ок.
Севгилим, бу сенинг кузингга боглик,
Шодлик. Нур тошкини. Бу чаман. Бир бог...

Булар бари сузлар-ку, ахир сузлар.
Кайларга йикилар бир кун, беомон
Кузинг осмонидан учган юлдузлар?!

Кузингнинг каърида юкинар, излар,
Ёруг сохилларни асрдийда жон...
Мангулик осмони-бу теран кузлар.

Рауф Парфи

Rubobiy she'r yozsam...
qaytsam bir nafas...
hamisha musaffo chashmani ko`rsam,
qoraygan cho`qqilar qoriga qarab,
bir nafas xayolchan o`snirga do`nsam.
Voh, o`shal lahzalar...
o`tdimi butkul
gunafsha atirli tansiq tuyg`ular,
sahargi bog`larni uyg`otgan bulbul,
oylarning nurlarin elagan suvlar.
Yashil shajar edim...
Qandoq sog`indim...
ko`zimni yashnatsa rubobiy ranglar.
Qaysi bir dunyoga buncha og`rindim,
dilimni qaritdi besamar janglar.
Men jangchi emasdim,
men shoir edim,
nihoyat shoirdan ko`ra zobitman,
har nafas musulmon millatim dedim.
nafsiga kuyganlar keldi oqibat.
Haromni xush ko`rgan malakfurushlar
zig`irday himmatin qilganda minnat,
yaproqday sarg`ordim buyuk urushda
musulmon yo`q edi,
yo`q edi millat.
Bas, qushlar sayroqi,
yaproqlari mo`l
yashil shajar kabi turay mushakkal,
ilhomim haqida so`ylasinlar xo`b,
zaharli tilimdan to`kilsin shakkar.
Rubobiy sabolar ruhimdan esing,
qaytadan uyg`onsin ilohiy tug`yon.
Voh, yalang shoxlarim qilichday keskir,
bir yaproq qolmaptir shivirlayturg`on.

Shavkat Rahmon.."Iqror"

Namangondin ketar bo'lsam, meni yo'qlar kishim bormu?
G'ariblik shahrida o'lsam, meni yo'qlar kishim bormu?

Qani qavmu qarindoshim, bu yo'lda bo'lsa yo'ldoshim,
Ko'zumdin oqizib yoshim, meni yo'qlar kishim bormu?

Muhabbat sharbatin ichtim, qazondek qaynabon toshtim,
Bu foniy dunyodin kechtim, meni yo'qlar kishim bormu?

Tushubdur boshima savdo, ramuzu ishqdin g'avg'o,
O'ziga ayladi shaydo, meni yo'qlar kishim bormu?

Turarga toqatim yo'qtur, yurarga holatim yo'qtur,
Yurakda ishq o'ti cho'qdur, meni yo'qlar kishim bormu?

Qarorim yo'q turay desam, Namangonda yuray desam,
Jahonni sayr etib kezsam, meni yo'qlar kishim bormu?

Bu miskin zor Mashrabni kishi holini bilmaydur,
Bu yerdin bosh olib ketsam, meni yo'qlar kishim bormu?

Boborahim Mashrab - Meni yo'qlar kishim bormu

Ul xasta vujudimni meni o'rtadi butkul,
Ul zulfi parishon,
Ul gul yuzining ishqida men volai bulbul,
Ul g'unchai xandon.
Bir rahm qilib so'rmadi holimni nechuk deb,
Ul orazi gulgun,
Yuz va'da qilib birga vafo qilmadi bir yo'l,
Ul va'dasi yolg'on.

Boborahim Mashrab

Nafis chayqladi bir tup na'matak
Yuksakda, shamolning belanchagida,
Quyoshga ko'tarib bir savat oq gul,
Viqor-la o'shshaygan qoya labida,
Nafis chayqaladi bir tup na'matak...

Mayin raqsiga hech qoniqmas ko'ngil,
Vahshiy toshlarga ham u berar fusun.
So'nmaydi yuzida yorqin tabassum,
Yanoqlarni tutib oltin bo'sa-chun
Quyoshga tutadi bir savat oq gul!

Poyida yig'laydi kumush qor yum-yum...
Nafis chayqaladi bir tup na'matak...
Shamol injularini separ chashmadak,
Boshida bir savat oq yulduz-chechak,
Nozik salomlari naqadar ma'sum.

Tog'lar havosining feruzasidan
Mayin tovlanadi butun niholi,
Vahshiy qoyalarning ajib ijodi:
Yuksakda raqs etar bir tup na'matak,
Quyoshga bir savat gul tutib xursand!

Oybek..."Na'matak"

...Daraxtlar egilgan, bukilgan,
Yer tishlab yotibdir yaproqlar.
Toshlarga, mixlarga chekilgan,
Lochinlar, kaptarlar, chorloqlar.

Quyoshning yog'dusi qoradir,
Quyoshning sochini o'rgaymen.
Nahotki, eng so'nggi choradir,
Adashgan Ruhni men ko'rgaymen.

Rauf Parfi

Nahot, she’rlar aytdim
bo`shliqqa qarab,
nahotki, sovrildi olov so`zlarim,
nahotki haq bo`lsa, el-u yurt asli,
quruq so`zlar degan gumroh do`stlarim?!
Nahot, bekor o`tdi
gulday umrimning
ming yilga tatirlik oltin choqlari,
nahot biror ruhni uyg`otolmadi
shoir yuragimning qaldiroqlari?!
Nahotki, birorta dilga yetolmay,
behuda sarflanib qancha kuch-chidam,
kelib ketaverar yorug` dunyoga,
kelib ketaverar menday kuychilar?!
Menga minbar emas,
unvonlar emas,
latta chechaklaru
ehsonlar emas,
olov bir sahroni,
yurtim xayoli
nurga gurkiragan sahro bering, bas.
Erku muhabbatning muxtor elchisi —
yotmasman tuproqqa do`nib, tinchlanib,
jasadim tirikdir yorug` dunyoda,
oyning sinig`iday chaqnar sinchlarim.
Agar yetti qavat yerning qa’rida
yotsam-da larzaga solib havoni,
elimning yuragin
topar baribir
jismimni kuydirib uchgan ovozim.

Shavkat Rahmon - Ovozim

Ma'yus edi sening ko'zlaring g'oyat,
Go'yo yolg'iz o'rmon barglarin to'kib.
Qora yorqinlikka shivirlar oyat,
Ko'zlaringni tinglayapman entikib.

Ayricha ko'ringay har kasga dunyo,
Borliqning savdoli ishlarin o'ylar.
Parpirab yonardi yulduzlar go'yo,
Ruhning manguligin yondirar ular...

Zanjirmi Sharq qizining qo'llarinda,
Bir kuch topilmasmi, kishan sinmasmi,
Sharq qizi, Sharq qizi, endi kulmasmi?

Malomat tutqunlik mangu o'lmasmi?
Bir sovuq mozormi yo'llarida,
Erkinlikning porloq nuri inmasmi?

Rauf Parfi

Нигора опа, куйидаги мисра охиригача эмасга ухшайди, вазнга тушмаяпти:
Ул гул-гун
Маф-ув-лу фа-ув-лун (vv- -vv)

Юкорида келтириб утилган шеэрнинг жанри мустазод булиб, араб тилида орттирилган деган маънони билдиради. Мустазод- газалга монанд шеър мисраларидан хар бирига яна ярим мисра орттирадиган, хар катори бир ярим газал мисрасига тенг келадиган шеър. Алишер Навоий "Мезон ул-авзон" асарида музтазодни кушик деб атаган ва куйидагича таъриф берган: "Ва яна халк орасида бир суруд бор экандурким, хажази мусаммани ахраби макфуфи махзуф вазнида анга байт боглаб битиб, анинг мисрасидин сунгра хамул бахрнинг икки рукни била адо килиб, суруд нагоматига келтурурлар ермиш ва ани мустазод дерлар эмиш..."Мустазоднинг кофияланиши а-а,б-а, д-а...
Хазажи мусаммани ахраби макфуфи махзуф куйидагича рукнларга ажратилади. Мисраларни рукнга солиб куринг:

Ва яна "Нима учун мафъулу рукнида -лу хижосини чузикда белгиладингиз?" деган савол тугилиши табиий. Сабаби Мумтоз адабиётдаги барча шеърлар араб алифбосига асосланган эски узбек алифбосида битилган. Маълумингизким, вов харфи чузик у товушини ифодаласа, уст белгиси замма(дамма) киска "у" товушини ифодалаган. Бундан келиб чикадики, маъфулудаги "у" даммада белгиланган

Ишқим пинҳон тутгум, асло ошкор этмам ёрима,
Изтироб-азоб ўтини бермагум дилдорима.

Кузги япроқ сингари дил сарғайиб сўлди тамом,
Келди кўклам, лек яшилдан қатра йўқ гулзорима.

Айни фасли ёшлигимда келди-ю, кетди шитоб,
Энди қилмам қанча афсус, эшитмайди зорима.

Қўлим ишда, ёр ёнима, кўнгул бунда шод эди
Йўқотиб лол ўлтирибман, ҳеч унум йўқ корима.

Қай ерни ул этди макон осмонними, ё замин?
Менки тайёр кетишликка, қурбон айлаб борима

Оразини кўрмоғим чун интиҳодан қайтмагум
Майли қўйсин икки устун ва сиртмоқни дорима.

Оҳларимга қулоқ тутмас дўсту ёрон минг тараф,
Баён этдим дардларимни шу мўжаз ашъорима.

Масъуд...

Ахли маъни гурухида зинхор,
Хеч ор айлама гадолигидин.
Ким буларга гадолиг ортугдур,
Ахли суратка подшолигидин.

Алишер Навоий

Ne g'urbatlarni chektim charx bebunyod dastingdin,
Mudom motamda qoldim, bo'lmadim dilshod dastingdin,
Tamomi xonumonim bo'ldi chun barbod dastingdin,
Qafasdin bo'lmadimki qumridek ozod dastingdin,
Hama obod bol'di, bo'lmadim obod dastingdin
Ki men har qayga borsam, dod etarman, dod dastingdin.

Dilimning quvvati, ruhi ravonimdin ayirdilar,
Ko'zimning oqi yanglig' mehribonimdin ayirdilar,
Azizim, hamdamim, oromijonimdin ayirdilar,
Jahon gulzorida ul gulistonimdin ayirdilar,
Hama obod bol'di, bo'lmadim obod dastingdin
Ki men har qayga borsam, dod etarman, dod dastingdin.

Chamanda bulbuli sho'ridadurman, oshyonim yo'q,
Misoli chug'dek vayronalarda ham makonim yo'q,
Vafolig' yor deb chiqti, jasadda balki jonim yo'q,
Azizimdin judo bo'ldum, boshimda soyabonim yo'q,
Hama obod bol'di, bo'lmadim obod dastingdin
Ki men har qayga borsam, dod etarman, dod dastingdin.

Meningdek g'amga qolgan, dilparishon o'lmasun hech kim,
Ko'zi chun termulub yo'llarda vayron o'lmasun hech kim,
Bahori gulshani umri zimiston o'lmasun hech kim,
Bu dunyo diydasig'a torikiston o'lmasin hech kim,
Hama obod bol'di, bo'lmadim obod dastingdin
Ki men har qayga borsam, dod etarman, dod dastingdin.

Umidim bor, etkurgaymusan xurshidi matlabni,
Saodat burjidin ul sha'mi iqbolimg'a kavkabni,
Ko'targaysan boshimdin ikki olamda qaro shabni,
Iloho, sen etur himmat yo'lig'a xasta Mashrabni,
Hama obod bol'di, bo'lmadim obod dastingdin
Ki men har qayga borsam, dod etarman, dod dastingdin

Boborahim Mashrab- Dastingdan

Оффтоп:

Mavzuda bu she'r bo'lmasa kerak deb o'ylayman.

Муҳаббат йўқ

Не бир қаро кўзлар кўнгилга яқин,
Не бир нигоҳларда ёзилмиш армон.
Не бир юракларда чақнамас чақин,
Муҳаббат йўқ, ёки бўлса ҳам ёлғон.

Кўнгиллар, кўнгилга уланмай туриб,
Кўнгилнинг торлари кетар узилиб.
Ҳижрони дийдорга етмас чўзилиб,
Муҳаббат йўқ, ёки бўлса ҳам ёлғон.

Севмоқ бўлса айтинг, кўнгил майли,
Жон берувчи топилгайми ишқ туфайли?
Қани Фарҳод-Ширин, қани Мажнун-Лайли?
Муҳаббат йўқ, ёки бўлса ҳам ёлғон.

Ким нима дер билмам Тоҳир-Зуҳрони,
Севгисини асролмаган дунёни?
Муҳаббат бор бўлганда балки?
Бўлмасмиди, Навоийнинг армони?
Муҳаббат йўқ, ёки бўлса ҳам ёлғон.

Шаҳодатбону

Nuqta ayla dilga aqiq tugmadin,
So'yla menga, ko'zlardagi mung nadin?
Qosh-qaboqlar arosida ne sir bor?
Andin menga na osmon bor, na yer bor.

Mujgonlar ham tuzmish maxfiy guruhlar,
Alar ham bir fitnagamu sheriklar?
Sirg'alarning titrog'ida na holat,
Nadin yig'lar zulflardagi girihlar?

Sirojiddin Sayid-Sinoat

...Rustamning akasi urushdan qaytdi,
Qo`ltiqtayog`i bor,
Bir oyog`i yo`q,
Rustam aytib berdi:
Ataka payti
Tizzasidan olib ketgan emish o`q…
Hol aka qaytgandi uyga to`satdan,
O`g`li, dadajon, deb chopib kelibdi.
Ota quchay desa desa qo`li yo`q ekan,
Tik turgan joyida yig`layveribdi.
Darsga kelmay qoldi
Tunov kun Tal’at,
Muallim urishsa turaverdi jim.
Dadasidan kelgan ekan qora xat.
Hammamiz yig`ladik,
Hatto muallim…
Dadajon!
Sizga o`q tegmasin hecham,
Men uchun ham tezroq qayting salomat,
Buvim aytgan,
Agar men tilak qilsam,
Tilagim bo`lardim doim ijobat.
Rost aytaman,
Sizni juda sog`indim,
Sog`indim ikkala ko`zim bilan teng,
Kelib qolasizmi, ertami-indin?
Kutaman,
Dadajon,
albatta keling”...


Erkin Vohidovning "Nido" dostonidan parcha...

Go`zallik, poklikdan uyalib,
qisilib, qimtinib turasan,
qop-qora devorga suyanib,
yop-yorug` xayollar surasan.

Iloham, tong kabi yuzingga
hirslanib, hezlanib boqarlar,
ko`zlarin qoqarlar ko`zingga,
qalbingni azoblab yoqarlar.

Yiqilma, o`zingni ushlagin,
otsinlar jaholat toshini,
labingni qattiqroq tishlagin,
ko`rsatma ko`zlaring yoshini.

Shavkat Rahmon ijodidan- Dastxat