Домла, "ноёб" ўзбек сўзларини қўллашда ҳечам иккиланмайсиз-а? Наҳотки маданиятли одам шуни ўзига эп кўради? Форумдошимз ижодингиз ҳақидаги фикрларини холис билдирсалар, бунча қизишасиз? Ҳамма ҳар хил, "кимгадир ёқар лола, ким атиргул шайдоси". Сизнинг ижод намуналарингизни унча хуш кўрмасак, айб бизда эмас-ку?

Ёзганларимни мабодо ўқимай ўтмасин деб, ЛСга ҳам копиясини жўнатибсиз, яхши.

Форум бу фикрлар, дунёқарашлар, мунозаралар майдони, майдонга чиққач қизишмайлик, домла.

Ижодим ҳақида билдирилган фикрдан доимо мамнун бўламан, у танқидий бўлса янада яхши, мушоҳада қилишга ундайди! Бироқ, юқоридаги "йироқ" деган сўз ўша ниқоблининг нормальний фикр айтишдан йироқлигидан бошқа нарса эмас-да. Ҳақорат, таҳқирлашдан бошқа нарса эмас...
Буюк Абдулла Қаҳҳор ҳам ижод майдонига кириб келгунидан бошлаб то бу дунёдан ўтиб кетгунига қадар кимлардек итдек талаб, битдек қонини сўрган, асабини еганини яхши биламиз...
Бугун буюк адиб орамизда йўқ, ижоди тенгсиз хазина бўлиб қолган!
Абдулла Қаҳҳорни ранжитганлар ҳам аллақачон тупроққа ўша бемаъни балчиқлари ила кўмилиб кетди!!! Ўша ит-у битларнинг номини ҳам, балчиғини ҳам ҳеч ким эсламайди, билишни ҳам истамайди...
Ижодкор ва унга балчиқ чаплайдиганларнинг қисмати шу экан, сиз айтгандек:

қизишишга мутлақо арзимайди! "Сенинг гапинг..." деган қўрсгина мақолни эслаб кетавериш энг тўғри йўл экан-да...

Худди шундай, сизнинг ҳам ижод намуналарингизни унча хуш кўрмасак, айб бизда эмас! Бироқ, хуш кўрадиган мухлислар бўлса, омадини берсин!

Майдонга чиқишнинг ўз қоидалари бор! Буни билганингизда ва одамга ўхшаб муомала қилганингизда бу қадар ранжимасдим...

Меҳр-оқибат, деб айтамиз. Меҳр бошқа, оқибат бошқа, дерди бир дўстимиз. Меҳрдан дариғ тутманг, оқибатли бўлинг, дейди камина :)

Минг оқибатсиз бўлсада, баъзан дўстимизга очиқ чеҳра билан муомала қилаверамиз. Биз уни шундоқ - борлиғича қабул қиламиз. (с)

Яхши гапдан илон ҳам инидан чиқар, деган гап бежиз айтилмаган. Оқибатсиз одамни қаҳр-ғазаб билан йўлга солиб бўлмайди. Меҳр кўрсатиш керак, яхши гапириш лозим. Кейин... яхши бўлса ошини ейди, билъакс...

Сенга яхшилик килмаган одамга сен яхшилик килавер, сенга хадя бермаган одамга сен хадя беравер...яхшиликни очик юзли одамлардан кутинг...

Albatta, mehr ko'rsatish kerak-ku, biroq aslo mehr kutmang. :)

Қуёш ҳам нурини беаёв сочавергани каби ўзи меҳрга кон инсонлар меҳр нурини ҳеч қачон дариғ тутмайди!

Госпиталда ётиб, «тиббий жиҳатдан таъмирдан чиқарилар» эканман, ўша ерда даволанаётган таниш ҳарбий пенсионерни учратиб қолдим. Турли мавзуларда суҳбатлашиб ўтирар эканмиз, шогирдларини эсга олди:
- Жуда кўп шогирд тайёрлаганман-у, ҳозирги ёшлар сал оқибатсизроқ эканлигидан ичим ачишади, - арз қилиб қолди у, - Идорангизда ҳам, улардан икки-уч нафари ишлайди. Учратиб қолсангиз, енгилгина дашном қилиб қўйинг, илтимос.
Палатамга қайтиб, тегишли мансабдор шахсларга қўнғироқ қилдим. Устозлари госпиталда даволаниб ётгани, вақт топиб, ҳолидан хабар олиб кетишларини айтдим. Икки-уч соатга қолмай, етиб келишди. Йўл-йўлакай менинг ҳам палатамга кириб ўтишди. Суҳбатларини олдим. Ўша устозлари, унинг ишлари, меҳнатининг самараси, берган билимларининг фойдаси ҳақида суриштирган бўлдим.
Меҳмонларни кузатиб қўйгач, ўйланиб ётдим. Инсон қандай бўлиши, касби, иши, лавозими ва ушбу лавозимига оид хизмат мажбуриятларининг ижросига қандай ёндашиши кераклигини, ҳаёти давомида ўз атрофидаги одамларга дастлаб шахсан ўзи оқибат кўрсатиши, шундан сўнггина «кўп шогирд тайёрлаганман» дейиш, улардан оқибат кутишга ҳақли бўлиши ҳақида ғайриихтиёрий равишда фикр юритиб қолдим.

Оқибат аталмиш улуғ маънавий неъмат ҳаётнинг ана шундай сўқмоқларида тобланади!

Оқибатни журналистлардан ўрганиш керак,- деди бекатда автобус кутиб, газета ўқиб ўтирган отахонлардан бири. (Камина камтарлик қилиб, бу дурдона сўзларни эшитмаганга олдим...) :)
Ҳақиқатни дангал айтадиганлар ҳам бор экан-ку. ;)

1. Оқибат - Қадрдонлик, дўстлик туйғуси, меҳр, муҳаббат ва шундан келиб чиқадиган яхши муносабат; мурувват.
2. Оқибат - Охирги якун, натижа. (Ўзбек тилининг изоҳли луғати. 1- қисм)


Шунинг учун ҳам журналистлар кейинги вақтларда матбуотда танқид ва танқидий тахлилларни ёзмасдан, фақатгина шундай яхши муносабатлар хақида ёзишаётган эканда а?

Яхшилик - яхши гап, яхши муносабатлардан нур олади. :)


Танқидий мақолалар ҳам кам эмас-ку. "Халқ сўзи", "Инсон ва қонун" газеталарини синчковлик билан кузатиб боринг...

Ҳозирги ёшлар назардан қолишдан ҳам қўрқишмайди.Назардан қолиб юзи оқариб кетганларни кўрганмиз.

Яратган кофирни кечирмас эканлар.Бошқа гуноҳларни қилганлар дўзахда маълум бир жазони ўтагандан кейин жаннатдан умидвор бўлишлари мумкин экан.Аммо шундай гуноҳларнинг ичида биргинаси бор эканки,бу ДИЛОЗОРЛИК дейиларкан.Дилозор одам бир пайтлар бировларнинг дилига озор бериб,кейин ҳақ йўлга кирган бўлиб,қиёматда савоблари гуноҳларидан кўп бўлса ҳам,то бир пайтлар дилига озор етган инсон рози бўлмагунича жаннатнинг юзини кўрмас экан.Бу гуноҳнинг ажрини Яратган банданинг ўзига бериб қўяркан.Билмай бировнинг дилига озор етказиб қўйишдан сақланайлик.

Илоҳий китобларда Яратган кечирувчан дейилган.

Нима бало, Сизнинг хабарингизга қараганда у томонларда ҳам демократия бошландими, дейман... .

Бу ҳақда тортишишни қиёматга қолдириб қўя қоламан.Қиёматда айниқса СИЗ ўзингиз бунга ишонч ҳосил қилишингиз мумкин.Юқоридаги ҳабарингизга қараганда.
Cизни,атестик қарашлари бор деб шубҳа қилардим.Ҳозир бунга батамом амин бўлдим.Ҳатто маросимлардаям иштирок этмаган кўринасиз.Аҳир ҳар бир диний маросимларда қилинадиган масалани ёзиб қўйдимку.

(атестик деган сўз йўқ, сиз атеистик демоқчи бўлган бўлсангиз керак)
Сизга қараганда мен бировнинг эътиқоди ва диний қарашларини ҳеч қачон муҳокама қилмайман.

Диний маросимларда нима қилиш масалалари муқаддас китоб ва ҳадисларда, қолаверса бошқа анча улуғ китобларда ёзилган. Сизнинг ҳам бундай ҳуқуқ ва имконларга эга эканлигингизни билмас эканман. Билганимдан хурсандман...

Диний қараш ва эътиқод ҳар бир шахснинг ўз иши, Омон бўлинг!

Албатта атеистик,ҳудди сиз Маъсудни Масуд ёзгандек иш бўлибди.Бировларнинг клавиатура босишдаги ҳатоларини текширишдан чарчамаганингизга қойилман.Мен ўйлагандандан фарқли ўлароқ ҳарқалай бир ҳислатингиз бор экану.
Тўғри,ҳар ким ўз билган нарсасинигина муҳокама қила олади.
Арабларнинг имлоларини таҳли қилаётган одам,оддий бир ўзбекнинг гапини яҳши тушунмапсиз.Билмадим Тошкентда қандай,аммо бизда "фалон маросимда фалончи домла жуда зўр масала қилди"(яъни маъруза қилди)деб гапирилади.Диндан анча йироқ одамнинг гапини ёзибсиз.Оллоҳ барчамизга инсоф берсин.
Ҳар кимни ўз оёғидан осади демоқчисизда.Буям тўғри,аслида сизни қайси оёғингиздан осишлари мени қизиқтирмаслиги керак эди.Бунинг учун узр сўрайман.Сиз ҳам омон бўлинг.

Самимиятга тўла гўзал суҳбатлар инсон қалбида эзгу истакларнинг кўпроқ туғилишига сабаб бўларкан...

Шахсий фикрим: одам фикр билдиргани учун ёмонотлиқ бўлмаслиги керак. Ўзини ҳурмат қилган инсон мавжуд фикрни ўқимай ёки эшитмай инкор қилиши мумкин, лекин асло қоралаб эмас!

Раҳмат ука!Сиз ёшлар тушинадиган нарсаларни бу ерда анча ёши улуғлар тушинишниям истамагани одамни изтиробга солади.Оқибат нима ўзи?Бошқа миллатлардаям борми?Бор экан.Украинада шуни кўрдим.Бизнинг фаолиятимиз савдо сотиқ билан боғлиқ.Бир куни текширувчилар келиб қолди.Украина фуқароси бўлмаганимиз учун,савдо қилишга ҳуқуқимиз йўқлигини билганимиз ҳолда,растамизни қолдириб,ўзимизни бир четга олдик.Улар ҳам билгандек атайин сотувчиси қани деб,бизнинг растани олдида туриб олди.(бўлмаса молларни йиғиштириб олиб кетишлари мумкин экан.)Менинг бормаганимнинг сабаби,қоидани бузганим учун депортация қилинишим мумкин эди.Мен эса кетолмасдим,бошлаб қўйилган ишлар бор эди.Шунинг учун кўриб турсам ҳам бормадим уларнинг ёнига.Ҳатто молларни олиб кетишларигаям рози эдим.Лекин кутилмаганда шу мавзу асоси ОҚИБАТ иш берди.Бир ҳужжатлари жойида бўлган аёл шартта бориб,бу менинг молларим,фалон фирмадан савдо қиламан мана менда "накладной"лар бор деб кўрсатиб,уларни жўнатиб юборди.Ростини айтсам мен у аёл билан ҳеч гаплашмаган эдим,мендан 3-4 раста нарида савдо қилсаям.Фақат бир марта унга келган ящикларни кўтаришиб юборгандим ҳолос.Оқибат ҳақида фикр билдириш учун,ҳар бир инсон ўзи биринчи қадамни қўйган бўлиши керак.Бировгв яҳшилик қилмай,ундан оқибат кутиш,бу тўғри эмас.Менинг у аёлга ёрдам берганим оқибат эмас.Мен унга бир яҳшилик қилдим ҳолос,у эса менга оқибат кўрсатди,қилган яҳшилигимга жавобан.Оқибат билан яҳшиликни чалкаштириб юбориш керак эмас.Ҳадеб бировдан камчилик,айб,ҳато излайверадиган одамларда на яҳшилик бўлсин ва на оқибат.Яратган шайтонни жаннатдан қувганларида:-Менинг бандаларим ҳамиша мақтовга сазовордирлар,чунки уларни Мен яратганман- деган эканлар.Шунда шайтон овозини секин қилиб:-мен уларни ёмонлашга ўргатаман -деган экан.Оқ билан қора, ҳаётнинг асоси экан,демак қора, ҳамиша қора ниятли одамлардагина намоён бўлади.Инсоннинг ҳар бир муомаласида яҳшиликниям,оқибатниям,фаросатниям,қабиҳликниям,ра золату жаҳолатниям,бефаросатлиликниям кўриш мумкин.Бир шоҳ туш кўрибди.Бир қарға уни баландга олиб чиқиб ташлаб юборган эмиш.таъбирчини чақиришибди.У:-Шоҳим,сизнинг барча уруғларингиз ўлиб,сиз ўзингиз ёлғиз қоларкансиз-дебди.Шоҳ уни ўлимга буюрибди.Бошқаасини келтиришибди.У:-Шоҳим сиз барча қариндош уруғларингизга қараганда кўпроқ умр кўраркансиз-дебди.Шоҳ унга мукофот берибди.Шунда вазир:-Шоҳим аҳир улар иккаласиям тушингизни бир ҳил маънода таъбирини келтиришдию-деса.Тўғри бир ҳил,лекин ҳар ҳил талқин қилишди -деган экан.Дунёдаги ҳар бир яҳшилик,аввало муомаладан бошланишини унутмаслигимиз керак.

Ёшларимиз бизданда баркамол, етук бўлишига ишонаман, деган улуғвор гап замирида оламча маъно бор-да.
(Ёши улуғлар янада улғайган сари инжиқ бўлиб боришини сира тан олгилари келмагани чатоқ-да...)

Ёшларга ўрнак бўла олмаган киши ҳали улғаймабди... :)
Катта ёшдагиларга ибрат ёшлар эса росмана камолга етибди. :)
Ақл ёшда эмас, бошда, деганлари шу бўлса керак.

Бундай "оқибат"га нима дейсизлар?

Даҳшат-ку... Оқибатнинг оҳорига шу тариқа путур етишидан доим хавотирдаман...
(Узр, бу суратни қатта олишга муваффақ бўлдийиз?)

Domla, bu surat emas. "Oqibat" filmidan videolavha.

Кеча кечки пайт бўш вақт топиб, шу мавзуни бошидан охиригача ўқиб чиқдим.
Оқибат сўзининг луғавий маъноси мавзуда 2 та постда келтирилган, шу билан мавзуни якунласа ҳам бўларди, менимча. Яна бир форумдошимиз ҳақли равишда "ушбу мавзуда оқибат сўзини сийқаси чиқарилганини" ёзган, бу гапга қўшилмай илож йўқ.

"Бир актёр театри" га айланиб кетган шу каби айрим мавзулар. Йирик ёзувчилар ҳар куни бир неча варақ қораламасам туролмайман деганларидек, "бир актёр театри"да ҳам ҳар куни, "актёр"нинг ўзидан бошқа одам тушуниши қийин бўлган, тумтароқ, мағзи пуч жумлалар эшитилади. Гўёки бошқа тилда гапираётгандек.

"Оқибат" мавзусида салкам 400та пост ёзилди шу кунгача, "пластинка"ни алмаштириш вақти келмадимикан.

Шу лавҳани "моменти"да олганингизга қойил-де! Оқибат қўрғонига путур етказадиган ҳар қандай ҳолатга ҳушёр қараб туришимиз шарт.

Бу мавзуда сизнинг бирор жўяли гапингиз йўқми? :)

Келтирилган лавҳада "Оқибат қўрғонига путур етказадиган ҳар қандай ҳолат" йўқ, "Оқибатнинг оҳорига шу тариқа путур" ҳам етмайди. "Оқибат" фильми асосида хонанданинг клипи холос. Так, что хавотир олмасангиз ҳам бўлади.

Жўяли гап дейсиз-ми, ҳолва, ҳолва деган билан оғиз чучумайди. "Оқибат" сўзини чирпирак қилиб ҳадеб ёзавергандан кўра, ҳар ким ўз яқинларига оқибатли бўлса, оилада ёшларга болалигидан катталар ўрнак кўрсатса эҳтимол фойдаси кўпроқ бўлар.

Мана бу оддий ва жуда катта ҳақиқат!
Мақсадимиз, ана шу оқибатни кўрсатиш борасида фикрлашиш. Бу борада даҳолар фикридан тортиб бугунги билганларимизгача фикрлашсак фойдадан ҳоли бўлмасди, демоқчиман.

Одамларда оқибат қолмаган, деган одамнинг ўзи оқибатсизликни бошлаётганга ўхшайди... ;)

Талабалар оқибатни ўз навбатида устозларидан ўрганадилар. Талабалар орасида бир-бирини пичир-пичир қилиб ёмонлайдиган "домла" - Домла деган табаррук номга лойиқ эмас!

Форумдошлар билан бир ижодий жамоамиз, деб билгим келади. Орамизда оқибатсизлик бўлмаслигини жуда-жуда истардим...

Bu forumda bunday ko'ngilsizliklar bo'lmaydi

Албатта қўшилишаман, дўстнинг фикри!
Тугрику-я, лекин даҳанаки жанглар бўлиб турар экан...