PDA

Просмотр полной версии : Инсон кадри азиз, утганлар хотираси мукаддас!


Sobir Davlatov
05.05.2009, 16:51
Одатда 9 май арафасида халкимиз, кенг жамоатчилик, матбуот, ОАВ да элу юртимизнинг атокли инсонлари, II Жахон уруши катнашчилари ва яна халкимизнинг минглаб фарзандлари ёдга олинади.
Аммо, хаётда шундай инсонлар яшаб утган-ки, аммо айрим сабаблар боис улар хакида, килган хизматлари хакида хали купчилик билмайди.
Мазкур мавзу оркали хамиша эсланадиганларни эмас, баъзи сабаблар билан эсланмай колаётган якинларимизни, буюк аммо нотаниш инсонларни эсласак. Тугри улар оламшумул жасоратлар курсатишмагандир, аммо сизнинг, атрофимиздагиларнинг, якинларимизнинг хаётида каттами-кичикми учмас из колдирган булса хотирлашга, эслашга шунинг узи кифоя эмасми? Эхтимод, у биринчи укитувчингиздир, эхтимол девор-дармиён кушнингиз, эхтимол хеч кандай ришта богламас, ким булишидан катъи назар.
Нафакат утганлар, балки бугун орамизда хаёт кечираётган, сизу биз билан бир хаводан нафас олаётган ана шундай азиз инсонларни хам эсга олишингиз мумкин. Мархамат, суз сизга!!

olim
06.05.2009, 16:46
O'tgan yil o'zining 90 yillik yubleyini nishonlagan Mirzo Ulug‘bek nomidagi O‘zbekiston Milliy universitetida urush va mehnat faxriylari, nuroniy otaxon va onaxonlar, uzoq yillardan buyon oliy ta’lim tizimida samarali mehnat qilib kelayotgan o‘qituvchilar, olimlarning talaba-yoshlar bilan uchrashuvi bo‘lib o‘tdi. Tafsilotlar bilan www.uzmu.zn.uz (http://uzmu.zn.uz/429) da tanishingiz mumkin.

Husen
07.05.2009, 09:08
90 йилларнинг аввалидаги иқтисодий аҳволни биздан кўра катталар яхшироқ ҳис қилишган, бошларидан ўтказишган. Кичкина бўлсам-да, соатлаб нонга навбатда турганларимизни эс-эс биламан. Тирикчилик кўйида ҳамма ўзини тўрт томонган урарди. Афсуски, рўзғор ташвиши ўқитувчиларни ҳам четлаб ўтмаган эди.

1993 йил. Ўшанда биз учинчи синфда ўқирдик. Эргашев деган устозимиз бўлар эди. Айнан қайси фан ўқитувчиси эканликларини билмасдим. Билганим, устоз II жаҳон урушида қатнашган, костюмида шода-шода орден-медаллари бўлар эди. Одатдагидек, дарслардан сўнг кечки гуруҳ машғулотларига биринчи ўқитувчимиз эмас, бошқа бир ўқитувчи дарс ўтарди. Нима бўлди-ю, бизга гуруҳ ўқитувчиси қилиб, ёши етмишга етиб қолган Эргашев тайинланди. Аввалига, салобати, йўғон овози боис бу ўқитувчидан нафақат хайиқардик, керак буўлса дағ-дағ титраб турардик. Аммо, бу қўрқув тезда тарқаб кетди. Устознинг биз кичкинтойларга мунособати невараларини эркалаган бобо янглиғ эди.

Кунларнинг бирида, устоз танаффус пайтидан тўрт-бештамизни жимгина ёнига имлади. Чўнтагидан ўша пайтнинг машҳур “БомбиБом” сақичларидан чиқариб,

- Сақич оласизларми? – деди.

Биз саросималаниб қолиб, гўёки сақични олмасак, ўқитувчимиз урушиб берадигандек, секин чўнтакларни кавлай бошладик. Шундоқ ҳам ота-онамиз тушликка деб берадиган пулларни қаёқдаги сақичу наклейкаларга сарфлаб юрардик-да. Аммо, Рашид исмли синфдошимиз атрофга олазарак тикилган-ча, устозимизга

-Мени пулим йўқ эди, маллим, -деди. Кўзларида эса ёш.

Устоз дарров бизга берган сақичларини ҳам йиғиштириб чўнтагига солди, берган пулларимизни ҳам дарров қайтарди. Бизга нималардир демоқчи бўлди, ўзини тутишидан гўёки биз бола эмас, у болакайдек эди.

-Боринглар ўйинларингни ўйнанглар, ҳар ким ўз ишини ўзи қилсин экан-да, – деди.

* * *
Орадан йиллар ўтди, Эргашев ҳам омонатини топширди. Аммо, ҳанузгача исмлари нима эканликларини, айнан қайси фандан сабоқ беришларини билмайман, суриштирмаганим учун баъзида ўзимни айбдордек ҳам хис қиламан. Аммо, кўп нарсаларни шу жумладан, узоқ йиллик тажрибага эга устознинг (чунки, ота-онам ҳам уларнинг қўлида ўқиган эканлар) не боисдан бошланғич синфларга гуруҳ ўқитувчиси этиб тайинланганини кейинчалик тушундим. Ҳарна маош кўпроқ бўлсин деб....

Ҳаёт давомида кўплаб ҳикматларни англаб бораверамиз, доноларнинг олтинга тенг сўзларини такрор ва такрор ўқиймиз. Аммо, ҳамиша устоз Эргашев айтган жўнгина сўз мен учун ҳаётдаги энг катта ҳикмат бўлиб туюлаверади!
-Ҳар ким ўз ишини қилсин экан...

Охиратингиз обод бўлсин, устоз!!!

Shoista Quchqorova
07.05.2009, 20:32
Xalqimizda 9-may "Xotira va qadrlash kuni" har yil nishonlanib kelinganidek, bu yil ham an'anaga ko'ra, urush faxriylari,va qatnashchilari uchun bugun, ya'ni 7-may kuni Kamolot YoIH, "Nuroniy" jamg'armasi, Toshkent offitserlari, Oliy majlis deputatlari va yana bir necha tashkilotlari "Ikki avlod uchrashuvi" nomli esda qolarli tadbir o'tkazishdi. Tadbirda musiqiy, she'riy chiqishlari bilan yosh va tajribali iste'dodlar qariyalarni ko'nglini chog' qilishdi. Tadbir asosan urush payti faxriylariga bag'ishlangan bo'lib, ajdodlarimiz va hozirgi avlodimizni birlashtirishga yo'naltirilgan edi.
Men ularga KATTA MINNATDORCHILIK bildiraman. O'z ajdodlarimiz bilan FAXRLANAMAN!

Javohir Mahmudjonov
09.05.2009, 14:24
9-may ayyomi kirib keldi. Keling do'stlar yaqinlarimiz va shahid ketanlarni birga hotirlaylik. Zero bu odamiylik o'zbeklarga hos.