Манзил оша манзилига етганлар: Рустам ва Шохрух Мадиевлар [Архив]

Просмотр полной версии : Манзил оша манзилига етганлар: Рустам ва Шохрух Мадиевлар

Nigora Umarova

21.04.2009, 10:26

Ай дил, кузингни оч, жахон утгусидир,
Умринг бу жахонда ройгон утгусидир.
Тан манзилида махбусу гофил колма,
Манзил оша манзил карвон утгусидир.
Жалолиддин Румий

Кунлар алдамчи, йиллар алдамчи. Умр уткинчи. Шундай инсонлар борки, оз умр куришади, бирок умрлари тугаган булса-да, одамлар калбида мангу колишади. Уларнинг эзгу амалларини инсонлар унутишмайди, унута олишмайди. Зеро, инсон хотирасиз яшай олмайди. Чунки хотира инсонни тарбиялаб туради. Агар оёги ердан узилиб, боши осмонга етиб колган булса, уни албатта thuf тушириб куяди. Инсонларни хотирлаш савобли иш. Мархумларнинг илинжи тирикларнинг окибатидир.
Дунёда неъматлар бехисоб, шулардан одамзод учун энг азизи, бу-унинг хаётидир. У узига хос сафардир. Умр йулини узгаларга э згулик улашиб, эл-юртга манфаат келтириб яшаб утган инсоннинг мураккаб сафари канчалар нурли ва шарафли.

Умрининг сунгги кунларигача «Мукимий» театрида фаолият юритган Рустам Мадиев купларга устоз эди. У даставвал актёр, кейин ун йил мобайнида режиссёр ва драматург сифатида фаолият юритди. 1998 йили Узбекистонда хизмат курсатган артист, 2006 йили халк артисти унвонларига сазовор булди.
Рустам Мадиев Бобуршох ролини ижро этишдек улугвор вазифани бажаришга киришди ва уни муваффакиятли уддалади. Ишининг натижасини курганлар тан бериб, «жуда ухшабди!» дейишди. Лекин ушбу бир огиз калима- «жуда ухшабди», деган бахо замирида канча мехнат, канча захмат, канча дард ётганлиги Рустам аканинг узидан бошка хеч кимга аён эмас эди.

Мавзуимизнинг кахрамонлари гарчи рахматли булиб кетган булса-да, одамларнинг калбида умрбод иухрланиб колган Узбекистон халк артисти Рустам Мадиев хамда уларнинг бевакт хазон булган фарзанди аржумандлари Шохрухдир.

https://img.uforum.uz/images/3101513.jpg

Nigora Umarova

21.04.2009, 10:30

Рустам Мадиев 1956 йил 20 февралда Кашкадарёнинг Касби туманида таваллуд топган. Маннон Уйгур номидаги санъат институтининг мусикалми драма факультетида, кейинчалик олий режиссёрлик курсида тахсил олган. 1978 йилдан "Мукимий" театрида фаолият юритган. 1979 qbk 24 августда Мухтарам опа билан оила курди. Икки киз ва бир угил- Шохрух(1985 йил) дунёга келди.
Рустам Мадиев «Севги нидоси», «Фотима-Зухра», «Девона», «Такдир», «Диёнатга хиёнат», «Кудук тубидаги фарёд», «Мангу машъал», «Ажаб саодат эрур», «Окибат», «Бу кандай бало?», «Бобур согинчи» каби куплаб спектаклларни сахналаштирган. Элликдан ортик спектаклда, хусусан, «Юсуф ва Зулайхо»да Азиз, «Нодирабегим»да Амир Насрулло, «Лайли ва Мажнун»да Навфал, «Ватан ишки»да Ёдгорбек, «Бобуршох»да Бобур, видеофильмлардан «Занжир»да райком котиби, «Кунгил кучалари»да Каххор каби каби ролларни талкин килган. Энг сунгги сахналаштмирган спектакли «Отабек ва Кумуш» булди. 2007 йилнинг 8 октябрида вафот этди.

Nigora Umarova

21.04.2009, 10:35

Шохрух Мадиев 1985 йил 9 ноябрда Тошкентда тугилди. 1991 йилда Мурод Хамроев номидаги араб тилига ихтисослашган мактабда тахсил олди. Мактабни битиргач, 2000 йилда банк коллежига укишга кирди. Гарчи банк коллежинини битирган булса-да, санъатга булган кизикиш ва истеъдоди уни тарк этмади. Коллеждаги барча байрам тадбирлари Шохрух бошчилигида ва унинг иштирокисиз утмасди. Санъаткор булиш орзусида 2004 йил Маннон Уйгур номидаги Тошкент Давлат санъат институтига «Драма режиссёрлиги» булимига укишга кирди. Шохрух Мадиев «Алвидо», «Хаёт-мамот» фильмларида роллар ижро этган. 2004 йилда "Тараккиёт сари" курсатувининг уша йилги сонларида катнашган.

https://img.uforum.uz/images/2880254.jpg

«Отамга ухшаб машхур санъаткор булишни, мухлисларим куп булишини хохлайман». Бу - унинг кундалигига ёзиб колдирган сузлари.
Афсусларким, Инсоннинг орзу ва истаклари баъзан хаёт конунларига буйсунмас экан. Укишни тугатиш ва машхур санъаткор булиш Шохрухга насиб этмади. Унинг орзулари армон булиб колди...

Nigora Umarova

21.04.2009, 10:38

Бахтга карши, санъат институтининг биринчи боскичида укиб юрган кезларида Шохрух касалликка чалинади. Дард зурайиб кетади ва тузалмайдиган даражага келади. Касал булишига карамай Шохрух уз якинлари ва дустларига жуда мехрибон эди. Шохрухнинг опаси Хуршидабону менга унинг кундалигини курсатди. Кундалигини очсам, унда Шохрух касаллигида куйидаги шеърни ёзиб куйган экан:

«Кулганимга ишонманг,
дилда кайгу бир талай,
Кулиб-кулиб енгарман
мен дардимни хар калай.
Кулганимга ишонманг,
гамни алдаб юрарман,
Гарчи холим нелигин
узим яхши биламан.
Кулганимга ишонманг,
кулдим дунё ишидан,
Тош чикади бой берган
камбагалнинг ошидан.
Кулганимга ишонманг,
аламларга туламан,
Худо хохлаган куни
кулиб туриб уламан».

Шохрух узи ёзганидек, кулиб туриб рахматли Рустам Мадиев ва Мухтарам опанинг кулларида жон берган. Ушанда 2005 йилнинг 9 июни эди...

Nigora Umarova

21.04.2009, 10:41

Огир дард улим тушагига йикитгач, якин атрофингда ажал фариштаси кезиб юрганлигини сеза бошлайсан. То ажал жонингни олиб улгургунича тугилишинг ва умринг мазмуни хакида уйлайсан. Уз ихтиёринг билан тугилмадинг ва уз хохишинг билан улаётганинг йук. Ихтиёр сенда булса тугилмасдинг. Агар тугилгандан кейин ихтиёрингни кулингга беришса, огир касалликка чалинмасдинг ва улмасдинг. Демак, нима сабабдан тугилганингни ва нима учун огир касалликка чалиниб улаётганингни сени дунёга келтирган ва дунёдан олиб кетаётган Кудрат билади… Бу дунёда оладиган нарсангдан кура берадиган нарсанг reg экан. Ва манна шу хакикат юракка купрок азоб бераркан.
Ажал, хозир келмай тур,
Килар ишим куп хали.
Ерга эккан нихолим
Кукармади, чуп хали…

Рахимжон Рахмат

Огир жудоликка дош беролмаган ота тушкунликка тушиб колади. Ун бир йил мобайнида санъат институтининг драматургия факультетида дарс бериб келаётган Рустам Мадиев таълим беришни тухтатди. У 1996 йили инфарктга чалинганди. Фарзанди аржуманди вафот этгач, юраги безовта кила бошлади. Шифохонада даволаниб чиккач, муолажани уйда давом эттирди.

Nigora Umarova

21.04.2009, 10:46

Дунёда дилбандининг «ох» деган ноласини эшитиб, унга ёрдам беришга иложсиз колган она гамидек чексиз гам булмаса керак…
Мухтарам опа жигарпорасининг дардига дармон булишни истаган, чексиз чекаётган изтиробларини фарзандига сездирмасликка харакат килиб далда беришга харакат килган сабр-бардошли аёл сифатида куз олдимда намоён булдилар.

https://img.uforum.uz/images/7924317.jpg

Nigora Umarova

21.04.2009, 10:52

Мухтарам опанинг эслашларича, Рустам ака дардини кахрамонлари оркали ифодалаган эканлар. «Бобуршох» спектаклида Бобурнинг фарзанди Хумоюн улим тушагида ётганида Бобур Мирзо , «Ё Яратган Кодир Эгам, сенга хазинамдаги энг кимматбахо нарсани- жонимни нисор этдим. Углимни кайтариб бер!..» деган сузларини Шохрух касал пайтида сахнада талкин килганларида томошабин ижронинг табиийлигидан кузларида ёш ила спектаклни тарк этган экан.

https://img.uforum.uz/images/8928619.jpg

https://img.uforum.uz/images/9206846.jpg

Шохрух вафот этгач, хатто, бир фильмда дардларини кахрамонлари оркали «Сикилма, урток! Мана, мен шунча дард билан юрибман-ку! Ота-онам, якка-ю ягона суянчигим булган углимдан айрилдим», дея изтироб билан йиглаган эканлар. Мухтарам опанинг назарларида турмуш уртоклари ва фарзандлари гуё гастролга кетишган-у, хозир эшик очилиб, ота-бола кириб келадигандек...

https://img.uforum.uz/images/9858893.jpg

Nigora Umarova

21.04.2009, 10:57

Рустам ака Мухтарам опага доим, «Углинг хозир жаннатда фариштадек булиб юрибди. Худо хохласа, хаммамиз уша ерда куришамиз», деб таскин берарканлар.
Илохим, барча утганларнинг рухлари шод, охирати обод булсин!..

Husen

21.04.2009, 18:34

Нигора опа, раҳмат сизга, нега мана шу истеъдодлар ҳақида ҳеч қаерда гапиришмайди деб ўйланиб юрардим? Шохрух Мадиев хакида ҳам эшитгандим, аммо суратларини, таржимаи холидан бебахра эдим. Аччик кисмат, уларни прототип килиб бадиий фильмлар ишлашса қанийди?

Nigora Umarova

22.04.2009, 11:39

https://img.uforum.uz/images/2795007.jpg

Шохрух уйнаган "Алвидо" бадиий фильмидан лавха. Гарчи у эпизодик роль яратган булса-да, бу роль купчиликнинг эсида колган.

Nigora Umarova

22.04.2009, 16:13

Хар кимнинг хам сочларига ок тушсин,
Ажин тушсин юзларига, дог тушсин.
Хар кимнинг хам кувват кетиб белидан,
Кулларига асо-бир таёк тушсин.

Имони соф, юзга кириб ёруг юз,
Туйлар куриб елкасидан тог тушсин.
Жисмига сунгги сафар олдидан
Уз боласин кулидан тупрок тушсин.

Мухаммад Юсуф

Nigora Umarova

22.04.2009, 16:57

Nigora Umarova

10.03.2012, 11:37