Kichik hajmdagi ibratli hikoyalar [Архив]

Просмотр полной версии : Kichik hajmdagi ibratli hikoyalar

AbdulAziz

21.01.2009, 00:46

* * *

Бола, чўнтак харажатлари учун дадасидан олган пулларини вақтидан аввал еб қўйди. Яқинда таътил бошланади. Маза қилмайди. Йўлини топиш керак. Қўлига тушган журналда, ҳар бир хизмат учун ҳақ тўланиши лозимлигини ўқиб, кўзлари чарақлаб кетди. Бу мантиққа кўра, оиласи учун қилган ишларининг ҳар бирига ҳақ олиши керак! Дўкондан нон келтиришни беш юз сўмга, аҳлат тўкишни минг сўмга, онаси билан бозорга бориб келишини 3000 сўмга баҳоласа, қимматга тушмайдигандек эди.
Худди шундай қилди. Бир вараққа ой давомида бажарган ишларини ёзиб нарх қўйди. Умумий сумма 100000 сўмни ташкил этди. Хатни секингина онасининг ёнига солиб қўйди. Бойиш йўлини топганидан боши осмонда!
Эрталаб дарс столи устидан 100000 сўм пул ва бир энлик хатча топди:
«Сени ўлим билан олишиб дунёга келтирганим, йиллар бўйи устингни тоза тутганим, минг бир азоб билан ўстираётганимнинг ҳақи — фақат севгинг ва ёноғингдан олганим биргина ўпичдир! Ишлаб топган пулингни ўйнаб-кулиб ишлат, болажоним!..»

Umida Shodiyeva

21.01.2009, 22:02

Bir kuni bir donishmand qozining oldiga ikki ayol dod solib kelishibdi .Ular bir bolani "mening bolam" deya tortishishiyayotgan ekanlar .
Shunda qozi janoblari jallodni chaqirib bolani o'rtasidan teng ikkiga bo'lib onalarga berishini buyuribdi.
Shu payt ikkinchi ona ;"voy dod kerak emas,mayli menga bermasangiz ham bolamni bo'lmanglar" deya dod solibdi.
Birinchi ona esa "qozi janoblari siz haqsiz haq ishni buyurdingiz "deya maqullayotgan ekan.Shunda qozi gap nimadaligini tushunubdi. So'ng Qozi boyagi 'bolamni bo'lmanglar" degan onaga bolasini eson-omon topshiribdi.
Xo'sh biror narsa tushundingizmi?

Kavsar

10.08.2010, 01:22

Билмасдилар
Зулқарнайн (а.с.) ярим кеча ўз қўшини билан бир ғордан ўтиб борар экан, “Оёғингиз остида учраган нарсалардан олиб кетинг” дея амр қилди. Қўшиндагилардан бир гуруҳи: “Кўп юрдик, жуда чарчаганмиз, энди кечаси билан оёғимиздаги нарсаларни ҳам йиғамизми?” – деб ҳеч нима олмадилар. Иккинчи бир гуруҳ: “Қўмондонимиз айтган экан, бир оз тўплай қолайлик, буйруққа қарши чиқмайлик. Зеро, қўмондонга бўйсуниш керак”, – деб озгина нарса оладилар. Учинчи гуруҳ эса: “Қўмондон бежизга бундай демади, бунда қандайдир ҳикмат бўлиши керак”, – дея тўрваларини тўлгунча қўлга илинган нарсалар билан тўлдирдилар.
Кун ёришганда қарасаларки, олтин конининг ёнидан ўтишибди. Ва оёқларига теккан нарсалар олтин экан. Буни билганларида эса, ҳеч нарса олмаган биринчи гуруҳ: “Эҳ, нега олмадик а! Нега қўмондонимизнинг гапига кирмадик, қанийди олганимизда... Битта бўлса ҳам олсайдик”, – деб пушаймон бўлдилар. Озгина олган иккинчи гуруҳдагилар: “Эҳ, яна озгина олсак эди. Чўнтакларимизни, халталаримизни тўлдирсак бўлар экан...” – деб қолишди. Кўп олган учинчи гуруҳ эса: “Кошки кераксиз нарсаларимизни ташлаб юборсайдик, кўпроқ олсайдик. Ҳамма нарсаларимизни тўлдирсайдик. Бундан ҳам кўпроқ олиб қолсайдик...” – дея кўп олганларига қарамай барибир хафа эдилар.
Ҳикмат
Қаноат қўрғондир. – У ерга кирсанг нафс ёмонлигидан қутиласан. Тоғликдир – у ерга чиқсанг душман ва дўстга қарамликдан халос бўлурсан.
(Алишер Навоий)

(Турк тилидан Сумайро, Муна Холмуродовалар таржимаси)

Nigora Umarova

10.08.2010, 09:09

Kavsaroy!
Ma'lumotlarni joylashtirayotganda matn shriftiga e'tiborliroq bo'lib joylashtiring.
Hali chop etilmagan tarjimalarni joylashtirayotgangizdan xursandmiz. :)

Maestro

10.08.2010, 13:19

Зулқарнайн (а.с.)
Кавс ичидаги а.с. нимани англатади? Шунчаки узимга маълумот сифатида билиб олмокчи эдим.

Kavsar

10.08.2010, 14:04

Зулқарнайн (а.с.)
Кавс ичидаги а.с. нимани англатади? Шунчаки узимга маълумот сифатида билиб олмокчи эдим.

(а.с.) - alayhissalom

Maestro

10.08.2010, 16:08

(а.с.) - alayhissalom
Зулкарнайн - грек саркардаси Александр Македонский эмасми?

Masud Mahsudov

10.08.2010, 17:08

Feruza Xodjayeva

10.08.2010, 17:41

(а.с.) - alayhissalom
Зулкарнайн - грек саркардаси Александр Македонский эмасми?

Grek qo'mondoni Aleksandr Makedonskiy bilan Iskandar Zulqarnayn bir odam emas... Ular yashagan yillar ham, davlatlar ham boshqa boshqa... Kechroq, manbasini topib, qo'yishga harakat qilaman...

Балки адашаётгандирман, лекин алайҳиссалом сўзи пайғамбарларга нисбатан қўлланилмайдими? Иложи бўлса шу ҳақда ҳам маълумот бера олмайсизми?

Maestro

10.08.2010, 17:45

Aleksandr Makedonskiy bilan Iskandar Zulqarnayn bir odam emas...

Рахмат! Тугриси, шу пайтгача бир одам деб юрардим, хар холда мендаги манбаларда шундай курсатилган эди. Нима килайлик энди, шундок ургатишган эди-да...
Сизнинг гапингиздан кейин Интернетни хуп ва куп титиб чикиб баъзи нарсаларни тушунгандек булдим. Век живи-век учись!

Masud Mahsudov

10.08.2010, 18:50

Maestro

10.08.2010, 19:05

Grek qo'mondoni Aleksandr Makedonskiy bilan Iskandar Zulqarnayn bir odam emas...

Grek qo'mondoni Aleksandr Makedonskiy bilan Iskandar Zulqarnayn bir odam emas...
А булди, тушундим! Хар соатда кайтараверасизми энди... ;-)

Kavsar

10.08.2010, 19:07

(а.с.) - alayhissalom
Зулкарнайн - грек саркардаси Александр Македонский эмасми?

Men bu hikoyatda aynan qaysi birlari nazarda tutilganlarini bilmadimu, lekin haqiqatan Mas'ud Mahsudov aytganlaridek ular ikki kishi ekan.

Iskandar Makedonski (Iskandar Maqduniy deb ham yuritiladi. m.av. 356-323) ensiklopedia.

Lekin Qur'oni Karimda ham Zulqarnayn ismi bir nech oyatda keladi. Kahf surasi.
http://www.quran.uz/tarjima/quran/18 91, 94 oyatlar.

To'liq javobni Mas'udbekni o'zlaridan kutib qolaman yana.
Shu paytgacha men ham bunga ahamiyat bermasdim, savol uchun ham, javob uchun ham rahmat.

Kavsar

10.08.2010, 19:19

Зулкарнайн - грек саркардаси Александр Македонский эмасми?

Grek qo'mondoni Aleksandr Makedonskiy bilan Iskandar Zulqarnayn bir odam emas... Ular yashagan yillar ham, davlatlar ham boshqa boshqa... Kechroq, manbasini topib, qo'yishga harakat qilaman...

Балки адашаётгандирман, лекин алайҳиссалом сўзи пайғамбарларга нисбатан қўлланилмайдими? Иложи бўлса шу ҳақда ҳам маълумот бера олмайсизми?

Assalomu alaykum, Feruza opa.

O'rinli savol.
Javob: Faqat payg'ambarlarga nisbatan alayhissalom (unga salomlar bo'lsin) ishlatiladi. Payg'ambarimiz Muhammad Mustafo (s.a.v.) ga esa har ikkisi ham (a.s.) va (s.a.v.) qo'llaniladi.

Lekin Zulqarnayn haqlarida turli qarashlar bor. Ba'zilar uni payg'ambar, ba'zilar esa avliyo zot deyishadi. Asosan manbalarda u kishiga (hazratlari) deya murojaat qilingan. Bu haqda "Ibodati Islomiya" kitobining19-sahifasi yoki Rabg'uziyning "Qissasi Rabg'uziy" kitoblarida aytilgan. "Payg'ambarlar tarixi" (Rahmatulloh qori Obidov) kitoblarida ham Zulqarnaynga (a.s) deb murojaat qilinmagan.

Arab tili ustozim (s.a.) deyilsa ham bo'ladi, chunki u kishi haqda payg'ambar yo valiy zot deb qaraladi deganlari uchun (a.s) ni yozib qo'yganman.

Lekin bu kitob nashrga chiqqanida "Bilmasdilar" hikoyati Zulqarnaynning o'zi bo'lib kirgan.

Kitob do'konlarda sotuvga qo'yilgan . "Sirli Ibratli va hayotiy voqealar" 3-qism. Toshkent 2010. Yurist-media nashriyoti.

Masud Mahsudov

10.08.2010, 21:19

Grek qo'mondoni Aleksandr Makedonskiy bilan Iskandar Zulqarnayn bir odam emas... Ular yashagan yillar ham, davlatlar ham boshqa boshqa... Kechroq, manbasini topib, qo'yishga harakat qilaman...

Балки адашаётгандирман, лекин алайҳиссалом сўзи пайғамбарларга нисбатан қўлланилмайдими? Иложи бўлса шу ҳақда ҳам маълумот бера олмайсизми?

Assalomu alaykum, Feruza opa.

O'rinli savol.
Javob: Faqat payg'ambarlarga nisbatan alayhissalom (unga salomlar bo'lsin) ishlatiladi. Payg'ambarimiz Muhammad Mustafo (s.a.v.) ga esa har ikkisi ham (a.s.) va (s.a.v.) qo'llaniladi.

Lekin Zulqarnayn haqlarida turli qarashlar bor. Ba'zilar uni payg'ambar, ba'zilar esa avliyo zot deyishadi. Asosan manbalarda u kishiga (hazratlari) deya murojaat qilingan. Bu haqda "Ibodati Islomiya" kitobining19-sahifasi yoki Rabg'uziyning "Qissasi Rabg'uziy" kitoblarida aytilgan. "Payg'ambarlar tarixi" (Rahmatulloh qori Obidov) kitoblarida ham Zulqarnaynga (a.s) deb murojaat qilinmagan.

Arab tili ustozim (s.a.) deyilsa ham bo'ladi, chunki u kishi haqda payg'ambar yo valiy zot deb qaraladi deganlari uchun (a.s) ni yozib qo'yganman.

Lekin bu kitob nashrga chiqqanida "Bilmasdilar" hikoyati Zulqarnaynning o'zi bo'lib kirgan.

Kitob do'konlarda sotuvga qo'yilgan . "Sirli Ibratli va hayotiy voqealar" 3-qism. Toshkent 2010. Yurist-media nashriyoti.

a.s. ni yozib not'og'ri qilgansiz, chunki, Iskandar Zulqarnayn payg'ambar sifatida tanilgan emas.

Manba (http://islom.ziyouz.com/index.php?option=com_content&task=view&id=2039&Itemid=96) ni yaxshilab o'qib chiqsangiz, bu haqda ma'lumot bor.

Iskandar Zulqarnayn bilan Makedonskiyning ikki odam ekanligi haqidagi manbani hozircha topolmadim, qayergadir saqlagandim kompimda, topolmayapman... :( Topishim bilan, albatta joylashga harakat qilaman

P.S. Yuqoridagi bir xil 2 post uchun uzr, telefonimdan yozgandim, bittasi post qilinmagan ko'rsatgandi, shu sabab, ikki marta yozibman :)

Kavsar

10.08.2010, 22:49

Sukut saqlamoq, gapirmoq

Aqlli bir yigit bo'lib, uning o'rganishga bo'lgan ishtiyoqi nihoyatda baland edi. Va bu qiziqish ortidan turli xil ilmlarni o'rgandi. Yigit ayni chog'da go'zal bir tabiatga sohib edi. Juda ko'p majlisda qatnashar, ammo bo'lar bo'lmas gaplarga qo'shilmasdi. Qayerda, qachon, qanday gapirishga e'tibor berardi. Yana bir majlisga yig'ildilar. Otasi ham yonida edi. Juda uzun suhbat bo'ldi, ammo yigit gapga aralashmadi. Bu holat otasi e'tiborini tortdi. Majlis tugashi bilan:
- O'g'lim! - dedi. - Sen ham bilgan narsalaring bilan nega bahsga qo'shilmading?
Yigit javob berdi:
- Qo'rquvdan, otajonim. Bilmaganlarimni so'rab qolishsa juda uyalaman! Donolarning, "Sen gapirmaguningcha hech kimning sen bilan ishi yo'qdir. Ammo, gapirishing bilan so'zingni dalilini keltirishing kerak bo'ladi", - deganlarini eshitmaganmidingiz?

Hikmat

Gapirish foydali va chiroyli narsa bo'la oladi. Ammo sukut undan yaxshidir. Chunki gap inson boshiga bir talay ishlarni sola biladi.

"Gulistondan javohirlar" kitobidan. 2010, Nasaf.

Masud Mahsudov

11.08.2010, 01:12

Mana bu (http://info.islom.uz/content/view/1424/1012/) yerda yuqoridagi mavzu bo'yicha maqola bor ekan, o'qib ko'rishingiz mumkin...

Kavsar

11.08.2010, 11:09

http://info.islom.uz/content/view/1424/1012/
юқорида берилган манбадан

"Қуръонда келган Зулқарнайн тўғрисида Азроқий бундай дейдилар: «Байтуллоҳни Иброҳим (а.с.) билан бирга тавоф қилишган, вазирлари Ҳизр (а.с.) бўлган..Искандар Мақдунийнинг вазири эса Арасту бўлган ва милоддан тахминан 300 йил олдин ҳукмронлик қилган. Қуръондаги Зулқарнайн Иброҳим (а.с.) замонларида яшаган».(Ибни Касир. Тафсирул Қурьанил Азим, Каҳф сурасининг тафсири. Дарул маърифа, Байрут. 3 жузь, 1989 й. 106-бет.) "

"Зулқарнайнни пайғамбар дейдиганлар ҳам бор. Ҳазрати Алидан (р.а.) пайғамбар бўлганми деб сўралганида: «Одамларни тўғри йўлга бошлаган Аллоҳнинг солиҳ бандаси бўлган»,(Ибни Касир. Тафсирул Қуръанил Азим, Каҳф сурасининг тафсири. Дарул маърифа, Бай-рут, 3 жузъ, 1989 й. 106-бет.) деб жавоб берганлар. Қуръони каримда номи зикр этилган учта шахснинг пайғамбарлиги баҳслидир. Улар Луқмони Ҳаким, Ҳазрати Ҳизр ва Зулқарнайнлар. Турк олими Мустафо Осим Кўксол ўзининг «Пайғамбарлар тарихи» китобида Зулқарнайнни ҳам киритган. Лекин, Зулқарнайннинг пайғамбарлигини инкор этувчилар ҳам бор, дея изоҳ беради. (М.О.Кўксол Пайғамбарлар тарихи, 2 жилд Анқара, 1993. 286-бет.)"

Демак, Зулқарнайнга ҳам (а.с)ни ишлатсак хато бўлмас экан. Манбаларда Хизр (а.с) келади. Тахминий қаралган пайғамбарлар орасида Зулқарнайн ҳам бор.

Ўзи 124 минг пайғамбар ўтган деб тахмин қилинса, шундан адашмасам 25 таларининг исмлари Китобда учрайди. Тахминий баҳс бўлганлари эса Луқмон, Хизр, Зулқарнайнлардир. Биз кўп жойда Хизр (а.с) деганимиздек, Зулқарнайн (а.с) десак хато бўлмас. Агар у киши шунчаки оддий одам бўлганида у кишига "Мағрибга боринг" мазмунидаги оят келмаган бўларди: Ана шундай, батаҳқиқ, Биз унинг олдидаги нарсанинг хабарини иҳота қилдик. (Яъни, мағрибдаги ҳақ сўзлар ва ишлар машриқда ҳам жорий қилинди. Зулқарнайн мағрибда ҳукмронлик қилганидек, машриқда ҳам ҳукмронлик қилди. Биз, шубҳасиз, Зулқарнайннинг ҳузуридаги ҳамма нарсанинг хабарини тўлиқ биламиз.) (Каҳф, 91.) - (К.)

Масалага ойдинлик киритилгани яхши бўлди, албатта. Лекин бу ҳикоятни маъноси учун киритган эдим. "Умринг сувдек оқиб кетади, ҳар бир нарсани вақт ўтгандан сўнг қадри билинади" деган мазмунни тушунганман.

Умуман, шайх Муҳаммад Содиқ Муҳаммад Юсуф "Тафсири Ҳилол"нинг 1-қисмида шу мазмунда шарҳ ёзган эдилар: Жаннатдаги тақиқланган мева хусусида кўплаб баҳслар бўлиб келган аҳли илм орасида, лекин муҳими бу эмас. Агар Аллоҳ истаганида уни ўзи очиқ-ошкор айтган бўлар эди китобида. Бу мева нималигини билишдан ҳам кўра шу баён этилган ҳикоятдан олинадиган фойдалар муҳимроқдир.

AbdulAziz

12.08.2010, 09:39

QO’SHNINING HAQI

Taqiy Usmoniy hikoya qiladi:
“Makkai mukarramada bozorga kirib, bir matoni so’radim. Do’kondor o’sha matoni topgunga qadar oldimga 20 tacha o’ramdagi gazlamalarni to’kib soldi. Ularning ichgidan bittasi menga ma’qul tushib, shuni sotib olmoqchi bo’ldim. Narhiyam ma’qul keldi. Sotuvchi:
- Siz shu ma’qul keldi-a?
- Albatta ma’qul keldi.
- Unda yo’lning uyog’iga o’tsangiz, huv anau do’konda ham shu gazlamadan bor. O’sha yerdan sotib oling.
- Iye, nega endi. Hamma narsani shu yerda savdo qildim, sizning ham qancha vaqtingizni oldim. Nega endi undan sotib olarkanman. Buning siri nimada?
- To’g’ridagi sotuvchi mening qo’shnim, ko’ryapmanki, ertalabdan beri hech narsa sotmadi. Men esa ancha narsa sotib qo’ydim…”

Kavsar

12.08.2010, 22:52

Dunyoni sevmoq

Bir necha kishi to'planib, "Zolim nafs, xoin dunyo, musibatlarning eng avvali..." kabi sifatlar bilan dunyoni yomonlashar edi. Qizig'i shundaki, ular dunyoni yomonlagani sari kayfiyatlari chog', go'yo boshqa bir olamga "sayr" qilishardi. Ittifoqo, bu majlisga kelib qolgan haqiqiy bir olim ularga:
- Siz dunyoni naqadar sevishingizga hayron qoldim! - deya xitob qildi.
Bu gapdan majlis ahli dovdirab qoldi, hamma sukut saqladi. Nihoyat, oralaridagi bir olim chiqib:
- Biz dunyoni maqtamayapmiz, aksincha yomonlayapmiz, basharti dunyoni sevganimizda uni maqtardik. Binobarin, sening bu so'zlaring ma'nosiz, mantiqsiz, - dedi.

Orif zot shunday javob qildi:
- Yo'q, unday emas. Dunyo sizga yor bo'lmagani uchun ham uni yomonlash bilan qalbingiz taskin topmoqda. agar qalbingizda dunyoga qiziqish bo'lmaganida, u bilan ovora bo'lmas edingiz. Inson sevgan narsasini gapirib tasalli topadi. Siz yomonlash orqali yashirin sevgingizga tarjimon bo'lib, qalbingiz taftini bosmoqdasiz.

Hissa

Til ko'ngil tarjimonidir. Tillar ko'ngillarga bog'langan. Oshiqning fikri nima bo'lsa, zikri ham o'shadir. Qalbi pokiza, komil inson boshqasining qadrini yerga urishni ep ko'rmaydi, biroq voqealarga ibrat nazari bilan qaraydi, kerakli xulosalar chiqaradi.

Hikmat

Dili pokning - tili pok.

(Turk tilidan Sanobar Nuriddinova tarjimasi) "Bolalar uchun hikmatli hikoyatlar"

Kahramon Jalilov

14.08.2010, 09:17

- Biz dunyoni maqtamayapmiz, aksincha yomonlayapmiz, basharti dunyoni sevganimizda uni maqtardik.
Odam bo'lib keldik odam bo'laylik,
Bu dunyo dardiga malham bo'laylik...(qo'shiqdan)

Masud Mahsudov

16.08.2010, 08:10

Bir sheryurak, dushmanlar dodini beradigan er kishi bor edi, bir necha yil bir ayolga oshiq bo‘lib yurdi. Ul ayolning bir ko‘zida tirnoq uchiday kichkina oq nuqtasi bor edi. Ayolga ko‘p marta diqqat bilan qaragan bo‘lsa ham bu oqlikdan erkak bexabar edi. Oshiq boshi ishq shavqi qiyomida yor ko‘zining aybini ilg‘armidi?
Bir vaqt erkakning ayolga nisbatan ishqi kamaydi, oshiqlik dardiga darmon topilganday, ayolga bo‘lgan muhabbatida nuqson paydo bo‘ldi. Ayolga boshqacha qo‘z bilan qaraydigan bo‘ldi shekilli, uning ko‘zidagi oq dog‘ni ilg‘ab qoldi. U ayolga dedi:
- Ko‘zingdagi oq dog‘ qachon paydo bo‘ldi?
Ayol dedi:
- Sening muhabbating kamaygan kundan beri shunaqa bo‘ldi. Senda ishqaro nuqson paydo bo‘lgach, mening ko‘zimda ham shu sabab nuqson paydo bo‘ldi.
Ko‘nglingda vasvasadan ming g‘avg‘o bor. Avval o‘z aybingni ko‘r, ey ko‘ngil ko‘zi basir odam! Qachongacha boshqalardan ayb qidirasan, o‘z yoqangni hidlab, o‘z aybingni qidirsang-chi. O’z aybing o‘zingga ayon bo‘lib, og‘irligini sezsang, boshqalar aybiga parvo qilmaydigan bo‘lasan.

"Mantiqut-tayr"dan (Fariduddin Attor).

www.ziyouz.com dan olindi

Kavsar

17.08.2010, 14:28

Kechirishning yuki

Bir kuni o'qituvchi litseydagi o'quvchilariga ajoyib taklifni aytdi:
- Bir hayotiy tajribada ishtirok etishni istaysizmi?
O'quvchilar taklifga rozi bo'lishdi.
- Unday bo'lsa, men nima desam, shuni bajarishga so'z bering.
O'quchilar so'z bergach:
Endi ertangi vazifangizga tayyor turing, dedi o'qituvchi. - Ertaga hammangiz yelim xalta va ko'pi bilan besh kilocha kartoshka olib kelasizlar.
O'quvchilar bu qanday "tajriba" ekanini bilmasalar ham? ertasi kuni hamma aytilgan narsalarni olib kelishdi.
O'qituvchi shunday dedi:
- Endi hozirga qadar siz kechirishni xohlamagan kishi uchun bittadan kartoshka oling-da, uning ismini yozib xaltaga joylang.
Bu antiqa va qiziq topshiriqdan so'ng, ba'zilarning xaltasiga uchta, beshta kartoshka kirgan bo'lsa, ba'zi o'quvchilarning xaltasi esa kartoshkadan to'lay deb qoldi Shunda "Bu yog'i qanday bo'larkan?" deb qarab turgan o'quvchilarga o'qituvchi o'zining keyingi topshirig'ini aytdi:
- Bir hafta davomida qayerga borsangiz ham, bu xaltalarni doim o'zingiz bilan olib yurasiz. Xoh yotog'ingizda, xoh avtobusda yoki maktabda bo'lsin, har doim xalta siz bilan bo'lishi lozim.
Oradan bir hafta o'tdi. O'qituvchilari sinfga kirar-kirmas, topshiriqni bajargan o'quvchilar shikoyat qila boshladilar:
- Ustoz, bu og'ir xaltani ko'tarib yurish juda qiyin.
- Ustoz, kartoshkalar ayniy boshladi. Odamlar ham menga g'alati qarashyapti.
- Ham zerikib ketdik, ham charchadik, ustoz...
Shunda o'qituvchi jilmayib turib, o'quvchilariga ibratli bir gap aytdi:
- Buni qarang, kechirmasdan aslida o'zimizni jazolayotgan ekanmiz. Ruhimizni mana shunday og'ir yukni tashib yurishga mahkum qilib qo'yibmiz. Kechirimli bo'lishni birovga nisbatan qilinayotgan yaxshilik, ehson deb o'ylaymiz. Aslida, bu eng avvalo, o'zimizga qilingan yaxshilikdir.

(Turk tilidan Muna va Sumayro Xolmurodovalar tarjimasi)
"Sirli, ibratli va hayotiy voqealar" kitobidan 2-qism. T.-2009

Kavsar

30.08.2010, 10:06

Ҳикоят

Бир куни мусулмон, христиан ва яҳудий йўлда кетаётган эди. Улар кўп юриб, бир уйда меҳмон бўлдилар. Уй эгаси эса уларга ҳурмат-эҳтиром кўрсатди, қуюқ зиёфат берди. Охирида ширин бир ҳолва ҳам келтирди. Бироқ уларнинг қоринлари тўқ эди. Улардан бири:
- Дўстлар, ҳозир ҳаммамизнинг қорнимиз тўқ. Кимда-ким уйқусида чиройли бир туш кўрса, ҳолвани ўша киши есин, - деди.
Яҳудий, насроний уйқу дардида ётдилар. Мусулмон ярим тунда туриб, ибодатини қилди ва оч қолди. Кейин ҳолвани олиб еди. Тонг ёришгач:
- Эй дўстлар! Тушингизда нималарни кўрдингиз? Кўрган тушларингизни айтинг, - деди.
Яҳудий:
- Бугун мен тушимда Ҳазрати Мусони (а.с.) кўрдим. У менга йўлбошчи бўлди. Ҳазрати Мусо алайҳиссалом билан биргаликда Тур тоғига чиқдик. Сўнгра Мусо (а.с.) менга табассум ила назар солдилар. Бу кишининг қарашларидан Тур тоғи парча-парча бўлди. Аллоҳ таолонинг марҳамати ила бу нурдан вужудим титраб кетди. Таърифлашга эса ожизман, - деди.
Шундан сўнг насроний ҳам ўз тушини баён этди:
- Бу кеча тушимга Ҳазрати Исо (а.с.) пайғамбар кирди. Мен ул зот билан тўртинчи осмонга кетдим. Унинг мақомини зиёрат қилдим. Шубҳасиз, мен кўрган бу туш, мақомимнинг юксак эканига бир далил эмасми? - деди.
Мусулмон уларнинг кўрган тушларини тинглаганидан сўнг:
- Эй, менинг йўлдошларим! Бирингиз самода, бирингиз эса Тур тоғида юрганингизда, султони анбиё бу кеча менинг олдимга келди:
- Эй ғариб умматим! Яҳудий Тур тоғига кетди. У ерда Калимуллоҳ билан суҳбатлашиб қолди. Насроний эса тўртинчи осмонга кетди ва Ҳазрати Исо пайғамбар билан кўришди. Сен-чи, сен уйингда ёлғиз қолдинг. Сен ҳам ўрнингдан тур. Улар катта зиёфатларда ўтиришибди.Сен мана шу ҳолвани егин, - деди. Мен эса дарҳол амрга итоат қилиб, ҳолвани едим. Тушларингиз муборак бўлсин, - деди.

Буни кўрган яҳудий ва насроний ҳайратда қолиб, инсоф юзасидан дедилар:
- Худо ҳаққи, энг ҳақиқий тушни сен кўрибсан. Уйғоқ одам албатта ҳақиқатни кўради. Ҳолвани ҳам ўша инсон ейди.

Ҳисса

Мусулмон киши ҳолва ейиш умидида ухламади, аксинча ибодати ила ўз вақтида ухлаб нафсига эргашмагани учун ҳолва унга насиб этди. Улар эса ҳолва ейиш мақсадида ухлаган эдилар.

Қиссадан ҳисса шуки, ақл билан қилинган иш ўзининг гўзал натижасини беради.

"Болалар учун ибратли ҳикоятлар", Турк тилидан Санобар Нуриддинова таржимаси.

AbdulAziz

28.09.2010, 11:20

YASHIRIN SAVDO

Abbosiylar halifalaridan Horun ar-Rashid ayoli Zubayda bilan tungi sayrga daryo qirg’og’iga chiqishibdi. Daryo bo’yida Bahlul degan avliyoulloh qumdan uy yasayotganini ko’rgan halifa undan so’rabdi:
- Ayo, Bahlul nima qilyapsiz?
- Qumdan uy quryapman.
- Uni nima qilasiz?
- Kim sotib olsa, uni duo qilaman, Alloh taolo unga jannatdan bir qasr beradi.
Horun ar-Rashid Bahlul Dononing gapiga kulimsirab, o’tib ketaveribdi. Halifaning orqasidan yetib kelgan xotini Zubayda ham Bahluldan nima qilayotganini so’rabdi.
- Uy quryapman, begim. Kim sotib olsa, uni duo qilaman, Alloh taolo unga jannatdan bir qasr beradi.
- Qurgan uyingizning narhi necha pul?
- 1 dinor.
Zubayda 1 dinorni unga berib, duo olibdi.
Kechqurun halifa tushida jannatda yurganmish. Qarasa, qizil yoqutdan qilingan qasr tepasiga Zubayda deb yozib qo’yilibdi. Xotinimning qasri ekan, kirib ko’ray-chi, deb borsa, posbon kiritmabdi va:
- Bu yerga kimning ismi yozilsa, o’sha kiradi, - deb, ko’kragidan itarib yuborgan joyida xalifa uyg’onibdi.
“Kecha xotinim haqida Bahlulning duosi qabul bo’libdi. Men ham duo olib kelay”, - deb yana kechqurun xalifa daryo bo’yiga kelibdi. Bahlul hamon uy qurayotgan ekan, undan so’rabdi:
- Uyingizni qanchaga sotasiz?
- Uyimning narhi butun yer yuzining podsholigi.
- Butun dunyoning podsholigiga hatto men ham egamasman, nega bugun qimmat qilib yubordingiz?
- Kecha ko’rmagan savdo edi, bugun ko’rgan savdo.

Kavsar

24.10.2010, 13:20

Shoh Bahouddin Naqshbandiyning sukuti...

Shoh Bahouddin Naqshbandiy(q.s) hazratlari huzurlariga bir kishi kelib nasihat qilishlarini so'rabdi. U kishi (q.s) unga o'tirishini buyurib, bir oz sukut qilibdilar. Oradan o'n-o'n besh daqiqa o'tibdi, shayxning sukutlari davom etaveribdi. Oradan biror soatcha vaqt o'tgach, boyagi kishi sabri to'lib, "Sizning yoningizga nasihat, ibrat olgani kelgan edik, ozgina gapirib nasihat qilsangiz", debdi. Shoh Naqshbandiy (q.s) hazratlari "Bizning sukutimizdan ibrat ololmagan odam gapirgan gaplarimizdan qanday ibrat oladi?" degan ekanlar.

http://www.uzislam.com/News/article/sid=346.html hikoyat shu saytdan olindi.

Kavsar

24.10.2010, 13:28

Boyazid Bistomiy hazratlarining hayotlaridan

Boyazid Bistomiy kichikligidan ta’lim olishni boshladi. Qunt bilan o’qishni davom ettirdi. Kunlarning birida bir oyati karimadan ta’sirlanib (Luqmon, 14) uyga qaytdi. Onasidan tashvishlanib, nega erta qaytganining sababini shunday bayon qildi: "Bugun o’rgangan oyati karimada Alloh O’ziga va sizga itoat etishimni amr etibdi. Yo faqat sizning xizmatingizni qilayin yo faqat Alloh taola ibodati bilan mashg’ul bo’layin"- dedi. Onasi: "Sen meni qo’y, Allohga ibodat qil", dedi. Shundan so’ng o’zini Allohga bag’ishladi, hech bir amriga nisbatan sustkashlik qilmadi; onasining xizmatlarini-da e’tiborsiz qoldirmadi. Uning kichkina orzusini ham farzi ayn bilib, aytgan har bir shartini bajo etmoqqa hozirlandi. Zero, Yaratganning amri ham shunday edi.

Sovuq bir qish kechasi bo’ldi. Onasi yotarkan, suv istadi. U ham darhol o’rnidan turdi. Ammo chelakda suv qolmagandi. Chashmaga borib chelakka suv to’ldirdi. Uyga kelganida onasining yana qaytib uyquga ketganini ko’rdi. Shirin uyqusini buzmay deb, qo’lida chelak bilan kutib o’ltirdi. Bir ozdan so’ng, „Suv, suv“, deya onasi yana bezovta bo’lib uyg’ondi. O’g’lining bu holda turganini ko’rib: „Bolaginamey, nega satilni qo’lingda ushlab turibsan“, dedi . U esa, „Uyg’onishingiz bilan suvni sizga bera olishim uchun chelak qo’limda kutayotgandim“, dedi. Onasi: „Yo Rabbim, men o’g’limdan roziman. Sen ham rozi bo’l“, deya duo qildi. Balki, onasining ushbu duolari sabab Alloh unga avliyolikning yuksak maqomiga erishmoqni nasib etdi.

http://www.uzislam.com/News/article/sid=326.html

Pfefferminze

24.10.2010, 23:32

Kavsar

24.10.2010, 23:41

Forumda, Shokirbek aka borlar, fikrlarini to'la, batafsil yozsalar yaxshi bo'lar edi, chunki men mantiqqatayanib yozdim, aslida esa manbaga tayanib yozilsa yaxshiroq.

Rahmat, Ra'no opa. Haqiqatan yaxshi bo'lardi, men ham anig'ini uncha bilmaymanu, lekin negadir shunday deb o'ylagan ekanman.

Kavsar

24.10.2010, 23:58

Kavsar

25.10.2010, 15:40

ҚАЙТАР ДУНЁ

Ширакайф уч оғайни нимқоронғуда "Мўъжиза" деб номланувчи чойхонадан чиқишди.
- Машинани йўлнинг у четига қўйганман, - деди Нодир тишлари орасидан "чирт" этиб тупуриб. - Йўл-йўлакай сизларни уй-уйларингизга ташлаб ўтаман. Улар катта йўлни кесиб, дарахтлар орасидан ўтишаётганда, ногиронлар аравасидаги бир кишини таёғи билан ўтларни пайпаслаётганини кўришди.
- Ие, бу одам нима қилиб, адашиб юрибди, - деди Нодир беписанд.
- Кечирасизлар, жўралар, - деди ожиз киши. - Адашиб қолдим. Маҳаллот кўчаси томон йўлга солиб юборсанглар, илтимос.
-Тавба, ўзинг кўр бўлсанг, қоронғуда кўчада бало борми, - деди Нодир ғудраниб, - Мана бу томонга юрасиз, - дея тескари томонга буриб юборди уни.
- Бекор қилдинг, - деди Жамшид, - ахир, ожиз одам бўлса...
- Иккинчи бемаҳалда кўчаларда тимирскиланиб юрмайди.
- Балки бирор ҳожат билан чиққандир.
- Ташвишини ейишни қўй ўшани. Яна суриштириб ўз йўлини топиб олар...
Улар машинага ўтириб, кўздан ғойиб бўлишди. Бу воқеа уларнинг ёдидан ҳам чиқиб кетган эди, лекин... Орадан уч ой ўтиб Нодирнинг хотинини тўлғоқ тутиб, туғруқхонага олиб келишди. Шифохона эшиги олдида машина калитини ўйнаб келаётган Нодирга онаси дуч келди.
- Ҳа, онажон, сизни набира билан табрикласам бўладими?
- Болам, хуеук хабар. Хотининг ўғил туғди. Лекин бола ногирон, икки кўзи ҳам ожиз. Ҳайронман, бизнинг уруғдан бундайлар ўтмаган.
Нодирнинг вужуди титраб, қулоқлари ғувиллай бошлади. Беихтиёр кўз олдида ўша аравачадаги ногирон одам гавдаланди. Тили айланмай тошдай қотиб қолди...

Исмоил Тўхтамишев. "Идрок" тақвимидан, 2010

Pfefferminze

25.10.2010, 19:50

Payg'amabarimizga (s.a.v) ikkalasi ham aytiladi deganingiz xato...fikrimni yuqorida bildirdim...

rahmat, sizni tushundim albatta nega xatoligi haqida dalil bo'lsa yaxshi bo'lardi, menga ham. Biron hadis yo allomalar fikridan keltira olasizmi, mumkin bo'lsa? Chunki mantiqan (a.s. - bu unga salom bo'lsin degani, menimcha) shunchaki salom yo'llash va bu Payg'ambarimiz Mustafo (s.a.v) ga ham nisbatan lozim bo'lsa kerak deb o'ylaganman. Lekin dalilim yo'q meni, uzr. Bu shaxsiy fikrim. Shu sabab bu fikrim xatoligini tasdiqlab olmoqchi edim..
Oldindan tashakkur :)

Men bu postimni noo'rin so'z "xato" deganim uchun o'chirib yubrogandim, siz esa chaqqonlik qilib javob yozibsiz...

Qisqasi a.s Payg'ambarimizga ham ishlatilishi mumkinligini hech ham eshitmagan va o'qimaganim uchun mantiqqa tayanib yozgan edim...
Aslida esa, a.s yoki s.a.v ( ya'ni Alloh unga salot va salom yuborsin degani), yoki a.s.v. ya'ni Salot va salom uning ustiga yog'ilsin degani-hammasi qisqa salovotlarga kiradi, qaysikim ular vojib salovotlar, ya'ni Ul zotning ismlari zikr qilingan payt keltiriladigan qisqa salovotlardir...

Salovot va salom keltirishdan asosiy maqsad esa Alloh va uning Rasulini mamnun etishlikdir. Shu yo'l, ya'ni salovot aytishlar orqali Inson o'zini jahannam azobidan uzoqlashtira olish imkonitiga ega bo'ladi. Rasullolh hazratlariga keltirilgan har bir salovot U zot uchun ta'zim bajo aylash ma'nosini beradi.

qisqa yozsam, alayhis salom deb, bandalar aytganini o'qimaganim uchun "xato" dedim, qaysikim a.s ham salovot turiga kirsa, demak, xato emasu, ammo iloji boricha kengroq va unda-da kattaroq salovot qancha aytsa kishi, shuncha savobni oladi...
Men manbalarga qarab chiqidim, u yerda a.s deb faqat Jabroi (a.s),ya'ni farishta, Ey Muhammad a.s deb aytgan murojaatini ko'rdim....
qolgan ulomalar,olimlar, bandaar ,asosan, s.a.v deb salovot keltiradilar...

Xullas, xato emasu, ammo aytilmaydi a.s deb, aytilsa ham xato bo'lmaydi...

Pfefferminze

26.03.2011, 17:57

Pokiza bir marddan aylay hikoyat,
Quloq sol gar bo'lsang mard pok tabiat.

Shibli shayx kappondan olib xalta don,
Orqalab jo'nadi qishlog'i tomon.

Ko'rdi bug'doy ichra bitta chumoli,
O'zin har yon urar parishon holi.

Tun bo'yi uxlamay g'amini yedi,
Joyiga qaytarib keltirib dedi:

"Muruvvatdan ermas chumolini gar,
Joyidan ajratib etsam darbadar!"

Darbadarlarni jam aylasang mudom,
Sening ham xotirang jam aylar ayyom.

Na xush so'zlar demisch Firdavsiy pok zod.
Rahmat yo'g'ib go'ri xo'p bo'lsin obod.

"Yukkash chumoliga bermagil ozor,
jon shirin, uning ham shirin joni bor.

Zaifga zulm etib zo'ravon bo'lma,
chumolidek bir kun notavon bo'lma.

Ojiz yiqilganlar dilini shod qil,
ojizlik kunlarni o'zing ham yod qil.

Parvona holiga achinmayin sham,
oxir kuyib ado bo'lur o'zi ham.

Sendan ojizlar ko'p atrofingda jam,
Sendan kuchlillar ham emasdirlar kam.

Kechir, ovga chiqmoq esang, ey o'g'il,
vahshiyni ham ehson bilan rom qilg'il.

Yovni arqonlasang iltifotingdan,
bu bandni kesolmas qilichi bilan.

Do'stni dushman etar har yomon qiliq,
Yomonlik tuxmidan chiqmas yaxshilik.

Do'st boshiga solsang anduh-alam bas,
Diydoring ko'rmoqni qilmag'ay havas.

Kimki dushmaniga yaxshilik etar,
ajabmas g'animi do'st bo'lib ketar.

Mirzo Bedil.