Nishonga urilgan so'zlar

[AbdulAziz]

Бир киши машҳур турк шоири Маҳмад Акиф Эрсойни мазах қилмоқчи бўлибди:
— Афандим, сиз мол дўхтирлигини битирган эдингиз-а?!
— Ҳа, бир еринг оғрияптими?!

[AbdulAziz]

Ўқитувчи:
— Инсон одамсимон маймундан пайдо бўлган.
Ўқувчи ўқитувчига ишорат қилиб паст овозда:
— Баъзилари одамсимон эшакдан.

[AbdulAziz]

Ўқитувчи келтирган қанд-қурсини яшириб дарсга кирди-да, ўқувчиларга қараб:
— Аллоҳ бор дейдиганлар, қани, ҳозирнинг ўзида бергин деб ундан бирон нима, масалан, қанд сўрашсин-чи, Аллоҳлари уларга берармикин. Аммо мендан сўрасангиз шу заҳоти беришим мумкин, — дебди. Ўқитувчининг ҳийласини билиб қолган бир ўқувчи дебди:
— Муаллим, қанд менга аллергия беради, яхшиси сиздан битта олма сўрай қолай...

[OmoN]

Имоми Аъзамдан бир киши сурабди:
- Таксир, узум, сум, олов харомми?
- Йук булар мубох нарсалар.
- Унда нега узумни сувини чикариб сувга аралаштириб оловда кайнатиб
шароб килиб ичсам харом булади?
Шунда Имоми Аъзам хам сурабдилар:
- Сенинг юзингга тупрок сочсам огрийдими?
- Йук.
- Сув сепсамчи?
- Йук.
- Сомон сочсамчи?
- Йук.
- Куёш нури тушсачи?
- Йук.
- Сув, тупрок, сомонни аралаштириб офтобда куритиб кейин юзингга каратиб отсамчи?
================================================== ========
Бир куни бозорда икки киши Имоми Аъзамнинг жахлини чикармокчи булиб иккала томондан келиб сурашибди:
- Таксир, сиз ахмокмисиз ёки тентакмисиз?
Шунда Имоми Аъзам жавоб берган эканлар:
- Иккаласининг уртасидаман.
================================================== ========

[OmoN]

Бир атеист укитувчи укувчиларига кул билан ушлаб булмайдиган, куз билан куриб булмайдиган нарсаларга ишониш гирт ахмокнинг иши эканлигини айтибди. Шунда бир укувчиси "Болалар, домламизнинг аклини куряпсизларми?" деган экан.

[Nigora Umarova]

Машхур юнон масалнавмси Эзопни хужайини кандайдир арзимас иш билан шахарга юборибди. Йулда Эзопга кози дуч келибди ва сурабди:
-Каёкка кетяпсан?
-Билмайман,-жавоб берибди Эзоп.
Бундай жавобдан шубхаланган кози Эзопни зиндонга олиб борибди.
-Мен чин хакикатни айтгандим,- эътироз билдирибди Эзоп.- Хакикатдан хам зиндонга келишимни билмагандим-да.
Бу гапдан таъсирланган кози уни куйиб юборибди.

[Jahongirman]

Evropalik bir olim (bu bo'lgan voqea, man bu olimni radio orqali bergan intervyusini eshitgan edim) Afrikaning qaysidir mamlakatida talabalarga koinot, undagi mavjud narsalar va erdagi hayotning kelib chiqishi haqida maruza qilgan. Maruza davomida, Darvin talimoti to'g'risidagi gaplardan keyin, talabalardan so'rabdi:
--Ho'sh, maruzadan qanday hulosa chiqardinglar?
Shunda bir talaba "Siz kelib chiqqansiz, biz yaratilganmiz"-degan ekan.

[Karimjon]

Дарвин феномени (таклид):

Кадим-кадим замонларда урмонзорларда маймунлар дарахтлардан-дарахтларга сакраб-сакрабяшаётган эмуш.

Шу эмуш, бир кечаси кесувчилар келиб, урмонзорни тулик кесиб далага айлантирган экан.

Эртасига шу маймунлар, туриб карасаки, дархатлар йук эмуш, мажбур бупти ерда юришга...

Шу эмуш, инсоният маймундан келиб чиккан эмуш...


Ўқитувчи:
— Инсон одамсимон маймундан пайдо бўлган.
Ўқувчи ўқитувчига ишорат қилиб паст овозда:
— Баъзилари одамсимон эшакдан.

[Tulkin Yusupov]

Bir kuni afandi jaxli chiqib, bilmasdan bir boyni so'kib yuribdi: "Siz, axmoq, eshshak"

Boyning qahri kelib, afandidan kechirim so'rashni talab qilibdi, shunda afandi noiloj: "Siz axmoq, eshshak emassiz" debdi :D

P.S. Aniq, asli yozilgan joyni topolmadim, shunga o'zimni so'zlarim bilan ifodalashga majbur bo'ldim . . .

[AbdulAziz]

Насриддин Хўжадан сўрадилар:
— Хўжам! Шу, дунё неча чақирим келаркин?
Шу асно ёнларидан тобут кўтариб ўтдилар. Насриддин Хўжа тобут томонга ишорат қилди:
— Ана ундан сўранглар, ўлчаш ишини битириб қайтяпти!..

[AbdulAziz]

Хафақонлик дардига йўлиққан фалсафа муаллими дарс бошлади:
— Инсон коинот ҳокими. Бутун борлиқ...
Бир шаддод ўқувчи шартта гапни бўлди:
— Ўз қон босимига ҳоким бўлолмаган инсон, қандай қилиб коинотга ҳоким бўлсин?!

[AbdulAziz]

Бир киши Муҳаммад бин Восийнинг оёғига чиққан ярани кўриб:
— Сенга раҳмим келяпти, — деганида, у:
— Мен эса худди шу яранинг кўзимдан чиқмаганига шукр қиляпман, — дебди.

[AbdulAziz]

— Катта одам бўлиб кетибсан, дўстим. Буюк бир давлатнинг вазири бўлиш!..
— Э-э, катталигим қурсин, биродар! Ўзимиз қураётган шу давлатни тил учида истаганча бошқараман-у, Аллоҳнинг кичкина бир пашшасигаям кучим етмайди. Кечаси билан сўриб чиқади, занғарлар!

[AbdulAziz]

Жуда кўп тамаки чекадиган бир меҳмон, кетар экан, у ёқ-бу ёққа қарайверибди:
— Ҳеч нарсам қолиб кетмадимикан?
— Қолди, — дебди мезбон.
— Нима?
— Тутунингиз.

[AbdulAziz]

Боязид Бистомий ҳазратлари жиннихона ёнидан ўтаётганларида, бир табибнинг ҳавончада дори майдалаётганини кўриб:
— Беҳад гуноҳкорман, — дебдилар, — шу касалимга қарши доринг борми?
Табиб бошини кўтариб улгурмасдан, жиннихона панжарасидан қараб турган бир хаста жавоб берибди:
— Тавбанинг томири билан истиғфорнинг япроғини аралаштир. Қалб ҳавончасида тавҳид тўқмоғи билан туйиб майдала. Инсоф элагидан ўтказ, кўз ёш билан йўғир, ишқ тандирида пишир ва бомдод билан шом орасида кўпроқ тановул қил. Кўрасан, хасталигингдан асар ҳам қолмайди!
Бистомий ҳазратларининг кўзлари жиққа ёшга тўлиб дебдилар:
— Ё, Роббим! Бу дунё хастахонасида не табибларинг бор!!!

[Nigora Umarova]

Кимдир рус шоири Александр Блокдан сурабди: "Охирги пайтларда кам ёзаяпсиз. Россия ташвишда. Сизнинг ишлашингизга бирор нима халакит бераяптими?". Шоир унга "Ха, менга Лев Толстой "халакит" бераяпти", деб жавоб кайтарган экан.
Баъзи "ижодкор"лардан сурагим келади: сизларга Навоий ёки Кодирий качон "халакит" беради?

[Umida Shodiyeva]

Domla Holmatdan so'radi:
-Xo'sh Holmat Kecha uyinga dadang bir qop pul bilan keldilar, sen nima qilarding?
-Kechirasiz domla ,demak u mening uyim emas ekan-da!

[AbdulAziz]

Калтак еган болага тасалли берибдилар:
— Хафа бўлма болакай, таёқ жаннатдан чиққан, яхши нарса!
— Ҳечамда, — дебди бола йиғидан тўхтамай, — яхши бўлса жаннатдан чиқмасди.

[AbdulAziz]

Кимдир рус шоири Александр Блокдан сурабди: "Охирги пайтларда кам ёзаяпсиз. Россия ташвишда. Сизнинг ишлашингизга бирор нима халакит бераяптими?". Шоир унга "Ха, менга Лев Толстой "халакит" бераяпти", деб жавоб кайтарган экан.
Баъзи "ижодкор"лардан сурагим келади: сизларга Навоий ёки Кодирий качон "халакит" беради?

Бир шамсия таъмирчиси ёзган шеърларини Шекспирга ўқитибди. Шекспир шеърларни катта бардош билан ўқиб чиққанидан сўнг, шамсиячи шоирга дебди:
— Дўстим, сиз шамсия қилинг, кўп шамсия қилинг, фақат шамсия қилинг...

[Nigora Umarova]

Ma'lumki, hazrat Mir Alisher Navoiy forsiyda yozgan she'rlariga Foniy taxallusini qo'llaganlar. Ular bilan Kamoliddin Binoiy degan shoir o'rtasida ziddiyat bor edi.
Bir kuni Alisher Navoiy va Binoiy ko'chadan birga o'tib ketayotib qarashsaki, bir it to'rtta kuchukvachchasini yalab, yulqab qorning to'yg'izayotgan ekan. Shunda Binoiy:
-Bu it foniy dunyoda nima qilardi kuchukvachchalarni parvarishlab? - deganida,
Hazrat Navoiy:
- Yaxshilab parvarishlasa, uch oyda binoyidek it bo'ladi, - deb javob qaytargan ekanlar.

[AbdulAziz]

Истамбуллик олим Яҳё Камолдан сўрабдилар:
— Сизга Анқаранинг қаери кўпроқ ёқади?
— Истамбулга қайтадиган тарафи.

[AbdulAziz]

Бир француз ёзувчиси Меҳмед Акифдан:
— Аёлларингизни уйдан чиқармас эмишсизлар шу ростми? — деб сўраганида, Акиф:
— Авваллари шунақа эди. Аммо кейинчалик чиқардик. Чиқаришга чиқардиг-у, энди ҳеч қайтариб уйга кирита олмаяпмиз, — деб жавоб берган экан.

[AbdulAziz]

Муаллим савол қилди:
— Болалар, агар Аллоҳ ҳаммамизнинг жаннатга киришимизни истаса, нега бу дунёга юборди?
Бир ўқувчи ўрнидан туриб жавоб берди:
— Муаллим сиз ҳам ҳаммамизнинг аъло баҳолар билан синфдан синфга кўчишимизни истайсиз, аммо нега имтиҳон қиласиз. Барчамизга бирдай беш баҳо қўйиб чиқмайсиз?

[Oftobxon Shamsieva]

Бир сулув қиз донишманд ғарибнинг ҳузурига келиб, шундай фикр юритибдур:
-О донолар доноси, истардим сиз билан жисмимиз қовушишини, наинки фарзандимиз сиздек доно ва мендек гўзал бўлади...
-Эй сулув - дермиш жавобан донишманд, - лекин ўйлаб кўринг, фарзандимиз мендек хунук ва сиздек аҳмоқ бўлиб туғилсачи...

[AbdulAziz]

Муаллим болага танбеҳ берди:
— Мен сенинг ёшингда бу фанни сув қилиб ичган эдим!
Бола жавобда деди:
— Демак, муаллимингиз меникидан тузукроқ экан-да?!

[Shaxnoza]

Раздевалка через дорогу баня

[Nigora Umarova]

Низомиддин мир Алишер Навоийга Озарий деган бир шоир шундай дебди:
- Кеча кечкуруни билан шеър ёзиб чикдим. Уч пуллик шам кетди.
Шунда мир хазратлари:
- Демак, ёзган шеърингиз уч пулга арзир экан-да,- деб жавоб кайтарган эканлар.

[AbdulAziz]

Бир бой давлатмандлигидан керилиб, шайхга дебди:
— Сизга қанча пулу олтин керак бўлса, мана мендан сўранг!
— Йўқ, — дебди шайх. — Мен қулимнинг қулидан нарса сўрамайман!
— Ие, қанақасига сизга қул бўлай? — дарқаҳр бўлибди бой. Шайх жавоб берибди:
— Нафс менинг қулим, сен эса нафснинг қулисан!..

[Nigora Umarova]

Бир бой давлатмандлигидан керилиб, шайхга дебди:
— Сизга қанча пулу олтин керак бўлса, мана мендан сўранг!
— Йўқ, — дебди шайх. — Мен қулимнинг қулидан нарса сўрамайман!
— Ие, қанақасига сизга қул бўлай? — дарқаҳр бўлибди бой. Шайх жавоб берибди:
— Нафс менинг қулим, сен эса нафснинг қулисан!..

Хикоят гоявий жихатдан Алишер Навоийнинг "Хамса"сида келтирилган "Хотам Тойи ва утинчи чол" ривоятига якин экан.

[AbdulAziz]

Ҳазрат Шабий фикрини чалғитмоқ бўлиб сўрадилар:
— Шайтон хотинининг исми нимадир?
— Никоҳида гувоҳликка ўтмаганман!

[Amriddin Ikromov]

Фаридунки шафкат заминига насихат тухмин экди, фарзанди учун когозга куйидаги сўзларни чекди: "Хаёт вараклари киши амалининг сахифаларидир. Унга энг яхши ишларгина ёзиб колдирилади".

[Amriddin Ikromov]

Искандардан:
-Сен шундай ёшлик ва навкиронлик чогингда кандай килиб бу давлуту салтанат ва кенг мамлакатга эриша олдинг, - деб сўраганларида, у шундай жавоб берибди:
- Мен душманларимга хушмуомалада бўлдим, токи адоват жилови йигилсин, дўстларга садокатда бўлдим, токи дўстлик равнак килсин.

[Nigora Umarova]

Жалолиддин Румийнинг таъбири билан айтганда: “Инсон нинг ичи хуррият оламидир”. Шу ўринда “Маънавий маснавий”- да келтирилган бир ривоятни келтирамиз. Мусо пайгамбар бир яйловдан ўтаётганида бир чўпонга дуч келади. Чўпон Худога нола килиб дер эди: “Эй Художон, Сен каердасан, кел, сочларингни тарайин, чорикларингни тикайин, наки ўз жоним, балки кўйларим, фарзандларим хам сенга фидо бўлсин. Каер- дасан, бориб дастёринг бўлсам, сут-каймогим билан корнингни тўйдирайин, бошинг огриса, бошингни силайин, юз-кўлингдан ўпайин, оёкларингни укалайин...”.
Мусо буни эшитиб чўпонни койийди: “Эй ахмок, кофир бўлдинг, Худонинг чориги хам, тўни хам йўк, у емайди, ичмай ди. Уни ўзингга ўхшатма. У гўё куёш, сен бир чивин... Чўпон Мусонинг бу гапидан каттик хафа бўлади ва жимиб колади.
Шунда Парвардигори оламдан Мусога вахий келади: “Эй, Мусо, нима килдинг, бандамизни биздан айирдинг, кўй айтсин, сен бандаларинг дилини парвардигорга улаш учун юборилган сан, ажратиб ташлаш учун эмас. Биз хар одамга, хар бир элга ўз даражасида, ўз тилида мухаббат изхор этишга имкон бердик. Хиндларни хинд тилида, синдларни синд тилида истилохида сўзлатдик”.
Бу ривоятда Румий ташки белгилар, сўзлар шаклига эътибор килмаслик, балки сўзнинг маъносига, самимийлигига эътибор бериш кераклигини таъкидлаган.

[Nigora Umarova]

Мавлоно Румийдан сўрабдилар “Намоздан афзалрок нима бор?” Румий “Намознинг жони, рухи ўкилган намоздан яхширокдир. Иймон намоздан устундир Чунки, намоз кунда беш махал, иймон эса хамма вакт фарздир. Намоз узрли сабаб билан колдирилиб, фурсат бўлиши билан казоси адо этилиши мумкин. Иймон учун хеч кандай узрли сабаб билан бузилиб, кейинрок бажариш рухсати йўк. Намозсиз иймоннинг фойдаси бўлади, бирок иймонсиз намознинг фойдаси йўк. Худди мунофиклар нинг намози каби. Ибодат хар динда турлича, иймон эса ўзгармайди.

[Nigora Umarova]

Куён китоб ёзиб, маслахат сурагани бурининг олдига элтибди. "Нега бу ерда менинг номим йук?" деб буривой узининг исмини кушиб куйибди. Кейин муаллиф китобини йулбарсга олиб борибди. Йулбарсвой хам исмларини тиркабдилар. Шерга навбат келганда у руйхатни куриб, "Куён бу ерда нима килиб юрибди?" дея унинг номини учириб ташлаган экан.

[Nigora Umarova]

Sho'ro zamonida bir yozuvchi bo'lardi. Yaxshi yozuvchi edi, ko'p bama'ni asarlar yozgan. Lekin kampisandroq, nazardan chetda yurardi. Boz ustiga, xotin-bolasi tashlab ketgan, so'qqabosh. sababi-piyonista edi.
Shu odamni bir kuni hamshishasi maqtab qolibdi: siz undoq yozuvchisiz, bundoq yozuvchisiz! Umrida dadilroq ta'rif eshitmagan haligi sho'rlik kaftini qulog'iga karnay qilib yalinarmish: "Yana bir maqtang, yana, yana!"
Shirin so'z-jon ozig'i, kimga ham yoqmaydi deysiz. Ammo u xushomadu yaltoqlikka aylanib ketgan bo'lsa-chi? Unga g'araz, ta'ma aralashsa-chi?
"Podshoning eshagini maqtab, otiga min" degan gap bor. Bugun endi podshoyu podsholik degan narsalar yo'q. Qolaversa, podsho janoblari kelib-kelib eshahak minmagandir. Eshak jonivor yarashgan bo'lsa, Xo'ja Nasriddinga yarashgan.
Podsho, eshak, afandilar zamoni o'tgan-ku, biroq huda-behuda maqtov, ko'tar-ko'tar, silliq xushomadlar qolgan. shular orqasida ish bitirishlar qolgan. ta'mayu yaltoqlanish qolgan. Bozor bahona hatto urchib ham ketgan.
Xo'sh, kim maqtaladi? Ishi tushgan odam-da. Ish bitirish uchun. Kimga ishingiz tushadi? Amaldorga-da. Iya, u zot maqtov zamiridagi zaharni sezmaydimi? Sezishga sezadi-yu tob berolmay qoladi, erib ketadi. odam-da. Loydan, gildan paydo bo'lgan.
Shu tariqa, o'rtadagi ish bitdi deylik. Ikki tomon ham go'yo rozi. Sen-menga, Men- senga.
Aslida ular bir-birini aldadi, laqillatdi. Hojatmand tiliga bol surtib hojatbarorni tamoman yaltoqlanib yaladi. Yalangan esa makruh so'lak aralash ko'pikdan hazar qilmadi-huzurlandi.
Aslida bu "oldi-berdi"ning pora, poraxo'rlikdan farqi kam. Ma'naviy poraxo'rlik, xolos.
Qani, bu o'yinda kim yutdiyu kim yutqazdi? Bizningcha, yaltoqlangan yutdi-ishini bitirib oldi-da. Yalangan esa mohiyatan aldandi, masxara bo'ldi-chuv tushdi...

Erkin A'zam

[Nigora Umarova]

Uyat bo'ladi

Ustoz Abdulla Qahhorning "Uyat" degan maqolasi bor. Unda mazkur tushunchaga axloqiy jihatdan yondashilib, bu-insonni hayvondan ajratib turuvchi tuyg'udir, degan yo'sinda tavsif berilgan.
Men maqolaning mazmunini dastlab televizor orqali adibning o'z og'zidan eshitgan edim. O'shanda иту-ту dolzarb, ijtimoiy-madaniy muammolar qolib, ustozimizning anchayin bir axloqiy mavzuda, qolaversa, bolalik-yoshlik chog'larimizda har qadamda eshitadiganimiz tanbehnamo bir so'zga ("Uyat bo'ladi!") bu qadar urg'u berib so'z yuritgani menga erish tuyulgani rost.
Keyinchalik esa, xususan, so'nggi yillarda uyat hissi faqatgina axloqiy tushuncha emasligiga bot-bot amin bo'lmoqdaman. Nazarimda, bu so'zning mohiyati xiralashib, umuman, shu tuyg'uning o'zi susayib, gohida ahamiyati tamoman yo'qolib ham ketayotgandek tuyuladi. Bo'lmasa, kechagina ayb sanalgan uncha-muncha qilmishlarga bugun fazilat deb qaralmasa-da, odatdagi bir hol sifatida beparvo munosabat qilinayotganiga nima deysiz?
Va'da beramiz-u, ustidan chiqmaymiz. Xijolat chekish yo'q.
Bandasining ko'ziga tik qarab yolg'on gapiramiz. Tap tortish qayoqda?
Birovning haqini paqqos uramiz-u, ko'zimizni lo'q qilib turaveramiz. Bor, qo'lingdan kelganini qil!
Har tadbirda qo'llab, o'zganing tagiga suv qo'yamizu o'rnini egallaymiz. Insof-andisha -"eskilik sarqiti"!
Farzandlarimizning onasini har turli bozorlarga yo'llab, mushtiparning topib kelganiga "inomarka" olib minamiz. Nomuslarga o'lmoq qani?!
Mol-dunyomiz o'g'rilik, haromxo'rlik orqasida orttirilganini hamma biladi, o'zimiz ham bilamiz. Loaqal, yerga qaramoq, qizarmoq xayolimizga kelsa-chi!
Kirdikorlarimiz olamga ovoza, biz esa adlu insofdan lof uramiz. Oxiratda ham bir iloji topilar...
Uyalmaymiz, uyalmaymiz...
Nomusu vijdon, haromu haloldan so'z ochgan "eskicharoq" odamga bozorni, bozor iqtisodiyotini ro'kach qilamiz. Bozor... bizdan oldin ham bor edi, bizdan keyin ham bo'lar. Dunyo-bozor o'zi. Lekin г hargiz sharmandaligu yuzsizlikning тшйщиш emas. Hayvonot bog'i degani ham emas. Agar shunday bo'lganida, "uyat"dan boshlab lug'atdagi shu tur so'zlarning barchasini birma-bir o'chirib chiqmoqqa to'g'ri kelardi. Unda, ehtimol, lug'atning o'ziga ham ehtiyoj qolmas...
Ana o'shanda chinakam sharmandalik bo'lar... Xudo ana shunisidan asrasin deng!
... Xijolatdan qizara bilgan banda naqadar g'olib!

Erkin A'zam, 2002-yil

[Gulnora Voisova]

Колхозлар тузилиб одамлар бироз ок корани ажратадиган,баъзилар эндигина савод чикараётган пайтлар экан.У пайтда чакимчилик,юмалок хат ёзиш,иккита учтадан ортик моли,куйи бор одамларни устидан арз килиб Ватанга "садокат"ини уз вактида номоён кила олишдек "саънат" модага кириб келган вактлар экан.Одамлар устингдан ёзаман деган гапдан калтираб туришаркан.Шунда бир оми,содда,умрида кулига кетмондан бошка нарсани ушламаган одамни партияга кабул килишмокчи булишибди.Унга бир иккита савол беришибди:-"Хурматли Палончи ака Пистиёнчиев Капитал асарини ким ёзган?"
Ёзган деган гапни эшитиб юраги ёрилиб,шоша пиша:-"Ким ёзганини билмайманкуя лекин Худо хакки мен ёзганим йук!"

[Abror Qodirov]

Agar seni hech kim tushunmasa - sen hechkimsan!

[Nigora Umarova]

Таом дарди

Огзида биронта хам тиши йўк кария билан ўспирин биргалида овкатланиб ўтиришарди. Иккови бараварига йиглаб юборишди.
-Нега йиглаяпсиз? –деб сўрашди кариядан.
-Огзимда тишим йўк, то мен ямлаб ютгунимча бу йигитча овкатни паккос тушириб , мен оч коламан.
-Сен нега йиглаяпсан?-деб сўрашди ўспириндан.
-Бу чолнинг тишлари йўк, мен то чайнаб ютгунимча у чайнамай ютиб, овкатнинг баракасини учириб юборади...

Хулоса: Хар кимнинг нафс йулида уз дарди бор.

[Abror Qodirov]

Chin do'stlik rishtasi bilan bog'langan uchta 1 raqami har doim 100 dan ustun kelishardi. Chunki ulardan biri yuzlik, ikkinchisi o'nlik, uchunchisi birlik maqomida turishardi. Bir buzginchi ularning orasiga fitna solibdi. Birlik maqomida turgan 1ga "qachongacha shu maqomda turaverasan, sen ham o'nlik yoki yuzlik maqomiga o'tmaysanmi?" debdi. O'nlik maqomidagi 1ga yuzlik maqomini mazasini tatimay o'tib ketayotganini vasvasa qilibdi. Natijada, maqomiga qanoat qilmagan do'stlarni orasi buzilibdi. Hammasi yuzlik maqomini talashib, bir-biridan ayrilishibdi. Lekin endi ularning kuchi 100ga emas, hatto 4ga ham yetmas ekan. Sababi, ular endi bor yo'g'i uchta 1dan iborat bo'lib qolishgandi...

[Abror Qodirov]

Sotuvchi mahzun yuzli haridorga tabassum bilan boqadi. Haridorning ko'ngli ravshanlashadi va o'tmishda unga yaxshilik qilgan bir do'stini eslaydi. Unga tashakkur maktubi yozadi. Maktubni olgan odam shunday sevinadiki, ovqatlanayotgan oshxonasida ofitsantga to'lovga qo'shib suyunchi puli ham berib yuboradi. ofitsant pulning bir qismini o'sha atrofdagi bir faqirga beradi. Ikki kundan beri og'ziga bir luqma olmagan faqir rosa suyunadi. U o'z yo'lida sovuqdan titrayotgan kuchukchaga ko'zi tushadi. Raxmi kelgan tilanchi kuchukchani ko'p qavatli uyning yerto'lasiga joylashgan kulbasiga olib boradi. O'sha kechada yong'in chiqadi. Kuchukcha esa to butun uy ahli uyg'ongunicha vovillaydi. Natijada, uyda yashovchilarning bari yong'indan omon qoladi. O'sha omon qolganlar ichidagi bir bola yillar o'tib ulg'ayadi va shu mamlakatning adolatli hokimi bo'ladi...

Ushbularning barchasiga sababchi arzimas, ammo samimiy birgina tabassum edi...

[Gulnora Voisova]

Букрот (Гиппократ булса керак)хазратлари айтибди.Кимни дори тузатмаса ут тузатади.Ут тузатмаса пичок тузатади.Пичок тузатмаса кабр тузатади.

[Husen]

Букрот (Гиппократ булса керак)хазратлари айтибди.Кимни дори тузатмаса ут тузатади.Ут тузатмаса пичок тузатади.Пичок тузатмаса кабр тузатади.

Қабр - икки энликкина ер жуда катта ибрат мактаби. Унга кириш насиб этмасидан туриб ҳам, шунчаки зиёрат қилишни ўзи кўп нарсаларни тузатиш мумкинлигига ишонч беради!

[Nigora Umarova]

Букрот (Гиппократ булса керак)хазратлари айтибди.Кимни дори тузатмаса ут тузатади.Ут тузатмаса пичок тузатади.Пичок тузатмаса кабр тузатади.

Қабр - икки энликкина ер жуда катта ибрат мактаби. Унга кириш насиб этмасидан туриб ҳам, шунчаки зиёрат қилишни ўзи кўп нарсаларни тузатиш мумкинлигига ишонч беради!

Юкорида келтирилган фикрларга ушбу шеър мос келар экан.

Вазифаси бор улимнинг хам,
Бордир унинг мажбурияти.
Шиори бор, бордир байроги
Ва, шунингдек, жумхурияти.

Вазифага кура, кунба-кун
Сидкидилдан улим яшарар.
У-фукаро. Бирок на одам,
На бир хайвон ва на хашарот.

У замонга терс борар, илло,
Замон унга бокиб туймайди.
У яшарар - карийди замон,
Улим замон билан уйнайди.

У яшарар. Мактаб ёшидан
Йил пуст эмас- ёшлар ташлайди.
Ва беш яшар жужук улимча
Бир богчага катнай бошлайди.

Дев мисоли у бир юмалаб,
Богчадан хам утар нарига.
Уни шурлик оналар суйиб,
Белар бум-буш бешикларига...

Фахриёр

[Javohir Mahmudjonov]

Bilasizmi bu mavzu juda qiziqarli va kayfiyatbaxsh!!!:clapping:

[Abror Qodirov]

Odam qarisa... umidini yo‘qotadi. Umidini boy beradi. Kelajaqdan umidini uzadi.
Odamni ana shu... odam qilib turadi. Odamni ana shu umid... suyab yuradi. Shu bois, odam... umidsiz yashay olmaydi!
Odam hamisha... ufqqa qarab yashaydi. Ufqqa qarab yuradi. Ufqqa qarab xayol suradi.
Ufqqa qarab orzu qiladi. Ufqqa qarab... duoi fotiha o‘qiydi.
Umid — odam uchun misoli ufq. Umid — odamzot uchun odamzot ufqi.
Olamni oxiri — ufq. Odamni oxiri — umid!
Olamni so‘ngga tayanch nuqtasi — ufq. Odamni so‘nggi tayanch nuqtasi — umid!
Olam ufqqa borib tamom bo‘ladi. Odam umidini yo‘qotib tamom bo‘ladi. Odam qarisa, ana shu tayanch nuqta — umidini yo‘qotadi!
Shu boisdan, qari odam yursa — oyog‘i ostiga qarab yuradi. Qari odam o‘tirsa — yerga qarab o‘tiradi.

Tog'ay Murod. "Bu dunyoda o'lib bo'lmaydi"dan

[Husen]

Анча аввал олдин чекка бир туманнинг маъмурий биноларидан бирига кириб қолгандим. Қарасам, эшикка катта қилиб қуйидагиларни ёзиб қўйишган экан.
Икки қўшни талашар - "Ер меники, йўқ, меники!"
Ер эса жим кузатар - "Иккаланг ҳам меники!"
Кейин билсам ер талашиб келадиган фуқароларнинг мурожатларидан безган рахбарлардан бири шу сўзларни қаердандир кўчириб ёзиб қўйган экан. Адашмасам, кадастр биносига кирган бўлсам керак ўшанда. Чекка бир туманда бу қадар донолик ва топқирликни кутмаганим учун ўзимдан уялдим.

Манба (http://forum.ziyouz.com/index.php?topic=3539.270)

[AbdulAziz]

Вазифаси бор улимнинг хам, Бордир унинг мажбурияти. Шиори бор, бордир байроги Ва, шунингдек, жумхурияти.

Yuzlab ish joylar taqa-taq yopilib qoladi. Ammo... o‘lim ishi taqa-taq yopilmaydi! Dunyoda hamma shtat qisqaradi. Ammo... o‘lim qisqarmaydi! Dunyoda hamma narsa tamom bo‘ladi. Ammo o‘lim tamom bo‘lmaydi! O’lim mangu yashaydi! O’lim barcha tuzumlar uchun abadiydir! Yashasin, o‘lim!

Tog'ay Murod, "Bu dunyoda o'lib bo'lmaydi"

[Gulnora Voisova]

Bir vaqtlar butun tuyg’ular va tushunchalar yashaydigan bir orol bor ekan. Shodlik, Qayg’u, Bilim va boshqalar... Sevgi ham u yerda ekan. Bir kuni orol suvga ko’milayotganligi haqida xabar kelibdi. Shuning uchun hamma orolni tark etish maqsadida qayiqlarlarini tayyorlay boshlabdi. Sevgi orolda qolgan eng so’nggi tuyg’u ekan. Chunki u mumkin bo’lgan eng so’ngi onga qadar kutmoqchi bo’libdi. Orol butunlay suvga botib ketar chog’ida boshqa chorasi qolmaganligi uchun Sevgi yordamga chaqira boshlabdi. Boylik juda katta bir kemada ekan. “Boylik, meni yoningga olasanmi?” – deb so’rabdi Sevgi. “Yo’q” – debdi Boylik, “Ololmayman, kemamda juda ko’p oltin va kumushlar bor. Senga joy qolmadi.” Sevgi juda chiroyli bir yelkanli qayiqdagi Kibrdan yordam so’rabdi: “Kibr, iltimos, menga yordam ber!” “Senga yordam bera olmayman, Sen, shalabbo bo’lib yotibsan va yelkanlarimni bulg’ashing mumkin”. Qayg’u ham shu yaqinlarda ekan. Sevgi unga yuzlanibdi: “Qayg’u sen bilan ketay...”“Uff...shu qadar o'zimni yomon his etyapmanki, yolg’iz qolmoqchiman”. Shodlik ham uning yonidan o’tibdi, ammo shu qadar shod-xurram ekanki, Sevgining chaqirganini eshitmabdi ham... Shunda Sevgi bir ovozni eshitibdi: “Kel Sevgi! Seni yonimga olaman”. Gapirgan Sevgidan ancha yoshi ulug’ kishi ekan. Sevgi o’zini shu qadar omadli va baxtli his etibdi-ki, uni o’z yoniga olgan kishining kim ekanligini so’rash yodidan ko’tarilibdi.Yangi bir quruqlik parchasiga yetganlarida, Sevgini qutqargan kishi o’z yo’lida davom etibdi... Undan qanchalar qarzdor bo’lib qolganligini sezgan Sevgi Bilimdan so’rabdi: “Menga yordam bergan kim edi?” “U Vaqt edi”,- deb javob beribdi Bilim. “Vaqt-mi? U nega menga yordam berdi?” Bilim jilmayibdi: “Chunki faqat Vaqtgina sening naqadar buyuk ekanligingni tushunib, qadringni bila oladi...”

[Umida Shodiyeva]

Antiqa lug’at
Anako’nda- Xavfli ilon turi yoki, ba’zi qaynonalarga beriladigan nom.
Qalam- O’quv quroli yoki, shoirning o’tkir quroli.
Somsa- Tansiq taom yoki, yeyilmasdan puli to’lanadigan taom.
Yer- Ona yerimiz yoki, odamni unga uramiz.
Ko’rpa- Karavatning bezagi yoki, burgaga achchiq qilib yondiriladigan jihoz.
Turshak- Quruq meva yoki, haqoratlovchi so’z.
Dard- Kasallik yoki, ko’payib ketganida, dasturxonga tortiladigan “yegulik”.
Internet- O’rgimchak to’ri yoki, kitobga dushman bo’lgan tarmoq.
Chuchvara- Tansiq taom yoki, pishganidan so’ng sanaladigan taom.
O’pka- Ichki organlardan biri yoki, hovliqma odamlarda yo’q a’zo.
Xo’roz- Parranda yoki, “men qichqirmasam tong otmaydi” deb o’ylaydigan manman.
Etik- Poyabzal turi yoki, ba’zi odamlarda uning faqat bir donasi kiyiladi. Piyola- Ulug’bek Otajonovning mashhur qo’shig’i sababchisi.
Nasihat- Bugungi kunda eng ko’p aytiladigan va eng kam amal qilinadiagan gap.
Do’ppi- “Kepka”ning kelishi sharofati bilan osmonga otib yuborilgan boshkiyim.
Student – Kechagi kunning “Temir odam”i.
Oylik chipta- “Konduktorni”, “ qon doktor” ga aylantiradigan yo’lxaqqi to’lovi .
Hol- So’z turkumli yoki, ishi o’xshamaganlar tushiradigan “tamg’a”.
Tovuq- Ham donni, ham suvni bir vaqtda talab qiladigan “kamtar”.
“So’tka”- O’quvchilar uchun havodek zarur bo’lgan aloqa manbasi.
Do’st- Dushmandan farqli o’laroq, boshga qaraydigan “fidoiy”.
Ashulachi- Ovozi eng baquvvat inson-u, ammo unga to’y yetishmaydi…


Lug’atimizda xalq maqollaridan fodalanildi.
“O’quvchilar orasida” gazetasi uchun maxsus.

[Umida Shodiyeva]

Antiqa lug’atimizning davomi:
Beshik- “ Chaqaloq” deb nomlangan studiya, madhiyasi “alla”.
Soyabon - momaqaldiroq bo’lmasa ham sun’iy tarzda bodrab chiquvchi qo’ziqorinlar.
Anor- fe’li kengligidan barcha xalqlarni bag’riga olgani uchun Alloh tomonidan mevalar toji bilan taqdirlangan.
Tramvay - Xotinining chizgan chizig’idan chiqsa, baloga yo’liqadigan er.
G’iybat- Jahannamga eltuvchi ertak.
Qulupnay- Sepkilli malika yohud, bevafo qizning yolg’on va’dalaridan jabrlangan yigit yuragi.

Childirma-
Meni derlar childirma,
Tuzilishim yapaloq.
Hech bir kishi yemagan,
Mencha kaltak shapaloq.

Taroq-
Qo’poloy degan qiz kelib meni,
Do’kondan sotib oldi.
Uch kun o’tmasdan qarang ,
Tishlarim sindirib oldi.

Litseyimiz ijodkorlari ijodidan.

[Ulugbek Pulatov]

Taniqli shoir, tanti, bag'ri keng inson Azim Suyunning "O'zbekiston ovozi" gazetasiga bosh muxarrir bo'lganini eshitib, O'zbekiston xalq shoiri Jamol Kamol bir tegajonlik qilgisi keladi. Ingliz tilini biladigan Jamol aka telefon orqali yangi muxarrirga qo'ng'iroq qilib, xorijiy tilda "chug'urlab" gapira boshlaydi. Shoir tushmagur bo'lsa xovliqib, nuqul "Yes, yes!" deyishdan nariga o'tmaydi.
Xazilning qizig'i keyinroq chiqadi. Ertasi kuni shoirning o'zi do'sti Jamol akaga telefon qilib, maqtanadi:
- Kecha Amerika prezidenti Klintonning shahsan o'zi menga telefon qilib, tabrikadi!

[Ulugbek Pulatov]

Deyarli barchamiz Rahmaninov haqida eshitganmiz. U mashxur pianinochi va kuy bastalovchi bo'lgan. U o'zining hayoti haqida qiziq ma'lumotlarni gapirishni juda yoqtirar edi. Uning o'zi tomonidan do'stiga so'zlab berilgan va keyinchalik do'stining farzandlari tomonidan bosib chiqarilgan qiziq bir hikoyaga e'tiboringizni qaratmoqchiman. Demak:
Bir paytlar hali Rahmaninov bolalik kezlarida u otasining do'sti Rossiyalik olijanob bir kishining uyiga mehmonga boradi. Aytib o'tish kerakki Rahmaninov atigi 8 yosh bo'lsada o'sha kezlardayoq pianinoni juda moxirona chala olar edi.
O'sha kecha u mehmonlar uchun Bethovenning "Kruyetzer sonatasi" ni chaladi.
"Kruetzer sonatasi" tragik asar bo'lib unda ma'noli va uzoq to'htalishlar ko'p. Shunday to'htalishlarning birida Rahmaninovning oldiga uy egasining qari oyisi keladi va shunday deydi: "Voy bolamey judayam qiynalib ketding. Buni qo'yib bizga biron yaxshiroq biladigan asaringni chalib beraqol" - deydi. :shok:

[Kahramon Jalilov]

Sevimli yozuvchmiz G'ofur G'ulom haqida
Hammamiz yozuvchimiz G'ofur G'ulom haqida ko'p eshitganmiz juda ham qiziq inson edilar (alloh rahmat qilsin). Kunlarni birida bir jurnalist undan shunday savol so'rabdi "G'ofur aka yahshi she'r yozish uchun nima qilish kerak? " deganida G'ofur aka chuqur ho'rsinibdi-da shunday debdi "Yahshi she'r yozish uchun avvalam bo'r qo'lni yahshilab atir sovunda yuvish kerak" degan ekanlar...

[Feruza Xodjayeva]

Ho', arava! Bu yoqqa kel!
Bir kishi bozorda aravakash boladan so'radi:
-Uka, yaxshi yigit ekansan, isming nima?
U pulni sanamasdan cho'ntagiga urdi-da, indamay keta boshladi. Haligi kishining bundan jahli chiqib, orqasidan baqirdi:
-Ho'v bola, odam bunaqa odobsiz bo'lmaydi, men sendan bor-yo'g'i ismingni so'radim.
U to'xtab ortiga qaradi va:
-Arava!-dedi-da, aravasini taqirlatib, bozorga kirib ketdi.

[Umida Shodiyeva]

Qoidasi shunaqa!!!
-Pul ishlatish, pul topishdan oson, chunki qoidasi shunaqa !
-Qushlar uchishi kerak yurishi emas, chunki qoidasi shunaqa.
–Atirni sepish kerak ,hidlash emas,chunki qoidasi shunaqa.
-Ertaga bugun bo’ladi,chunki qoidasi
shunaqa .
-Minus (-) tushganda 20 varaqli referat olib kelish kerak ,chunki qoidasi shunaqa.( Ingliz tili fanidan)
–Suv toshni o’ymaydi uning sabri o’yadi,chunki qoidasi shunaqa.
–Qoidani yozish kerak, amalga oshirish emas, chunki qoidasi shunaqa.
Abdulaziz Toshpo’latov
* * * * *
–Dars vaqtida o’quvchi telefondan foydalanishi mukin emas, ammo o’qtuvchilar bundan mustasno, chunki qoidasi shunaqa.
-Besh qo’l barobar emas,lekin bari tirnoqli, barcha bir xil emas lekin bari zabonli, chunki qoidasi shunaqa.
-Oltin zanglamaydi, ko’ngli tozalar aynamaydi, chunki qoidasi shunaqa.
-Daryo tubida nima borligini, odam gapida nima ma’no borligini bilish qiyin, chunki qoidasi shunaqa.
-Kimgadir adolatli, sofko’ngil, to’g’riso’z bo’lish qiyin, kimgadir adolatsiz, vijdonsiz, yolg’on gapirish qiyin, chunki qoidasi shunaqa.
Lobar Po'latova
* * * * *
-Birovni xafa qilish juda oson, lekin ovutish qiyin, chunki qoidasi shunaqa.
–Kuttirish oson, kutish qiyin, chunki qoidasi shunaqa.
–Sevish oson, sevilish qiyin chunki qoidasi shunaqa.
Feruza Fayziyeva

-O’qtuvchilar buyuradi, o’quvchilar bajaradi, chunki qoidasi shunaqa.
–Suratini bilish oson siyratini bilish qiyin, chunki qoidasi shunaqa.
–Yetishmoq oson ,tirishmoq qiyin, chunki qoidasi shunaqa.
–Gazeta o’qimoq oson, uni chiqarish qiyin, chunki qoidasi shunaqa.
Mirhomid Obidov
* * *
- Dorilardan oldin kasalliklar o’ylab topiladi, chunki qoidasi shunaqa.
–Muallimlar, shogird bo’lishgan, ammo hamma shogirdlar ham muallim bo’la olmaydi, chunki qoidasi shunaqa.
–Bolalar yozuvchisi bo’lish, kattalar yozuvchisi bo’lishdan qiyinroq, chunki qoidasi shunaqa.
–Ingliz tili darsida “Keep silen” burug’ini bajarmaganda, hamma o’rnidan turishi kerak, chunki jazolashning qoidasi shunaqa.
–Ko’zi ojizlar, dunyoni bizdan ko’ra yaxshiroq "ko'radi" , chunki qoidasi shunaqa…
Umida Shodiyeva
Litseyimiz o'quvchilarining adabiyot fanida "kelib qolgan" ijod namunalari.

[Kahramon Jalilov]

Kecha kuni televideniya orqali yozuvchilarning suhbatini eshitib qoldim ulardan biri bir qiziq voqeani aytib berdi. U yozuvchining gapiga qaraganda kunlardan bir kuni yozuvchimiz Jamol Kamol "Shekispir"ning dostonini tarjima qilib uni Moliya instituti rahbarlariga olib borib ko'rsatibdi. Shunda rahbarlardan biri Prorektor bilan aloqaga chiqib "Jamol Kamol akamiz bir asarlarini olib kebdila" desa Jamol Kamol meniki emas "Shekispir" ning asari desalar kotib "Ularniki emas Shekispirni asari ekan desa, prorektor unday bo'lsa "Shekispir"ni o'zi kelsin-da debdi...

[Gulnora Voisova]

Jamol Kamol "Shekispir"ning dostonini tarjima qilib uni Moliya instituti rahbarlariga olib borib ko'rsatibdi. Ака Шарифни гапи эсимга тушиб кетти: "Мана аскияни хам курдинглар" :smile:

[Nigora Umarova]

Qoidasi shunaqa!!!

Litseyimiz o'quvchilarining adabiyot fanida "kelib qolgan" ijod namunalari


Ba'zan o'quvchilar biz ilg'amagan narsalarni tez va oson ilg'aydilar. Qoidasi shunaqa!!! :-)

[Umida Shodiyeva]

Qoidasi shunaqa!!!

Litseyimiz o'quvchilarining adabiyot fanida "kelib qolgan" ijod namunalari


Ba'zan o'quvchilar biz ilg'amagan narsalarni tez va oson ilg'aydilar. Qoidasi shunaqa!!! :-)

Alsida o'qituvchilar o'quvchilarga iloji boricha "chaynab" berishga harakat qilishadi ammo... biz hattoki "yutishga" kelganda ham erinchoqlik qilamiz. Chunki, dangasalarning qoidasi shunaqa!!!

[Nigora Umarova]

Mix yo'q edi-
Taqa
Yo'qoldi.

Taqa tushib
Ot
Oqsab qoldi.

Ot oqsadi-
Sardor
O'q edi.

Sardor o'ldi-
Qo'shin
Yengildi.

Yov shaharga kirdi,
Qildi xo'b qirg'in.
Nega?
Taqachida mix yo'qligi uchun.

("O'rdak momo qofiyalari". Amerikalik yozuvchi, olim, davlat arbobi Franklin Benjamin shu so'zlarni aytishni yoqtirgan ekan.)

[Nigora Umarova]

Куриш-бу хали билиш дегани эмас.

***
Булут булутга эргашади.

***
Яхшиликнинг уруги жой танлайди(айникса, бугунги кунда)

***
Дарахтга каранг-илдизи билан ерни, барги билан куёшни эмади.

***
Одамларнинг феъл-атвори бир-бирига айнан мос келмайди. Каричи хам.

***
Гап козоннинг катта ёки кичиклигида эмас, масалликда.

***
Куз факат олдинни, акл эса олдинни, оркани ва хатто, ён-атрофни хам куради.

***
Баъзан шамол хам йулини йукотади.

***
Дул хам, нур хам осмондан ёгилади.

***
Бирор ишни килсанг, бошкаларга малол келадиган жойини бошкаларга колдирма.

***
Оллохга ибодат килсанг-у, саждага бош куяётганингда кимгадир халакит беришга тугри келиб колса, ибодат жойингни узгартир.

***
Гохо устозлар хам янглишади.

***
Хамманинг гашига тегиб юрадиган кишидан хам бирор бир жуяли гап чикиши мумкин. Эшитиб куриш керак.

***
Сой анча пастлаб, узини босиб олганидан кейин дарё булади.

***
Гурунгни киздиришга гохо юз доно камлик килса, битта ахмок ортикча булади.

***
Баъзан шунчаки йуталиб хам кимгадир яхшилик килиш мумкин.

***
Фикр амалга ошсагина-фикр.

***
Юракнинг уриб туриши калбнинг мавжудлигига кафолат була олмайди.

Мансурхон Тоиров

[Feruza Xodjayeva]

Najib Fozil kemada kitob o‘qib ketayotgan ekan. Muxlislaridan biri yaqinlashib:
- Ustoz, dunyoga payg‘ambar yuborishning nima keragi bor edi? Alloh aql berib qo‘yibdi, yo‘limizni o‘zimiz ham topib olardik, - debdi.
Najib Fozil kitobdan bosh ko‘tarmay javob beribdi:
- Kemaning nima keragi bor. Dengizdan o‘zing suzib o‘taver!..

[Nigora Umarova]

Ҳаммангизга маълумки, фольклор халқ донолиги демакдир. Раҳматли фольклоршунос олим Малик Муродовнинг айтимларини публицист, адабиётшунос Маҳмуд Сатторов тўплаб китобларида нашр қилибдилар. Ушбу мақолларни ким қандай қабул қилади, ҳар кимнинг ўз эътиборига ҳавола.

Халқим дедим - хор бўлдим,
Ҳалқум дедим-бор бўлдим.

Оз бўлсину-боз бўлсин.

Сўраб бергунча-ўраб бер.

Олим бўлсанг-алам сеники.

Бир ошга-бир қўлим.

Кўпкарига ҳамма тушади-улоқни пулини тўлаган олади.

Ишламаган тишлайди-ишлаган олқишлайди.

Бирники-мингга-мингники-менга.

Бегники-беорлик.

Ётиб еганга-соғ чидамайди.

Оз-оз ўрганиб бало бўлур.

Ўзники - ўз ҳамёнингни қирқар.

Кўрни кўр ёруғда топибди.

Қўрққан олдин ғишт кўтарар.

Онангни отангга беқоғоз кўрсатма.

Одам боласи ичида.

Онасини кўриб, изини ол.

Бирни кўриб фикр қил, бирни уриб букур қил.

Ўнта бўлса бурни бошқа, қирқта бўлса қулоғи.

Итга бит ўлими, битга ит ўлими.

Интилганга солиқ бор.

Қаловини топсанг-бор ёнади.

Афтинг қийшиқ бўлса, онадан ўпкалан.

Қўрққанга ўша кўринади.

Йўл азоби-пул азоби.

Юзга айтганнинг маҳри йўқ.

Кемага тушганнинг сони бир.

Кўрпага қараб оёқ кузат.

Эр-хотин - бўш ҳўкиз.

Куч адолатда-адолат кучда.

Оталар сўзи-нақлнинг ўзи.

Берсанг ейман-урсанг дейман.

Муҳаббат ёш танламас-башара қош.

Пул-қўлнинг сири.

Қазисан-қартасан-ахир баҳсингга тортасан.

Ёмоннинг кучи шапалоққа кетибди.

Эрни эр қиладиган ҳам-компьютер қиладиган ҳам хотин.

[Nigora Umarova]

Бузоқни югургани-товонхонагача.

Ўригидан данаги-данагидан янаги.

Узумнинг яхшисини хит ейди.

Кўчадан топсанг ҳам санаб ол.

Туяни миниб бузоқдай бўзла.

Ит итга буюради-ит буйруғига.

Ўзинг учун бўл етим.

Инсоф сари бор, ака.

Карвон кўп-юки бошқа.

Бир ишчига-минг бошчи.

Бахилнинг бағри оқармас.

Шап-шап демасдан шафтоли е!

Бор- қилади, йўқ- билади.

Бой ойга боқар, сулув сойга оқар.

Бегники- бе чоғлиқ.

Берганда четга қарама.

Онаси ўпмаган, отаси сўкмаган-қиз.

Қуруқ қошиқ бўғиз йиртар.

Кўр ўтгани, кар кетгани қўймас.

Кампирнинг дарди бўзада.

Бурганинг бетига қарама.

Худойини ейдиган бор, едирадиган бор.

Эрни боқсанг, эр сени боқади.

Эринган икки сочар.

[Kahramon Jalilov]

Бир пайтлар телефонда эшитгандим

Бошга тушганни дархол териб ташла

Она билан бола -гул билан лола
Ота билан бола -бутилка билан пиёла

Қозонга яқинлашсанг қорнинг тўяди

Хақиқат эгилади, синмайди
Студент оч қолади, ўлмайди

Душманингни ўлдирма, уйлантириб қўй, ўзи ўлиб кетади.

Етти ўлчаб кеган жойидан кесиб ташла

Йигит кишига иккита хунар хам кўп
...

[Narzullayeva Yulduz]

Anor-kamtarligi tufayli Alloh tomonidan boshiga toj kiydirilgan jannat ne'mati.

Beshik-chaqaloqning "besh yulduzli mehmonxonasi".


(Ustozimiz narsalarga qatra yozishni topshirganlarida bir dugonam shunday yozgandi. Uning bu "kashfiyoti" barchamizga ma'qul kelgandi.)

[Fariza Hasanova]

Umr haqida

Umr gohida quvishda, gohida qochishdan iborat.
Umrning yarmi kecha, yarmi kunduzdir.
Uzoq yashashni o’ylaguncha, bor umrdan unumli foydalanish kerak.
Vaqtni g’animat bilganing – umr mazmuni.
Umr qadrini bilmaganning yoshligi behuda o’tadi.

(Idrok)

[Fariza Hasanova]

Eng yaxshi kun – bugun.
Eng katta xato – umidsizlikka berilish.
Eng katta ojizlik – nafrat .
Eng katta tinchlikni buzuvchi – ko’p gapiradigan odam.
Eng xavfli odam – yolg’onchi.
Eng yaxshi hayot – hamjihatlik hissi.
Sen berishing yoki olishing mumkin bo’lgan eng katta sovg’a – sevgi.


J. ANUY

[Ziyoda Teshaboyeva]

Bir gado ovqatlanib o’tirgan kishilardan:
“Nima yeyapsizlar?” deb so’radi. “Zahar” , deb javob berishdi.
Gado qo’lini cho’zib: “Menga ham beringlar, sizlar o’lsangizlar, menga hayotning qizig’i yo’q”, dedi.

(Idrok)

[Mubina]

Bir kuni bir bola taksi to'xtatibdi Va haydovchiga hazil qilib:
-Aka axlat ham tashiysizmi dibdi?
Shunda haydovchi:
-Ha o'tiring- debti

[tornado]

Til shirinligi — ko’ngilga yoqimlidir; muloyimligi esa — foydali. Chuchuk til achchiqqa aylansa ko’pchilikka zarari tegadi; qanddan may tayyorlansa harom bo’ladi.
Alisher Navoiy "Mahbub-ul Qulub"

[tornado]

Shirin so’z sof ko’ngillar uchun asal kabi totlidir; bolalar uchun muloyim tabiatli odam — halvofurush kabi sevimlidir
Alisher Navoiy "Mahbub-ul Qulub"

[Ziyoda Teshaboyeva]

“Agar…” li uy

Bir odam uy izlayotgandi. Do’stlaridan biri uni o’z mahallasidagi vayrona o’yga olib bordi. Do’sti:
-Agar bu uyning shifti bo’lsa, menga qo’shni bo’lib yasharding. Agar biror xonasi bo’lsa, bola- chaqang bilan osoyishta yasharding, - deya uzoq vaqt “agar” deb suhbatlashdi.
-Ha, do’stlarga qo’shni bo’lib yaqin uyda yashamoq yaxshi, faqat “agar” deb yashash bilan hech narsaga erishib bo’lmaydi-da, dedi uyga talabgor kishi

Jaloliddin Rumiy

[Fariza Hasanova]

Zinhor-zinhor uzma do'stlik ipini,
Uzsang mashaqqatdur bog'lamoq uni,
Bir kun iloj topib bog'larsan uni,
Lekin o'sha ipda bo'lar tuguni.
(Muallifi noma'lum)

[OmoN]

Бир куни биттаси Хўжа Насриддинни мот қилмоқчи бўлиб сўрабди:
- Афандим, шу ховуздаги сув неча коса чикаркин?
Афанди пинагини бузмай жавоб берибди:
- Агар ховуздай коса бўлса бир коса.

[Atham Mirazizov]

Кучга куч топилур,
аёрга аёр,
ўроқ тошга дуч келур,
донога доно.

(япон танкаси, менинг эркин таржимам)

[Umida Shodiyeva]

Amaldorning o’limiga

Dod ming dod,
Men yo’qotdim aziz kishimni!
O’lmay o’lgur,
Bitirmasdan ketdi ishimni!

Erkin Vohidov

[Nigora Tursunova]

Тақдири илоҳий

Машҳур араб адабиётчиси Асмуий бир куни йўлда кетаётиб эр-хотинга дуч келибди. Аёл ниҳоятда чиройли, эр эса хунук экан. Асмуий аёлига қараб:
 Эй хоним! Шу ҳуснинг билан нега бундай хунук кишига турмушга чиқдинг. У билан қандай қилиб яшайсан?  дебди.
 Жим бўл, эй аҳмоқ одам! Нега ўйламасдан гапирасан?! Ким билади, балким эрим Аллоҳ таолонинг ризолигини топган кишидир. Жаноби Ҳақ унга мукофот қилиб мендек гўзал хонимни насиб этгандир. Балки менинг қайсидир гуноҳим учун Ҳақ таоло шу бандасига мени раво кўргандир. Биз тақдири Илоҳийни билмаймиз ва унга аралаша олмаймиз.  деб жавоб бериди у.

[Fariza Hasanova]

San'atkorlarda bor bir ajib naql,
Ne bolsa ham o'z qo'shig'ing manzur qil.
birovlar qo'shig'in aytib yurguncha,
Botqoqda qurbaqa bo'lib sayragan ma'qul.
(qo'shiqdan)

[Nigora Umarova]

Iz

Shilliqurt onasi bilan birga ulkan chinorning ustida o'rmalarkan, kutilmaganda orqasiga qaradi va o'zlaridan qolayotgan izlarni hayrat-la tomosha qila boshladi. So'ngra qiziqish to'la bir ohangda so'radi:
- Oyijon, bu orqamizdan qoldirganimiz nima?
- Bolam, bu bizning bosib o'tgan umrimiz bo'ladi.
Bu qisqagina suhbatdan so'ng ular yana yurishni davom ettirishdi. Kichkintoy shilliqurt yo'l bo'yi tez-tez orqasiga qarab, o'zlaridan qolayotgan izlarni kuzatardi. Nihoyat o'ziga-o'zi shunday deya ming'irlab qo'ydi:
- Eh, naqadar porloq bir moziyimiz bor-a!

Hamza Yoqubov

[Nigora Umarova]

O'rmonlar yonganda qayg'uramiz-u, qip yalang'och suratlar-la bezalgan, katta-katta adadli bozorbop jurnallar uchun kesilgan daraxtlar haqida hech ham o'ylamaymiz.

H. Qarata

[Fayzbek]

Ўқитувчи:
— Инсон одамсимон маймундан пайдо бўлган.
Ўқувчи ўқитувчига ишорат қилиб паст овозда:
— Баъзилари одамсимон эшакдан.
Olimlarning aytishicha odamsimon maymunlar kamayib ketayotgan emish, sababi esa maymunsimon odamlarning ko'payib ketayotganligida.

[Tўлқин Эшматов]

O’zi bilan o‘zi o‘ralashib, hech kimni tan olmay qo‘yganlarga ta’na bo‘lmasinu, yaxshi fikr qaerdan olinganidan qat’iy nazar, o‘zingning nodon fikringdan ko‘ra afzalroqdir.
F. LAMOTLEVAYYE

[Tўлқин Эшматов]

Eng yaxshi bir sirni berayin sizga:
Dastavval qaranglar o‘z oynangizga!

Gyote.

[bekww]

Илм олмоқлик яхши руҳий сифат эгаларига эзгу фазилатларнинг янада равнақ топишига хизмат қилади. Яхши руҳий сифатлардан маҳрум одамлар эса қанча кўп илм олсалар, шунча аҳмоҳроқ ва бемаънироқ бўлиб борадилар.

Жон Локк (1632-1704)

[bekww]

"Ҳақиқат манзалари, 96 мумтоз файласуф" китобидан:

- Энг гўзал нарса нима?
- Одам. Чунки у Тангрининг маҳсулидир.
- Энг тез нарса нима?
- Ақл. У ҳамма нарсани ортда қолдиради.
- Ҳаммадан донороқ нарса-чи?
- Вақт. Чунки ёлғиз вақтгина ҳамма нарсани ойдинлаштиради.
- Ҳамма учун энг умумий нарса нима?
- Умид. Чунки у ҳеч вақоси йўқларда ҳам мавжуддир.
- Энг кучли нарса нима?
- Зарурият. Чунки у ҳамма нарсанинг устидан ҳукмронлик қилади.
- Энг қийин нарса нима?
- Ўзни англаш.
- Энг осон нарса-чи?
- Ўзгаларга маслаҳат бериш.
- Кимни бахтли санаш мумкин?
- Жисмоний соғлом, руҳий хотиржам ҳамда истеъдодини ўстира олган кишини.
- Бахтсизликка дош беришнинг осон йўли нима?
- Ғанимларнинг сендан-да ёмон аҳволга тушиб қолганига гувоҳ бўлиш.

Фалес (Милоддан аввалги 625-547 йиллар)

[Fayzbek]

Фалес (Милоддан аввалги 625-547 йиллар)
Shu erda Falesning bir fikrini keltirishni ma'qul deb o'yladim.
Ahmoqlarni yulduzlar boshqaradi, oqillar esa o'z yulduzlarini...

[bekww]

***
Ақл-идрок - инсон танасига жо этилган илоҳий руҳ зарраси.

***

Инсон қалби буюк ва бепоёндир. У чегара билмайди.

***

Табият бизни киришда ҳам, чиқишда ҳам тинтув қилади. Яланғоч келгандик, яланғоч кетамиз. Бу ердан олиб келганингдан ортиқ нарсани олиб кетолмайсан.

***

Ўргатиш асосида ўрганаман.

***

Ҳамма тўғри яшаш ҳақида эмас, узоқ умр кўриш ҳақида қайғуради. Ваҳоланки, тўғри яшаш ҳамманинг қўлидан келади, узоқ умр кўриш эса ҳеч кимга насиб этмайди.

***

Баъзи ёзилмаган қонунлар ёзилганларидан кучлироқдир.

***

Бахт инсонга ўзга одамларга муҳтожлик сезилмайдиган даражадаги юксакликка ҳеч қачон олиб чиқолмайди.

Сенека Кичик Луций Анней
(Милоддан аввалги, тахминан 4 йилда туғилиб, милоднинг 65 йилида вафот этган)

[Nigora Tursunova]

Бир бойлигидан керилиб, шайхга шундай дебди:
-Сизга қанча олтину кумуш керак бўлса, мана мандан сўранг!
- Йўқ, - дебди Шайх.- Ман қулимнинг қулидан нарса сўрамайман.
-Ие, қанақасига сизга қул бўлай? – деб сўрабди дарғазаб бўлиб бой.
Шайх шундай жавоб берибди:
-Нафс менинг қулим, Сан эса нафснинг қулисан!!!

[Iymandar]

YEvropalik bir olim (bu bo'lgan voqea, man bu olimning radio orqali bergan intervyusini eshitgan edim) Afrikaning qaysidir mamlakatida talabalarga koinot, undagi mavjud narsalar va yerdagi hayotning kelib chiqishi haqida ma'ruza qilgan. Maruza davomida, Darvin talimoti to'g'risidagi gaplardan keyin, talabalardan so'rabdi:
--Ho'sh, maruzadan qanday hulosa chiqardinglar?
Shunda bir talaba "Siz kelib chiqqansiz, biz yaratilganmiz"-degan ekan.

Xatolaringizni ko'rib qo'ying.

[Iymandar]

Мавлоно Румийдан сўрабдилар “Намоздан афзалрок нима бор?” Румий “Намознинг жони, рухи ўкилган намоздан яхширокдир. Иймон намоздан устундир Чунки, намоз кунда беш махал, иймон эса хамма вакт фарздир. Намоз узрли сабаб билан колдирилиб, фурсат бўлиши билан казоси адо этилиши мумкин. Иймон учун хеч кандай узрли сабаб билан бузилиб, кейинрок бажариш рухсати йўк. Намозсиз иймоннинг фойдаси бўлади, бирок иймонсиз намознинг фойдаси йўк. Худди мунофиклар нинг намози каби. Ибодат хар динда турлича, иймон эса ўзгармайди.

Намоз ўқимайдиган иймонлиларга ёқиб тушди!!!
Бундай фикрларни атрофга ёйиш манимча, бироз вақтлироқ.

[Iymandar]

Лабларига ҳаёт суви қуйилавергач, тўғон тошларидан ўт униб чиқибди.

***
Оқим ўртасида тўхтаб қолган шохча гўё дарёнинг қудратини қоқ иккига бўлиб турганга ўхшайди.

***
Бу кўл ойна каби тиниқ. Ўз аксингни томоша қилмоқчи бўлсанг, эҳтиёт бўл, бехос кўзингдан ёш томса, у тўлқинланиб кетади, юрагинг ҳам!

***
Кўзингни юм, ўтмишингни кўрасан, лекин ундан кўзингни юмма!

***
Одамни келажак эмас, ўтмиш донишманд қилади, лекин донишмандлик келажакка интилишнинг ўзгинасидир.

***
Одамлар чироққа ёғ қуйишди. Пилик эса, «энди пичоғим ёғ устида», деб ўйлади, оловга кўпроқ ёғни рўпара қилаверди… Лекин ҳақ жойида қарор топди: Пиликнинг боши ҳар кеч қирқиладиган бўлди.

***
Баъзан мен кимдандир кутиб юрган нарсани … у мендан кутаётган бўлади.

***
Ҳаёт ажойиб ўқитувчи: иншо ёздиради, ўзингга текширтиради, баҳони эса бошқалар қўяди. У ҳеч кимга ё унвон, ё гувоҳнома бермайди. Фақат баъзи ўқувчиларгина «чипта»ни ўзлари ясаб олишади, ён-веридагиларни алдаб – инонтириб юришади.
Ҳаёт эса бир кулиб қўйиб, ўзининг абадий иншосини давом эттиради. Ўзингга текширтиради. Баҳони бошқалар қўяди.

***
Икки чол суҳбатлашарди. Уларнинг вазмин, урғули суҳбатидан шу сўзлар қулоғимга чалинди:
- Бу дейман, мулла Шомурод, кўҳна дунё қаёққа кетяпти ўзи?
- Ўтмишга, қария, ўтмишга…

***
Ўзининг ҳақлигини бирон марта ёқлай олмаган одам бошқани ҳимоя қила олмайди.

***
Оёқларинг чиққунча онангнинг елкасидан тушмадинг, неча беланчакнинг бели сени кўтаравериб букчайди, юрадиган бўлганингда синф тўридаги парта опичиб олди сени… Хайрият, улғайдинг! Қани, олға! Ҳаётга қадам қўй энди!
Э, нега жим турибсан? Ё… энди кимнинг елкасини кўзлаяпсан?!

***
Эшикнинг тутқичи гердайди: «Мен жаҳон эшикларини очгувчиман».

***
Бўйиннинг гавдани идора қилишдаги хизматларини маржон билмайди, чунки ўзининг гавдаси йўқ, ўзи бировларнинг бўйнида!

***
Унинг бутун вужуди қорнига – нафсига бўйсунади, у – халта!

***
У очилиб ётган ҳикматни кўрмайди, ёпиқдаги ҳамма нарсадан сир ахтараверади.

***
Бир дўстим авваллари «тез-тез кўришиб турайлик» дегувчи эди, яқинда қўнғироқ қилди, хайрлашаркан, қўшиб қўйди:
- Телефонлашиб турайлик!

***
Сен алик олишдан олдин менга бошдан-оёқ тикилдинг, мен эса саломимдан сўнг турқингга назар солдим.

***
У киши катта иш қилишдан ҳам кўра, катта ишда туришни яхши кўрар эдилар!

***
Китоб дўконининг бошқалардан ажойиб фарқи шуки, бу дўконга ҳар бир харидор ўз тарозуси билан келади.

***
Бир шахсни биламан. У биздек ёшлар орасида: «Тилимизни, урфу одатларимизни ундай қилиш лозим, бундай қилиш лозим!» деб юради. Эътиборлироқ давраларда миқ этмайди ёки бутунлай бошқа нарсаларни гапиради.
Шундай, у ҳамма келишикларда турланадиган одам! Фақат БОШ келишикда эмас!

***
Кўз – топади. Баъзан, яширади ҳам!

***
Нега ипак қурти аввал ўзини ипакка брукаб, кейин ўлади?
- Умр бўйи қилган меҳнатига мукофотни ўзи танлайди!

***
Уришқоқ қўчқор қариган эди… Кўк майсани ҳам базўр тамшайди. Раҳмим келди унга Эркаламоқчи бўлдим. Кафтимга иккита барг қўйиб узатган эдим, пихиллаб калла ташлади…
- Эҳ, калла, калла!...

***
Баъзи одам ўзини пок кўрсатмоқ учун атрофидаги лойни ер юзига чаплаб ташлашдан ҳам қайтмайди.

***
Бир дўстим: «Ўзимдан ҳам кўра соямни яхши кўраман!» - деганди. Сабабини хамон ўйлайман: «Ҳеч нарса таъма қилмай, умр бўйи изингда юргани учунми?!»

***
- Болалар ўт ўйнашни, чоллар ўтга қараб хаёл суришни ёқтиришади. Икки оралиқдагилар-чи?
- Уларнинг ҳаёти ўзи олов-ку!

Омон Матжондандан

[bekww]

"Яхшилик қил, дарёга от, дарё билмаса, балиқ билур, балиқ билмаса, холиқ билур", - деганлар.
С. Айний, Қуллар.

[Abror Qodirov]

"Alam qilar menga, tilla baliqcha
Shu ko'lmak hovuzni bilar dunyo, deb..."
Abdulla Oripov

[Masud Mahsudov]

"Alam qilar menga, tilla baliqcha
Shu ko'lmak hovuzni bilar dunyo, deb..."
Abdulla Oripov

Iltimos, iqtibosni to'g'ri keltiraylik...

Tilla baliqcha
Tuxumdan chiqdi-yu, keltirib uni,
Shu loyqa hovuzga tomon otdilar.
Tashlandiq ushoq eb o'tadi kuni,
Xoru xas, xazonlar ustin yopdilar

Dunyoda ko'rgani shu tor hovuzcha,
Va mudroq tollarning achchiq xazoni.
Menga alam qilar, tilla baliqcha
Bir ko'lmak hovuz deb bilar dunyoni...

[Nigora Umarova]

Dunyo bir qo'li bilan asal tutsa, ikkinchi qo'li bilan zahar tutadi. bu dunyo-ilon. Avraydi, aldaydi, qo'ynigga kirib oladi va zahrini quyadi. Unga ko'ngil bermoq aqldan emas. Baxt-omonat. U qushdek uchib boradi. Hech kimning boshida uzoq turmaydi

***
Behuda so'z obro'ni to'kadi, achchiq til boshga yetadi. Kam so'zlamoq bilan birgalikda to'g'ri so'zlamoq kerak.

***
To'g'ri so'z asalga, yolg'on so'z sarimsoq piyozga o'xshaydi.

***
Baxillik dori bilan tuzatib bo'lmaydigan kasallikdir. Baxillik harislik bilan yonma-yon turadi. Baxil mol-dunyoga quldir. saxiyga esa mol-dunyo quldir.

***
Baxtga yetishishning yo'li bitta: u ham bo'lsa ilmdir.

***

Tilingni tiy, tishing sinmasin.
Agar o'ylamay so'zlab yuborsang, tishingni sindiradi.

***

Senga jafo qilguvchiga sen vafo bilan javob qil, qonni qon bilan yuvsa ham, u arimaydi.

Adib Ahmad Yugnakiy, "Hibat ul- haqoyiq"dan

[Gulnora Voisova]

Отнинг ўлими - итнинг байрами. (А. Қаҳҳорнинг "Ўғри"сидаги эпиграф)

[Fariza Hasanova]

Oq matoga salgina kir tegsa ham hammaga ko'rinadi, hamma buni ko'rib gapiradi. Qora, kir mato qancha kir bo'lsa ham unchalar sezilmaydi va hech kim unga e'tibor bermaydi.
Yaxshi odamlar oq matoga o'xshaydilar, ularning salgina yomonliklari ham hammaga bilinadi. Yomonlar esa qora matoga o'xshaydilar, shuning uchun ham ular qancha yomonlik qilsalarda ularga gapirmaydilar, tanbeh bermaydilar.
Yaxshilar, sizning ozgina xatoingiz ham sezilayaptimi, demak-ki siz "oq"siz!

[Jahongirman]

Қарасам жуда жиддийлашиб кетибсизлар. Сизларга бўган воқеани айтиб берай. Ёз пайтида дам олишга боргандик. Табиатан озғин Комил деган дўстимиз майка кийиб олган эди. Семизгина дўстимиз Ғофир бўлса енги узун кўйлак кийиб олганига қарамай пашшалар талаб ташлади деб нолиб қолди. Шунда Комил нимага пашшалар фақан сени чақади? Мени чаққани йўқ-ку деди. Шунда Ғофир - пашша суяк емидида, Комил - деди. Ўзиям роса кулгандик ўшанда.

[Kahramon Jalilov]

Қарасам жуда жиддийлашиб кетибсизлар. Сизларга бўган воқеани айтиб берай. Ёз пайтида дам олишга боргандик. Табиатан озғин Комил деган дўстимиз майка кийиб олган эди. Семизгина дўстимиз Ғофир бўлса енги узун кўйлак кийиб олганига қарамай пашшалар талаб ташлади деб нолиб қолди. Шунда Комил нимага пашшалар фақан сени чақади? Мени чаққани йўқ-ку деди. Шунда Ғофир - пашша суяк емидида, Комил - деди. Ўзиям роса кулгандик ўшанда.
Пашшалар хам одам кони канака эканлигини билишади бир тарафдан, баъзи одамларнинг кони захар булади, шунинг учун чакишмайди, буни хидидан билишади, бундайлар жуда купчиликни ташкил этади...
Хозирги замонада замонавий ахборот технологиялари кириб келиши оқибатида улар билан яна янги сўзлар, иборалар кириб келмоқда мана баъзи сўзлар ва уларнинг оммадаги маънолари:
(камина луғатидан намуна)
иккинчи линияга тушиб қолдим- (синоним думка) чуқур ўйга толдим, масалан: бундай сўзларни эшитиб иккинчи линияга тушиб қолдим...

[AbdulAziz]

Бир куни Афандининг ёнига келиб эшагини сўрашибди. Хўжа эшаги уйда эмаслигини айтиши билан, эшаги ҳанграб қолибди.
— Хожам, оппоқ соч-соқолингиз билан уялмайсизми ёлғон гапиришга? Эшак ҳовлингизда экан-ку.
Афанди дарҳол жавоб қайтарибди:
— Оппоқ соч-соқолим билан менинг гапимга ишонмай, эшакнинг гапига ишонасанми? — дебди.

Қайнона (роман). Аҳмад Лутфи Қозончи (http://forum.ziyouz.com/index.php?topic=1048.0)

[Nigora Umarova]

Abdulla Qahhor yoshlar bilan uchrashuvda bir gapni aytib bergan ekanlar: "Bir tumandagi ijroqo'm raisi g'irt savodsiz odam ekan. U bir kuni tumandagi taniqli ruhoniydan Qur'onda Leninning nomi bormi, yo'qmi, deb so'rabdi. Ruhoniy "astag'firulloh", deb Leninning nomi Qur'onda yo'qligini aytibdi. "Sen palid, yolg'on gapirding, antileninchisan, shundoq odamning nomi Qur'onda bo'lmaydimi", deb ruhoniyni qamashga buyuribdi. ma'lum bo'lishicha, Qur'ondagi "la'in" degan so'zni Lenin den tushungan ekan".

[Nigora Umarova]

Ovchining o'qidan yaralanib qonga belangan sherni ko'rgan it uning yo'lini to'sib: "Ey sher, men sen bilan olishaman", debdi. Sher esa: "Men olishmayman", deb javob beribdi. "Unday bo'lsa butun o'rmonga ovoza qilaman, sher mendan qo'rqib olishmadi deyman", debdi. Sher itga qarab:"mayli, ovoza qila qol. men itning masxaralashidan emas, sherlarning "sher bo'la turib it bilan teng bo'ldingmi, degan ta'nasidan uyalaman", debdi

[Nigora Umarova]

May bixo'r, Mushaf biso'zu otashkada Ka'ba zan,
Sokini butxona boshad, mardum ozori makun.

Hofiz Sheroziy

[Kahramon Jalilov]

Qishning bir kunidan ham qo'rq...(Maqol)

[Scarlette]

Imperator Napoleon Banapart Yevropa hukmdorlari ichidan birinchi bo`lib jurnalist va gazeta ahamiyati hamda uning qudratiga katta baho berib,huddi shunday degan ekan."Men yuzta nayzadan ko`ra, uchta gazetadan ko`proq qo`rqaman".

[bekww]

RUHOSA kitobidan:


***

“ YAXSHI “ degan so’zdan ortiq – mukofot yo’q.

***

Yo’lga chiqqan umr karvoni – manzilga shoshilmaydi.

***

Yonmay – yondirolmaysan, kulmay – kuldirolmaysan.

***

Qayerda – til, qayerda – gul, qayerda – pul gapiradi.
Faqat dil sukut saqlaydi.

***

Gap – sut. Kim uning o’zi, kim qatig’i, kim qaymog’i
bilan kifoyalanadi.

***

Men uchun sanam kuymaydi, men uchun- ONAM kuyadi!

***

“ YER “ ga qanchalar- qon to’kilmasin, undan qonning
emas, nonning hidi keladi. Balki, ona – Zaminning
muqaddasligi ham shundadir.

***

Mehr – oqibat bor joyda – kuchsiz odam bo’lmaydi.

***

Odob – har kim o’zi tikishi kerak bo’lgan ko’ylak.

***

Farzand – shirinini yeb, achchig’ini tuflab tashlab
bo’lmaydigan danakdir.

***

Nimaning ketidan quvsang, u sarobga aylanadi.

***

Og’iz – issiqdan kuysa, yurak – “sovuq “ lardan kuyadi.

***

Olamning oftobi – olamga tatir, odamning oftobi –
hammaga tatir.

***

Aql bilan naqlning yo’llari bir joyda tutashadi.

***

Yuqoriga – olib chiqqan zinalar, pastga ham olib tushadi.

***

Alamdan – achchiq, mehrdan – shirin taom yo’q!

***

Har bir kun: yaxshiga – UMR, yomonga – insof tilash
bilan duoga qo’l ochadi.

***

Birovga – yaxshilik tilaganing, o’zingga omonlik
so’raganing.

***

Yomon gap – og’izdan, yaxshi gap - mag’izdan chiqadi.

***

Yaxshi insonning – begonasi bo’lmaydi.

***

Boshga – Vatan, ko’ngilga – mehr boshpana.

***
UMR - kunni sanab, yilni boy beradigan daqiqadir.

***

Yurakhi ham: kimdir - mehr bilan, kimdir – qahr
bilan oziqlantiradi.

***

Sehrning – so’zi, mehrhning ko’zi chiroyli.

***

Erkni – dilga ham, tilga ham berib bo’lmaydi.

***

O’zgalarni deb qo’yilgan bitta g’isht ham – ulkan bir
savobdir.

***

Danakning mag’zi – ne’mat, so’zning mag’zi – hikmat.

***

Osmon – shirin orzular Vatani!

***

Suvrat – pardoztalab, ko’ngil – parvoztalab.

***

Osmon yoqqan chiroqdan – olam munavvar,
Ko’ngil yoqqan chiroqdan – odam munavvar.

***

So’rashda ham, so’roq bor – menga deb so’rama,
elga deb so’ra.

***

Mehnatning bag’ri keng – unga hamma sig’adi.

***

Mening menligim – menligimda emas, kimligimda!

***

Men bilgan “ BILIK “ lar ichida eng murakkabi, ehg
buyugi – bu ODOB ilmidir.

***

Buyuklikhi kimdan o’rganding?
Xokisordan.

***

So’z - sehri bilan, ko’z – mehri bilan o’ziga tortadi.

***

Tun yoqqan chiroq – tunda kerak,
Aql yoqqan chiroq – kunda kerak.

***

Ilik chaqsang – og’zing to’lar,
Bilik chaqsang – mag’zing to’lar.

***

Tilini topsang – so’ylaydi,
Dilini topsang – kuylaydi.

***

Bilganni – biligi adashtirmaydi, qilig’i adashtiradi.

***

O’zida – o’zini kashf etish ham, bir sharafdir.


http://kabutar.by.ru/ruhosa.html (http://kabutar.by.ru/ruhosa.html)

[Shokirbek]

Ruhosaning ma'nosi nima?

[bekww]

Ruhosaning ma'nosi nima?

Афсуски, билмайман. Билишимча сайт Манзура Тураевага тегишли:

http://kabutar.uz/contact.php

[Nigora Umarova]

Ilmiy muassasaning byuraklatlashgan ilmiy rahbari boshqa istalgan tashkilotning byuraklatlashgan rahbaridan xatarliroq; ikkinchisi bir jamoaga ziyon yetkazsa, birinchisi-jamiyat taraqqiyotiga ziyon yetkazadi.

***
Hamma xasisliklar ichida eng yomoni- bu ustozning xasisligi. Hadislarda aytilganidek, "Qaysi bir olimning ilmidan so'ralganda qizg'onib gapirib bermasa, qiyomatda og'ziga o'tdan tizgin solib qo'yiladi".

("Adabiyot va san'at" gazetasidan olindi)

[Nigora Umarova]

O'z zamonasining yirik olimlaridan Val-Valaji og'ir xastalik to'shagida yotgan Abu Rayhon Beruniyni ziyorat qilgani borganida, buyuk allomani g'oyat tang ahvolda topadi.Abu Rayhon ko'zini xiyol ochib, mavlono Val-Valajini taniydi va..., "U kungi masalani takrorla" deb ishora qiladi.
- Hozir masalaning mavridimi?- xijolat chekib e'tiroz bildiradi Val-Valaji.
- Nechuk mavridi bo'lmasin, - javob qiladi Abu Rayhon.- Qanday o'ylaysan: men shu masalaning javobini bilgan holda yorug' dunyo bilan vidolashganim yaxshimi yoki undan g'ofil qolib ketganim ma'qulmi?
- Noiloj masalani boshladim,- hikoya qiladi Val-Valaji. - Lekin qarasam, u butkul holdan toya boshladi. Sekin oyoq uchida yurib, orqam bilan unsiz va sharpasiz ostona tomon ravona bo'ldim... Darvozadan chiqib ulgurmagan ham edim-ki, uydan chuvvos yig'i ovozi eshitildi.
Allomalarimizning beshikdan qabrgacha ilm izlaganlarini ushbu rivoyat orqali ham anglasak bo'ladi.

[bekww]

Ақлсизнинг белгиси, у кишига доим ақл ўргатаверади, ақлиликнинг белгиси шуки, у доим ўрганаверади...

Дунёдаги энг ёмон макон - дўстинг йўқ макон...

Нодоннинг юраги тилида, ақлилининг тили юрагида бўлади...

Тирик инсоннинг бир умрлик учта йўлдоши бўлади: биринчи йўлдоши - дўсти, иккинчи йўлдоши - душмани, учинчи йўлдоши - томошагўйи...

Элнинг обрў-эътиборини кўтарадиган нарса - илм-ҳикмат, халқнинг донолиги...


Тўлепберган Қаипбергановнинг "Гумроҳлар" романидан.

[AbdulAziz]

Domla Hindistoniy hikoya qiladilar:
“Qabristonning yonida boyning bolasi bilan kambag’alning bolasi tuproq o’ynab o’tirishgan ekan. Ikkalasining ham otasi o’lib, shu yerga dafn etilgan ekan. Boyning bolasi debdi:
- Otangning qabrini qara, 1-2 ta toshdan boshqa narsasi yo’q. Mening otamni qabrini qaragin. Ustiga marmarlar qo’yilgan.
Kambag’alning bolasi javob beribdi:
- Sening otang bu mustahkam joylardan turguncha, mening otam jannatga kirib bo’ladi.”

[Kavsar]

Domla Hindistoniy hikoya qiladilar:
“Qabristonning yonida boyning bolasi bilan kambag’alning bolasi tuproq o’ynab o’tirishgan ekan. Ikkalasining ham otasi o’lib, shu yerga dafn etilgan ekan. Boyning bolasi debdi:
- Otangning qabrini qara, 1-2 ta toshdan boshqa narsasi yo’q. Mening otamni qabrini qaragin. Ustiga marmarlar qo’yilgan.
Kambag’alning bolasi javob beribdi:
- Sening otang bu mustahkam joylardan turguncha, mening otam jannatga kirib bo’ladi.”

Ziyouz.comda Mulla Hindustoniy ma'ruzalaridan eshitgandim. Allah rozi bo'lsin.

[AbdulAziz]

MENDAN HAM HAQIR EKAN-U...

Hindistonni inglizlar bosib olib, nasorolashtirish siyosati ketayotgan vaqtlarda Shohjahon masjididan chiqayotgan musulmonlarni xristian poplari da'vat qilisharkan.
Bir kuni besh-o'n kishini o'rnidan turgizishibdi-da, so'rashibdi:
- Sening isming nima?
- Falonchi.
- Otangning ismi-chi?
- Pistonchi.
- Mana ko'rdingizmi? Mana shu yerda o'tirganlarning hammasining otasi bor-a? Iso payg'ambarning ham otasi bor. Uning otasi - xudo. Sizlarga kechgacha muhlat, Iso payg'ambarning otasi yo'qligini isbotlab beringlar-chi.
Shu payt orqa tomondan a'robiysifat* cho'pon o'rnidan turibdi-da, so'rabdi:
- Menga qara, sening xudoyingni nechta o'gli bor?
- Bitta o'g'li bor.
- Mening esa o'nta o'g'lim bor. Sening xudoying menchaligam emas ekan-u...

__________
* A'robiy - sahroda o'sib qolgan, to'pori odam.

[Kavsar]

"Shoir shunday so'zlarni topadi-ki, jinoyatga yuksaklik, g'amga quvonch, shodlikka kadar bag'ishlay oladi. Shunday ranglar kashf etadi-ki, nafratlaniladigan narsalar seviladi, bekorchi narsalar ulug'lanadi. She'r - joduning bir turi..."

Turk yozuvchisi Xolid Ziyo Ushoqligilning "Marhumning kundaligi" romanidan olingan. Iqtibos, bosh qahraman Vejdi tilidan bayon etilgan. Bu roman yaqinda Sabohat opa Bozorova tomonidan tarjima qilinib kitob holida nashr etilmoqda. Bu romandagi o'zim ilgari eshitmagan yangi fikrlarni ko'rib hayron qoldim. Ulardan biri - mana shu "she'r haqida" edi. Chunki she'rni jodu deya zinhor xayolga keltirmagan edim. Ammo, ayni damda muallif gapi haqiqatga yaqindek ko'rinyapti menga.

[Nigora Umarova]

Qachongacha izlagaysan najot mardlardan,
Mardlar ishin o'zng qil-u, qutil dardlardan.

Xo'ja Bahovuddin Naqshbandiy

[bekww]

“... дунёда қизлар камми дединг, дунёда қизлар кўп, жудаям кўп, лекин эркак киши учун биттаси керак бўлар эканку, биттаси... “
"Мажрух" фильмидан.

[Pfefferminze]

Inson hayotda turli-xil muammolarga duch keladi, ammo muammo qachon muammo bo'lmay qoladi? Qachonki, atrofingda chin do'stu-yoring bo'lsa....

(manbasini aniq eslay olmayapman,afsus...balki, Qur'on edi manbasi...aniq aytolmayman)

R

[Gulchehra Ibragimova]

Бир қўй бир неча болалари билан бир сабзаворда ўтлаб юрган эди. Уларнинг ёнига бир йўлбарс келди ва қўйнинг болаларини кўриб яхши сўзлар билан суйиб, эркалай бошлабди.

Ул қўй йўлбарсга "Ман шунча кичкиналигим билан ҳам бир йил ичида бир қанча болалайман. Сан шу қадар катта бўлсанг ҳам умрингда бир ёки иккита бола туғурсан", деб таъна қилибди.

Шунда йўлбарс: "ман умримда бир ёки икки мартагина болаласам ҳам у- йўлбарс бўлур. Санинг болангдек ҳеч нимага ярамайдиган, ожиз қўй бўлиб туғилмайдир", деб жавоб берибди.

Маъниси: ақллик, илмлик биргина бола, ақлсиз, илмсиз ва нотавон ўнта боладан афзалдир.

[Tulqin Eshbekov]

сабзаворда

Бу қанақа жой экан? :)

Уларнинг ёнига бир йўлбарс келди ва қўйнинг болаларини кўриб яхши сўзлар билан суйиб, эркалай бошлабди.

Йўғ-е, йўлбарс қўзичоқларни эркалабдими?

Ул қўй йўлбарсга "Ман шунча кичкиналигим билан ҳам бир йил ичида бир қанча болалайман. Сан шу қадар катта бўлсанг ҳам умрингда бир ёки иккита бола туғурсан", деб таъна қилибди.

Ҳайвонот дунёсига оид китобларни би-ир ўқиб кўрсангиз йўлбарс ва қўй қанча вақтда нечтагача болалашини билиб оласиз... (Бир-биридан фарқи унчалик катта бўлмайди!)

Шунда йўлбарс: "ман умримда бир ёки икки мартагина болаласам ҳам у- йўлбарс бўлур. Санинг болангдек ҳеч нимага ярамайдиган, ожиз қўй бўлиб туғилмайдир", деб жавоб берибди.

Агар шундай деган бўлса, у йўлбарс эмас, ғийбатчи, бачкана, бўлмағур махлуқ экан. Бировнинг туғиши, боласи қандоқ улғайишига бу тарзда тил теккизган жонивор - жонивор эмас!!!

ақллик, илмлик биргина бола, ақлсиз, илмсиз ва нотавон ўнта боладан афзалдир.

Юқоридаги "масалсимон" гапларингиздан асло бунақа маъно чиқмайди, бу гапларнинг жўялироқ

Маъниси:

ҳам йўқ... :(

Масал ҳам реалликка асосланиши лозим!
Модомики, масал ёзмоқчи бўлсангиз, машҳур масалчи адиб Мухтор Худойқуловнинг китобларини ўқиб чиқинг. Шер ва бошқа жониворлар образи қандоқ яратилишини ўрганасиз.
Сигир каби дастурхонларимизга файз киритадиган ҚЎЙ ва ҚЎЗИЧОҚларни бу тариқа таҳқирлаб ёзманг. :)

[Masud Mahsudov]

Домла, "сабзавор" сўзи ўтлоқ, равза сўзларига синоним бўлиб келади бадиий адабиётда...

[Nigora Umarova]

Домла, "сабзавор" сўзи ўтлоқ, равза сўзларига синоним бўлиб келади бадиий адабиётда...

Tarixda Eronda Sabzavor viloyati bo'lgan. Ibn Sino haqidagi roman va qissalarni, rivoyatlarni o'qisangiz, ushbu joy nomiga duch kelasiz.
Alisher Navoiyning otasi G'iyosiddin Kichkina ham Sabzavor viloyatining hokimi bo'lgan. Bu haqida tarixchi olim Umid Bekmuhammadning maqolalari orqali bilib olishingiz mumkin.

[Nigora Umarova]

Bilmagan narsalarimni oyog'im ostiga qo'yganimda, boshim ko'kka yetardi.

Imomi A'zam Abu Hanifa

[Hero]

Bilmagan narsalarimni oyog'im ostiga qo'yganimda, boshim ko'kka yetardi.

Bu so'zning ma'nosini ham tushuntiring?

[Nigora Umarova]

Bilmagan narsalarimni oyog'im ostiga qo'yganimda, boshim ko'kka yetardi.

Bu so'zning ma'nosini ham tushuntiring?

Agar inson o'z kamchiliklarini ko'ra olganida, tahlil qilganida, ularni to'g'rilashga harakat qilardi va bundan-da mavqesi ortardi, yuksak diqqat-e'tiborga sazovor bo'lardi.

Fikrimcha shunday. Hammaning fikrlashi dunyoqarashiga ko'ra har xil bo'ladi. :)

[Masud Mahsudov]

Домла, "сабзавор" сўзи ўтлоқ, равза сўзларига синоним бўлиб келади бадиий адабиётда...

Tarixda Eronda Sabzavor viloyati bo'lgan. Ibn Sino haqidagi roman va qissalarni, rivoyatlarni o'qisangiz, ushbu joy nomiga duch kelasiz.
Alisher Navoiyning otasi G'iyosiddin Kichkina ham Sabzavor viloyatining hokimi bo'lgan. Bu haqida tarixchi olim Umid Bekmuhammadning maqolalari orqali bilib olishingiz mumkin.

Фикримча, юқорида Гулчеҳра опа келтирган масалда себзавор сўзи ўтлоқ маъносида қўлланилган. Сиз айтган вилоятнинг номи ҳам шу сўзнинг атоқли отга айлантирилгани, деб ўйлайман :)

[Gulchehra Ibragimova]

Қойил, Домлажон! Ажойиб таҳлилчи экансиз! Бу каби тафаккур учун давомли қарсаклар!


сабзаворда

Бу қанақа жой экан? Шундай катта илм ва билимлар кони бўлган муқаддас даргоҳда..юрибсизу..наҳот шу оддий Сабза, сабзавор, сабза бўлмоқ сўзларининг маъносини билмасангиз? Қандай қилиб талабаларга ғазалларни шарҳлаб бераркансиз..деган ўй босди мени..афсус..билмасангиз ҳам бу билмаслигингизни биз каби оммага билдириб бекор қилибсизда..

Шуни билмас экансиз уни бу тарзда билдирманг-да, уни билиб олишни ёки билмаган нарсасини сўрашнинг йўллари кўп-кў?!
Юқорида мендан аввал Нигорабону ва Мақсудбеклар ҳам асосли ва чиройли жавобларни беришибди, раҳмат.


Шарафутдин Али Яздийнинг “Зафарнома», Амир Темур Кўрагон, “Қиссаи Темур”, Амир Темурнинг "Темур тузуклари", Алишер Навоийнинг 20 томлик ғазалларини топиб ўқисангиз Сабзаворнинг нима экани, у қандай жой экани, нимани англатиши ва маъносини билиб оласиз.

Наҳот сабза-бу майса, яшиллик-кўклик, ўтлоқ, ўтзор каби маъноларни англатиши ҳақида..билмасангиз..ўқимаган бўлсангиз..http://uforum.uz/images/icons/icon9.gif
Майли билмаслик айб эмас!http://uforum.uz/images/icons/icon9.gif "Сабза ўлди боғлар, келинглар жўралар, ёронлар.." ғазалини эсланг-чи?

Ҳазрат Навоийнинг "Фарҳод ва Ширин" асаридаги:
Йўқ, ул сув боғнинг рухсори онгла,
Анга сабза хати зангори онгла.

Бу фасл ичраки зеби олам ўлди,
Бори офоқ сабзу хуррам ўлди.

Қилиб ул гулшани мийно сори азм,
Тузуб ул сабзаи раъно уза базм.

УШБУ БАЙТЛАРНИЧИ? ЎҚИМАГАНМИСИЗ? НАҲОТ?!!

ФУРҚАТНИНГ ушбу машҳур сатрлариничи :

Фасли навбаҳор ўлди, кетибон зимистонлар,
Дўстлар ғаниматдир, сайр этиб гулистонлар.
Субҳидам тушиб шабнам, бўлди сабзалар хуррам,
Гул уза томиб кам-кам ёғди абри найсонлар.
Настарин ювиб юзни, ёсуман тузиб ўзни,
Наргис очибон кўзни интизор ёронлар (161-бет)

Фурқат бу шеърида ҳам табиат гўзаллигининг сеҳрли куйчиси сифатида кўзга ташланади.

Гулистонлар-гуллар сайри ғанимат. Навбаҳор чеҳра очди. Эрта тонгда тушган шабнамдан сабзалар яйраб-яшнадилар.
Саҳар пайти табиат чиройига дил берган қаҳрамон настарин, ёсуман, наргис гулларининг юз кўрсатишини завқ билан кузатади, ДЕМОҚЧИ, ДОМЛАЖОН.

мана бу манбаларни мукамал ўқиб чиқасиз деган умиддаман
(http://navoi.natlib.uz/uzb/xazoyin_ul_maoniy_beshinchi_tom/gazallar/gazallar_501_650/)
Келинг яхшиси, мен Сиз муҳтарам Домлажон озгина йўналиш берворай ва уларни ўзингиз излаб қайси манбаларда эканини шу баҳона топиб олиб ишонч ҳосил қиларсиз.

Зеро, илм машаққатлар йўлидир.Аммо унга етгач роҳатни англайсан, дейилади. Манбаларда "Сабза, Сабзавор" ҳақида шундай дейилади:

а )"XV асрнинг иккинчи ярмида Хуросонда Алишер Навоий атрофида тўпланган аллома, шоир ва донишмандлар орасида мащҳур ва қомусий талант эгаларидан бири Воиз Кошифийдир. Камолиддан Ҳусайн Воиз Кошифий таҳминан 1440 йилларда Хуросон вилоятидаги Сабзавор шаҳрининг Байҳақ кентида туғилган "

б ) "Движение сарбадаров началось в 1337 г. в северо-восточном Иране. В западном Хорасане они создали свое государство с центром в городе Сабзавор".

в) "М и р Ш о ҳ и й112—сабзаворлиқдур. Асли сарбадорлардин бўлур. Бойсунғур Мирзо мулозаматида бўлур эрди. . Мулк подшоҳи отамни ҳукумат расми билан Сабзаворға юбориб эрди ва Мир Шоҳийни Астрабод ҳокими тилаб Журжон мамоликига элтиб эрди. Астрабодда анга қазо етиб наъшин Сабзаворға келтурдилар ва обо ва аждоди дахмасида халойиқни ўтру чиқориб ани охират ерига дафн қилдилар.

Хожа Авҳад иккаласин тугатти ва девониға битилди ва шаҳр шуаросиға марсия таклифи қилдиким, айттилар. Бу бир байт ул марсия абъётидиидурким:

К-ў бишав зеру забар аз ашку оҳам Сабзавор,
З-онки шаҳри шоҳ бе Шоҳий намеояд ба кор115."

г ) "Бир лаҳзада атрофимиздаги жойлар жанг майдонига айланиши ҳаммамизга маълум эди.
Албатта, Сабзавор амири менинг Хуросонга қўшиним билан кириб келганлигим ҳақида хабари бор. Шу яқин ора фурсатда Сабзавор амири ўз қўшини билан рўпарамдан чиқиб қолса керак, деган фикр мени тарк этмай ҳушёрликка борган сари жиддий тарзда ундарди. "

(давоми кейинги саҳифада)

[Gulchehra Ibragimova]

ҲЕЧ БЎЛМАСА МАНА БУНИ ЎҚИГАНДИРСИЗ-А, ДОМЛА:

д) " Сарбардорлар ҳараракати. Илёсхўжа «Лой жанги»да ғалабага эришгандан кейин мўғулларнинг Самарқандга кириб бориши учун бирор-бир тўсиқ йўқ эди. Мана шундай оғир, қалтис вазиятда нафақат Самарқанд, балки умуман Мовароуннаҳр тақдирида сарбадорлар1 (1 Сарбадор форсча сўз бўлиб, унинг маъноси «бошини дорга тикувчи» демакдир.) ҳаракати алоҳида роль ўйнади. Сарбадорлар ҳаракати дастлаб XIV аср-нинг биринчи ярмида Хуросон ва Эронда кенг тарқалган бў-либ, у моҳият эътибори билан мўғуллар ҳукмронлигини ағдариб ташлашга қаратилганди. Маркази Сабзавор шаҳри бўлган Сарбадорлар давлатининг (1337–1381) тарихда маълум из қолдирганлиги шубҳасиз. "

е) "Узоқ йиллар давомида темурийлар сулоласига хизмат қилган ул бандани Хуросоннинг энг сўлим, катта шаҳарларидан бўлган Сабзаворга ҳоким қилиб та¬йинлаш ҳақида подшоҳ Абулқосим Бобур фармон берди. Хуросонда «катта шаҳарга «кичкина» ҳоким тайинланибдики, у адолатли, маърифатли эмиш», деган овозалар тарқалди. Шу тариқа 1453 йили ҳиротлик Fиёсиддин «кичкина» ўзи ҳоким қилиб тайинланган Сабзавор шаҳрига оиласи билан жўнаб кетди."

ё) "Хуллас, темурийлардан бўлган Абулқосим Бобур саройида «бахши» (маҳкама, девонхона ходими) бўлиб ишлаётган шоир Ғиёсиддин «кичкина» 1453 йилда Сабзаворга ҳоким қилиб тайинланади.
Сабзавор Хуросонга қарашли Ҳирот, Астробод, Нишопур каби салобатли шаҳарларидан бўлмаса-да, Бастом, Абивард, Домгон, Нишопур, Машҳад шаҳарларига яқин каттагина ҳудуд эди.
Сабзавордан Зафарони, Ринд, Бафре Меҳр дарёлари оқиб ўтар, ушбу шаҳар аббосийлар, уммавийлар даврида шиалар маркази бўлган. XIV асрда эса бу ерда ҳам сарбадорлар ҳаракати кенг ёйилганди. 1381 йилдан эса Сабзавор Амир Темурга қарашли шаҳарга айланган эди.
Ғиёсиддин «кичкина» ҳоким бўлган 1253-57 йилларда шаҳар атрофи боғзор ва ҳосилдор экинзорларга айланди. Сабзавор аҳли маърифатли ва адолатли Fиёсиддинни ҳурмат қилиб, унинг амрига қулоқ солар, айтилган солиқ ҳамда закотни ўз вақтида бериб турарди.
Ғиёсиддин қора тўриқ отга миниб, эгнида жубба, бошида телпак билан ҳарбий кийимдаги икки мулозими ила сабзаворликлар ҳолидан тез-тез хабар олар, бева-бечора, камбағал хонадонларнинг солиқларини эса ўз ҳисобидан тўлаб юборарди"..

МАНБА: "Навоийнинг отаси" (http://mgpress.uz/2011-02-25-18-07-26/301-2011-08-24-04-51-33.html)

Ўзингиз кечагина "Байрам табриклари" мавзусига Мирзо Улуғбек ҳақида ёзгандиз..Ҳеч бўлмаса шу ерда кўзингиз тушмадими, наҳотки?

"Хуросонни бошқариб турган Шоҳрух Улуғбекка дастлаб Андхўй билан Шибирғонни, кейинчалик Хуросоннинг Тус, Хабушон, Калот, Бовард, Насо, Ёзир, Сабзавор ва Нишопурдан иборат қисмини бошқаришни топширган. " батафсил ўқиб олинг унда,

МАНБА (http://www.e-tarix.uz/shaxslar/hukumdorlar/386-hukmdorlar.html) "Улуғбек Муҳаммад Тарағай" (http://www.e-tarix.uz/shaxslar/hukumdorlar/386-hukmdorlar.html)

МАНА ЯНА СИЗГА МАНБА:

"Эй, майнинг тобланишидан сенинг рухсоринг гули ранг-баранг бўлади, жамолинг боғининг сабзаси озгина-ю гули кўпдир (Навоий) МАНБА:
http://navoi.natlib.uz/uzb/alisher_navoiy_haqida/

МАШҲУР "ЛОЙ ЖАНГИ"ни ўқисангиз ҳам ушбу атамага кўзингиз тушади. Яна " (http://e-tarix.uz/shaxslar/hukumdorlar/389-hukmdorlar.html)“Амир Темур” (манба) (http://e-tarix.uz/shaxslar/hukumdorlar/389-hukmdorlar.html)

Домлажон, мана энди "Сабзавор" ҳақида бемалол маъруза ўқиб, асар ёзсангиз ҳам бўлади!
Йўғ-е, йўлбарс қўзичоқларни эркалабдими?
Эртак, матал, масаллар ҳақида, уларнинг ўзи нима, нимаси билан реалликдан, ҳаққониятдан фарқ қилади.
Ундаги ҳайвонлар образи ва асосийси уларниг мақсад ва вазифаси, сюжет қурилма ва тузилмалари ҳақида аввал ўзингиз билиб олсангиз бўларди.

Нима учун уларда ҳайвонлар образи ишлатилишини, улар нима учун инсонга ўхшаб гапиришини, фикр юритишини биласизми? Бундай усулларни қўллашнинг сабабини топсангиз унда йўлбарснинг қўзичоқларни қандай эркалаши мумкинлиги ҳам ойдинлашади.

Жамиятимиздаги барча иллатлар ва салбий кўринишлар ҳайвонот олами иштирокида очиб берилади.

(давоми кейинги саҳифада)

[Gulchehra Ibragimova]

Ҳайвонот дунёсига оид китобларни би-ир ўқиб кўрсангиз йўлбарс ва қўй қанча вақтда нечтагача болалашини билиб оласиз... (Бир-биридан фарқи унчалик катта бўлмайди!)
Бу маслаҳатга ўзингиз аввало амал қилсангиз мақсадга мувофиқ бўларди!

Ман раиснинг қизиман. Отамиз қишлоқ хўжалиги бўйича таниқли инсонларданлар. Ўз-ўзидан чорвадор ҳам эдилар.Зотдор қўйлар йилда икки мартадан, гоҳо бир болалашда 2-3 тагача (кўпроқ эгиз)бола туғишини биламан! Ва кўрганман ҳам!

Яна бир гап, арпа экиб буғдой кутиб бўлмайди..Шер боласи шер, йўлбарсники йўлбарс, қўйники-қўй бўлади..

Йўлбарс ва қўйнинг фарқини сизга асослаб ўтиришим шартмасдир, деб ўйлайман. Унда жуда майдалашиб биринчи синф ўқувчисидан фарқимиз қолмайди.

Йўлбарслар ҳар икки -уч йилда бир марта болалайди. Улар бир бола қолдиришда 1, 2, 3 ҳатто баъзан тўртта ҳам болалайди. Аммо камдан-кам ҳолларда 2 та боласи яшаб қолади.Асосан 1 та боласи соғлом бўлиб вояга етади.

Яна сизга батафсил маълумот олиш учун йўлбарслар ҳақида ушбу википедияниниг ҳаволасини кўрсатиб қўя қоламан.Манба (http://ru.wikipedia.org/wiki/%D0%A2%D0%B8%D0%B3%D1%80)

Юқоридаги "масалсимон" гапларингиздан асло бунақа маъно чиқмайди, бу гапларнинг жўялироқ
Маъниси:
ҳам йўқ... :(
Бу гапингизни "Таълимий соний" асари муаллифи Ғуломуддин Акбарзодага айтарсизhttp://uforum.uz/images/icons/icon7.gif Манба ушбудир:

https://img.uforum.uz/thumbs/rnfmssv7042647.jpg (https://img.uforum.uz/images/rnfmssv7042647.jpg) https://img.uforum.uz/thumbs/xqxiuzx9324737.jpg (https://img.uforum.uz/images/xqxiuzx9324737.jpg)

Масал ҳам реалликка асосланиши лозим!
Модомики, масал ёзмоқчи бўлсангиз.. ўқиб чиқинг. Шер ва бошқа жониворлар образи қандоқ яратилишини ўрганасиз.
Ман масалчи эмасман, зора Сизнинг дуоларингиз билан масалчига айлансам.. Йўқ эмас, 2-3 та масал ёзганман.Лозим топсам ҳавола этарман. Ҳозирча Ўзбекистон Ёзувчилари ва Журналистлари Уюшмаси аъзоси, шоираман холос бор-йўғи 40 га яқин қўлланма ва тўпламлари чиққан..

Майли, ушбу "қимматли" маслаҳатингизга амал қиламан албатта. Чунки инсон бир умр ўрганиб яшайди..Инсоннинг мен ҳамма нарсани билиб бўлдим, дегани бу-унинг оқишдан тўхтаб , сасий бошлаган кўлмакка айланиб қолишидир..,дейишади.
Сўраб ўрганишдан ор қилмаслик керак, биласиз бу ҳам менинг айтганим эмас.

Ҳаётда англаб етган фалсафаларимдан бири:
"Ўзингни Эр билсан, ўзгани шер" деб билиш керак экан. Зеро ,"ақл ёшда эмас, бошда" бўларкан.

Сиз билан тортишишни ўзимга эп билмайман..Биринчидан эркак кишисиз, асосийси Домласиз, бир қанча шогирд десам бўлмасу, талабаларингиз билан бирга ишлайман, кўпчиликлари Форумга киришади.

Ўзингиз шуни хоҳлабсиз..ман унга яраша шунчаки жавоб қайтардим холос. Саломат бўлинг!

Бошқа бу мавзуга қайтмайман. Аммо ҳикматларни жойлаштиришда давом этаман.

Айрим гап-сўзларингиз менга болаликдаги машҳур масал адашмасам Криловнинг "Бўри билан қўзичоқ" масалидаги

"Айбинг шуки учраб қолдинг қорним очганда, Шундай қилиб қўзичоқни бўри ебди ўрмонда"..деган сатрларини ёдимга солиб қўйди http://uforum.uz/images/icons/icon7.gif

[Баходир кушаков]

Bilmagan narsalarimni oyog'im ostiga qo'yganimda, boshim ko'kka yetardi.Bu so'zning ma'nosini ham tushuntiring?_
Бир донишманд:-Шунча кўп ўрганиб,хеч нарсани ўрганмаганимни ўргандим деган экан.Бу ердаям: -Барча билмаган нарсаларимни оёғим остига бир бир устун қўйсам,бошим осмонга қадар етарди-дея,билмайдиган нарсаларини нақадар кўплигига иошра қилган бўлса керак.Жуда чиройли ва тўғри фикрни айтган экан Imomi A'zam Abu Hanifa

[bekww]

Бир қўй бир неча болалари билан бир сабзаворда ўтлаб юрган эди. Уларнинг ёнига бир йўлбарс келди ва қўйнинг болаларини кўриб яхши сўзлар билан суйиб, эркалай бошлабди.
Гулчеҳрахон, бу маталнинг муаллифи ким экан?
Ахир бекорга ҳам доно халқимиз "Йўлбарсдек" эмас, айнан "Қўчқордек" фарзандлар туғилишини тилайдику...
Яна хадис ҳам бор, қўй боқинг, қўйда барака бор деган.

[Gulchehra Ibragimova]

Гулчеҳрахон, бу маталнинг муаллифи ким экан?

Ассалому алейкум, ҳурматли Ойбек ака!

Бу мавзуга бошқа жавоб бермайман дегандим, аммо сўрабсиз - Сизнинг ҳурматингиз учун яна қисқача изоҳ бериб ўтай майли:

Эьтибор қилсангиз олдинги саҳифада муаллифи ва асарнинг ўзини, тўлиқ матнини (расми билан) айнан келтиргандим..

Қўшимча ва яна такрор айтишим мумкин-ки, ушбу "Таълими соний" рисоласи Тошкент шаҳридаги Ғулом Ҳасан Орифжонов матбаасида 1913 йил босилган нусха асосида 1993 йил да муаллиф Ғуломуддин Акбарзода томонидан нашрга тайёрланган. (Т, А.Қодирий номидаги халқ мероси нашриёти)

Ахир бекорга ҳам доно халқимиз "Йўлбарсдек" эмас, айнан "Қўчқордек" фарзандлар туғилишини тилайдику...
Яна хадис ҳам бор, қўй боқинг, қўйда барака бор деган.

Балки Сиз ҳақдирсиз.. Етти хазинанинг бири сифатида қўй ҳам борлигини инкор этмайман.

Аммо бу бир ёқлама ёндошиши бўлиб қолмасмикан? Масални қайта шарҳлаб ўтирмайман. Ахир унда қўйилган ғоя, мақсад ва вазифа бутунлай бошқача-ку..

Аммо менинг шахсий фикримни билмоқчи бўлсангиз, шахсан мен - мени ва болаларимни ожиз, юввош, ўзини ҳимоя қилолмайдиган қўйга ўхшатишларини умуман хоҳламаган бўлардим..

Ва бизни "кимлардир" қўйларга менгзашлари ҳам ёқмайди.

Айнан шу иккала ҳайвонлар: қўй (гўсфанд) ҳамда йўлбарс (паланг)ларнинг мучаллар таркибида борлиги ҳам аҳамиятли.

Кўпинча тилак билдирилаётганда давраларда ёки сўз ичида фарзандлардаги ботирлик хислатларига ишора қилиб: "Шерюрак фарзанд", "Шербилак", "Арслондек кучли", "Йўлбарсдек чаққон ва зийрак", "Йўлбарсдек кўзлари ўткир", "Арислон изидан, йигит сўзидан қайтмайди" каби сўзларини ишлатишларини гувоҳи бўламиз.

Бу сўзлар менимча қўйга ўхшатишдан кўра афзалроқ деб биламан..Янаям билмадим..кимга қандай..

[Nigora Umarova]

- Nega bizning millatimiz ayollaridan faylasuf ayollar chiqmagan?
- Chunki bizning ayollarimiz faylasuf bo'lishdan ko'ra faylasuflarni tarbiyalashni afzal ko'rishgan

[Gulchehra Ibragimova]

- Nega bizning millatimiz ayollaridan faylasuf ayollar chiqmagan?
- Chunki bizning ayollarimiz faylasuf bo'lishdan ko'ra faylasuflarni tarbiyalashni afzal ko'rishgan
У ҳaм oнa


“Пaйғaмбaрни бинo қилгaн у ҳaм oнa”
Улуғбeку, Aлишeрни туққaн oнa.
Ўлимлaрни мaҳв aйлaбoн ярaтгувчи
Oғир кундa ҳaр бaндaгa ярaгувчи -

У ҳaм oнa, у ҳaм aёл, у ҳaм сингил.

Oқ сут бeриб фaрзaндини aллaлaгaн,
Гўзaллик-лa ёр қaлбигa ўт қaлaгaн,
Ҳeч нoлимaс, мeҳнaтидaн ярлaқaгaн
Қaтoрингдa нoринг бўлсин дeб aлқaгaн-

У ҳaм oнa, у ҳaм oпa, у ҳaм aёл.

У ҳaм aёл, у ҳaм oнa ёки сингил
Гулдaн нoзик, тoшдaн қaттиқ, дoғли кўнгил
Сен борар йўл қутлуғ бўлсин буюк Aёл
Қуёш кaби тaфти иссиқ суюк Aёл

Буюк aёл, куюк aёл, суюк aёл...

1999 йил

[Tulqin Eshbekov]

"сабзавор" сўзи ўтлоқ

"Ўзбек тилининг изоҳли луғати" китобида бундоқ деб ёзилмаган экан...

Alisher Navoiyning otasi G'iyosiddin Kichkina ham Sabzavor viloyatining hokimi bo'lgan.

Жой номи бўлса, мана шундай катта ҳарфда бошланиши керак!

Шарафутдин Али Яздийнинг “Зафарнома», Амир Темур Кўрагон, “Қиссаи Темур”, Амир Темурнинг "Темур тузуклари", Алишер Навоийнинг 20 томлик ғазалларини топиб ўқисангиз Сабзаворнинг нима экани, у қандай жой экани, нимани англатиши ва маъносини билиб оласиз.

Айни пайтда лисонимизда жуда кам ишлатиладиган бунақа сўзни қўллаганда сноска билан аниқлик киритиб қўйиш керак! Сабзавор деган ўлкадами ё ўтлоқда?!

Шундай катта илм ва билимлар кони бўлган муқаддас даргоҳда..юрибсизу.

Шу муқаддас даргоҳда, бошқа олий таълим муассасаларида ҳам шундоқ ўргатишган ва биз ҳам ўз навбатида фикрни аниқ тушунтириш, теран фикрлашга ўргатмоқдамиз! :)

билмасангиз..ўқимаган бўлсангиз..

Ноаниқликка аниқлик киритиш лозимлигини билганимиз учун ҳам дўстона фикр билдирган эдик. Бунинг учун:

Шуни билмас экансиз уни бу тарзда билдирманг-да, уни билиб олишни ёки билмаган нарсасини сўрашнинг йўллари кўп-кў?!

деб таъна қилиш шарт эмас...

Анга сабза хати зангори онгла.

Тузуб ул сабзаи раъно уза базм.

Субҳидам тушиб шабнам, бўлди сабзалар хуррам,

Бу сатрларда Сиз ёзган "сабзавор" сўзи кўринмаяпти-ку?
Сабзалар эса ўз ўрнида ғоят гўзал қўлланилмоқда! Бу сабзалар устида йўлбарс билан қўйнинг "мулоқоти"ни тасаввур эта олмаяпман... :)

К-ў бишав зеру забар аз ашку оҳам Сабзавор,
З-онки шаҳри шоҳ бе Шоҳий намеояд ба кор115."

Бу ўринда ҳам Сабзавор бир ўлка, жой номи сифатида айтилмоқда. Ё, масалангиз қаҳрамонлари ўша ёқларда юрганмиди? У ҳолда ҳам, юқорида таъкидлаганимдек, ойдинлик киритиб қўйиш лозим эди! :)

[Tulqin Eshbekov]

Маркази Сабзавор шаҳри бўлган Сарбадорлар давлатининг (1337–1381) тарихда маълум из қолдирганлиги шубҳасиз.

Сабзаворга ҳоким қилиб
Сабзавор Хуросонга қарашли Ҳирот, Астробод, Нишопур каби салобатли шаҳарларидан бўлмаса-да, Бастом, Абивард, Домгон, Нишопур, Машҳад шаҳарларига яқин каттагина ҳудуд эди.
Сабзавордан Зафарони, Ринд, Бафре Меҳр дарёлари оқиб ўтар,

Демак, масалингиз воқеалари тарихий Сабзаворда юз берган шундайми? У ҳолда сноска қўйиб, ойдинлик киритсангиз яхши бўларди! :)

"Эй, майнинг тобланишидан сенинг рухсоринг гули ранг-баранг бўлади, жамолинг боғининг сабзаси озгина-ю гули кўпдир (Навоий)

Бу сатрларда ҳам масалингиздаги "сабзавор" йўқ, сабза сўзи ўзга маънода битилган!
Шунинг учун

мана энди "Сабзавор" ҳақида бемалол маъруза ўқиб, асар ёзсангиз ҳам бўлади!

деган фикрингизга қўшила олмайман ва унақа "асар" ёзмайман.

Эртак, матал, масаллар ҳақида, уларнинг ўзи нима, нимаси билан реалликдан, ҳаққониятдан фарқ қилади.
Ундаги ҳайвонлар образи ва асосийси уларниг мақсад ва вазифаси, сюжет қурилма ва тузилмалари ҳақида аввал ўзингиз билиб олсангиз бўларди.

Нима учун уларда ҳайвонлар образи ишлатилишини, улар нима учун инсонга ўхшаб гапиришини, фикр юритишини биласизми? Бундай усулларни қўллашнинг сабабини топсангиз унда йўлбарснинг қўзичоқларни қандай эркалаши мумкинлиги ҳам ойдинлашади.

Масал реал воқеликка асосланиши керак ва ундан ўқувчилар маъно топиши керак...

Ман раиснинг қизиман. Отамиз қишлоқ хўжалиги бўйича таниқли инсонларданлар. Ўз-ўзидан чорвадор ҳам эдилар.Зотдор қўйлар йилда икки мартадан, гоҳо бир болалашда 2-3 тагача (кўпроқ эгиз)бола туғишини биламан! Ва кўрганман ҳам!

Яна бир гап, арпа экиб буғдой кутиб бўлмайди..Шер боласи шер, йўлбарсники йўлбарс, қўйники-қўй бўлади..

Қўй қачон, нечта туғишидан қатъи назар уни бирор шаклда ҳақорат қилиб бўлмайди!!! Муқаддас китобларда ҳам номи қайд этилган қўй одамзодга шу қадар файз-барака келтираётган экан, уни қадрлаш лозим!! Халқона тилимизда уни доим эъзозлаб гапиришларини яхши биласиз!
Барибир, масалангиздаги йўлбарс образи ғоят бачкана, ғийбатчи қилиб тасвирланганини ҳазм қилиб бўлмайди...

Азиз Гулчеҳрахон!
Куюнчаклик билан ёзаётган кўп фикрларингизни қадрлайман ва олқишлайман!
Шунақа масаллар ёзганингизда иложи бўлса, "Ўзбекистон адабиёти ва санъати"даги ходимларга бир кўрсатиб олсангиз мақсадга мувофиқ бўларди. Яхши масал бўлса, улар ҳам ўша нашрда ёритишади!!
Сизга ижодий баркамоллик, ижоднинг машаққатли сўқмоқларида омадлар тилаб қоламан!

[Masud Mahsudov]

Domla, forschada shu sabzavor so'zi o'tloq ma'nosida kelgani sabab, men keltirgandim. O'zbek tilining izohli lug'atida bu so'z bo'lmasligi mumkin... Gulchehra opa u so'zni atoqli ot sifatidda keltirib, Sizga javob berganlari, chindan ham noo'rin, yuqoridagi masalda u turdosh ot sifatida qo'llanilgan.

[Tulqin Eshbekov]

forschada shu sabzavor so'zi o'tloq ma'nosida kelgani sabab, men keltirgandim.

Савияси турли даражадаги ўқувчиларимизга имкон қадар тушунарли қилиб ёзсак, баъзи шундоқ ўринларда изоҳ бериб кетсак мақсадга мувофиқ бўларди, демоқчиман.

[Tulqin Eshbekov]

Шундай ёзайликки, сўзларимиз "нишон"дан нарига йироқлаб кетмасин! :)

[Gulchehra Ibragimova]

u so'zni atoqli ot sifatidda keltirib, Sizga javob berganlari, chindan ham noo'rin, yuqoridagi masalda u turdosh ot sifatida qo'llanilgan.
[QUOTE=Nigora Umarova;711771][QUOTE=Masud Mahsudov;711764]Домла, "сабзавор" сўзи ўтлоқ, равза сўзларига синоним бўлиб келади бадиий адабиётда...

Фикримча, юқорида Гулчеҳра опа келтирган масалда себзавор сўзи ўтлоқ маъносида қўлланилган. Сиз айтган вилоятнинг номи ҳам шу сўзнинг атоқли отга айлантирилгани, деб ўйлайман :)

Юқоридаги саҳифаларда айнан "Сабзавор" сўзининг ҳам атоқли ҳам турдош кўринишидаги шаклларига тўлиқ жавоб бериб ўтдим. Бу ўринда Сиз айтган ўша "ноўрин" сўзининг ишлатганлигингизнинг ўзи ноўрин.

Унда мана бу ўзингиз келтирган сўзларингизга ўзингиз қарши бўлиб қоласиз:Tarixda Eronda Sabzavor viloyati bo'lgan. Ibn Sino haqidagi roman va qissalarni, rivoyatlarni o'qisangiz, ushbu joy nomiga duch kelasiz.
Alisher Navoiyning otasi G'iyosiddin Kichkina ham Sabzavor viloyatining hokimi bo'lgan. Bu haqida tarixchi olim Umid Bekmuhammadning maqolalari orqali bilib olishingiz mumkin.

[Masud Mahsudov]

Gapimni tushunmabsiz, Siz keltirgan manbalarda aynan "sabzavor" so'zi atoqli ot bo'lib kelgan, turdosh ot bo'lib emas! Sabz, sabza so'zlari bilan sabzavor so'zining o'zagi, biroq aynan u so'z emas-ku...

Siz keltirgan masalda esa, u so'z aynan o'tloq ma'nosida kelgan, vaholangki, O'zbekcha-ruscha lug'atda ham, Izohli lug'atda ham bu so'z keltirilmagan.

Men o'zim ishlatayotgan har qaysi so'zning o'rinli yoki noor'in ekanligini bilaman, opajon :)

Siz yuqorida men aytgan so'zni yozishingiz kerak edi, bunga e'tiborsizlik qilgansiz. (turdosh otning atoqli otga aylantirilgani haqidagi fikrim)

[Gulchehra Ibragimova]

Қўй қачон, нечта туғишидан қатъи назар уни бирор шаклда ҳақорат қилиб бўлмайди!!!

Ҳайвонку ҳайвон, аввало биз бу оламнинг гултожи бўлган инсонларни ҳурмат қилишни ўрганволайлик..http://uforum.uz/images/icons/icon12.gif

[Tulqin Eshbekov]

инсонларни ҳурмат қилиш

Аслида масалингизда ҳам шу ғояни кўтармоқчи бўлганингизни англаш қийин эмас! Фақат, бадиий жиҳатдан (ва мантиқан) бўш-баёвлиги учун бироз баҳслашдик-да... :)
Сизга яна бир бора ижодий парвозлар, омад тилайман!!!

[Mahmud Jurat]

бадиий жиҳатдан (ва мантиқан) бўш-баёвлиги учун бироз баҳслашдик-да.

Баҳслашишга ўрин бормиди...? Ахир, Гулчеҳра манбасини кўрсатди-ку. Гулчеҳра ушбу масалга муаллифлик даъво қилган эмас. Ҳар ҳолда... Гулчеҳрага нисбатан анча ортиқчароқ гапирилди, чоғи. Мен узр сўраган бўлар эдим.

[Tulqin Eshbekov]

узр сўраган бўлар эдим.

Узрингизни қабул қилдим! :)

Баҳслашишга ўрин бормиди...?

Ҳаммасини эътибор билан ўқиганингизда билардингиз-ов...

Гулчеҳра манбасини кўрсатди-ку. Гулчеҳра ушбу масалга муаллифлик даъво қилган эмас.

Гулчеҳрахонни тинч қўйсангиз, қўйдек ювош - АЖОЙИБ форумдошимиз бўлиб қолардингиз! ;)
Шунда у ҳам узингизни қабул қиларди!!! :) :) :)

[Tulqin Eshbekov]

узингизни

Шошиб ёзганда битта имловий хато ўтиб кетибди: "узингизни" - узрингизни, деб ўқилсин!
Ўзингизни эса меҳмонга қабул қилаверамиз! ;)

[Mahmud Jurat]

Узрингизни қабул қилдим!
Сиздан узр сўраганим йўқ, уқиб ўқинг. Гулчеҳрадан узр сўралса яхши бўлар эди, деб ёзганман. Демак, хафа қилганлар узр сўраши керак, (уқмаганлар учун) мен эмас.

[Tulqin Eshbekov]

Гулчеҳрадан узр сўралса яхши бўлар эди

Теран фикрли ижодкор форумдошимиз Гулчеҳрахон адабий суҳбатларимиздан балки миннатдор бўлаётгандир? Ҳозир бўлмаса, кейинроқ албатта масаланинг моҳиятини янада теранроқ англаб мамнун бўлишига умид қиламан.
Бироқ, сизнинг

уқмаган

ҳолда айтган бу гапингиз ярашмаган ямоқдек бўлгани учун

Узрингизни қабул қилдим

дея кулгига буришга ҳаракат қилдим...
Олижаноблик яхши, фақат у ўз ўрнида бўлса! :)

[Maestro]

Гулчеҳрадан узр сўралса яхши бўлар эди

Бэ, Гулчехрахон ким бўлибдилар? Бу ёқда
"Таълимий соний" асари муаллифи Ғуломуддин Акбарзода
дабдала бўлиб кетганда? ;-)
Гулчехра опа тортишишга истехола қиладилар, юз йил аввал яшаган Ғуломуддин Акбарзода эса жавоб беролмайдилар, Сизнинг гапингиз бўлса ярашмаган ямоқ... Қандай яхши, завқ-шавқ билан хали анча давом эттириш мумкин... Илхом парисини чўчитмасангиз-чи ;-)

[Tulqin Eshbekov]

Илхом парисини чўчитмасангиз-чи ;-)

Бир гал "столнинг тагига кириб кетганингиз" ҳақидаги гапни ўқиб кулгим қистаган, ўзимча сизни ҳазилкаш инсон экан, дея тасаввур этгандим. Бунча пичинглардан кўра ўша жойда яна бироз дам олсангиз бўларкан, демоқчи эмасман, деганим ҳам йўқ! Бунақа тортишманглар, дея модераторимиз урмасин ҳеч дўқ... :)

[bekww]

Аммо бу бир ёқлама ёндошиши бўлиб қолмасмикан? Масални қайта шарҳлаб ўтирмайман. Ахир унда қўйилган ғоя, мақсад ва вазифа бутунлай бошқача-ку..

- Ваалейкум ассалом, Гулчеҳрахон! Раҳмат жавобингиз учун! Сиз келтиган масал мени жуда қизиқтириб қўйди. Менинг фикримча бу асарда қўй оми, ўқимаган одамларнинг онаси, йўлбарс эса зиёлиларнинг онаси тимсолида келтирилган. Янада умумлаштирадиган бўлсак она қўй - оддий қора халқ, она йўлбарс эса интеллигенция тимсолларидадир. Шундай экан, савол туғулади: зиёлилар халқ учун яшаб хизмат қиладими ёки халқ зиёлиларгами? Интеллигенция халқга хизмат қилиши керак деб ўйлайман. Яна битта фикр ҳақиқий зиёли одам ўзини ёки ҳали туғилмаган фарзандини бу масалдаги йўлбарсдек бошқалардан устун қўймаса керак.

[Qadriyat]

Hindiston shayxul-islomi Husayn Ahmad Madaniy poyezdda shogirdlari bilan birga ketayotsalar, oldilariga bir ingliz kishi ayoli bilan chiqib o‘tiribdi. U zotga xizmat qilayotgan muridlarni ko‘rib, bu qaysi mashhur odam ekan, deb surishtiribdi. U kishining shayxul-islom ekanini bilgach, savol beribdi:
— Hazrat, mening bir masalada Islomga e’tirozim bor. Nega sizlarda ayollarni yopinib yurishga buyurilgan? Go‘yoki ochiq kiyinish erkaklarning yo‘ldan urilishiga sabab bo‘larkan, zinoga da’vat qilar ekan? Mana, mening xotinim, sochlarini yoyib, kalta kiyimlarni kiyib olib, oldimda o‘tiribdi. Ayting-chi, u ushbu poyezdda ketayotgan kimni gunohga da’vat etyapti?
Hazrat javob bermabdilar. Indamay o‘tiraveribdilar. Bir soatdan so‘ng shogirdlaridan biriga limon choy buyuribdilar. Shakar solingan choyga limonni to‘rg‘ayotib, inglizga qarasalar, limonning mazasiga og‘zidan suvi kelayotgan ekan. Shunda aytibdilar:
— Og‘zingizga suv keldimi? Limon shunday narsaki, tabiatan nordon bo‘lganligi sa*babli, uni kesilganda odamning og‘zidan suv keladi. Kichkinagina, jonsiz limon suvingizni oqizib yubordi-ku. Xotiningizning esa joni bor, go‘zalligi, husni jamoli bor, jodu ko‘zlari bor. Qanday qilib u birovlar*ning og‘zidan suvni oqizdirmaydi?

Yorqinjon qori ma’ruzalari asosida tayyorlandi.
http://www.qadriyat.uz/index.php?act=3&nid=85

[Tulqin Eshbekov]

Яхши инсонга берилган мукофот - унинг яхши фазилатларидир!
Ёмонга берилган жазо - ёмон характери... Бунинг оқибатида у ўзгаларга озор бериб, ўзининг ҳам боши ғам-андуҳлардан чиқмай юради...

[Баходир кушаков]

Шерларнинг ичинда қуён юрмағай,
Юрса ҳам ҳеч қачон шер бўлолмағай.
Ростини билмоқчи бўлсанг ҳойнаҳой.
Билиб қўй,шерларнинг макониданман.

(Шерали Жўраев қўшиғидан)
Қўй ҳам йўлбарс бўлолмайди,маъно шу, яна нимаси тушинарсиз?Фарзандини Йўлбарсга ўҳшашини ким ҳоҳламайди.Қўйга ўҳшаб,баааараб юргандан кўра.

[Tulqin Eshbekov]

Ҳар ким қилса - ўзига!

[Nigora Umarova]

Чақмоқ қанчалик баландда чақмасин, эгри бўлгани учун ернинг қаърига борур.

Шамки, тўғри, адлдир – куйса ҳам бошдан-оёқ нур бўлиб куюр

Кишиларни бахтли кўрмакнинг ўзи бахтдир

Кўмирчининг юзи қаро, жаллоднинг кўзи қон бўлганидек, разилларнинг разолати улар учун жазо ва шармандаликдир

Бир гул юз ғунча очади

Табиатнинг ўзи ҳусни мутлақнинг бепоён жилвалар кўрсатган улуғ кўзгусидир…

Ойбекнинг "Навоий" романидан