7 апрел - Бутунжаҳон Саломатлик куни

[Komil Eriev]

Ҳар йили 7 апрелда Бутунжаҳон Саломатлик куни нишонланади. Жаҳон Соғлиқни сақлаш Ташкилоти Саломатлик кунининг 2008 йилдаги мавзуси этиб "Саломатликни иқлим ўзгариши таъсиридан сақлайлик!" деган шиорни белгилади.

"ЭКОСАН" халқаро ташкилоти Бутунжаҳон Саломатлик куни муносабати билан
6 апрелда "Спорт, экология ва саломатлик" шиори остида талабалар экомарафонини ўтказади. Марафонда Тошкент шаҳридаги барча олий ўқув юртлари талабалари, "ЭКОСАН" фаоллари, спорт фахрийлари иштирок этадилар...

[Bahriddin Shayvaliev]

Дунё жамоатчилиги томонидан ҳар йили 7 апрел – Бутунжаҳон саломатлик куни кенг нишонланади. «ЭКОСАН» халқаро ташкилоти Бутунжаҳон Саломатлик куни муносабати билан, анъанага кўра “Спорт, экология ва саломатлик” шиори остида талабалар экомарафонини ўтказди. Марафонда Тошкент шаҳридаги барча олий ўқув юртларининг талабалари, “ЭКОСАН” фаоллари, спорт фахрийлари иштирок этди.
Шунингдек Экомарафонда вазирликлар, жамоат ташкилотларининг раҳбар ва вакиллари, Ўзбекистонда аккредитация қилинган дипломатик корпус вакиллари, ёш санъаткорлар иштирок этдилар.

Экомарафонни ўтказиш бўйича “ЭКОСАН”нинг ташаббусини Ўзбекистон Республикаси Олий ва ўрта маҳсус таълим вазирлиги, Мирзо Улуғбек номидаги Ўзбекистон Миллий университети, Собир Рахимов тумани ва “Ёшлик” талабалар шаҳарчаси хокимиятлари, Тошкент шаҳар Ички ишлар, Соғлиқни сақлаш, Маданият ва спорт ишлари бўйича Бош бошқармалари, Тошкнт давлат физкультура институти қўллаб-қувватлади ва уни ташкил қилишда фаол иштирок этдилар.
Экомарафоннинг тантанали очилишида “ЭКОСАН” халқаро ташкилоти раиси Юсуфжон Шодиметович Шодиметов; Ўзбекистон Республикаси Олий ва ўрта маҳсус таълим вазирининг биринчи ўринбосари Мухитдинов Акмал Анварович; «Ёшлик» талабалар шаҳарчасининг ҳокими Чориев Рўзимурод Кунғиротович; Тошкент давлат физкультура институтининг проректори Шокиржонова Клара Тошкенбаевна ва бошқалар сўзга чиқдилар. Улар таъкидлаганидек, 2008 йилдаги «Саломатлик куни»нинг мавзуси - «Саломатликни иқлим ўзгариши таъсиридан ҳимоя қиламиз!”, - деб белгиланди ва мазкур куннинг вазифаларидан бири – иқлим ўзгариши оқибатларининг саломатликка салбий таъсирини камайтиришга йўналтирилган глобал компанияга жамоатчиликни жалб қилишдан иборатдир.
Бунинг учун, биринчидан, иқлим ўзгаришининг глобал ва маҳаллий оқибатларининг кенг жамоатчилик томонидан тушунилиши ва бу борада бохабарлиги оширилиши керак бўлади. Иккинчидан эса, маҳаллий ҳокимият идоралари, саломатликни муҳофаза қилиш тизимлари, вазирлик ва идоралар, фуқаролик жамияти институтларининг барчасини жалб қилган ҳолда иқлим ўзгариши оқибатларини камайтириш борасида самарали чоралар кўрилиши, ва бунда адаптация (мослушув) усулларини қўллаш талаб этилади. Бутунжаҳон саломатлик ташкилоти (ВОЗ)нинг Бош директори доктор Маргарет Чен Бутунжаҳон саломатлик куни муносабати билан йўллаган хатида, « …иқлим ўзгаришлари давримизнинг энг жиддий муаммоларидандир. Жорий йилдаги Бутунжаҳон саломатлик куни саломатликни иқлим ўзгаришининг салбий оқибатларидан ҳимоя қилиш кераклигига урғу берган ҳолда ўтказилмоқда. Бутунжаҳон саломатлик кунига бағишланган тадбирларни ташкил қилишга шахсий тарафдорлигингизни намоён қилиш билан бирга бу кунга алоҳида маъно бериш ва ҳар бир инсон томонидан саломатлик муаммолари ҳамда эришилиши лозим бўлган мақсадларни кечиктириб бўлмаслигини англаб етишни таъминлаш зарур. Ҳар бир тадбир, ҳар бир овоз ҳар гал иқлимни барқарорлаштиришга қаратилган аҳамиятли ўзгаришларга бўлган тарафдорликни ва шижоатни кўпайтириши керакдир…
Келинглар шундай ҳаракат қилайликки, 2008 йилда «Саломатликни иқлим ўзгариши таъсиридан ҳимоя қиламиз!” деб номланган Бутунжаҳон саломатлик куни ҳақиқий глобал миқёсдаги ҳаракатларга имкониятларни очиб беришга кескин ўзгариш ясайдиган ходиса бўлиб қолсин.
Бугун бўлиб ўтган экомарафон шуни кўрстатдики, ёши ва ловозимига қарамасдан ҳар бир инсон шундай тадбирларда иштирок этиши мумкин. Шунингдек, спорт билан шуғулланиш, ҳар куни 5-10 км. пиёда юриш, югуриш инсон саломатлигини тиклайди ва узоқ умр кўришига ҳисса қўшади. Шу муносабат билан бундай тадбирларга ёшларни жалб қилиш муҳим аҳамият касб этади.
Марафонда пойтахтдаги барча олий ўқув юртларидан, жумладан Ички ишлар вазирлиги, Божхона ва Солиқ давлат қўмиталари тизимидаги олий ўқув юртларининг талабалари иштирок этдилар. Шунингдек, марафонда Қозоғистон Республикаси, Россия Федерациясининг Ўзбекистондаги элчихоналарининг ходимлари иштирок этдилар.
Марафоннинг 25 кишидан иборат ҳакамлар ҳайъати Тошкент шаҳар маданият ва спорт ишлари бўйича бошқарма, Енгил атлетика федерацияси, Тошкент физкультура институти ва бошқа олий ўқув юртлари вакилларидан белгиланди.
Тўрт мингдан зиёд киши иштирок этган ушбу марафон Ўзбекистон Миллий университетининг Маданият саройи майдонидан старт олди. Дастлаб 2300 м масофага қизлар, сўнг ўғил болалар старт олди.
Марафон маршрути Университет, Талабалар ва Қамарнисо кўчалари орқали ўтди. Марафон трассасида назоратни амалга ошириш мақсадида Тошкент физкультура институтининг 100та студенти жалб этилди.
Ғолиблар икки номинация бўйича, яъни йигитлар ва қизлар аниқланди. Марафон ғолиблари ва бошқа фаол иштирокчилари тадбир якунида тантанали равишда “ЭКОСАН” халқаро ташкилотининг эсдалик совғалари билан тақдирландилар.
Йигитлар:
Эрматов Барот, Тошкент тиббиёт академияси талабаси; Кулиев Руслан, Олий ҳарбий ўқув юрти курсанти; Гордеев Сергей, ИИВ Академияси курсанти ; Муслинин Алексей, Олий ҳарбий ўқув юрти курсанти; Заиров Дилрук, Тошкент кимё-технология институтин талабаси; Ганиев Дилшод, Тошкент тиббиёт академияси талабаси; Джураев Давлат, Иқтисодиёт университети талабаси; Абушко Ремиль, Рассомлик ва дизайн Миллий институти талабаси
Қизлар:
Шамсиддинова Ляля, Ўзбекистон давлат жаҳон тиллари университети; Никитюк Наталья, Ўзбекистон Миллий университети талабаси; Черепенникова Вероника, Ўзбекистон Миллий университети талабаси; Кузибаева Камола, Ўзбекистон Миллий университети талабаси; Курценко Кира, Ўзбекистон Миллий университети талабаси; Исакова Екатерина, Ўзбекистон Миллий университети талабаси; Сатарова Гулшона, Санъат институти талабаси Шапошникова Светлана, Ўзбекистон Миллий университети талабаси; Зацепилова Александра, Ўзбекистон Миллий университети талабаси; Худойбердиева Рушона, Тошкент давлат аграр университети талабаси.

[Anvar Latipov]

marofonlar o`tkazilgani yaxshi albatta, lekin real hayotga yanayam yaqinlashilsa zo`r bo`lar edi. Eng muhimi jamoatchilikda sog`lom turmush tarzi to`g`risida tushunchani shakllantirish kerak.

[Aziza Abdunabiyeva]

marofonlar o`tkazilgani yaxshi albatta, lekin real hayotga yanayam yaqinlashilsa zo`r bo`lar edi. Eng muhimi jamoatchilikda sog`lom turmush tarzi to`g`risida tushunchani shakllantirish kerak.


Men ham sizning fikringizga qo'shilaman, lekin, marafonlar o'tkazilishining o'zi ham real hayotda salomatlik masalalariga e'tibor kuchayayotganini bildiradi. Jamoatchilikda sog'lom turmush tushunchasini mana shu kabi marafonlar orqali shakllantirilmasa, yana nima qilish kerak?

[Sanjarbek Rizoqulov]

marofonlar o`tkazilgani yaxshi albatta, lekin real hayotga yanayam yaqinlashilsa zo`r bo`lar edi. Eng muhimi jamoatchilikda sog`lom turmush tarzi to`g`risida tushunchani shakllantirish kerak.


Men ham sizning fikringizga qo'shilaman, lekin, marafonlar o'tkazilishining o'zi ham real hayotda salomatlik masalalariga e'tibor kuchayayotganini bildiradi. Jamoatchilikda sog'lom turmush tushunchasini mana shu kabi marafonlar orqali shakllantirilmasa, yana nima qilish kerak?

Fikringizda jon bor, marafonlar o`tkazilishi ham ta`siri bor albatta, lekin uning samaradorligi sal bahstalabroq.
Sababi:
Men bilgan marafonlarda aksar yoshlar majburan qatnashadilar, ya`ni o`qish joyidan yotoqxonadan va hkz. Yan amarafonlar auditoriyasini keng deb aytib bo`lmaydi.
Sog`lom turmush tarzini esa yanada kengroq ko`lamda va muntazam o`tkazilishi kerak.
Misol uchun,
Avvalo oiladan. Ota-onalar yoshlikdan farzand ongiga buni singdirishi kerak.
Ta`lim muassasalarida uni targ`ib qilishdan charchamaslik lozim.
Bundan tashqari fuqarolik institutlari bor. Ulardan eng ta`sir kuch kattasi bu shubhasiz OAV dir. Doimiy tarzda bu mavzuni yoritish maqsadga muvofiqdir.