Shokir Dolimov
01.08.2013, 19:13
Хонадоннинг бир бурчагида яратиладиган мўъжазгина жонли табиат соҳиби бўлиш – ҳар бир кишининг орзуси, десам, муболаға қилмаган бўламан. Зеро, ўзим ҳам болаликдан ит, мушук, олмахон, тўти, қуён ва шу каби, кўплаб бошқа жониворларни, ҳатто бургут, айиқ ёки шер боқишни ҳавас қилиб келганман.
Шаҳар шароитида, хусусан, кўп қаватли уй хонадонида боқиладиган жонивор ҳақида фикр юритар экан, киши беихтиёр аквариумда тўхталади. Негаки, аквариум чиндан ҳам юқорида зикр этилган орзуга эришишнинг энг оддий ва гигиеник жиҳатдан тўғри йўлидир. Бундан ташқари, аквариум хонадонингизни безаб турадиган элемент сифатида хизмат қилади. Унинг ичидаги турли-туман митти балиқлар эса истиқоматгоҳга шинамлик ва уйғунлик бахш этади.
Аксарият психологлар томонидан билдирилаётган фикр-мулоҳазаларга қараганда, аквариум инсон психикасига ижобий таъсир ўтказар, балиқлар ҳаракатини қисқа вақт бўлса-да, кузатиб ўтирса, қаттиқ ҳаяжондан халос бўлиб, ички дунёсида хотиржамлик ва руҳий уйғунлик қарор топар экан. Агар киши аквариум балиқларини ўзи боқиб кўпайтирадиган бўлса, ўзини худди ўзига хос олам соҳиби сифатида ҳис этар экан.
Шундай экан, катта ҳаяжон-ла Тошкент аквариум сайтига ташриф буюрдим. Ушбу сайт аквариумда боқиладиган митти балиқларга қизиқиш билдирганлар учун мўлжалланган бўлиб, кўплаб саволларга жавоб топиш, ғаройиб сув ости оламида саёҳат қилиш имконини беради. Ахир улкан уммоннинг бир бўлаги уйингизда бўлса, ёмонми?!
Сайтга киришим ҳамоно, соҳа мутахассислари мени илиқ қарши олиб, аквариум – ўз қонуниятига эга бутун бошли экологик тизим эканлиги, унинг гўзал манзарасидан ҳузур қилиш учун уни нафақат хонадонга мос келтириб ўрната билиш, балки ичида кечадиган ҳаётий жараён, турли-туман балиқ зотлари, сунъий сув ҳавзасини тўғри тутиш усуллари ва балиқ боқишнинг ўзига хос жиҳатларини билиш зарурлигини уқтириб ўтишди. Бунинг учун эса даставвал Тошкент аквариум сайтининг бош маъмури, соҳанинг йирик мутахассиси Владислав Губенконинг қаламига мансуб «Аквариум ишини эндигина бошлаганлар манифести» (рус. «Манифест начинающих аквариумистов») билан батафсил танишиб чиқишни тавсия этишди.
Мен ушбу қоидалар мажмуи билан нафақат танишиб чиқдим, балки тилимизга таржима қилиб, сиз билан ўртоқлашишга аҳд қилдим, марҳамат:
http://aquatropic.uz/forum/index.php?showtopic=2370
Шаҳар шароитида, хусусан, кўп қаватли уй хонадонида боқиладиган жонивор ҳақида фикр юритар экан, киши беихтиёр аквариумда тўхталади. Негаки, аквариум чиндан ҳам юқорида зикр этилган орзуга эришишнинг энг оддий ва гигиеник жиҳатдан тўғри йўлидир. Бундан ташқари, аквариум хонадонингизни безаб турадиган элемент сифатида хизмат қилади. Унинг ичидаги турли-туман митти балиқлар эса истиқоматгоҳга шинамлик ва уйғунлик бахш этади.
Аксарият психологлар томонидан билдирилаётган фикр-мулоҳазаларга қараганда, аквариум инсон психикасига ижобий таъсир ўтказар, балиқлар ҳаракатини қисқа вақт бўлса-да, кузатиб ўтирса, қаттиқ ҳаяжондан халос бўлиб, ички дунёсида хотиржамлик ва руҳий уйғунлик қарор топар экан. Агар киши аквариум балиқларини ўзи боқиб кўпайтирадиган бўлса, ўзини худди ўзига хос олам соҳиби сифатида ҳис этар экан.
Шундай экан, катта ҳаяжон-ла Тошкент аквариум сайтига ташриф буюрдим. Ушбу сайт аквариумда боқиладиган митти балиқларга қизиқиш билдирганлар учун мўлжалланган бўлиб, кўплаб саволларга жавоб топиш, ғаройиб сув ости оламида саёҳат қилиш имконини беради. Ахир улкан уммоннинг бир бўлаги уйингизда бўлса, ёмонми?!
Сайтга киришим ҳамоно, соҳа мутахассислари мени илиқ қарши олиб, аквариум – ўз қонуниятига эга бутун бошли экологик тизим эканлиги, унинг гўзал манзарасидан ҳузур қилиш учун уни нафақат хонадонга мос келтириб ўрната билиш, балки ичида кечадиган ҳаётий жараён, турли-туман балиқ зотлари, сунъий сув ҳавзасини тўғри тутиш усуллари ва балиқ боқишнинг ўзига хос жиҳатларини билиш зарурлигини уқтириб ўтишди. Бунинг учун эса даставвал Тошкент аквариум сайтининг бош маъмури, соҳанинг йирик мутахассиси Владислав Губенконинг қаламига мансуб «Аквариум ишини эндигина бошлаганлар манифести» (рус. «Манифест начинающих аквариумистов») билан батафсил танишиб чиқишни тавсия этишди.
Мен ушбу қоидалар мажмуи билан нафақат танишиб чиқдим, балки тилимизга таржима қилиб, сиз билан ўртоқлашишга аҳд қилдим, марҳамат:
http://aquatropic.uz/forum/index.php?showtopic=2370