Просмотр полной версии : Men- Majnunman, she'rim, Sen-Layli!
Uforumning 5 yilligiga bag'ishlanadigan ushbu tadbirga uforumning barcha zabardast shoir va shoiralarini chuqur hurmat bilan taklif etaman. Barcha akaxonu opalarimiz, uka-singillarimiz o'zlarining aynan yangi ijodlari bilan biz muxlis va muxlisalarini xursand qiladilar degan umiddaman. Ushbu tadbirning sharti shuki yangi, ya'ni kecha emas, o'tgan kuni emas, 1 yil oldin yozilgan she'rlarini emas, balki bugun yoki ertaga, indinga, xullas yanagi hafta davomida ham yozilgan she'rlarini, quyida qo'yib borishlarini kutib qolamiz. Albatta, uzun she'r bo'lishi shart emas, chunki ijodga shart qo'yib bo'lmaydi. 4 qator she'r bo'lsa ham mayli yoki 2 misrali masnaviy bo'lsa ham mayli, asosiysi, yangi ijod bo'lsin. Bu bilan ishtirokchilar o'zlarining uforumga bo'lgan hurmat va e'tiborlarini ko'rsatadilar degan umiddaman. Mavzuga chegara yo'q, erkin mavzu: dard, alam, muhabbat, ayriliq, firoq, visol, qish, kuz, bahor, umid, ishonch va h.k....She'rlar biz she'r shinavadalari tomonidan zo'r olqishlar bilan rahmatlar bilan qarshilanadilar...
Chuqur hurmat bilan....
Симсиёҳ сочларинг дорми, дилдорим,
Терилган киприклар, айтгил, найзами?
Сенда дил дегани борми, дилдорим,
Мени соғинмайсанми?
Gulchehra opa, Alisher aka Asror, Mahmud Jurat aka, albatros, Kavsar, Aliye BlackAngel, Nigora Sizlarning ham she'rlaringizni kutib qolamiz...Kimni ismini yozmagan bo'lsam uzr...hammani nazarga ilgan edim...yodimda qolgan ismlarni yozdim-da...men bilmagan shoirlarimz ko'pdir bu uforumda...
Ой деб булутларга ўт солди чақмоқ,
Ерга тушди ёмғир излаб майсани...
Термулиб осмонга (кўзларинг чақноқ)
Мени соғинмайсанми?...
Mahmud Jurat
18.11.2011, 02:05
***
Ҳар баҳор шундайдир, такрор бу олам,
Ёмғирнинг йиғиси дилларга нажот.
Буни сен ҳам такрор қиласан болам,
Ҳар дилда шу сирдан барқ урар ҳаёт.
Токи дудоқларда ўйнар табассум,
Мажнунлар дунёга келаверади.
Бахт асли яшамоқ, бўлса ҳам бир зум,
Муҳаббат сирини Тангри беради.
(С)
Alisher Asror
18.11.2011, 14:44
Qish keladi sovug’ini suqqali,
Dard keladi mardumlarni yiqqali,
Qancha umr berganini bilmaymiz ,
Payt bo’lurmi, huuuv, cho’qqiga chiqqali!?
Biz baxtli bo`lamiz.
Biz baxtli bo`lamiz Xudo xohlasa...
Muhammad Yusuf
Faqat sen...
Faqat men...
Faqat muhabbat,
Taqdir tortgan paykon nishonga yetdi...
Nogahon to`qnashdik Hayot bag`rida,
Birdan go`yo Dunyo yorishib ketdi...
Qalblarni bog`lagan rishta bo`lsa ham,
Bu ishqda ikki dil xato, dedilar…
Osmondek soyangni ko`rganlar meni
Sening sevgingga mos ko`rmas edilar…
Sen ketding…
Men qoldim…
Qoldi muhabbat,
Men-la yana g`amgin xotirang qoldi…
Sevgimiz baxtini istagan hislar
Ehtimol, qalbimga berkinib oldi…
Ming yillar qalbimni joynamoz bilgan
Muhabbat Ka`baga qilib ibodat
Bizni uchrashtirgan Parvardigordan
Yana bir diydorga so`rar ijozat…
Sen qaytding…
Men – shodon,
Muhabbat – shodon,
Umidim lolasi yana gulladi…
Bizni ajratmoqchi bo`lgan odamlar
Qalbimizda ne bor – qaydan biladi?!
Biz baxtli bo`lamiz bir kuni albat,
Yashaymiz – muhabbat sharobidan mast…
Gar Olloh bir qilsa qalblarimizni,
Bizlarni ajratish bandasigamas…
Biz baxtli bo`lamiz bir kuni albat,
Faqat Sen,
Faqat Men,
Faqat Muhabbat!
Aliye BlackANGEL, barakallo, cheksiz qoyillar! Nima desam ekan, faqat va faqat yaxshilikni tilayman, duoga qo'l ochdim, iloyim ijodingiz bundan-da rivojlanib, takomillashib borsin, marhuma Zulfiya Aya ijodidek asrlar davomida ijodingiz qaddini hamisha shamshoddek tutib yashasin!
cheksiz hurmat ila....
Aliye BlackANGEL, barakallo, cheksiz qoyillar! Nima desam ekan, faqat va faqat yaxshilikni tilayman, duoga qo'l ochdim, iloyim ijodingiz bundan-da rivojlanib, takomillashib borsin, marhuma Zulfiya Aya ijodidek asrlar davomida ijodingiz qaddini hamisha shamshoddek tutib yashasin!
cheksiz hurmat ila....
Tilaklaringiz uchun tashakkur, ilohim, aytganingiz kelsin!
Yuqorida o'z she'rlarini quyib kelgan ijodkrolarimizga ham katta rahmatlar aytaman, bir og'iz gapimni yerda qoldirmaganingiz uchun tashakkur, kam bo'lmang hech qachon, oilaviy tinchlik-osudalik tilayman, farzandlaringiz boshida hamisha sog'-omon yuringlar. Qolgan ijodkorlardan ham ajoyib she'rlarini kutib qolamiz....
albatros
18.11.2011, 21:42
Choh qazsa do'stlaring, senga tosh otib,
Do'stingman-desayu ketsalar sotib
O'ksinib-o'ksinib yig'lama yotib,
Bu dunyo - sinovdir, sinovchi dunyo!...
Yetti yod begona sendan hol so'rsa
Eng aziz farzanding sendan yuz bursa.
Hattoki MEHRni baholab tursa,
Lol bo'lma, bu dunyo - sinovchi dunyo.
MUHABBAT o'rniga HIJRON tutsa yuz,
Tuhmatla hayoting etsalar ham kuz.
Hayotdan nolima, aytayin bir so'z:
"Bu dunyo - sinovdir, sinovchi dunyo!" (c)
Albatros, faqat va faqat omad tilayman! Katta rahmat ajoyib she'r uchun!
Alisher Asror
20.11.2011, 19:27
Na may ko'rinmaydi, na yor yonimda,
Faqat tun ko’zlari bedor yonimda.
Oy osmon qo’ynida zebolanadi,
Hajrida zoriqqan dil bor yonimda.
(С)
Юлдуз қай томонга учди, билмадим,
Сўроқлаб сарғайди ҳатто ой сани.
Ҳижрон азобидан куйдим, кулмадим,
Мени соғинмайсанми?..
Gulchehra Ibragimova
21.11.2011, 10:31
Т Ў Р Т Л И К Л А Р
Сизни севган бу юрак минг жойдан улоқ-улоқ,
Ҳисларим бориб етмас, небахт-ки, улар чўлоқ
СИЗ ДЕБ ЙИҒЛАГАНИМ ЙЎҚ, КЎЗЛАРИМ ЎЗИ ЙИҒЛОҚ
Керакманми, йўқманми, Сизни севаман бироқ!. .
*** *** ***
Қайрилиб ҳам кетмайсан ортга,
Ё бериб ҳам қўймайсан ётга.
Куним қолди сендай бедодга-
Яна қандай озорларинг бор?
*** *** ***
Мингта мактуб ёзганда-битта жавоб бўлсайди,
Кутгувчининг ҳолини ул бевафо билсайди.
Аразу гиналарни улоқтириб ортига-
“Гуноҳимдан кеч” дея, бошин эгиб келсайди?!..
*** *** ***
Мард бўлиб кўришсайдинг, ҳолимни сўришсайдинг,
Айбим бўлса ё сўкиб, ё келиб урушсайдинг?
Жон берай васлинг учун, айбим бўлса кечсайдинг,
Адоман сенсизликдан, ишқ майини ичсайдинг?!
*** *** ***
Қаро кўзинг қарочиғига-
Қаро бўлиб ботгим келади,
Гул қўйнида, чаман қўйнида-
Армонларни отгим келади.
Атиргулдан шабнам қарз олиб,
Тўйиб-тўйиб тотгим келади.
Ў, хижронлар…у кимга керак-.
Бозорларда сотгим келади!!
*** *** ***
Бошқача бўлганингчун, бошқача севдим сени,
Ҳаммадан устун қўйиб, “бошқача” девдим сени.
Хатолар қилмайин деб, хатолар қилиб қўйдим-
Бу ишқнинг жафосидан бағримни тилиб қўйдим..
*** *** ***
Жоним, сен-ла бахтга етмоқ бўлди душвор,
Бу дунёда борлигингга жоним нисор.
Висолингга етмоқликдан дил умидвор-
Отаётган ОҚ ТОНГЛАРДАН умидим бор…
*** *** ***
МЕНИ ТОПМА
Дунёлар топавер, майли беҳисоб,
Ёлғон ваъдаларинг этолмагин соб
Гўзаллар сонини қилолма ҳисоб.
Фақат мени топма! Топма илоҳа!
*** *** ***
Менинг бахтим, дунём сен ўзинг,
Сенинг дардинг фақат мен эмас!
Мен топинар дунёмдир изинг,
Сен- Баҳорим, Мен хазон-кузинг!
*** ***
Бахт ҳақида савол сўрама(нг) мендан,
Бахтли бўлмоқ учун урундим чунон.
Бағримни ишқ чўғи ёндирди, ишон-
ТЕНГИМ ТОПИЛМАДИ, ОНАЖОН!
*** *** ***
О, шоир севгиси ўтли, оташли,
Севманг, чўғлар билан куйдирар сизни.
Уни билмаяпман не деб аташни,
Ширин ҳислар ила суйдирар сизни:
СИЗ ШОИР СЕВГИСИН К Ў Т А Р О Л М А Й С И З!
*** *** ***
Топдим, деганимда, йўқотдим яна,
Баттол хижрон эса қилар тантана.
-Сен қандай ошиқсан, суйиб-етмаган,
Дея, юрагим ҳам қилади таъна!.
*** *** ***
Хоҳла сенла тоғу тошда
Деванавор юраман,
Сен тиканни гул деб узат,
Кўзларимга сураман,
Битта чимдим меҳринг учун
Дунёдан юз бураман,
ЖОНИМ, АХИР, ИШОН МЕНГА
СЕНИ ЯХШИ КЎРАМАН!.
*** *** ***
СОҒИНДИМ МЕН СЕНИ СОЧИМ УЧИДАН,
БУТУН ЖИСМУ ЖОНИМ, ТИРНОҚҚА ҚАДАР.
СЕН ДЕБ ЯШАЯПМАН, СЕН ДЕБ ЎЛАМАН-
СЕВГИЛИМ, ОЛДИНГДА ХОРМАН НАҚАДАР!..
*** *** ***
Ҳиёнат бир қадам, кўзларимда нам,
Васлингни соғиндим, хижрон ҳар куни.
Бахтга хали узоқ, бахтга хали бор,
Ахтариб чарчадим, топмадим уни…
*** *** ***
МЕНИНГ НАЗАРИМДА:
Сенинг кулбанг менинг учун саждагоҳ жой,
Шу томондан чиқар менчун юлдузу, ой.
Сен эрурсан шу кулбада бадавлат, бой
Менгагина топилмайди у ердан жой…
*** *** ***
Сизни севиш…қанчалар оғир,
Сизни севиш балки гуноҳдир?
Сизни севиб чалкашди йўлим.
Сизсизликнинг охири-ўлим!..
*** *** ***
Ишқ дардидан оташ бўлиб ёнаяпман,
Юрагимга музлар ёғдир, совут мани.
Келгил жоним исминг билан овут мани,
Сўнгра сендан олиб кетар тобут мани…
*** *** ***
МЕН СЕНИ АДОЛАР БЎЛИБ СЕВДИМ,
МЕН СЕНИ ФИДОЛАР БЎЛИБ СЕВДИМ.
МЕН СЕНИ ХАТОЛАР ҚИЛИБ СЕВДИМ,
БИЛМАДИНГМИ, СЕВГИЛИМ?!..**
**Мариямхон илтимосларга кўра, турли йилларда ёзилиб тўпланган тўртлик шеърларимни хавола этдим..айнан "мажнунона", айнан"лайлийона" шеърлар
Т Ў Р Т Л И К Л А Р
To'rtliklar uchun katta rahmat...nima deyishga ham hayronman...bularni o'qib g'alati bo'lib ketdim...rostini aytsam, bularni o'qib yuragim ezilib ketdi. Qalbimdan ham ko'zimdan ham yosh chiqay deb ketdi...Birovni dardini eshitsam, shunaqa bo'laman...dardlar faqat she'rda yaxshi yetkaziladi...
... Ayolning dardini eshitish og'ir, shaxsan, men uchun...shunday tasalli bergim keladi..."Sen bahorim, Men xazon kuzing",- degan misra, ta'sirli chiqqan...
"Men- Majnunman, she'rim, Sen-Layli!" - uForumdagi eng ma'nosiz va mantiqsiz mavzu nomi uchun tanlov bo'lsa, g'olib chiqar edi. Nima degani o'zi bu. She'r muallifi Majnun Laylini sevganidek, o'zini she'rini sevsa kifoyami, bu yerda chop etishga loyiq bo'lib qoladimi? She'r yomon va sifatsiz bo'lsa ham? Nima qilibdi, muallif uni sevadi, muallif uchun bu she'r Layli, muallif esa Majnun, qolganlarni qustiradigan bo'lsa ham. Bu-ku, mayli, Majnun va Layli deganda Layli ham Majnunni sevish kerak. Muallifini sevadigan she'rni umuman tasavvur qila olmayman.
"Men- Majnunman, she'rim, Sen-Layli!" - uForumdagi eng ma'nosiz va mantiqsiz mavzu nomi uchun tanlov bo'lsa, g'olib chiqar edi. Nima degani o'zi bu. She'r muallifi Majnun Laylini sevganidek, o'zini she'rini sevsa kifoyami, bu yerda chop etishga loyiq bo'lib qoladimi? She'r yomon va sifatsiz bo'lsa ham? Nima qilibdi, muallif uni sevadi, muallif uchun bu she'r Layli, muallif esa Majnun, qolganlarni qustiradigan bo'lsa ham. Bu-ku, mayli, Majnun va Layli deganda Layli ham Majnunni sevish kerak. Muallifini sevadigan she'rni umuman tasavvur qila olmayman.
Siz tushunmadingiz, shekilli...Bu Uforumningn 5 yilligi munosabati bilan ochilgan bir tuhfa...unda uforumning shoir va shoiralari o'zlarining yangi ijodlari bilan chiqadilar tuhfa sifatida...Yuqorida, men aniq yozdim deb o'ylagan edim..afsus, tushunmabsiz...mayli...
Men- Majnunman,she'rim, Sen-Layli...bu jadidlardan bo'lmish Usmon Nosir she'ridan iqtibos qilib olindi...:-)))) Mavzuning nomini shoir va shoiralarimizning dunyoqarashiga moslashtirib olgan edim...:-) Siz batamom tushunmabsiz...Mendan uzr, unda...
jadidlardan bo'lmish Usmon Nosir
1912 йилда туғилган Усмон Носирни жадид (http://en.wikipedia.org/wiki/Jadid)ларга қўшиш учун манимча ҳеч қандай асос йўқ.
uforumning shoir va shoiralari o'zlarining yangi ijodlari bilan chiqadilar
Бу чиқишлар учун олдин очилган бир нечта мавзулар бор.
Бу чиқишлар учун олдин очилган бир нечта мавзулар бор.
Yana qaytaraman, bu uforumning 5 yilligi munosabati bilan ochilgan edi...bu yaqinda yopiladi...Online tarzda, virtual tarzda yana qanaqa tadbir qilish mumkin edi yubiley uchun?
Xudo xohlasa, balki 10 yilligida ham shu thread ancha asqotar, biron kim kelib, davom ettirar yubiley uchun....
Har holda Sizalrning ko'zingizga bu ma'nosiz ko'rinayotgan bo'lsa, unda shu ma'nosiz narsadan bir yaxshi narsani ko'ra bilishlaringizni, iltimos, qilar edim.
Yomon niyatda ochilmagan edi bu mavzu...
Раънохон, келтирилган сўзлар ростдан ҳам Усмон Носирники бўлса, унга ҳам тегишли юқоридаги танқидим. Бундан бемаъно сатрни ўйлаб топиш қийин.
Раънохон, келтирилган сўзлар ростдан ҳам Усмон Носирники бўлса, унга ҳам тегишли юқоридаги танқидим. Бундан бемаъно сатрни ўйлаб топиш қийин.
Xo'p, men Sizni tushundim...Lekin, Usmon Nosir shahid ketgan inson. O'lganlarni yaxshi nom bilan xotirlash, ruhini shod aylamoq bilan teng. Bizning ham bandalik burchimiz, o'liklarni ortidan tosh otish emas, Aka. Har qanday iddaolar uchun men tayyorman, ammo o'liklarni tinch qo'ysak, yaxshi...Qolaversa, ijod nozik narsa...Uni har kim ham hazm qila olmaydi.....
Meni to'g'ri tushunasiz degan umidda....
Майли, бўпти, мавзуни давом эттирсак. Мен ҳам шеър ёздим.
Севиб қолдим бир зумда,
Чунки сени мен кўрдим томда.
Лекин буни айтолмайман,
Сенинг томинг кетганда.
Қўлдан келганича, ёқмаса узр, аммо мени ўзимга ёқади, мен бу шеърни Мажнуниман, у менинг Лайлим. Шоир одам кўнглим нозик, илтимос, сўкманглар, агар ҳазм қила олмасаларинг, менинг олий ижодимни тушинмасдан.
аммо мени ўзимга ёқади, мен бу шеърни Мажнуниман, у менинг Лайлим.Стихофилия....
Shomurodov Shohruh
21.11.2011, 16:31
Севиб қолдим бир зумда,
Чунки сени мен кўрдим томда.
Лекин буни айтолмайман,
Сенинг томинг кетганда.
Шоирнинг изтироблари жуда хам чурур акс эттирилган, уз севгилисининг баъзи бир нуксонларига карамасдан (томи кетган), шоир барибир севишда давом этади, парвона булади. Лекин лом-мим дея олмайди, шу эмасми ахир чин севги? :)
Шоирнинг изтироблари жуда хам чурур акс эттирилган, уз севгилисининг баъзи бир нуксонларига карамасдан (томи кетган), шоир барибир севишда давом этади, парвона булади. Лекин лом-мим дея олмайди, шу эмасми ахир чин севги?Вачач, тушунган одамнинг садақаси кетсин!
Nigora Umarova
21.11.2011, 16:48
Майли, бўпти, мавзуни давом эттирсак. Мен ҳам шеър ёздим.
Шоирларга умуман иш қолмабди. Машҳур инглиз шоири Шекспир муҳтарам форумдошимиз JHнинг шеърларини ўқиганда эди, "Лозим бўлса эди умр бўйи ёзган сонетларимни шу биргина тўрт сатрга алмашган бўлур эрдим",-деб ёзган бўлур эрди. ;)
Лаҳзада ёнимда бўлсангиз пайдо,
Тутатсам бир тола кокилингизни.
Қайдан билардингиз соғинч нима, о,
Юрак-юрагимдан соғиндим Сизни.
Alisher Asror
22.11.2011, 10:21
“Muhtarama xonim, biroz jilmaying”,
Suratingiz dilga muhrlanmoqda.
Ko’zingiz, iltimos, ko’kka qarating,
Vujud titrab borar sehrlanmoqdan.
Mana suratingiz ko’zim to’rida,
Yurak ramkasiga solib qo’yganman.
Isningizni , xonim, daraxt tanamga,
“Plyus” va “teng”giga qo’shib o’yganman.
Vujudim sizniki, yurak sizniki,
Ko’zlarim ko’rmaydi sizdan boshqani.
Faqat topaolmadim sizning ko’nglingiz,
Ko’nglim topaolmadi ko’ngillashgani…
(C)
Muhammad Dovud
24.11.2011, 22:16
"Men- Majnunman, she'rim, Sen-Layli!" - uForumdagi eng ma'nosiz va mantiqsiz mavzu nomi uchun tanlov bo'lsa, g'olib chiqar edi. Nima degani o'zi bu. She'r muallifi Majnun Laylini sevganidek, o'zini she'rini sevsa kifoyami, bu yerda chop etishga loyiq bo'lib qoladimi? She'r yomon va sifatsiz bo'lsa ham? Nima qilibdi, muallif uni sevadi, muallif uchun bu she'r Layli, muallif esa Majnun, qolganlarni qustiradigan bo'lsa ham. Bu-ku, mayli, Majnun va Layli deganda Layli ham Majnunni sevish kerak. Muallifini sevadigan she'rni umuman tasavvur qila olmayman.
Sizga bu hususda javob berildi, lekin mening ham bir-ikki og'iz andisham bor edi...
Adashmasam Hayyom aytgan edi, "Bizni anglading, demak bizga tenglashding", mazmunida, agar siz Usmon Nosir yoki Maryamni tushunmagan bo'lsangiz, demak aybni o'zizdan qidiring. "Men- Majnunman, she'rim, Sen-Layli!", bu shunchaki o'xshatish va har kim undan o'zining tasavvuri doirasida ma'no chiqarib oladi. Huddi Malevichning "Qora kvadrati"dek. Ijodkor xalqi o'zi shunaqa bo'ladi, ular yana oyni - sevgilisi chehrasiga, sharobni - qonga, o'zini - vafodor itga o'xshtishdi. Bular uchun tag'in birorta shoirni do'pposlab yurmang, bularning barchasi oddiy hol.
Ammo, forumda sizdek hushchaqchaq insonning borligidan hursandman.
Севиб қолдим бир зумда,
Чунки сени мен кўрдим томда.
Лекин буни айтолмайман,
Сенинг томинг кетганда.
Шеър ёзмоқчи бўлибсан
Ўзингча бир уриниб,
Рости, чёткий чиқибди
Турибди-ку кўриниб.
"Айтолмайман" демагин,
Бунча куймагин, майли?
Малҳам бўлиб дардингга
Бироз берай тасалли.
Томда кўргансан тунда
Тун эмас, балки шомда?
Шундан ғира-ширада
Сезмагансан "учган"ин.
"Учган" нима дейсанми?
"Том" кетмайди, қўй билиб:
Уч-тўрт шифер учади
Страпилни синдириб.
Машойихлар демишлар:
"Муҳаббатнинг кўзи кўр"
Изҳор қил-да севгингни,
Раз севдингми -бўлгин зўр!
Муҳаббат қўрғонини
Бил, қўшлашиб қурурлар!
Таъмир қилурсиз томни,
Бундан топиб сурурлар.
Мен шоир эмасман, аммо
Дардинг қўлларимга тутказди қалам.
Ҳамма шеър ёзганда - борми муаммо?
Бир паста шеъримни тахладим мен ҳам!
Сенга Пушкин бир жахон-у,
Сенга Байрон бир жахон!
Лек шундай шеърларим бор
Ўқиб берворарсан жон!
Шеър ёзиш мушкул эмас,
Мушкул уни тушуниш.
Бошқача калла керак
"Не ҳақда бўлур хониш?"
"Маъно йўқ-ку" дейсанми?
Бекор айтибсан шуни!
Икки сўз ҳам шеър бўлур,
Ёлғонмас, ўқи буни:
"Ой...
Болта."
"Тўр...
Халта."
"Тош...
Ойна."
"Қийма...
Тахта."
"Тушунмадим "дейсанми?
Албатта-да, укатой.
Буни англамоқ учун
Хаёл бўлиш керак бой.
Давай бундоқ қиламиз:
Битта мавзу очамиз.
Дахшат-дахшат шеърлар-ла
Мушоира сурамиз!
...Шоирликни қилма хавас,
Танқид қилар-ку адо,
Ном топиш ҳам осан эрмас,
"Гадо душмани-гадо".
Ҳозир менга ташланишар:
"Нечун бундайин калом?"
Ҳар томондан тортқилашар,
"Даҳо"ни билмас авом. ;-)
Айтиб қўяй уларга:
Тил теккизманг шеъримга
"Ҳар кимники ўзига
Ой кўринар кўзига!"
Дерсиз "Ким бу тасқара?
Қилаяпти масхара,
Нафосатни тушунмас,
Бундайларга на чора?"
Шеърим асло эрмакмас,
Кўзгу бу, зимдан қара!
Суюқ шеърлар керакмас,
Фикр қилурсан зора...
Лек шулар бори яхши
Форим турар қимирлаб.
Бўлурмиз бир кун шоир
Аста-секин, имиллаб.
PS:
Укам, ахир интернетда
Шеър ёзишдан йўқ фойда,
Форум аро -ҳамма шоир!
Шоирлар аро? Қайда...
2 Шохрух:
Зўр тахлилчи чиқаркан!
Шеърим бўлсин материал
Имконни қўлдан берма,
Қилиб ташла сериал.
Уққин шеърни, ҳар мисраси
Ғич-ғич маънони берар,
Чўзмам гапни, энг қисқаси
Кандидатскийга тортар.
Чоп этишга йўқ муаммо
"Хабар"да бор танишлар,
Оқибатли инсон бўлса
Кетма-кет эълон қилар.
PSS: Форумдошларнинг шеърларини ростдан ҳам ўқиб бораман (гарчи назмга қизиқмасамда). Кўп муаллифларники ҳақиқатдан ҳам яхши шеърлар. Жўқий пайровим уларга қаратилмаган. Гап эгасини топади. ;-). Вэй, 15 минутда ҳам чёткий шеър ёзса бўларкан-ку, а? Қойилман лекин ўзимга...
Қойилман лекин ўзимга...
"Шеър азиз олам аро"
Ээээ қойил Маестро!,
Деманг бошқа мен "манглайи қаро"!
Шеър бўлибди сизга даво.
Палатадаям мушоира ўтказяпсизларми дейман? ;)
Палатадаям мушоира ўтказяпсизларми дейман?
Йўғ-а, арча байрамдаги утренникка шеър ёдлаяпмиз ;-).
Хавас қилаяпсизми? :-)
Афсуски, Сизни олдимизга киритишмайди. Тартиб шунақа. Ташқи муҳитнинг салбий таъсиридан бизни химоя қилишади. Билиб бўладими, сизлардан нималар юқиши мумкин. Кўз қорачиғидай асрашади. Ахир палатамиз жиннихонамизнинг элитаси-ку;-)
Shomurodov Shohruh
25.11.2011, 18:08
Maestro, шаънингизга бир газал ёзай дедим, афсус, "маэстро" хам худди "академик" ва "мотоцикл"дек арузга тушмас экан :)
Nigora Umarova
25.11.2011, 18:15
Maestro, шаънингизга бир газал ёзай дедим, афсус, "маэстро" хам худди "академик" ва "мотоцикл"дек арузга тушмас экан :)
Maestro hech so'zga "radif" bo'lmaydi, so'zlar Maetroga "radif" bo'ladi deng.
Maestro, шаънингизга бир газал ёзай дедим, афсус, "маэстро" хам худди "академик" ва "мотоцикл"дек арузга тушмас экан :)
Аввало, юқоридаги хабаримда "2 Шохрух" деган жойда охирида смайликлар қолиб кетибди. Ну, хазиллигини тушунгандирсиз, кўпчиликдан фарқли ўлароқ.
Энди "Маэстро"нинг арузга тушириш масаласига келсак, нима ҳам дердим? Ўқинг, изланинг , кружокларга боринг, мегадомла-ю устозлардан ўрганинг, газеталарни ўқиб боринг... ;-)
Қизиқсиз-а, вэй? А биров ҳаммаси қоидадагидек бўлсин деяптими? Нима бало, форумни кузатмаяпсизми? Любой нарсани любойчасига ёзиб, жойлаштириб ташлайверинг. Менга ўхшаган ғалчалар хазм қилиб кетаверади ;-). Бу ер эксперементал ижод майдони. Асосийси қофия сал- пал келса бўлди, қолгани капийка;-)
Мисол учун, юқоридаги серқирра ижодимнинг бебаҳо намунаси умуман янги йўсинда, яъни "чоракам тўққиз бармоқ, бир яримта тирноқ" услубида битилган.
Аруз-у радифга тўғри келмаса ҳам, зато "Маэстро" га четкий қофиялар бор: "мавлоно", "даҳо", "аро", "бақо", бебаҳо, қаро...
Shomurodov Shohruh
25.11.2011, 19:24
Аввало, юқоридаги хабаримда "2 Шохрух" деган жойда охирида смайликлар қолиб кетибди. Ну, хазиллигини тушунгандирсиз, кўпчиликдан фарқли ўлароқ.
Уша учун хам хабаримнинг охирида "тиржайиб турган каллача" © турибди :)
Умуман бу гап, Саид Ахмад ёзган эсдаликлардан олинган:
Унда, Узбекистон Фанлар Академиясининг ташкил килинганлиги ва биринчи академиклар каторига Гафур Гуломнинг киритилганлиги курсатилади. Шунда шоирни табриклашга келганларидан бири, "мулла Гафур, шаънизга битта газал ёдим, лекин "академик" арузга тушмас экан", дейди. Гафур Гулом, "Хоразмлик шоир Курбонбобо хам "мотоцикл"ни арузга тушира олмасдан хуноб булган", деб жавоб кайтаради. Энди дахолигингизни хисобга олган холда биринчи академиклардан фарки йук деб айтмокчи эдим :)
Ulugbeck
25.11.2011, 20:05
Қойилман лекин ўзимга...
Узимни узим табриклайман. Хурмат билан узим. ))) (с Хожибой)
хали замон,
тун ярмидан окканда,
ой юлдуздан сирга такканда
чин шоирлар ташриф буюради )))
Қизиқсиз-а, вэй? А биров ҳаммаси қоидадагидек бўлсин деяптими? Нима бало, форумни кузатмаяпсизми? Любой нарсани любойчасига ёзиб, жойлаштириб ташлайверинг. Менга ўхшаган ғалчалар хазм қилиб кетаверади ;-). Бу ер эксперементал ижод майдони. Асосийси қофия сал- пал келса бўлди, қолгани капийка;-)
Во время ответ қилибсиз и бистро,
Во, кўнгилни кўтардингиз, эй Maestro,
Ҳайрият сал ҳаваскорсиз шеърга, акс ҳолдо
Минг шоирдан ўтардингиз-ей, Maestro!
Палатадаям мушоира ўтказяпсизларми дейман?
Тил теккизма палатамга эй аҳли форум
Ёқмаса ўқимагин битган ашъорим
Сенга ашъор битай деб қийналди жоним
Шеър ёзиб бўлганча очди-ку қорним.
Maestro, шаънингизга бир газал ёзай дедим, афсус, "маэстро" хам худди "академик" ва "мотоцикл"дек арузга тушмас эканА так битта ёзилганди (http://uforum.uz/showthread.php?p=236548&postcount=223) (Маэстро келмадингиз радифи билан) :)
Topolmadik sizni forumdosh
Moderator ko'p bag'ri tosh
O'tiribman qo'limda osh
Maestro kelmadingiz
Osh qildim Lutfillo keldi
Va Husniddin Ato keldi
To'lqin bilan Behzod keldi
Maestro kelmadingiz
Ochgan mavzuingizni o'qib
Hamma yozar gaplar to'qib
Bir osh yeylik desam bo'kib
Maestro kelmadingiz
Kirmasangiz forum vayron
Yozmasangiz hamma hayron
Ilhom kelib yozdi OmoN
Maestro kelmadingiz.
Shomurodov Shohruh
25.11.2011, 22:35
(Маэстро келмадингиз радифи билан)
Zanuda-on: Бу ерда бармок вазнидаги шеър келтирилган, арузга солиб булмаяпти. Zanuda-off.
Colorado
15.07.2012, 15:55
Up
Йо, Худо (ёхуд ёруғ кабутарлар қўшиғи)
https://img.uforum.uz/images/uewkinw5045739.jpg
“Аржуманд, фаришта нима дегани?!”
“Ер юзидаги барча инсонлар икки елкаларида икки фаришта билан дунёга келадилар. Улар инсонларни ҳар турли балойи қазолардан асрайдилар ва бандаларнинг гуноҳу савобларини номаи аъмолларига ёзиб борадилар қиёматга қадар”.
“Менда ҳам борми у фаришталар?..”
“Сен ўзинг фариштасан, Йоҳудо, фаришта…” (с) Беназир Мухаммад
vBulletin® v3.8.5, Copyright ©2000-2025, Jelsoft Enterprises Ltd. Перевод: zCarot