5000 китоб чўнтагингизда

[Lutfillo Tursunov]

Фарғонада “ECTACO.UZ” компанияси томонидан 2010 йилнинг август ойидан бошлаб JETBOOK электрон китоблари ва PARTNER электрон таржимонлари ишлаб чиқарилади.
https://img.uforum.uz/thumbs/vnpjcrd6658180.jpg (https://img.uforum.uz/images/vnpjcrd6658180.jpg)
Айни вақтда йилига 160 000 дона маҳсулот тайёрланяпти. JETBOOKларнинг уч тури мавжуд. Яна бир маҳсулот: PARTNER – электрон таржимонлари ёрдамида қисқа вақт ичида чет тилларини ўрганиш имкони бор. Бунинг учун алоҳида репетитор ёллаш шарт эмас. PARTNERдан хориж сафарларида, чет мамлакатлардан келган фуқаролар билан мулоқот қилишда ҳам фойдаланиш мумкин. Электрон таржимон хотирасида дунёнинг 40та тилидаги луғат мавжуд. У овозни ёзиб олиб, таржима қилиб бериш функциясига эга.
Батафсил. (http://www.xabar.uz/uz/news/axbkutubxona/328/)

Ҳозирда янги йирик лойиҳалар устида иш олиб борилаётган экан. Хусусан, қатор вилоятлар билим масканларида таълим жараёнига JETBOOK электрон китобларини жорий этиш пилот лойиҳаси тайёрланмоқда. Агар шу лойиҳа амалга ошса, катта синф ўқувчилари, лицей ва коллеж ҳамда олий ўқув юрти талабалари ўқишга китоб кўтариб бормайди. JETBOOKка барча ўқув дарсликлар жойлаштирилган бўлади.
Бу таълим сифатига қанчалик таъсир этиши мумкин? Ушбу мавзуда шу ҳақда фикрлашсак.

[OmoN]

Агар шу лойиҳа амалга ошса, катта синф ўқувчилари, лицей ва коллеж ҳамда олий ўқув юрти талабалари ўқишга китоб кўтариб бормайди. JETBOOKка барча ўқув дарсликлар жойлаштирилган бўлади.
Бу таълим сифатига қанчалик таъсир этиши мумкин? Ушбу мавзуда шу ҳақда фикрлашсак.Агар JETBOOKларга камера ўрнатилмаган бўлса, мп3 плеер йўқ бўлса, расм/видео кўриш имконияти бўлмаса, интернетга киришнинг имкони бўлмаса, ўйин ёзишнинг имкони бўлмаса... и т.д. и т.п. таълим сифатига салбий таъсир кўрсатмайди. Ижобий таъсир этишига умид қилса бўлади, чунки: ҳаммада JETBOOK бўлса китобим уйда қолибди вазифани бажармоқчийдим китобимнинг ўша саҳифаси йўқ экан, .... деган баҳоналар ўтмайди.

[Алишер Ашуров]

Фарғонада “ECTACO.UZ” компанияси томонидан 2010 йилнинг август ойидан бошлаб JETBOOK электрон китоблари ва PARTNER электрон таржимонлари ишлаб чиқарилади.
Авваламбор нархи ҳаммабоп (талабалар ва ўқувчиларнинг ота-онасининг чўнтагига мос) бўлиши керак. Ҳозиргиси эса:
JetBook: 650 000 so‘m.
JetBook-Lite: 600 000 so‘m.
JetBook-Mini: 475 000 so‘m.
PARTNER: 1 300 000 so‘m.
Бу худди шундай кўрсаткичли ҳориж аналогларидан қимматку. Ўзимизда чиқадиган маҳсулот акси бўлиши керак эмасми?

[Lutfillo Tursunov]

Агар JETBOOKларга камера ўрнатилмаган бўлса, мп3 плеер йўқ бўлса, расм/видео кўриш имконияти бўлмаса, интернетга киришнинг имкони бўлмаса, ўйин ёзишнинг имкони бўлмаса...
Битта JETBOOKда (энг қимматида) мп3 бор. Бу аудио китобларни эшитишга мўлжалланиб киритилган, дейишди мутахассислар. Қолган (арзонроқ) қурилмаларда фақат китобларни ўқиш ва словардан фойдаланиш мумкин, холос. Қурилмаларга турли ўйинлар кўчириб олиш имкони йўқ.

[Lutfillo Tursunov]

Авваламбор нархи ҳаммабоп (талабалар ва ўқувчиларнинг ота-онасининг чўнтагига мос) бўлиши керак.
Агар таълим жараёнига JETBOOK электрон китобларини жорий этиш пилот лойиҳаси тасдиқланса, лойиҳани амалга киритиш жараёнида қурилмаларнинг 10 фоиздан 70 фоизгача бўлган нархини давлат кўтаради.
Демак, қурилма у даражада қимматга тушмайди. Ҳозир барча дарсликларни сотиб оламан деса ҳам анчагина сумма келиб чиқади. JETBOOKка эса оддий дарсликлардан ташқари қўшимча адабиётларни ҳам киритиш мумкин. Масалан, Президент асарлари, қонунлар ва ҳок. Бу талаба ва ўқишга киришга тайёрланаётган ўқувчилар учун яхши мажмуавий қўлланма бўлади. Шу тарафлама олиб қаралса, ота-оналар иқтисодий тарафдан у қадар катта зарар кўрмайди.
Шахсий фойдаланиш учун мўлжалланган ҳозирги нархлари эса маҳсулот ишлаб чиқарилиши ҳажми ортиши ҳисобига пасайиши ҳам мумкин.

[Алишер Ашуров]

Лутфилло ака, нимагадир ҳеч бир қурилманинг техник кўрсаткичлари келтирилмаган: оператив хотира, процессори қанақа, доимий хотираси қанча (5000 та китоб деган билан иш битмайдида), қандай форматдаги (pdf, djvu, doc, txt, fb2 ва ҳ.) китобларни ўқий олади, монитори ўлчами ва бошқалар?

[Lutfillo Tursunov]

Лутфилло ака, нимагадир ҳеч бир қурилманинг техник кўрсаткичлари келтирилмаган: оператив хотира, процессори қанақа, доимий хотираси қанча (5000 та китоб деган билан иш битмайдида), қандай форматдаги (pdf, djvu, doc, txt, fb2 ва ҳ.) китобларни ўқий олади, монитори ўлчами ва бошқалар?
Бир мақолада ҳамма маълумотни батафсил келтириш имкони бўлмади.
Бу ҳақдаги маълумотлар компания расмий сайти (http://uz.ectacouz.com/jetbook)да келтирилган.

[Ustoz]

Kitob o`qishga mo`ljallanganmi, marhamat qilib faqat kitob o`qisin (albatta 40 tildagi lug`atga qarshilik joyim yo`q). Boshqa narsalar qo`shib uning narxini oshirishning nima keragi bor. Masalan men shunaqa narsani izlab huddi shu narsaga yo`liqib narxini ko`rganimdan so`ng orqamga qaramay qochgandim. :) Qachon biz tejamkorlik qilamiz deb ko`proq pul to`laymiz, ya`ni men kitob o`qish uskunasini olaman deb MP3 uchun yoki yana menga kerakmas bo`lgan narsa uchun pul to`lashim kerakmi? Endi faqat, narhi tushishini kutamiz, boshqa iloj yo`q.

[OmoN]

Агар таълим жараёнига JETBOOK электрон китобларини жорий этиш пилот лойиҳаси тасдиқланса, лойиҳани амалга киритиш жараёнида қурилмаларнинг 10 фоиздан 70 фоизгача бўлган нархини давлат кўтаради.Агар қурилма нархининг 70%и давлат томонидан қопланса битта қурилма ўқувчига 142 500 сўм, давлатга 332 500 сўмга тушар экан. Республикада таҳминан нечта ўқувчи бор? Ота-онаку фарзанд(лар)ига бир илож қилиб олиб берар. Давлат бюджетига ҳам ҳар бир ўқувчи учун 332 500 сўм тўлаш чўт эмасдир. Лекин нашр қилинган шунча китобнинг тақдири нима бўлади? Агар мактаб дастурига ўзгартириш киритилсачи? ЖЕТБУКнинг эгалари китобларини қаерда "обновить" қилишади? Кимдир болам ҳаммадан ажралиб турсин деб энг қиммат(1 млн.300 минг сўмлик) қурилмадан ёки чет элдан шу қурилманинг "навароченный"идан олиб берса табақаланиш авжига чиқмайдими? ECTACO.UZга рақобатчи бўла оладиган ҳеч бўлмаса битта компания иш бошламагунича бу лойиҳани амалга оширмай турган маъқул. Бунақа катта лойиҳада монополия кетмайди.
ПС: Буларнинг ҳаммаси шахсий фикрим.

[Anvar Atakhanov]

ҳаммада JETBOOK бўлса китобим уйда қолибди вазифани бажармоқчийдим китобимнинг ўша саҳифаси йўқ экан, .... деган баҳоналар ўтмайди.
Boshqa bahona bor: "svet oçhib qolgandi uyimizda, batareyam tugagandi, shuning uchun dars qilolmadim", "xarom o'lgur virus tushib qolgan ekan", "ukam ustidan choptirib qoýibdi, karotki zamikana bo'luvdi jetbukim power offga ukam ranimaskaga tushib qoldi...

Бу худди шундай кўрсаткичли ҳориж аналогларидан қимматку. Ўзимизда чиқадиган маҳсулот акси бўлиши керак эмасми?
+5. Juda qimmat. 1300000 ga normalni netbuk sotib olsa bo'ladi.
Bolalar oýinqaro bo'lishadi, agar oýnashib turib sindirib qoýishachi, unda uch barobar qilib narxini to'lashadimi? Chunki yo'qotib qoýilgan ijaradagi kitob uchun kitobning narxini uch barobar qilib to'lashadida.

[Behzod Saidov]

Агар таълим жараёнига JETBOOK электрон китобларини жорий этиш пилот лойиҳаси тасдиқланса, лойиҳани амалга киритиш жараёнида қурилмаларнинг 10 фоиздан 70 фоизгача бўлган нархини давлат кўтаради.
Демак, қурилма у даражада қимматга тушмайди.


Давлатнинг пули пул эмасми? ;)

[Abdurohman]

Охо... Нархини кўриб хақиқатта ҳайратга келдим. Манимча, кеча Барселонада тугаган MWC 2011 дан хеч кимнинг хабари йўқми дейман. Айтишларича, бу йил планшеткалар йили булди. Чунки, планшет кўрсатмаган компания ўзи қолмади. Ҳатто, мобил операторлар ҳам ўзларининг планшетларини намойиш этишди.
Бу ерда кўрсатилган энг қиммат Partner 900 нинг параметри, энг ёмон планшетнинг параметридан анча паст. Бу пулга яхшиси хорижда ишлаб чиқарилган маъқул, деб ўйлайман.
Ана энди ўқув жараёнига келадиган бўлсак, шахсан менинг фикрим шуки, бу мосламани МАЖБУРИЙ! жорий қилиш шарт мас. Кимга керак бўлса, ўзи вақти келиб олади. Тўғри, бошида мақтаниш учун бўлиши мумкин, сўнгра ўқиш учун зарур қуроллардан бири бўлиб қолади. Масалан, ўша уяли алоқа телефонини олайлик. Ҳозир сиз уйга 1 кун қўйиб чиқинг, аҳволиз нима бўлади, вақтида эса мақтаниш учун эди.
Шунинг учун бу қурилма ўқиш учун жуда фойдали деб ўйлайман.. Лекин мажбурий эмас! Китобни ҳам ҳали бери йўқотиш керак эмас деб ўйлайман. 5-10 йил ичида ҳаммаси жой жойига тушади.

[Ботир]

тугри нархлари жуда хам киммат. ундан кураси бориб 1 шунака кичкинаро ноутбук овосаям булади. утта факатгина пдф ёки бошка формат эмас, хохлаган нарсангизни укитишингиз мумкун булади. тепада ёзилгандек, нархларни чушишини кутишдан бошка иложимиз ёк. балки бу орада яна 1 компания чикиб колар )

[Anvar Atakhanov]

архларни чушишини кутишдан бошка иложимиз ёк. балки бу орада яна 1 компания чикиб колар )
Narxi chushmidi, yana bitta kompaniya chiqmaydiyam, kimdir bundan soqqa qimoqchi.

[Lutfillo Tursunov]

Лекин нашр қилинган шунча китобнинг тақдири нима бўлади?
Таълим жараёнига электрон китобларнинг тўла жорий қилинишига неча йиллар кетади. Оддий китоблар ўшангача хизмат қилаверади.
Агар мактаб дастурига ўзгартириш киритилсачи? ЖЕТБУКнинг эгалари китобларини қаерда "обновить" қилишади?
Айнан манашу жараёнда электрон китоблар қулайроқ. Масалан, ҳозирги шароитда дарсликлар 7-10 йил ичида бир бор қайта ўзгартирилади. Бироқ янгиликлар 2-3 йилда ҳам пайдо бўлиши мумкин. Оддий китобларни янгилаш жараёни узоқ вақтни талаб қилгани учун таълим жараёнидаги янгиликларни ўқувчилар ўз вақтида ўзлаштира олишмайди. Электрон китобда эса компаниянинг ўзи Халқ таълими ва бошқа вазирликлар билан биргаликда зудлик билан дарсликларни янгилаб бера олади.
Кимдир болам ҳаммадан ажралиб турсин деб энг қиммат(1 млн.300 минг сўмлик) қурилмадан
Juda qimmat. 1300000 ga normalni netbuk sotib olsa bo'ladi.
Шу ўринда эътибор беришингизни истардим. 1 300 000 сўмлик қурилма ЭЛЕКТРОН КИТОБ эмас!
У тил ўргатувчи электрон репититор ҳамда электрон гид вазифасини бажарувчи қурилма. У таълим жараёнига жорий қилинмайди. Бу маҳсулот аҳолининг кенг қатлами учун, мустақил равишда ўнлаб хорижий тилларни ўрганишга мўлжаллаб чиқарилган.

[Lutfillo Tursunov]

Давлатнинг пули пул эмасми?
Демак, ижтимоий лойиҳа жорий қилиниши арафасида ЖЕТБУКларни нархи ҳам пасайтирилади.

[OmoN]

Демак, ижтимоий лойиҳа жорий қилиниши арафасида ЖЕТБУКларни нархи ҳам пасайтирилади.Лойиҳа жорий қилиниши арафасида албатта пасайтирилади. Жорий қилинганидан кейин хоҳлаганини қилиши мумкин :) Агар фақат битта поставщик бўлса хоҳлаган нархини қўяди. Бу лойиҳа юқоридан тасдиқланса бўлди. Ҳамма олишга мажбур бўлади. Бозорда конкурент бўлмаганидан кейин хоҳлаган нарсасини хоҳлаган нархида ўтказаверади.

[Lutfillo Tursunov]

Бу ерда кўрсатилган энг қиммат Partner 900 нинг параметри, энг ёмон планшетнинг параметридан анча паст. Бу пулга яхшиси хорижда ишлаб чиқарилган маъқул, деб ўйлайман.
Яна эслатиб ўтаман, Partner 900 - электрон китоб эмас! Чалғимайлик. Уни ҳеч ким мажбуран тарқатмайдиям :)
Шу билан бирга планшет ва электрон китобни ҳам солиштириш тўғри келмайди. Уларнинг функциялари бутунлай бошқа-бошқа. Планшет ўз вазифасини бажарса, электрон китоб ўз вазифасини бажаради. Ноутбук ва компютерлар функционал жиҳатдан бирбирига яқин бўлосада иккаласини ҳам ишлатиб юрибмизку.
Планшетдан нима фарқи бор десангиз, биринчи ўринда соғлик. Планшет, ноутбук, компютерларда болаларнинг бир-икки соат китоб ўқиши қийин масала. Кўзни толиқтириб, бошни оғритиши аниқ. Чунки уларнинг экранидан нур таралади. Электрон китоблар экранидан эса нур чиқмайди, ташқи нур тушиши натижасида у орқали китоб ўқийсиз. Яъни қоронғи хонада электрон китобларни ўқиб бўлмайди. Бу кўзга нур таъсир қилмаслиги учун атай шундай қилинган. Планшет ва электрон китоблар орасидаги асосий фарқ мана шунда.

Шунинг учун бу қурилма ўқиш учун жуда фойдали деб ўйлайман.. Лекин мажбурий эмас! Китобни ҳам ҳали бери йўқотиш керак эмас деб ўйлайман. 5-10 йил ичида ҳаммаси жой жойига тушади.
Шундоғам лойиҳа ишлаб чиқилиб, жорий қилинишигача 10 йил ўтиб кетиши ҳеч гап эмас. Бу келажакдаги лойиҳа экани аниқку. Бугундоқ амалга ошиб қолиши мумкин эмас.

[Sean]

Менга Кушма Штатларидан ЮПС оркали олиб келинган Сони ПРС 350 - 480 минг сумга (200 акш доллари) тушганлигини инобатга олиб Эктако нархи баланд эмас жуда хам баланд. Чунки Эктакода монохром LCD, а Сонида янги технология буйича ишлаб чикилган E-Ink экран ишлатилган, бундан ташкари Сони сенсорли.
Бундан ташкари давлат бюджети хисобидан бунака утган аср технологиясини мактабларда мажбурий киритилишига каршиман, ундан яхшироги болаларни нетбуклар билан таъминлаш тарафдориман. Бунда нафакат китоб укиса, балки куплаб бошка укув дастурлари киритса булади.

[Lutfillo Tursunov]

Лойиҳа жорий қилиниши арафасида албатта пасайтирилади. Жорий қилинганидан кейин хоҳлаганини қилиши мумкин
Энди бунисига мен кафолат бера олмайман :) Бу каби тахминлар бир фантазия, холос.

[Алишер Ашуров]

ундан яхшироги болаларни нетбуклар билан таъминлаш тарафдориман
Айнан шу фикрга қўшиламан. Айнан нетбуклар юқори синф ўқувчиларнинг барча эҳтиёжларни қондиришга қодир деб ўйлайман.

[OmoN]

Шу билан бирга планшет ва электрон китобни ҳам солиштириш тўғри келмайди. Уларнинг функциялари бутунлай бошқа-бошқа. Планшет ўз вазифасини бажарса, электрон китоб ўз вазифасини бажаради. Ноутбук ва компютерлар функционал жиҳатдан бирбирига яқин бўлосада иккаласини ҳам ишлатиб юрибмизку.
Планшетдан нима фарқи бор десангиз, биринчи ўринда соғлик. Планшет, ноутбук, компютерларда болаларнинг бир-икки соат китоб ўқиши қийин масала. Кўзни толиқтириб, бошни оғритиши аниқ. Чунки уларнинг экранидан нур таралади. Электрон китоблар экранидан эса нур чиқмайди, ташқи нур тушиши натижасида у орқали китоб ўқийсиз. Яъни қоронғи хонада электрон китобларни ўқиб бўлмайди. Бу кўзга нур таъсир қилмаслиги учун атай шундай қилинган. Планшет ва электрон китоблар орасидаги асосий фарқ мана шунда.Шунинг учун қиммат бўлиши керакми :) Яъни планшетда бор имкониятлар электрон китобда бўлмагани учун ҳам қиммат :)
Бу каби тахминлар бир фантазия, холос.Фантазия эмас. Ишонмасангиз монополист компаниялар маҳсулотларининг сифати ва нархини солиштириб кўринг.

[Anvar Atakhanov]

Ээээээээ майли! Булаверсин жетбуклар, мактабларга жорий этилсин, Булмаганда нима килардик, факат ота-оналарга огирлиги тушмаса. Грузияда бепулга берилган бошлангич синф укувчиларига. Болтик буйи давлатларидан бирида (кайсиниси эсимда йук) райдерларни мактабларга жорий этишмокчи (бекорга албатта) вахолангки уларнинг иктисодиёти бизникидан анчагина оркада.

[OmoN]

вахолангки уларнинг иктисодиёти бизникидан анчагина оркада.Нима сабабдан орқадалигини ҳам ўзингиз айтиб ўтибсиз-ку :)

[Lutfillo Tursunov]

Шунинг учун қиммат бўлиши керакми Яъни планшетда бор имкониятлар электрон китобда бўлмагани учун ҳам қиммат
Мен нархлар борасида тортишганим йўқ. Масалани фақат шу жиҳатига урғу берилаётганига ҳайронман. Талаб кучайса балки бошқа рақобатчи электрон китоблар ҳам бозоримизга кириб келиши мумкин. Юқоридаги компания биринчилардан бўлиб бизнинг бозорга кириб келяпти. Бир вақтлар мобил компанияларнинг кириб келиши ҳам шундай бўлган.
Жетбукларнинг нархлари ҳақиқатда қиммат. Лекин гап фақат суммада эмас. Бундай ёндошилса, ўша мактаб ўқувчилари ҳам, талабалар ҳам 400-500 минглик телефонларни ишлатишади... Майли, буни мавзуга алоқасиям йўқ.
Мавзуда асосий масала четга чиқиб қоляпти.
Келгусида электрон китоблар оммавийлашиши қанчалик ҳақиқатга яқин? Агар бутун дунёда шу технологиядан фойдаланишга ўтилиши мумкин бўлса, биз ҳам бугундан тажрибаларни синовдан ўтказиб боришимиз керакми? Умуман олганда, электрон китоблар ёшларнинг таълим олишида самара берадими, йўқми?

[Lutfillo Tursunov]

Шу кунларда кутубхоналарни ахборотлаштириш тизимига катта эътибор бериляпти. Кутубхоналар мақоми ҳам шунга қараб ўзгартирилди. Ўқув юртлари қошидаги кутубхоналар "ахборот-ресурс марказлари"га айлантирилди. Мақсад унинг номини ўзгартириш эмас, келгусида электрон адабиётлар сонини кўпайтириш, ўқув қўлланмаларнинг электрон базаларини ташкил этиш.
Ҳозирда кутубхоналарнинг моддий-техник базасини мустаҳкамлашга асосий урғу бериляпти, яқин вақт ичида бу йўналишда махсус давлат дастури амалга киритилади. Шу дастур доирасида электрон кутубхоналар ташкил этилади. Шу каби базадан фойдаланиш учун ҳам электрон қурилмалар керак. Ноутбук ва планшет, компютер орқали бу базалардан фойдаланиш мумкин бўлади, лекин юқорида айтилганидек, бу технологиялар ёрдамида доимий равишда китоб ўқиш одам соғлиғи учун салбий таъсир ўтказади. Шунда электрон китобларга эҳтиёж туғилмайдими?

[OmoN]

Мен нархлар борасида тортишганим йўқ. Масалани фақат шу жиҳатига урғу берилаётганига ҳайронман.Буни нимасига ҳайрон бўласиз? Қурилмалар учун давлат томонидан тўланадиган маблағ ўша нархга эътибор бераётганлар томонидан тўланадиган солиқлар ҳисобидан тўланади.
Талаб кучайса балки бошқа рақобатчи электрон китоблар ҳам бозоримизга кириб келиши мумкин.Бошқа компаниялар кириб келгунича ягона компания ўрнатган нархда сотиб олишга мажбур бўламиз.
Бир вақтлар мобил компанияларнинг кириб келиши ҳам шундай бўлган.Мобил компанияларнинг йўриғи бошқа. Электрон китоблардан фарқли равишда мобил операторларга уланиш ёппасига амалга оширилмаган. Бунинг устига уланиш нархининг бир қисми давлат ҳисобидан тўланмаган.
Бундай ёндошилса, ўша мактаб ўқувчилари ҳам, талабалар ҳам 400-500 минглик телефонларни ишлатишади... Майли, буни мавзуга алоқасиям йўқ.Ўша телефонларини ўз пулларига олишган. Омадини берсин. Лекин давлат миқёсида амалга ошириладиган, ҳаражатнинг бир қисмини давлат кўтарадиган лойиҳа учун тендерда битта компания қатнашса кулгили туюлса керак. Бу давлат маблағини тежамасдан сарфлаш эмасми?
Келгусида электрон китоблар оммавийлашиши қанчалик ҳақиқатга яқин? Агар бутун дунёда шу технологиядан фойдаланишга ўтилиши мумкин бўлса, биз ҳам бугундан тажрибаларни синовдан ўтказиб боришимиз керакми? Умуман олганда, электрон китоблар ёшларнинг таълим олишида самара берадими, йўқми?Оммавийлашиши ҳақиқатга анча яқин. Таълим олишга салбий таъсир кўрсатмайди. Яхшигина самара бериши мумкин.
Ноутбук ва планшет, компютер орқали бу базалардан фойдаланиш мумкин бўлади, лекин юқорида айтилганидек, бу технологиялар ёрдамида доимий равишда китоб ўқиш одам соғлиғи учун салбий таъсир ўтказади. Шунда электрон китобларга эҳтиёж туғилмайдими?Ноутбук ёки планшетларда китоб ўқиб ҳали ҳеч ким қора вабо ёки СПИДни юқтириб олгани йўқ :) Китоб ўқиш учун электрон китоблар шубҳасиз энг яхши вариант. Лекин яна қайтариб айтаман: Бутун республикага тадбиқ қилиш учун нархлар жуда қиммат.

[Lutfillo Tursunov]

Китоб ўқиш учун электрон китоблар шубҳасиз энг яхши вариант. Лекин яна қайтариб айтаман: Бутун республикага тадбиқ қилиш учун нархлар жуда қиммат.
Лойиҳа ҳали ишга тушмадику, унинг қай тартибда амалга оширилишини ҳам аниқ билмаймиз. Мавзу аввалида гап пилот лойиҳа ҳақида кетган. Яъни тажриба лойиҳаси синовдан ўтади. Тажриба жараёнида иқтисодий жиҳатларига боғлиқ "+" ва "-" лар мутахассислар томонидан керагича таҳлил қилинса керак.

[baxus]

Ўйлайманки, яқин 5 йиллар ичида JETBOOK нинг бизда келажаги бўлмайди, бу албатта менинг шахсий фикрим. Бунга сабаб:
1. Электрон китобларнинг етарли даражада эмалиги; (кўпгина кутубхонадаги китобларнинг электрон варианти мавжуд эмас, ёки мавжуд бўлса хам, уни топиш қийин)
2. JETBOOK нинг янги технологиялиги ва уни таъмирлаш, дастурларини созлаш ва х.з. ишларни бажаришнинг мураккаблиги;(масалан бузилиб қолса, ким уни Тошкентдан Фарғонага олиб боради таъмирлаш учун, ёки Нукусдан Тошкентга олиб келади агар Тошкентда сервис центр очилса?)
3. Экранда китоб ўқишдан кўра қоғозда ўқишнинг қулайлиги ва зарарсизлиги; (масалан мен, копмьютеримдаги китобни ўқимоқчи бўлсам уни қоғозга чиқариб кейин бемалол ўқийман)
4. Янги нарсаларга инсоннинг ўрганиши осон эмаслиги.

[Abdurohman]

baxus, буни вакт курсатади. Купгина уртокларим авалига компда китоб укишни ёктиришарди. Сунгра iPad каби нарсаларни куриб, фойдаланиб, тестдан утказкандан кейин фикрлари бирданига узгарди, камина сингари. Шунинг учун "читалкаларнинг" келажаги бор. Факат Жетбукнинг эмас!

[Abdurohman]

1. Электрон китобларнинг етарли даражада эмалиги; (кўпгина кутубхонадаги китобларнинг электрон варианти мавжуд эмас, ёки мавжуд бўлса хам, уни топиш қийин)
Менинг жорий статусимга эътибор беришингизни сурар эдим. Бекордан бекорга ёзиб куйгаганман.