Xalq og'zaki ijodi

[Kavsar]

Assalomu alaykum, bu mavzuda turli xalqlarga oid og'zaki ijod namunalaridan qo'yib boriladi.
Maqsad, xalqlar ijodini bir yerda jamlash.

[Kavsar]

Buxoro xalq qo'shiqlaridan

(yor-yor qo'shiqlari)

* * *

Ёр-ёр денглар қудолар, келин келди ёр-ёр.
Келайдигон шу келин бахтли бўлсин ёр-ёр.
Олтин билан кумушдан рахти тўлсин ёр-ёр.

Ассалому алайкум келинжон, шундай келган карамли султон.
Хуш келибсиз ана манзил, ана жой.

Каъбада кўрдим юзингни, қибладан қилдим тавоб.
Икки қошингни ораси ой била обтоб.


Нури дийдам сарварим хуш келдингиз,
Йўли ироқиздайдим.
Ой юзизни кўргали мен иштиёқиздайидим.

Келин ўтирсалар уйни бердик,
Ўтирмасалар тўрни бердик.
Унга ҳам ёқ десалар,
Қафасда сайраган булбулни бердик.
Унгаям кўнмасалар,
Қозиқда кишнаган дулдурни бердик.
Унгаям кўнмасалар,
Шунай жононга, ўтирган киявни бердик.

Қизнинг онаси:

Энди чиқиб кетарсан, иложинг ёқ ёр-ёр,
Хизматимда бор эдинг, жоним қизим ёр-ёр.
Жоним қизим бўйлорингдан айлонайин ёр-ёр,
Оғоларинг буқчангни тугишдилар ёр-ёр.
Сани олиб кетишга юзландилар ёр-ёр.
Нури дийдам, мунисим, жоним қизим ёр-ёр.
Борган еринг боғ ила бўстон бўлсин ёр-ёр.
Олтин билан кумушдан бахтинг тўлсин ёр-ёр.
Ёр-ёр денглар қудолар, келин келди ёр-ёр.
Келайдигон шу келин бахтли бўлсин ёр-ёр.

(Xalq og'zaki ijodi bo'lgani uchun namunalar ham shevada yozilmoqda)
Jonli xalq tilidan yozib olingan, (c) K. 2008

[Kavsar]

* * *
Балоси балиққа урсин.
Дадасини гўш бичоғи,
Онасини ош бичоғи.

Муннан бордим Ҳиротга,
Икки жувон бир отга.
Ашулани ман айтдим,
Жугон қосин уётка.

(кичкина болаларни эркалаб айтилади)

(Бухоро. Ғиждувон шаҳри,
Лапар, ёр-ёрлар айтувчи ая Ғаффорова Ойбегим
нутқидан ёзиб олинди)

[Kavsar]

* * *
Угурдию, угурди, қўш тегирмон буғурди
Эгнида қизил чакмони бор, қизлар шунга югурди.

(кичик болаларни эркалаб айтилади)

Ака мана Ғиждувон баред,
Ука мана Ғидувон баред.
Ҳой, ҳояш мекунем,
Кавшада пояш мекунем.
Кавша кеш танге кунад,
Садқи ке пояш мекунем.

(оёқ кийим кийгизганда айтилади)

Гулҳойи жаҳон бўй кашидам, бўйи шумо нист.
Сат сара задам монанди шумо нист.
А дар ки дароем бўй кашидан, бўйи шумо нист,
Сат сара задам монанди шумо нист.
Омад омада гардам, қадди қоматат гардам.

(янги кийим кийгизганда айтилади)



(Бухоро. Ғиждувон шаҳри,
Истат бувидан ёзиб олинди)

[Kavsar]

"Бухоро мавригиси"нинг
ўзбекча варианти


Дилбарим уйғонмади деб шубҳаланма кўзларим,
Уйғониб юпқа томоққа боқса маржондан.

Сен эй Лайлидек, Раънодек
Ажойиб дилраво дерлар.
Мани Мажнуни шайдодек
Кўйингда бир гадо дерлар.

Кеча-кундуз эшигингда,
Фироқу нолалар қилсам.
Ки ҳар чине наво қилсам,
Ҳанузам бенаво дерлар.

Юриб сўрдим табиблардин,
Бу дардимга даво борми
Табиб айтурки, эй нодон,
Бу дардни бедаво дерлар.

Қани Лайли, қани Мажнун,
Қани Ширин билан Фарҳод,
Улар ўтди бу оламдин,
Бу оламни бедаво дерлар.
Ҳэй, ёринг мани ёринг мани,
Ёри вафодоринг мани эй.
Хаста ғуломинг бўлайин,
Сочингга банди бўлайин.
Сочинг белингга тушган эй,
Белбоғинг ерга тушган эй.
Қошинг камонга тушган эй,
Жоним нишонга тушган эй.

Чақ чақи дандонат занад,
Бақ бақи дандонат занад.
Ҳамтў равам да пешатон,
Чақ чақи дандонат занад.
Аз ғаматон мурам мани,
Бақ бақи дандонат занад...

(Бухоро. Ғиждувон шаҳри,
фольклор шайдолари Бақоев Насриддин ва
Бақоева Истат опа ёрдамида ёзиб олинди)

K (c) 2008

[OmoN]

Бетакрор қарғишларимиз ҳам халқ оғзаки ижодига кирадими :)

[Kavsar]

Бетакрор қарғишларимиз ҳам халқ оғзаки ижодига кирадими


Endi xalq shunday degan ekan-da. Men faqat amaliyot davrida yozib olganman. Bu yerda faqat qo'ysa bo'ladiganini post qildim. :)

[Nigora Umarova]

Бетакрор қарғишларимиз ҳам халқ оғзаки ижодига кирадими :)

"Халқ оғзаки ижодида қарғишлар ва олқишлар" мавзусида номзодлик диссертацияси ҳам ёқланган. :)

[OmoN]

"Халқ оғзаки ижодида қарғишлар ва олқишлар" мавзусида номзодлик диссертацияси ҳам ёқланган.Одамларнинг қиладиган иши йўқми дейман :)

[Nigora Umarova]

"Xalq og'zaki ijodi"ning bolalar folklori bo'limida erkalamalardan tashqari masxaralamalar, sanamalar ham mavjud.
Kavsaroy, yangi sanamalardan yozib olgan bo'lsangiz mavzuga qo'ysangiz, iltimos.

[Colorado]

Одамларнинг қиладиган иши йўқми дейман
Менимча Кавсар хонимнинг максади шу метод билан кандидатскийга материал йигмокдир Айтганча, святочные рассказы кандай таржима килинади? Немис хонимнинг хикоялари эсимга тушиб кетди, баклажка тугрисида

[Nigora Umarova]

Менимча Кавсар хонимнинг максади шу метод билан кандидатскийга материал йигмокдир Айтганча, святочные рассказы кандай таржима килинади? Немис хонимнинг хикоялари эсимга тушиб кетди, баклажка тугрисида

Кавсаройнинг илмий ишлари Сиз қизиққан тасаввуф йўналишида.
"Святочные рассказы"- "ибратли ҳикоятлар" ёки "ривоят" дейилади.

[Kavsar]

Менимча Кавсар хонимнинг максади шу метод билан кандидатскийга материал йигмокдир Айтганча, святочные рассказы кандай таржима килинади? Немис хонимнинг хикоялари эсимга тушиб кетди, баклажка тугрисида

Сиз мени кимгадир ўхшатдингиз.

[Kavsar]

"Xalq og'zaki ijodi"ning bolalar folklori bo'limida erkalamalardan tashqari masxaralamalar, sanamalar ham mavjud. Kavsaroy, yangi sanamalardan yozib olgan bo'lsangiz mavzuga qo'ysangiz, iltimos.

Қадрли, Нигора опа. Мен ҳатто йиғиб қўйган масхара қўшиқ-шеърлардан ҳам қўйишим мумкин, маълумотим жуда кўп. Аммо бунга юзим чидамайди.
Бу форумдаги энг охирги ташриф бўлади. Халқ оғзаки ижодига қизиқаман, шу сабаб ундан намуналар қўймоқчи бўлгандим. Бировга қитмирлик бўлиб кўринаётган бўлса, бемалол ҳамма постларимни ўчириб юборишингиз мумкин. Аввало ушбу юфорумда ҳамиша беғараз ва табиатимга мос, болаларча пок ният билан постлар қолдирганман. Магарамки, билиб-билмай кимларгадир қаттиқ тегаётган экан, минг бор кечирим сўраб, сизларни тарк этишга қарор қилдим. Барчамизни хатоларимизни кечирсин, саломат бўлинглар.

Ҳурмат билан Кавсар.

[JUS]

Магарамки, билиб-билмай кимларгадир қаттиқ тегаётган экан, минг бор кечирим сўраб, сизларни тарк этишга қарор қилдим.
Бекор қилибсиз!
Агар бизга ўхшаб гап эшитсангиз ёки менга ўхшаб ёмонотлиқ бўлганингизда бутунлай Тошкентни тарк этиб кетармидингиз дейман. :)
Кўнгилни вақти келганда қаттиқроқ қилиш керак, сингилгинам

[Nigora Umarova]

... сизларни тарк этишга қарор қилдим.
Бекор қилибсиз!
Агар бизга ўхшаб гап эшитсангиз ёки менга ўхшаб ёмонотлиқ бўлганингизда бутунлай Тошкентни тарк этиб кетармидингиз дейман. :)
Кўнгилни вақти келганда қаттиқроқ қилиш керак, сингилгинам

Кавсарой!
Қаерга кетмоқчисиз? Ўзингизни ўйламай мундоқ опангизни ҳам ўйласангиз-чи? Маърифий суҳбатлар нима бўлади.
Кумушой синглим бўларди, фақат кузатувчи бўлиб қолдилар.
Эҳ, оқибатсиз сингилларим, сингилжонларим...:cray:

Ўпка-гиналарни қўйинг-де, хабар ёзишда давом этинг.
Муҳтарам форумдошлар, бир-биримизга нисбатан ўйлаброқ муомала қилайлик. Одамнинг дили нозик бўлади.

Жасурбек акангиздан ўрнак олсангиз бўлмайдими?

[Colorado]

Муҳтарам форумдошлар, бир-биримизга нисбатан ўйлаброқ муомала қилайлик. Одамнинг дили нозик бўлади.
Агар мени сузларим огир ботган булса, кечирим сурайман. На чора. Хафа килиш хаёлимда хам ёк эди. Яхшиси, мен форумни бу тарафида рид онли була колай.
Менталитет курсин, хар бир гапга гинапазлик булаверса : 0 (((

[Bakhtiyor aka]

Аввало ушбу юфорумда ҳамиша беғараз ва табиатимга мос, болаларча пок ният билан постлар қолдирганман.


Кечирасиз мен сизни реалда танимайман-ку, лекин юқоридаги гапларингизни тасдиқлайман. Сиз хақиқатда болаларча беғараз фикрлайсиз, ва буни постларингиздан кўриш мумкин.

Агар кетсангиз мен Colorado-ни дуэлга чақириб..... ўзимни шу дуэлда қурбон қиламан. :) чунки у хам ажойиб яхши инсон. :)

Лекин Colorado-ни менталитет хақида ёзганини диққат билан бир ўқиб кўринг, хақиқиатда бизни энг катта муаммоимиз хам менталитетимиз. Хар қандай фикрни ёки оқ ёки қора, фикр эгасини зса ёки дўст ёки душман деб қабул қиламиз. Нега энди фикрларни кулранги бўлмаслиги керак, фикр эгаси эса шунчаки бир инсон бўлолмайди...

Энди Kavsarга эмас, хаммага "тегизиб":

Кейинги пайт шу ўзбек тилидаги форумда иложи борича камроқ қатнашишга харакат қиляпман, салдан салга гинахонлик, хафагарчилик. Ўзга фикр ёки фикр эгасига нисбатан умуман сабрсизлик. Мен баъзан тушунмайман, ўзгаларни фикрларини рангбаранглигини тушунмасак ёки қабул қилмасак. унда форумда нима бор? Узр "тегизиш" меёридан ошиб кетган бўлса. Бағримизни кенг қилайлик дейманде.

[JUS]

Кечирасиз мен сизни реалда танимайман-ку, лекин юқоридаги гапларингизни тасдиқлайман. Сиз хақиқатда болаларча беғараз фикрлайсиз, ва буни постларингиздан кўриш мумкин.
+1
Кавсар, шарт реал-айди бўлиб олинг. Шунда сизни кўриб, таниб юмшоқроқ гапирамиз. :)

[Gulnora Voisova]

Магарамки, билиб-билмай кимларгадир қаттиқ тегаётган экан, минг бор кечирим сўраб, сизларни тарк этишга қарор қилдим.
Бир пайтлар Ўринбоевдан роса гап (http://uforum.uz/showthread.php?t=3841&page=132) эшитганман. Colorado ака билан ҳам "жиққамушт" бўлганмиз. Бири укамдек, бири амакимдек апоқ чапоқ бўлиб кетганмиз. Халқ оғзаки ижодида битта ибора бор. "Қайнаса қони қўшилади"...Kavsar, "юлишамизми" ;)

[OmoN]

Жасурбек акангиздан ўрнак олсангиз бўлмайдими?Жасур, Сизни опамиз безбет дедилар...
Kavsar, "юлишамизми"
Ундан кўра қарғашинглар :) Мавзуга мос бўлади :)

[Bekmirzo]

Yaxshigina bir mavzu barbod bo'libdi-qo'yibdi...

[JUS]

Бир пайтлар Ўринбоевдан роса гап (http://uforum.uz/showthread.php?t=3841&page=132) эшитганман.

То есть ўқиганман денг хоним! Сизни кўрганимда қизингиз ва ойингиз (ойингизми ё ойижонингизми билмадиму, лекин менимча ўз онангиз эдиёв, чунки "ойим" деб гапиргандингиз ўшанда, қайнона "ойижон" бўладику...;)) бирга эдилар ва ўтиб кетган бўлсада ҳижолат қилгандим.

Kavsar, "юлишамизми" ;)

Жасурбек акангиздан ўрнак олсангиз бўлмайдими?

Мен ҳам Лутфилло акадек энди сингил топдим, мен синглимни юлишишига йўл қўймайман. ;)

Жасур, Сизни опамиз безбет дедилар...
Буни мен бояроқ телефон орқали гаплашганимиздаёқ сезганман, яъни "Жаааа" "Сурр" деб гапирдилар. :)

[Nigora Umarova]

Жасурбек акангиздан ўрнак олсангиз бўлмайдими?

Жасур, Сизни опамиз безбет дедилар...
Буни мен бояроқ телефон орқали гаплашганимиздаёқ сезганман, яъни "Жаааа" "Сурр" деб гапирдилар. :)

Яхшиямки телефон бор. Фоумда гапира олмайдиган гапларимни("уришишларн"и, "қарғишлар"ни) гапириб-гапириб олиб ичимдагиларни сочиб-сочиб оламан. :)
Укажоним, ўзингизни ерга урманг-де. Исмингизни бир-икки марта бўғинга бўлиб, "а" ва "р" товушларини кўпайтириб талаффуз қилганмидим?... ;)

[Nigora Umarova]

Жасурбек акангиздан ўрнак олсангиз бўлмайдими?

Жасур, Сизни опамиз безбет дедилар...
Буни мен бояроқ телефон орқали гаплашганимиздаёқ сезганман, яъни "Жаааа" "Сурр" деб гапирдилар. :)

Яхшиямки телефон бор. Форумда гапира олмайдиган гапларимни("уришишларн"и, "қарғишлар"ни) гапириб-гапириб олиб ичимдагиларни сочиб-сочиб оламан. :)
Укажоним, ўзингизни ерга урманг-де. Исмингизни бир-икки марта бўғинга бўлиб, "а" ва "р" товушларини кўпайтириб талаффуз қилганмидим?... ;)

[Nigora Umarova]

Кавсарой, кўрдингизми битта ўзингизга қанча одам куйиняпти. Сизга ҳавасим келяпти. Одамлар ҳаттоки Сиз учун дуэлга чиқишга ҳам тайёр. Кимдир вазиятдан фойдаланиб укам билан менинг ўртамизга "совуқчилк" ҳам туширмоқчи. :)
Шундай экан, жиддий ўйлаб кўринг. Буюк Шекспир ўзига қарата отилган тошлар орасида буюклар улоқтирган тошларни кўпроқ қадрлаган экан.
Форум донишмандлиги, даҳолиги-анойиликдан бошланади.
Гапларимга ишонмасангиз форум даҳоси-Маэстродан сўраб кўришингиз мумкин.
Маэстро негадир кейинги пайтда Демосфенона йўл тутмоқдалар. Кундузи чироқ ёқиб форумдан даҳоларни қидириб, хабар ёзмай қўйдилар.

[Nigora Umarova]

Yaxshigina bir mavzu barbod bo'libdi-qo'yibdi...

Barbod bo'lgani yo'q. Xalq og'zaki ijodi namunasi hisoblanmish matal, qochirim gaplardan foydalanib so'z boyligi orqali "xalq og'zaki ijodi"ni yoritib beryapmiz. ;)

Bek aka!
Sizda xalq og'zaki ijodi namunasi hisoblanmish lapar va qo'shiqlar bor edi.
Iltimos, mavzuga joylashtirsangiz.

[JUS]

Yaxshigina bir mavzu barbod bo'libdi-qo'yibdi...
Barbod bo'lgani yo'q. Xalq og'zaki ijodi namunasi hisoblanmish matal, qochirim gaplardan foydalanib so'z boyligi orqali "xalq og'zaki ijodi"ni yoritib beryapmiz.

Менимча Бекмирзо ака "Онлайн Заковат"ни назарда тутяптилар ;)

[Bekmirzo]

... "а" ва "р" товушларини кўпайтириб талаффуз қилганмидим?... ;)"Aaaaaarrrrrrrrr!!!" deganmi deb o'ylagan bo'lardim agar tepadagi muloqotni o'qimaganimda ;) :)

[Nigora Umarova]

Менимча Бекмирзо ака "Онлайн Заковат"ни назарда тутяптилар ;)

Ҳамманинг дарди ўз "мавзу"сида. :)

[Bekmirzo]

Erta bilan turaman

Erta bilan turaman, nahori nashta-yo, nahori nashta,
O'ng qo'limda ignayu, tizzamda kashta-yo, tizzamda kashta.
Borib ayting o'sha qalami qoshga-yo, qalami qoshga,
Ho, boraveradi-kelaveradi, va'dasi boshqa-yo, va'dasi boshqa.

Ey nozli yorim, ko'zi xumorim,
Mehr bilan menga qarang, vafoli yorim-o, vafoli yorim.

O'yinga tushgan ukamning nozi chiroyli-ga, nozi chiroyli,
O'ng yuziga yarashgan holi chiroyli-ga, holi chiroyli.
O'ng yuziga yarashgan holi bo'lsachi-yo, holi bo'lsachi,
Ho, savlatiga yarashgan yori bo'lsachi-yo, yori bo'lsachi.

Ey nozli yorim, ko'zi xumorim,
Mehr bilan menga qarang, vafoli yorim-o, vafoli yorim.




Doira dum-dum

Doira dum-duma, bahori mavsum-a,
Kelsa bahor gulg'unchalar qilar tabassum-a.

Yurak duk-duk urodi yor oldiga borgani,
So'zi uchun boraman-o, dardga davo olgani.
Doira dum-duma, bahori mavsum-a,
Kelsa bahor gulg'unchalar qilar tabassum-a.

Ko'ring yuqori tog'da kecha-kunduz yog'ar qor,
Ayrilib ketay desam-o kichiklikdan sevgan yor.
Doira dum-duma, bahori mavsum-a,
Kelsa bahor gulg'unchalar qilar tabassum-a.


Sust xotin

Sust xotin, suzma xotin,
Ko’lankasi maydon xotin!

Yomg’ir yog’dir, ho’l bulsin,
Yeri jahon ko’l bo'lsin.
Maysalar quloq yozsin,
Sutu qatiq mo’l bo'lsin!

Sust xotin, suzma xotin,
Ko’lankasi maydon xotin!

Yomg’ir yog’dir, ko’k bo'lsin,
Qurgoqchilik yo’q bo'lsin.
Arpa bug’doy bosh tortsin,
Kayvonilar osh tortsin.

Sust xotin, suzma xotin,
Ko’lankasi maydon xotin!

Yomg’ir yog’dir, ho’l bo’laylik,
Biz ham senga jo’r bo'laylik.
Ko’klamda o’ynab–kulib,
Ham sho’xu ham zo’r bo'laylik.

Sust xotin, suzma xotin,
Ko’lankasi maydon xotin!

Yomg’ir yog’di, do’l bo'ldi,
Yeri jahon ho’l bo'ldi.
Shaftolilar barg yozdi,
Dunyo to’la gul bo'ldi.

Sust xotin, suzma xotin,
Ko’lankasi maydon xotin!

[Nigora Umarova]

... "а" ва "р" товушларини кўпайтириб талаффуз қилганмидим?... ;)"Aaaaaarrrrrrrrr!!!" deganmi deb o'ylagan bo'lardim agar tepadagi muloqotni o'qimaganimda ;) :)

Лапаааррр, қўшиқлааарррни мавзуга қўйибсизми деб ўйлаб, эндигина "рррраааҳмат"(+) тугмачасини босмоқчи эдим.
Мавзуга оид бўлмаган ааарррзимаган хабаааррр қолдирибсизлаааррр. :)

[Nigora Umarova]

"Чой момо" қўшиғи борми?
"Чой момо" қўшиғи буғдой, шоли бошоқлари етилган пайтда шамол уларни пайҳон қилса, шамол тўхтатиш учун ижро этилган экан.
Шундан келиб чиқиб фикр юритадиган бўлсак, қўшиқнинг келиб чиқиши ислом динидан аввалги даврларга бориб тақалади.

[Abdulaziz Muhammad]

Assalomu alaykum, bu mavzuda turli xalqlarga oid og'zaki ijod namunalaridan qo'yib boriladi.
Maqsad, xalqlar ijodini bir yerda jamlash.

Daryo toshqin suvlar to'lqin,
O'tolmayman, yor-yor.
Otim oriq, manzil uzoq
Yetolmayman, yor-yor.

Otginamni oriq qilgan
Shu mayda tosh, yor-yor.
Ranginamni sariq qilgan
Shu qalam-qosh, yor-yor.

Iptanmidi ipakmidi
Kiyganingiz, yor-yor
Bizlardan ham ortiqmidi
Sevganingiz, yor-yor....
-----------------------------------------------

Yallama yorim, yallola,
Yallola-shaylik, yallola-shaylik
Uchtama-to'rtta bo'lvolishib,
Hasratla-shaylik

Ariq bo'yida rayxon
Gul burda, o'zi har yon

O'z bo'yiga o'zi mast
Rayxonning o'zi hayron

Hayron o'zin bo'yiga
Oshiqlarning ko'yiga

Yallama yorim, yalla,
Yallola-shaylik, yallola-shaylik
Uchtama-to'rtta bo'lvolishib
Hasratlashaylik.....
-----------------------------------------------

Ariq bo'yida tollar, chipra dalli-dalli.
Tollar tagida chollar, chipra dalli-dalli.
Ha bu chollar yomon chollar, chipra dalli-dalli.
O'tgan kampirni poylar, chipra dalli-dalli.

Ikki kelin osh pishirar, chipra dalli-dalli.
Oshiga pasha tushirar, chipra dalli-dalli.
Ha yegan qorinni ishirar, chipra dalli-dalli.
So'ng esa so'kish eshitar, chipra dalli-dalli.

Ha jaqu, ha jaqala, ha jaqu ha jaqala.....

[Алишер Ашуров]

chipra dalli-dalli
Ha jaqu, ha jaqala
Ана шу сўзларни маъноси қандай ўзи? Ҳечам тушунмайман. Лекин оҳанг жиҳатдан рақс тушишга мос, ритмни белгилаб беради.

[Bekmirzo]

Xalq laparlaridan

Suv keladi mo'ridan, yor-yor-yoroli,
Mo'ridan ham naridan, yor-yor-yoroli.
Akaginang aylansin, yor-yor-yoroli,
Kokilingning toridan, yor-yor-yoroli.

Ufu-jaqala, ufu-jaqala, ufu-jaqala.

Qoshing bilan imlaysan, yor-yor-yoroli,
Zulfing bilan dog'laysan, yor-yor-yoroli.
Qaysi boyning qizisan-ey, yor-yor-yoroli,
O'ldirmoqqa chog'laysan, yor-yor-yoroli.

Ufu-jaqala, ufu-jaqala, ufu-jaqala.

Ariq bo'yida tollar, chipra dalli-dalli.
Tollar tagida chollar, chipra dalli-dalli.
Bu chollar yomon chollar, chipra dalli-dalli.
O'tgan kampirni poylar, chipra dalli-dalli.

Heyyyy, nanananana nay-nay-nay-nay. :)

Ikki jonon osh pishirar, chipra dalli-dalli.
Oshiga pashsha tushirar, chipra dalli-dalli.
Yesang qoriningni shishirar, chipra dalli-dalli.
O'ldim jononning dastidan, chipra dalli-dalli.

Heyyyy, nanananana nay-nay-nay-nay.

[Bekmirzo]

chipra dalli-dalli
Ha jaqu, ha jaqala
Ана шу сўзларни маъноси қандай ўзи? Ҳечам тушунмайман. Лекин оҳанг жиҳатдан рақс тушишга мос, ритмни белгилаб беради.
Bu so'zlarning aniq bir ma'nosi yo'q bo'lsa kerak...
O'zingiz aytganingizdek, aynan ritm berish uchun qo'shib yuborilgan bo'lishi kerak.

[Abdulaziz Muhammad]

chipra dalli-dalli
Ha jaqu, ha jaqala
Ана шу сўзларни маъноси қандай ўзи? Ҳечам тушунмайман. Лекин оҳанг жиҳатдан рақс тушишга мос, ритмни белгилаб беради.

Aniq aytolmayman, menimcha ''To'yingni gumbura-qars qilib o'tqizamiza'', ''Ota-buvang tunkachi o'tganmi, na muncha taraqa-turuq qilasan'' gaplaridagi ajratib ko'rsatilgan so'zlar ham shu ruhda kelgan.

Qo'shiqni musiqa asboblarisiz kuylanga, ularning qo'shiqdagi kerakli o'rnini to'lg'izish uchun og'zaki tovushlardan foydalanilgan, menimcha. Biror bir ma'noni bermasada, qo'shiqqa rang baranglik kiritadi.

[Colorado]

Бугун эрталаб бир хат олдим. Кунглим ёришиб, бу постни Кавсар ва барча миллий халк санъатни севганларга багишлайман.
Колорадо штати, Болдер, Tea House - чойхона.

https://img.uforum.uz/thumbs/lcbkpya6964866.jpg (https://img.uforum.uz/images/lcbkpya6964866.jpg)

https://img.uforum.uz/thumbs/ahvdrvp2993535.jpg (https://img.uforum.uz/images/ahvdrvp2993535.jpg)

Бахтиер ака, дуэль чойхнага кучирилди

[Bakhtiyor aka]

Бахтиер ака, дуэль чойхнага кучирилди

Колорада штатида дуэль тақиланган-ку, уни устига у ерда фарзадингизни хурмати. Шу ерда бир чеккада.... лекин боксёрский хам бўлаверади, агар Шохрух сизга секундантлик қилса. Тўпончани ўқини олиб қўйярмиди деб умид қиляпманде :)

Лекин Болдерда чойхона очилгани яхши бўпти.

[Pfefferminze]

Бугун эрталаб бир хат олдим. Кунглим ёришиб, бу постни Кавсар ва барча миллий халк санъатни севганларга багишлайман.
Колорадо штати, Болдер, Tea House - чойхона.

[/URL]

(https://img.uforum.uz/images/lcbkpya6964866.jpg)

[U]Бахтиер ака, дуэль чойхнага кучирилди


Qo'li dard ko'rmasin ustalarni...menga Buxoromdagi boloxovuzni eslatdi, masjidlarimizni eslatdi.....

[Kavsar]

Бахтиер ака, дуэль чойхнага кучирилди

Hurmatli Colorado amaki! Duel choyxonaga ko'chirilganidan xursandman! :) Baxtiyor aka, duelda siz uchun qurbon bo'lishga ham tayyor ekanliklaridan bildimki, olijanob kishilardansiz. Ammo men hech kimdan xafa emasman. Aksincha, forumdoshlarimning mehr-oqibatlarini ko'rib xursand bo'ldim. Shunchaki rejalarim o'zgarib bir oz ta'tilga chiqmoqchi edim, sizlarni shuncha tashvishga solib qo'yganimdan xijolatdaman, albatta. Bu forum va forumdoshlarim menga hamisha yoqqan. Qolaversa unda qadrli ustozlarim bor.

Aybim shuukiiiii hazillarni tezda tushuna olmayman. Buni o'zingiz ham sezdingiz. Oradagi abglashilmovchiliklarga sabab bo'lganim uchun barcha forumdosh do'stlarimdan samimiy uzr so'rab qolaman.

Mening ilmiy ish mavzuim esa "Rumiy "Masnaviy"sida inson qalbining talqini".
Sizlar bilan eng baxtiyor kunlarda ko'rishishlik nasib etsin..

Kavsar.

[AbdulAziz]

Соғувчилар қўшиғи

Эсли молим, оқилим, чурия-чур-эй,
Елкамдаги кокилим, чурия-чур-эй,
Шунча молнинг ичида, чурия-чур-эй,
Боғда очилган гулим, чурия-чур-эй.

Тоғларда бор гулхайр, чурия-чур-эй,
Оқ сутингни қил хайр, чурия-чур-эй,
Келар йили туққанинг, чурия-чур-эй,
Бўлсинда Зуҳра-Тоҳир, чурия-чур-эй.

Турткиласам иясан, чурия-чур-эй,
Бир кади сут берасан, чурия-чур-эй,
Яшириб қолган сутингни, чурия-чур-эй,
Қай бир кимга берасан, чурия-чур-эй.

Тоғай Муроднинг «Юлдузлар мангу ёнади» қиссасидан

[AbdulAziz]

Халқ ўзининг дарду армонларини қўшиқларига қўшиб юборган.

Қўшчилар қўшиғи

Йўртиб-йўртиб ҳайдагин-а, майда-ё, майда-ё,
Дон сомондан арисин-а, майда-ё, майда-ё,
Айни саҳар бўлганда-ё, майда-ё,
Хўжайи Хизир дорисин-а, майда-ё, майда-ё.

Айри-айри туёғинг, майда-ё, майда-ё,
Олмос бўлсин жонивор-а, майда-ё, майда-ё,
Сени боққан деҳҳонлар-а, майда-ё, майда-ё,
Сармаст бўлсин жонивор-э, майда-ё, майда-ё.

Мўл хирмондан олдим сомон, майда-ё, майда-ё,
Ошиққа қоронғидан ойдин ёмон, майда-ё, майда-ё,
Ошиқлар муродини берсин худо, майда-ё, майда-ё,
Кечалар ёмғир ёғар, кундуз туман, майда-ё, майда-ё.

Момо ўзи яхши қиз, майда-ё, майда-ё,
Майда билан тўқмиз биз, майда-ё, майда-ё,
Буғдой кирса омборга, майда-ё, майда-ё,
Тўй қилардик эрта куз, майда-ё, майда-ё.

Бўз-бўзига — бўзига, майда-ё, майда-ё,
Қўйлар келар қўзига, майда-ё, майда-ё,
Эркак ҳазил қиларми, майда-ё, майда-ё,
Ошнаси суйганига, майда-ё, майда-ё!..

Ошиқ бўлдим, арпанинг сомонига, майда-ё, майда-ё,
Ўлим берсин, қизларнинг ёмонига, майда-ё, майда-ё!..

Тоғай Муроднинг «Юлдузлар мангу ёнади» қиссасидан

[Nigora Umarova]

O'zbekiston Respublikasi Madaniyat va sport ishlari vazirligi, Respublika xalq ijodiyoti va madaniy-ma`rifiy ishlar ilmiy-metodik markazi, Xalqaro “Oltin meros” xayriya jamg'armasi, Respublika “Mahalla” xayriya jamg'arma fondi, Respublika “Kamolot” YoIH Markaziy kengashi tomonidan A.Navoiy nomidagi O'zbekiston Milliy bog'ida “Mustahkam oila” yiliga bag'ishlab "Lapar va o'lan ijrochilarining an'anaviy Respublika ko'rik-festivali" o'tkazilmoqda.
Ko'rik-festival 2012 yil 10 avgust kuni A.Navoiy nomidagi O'zbekiston Milliy bog'ining
yozgi estrada sahnasida soat 10.00 da boshlandi.
G'oliblarni taqdirlash marosimi soat 17. 00 da bo'lib o'tadi.

https://img.uforum.uz/images/fshxoko8940895.jpg

https://img.uforum.uz/images/sysdqce9923886.jpg

https://img.uforum.uz/images/sazxykx6383080.jpg

https://img.uforum.uz/images/jsjvrdc9411393.jpg

https://img.uforum.uz/images/vqaoibl6220930.jpg

(Rasmlar muallifi Yevgeniy Sklyarevskiy)