G'oyat ko'rkam bu shaharda go'zal qizlar ko'p muncha?..

[Bekmirzo]

Yoz faslining ayni hozirgidek qaynoq kunlari ekan. Katta shahardagi talaba o'g'lini ko'rishga qishloqdan kelgan bobo taassurotlarga to'la safaridan qaytish oldidan, o'g'liga shunday degan ekan:
G'oyat ko'rkam bu shaharda go'zal qizlar ko'p muncha?
Sariq, malla boshlilarni unutmasman o'lguncha.

“Chavo-chavo” deb biriga men o'zbekcha so'z qotdim,
U o'zbekcha gapirganda, o'zimni-da yo'qotdim.

Saqich chaynab, “achka” taqqan kalta sochli go'zallar
“Mo'da”larni quvib-quvib, bir-biridan o'zarlar.

Ular kiygan yarim ko'ylak ikki cheti so'kilgan,
Ko'zi tushgan yigit borki, “o-oh” urgancha o'kirgan.

Nima, ulim, bu shaharda igna minan jip jo'qma?
Yirtiq kiyim ko'rgan kulmas, ko'ngil shunga yo to'qma?

Bundaylarga duch kelsam-ey, dilim andak g'ashlanar,
Oqshomlarda yirtiq joydan chaqmaydimi pashshalar? ;)

Endi aynam, safar qarib, men qishloqqa qaytaman,
Lekin, ketar chog'im senga bitta gapni aytaman:

Yaxshiyamki, apkemapman qari qaysar enangdi,
“Jirtiq yupka apper” derdi, ko'rar eding kinangdi.

Yupkasiyam boshdan qolsin, kiysa, ko'ngli to'lardi,
Lekin, “shortik kiying siz” deb, menga balo bo'lardi...

PS: She'r muallifi menga noma'lum...

[Anvar Atakhanov]

Жуфт булсин!!!:clapping:

[Colorado]

Жуфт булсин!!!
Ёкмай колсин
малласочларга познакомка деб гап отганда ...
энагиз бир эшитиб курсаларми?
смайликни коди нечи?

[OmoN]

Эҳ отахон, бу шаҳарнинг гўзаллиги ҳам шунда
Малла сочли гўзаллар дуч келар туну-кунда

Соқолга оқ тушганда Сиз қизларга гап отманг
Қишлоқдаги вафодор капирингиздан қолманг

Сочи калта бўлса ҳам ақли узун бўлса бас
Ўйлаб кўринг бу замонда кимга мода керакмас?

Йиртиқ кўйлак аслида европанинг модаси
Бу замонда шу йиртиқ ҳам моданинг энг додаси

Отагинам бу шаҳарда игна ҳам бор ип ҳам бор
Лекин ўша гўзалларга игна-ип нега даркор?

Гапингизни эшитганнинг кулиб кўзи ёшланар
Гўзалларни чақмайди-ку бу шаҳарлик пашшалар
(с)Булғағоний.

[Nigora Umarova]

Шаҳарга келиб олиб гўзалларга боқибсиз,
Ўзингиз билиб-билмай қошингиз хўп қоқибсиз.

"Сочи узун, ақли калта" деган мақол бўлган-чун,
Ўзбегим қизларига мақол кўрсатди кучин.

Сочимиз кесиб олиб, бўяб олдик сариққа,
Хўрозлар кўзин узмай қараган-чун тариққа.

Рўмол нима, бизга рўмол нечун бўлсин чи кора,
Бошда дўппи, белда белбоғ бўлмагач сизга чора.

Калта шортик, бошда кепка, оғзингизда жевачка,
Сиздан қизлар ўрнак олиб энди ҳайдашар "тачка".

Ўйда ўтирган энамиз бунчалик мақтамайсиз,
Баъзан қўпол гапириб ҳурматин сақламайсиз.

Қўлда тасбеҳ, дилда дуо, ёшларга бўлинг ўрнак,
Баркамол ёш авлодга бу жуда муҳим-керак.

Арғумоғи кетидан тойчоғи илдам чопар,
Билингиз, эртанги кун от ўрнини той босар. :)

Н.бегим.

[Danger]

Oh, qanday ona u, qanday ota u,
Qiziga avratin yopgin demasa?
Oxirat azobi qattiq azobdir
Jon qizim Allohdan qorqgin demasa
Ey ota, ey ona oylab koringiz
Sizga omonatdir farzandlaringiz.
Yetar endi shuncha oynab kuldingiz
Oxirat javobin fikr qilingiz,
Yoqangizdan olmasdan ogil-qizingiz
Farzandlaringiz bilan tavba qilingiz.
Tavba qil, ey ayol, gunohing kopdir
Kochada yurganda zinoing kopdir,
Sajda qil, tavba qil vaqting ganimat
Bilib qoy DO'ZAXDA AYOLLAR KOPDIR!!!

(muallif kimligini bilmiman)

[Ustoz]

"Kim do`zahi, kim jannati yolg`iz Olloh biladi",
Deya senga o`sha qizlar aqllilik qiladi,
"Erkak yo`q" - deb da`vo qilar, ammo bitta naql bor -
Asli ayol erni eru, yo qaro yer qiladi.

Uzr 2 daqiqada mushoiranglar uchun yozilgan to`rtlik, kamchiligi bo`lsa aybga buyurmassizlar?

[Masud Mahsudov]

Qiz-ayolni yerga urmang, bizlarda ham bor ayb,
Bozorlarga chiqarib qo'yib, yuribmiz-ku, gerdayib.

Qancha erkak g'ururini chaqa pulga sotishgan,
To'rva halta yo'q bo'ynida, beg'am nosni otishgan.

Pishir-kuydir, idish-tovoq, supir-sidir, uy ishi,
Shundan boshqa o'yida yo'q oilaning tashvishi.

Nima qilsin, shundan boshqa qo'ldan yumush kelmasa,
Xotin kelib janjal qilar, issiq ovqat bo'lmasa.

Pul topggan-chun, xo'jayinlik xotinjoni qo'lida,
Paxta qo'yar. Laganbardor qolib ketar yo'lida.

Xullas, do'stlar, shunday erlar jamiyatni buzmoqda,
Mag'rur erkak ildizni, bilib-bilmay uzmoqda.

Shu illatni har bir inson tugatishni boshlasin,
Xotin erlik, erkak xotin yumushini tashlasin.

Ana shunda, bobolar ham, shahar kezar uyalmay,
Xayron boqmas yoshlar tomon, hassasiga suyanmay.

[Ustoz]

Bozorlarda yurganlarning hammasi ham muhtojmas,
Eri topib kelganiga sabr-qanoat qilmaydi.
Hech bir kimda ayollarni yerga urish niyat yo`q,
Ammo lekin ba`zilari iymon nima, bilmaydi.

[Bekmirzo]

Qiz-ayolni yerga urmang, bizlarda ham bor ayb,
Bozorlarga chiqarib qo'yib, yuribmiz-ku, gerdayib.

Qiz-ayolni bu yerda hech kim yerga urmayapti,
Faqat, yirtiq yubka kiysa, yuzin chetga burmayapti.

:)

[Masud Mahsudov]

Bozorlarda yurganlarning hammasi ham muhtojmas,
Eri topib kelganiga sabr-qanoat qilmaydi.
Hech bir kimda ayollarni yerga urish niyat yo`q,
Ammo lekin ba`zilari iymon nima, bilmaydi.

Muhtojmi u, muhtojmasmi, bozor ishi ungamas,
Esli ayol nafsi halol, xaromlarga undamas.
Iymon nima anglatishlik, asli, erning burchidir,
Erni rozi qilmaganlar - biling- shayton burjidir.

[Masud Mahsudov]

[/B]Qiz-ayolni bu yerda hech kim yerga urmayapti,
Faqat, yirtiq yubka kiysa, yuzin chetga burmayapti.

:)

Akam, yirtiq yubka kiygan qizning akasi-yu, eri bor,
Oilada erkakman deb, gerdaygani -sheri bor.
O'sha mundoq ko'zin ochsa, boboy yuzin burmaydi.
Qizlar bo'lsa, shlyapani teshib kiyib yurmaydi :naughty:

[Ustoz]

Muhtojmi u, muhtojmasmi, bozor ishi ungamas,
Esli ayol nafsi halol, xaromlarga undamas.
Iymon nima anglatishlik, asli, erning burchidir,
Erni rozi qilmaganlar - biling- shayton burjidir.

Aynan shuni tushunmayin "Donoman" deb yurganlar,
"Zamon endi o`zgardi-ku, men sendan kam emasman",
Deya qonun yo`li bilan o`z erini "urganlar"
Haqida Siz bilmasangiz, men hech narsa demasman.

[Husen]

Шахар келиб курганим, йиртик калта юбкалар,
Жинсиси тор, сарик сочга кундирилган кепкалар.
Кўзимни лўқ этаман, кетолмайман бурилиб
Анграяман, огзимнинг суви оққан, жўралар!

Баланд пошна дастидан оёқ савил қийналар,
Тор шортикни кийволиб қаранг зўрға йўрғалар
Уни кўриб раҳмим келар, ўт тушсин-а модага!
Юролмайман, оёғимдан мадор қочган, жўралар!

Чўмилишга кетар гўё ярим очиқ баданлар,
Тугри, бунда тозадир, хлорланган-да сувлар!
Шу учунми арик сувга чумилгандир ечинмай?
Кишлогимнинг кизлари демак зукко, жўралар!

[JUS]

Анграяман, огзимнинг суви оққан, жўралар!
Ҳикоянгни ёзсангчи :)
Юқоридаги тўртликлардан чиройли қилиб ҳикоя ёзвормайсизми?

[Bekmirzo]

...
O'sha mundoq ko'zin ochsa, boboy yuzin burmaydi.
Qizlar bo'lsa, shlyapani teshib kiyib yurmaydi :naughty:
Eh, gapirmang do'stim, har kun erta ishga ketaman,
Yo'lda har xil odamlarni ko'rib, manzil yetaman.

Bitta bekat, uchta bekat - o'ylab raqam-sonlarni,
O'ylanaman: qizlar muncha ko'z-ko'z qilar sonlarni.

Kalta yubka, yirtiq yubka, qarich ham yetmas yubka,
Qiz-ayolning dilin ovlab kuni ham bitmas yubka.

Eh, qochiblar ketgim kelar, Eskimoslar joy bersa,
Agar uzun yubka qizlar anqo urug'i bo'lsa.

:) ;)

PS: she'r ham mazmunan, ham shaklan hali tugallanmagan...

[OmoN]

Ҳикоянгни ёзсангчи+1.
PS: she'r ham mazmunan, ham shaklan hali tugallanmagan..Тугатмай қўяқолинг. Ўзи яхши чиқибди.

[Kimsan Birov]

Ҳаммангиз қизларнинг калта юбкасини кўрар экансизлар, йигитларнинг тор ва айниқса чарм шим, баъзида эса шорти кийиб, оёқларининг юнгини кўрсатгани ёхуд битта майканинг ўзида кўчага чиқиб кетганлар ҳақида ҳам шеър ёзиб берасизларми? Ёки анави таниш қўшиқдаги сингари қизлар ҳам сизга қарата ўзингизнинг дўппи, белбоғ ва яхтагингиз қани деб сўрашларини кутасизми? Бир танишим бўларди - кўчада юрганида сал очиқроқ ёки торроқ кийим кийганларни кўрса, албатта таъкидламай ўтмасди. Бир куни машинада ёнида ўтирсам, "анави қизнинг калта кийганини қара, уялмайдими?" деб қолди. У ёқ-бу ёқ қарасам бирорта "калта қизни" кўрмадим. "Қани?" деб сўраганимда "Хўв ана!" деб икки кўча нарида кетаётган қизни кўрсатса бўладими. Тағин сўлаги оқаётган оғзини ёполмайди. Шунга ўхшаган баъзи одамларга қарата айтмоқчиманки: "Ёқмаса, қараманглар! Кўзингизни юмиб олсангиз - кўринмайди, тамом вассалом". Кўчадаги умуман нотаниш одамлар нима кийиб юргани билан сизнинг нима ишингиз бор? Айтишингиз мумкин, биз айтмасак, ким айтади, бола учун бутун маҳалла ҳам ота, ҳам она, деб. Лекин бундай "ота ва она" бўладиган маҳаллалардан ҳам кўнглим қолди. Бир қўшнимизнинг аҳлоқ ва одоби ажойиб бўлган қизини узатадиган вақт келди. Келган совчилар қиз ҳақида кимдан сўрашади - қўни-қўшни, маҳалладан. Ичи қора аёллар бечора қизни ёмонлаб юборишди. Айтишларича, қоралаб юборган одамларнинг узатолмай юрган қизлари бор эмиш. Мана сизга "ота ва она" маҳалла. Бундан кўра юриш-туриш ва тарбияга умуман қўшилишмагани маъқул. Умуман бегона бўлишса яхшироқ туюлади баъзида.

PS. ўзим ҳам қизлар калта юбка кийишининг тарафдори эмасман ва худо хоҳласа, қизимга бундай кийим кийишга йўл қўймайман. Лекин бошқалар билан ишим йўқ. Кийими эмас, юриш-туриши, одоб аҳлоқи бўйича баҳолайлик

[Colorado]

"Ёқмаса, қараманглар!

Ёкмаса укиманг!
Лекциянгизни бошка жойда укишни тавсия килардим. Эшбеков топики хали тугалланмаган ов....

[Kimsan Birov]

Ёкмаса укиманг!

Гап ўқиш ёки ўқимасликда эмас, аввал ўзингга боқ кейин ноғора қоқ маъносида

[Bekmirzo]

Кийими эмас, юриш-туриши, одоб аҳлоқи бўйича баҳолайлик
Kiyim - siz aytayotgan yurish-turish va odob-ahloqning tashqi belgisi hisoblanadi, mavlono.


Ёки анави таниш қўшиқдаги сингари қизлар ҳам сизга қарата ўзингизнинг дўппи, белбоғ ва яхтагингиз қани деб сўрашларини кутасизми? Yigitning boshida do'ppisi, belida belbog'i va egnida yaktakning yo'qligini qiz-ayollarning sonlari va siynalari ko'rinar darajada kiyinib yurishlariga qiyoslash - g'irt ahmoqlik.
Sal atroflicha o'ylash kerak.

[Shomurodov Shohruh]

Yigitning boshida do'ppisi, belida belbog'i va egnida yaktakning yo'qligini qiz-ayollarning sonlari va siynalari ko'rinar darajada kiyinib yurishlariga qiyoslash - g'irt ahmoqlik. Sal atroflicha o'ylash kerak.
Юфорумда мавзу очиб шеърларни калаштириб ташлаган билан нима узгаради? Шу форумга кирадиган, "очик кийиниб юрадиган", кизлар тугри кийинишни бошлайдими? Мавзуни очишдан олдин хам сал атрофлича уйлаш керак.

[Bekmirzo]

Юфорумда мавзу очиб шеърларни калаштириб ташлаган билан нима узгаради? Шу форумга кирадиган, "очик кийиниб юрадиган", кизлар тугри кийинишни бошлайдими? Мавзуни очишдан олдин хам сал атрофлича уйлаш керак.
Shohruh,
mening bu mavzuda "mavzudan maqsad - forumning "очик кийиниб юрадиган" qizlarni to'g'ri kiyinishga boshlash" degan joyim bormikan?
Birovga biror ayb qo'yishdan oldin ham sal atroflicha o'ylash kerak!..

Mavzudan esa hamma o'ziga tegishli fikr yoki xulosani chiqarib olaveradi.

[Kimsan Birov]

Yigitning boshida do'ppisi, belida belbog'i va egnida yaktakning yo'qligini qiz-ayollarning sonlari va siynalari ko'rinar darajada kiyinib yurishlariga qiyoslash - g'irt ahmoqlik. Sal atroflicha o'ylash kerak.

Мен атрофлича ўйлаб ёзгандим. Гапнинг ярмини кўрсатишдан аввал атрофлича ўйламай, сал кўзни очиб ўқиш керак. Мен айтган гапларим қуйидагича:

Ҳаммангиз қизларнинг калта юбкасини кўрар экансизлар, йигитларнинг тор ва айниқса чарм шим, баъзида эса шорти кийиб, оёқларининг юнгини кўрсатгани ёхуд битта майканинг ўзида кўчага чиқиб кетганлар ҳақида ҳам шеър ёзиб берасизларми? Ёки анави таниш қўшиқдаги сингари қизлар ҳам сизга қарата ўзингизнинг дўппи, белбоғ ва яхтагингиз қани деб сўрашларини кутасизми?

Қизларнинг сон ва сийналарини кўрсатиб юриши мен учун йигитларнинг тор ёки чарм шим кийиши, юнгини кўрсатиб калта майка ва шорти кийиб юриши билан баробар. Шундай экан атрофлича ўйлаб шарҳ берганман.

Mavzudan esa hamma o'ziga tegishli fikr yoki xulosani chiqarib olaveradi.

Мавзудан хулоса чиқаришдан аввал ҳеч бўлмаса тўғри ўқишни ўрганинг.

Kiyim - siz aytayotgan yurish-turish va odob-ahloqning tashqi belgisi hisoblanadi, mavlono.

Мавлоно бўлиш учун маълум даражага эришиш керак дейишади. Олий таълимда ўқиб юрганимда бир домла ҳатто Алишер Навоий ҳам ўз вақтида том маънода мавлоно даражасигача кўтарила олмаган, деб тушунтирганди. Шунинг учун бирор нарсани ёзишдан аввал ҳам, киноя қилишдан аввал-ку, икки баравар ўйлаб кўриш лозим. Агар инсон хулқини фақат ташқи кийими билан баҳолар экансиз, сизга раҳмим келяпти.

[Colorado]

Афсус, шъер ёзиш кулимдан келмайди.
Лекин шъер ёзганларга "атвет" сифатида

https://img.uforum.uz/images/dcvoquq6617614.jpg

Жиддий гаплар купайиб кетди:dash2:

[OmoN]

Юфорумда мавзу очиб шеърларни калаштириб ташлаган билан нима узгаради? Шу форумга кирадиган, "очик кийиниб юрадиган", кизлар тугри кийинишни бошлайдими? Мавзуни очишдан олдин хам сал атрофлича уйлаш керак.Бу мавзу 1-хабардаги шеърни эълон қилиш учун очилган холос. Кимнинг қанақа кийинишини муҳокама қилиш учун эмас.

[Bekmirzo]

Мен атрофлича ўйлаб ёзгандим. Гапнинг ярмини кўрсатишдан аввал атрофлича ўйламай, сал кўзни очиб ўқиш керак. Мен айтган гапларим қуйидагича:

Ҳаммангиз қизларнинг калта юбкасини кўрар экансизлар, йигитларнинг тор ва айниқса чарм шим, баъзида эса шорти кийиб, оёқларининг юнгини кўрсатгани ёхуд битта майканинг ўзида кўчага чиқиб кетганлар ҳақида ҳам шеър ёзиб берасизларми? Ёки анави таниш қўшиқдаги сингари қизлар ҳам сизга қарата ўзингизнинг дўппи, белбоғ ва яхтагингиз қани деб сўрашларини кутасизми?

Қизларнинг сон ва сийналарини кўрсатиб юриши мен учун йигитларнинг тор ёки чарм шим кийиши, юнгини кўрсатиб калта майка ва шорти кийиб юриши билан баробар. Шундай экан атрофлича ўйлаб шарҳ берганман.Gapingizning o'sha birinchi yarmini o'zingiz yana bir marta o'qib ko'ring. Bugungi O'zbek jamiyatida charm shim kiyib yurgan erkaklar soni qancha chiqishi mumkin? Tor shim kiyganlar-chi? Shortik debsiz, agar shortik tizzasidan tushib turgan bo'lsa, hech qanday yomon joyi yo'q. Shortik tizzasidan kalta bo'lsa, buni men albatta qoralayman (sport inshootlarida kiyiladigan shortik men uchun bundan istisno). Siz istasangiz, albatta ular haqida ham kimlardir she'r yozib berishi mumkin. Yuqoridagi hazilomuz g'azal muallifini ham balki topib bo'lar...
Nima bo'lganda ham, yuqoridagi iddaoingiz qizlarning kalta-kulta, ochiq-sochiq kiyinib ketishlarini zarracha bo'lsa-da, oqlamaydi. Aynan bizning zamonaviy jamiyatimizda ayollarning ochiq-sochiq kiyinishi erkaklarning shortik, tor shim, charm shim (10 million o'zbek erkagini orasidan 1.000 dona chiqarmikan shunaqa kiyinadigan?...) kiyishlaridan aaancha oldin boshlangan.


Мавлоно бўлиш учун маълум даражага эришиш керак дейишади. Олий таълимда ўқиб юрганимда бир домла ҳатто Алишер Навоий ҳам ўз вақтида том маънода мавлоно даражасигача кўтарила олмаган, деб тушунтирганди. Шунинг учун бирор нарсани ёзишдан аввал ҳам, киноя қилишдан аввал-ку, икки баравар ўйлаб кўриш лозим.Sizning darajangiz menga umuman noma'lum. Fanlar akademiyasida professormisiz yoki biror Internet kafening administratorimisiz, farqi ham yo'q. Shunchaki, sizga hurmat yuzasidan mavlono, deya murojaat qilgandim. Kesatiq yoki kinoya ham yo'q bunda. Men biladigan ziyo olamida insonlar bir-biriga mavlono, deb murojaat qilishadi va bunda hech qanday bir g'ayritabiiy holat yo'q.

Агар инсон хулқини фақат ташқи кийими билан баҳолар экансиз, сизга раҳмим келяпти.Rahmingiz kelishidan oldin, siz menga ag'darayotgan gapni qayerda ta'kidlaganimni balki ko'rsatib berarsiz?..

[Kimsan Birov]

Gapingizning o'sha birinchi yarmini o'zingiz yana bir marta o'qib ko'ring. Bugungi O'zbek jamiyatida charm shim kiyib yurgan erkaklar soni qancha chiqishi mumkin? Tor shim kiyganlar-chi? Shortik debsiz, agar shortik tizzasidan tushib turgan bo'lsa, hech qanday yomon joyi yo'q.

Сиз бу масалада фақат сон ва сийна кўринишини эътиборга оляпсиз. Аммо менинг эшитишимча, аёлларга йигитнинг сони, сийнаси ёки оёқлари узунлиги кўп ҳам қизиқтирмайди. Тор ва чарм шимларда эркакнинг қайси жойи бўртиб чиқишини тушунтиришнинг ҳожати бўлмаса керак. Худди шунингдек шорти кийиб бирон жойга ўтирганда ҳам. Бунинг устига мен эркакларни қоралаш учун эмас, эркакларнинг бундай кийиниши аёллар калтароқ юбка кийиб юришлари билан баробар дедим, холос.

Shunchaki, sizga hurmat yuzasidan mavlono, deya murojaat qilgandim. Kesatiq yoki kinoya ham yo'q bunda

Мен кесатиқ маънода ўқиган эканман, бунинг учун кечирим сўрайман.

Rahmingiz kelishidan oldin, siz menga ag'darayotgan gapni qayerda ta'kidlaganimni balki ko'rsatib berarsiz?..

мана бу ерда

Kiyim - siz aytayotgan yurish-turish va odob-ahloqning tashqi belgisi hisoblanadi

Сиёсат ёки дин ҳақида гапириш ниятим йўқ-ку, лекин баъзи жойларда паранжи сингари кийим кийиб, портлаш ишларини қилаётганлар ҳақида ҳам ТВ орқали кўраётган бўлсангиз керак. Бундай узун кийим кийганлардан кўра калта юбка кийиб тўғри қадам босганлар минг маротаба афзалдир

[Maestro]

Sal atroflicha o'ylash kerak.

сал атрофлича уйлаш керак

sal atroflicha o'ylash kerak!..

аввал атрофлича ўйламай, сал кўзни очиб ўқиш керак

тўғри ўқишни ўрганинг

Мен мактабга кетдим ;-)

[OmoN]

Сиёсат ёки дин ҳақида гапириш ниятим йўқ-ку, лекин баъзи жойларда паранжи сингари кийим кийиб, портлаш ишларини қилаётганлар ҳақида ҳам ТВ орқали кўраётган бўлсангиз керак. Бундай узун кийим кийганлардан кўра калта юбка кийиб тўғри қадам босганлар минг маротаба афзалдирМенинг ҳам. Шунинг учун бу мавзуда оффтопит қилиб ўтирмадим...

[Shomurodov Shohruh]

Shohruh, mening bu mavzuda "mavzudan maqsad - forumning "очик кийиниб юрадиган" qizlarni to'g'ri kiyinishga boshlash" degan joyim bormikan?
Узр, тегини куйиш ёддан кутарилибди.
Мен мактабга кетдим ;-)
1 августга якин колди, ундан кура институтга боринг, иккинчи мутахассисликка топшириб :)
Бу мавзу 1-хабардаги шеърни эълон қилиш учун очилган холос. Кимнинг қанақа кийинишини муҳокама қилиш учун эмас.
Омон ака, ахир барибир шунга бориб такалдику, шеърни ёзишдан хам максад факатгина "шоирона талантни" курсатиш булмаса керак?

[OmoN]

Омон ака, ахир барибир шунга бориб такалдику, шеърни ёзишдан хам максад факатгина "шоирона талантни" курсатиш булмаса керак?Теманинг қайси бўлимда очилганига эътибор беринг. Бировнинг кийимини муҳокама қилиш ҳам эмасди менимча. Ҳа, ростдан ҳам шунга келиб тақалди. Бу тема учун "Мусорка"дан бошқа жой каллага келмаяпти.

[Kimsan Birov]

Цитата: Сообщение от Kimsan Birov Посмотреть сообщение тўғри ўқишни ўрганинг Мен мактабга кетдим ;-)

Менимча, бу фикрни Bekmirzo (javascript:insertNick('Bekmirzo',%20'425025');) билан боғлаган эдим, шекилли, ёки Маэстро билан Бекмирзо бир шахсми?

[Kimsan Birov]

Теманинг қайси бўлимда очилганига эътибор беринг. Бировнинг кийимини муҳокама қилиш ҳам эмасди менимча. Ҳа, ростдан ҳам шунга келиб тақалди. Бу тема учун "Мусорка"дан бошқа жой каллага келмаяпти.

Гапингизда жон бордир, аммо кетма-кет ҳамма шеърлар фақат шу мавзуга бориб тақалгандан кейин яна нима ҳақда ёзиш керак? Ромео ва Жульетта муносабатлари ҳақида бу ерда ёзмайсмиз-ку :-)

[OmoN]

Ромео ва Жульетта муносабатлари ҳақида бу ерда ёзмайсмиз-ку :-)Унда Ланселот ва Изольда ҳақида ёзинг :)

[Kimsan Birov]

Унда Ланселот ва Изольда ҳақида ёзинг

Изольданинг ҳам юбкаси калтамиди?

[JUS]

Аввало мен бу ерда қизларнинг ғийбат қилиш эмас, оддийгина хазил тариқасида ёзилган шеърдек қабул қилгандим.
Бир танишим бўларди - кўчада юрганида сал очиқроқ ёки торроқ кийим кийганларни кўрса, албатта таъкидламай ўтмасди.
Бир қўшнимизнинг аҳлоқ ва одоби ажойиб бўлган қизини узатадиган вақт келди. Келган совчилар қиз ҳақида кимдан сўрашади - қўни-қўшни, маҳалладан.
Ичи қора аёллар бечора қизни ёмонлаб юборишди. Айтишларича, қоралаб юборган одамларнинг узатолмай юрган қизлари бор эмиш.
Мана сизга "ота ва она" маҳалла.
Юқоридагиларни ҳақиқий ғийбат деса бўлади!!! ;)

[Kimsan Birov]

Юқоридагиларни ҳақиқий ғийбат деса бўлади!!!

Бу гапингизга тўлиқ қўшиламан, лекин мен олдиндан бошқаларнинг гапини олишга ҳаракат қилдим. Агар бу гапларни ёзмаганимда юқоридаги гаплар келиб чиқиши аниқ эди. Бунинг устига ҳаётдан мисол келтириб гапирилса ишониш осон кечади, осмондан олиб, оғзини кўпиртиргандан кўра. Ўзим ғийбатни жонимдан ёмон кўраман, аммо афсуски баъзида оддий бир гапни уқтириш учун шунга ўхшаш мисоллар келтиришга мажбур бўлинади

[Bakhtiyor aka]

Афсус, шъер ёзиш кулимдан келмайди.
Лекин шъер ёзганларга "атвет" сифатида

https://img.uforum.uz/images/dcvoquq6617614.jpg

Жиддий гаплар купайиб кетди:dash2:

Бахтли жуфтлик, чунки "кийнишмаган"....

[Kimsan Birov]

Бахтли жуфтлик, чунки "кийнишмаган"....

http://uzb.orzu.uz/images/stories/chimildiq/money_love.jpg


Мана булар кийинишган, бўлмасам

[Bakhtiyor aka]

Мана булар кийинишган, бўлмасам

Гўзал мовий осмон ва чексизлик рамзи бўган сахро ва тоғлар фонида, чиройли хатти-харакатлари билан, учишга интилиш каби ажойиб хиссиёт таъсиридаги, ушбу фотосуратдаги икки бахтли инсоннинг кийган киймлари умуман ахамиятсиз иккинчи даражали нарсага айланиб қолган..

Табиатан одамлар ўхшар қушларга
Мусаффо қалблари мовий осмонга
Лекин баъзан сезмай хатто ўзлари
Тақлид қилишади улар илонга...

[JUS]

Тақлид қилишади улар илонга...
Ока улар "юрак" шаклида туришибди-ку!

[Kimsan Birov]

Ока улар "юрак" шаклида туришибди-ку!

Қофияга жуда мос тушибди-да, шунинг учун индамай қўя қолайлик

[OmoN]

Ока улар "юрак" шаклида туришибди-ку!Шеърда гап юрак шаклидаги илон ҳақида кетяпти :)

[Bakhtiyor aka]

Тақлид қилишади улар илонга...
Ока улар "юрак" шаклида туришибди-ку!

Илон пастроқда, хозир чиқиб қолса керак...:187:

[Bakhtiyor aka]

Ока улар "юрак" шаклида туришибди-ку!Шеърда гап юрак шаклидаги илон ҳақида кетяпти :)

Бу ёғи инглизча юмор бўлиб кетдику. Қойил.

[Kimsan Birov]

Илон пастроқда, хозир чиқиб қолса керак

Расмда олма кўринмаяпти, шунинг учун илон чиқиши ҳам даргумон

[Maestro]

ғийбатни жонимдан ёмон кўраман
;-). Жонини ёмон курадиган одамни энди куришим... ;-)

[OmoN]

;-). Жонини ёмон курадиган одамни энди куришим... ;-)3-палатадаги Рузвельт ҳам шунақа эди. Эсингизда йўқми :)

[JUS]

Ичи қора аёллар бечора қизни ёмонлаб юборишди. Айтишларича, қоралаб юборган одамларнинг узатолмай юрган қизлари бор эмиш.
Юқоридагиларни ҳақиқий ғийбат деса бўлади!!! ;)
ғийбатни жонимдан ёмон кўраман

;-). Жонини ёмон курадиган одамни энди куришим... ;-)

Даҳолигингиз қаерда қолди? Тушиб қолган, қўшилиб кетган ҳарфларни тез топиб олардингизу :)
Сизга айтдимку -ҳали жойингиздан қимирламай ўтираверинг - деб ;)

[Kimsan Birov]

Шотландиялик бўлса керак.

Мана энди ҳақиқий ҳазил ва кулгу бошланди. Бошқалар эса шеър ёзиб ўтиришибди

[Tulqin Eshbekov]

Qiziga avratin yopgin demasa?

Тил теккизманг нозанинлар авратига,
Ярашмайди шеър ёзганлар савлатига!

[Colorado]

Ehhh, mavzuni ham rasvosini chiqardilariz...


Тагига олдиргандан кўра ёпилгани маъқулроқмикин - деб ўйладимда.

шу гапингиз учун женский палатадан юборишияпти
https://img.uforum.uz/images/nprwahq4045998.jpg

[Kahramon Jalilov]

(Remix variant she'r)

Bog' aro qo'ysam qadam
Toshkentga borib qolsam
Uch qizni uchratsam-u
Biri o'zbek, biri koreys, biri g'irt o'ris...
Koreys o'hshay der o'zbekka
Lek ko'zi hech qiymas bunga,
O'ris esa kimman deb o'ylar o'zicha
Bir tarafi Evropayu, bir tarafi Aftika
Go'yo oppoq kraska,
Tushib ketgan yuziga...
O'zbek qizi esa qolishmaydi,
Noz-karashmadan tonishmaydi,
Kimsan o'zbek qiziman deb, (o'risdan qolishmaydi, ba'zilari)
Ibosin yashirmaydi..
(davomi bor, o'hshamagan bo'lsa uzr)

[Bakhtiyor aka]

женский палатадан юборишияпти

Албатта булар хаммаси хазил, лекин шу гапингизга, бахслашишга арзийдиган бир мавзу бор.

Палата деганда рухий касаллар ётадиган жой хақида гапиряпмиз. Биласизми аёллар нимагадир ақл хасталикларига эркакларга нисбатан кўпроқ чалинади. Эркаклар эса кўпроқ юрак хасталиклари билан кассаланишади. Вахоланки эркаклар қалбига кам қулоқ солади ва кўпроқ ақл бўйруғига амал қилади. Аёллар эса ақлга сиғмайдиган холда хам қалбидаги хисларига кўпроқ қулоқ солади. Балки шунинг учун хам ақл билан боғлиқ хасталикларни рухий касалликлар деб тўғри аташар.

Қизиқ бу табиатнинг яна бир баланси эканми, ақл ва қалб мутаносиблигини сақлаш учун, аёл билан эркакни ипсиз боғлаб қўйган бўлса.

Мен асло юрак, қалб, рух, ақл ва хоказо сўзларнинг мазмуни хақида эмас, балки эркак ва аёларнинг қалб ва ақл бобидаги мутаносиблиги хақида бахслашмоқчиман.

Аёлларни эркаклардан, ва аксинча, устун қўйиш ниятим умуман йўқ. Иккисини хам оллох томонидан берилган ўз ўрни, авзаллик ва камчиликлари бор.

Нима дейсиз?

[Colorado]

Мен асло юрак, қалб, рух, ақл ва хоказо сўзларнинг мазмуни хақида эмас, балки эркак ва аёларнинг қалб ва ақл бобидаги мутаносиблиги хақида бахслашмоқчиман.
Узур, менинг учун узбек тилида 3-4 жумла ёзиш хам машаккат.
Хусен, Омон, айникса Бекмирзо ва Маъсуджонларни топикларини укиб,хавас киламан.
Азгина баландпарвоз булса хам, уларнинг дунёкараши, акл идроки менда гурур хис тугдиради.
Аёлларни эсга олмадим, бу бежиздан эмас, тушингандирсиз
Энди таклифингизга кесак, узбек тилида ёзилган фикрларга рус тилида жавоб кайтарсам, баъзиларни гаши келиши мумкин деб уйлайман.

[OmoN]

Энди таклифингизга кесак, узбек тилида ёзилган фикрларга рус тилида жавоб кайтарсам, баъзиларни гаши келиши мумкин деб уйлайман.Бемалол ёзаверинг, биз ивритча жавоб қайтармаймиз :)

[Kimsan Birov]

(Remix variant she'r)

Аслини олганда шеър анча-мунча келишмабди, лекин узр сўрабсиз, эгилган бошни қилич кесмас

[Nigora Umarova]

Elbek baxshi Alpomishlikni orzu qiladigan yigitlar davrasida shunday qo'shiq aytgan ekan:

Boychiborda uchmasang-
Alpomishlik qaydadir?
Yor izidan tushmasang-
Alpomishlik qaydadir?
Oybarchinni suymasang-
Alpomishlik qaydadir?
Ayriliqda kuymasang-
Alpomishlik qaydadir?
Barchinday yor yo'q ersa-
Alpomishlik qaydadir?
Dilingda zor yo'q ersa-
Alpomishlik qaydadir?
Elim deb ot surmasang-
Alpomishlik qaydadir?
Dushman uzra yurmasang-
Alpomishlik qaydadir?
Qlichu-yoy tortmasang-
Alpomishlik qaydadir?
Chohda chirib yotmasang-
Alpomishlik qaydadir?
Oring yo'ldosh bo'lmasa-
Alpomishlik qaydadir?
Eling qo'ldosh bo'lmasa-
Alpomishlik qaydadir?
Tilingda chin so'z yo'qma-
Alpomishlik qaydadir?
Qorajonday do'st yo'qma-
Alpomishlik qaydadir?
Do'stlaring dov bo'lmasa-
Alpomishlik qaydadir?
Qalmoqday yov bo'lmasa-
Alpomishlik qaydadir?
Qo'ng'irotday el bo'lmasa-
Alpomishlik qaydadir?
Shoirlar sel bo'lmasa-
Alpomishlik qaydadir?
Qismating dud bo'lmasa-
Alpomishlik qaydadir?
Boysunday yurt bo'lmasa-
Alpomishlik qaydadir?
Mardning dili bo'lmasa-
Alpomishlik qaydadir?
O'zbek tili bo'lmasa-
Alpomishlik qaydadir?
Ko'ngil yo'llab turmasa-
Alpomishlik qaydadir?
Xudo qo'llab turmasa-
Alpomishlik qaydadir?

Qaydadir-o, qaydadir,
Savollarim qaytadir?
Shoir ko'nglim bu so'zni,
Bolam, senga aytadir.
Changaling tog'ni ushlab,
Qumday qilib sovurgan.
Yuragingning zo'ridan
Qisirlaydi qovurg'ang.
Alpomishlik havasdir-
Joning elniki bolam.
Dushman ko'rsa titrtgan
Kuching sherniki, bolam.
Alpomish bo'lay desang,
Dunyog bir ko'z tashla.
Ko'ngling to'lsa, Xudo de,
Alpomishlikni boshla.
Nasihatim yodda tut,
Elimga ehson bolam.
Xudodan omad tila,
O'zingga ishon, bolam.

Usmon Azim

[Bakhtiyor aka]

Энди таклифингизга кесак, узбек тилида ёзилган фикрларга рус тилида жавоб кайтарсам, баъзиларни гаши келиши мумкин деб уйлайман.

Ғаши келадиганини, қайси тилда гапирсангих(терсангиз) хам, ғаши келаверади... Унақалар учун - "Do not disturb" - белгисини киритамиз.

"Голосу сердца или разума внемля" - деб номланса, ўзбекчада - "Қалбинга қулоқ сол ёки ақл билан иш қил" - бўладими?

[Colorado]

Энди таклифингизга кесак, узбек тилида ёзилган фикрларга рус тилида жавоб кайтарсам, баъзиларни гаши келиши мумкин деб уйлайман.

Ғаши келадиганини, қайси тилда гапирсангих(терсангиз) хам, ғаши келаверади... Унақалар учун - "Do not disturb" - белгисини киритамиз.

моссад приступил к дежурству в полном составе
энди кис...... ведем себя как ....
https://img.uforum.uz/images/pmensja8050226.jpg

[Bakhtiyor aka]

[QUOTE='Colorado;426212']Энди таклифингизга кесак, узбек тилида ёзилган фикрларга рус тилида жавоб кайтарсам, баъзиларни гаши келиши мумкин деб уйлайман.

Ғаши келадиганини, қайси тилда гапирсангих(терсангиз) хам, ғаши келаверади... Унақалар учун - "Do not disturb" - белгисини киритамиз.

моссад приступил к дежурству в полном составе
энди кис...... ведем себя как ....


Я тут не причём, слово "иврит" было тревожным сигналом....
Ну что же ягнята так ягнята, только вот жарко будет под этой длинной шерстью..

[Kimsan Birov]

только вот жарко будет под этой длинной шерстью..

Им не жарко, они закаленные - сквозь огонь, воду и волков - строевым шагом пройдут

[Nigora Umarova]

Аёлларни қадрсизлантиришнинг маданий йўллари
Не ажабки, бугунги кунда аёл зоти анчайин қадрсизликларга дучор қилиняпти. Булардан биринчи мубтало бўлингани, шубҳасиз, халқимиз удумига моc келмайдиган кийиниш ва одатлар урф бўлиб, аёллар бу юкни соддалик билан ўзларига олганларидир. Натижа: агар аёлларга «Нега миллий кийинмайсиз?», деган савол берилса, «Миллии-кийинардим у, жамоатчиликнинг эътиборидан қолиб кетаманми, деб кўрқаман» маъносида жавоб беришлари эҳтимолдан холи эмас.

Бунинг оддий исботи шуки, аксар аёллар кўчага чиққанда европача, уйига келгач, ўз миллий кийимини кийиб олишади ва шу кийинишда ўзларида енгиллик ҳис қилишади. Яна кўчага чиқишаётганда «Уфф» дейишиб, «кўча қолипи»га кириб олишади.

Иккинчиси шуки, аёл зоти ҳам бирор жойда ишлаши, ҳам уй рўзғорга улгуриши гўёки оммавийлашиб кетгандай. Атрофга қарашиинг ўзи кифоя: жуда кўп аёллар чарчаб, кўллари ҳар хил касалликларга чалиниб қолишган. Агар аёлларга ишлаш ва ҳақ тўлаш шарт шароитлари янада енгиллаштирилса, оиласи бағрида кўпроқ вакт бўлишларига эришилса, яхши бўларди.

Учинчиси, эркаклар билан ёнма-ён, аралаш ишлаш ва ўқишга жалб қилинганларидир. Чунки кўпчилик аёллар ва қизлар эркаклар билан ёнма-ён бўлиш туфайли ўзларининг назокатларини йўқотишиб, сурбетлашиб, сўкиш ва эркакча муомалаларга мослашиб қолишади. Бошқа тарафдан эса, эрининг ўзига бўлган муҳаббатини сақлаш ҳам қийинроқ масала бўлиб қолади. Баъзан эса ё эрининг, ё ака укасининг орияти сабабидан оилада турли муаммолар юзага келиши доимий эҳтимоллигича сақланиб қолаверади. Мактабда ишлаган вактимда кўп кўрганман: ҳар йили сентябр октябр ойларида ўқитувчилар иш ҳақини тарифлаш белгилаш ҳужжатлари тўлдирилаётган даврда директорлар уят бўлса ҳам, аёл ўқитувчилар орқали аёл ҳамкасблари қайси ойнинг қайси кунларида фарзанд кўришини сўраб олишади. Чунки бу ҳужжат асосан йилда бир марта тўлдирилади, бирорта аёл фарзанд кўриш сабабли таътилга чиқишига тўғри келиб қолса, бошқа ўқитувчига унинг дарсини қонунийлаштириб ўтказиб бериш лозим бўлади. Биз шундай аждодларнинг авлодларимизки, бизнинг момоларимиз ҳаёлари кучлилигидан ўзларининг ҳомиладорликларини ҳам эл-юртнинг кўзидан яшириб юришган. Содиқжон ака деган оғайним бор. У кишининг момоси шундай одобли ҳаёли бўлган эканки, ҳатго, маҳалласидагиларнинг кўпчилиги у момони келинлик даврларидан бери кўришмаган экан. Худо раҳмат қилгур шундай момоларимизчалик бўлиш қийинлиги равшан гап-ку, лекин ўрнак сифатида эслаб юриш ёмон бўлмайди, албатта.
Ҳозирги кунда баьзи жойларда аёлларни шарманда қилишнинг янгича ноинсоний йўллари ишлатиляпти. Бу шундан иборатки, кимдир бирор аёлни расво қилишни истаб қолса, компьютерчи йигитларга у аёлнинг расмини беради, у эса ўша аёлни кийимсиз қилиб ёки бирор эркак билан ётган ҳолда тасвирланган суратлар ишлаб беради. Шу тариқа ўша аёл СИНИБ КЕТАДИ ва расво бўла-ди. Ёки айни йўл билан қайсидир йигитни шарманда қилишиб,хотинидан айириб юборишади. Лекин яна, барибир, биринчи ўринда аёл хор бўлади. Бунақа палид ишлар ғурур ва орияти ўлган, беҳаё, бетайин йигитлардан содир бўладики, БИЗ ўғил ва қизлар тарбиясига алоҳида эътибор бермасак, бўлмайдиганга ўхшаб қолди. Токи, БИЗнинг атрофимизда ўшанақанги беор, беҳаёлар пайдо бўлмасин. Чунки ҳозирнинг ўзидаёқ «модел бўлиш» учун, гўзал бўлиш учун суратларга тушиб ўзини кўз-кўз қилиш ҳаракатлари бошланиб кетди. Бундан эҳтиёт бўлиш керак. Охири бахайр бўлсин!

Бахтиёр Муҳаммадамин Абдураҳим

Mанба (http://www.barkamol.uz/manaviyat/94-manaviy.html)


www.barkamol.uz сайтининг ижодкорларининг ишларига ривож тилайман. Маънили, тарбиявий аҳамиятга эга сайт бўлибди.

[Kimsan Birov]

Бунинг оддий исботи шуки, аксар аёллар кўчага чиққанда европача, уйига келгач, ўз миллий кийимини кийиб олишади ва шу кийинишда ўзларида енгиллик ҳис қилишади. Яна кўчага чиқишаётганда «Уфф» дейишиб, «кўча қолипи»га кириб олишади.

Энди бу гап менга масалан ғалати эшитилди. Қайси гал уффф деб кийиниш турли аёллар учун турлича. Балки уйга келиб кийган кийимларини уфф дейишар? Нима учун бундай деяпман? Олий ўқув юртида ўқиб юрганимда пойтахтга келиб ўқиётган вилоятлик қизлар БАЪЗИДА шаҳарликлардан озодроқ ва очиқроқ кийинишарди. Бу фақат бир-икки қизга эмас, анча-мунча қизга тааллуқли. Аввалига яқинларидан узоқлашиб, ҳаёларини ҳам йўқотиб қўйишибди-да деб ўйлагандим. Кейинчалик тузукроқ ўйлаб кўрсам, гўёки бир тазъйиқдан қочган, баҳриларига эркин шамол теккандек, бундай кийинишаркан. Шаҳарликлар эса бундай кийина олишмайди. Нима учун? Чунки ҳар доим оилалари кўзи олдида бўлишади.

Аёлларнинг ишлашига келсак, бу гапга ҳам кўп қўшила олмайман. Нима учун? Мен ғарбий феминизмни тўлиқ қўллаб-қувватламайман, албатта, лекин ишга борадиган аёл билан уйда ўтирган аёл ўртасида осмону ерчалик фарқ бор. Тўрт девор остида яшайдиган аёлларнинг дунёқараши ҳам шу қадар торлашиб кетади. Ахир уйида ит боқадиганлар ҳам ҳар куни уларни кўчада айлантириб келишади-ку. Наҳотки аёлларимизга шу итлардан ҳам паст назар ташласак?
Ўзбек филологияси факультети ўқишга кирганимда мактабни энди битиргандим. Ростини айтганда, ўша пайтлари кўчада оғзимдан боди кириб шоди бемалол чиқиб кетаверарди. Кечкида ўқиганим туфайли кундузи ишга кирдим. Ишхонамдаги компьютерда ишловчи ходимлар (ҳарф терувчилар) қизлар эди. Уч эркак 5-8 қиз орасида қолиб кетардик, баъзида. Икки ой ўтар-ўтмас умуман чўкиниш эсимдан чиқиб кетди. Синфдошларим билан учрашганда ҳам улар сўкканини эшитсам, қулоғимга ёқмайдиган бўлиб қолди. Шунинг учун юқоридаги безбетликлар, беҳаёликлар (компьютерда фотоларни ўзгартириш, қизларнинг сўкина бошлаши ва ҳоказо) ҳар бир одамнинг ўзига боғлиқ. Агар одамнигн ўзи истаса, шарму ҳаёсини ҳам, урф-одатларини ҳам сақлаб қола олади. Телевизорда кўп йил илгари революция туфайли хорижга чиқиб кетганлар билан учрашувларни кўп кўрганман. Улар орасида руслар ҳам, ўзбеклар ҳам бор эди. Уйида ўзлигини ҳурмат қилганлар боласига ҳам, неварасига ҳам она тилини ўргатиб шу пайтгача келганлар талайгина. Уларнинг шунча йил ўтганига қарамай, она тилларини эсларидан чиқармаганликлари одамни ҳайратга солади. Демак, кўриниб турибдики, баъзи қизларнинг ёмон томонга ўзгариб кетаётгани ишхонадаги эркаклар туфайли эмас, қизларнинг ўзи шунга мойиллик билдираётганидир.

[Kavsar]

Икки ой ўтар-ўтмас умуман чўкиниш эсимдан чиқиб кетди. Синфдошларим билан учрашганда ҳам улар сўкканини эшитсам, қулоғимга ёқмайдиган бўлиб қолди. Шунинг учун юқоридаги безбетликлар, беҳаёликлар (компьютерда фотоларни ўзгартириш, қизларнинг сўкина бошлаши ва ҳоказо) ҳар бир одамнинг ўзига боғлиқ.

Shunday yigitlar borki, qizlar undan ibrat oladi, shunday qizlar ham borki ba'zan yigitlarga ham ibrat bo'lgan... Darhaqiqat, hamma bir-biridan saboq olib yashaydi. Ko'p narsa odamning o'ziga ham bog'liq ekan..

Ba'zan qo'pollashib qolgan qizlarni ko'rsam, xafa bo'lib ketaman, nega bunday bo'layotganligini hech tushuna olmayman. Lekin o'sha nazokatli va iboli qizlarimizni qo'pol harakatlari, gap-so'zlari bilan ranjitayotgan yigitlarimiz ham yo'q emas. Baribir hamma narsa, tarbiya, oiladagi muhitga kelib taqalsa kerak. Tasavvur qiling, "muhokamadagi" yoshlar ertaga oila qurishadi, ulardan qanday avlodni kutish mumkin?....

[Colorado]

Мен ғарбий феминизмни тўлиқ қўллаб-қувватламайман,
Постингизни укиб, менда шубха тугилди, сиз гарбий феминизмни кандай тушунасиз?
Масалан мен уйлайманки, феминизм Шарк аёллари хавас киладиган нарса эмас.
Гарб цивилизацияси в Шарк цивилизацияси хеч качон интеграция була олмайди. Шарк менталитети конимизга сингиб кетган, шу жумладан аёлларга хам. Ёши утган сари инсонни уз зотига тортади. Кизлар ёшлигида калта юбка ёки джинса кийгани билан, дили шаркона.

[Kimsan Birov]

сиз гарбий феминизмни кандай тушунасиз?

Авваламбор бу саволга ўзигиз жавоб бермабсиз-ку. Менга келсак феминизмнинг икки кўриниши мавжуд.
Биринчиси, том маънода эркак ва аёлнинг тенг ҳуқуқларга эгалиги. Бу эркаклар уйига келганида овқат пишириши ёки овқатдан кейин идиш-товоқ ювиши керак, дегани эмас. Бир хил ҳуқуқ, мажбурият ва эркинликларга эга бўлиши. Бу фуқаролик ҳужжатлари: паспорт, ҳайдовчилик гувоҳномаси ва бошқаларни олиш, дам олиш, ота-она бўлиш, оила қуриш ҳуқуқлари. Аёлларга нисбатан зўравонлик қилган эркакларга (ҳатто эри бўлган тақдирда ҳам) нисбатан тегишли чоралар кўриш ҳуқуқи. Санайдиган бўлсак саноғи кўп. Бу том маънодаги феминизм.
Энди феминизмнинг ашаддий кўриниши ҳам мавжудки, мен бунга умуман қаршиман ва юқорида буни таъкидлаб ўтдим. Бу фанатизмни ҳам эслатади. Мисол учун, эркакларга таъзйиқ ўтказиш, аёлларни улардан юқори қўйиш ва ҳоказо. Эркак шунчаки аёл олдида эшикни очиб берса, оғир юкини қўлидан олса, кўринишига ёки кийимига оддий мақтов сўзлари айтса, буни ёмон йўлга йўйиб, тегажоқлик қиляпти деб арз қилишгача борадиган аёллардан худо сақласин.

феминизм Шарк аёллари хавас киладиган нарса эмас.

Бу гапингизга кўп ҳам қўшила олмайман. Биринчи мисолимдаги тенг ҳуқуқликка ҳар бир ўзбек аёлининг ҳам ҳаққи бор. Масалан, ҳар куни ичиб келиб, уйида жанжал кўтарадиган, аёлига ва қизларига зўравонлик қиладиган эркакларга нисбатан жиддий чора кўрилиши лозим деб ўйлайман. Буниг устига баъзи мамлакатларда эркак уйига бегона аёлни олиб келганида ҳам хотинидан мулозамат кўрсатиш талаб қилинади. Бу ҳатто қонунан белгилаб ҳам қўйилган. Бундай ҳолларни мен оқлай олмайман. Аёллар ҳам худди бизлар каби одам, уларнинг ҳам ҳис-туйғуси, қалби бор. Шундай экан, эркаклигимизни ва ёнимиздаги аёллар учун масъул эканимизни эсдан чиқармайлик

[Abdurohman]

Келинглар, мен гап ёзиш урнига уртогимнинг шеърини такдим этаман..
GO'ZALSAN AMMOKI LATOFATING YO'Q
BO'LMASA BUNCHALAR NIGOHING SOVUQ
TANHOSAN LEK SENI YO'QDIR JOZIBANG
BARBI EY QIZALOQ QANCHA XOTIRANG
SOCHLARING TARQALGAN SHIMLARING TARANG
SENGGA CHIDAR UCH KUN MARD YIGIT ARANG
SENDA NA BIR IFFAT NA BORDIR HAYO
QIZLIK IBOYING YO'Q XO'PSAN BEHAYO

YIGITLAR MENGGA ROM DEYA O'YLARSAN
ASLIDA O'ZINGGA CHO'PCHAK SO'YLARSAN
YIGITLAR SENGGAMAS XIRSIGA OSHIQ
GUNOHLAR O'ZIGA QILGANDIR TORTIQ

CHIROYLISAN BALKI BU HUSN O'TAR
O'SHANDA QAY YORING AYT SENI KUTAR
ALDAMA O'ZINGNI BARBI QIZALOQ
QOLMAYSAN O'SHANDA BO'LIB O'YINCHOQ

© ILHOM FAYZULLAYEV

[Nigora Umarova]

Келинглар, мен гап ёзиш урнига уртогимнинг шеърини такдим этаман..
GO'ZALSAN AMMOKI LATOFATING YO'Q


Katta-katta harflar bilan she'r ifodalanganidan jahl aralash yozilgandek tuyildi. She'r yozayotganda harf shriftlarining odatiy shaklidan foydalaning.

[Kimsan Birov]

CHIROYLISAN BALKI BU HUSN O'TAR O'SHANDA QAY YORING AYT SENI KUTAR ALDAMA O'ZINGNI BARBI QIZALOQ QOLMAYSAN O'SHANDA BO'LIB O'YINCHOQ

Аслида Барби ўйинчоқ неча ёшда эканини биласизми? Ҳусни аввалгидек қолаётгани аниқ

[Kavsar]

SENDA NA BIR IFFAT NA BORDIR HAYO
QIZLIK IBOYING YO'Q XO'PSAN BEHAYO

Endi bunchalikka bormanglar-da, evrostilgayam hamma birdan o'tib ketmagan-ku... Vaqt kerak bo'lgan. Ba'zi qizlar ko'r-ko'rona, tushunmagan holda "zamondan ortda qolmay" (ammo adashadi, zamon kiyim bilan o'lchanmaydi) deb shunday kiyinadi. Esini yiqqanlar sekin-asta o'tayapti-ku adras, tafta kabi milliy kiyimlarga, uzun ko'ylaklarga. Hammani birdaniga o'tkazib bo'lmaydi, axir.


Шарк менталитети конимизга сингиб кетган, шу жумладан аёлларга хам. Ёши утган сари инсонни уз зотига тортади. Кизлар ёшлигида калта юбка ёки джинса кийгани билан, дили шаркона.

Mana shu gap juda ham to'g'ri aytilibdi. Haqiqatan biz oldin taqlid qilamiz-da, keyin yana o'zligimizga qaytib kelamiz. Hozir ko'pchilik e'tibor bersangiz sintetik matolarni tark etib ipak, tafta, shoyi, paxta matolarga o'tishmoqda. Nega, chunki endi o'zlari haqida o'ylashmoqda. Usti yaltiroq sintetikadan ko'ra paxta joniga oro kirishini endi bilishayotgan bo'lsa ehtimol...


Haqiqatan, har bir o'zbek qizining dili sharqona, buni unutmasliklaringizni so'rardim.
Lekin baribir uzun ko'ylakka nima yetsin... Balki kiyib qolar sekin-sekin... Qiz bola qiz boladek bo'lishi kerak-da har tomonlama....

[Kavsar]

Аслида Барби ўйинчоқ неча ёшда эканини биласизми? Ҳусни аввалгидек қолаётгани аниқ

Yoshi o'tsa ham, buni tan olgisi kelmayotgan qariya demoqchimisiz? Afsuski, ba'zan uchrab turadi...


Insof bersin hammamizga.

[Abdurohman]

Tannozlarga

Shim kiyadi yaramaydi
Puli yo'qqa qaramaydi
O'zlarin tanho biladi
Ungga kim nazar iladi

Supurgini ko'tarolmas
Bir oz tuzuk o'tirolmas
Kalta yupka kalta kofta
Buncha bo'lmasa olifta

Yuzlariga qalin upa
Ko'rsang cho'chib deysan sufa
Qosh kiprigi qing'ir no'noq
Ko'rinishi misli timsoq

Sochlariham yelkagacha
Yana gapirar o'rischa
O'zbek emas o'ris emas
Birov uni odam demas

Xozirini o'ylagaylar
Ahvolini bilmagaylar
Nomussiz deysiz ularni
Tuqqan kim ekan shularni

Valadizinolar tug'ar
Ayol degan nomin bulg'ar
U insonlarning olasi
Lanati shayton bolasi

© Ilhom Fayzullayev

[Kavsar]

Qizlarga qarata: "Sen baribir Muqaddassan, Muqaddas ayol!" degim keladi.

Bir hikmat yodimga tushdi: "Yurganingda nigohingni qayoqqa qaratib yurishingga qarab iymoningni darajasini aniqlash mumkin".

Insonga ko'z, zabon yaxshilikka xizmat qilish uchun berilgan. Birovga hirs ila qarayman desa, qizlarning tor shim kiyishi shart emas, qaraydigan kishi u qiz uzun, sipo libosda bo'lsa ham qarayveradi. Qaramaydigan odam bunday narsalarga e'tibor bermay o'z tashvishi bilan yuradi. Hamma narsa kishining o'ziga bog'liq emasmi...

[Nigora Umarova]

...Qosh kiprigi qing'ir no'noq
Ko'rinishi misli timsoq...



© Ilhom Fayzullayev

Qiz bolaga "timsoh" deb ta'rif berishlarini birinchi marta o'qishim. Yaponlar chiroyli ayollarni "ilonsan" deyishsa eng oliy ta'rif hisoblanarkan. Menimcha, shoir afrika qabilasidagi odamlarning tashbehini ishlatgan bo'lsa kerak. :) ;)

[OmoN]

ayollarni "ilonsan" deyishsaБундай таъриф бизда ҳам ишлатилади. Фақат японларникидай маънода эмас.

[Nigora Umarova]

ayollarni "ilonsan" deyishsaБундай таъриф бизда ҳам ишлатилади. Фақат японларникидай маънода эмас.

Бу нарса турар жойнинг этнографиясига ҳам боғлиқ-де.

[Bakhtiyor aka]

ayollarni "ilonsan" deyishsaБундай таъриф бизда ҳам ишлатилади. Фақат японларникидай маънода эмас.

Илон захари дори дармон сифатида ишлатилади, илон ўзини, жуфтини ёки болаларини химоя қилиш зарур бўлгандагина хуруж қилади....Шу маънода бўлса керакда.:)

[Nigora Umarova]

Илон захари дори дармон сифатида ишлатилади, илон ўзини, жуфтини ёки болаларини химоя қилиш зарур бўлгандагина хуруж қилади....Шу маънода бўлса керакда.:)

Японларда илон тотем ҳисобланади.

[Nigora Umarova]

Bir qatrani o'qigandim. Muallifi esimda yo'q:
- Dunyoda ayollar ko'pmi yoki erkaklar?- deb so'rashibdi.
- Ayollar.
-Nega?
- Ayolini aytganini qiladigan erkaklarni ham ayollar safiga kirgiuzamiz,- deya javob qaytarishgan ekan".
Shu qatraga xos tarzda xayolimda bir necha kundan beri hayotni, ko'cha-kuyni kuzatishimga oid tuzilgan qatra:
"- Dunyoda ayollar ko'pmi yoki erkaklar?
- Erkaklar.
- Axir dunyo bo'yicha statistik ma'lumotlar buni aksini ko'rsatyapti-ku!..
- Erkakshoda ayollarni ham erkaklarning safiga qo'shamiz".
Ilohim, ayollarimizda andisha, nafosat yanada ko'proq namoyon bo'lsin, yo'qolib ketmasin.

[Bakhtiyor aka]

Японларда илон тотем ҳисобланади.

Тотем нима дегани?

[Maestro]

"- Dunyoda ayollar ko'pmi yoki erkaklar?
- Erkaklar.
- Axir dunyo bo'yicha statistik ma'lumotlar buni aksini ko'rsatyapti-ku!.. .

- Оила тирикчилигини таъминлашга мажбур булаётган аёлларни хам эркаклар сафига кушамиз".

[Nigora Umarova]

Японларда илон тотем ҳисобланади.

Тотем нима дегани?

Бирор бир ҳайвонни муқаддас беб бииб, уни илоҳийлаштириш.
Бу ҳақида қаранг (http://ru.wikipedia.org/wiki/%D0%A2%D0%BE%D1%82%D0%B5%D0%BC%D0%B8%D0%B7%D0%BC)

[Nigora Umarova]

- Оила тирикчилигини таъминлашга мажбур булаётган аёлларни хам эркаклар сафига кушамиз".


Албатта, бунинг тасдиғини эркакларнинг ўзидан эшитиш - келтириб ўтилган маълумотнинг ҳаққонийлигини таъминлайди.

[Maestro]

Тотем нима дегани?
"Монтезума" уйнамаслигингиз сразу билинди ;-)

[Bakhtiyor aka]

Тотем нима дегани?
"Монтезума" уйнамаслигингиз сразу билинди ;-)


Компютердаги "стратегия" типидагими?

[Bakhtiyor aka]

Японларда илон тотем ҳисобланади.

Тотем нима дегани?

Бирор бир ҳайвонни муқаддас беб бииб, уни илоҳийлаштириш.
Бу ҳақида қаранг (http://ru.wikipedia.org/wiki/%D0%A2%D0%BE%D1%82%D0%B5%D0%BC%D0%B8%D0%B7%D0%BC)


Айтмоқчи эдимки, японлар хам асли Хитой календаридаги зодиак белгиси бўлгани учун илонни илохийлаштиришади. Бизда хам мучаллар орасида илон бор. Демак бизда хам илон "бошқалардан устунроқ"(тотем ўрнига) бир жонзот.

Фақат ислом хар қандай тотемпарастликни(будпарастликни) қоралайди. Агар тотем(eng- idl, рус-идол) сўзини ишлатмасак, илон бизда хам японияда қанчалик эъзозланса худди шундай эъзозланса керак.

Менимча илон ислом шарқида хам буддий шарқда хам донолик рамзи хисболанади.:187:

[Maestro]

Бизда хам мучаллар орасида илон бор. Демак бизда хам илон "бошқалардан устунроқ"(тотем ўрнига) бир жонзот.

Тугрисини айтсам, фикрингизни унча тушунмадим. Мучалдаги жонзотнинг "бошкалардан устунрок"лиги белгиловчи кандай омиллар бор? Мисол учун, бизнинг мучалда тунгиз, маймун, товук каби "финдиферс" жонзотлар бор. Товук бургутдан, маймун эчкидан устунми? Нега? ;-)

[Masud Mahsudov]

Менимча илон ислом шарқида хам буддий шарқда хам донолик рамзи хисболанади.:187:
[/OFFTOP]

Islomda men hech o'qimagan ekanman, ilonning donolik ramzi ekanini... Iltimos, manbani ko'rsatib o'tsangiz.
Faqat, tushda ko'rsa yaxshi narssa kutiulishini o'qigan ekanman xolos...

Xalqimizda, ilon haqida "Tushda ko'rsang ganj, O'ngda ko'rsang yanch" deganini bilaman. Yana ilon va chayonni o'ldirish gunoh emasliginiyam o'qigan edim hadis kitoblarda

[Bakhtiyor aka]

Бизда хам мучаллар орасида илон бор. Демак бизда хам илон "бошқалардан устунроқ"(тотем ўрнига) бир жонзот.

Тугрисини айтсам, фикрингизни унча тушунмадим. Мучалдаги жонзотнинг "бошкалардан устунрок"лиги белгиловчи кандай омиллар бор? Мисол учун, бизнинг мучалда тунгиз, маймун, товук каби "финдиферс" жонзотлар бор. Товук бургутдан, маймун эчкидан устунми? Нега? ;-)



Мавзудан четга чиқиб кетишга сабабчи бўлдим шекилли?

Аёлларни илонга ўхшатишса, фақат Японияда эмас, балки бизда хам “ёмон” маънода бўлмаса керак деган фикрдан келиб чиқиб шуни асосламоқчи бўлдим холос. Тотем десам илохийлаштриш бўлмасин деб “бошқаларидан авзалроқ” деб қуя қолдим.

Илон 12 та зодиак белгиси сифатида танланган жонзотлардан бири бўлгани учун, уни илохийлаштиришган(тотем) бўлишса керак деб хулоса қилдим. Нимага айнан шу жонзотлар танланган эканлигини, авзалликлари нима эканлигини билмайман.

Лекин қадимги хитойда ушбу хайвонларни зодиак белгилари сифатида, юлдузларни харакатига қараб танлашган бўлса, бирон бир сабаби бўлса керак.
Ушбу хитой зодиак(йил) белгиларини бизга мўғиллар олиб кирган.(манбалар эсимда йуқ, қидиришим керак) Яъни ислом динидан кейинроқ кириб келган, ва яна адашмасам, айрим хитой зодиак белгилари ислом таъсирида ўзгартирилган. Жумладан чўчқа ўрнига тунғиз, каламуш ўрнига сичқон...

Лекин илон ўзгармаган, яъни сақлаб қолинган.:)

Умуман олганда, табиатда хозирда мавжуд барча жонзотлар, ўз ўрнига эга, ва табиат мутаносиблигини сақлаб қолиш учун зарур. Алабатта шу нуқтаи назардан бири иккинчисидан авзал бўла олмайди.

Маймун биз учун ростдан хам "финдиферс" жонзот, лекин товуқ хазиналардан бири хисобланади тақсир. :)

[Colorado]

Халк ижодида илон тасвирини куп учратиш мумкин.

https://img.uforum.uz/images/ossiyqg9605450.jpg https://img.uforum.uz/images/pidmpcu829213.jpg

Бу паляк да илон тасвири иккинчи сферада, бундан юкори сферада факат космос.
Бахтие ака, кожа змеи считается оберегом, охраняющим от сглаза, от враждебных козней......

[Bakhtiyor aka]

Менимча илон ислом шарқида хам буддий шарқда хам донолик рамзи хисболанади.:187:
[/OFFTOP]

Islomda men hech o'qimagan ekanman, ilonning donolik ramzi ekanini... Iltimos, manbani ko'rsatib o'tsangiz.
Faqat, tushda ko'rsa yaxshi narssa kutiulishini o'qigan ekanman xolos...

Xalqimizda, ilon haqida "Tushda ko'rsang ganj, O'ngda ko'rsang yanch" deganini bilaman. Yana ilon va chayonni o'ldirish gunoh emasliginiyam o'qigan edim hadis kitoblarda





Bold-га қараб жавоб беряпман.

Менимча (шахсий фикрим) бутун “шарқ” икки қисимдан иборат: ислом мамлакатлари ва будда мамалакатларидан. Фақат Сибирь ва Тинч океанидаги айрим ороллардаги яшайдиган будпараст қабилалар бундан мустасно.

Мен ислом шарқи деганда ислом таъсири ёки диний бўлинишини эмас балки кўпроқ Осиё ичидаги географик бўлинишни назарда тутдим. Аммо афсусуки “ислом” билан “буддадан” мосроқ сўзларни топа олмадим. (Балким бордир мен билмасдирман).

Миллийлигимизни шаклланишида ислом динини ахамияти катта, лекин туркий миллатларнинг бири сифатида узоқ ўтмишимиз Нух пайғамбарнинг фарзандларидан бирининг фарзанди бўлмиш Турк исмли одамга бориб қадалади дейишади. Бу эса исломдан анчагина олдин бўлган. Исломдан бевосита олдинги зардўшликни таъсири хақида хам кўп мулохазалар мавжуд.

Яқинда Мисрда Мусо пайғамбарнинг тоғига зиёратга борганимда, унинг пастида машхур христиан черкови (Sent-Cathеrin) ичида мачит қурилганлигини гувохи бўлдим. Пайғамбаримиз Мухаммад а.х.с., шу черковни авайлаб асрашни буюрган эканлар ва бу хақда ёзма фармоийшлари бор экан.

“Ислом шарқи” иборасини ноўрин ишлатиб қуйдим шекилли.

[Bakhtiyor aka]

Бу паляк да илон тасвири иккинчи сферада, бундан юкори сферада факат космос. Оффтоп: Бахтие ака, кожа змеи считается оберегом, охраняющим от сглаза, от враждебных козней......


Хозиргина Masud Mahsudov ва Maestro постларига жавоб ёздим. Кеч келганим учун, чарчаб унча манбаларни кавлаштиришга вақт хам йуқ эди. Сизга эса рахмат. Тушинганингиз учун,

Аёларимизни химоя қиламан деб, иккита форум "қарияларини" танқидига қолиб кетдим-а :)

Энди Нигорохондан офтоп учун гап эшитаман. :)

Айтишгандия иззат тиласанг......

[Kavsar]

Таннозлардан

(Бу шеър танноз қизлардан жавоб экан)

Зайнаб, Кумуш момоларим бор экан,
Узун киймоғимга ҳожат бормикан?
Белингизда йигит белбоғ бормикан,
Ё Чуст дўппи киймоқ сизга ормикан?

Мақол борки: "Сен ўзингга боқ" деган,
Кейин аста ноғорани қоқ деган.
Майли дўстим, Мерс эмас, сиз от мининг,
Аввал махси калиш кийинг, мот қилинг.

Тимсоҳ дебон қизларга ном берибсиз,
Илҳом шоир, хато сўзни терибсиз.
Асл шоир сўзларида адашмас,
Қизга тенг бўлмоқ - йигитга ярашмас.

Танноз дея ўзгалардан куларми,
Бегимотлар десак сизни бўларми?
Шоир бўлсангиз тузукроқ шеър тўқинг,
Билмасангиз, Навоийни бир ўқинг.

Аёл қадрин бунча ерга урибсиз,
Ўзингизга хароб кулба қурибсиз.
Билинг, аёл - ичиндаги ичиндир.
Бухоро ҳам битта холи учундир.

T. 2010 (c)

[JUS]

Бегимотлар десак сизни бўларми?
:)))) Яқинда бир яқин инсоним (амакимнинг ўғли) билан чат орқали гаплашиб ўтиргандик. Унинг расмларини "Мой мир" да томоша қилиб, гап орасида хазиллашиб "Ака "Фил" бўлиб кетибсизу" деган гапим учун ҳалиям ман билан гаплашмаяпти. Қаттиқ хафа бўлган шекиллида :)

[JUS]

Таннозлардан
Тимсоҳ дебон қизларга ном берибсиз,
Илҳом шоир, хато сўзни терибсиз.
Асл шоир сўзларида адашмас,
Қизга тенг бўлмоқ - йигитга ярашмас.

Аёл қадрин бунча ерга урибсиз,
Ўзингизга хароб кулба қурибсиз.
Билинг, аёл - ичиндаги ичиндир.
Бухоро ҳам битта холи учундир.

T. 2010 (c)

Уришманглар, уришманглар. Илҳом шоир, ундан кўра "Мани балиқчам", "Мани мушукчам" деб эркаласангиз, сизни ҳам "Мани айиқчам" деб эркалайдилар.

Хайрон қолдирасизларей, нима қилибди ўша қизнинг бошқача кийим кийиб юришига? Ёқмаса қарама! Ўзи ҳар хил кўз билан қараб гуноҳ ортирадида, орқасидан қизни ёмонлайди. Қизнинг ҳам ота-онаси, акаси бордир. Ўшалар шунақа кийинишини маъқул топиб индамабдими, сани нима ишинг бор дейдиган одам йўқ.
Замонга қараб ҳамма ўзгарадида. Ҳатто эркаклар ҳам. Сочларини ўстириб, қулоқларига зирак тақиб юрганлар ҳақидаям шеър битиб юбормабсизларда :(
Бировнинг ғийбатини қилиб, овоза қилгандан кўра, аввало ўзлигингизга боқинг!
Бекмирзо қолдирган шеърни хазил тариқасида ёзилганини кўриб тўғри қабул қилгандик. Энди эса, жиддийлашиб кетибсизлар.

[Bakhtiyor aka]

Ёқмаса қарама!


Бегемотга ўхшаб.....

Аёлларни кийинишини эркаклар томонидан мухокама қилинишини ўзи нотуғри, ахир бу уларнинг "мутахасислиги-ку".....:)

[OmoN]

Белингизда йигит белбоғ бормикан,
Ё Чуст дўппи киймоқ сизга ормикан?

Мақол борки: "Сен ўзингга боқ" деган,
Кейин аста ноғорани қоқ деган.
Майли дўстим, Мерс эмас, сиз от мининг,
Аввал махси калиш кийинг, мот қилинг.
Очиқ кийинадиганларнинг энг зўр отмазкаси. Худди биров улардан миллий кийинишни талаб қилаётгандай сразу йигитларнинг дўппи-ю яктак кийиб отда юрмаганига ёпишишади. Ҳеч ким қизларимиздан атлас/адрас кийиниб бошига дўппи кийиб юришни талаб қилаётгани йўқ. Сал у ёқ бу ёқни ёпиб юришни сўрашяпти холос.
ПС: Яқинда бир йигит ва қиз ижросидаги дуэт шеърни эшитгандим. Шеърда қизнинг гапи ҳам юқоридаги шеърда келтирилгандай эди. Оффтоп учун узр.

[Nigora Umarova]

Уришманглар, уришманглар. Илҳом шоир, ундан кўра "Мани балиқчам", "Мани мушукчам" деб эркаласангиз, сизни ҳам "Мани айиқчам" деб эркалайдилар.
Бу энди шахсий масала.;)



Бекмирзо қолдирган шеърни хазил тариқасида ёзилганини кўриб тўғри қабул қилгандик. Энди эса, жиддийлашиб кетибсизлар.

Кавсарой ҳам ҳазил тариқасида жавоб қайтардилар. Шунга шунчами?
Мингта гапингизни кўтарганимизда, бизнинг битта гапимизни кўтара олмайсизлар. :) ;)

[Kavsar]

Postlaringiz uchun rahmat muhtaram forumdoshlar, xafa bo'lmanglar. Men ham jiddiy olib yozganim yo'q, shunchaki endi qizlar haqdagi she'rni ko'rib ilhom kep qoluvdi-da.... Zerikmanglar degandim. :)

Hech kim beayb emas, ba'zi tanbehlar o'rinli, haliyam hech kimni yomonlamoqchi emasdik. Uzr, qattiq tekkan bo'lsa. Bu shunchaki Ilhom shoirni she'rlaridan ilhomlanib yozilgan she'r edi, xolos.

[Nigora Umarova]

Аёлларни кийинишини эркаклар томонидан мухокама қилинишини ўзи нотуғри, ахир бу уларнинг "мутахасислиги-ку".....:)



:icon_redface: Мавзуда кийинишдан кўра кўпроқ кийинмаслик муҳокама қилинди. Танқид остига олинди.
Миллий кийиниш ҳақида гап кетганида Кавсарой ҳам бир ўрни келганида эслатиб қўйдилар-да...

[Kavsar]

Bu o'rinda yana bir gap. Begimot so'zida so'z o'yini bor... Begimot so'zini alohida ajratib o'qisangiz begim, ot bo'ladi. Yigitlarning zabardast otlarga qiyos qilinishi yomon emasku..

Begimot emas, Begim, otlar desak sizni bo'larmi? bo'ladi. Shuning uchun aynan begimot so'zi olingan. :)

[Bakhtiyor aka]

Begimot emas, Begim, otlar desak sizni bo'larmi? bo'ladi. Shuning uchun aynan begimot so'zi olingan.


Одамларни қаранг, нималарни ўйлаб топишмайдия..

Мен сиз бегимотнинг бўртиб чиққан катта-катта кўзларини назарда тутган бўсангиз керак деб ўйлабман. :)

[Nigora Umarova]

Одамларни қаранг, нималарни ўйлаб топишмайдия..

Мен сиз бегимотнинг бўртиб чиққан катта-катта кўзларини назарда тутган бўсангиз керак деб ўйлабман. :)


Bakhtiyor aka, Jasurbek aytganlaridek, masalaga jiddiy qarab yuborgansiz-de. :)

[OmoN]

Миллий кийиниш ҳақида гап кетганида Кавсарой ҳам бир ўрни келганида эслатиб қўйдилар-да...Гап фақатгина кийиниш ҳақида кетганди. Миллий кийиниш ҳақида эмас.

[JUS]

Begimot emas, Begim, otlar desak sizni bo'larmi? bo'ladi. Shuning uchun aynan begimot so'zi olingan. :)
Келинг бўлмаса Илҳом шоирни Хоразмлик деб оламиз. ;)
У ҳам сўз ўйини қилиб "Дим соғ" сўзини "Тимсоқ" сўзига айлантирган деб тасаввур қиламиз. :)

Yuzlariga qalin upa - Юзларини кўролмайсан, яшириб олган,
Ko'rsang cho'chib deysan sufa - Юзларини яширгани учун, қоронғуда кўрсанг, танимай беҳос чўчийсан.
Qosh kiprigi qing'ir no'noq - Қоши теккисмас, мисоли камон, киприклари тўғримас, қайрилган,
Ko'rinishi misli timsoq - Кўринишидан жудаям соғлом. ;)
Қалай...? :)

[Kavsar]

Endi, boshqa she'r yozolmasam kerak... :)
Hazil she'rlaringizni, postlaringizni to'g'ri tushundik, xafa bo'lganimiz yo'q, aslo rahmat.. :)

[Nigora Umarova]

Келинг бўлмаса Илҳом шоирни Хоразмлик деб оламиз. ;)
У ҳам сўз ўйини қилиб "Дим соғ" сўзини "Тимсоқ" сўзига айлантирган деб тасаввур қиламиз. :)

Yuzlariga qalin upa - Юзларини кўролмайсан, яшириб олган,
Ko'rsang cho'chib deysan sufa - Юзларини яширгани учун, қоронғуда кўрсанг, танимай беҳос чўчийсан.
Qosh kiprigi qing'ir no'noq - Қоши теккисмас, мисоли камон, киприклари тўғримас, қайрилган,
Ko'rinishi misli timsoq - Кўринишидан жудаям соғлом. ;)
Қалай...? :)

Бўларкан-ку, шеърни шарҳи билан шундай тушунтирсангиз. :)
Шарҳсиз келтирилган шеърни ўқиб қизлар хафа бўлиб ўтиришибди.:cray:
Илҳом шоир шеърларини кейинги сафар шевага оид мавзуга қўйсангиз. Тўғри тушунамиз. :)

[Bakhtiyor aka]

Ҳеч ким қизларимиздан атлас/адрас кийиниб бошига дўппи кийиб юришни талаб қилаётгани йўқ.

Бу хозир модада "последний писк"- ку... :)

[Nigora Umarova]

Endi, boshqa she'r yozolmasam kerak... :)
Hazil she'rlaringizni, postlaringizni to'g'ri tushundik, xafa bo'lganimiz yo'q, aslo rahmat.. :)

Forumdoshlarning tanqidini eshitib ijod bulog'ingiz qaynab, ilhom parisi sizning yoningizga, "Dugonajon, qo'lingga qalam olsang bo'lmaydi"- deb uchibgina keladi. Birgina misol forumdoshlar TE domlani qanchalik ko'p tanqid qilishsa, u kishi shunchalik ko'p ash'or bitadurlar. :)

[Kavsar]

Siz kabi ayollarni qadrlaydigan, e'zozlab hurmat qiladigan mard yigitlarni yomonlab bo'larkanmi? Uzr so'radikku, endi tavba qildirmasangizlar... Men baribir ayollarni u hatto adashib xato qilganida ham avaylash kerak, chunki u ojiza deb hisoblayman.

[Shokirbek]

Qizlarimizga atab yozilgan she'rlardan biri ("Janub-Vodiy aytishuvi"da yozilgan edi):

Yuzda kulgich, hayosiyu ibosi bor,
Egnida ko'k uzun harir abosi bor,
So'ylaganda qo'ng'iroqday sadosi bor,
Sochi belin quchgan go'zal o'zbek qizi..

Bu sifatlar ayting qaysi qiznikidir?
Toshkentlikmi, yoki Vodiy, siznkidir?
Yoxud go'zal voha yurti - biznikidir?
Zabonlari qandu asal o'zbek qizi..

Bizni hayron etgan faqat suvratmidi?
Yoki go'zal ma'noga boy siyratmidi?
Hayoli yuz, iboli so'z, iffatmidi?
Ko'zi yerda bo'lgan azal o'zbek qizi..

Qaydan bo'lsin, janub yoki shimolidan,
Ayrilmasin uzun ko'ylak, ro'molidan,
Ibrat olsin boshqalar bul jamolidan,
G'arb tannozin qilsin o'sal o'zbek qizi!

[Nigora Umarova]

Arslonyurak, qalbida g'ururi bor,
Belda belbog', salobat- sururi bor.
Ayoliga gard yuqtirmas, asraydi,
So'zlarida iymon, ishonch nuri bor.
Bu albatta o'zbegimning Begidir,
Asli toza yigiti o'zbekidir.

Har ishni qilganida vijdoni bor,
Chunki asl insonlarning qoni bor.
Ojizlarni asramaslik sanar or,
Balki shunga bo'lar omad unga yor.
Bu albatta o'zbegimning Begidir,
Asli toza yigiti o'zbekidir.

She'rning davomini keyin yozib qo'yarman. :)

[Kavsar]

(Bu she'r tengdoshlarim yoki singlillarim qatori bo'lgan,
qizlarimizga mehr ko'rguzib yozildi. Aslo, ranjitish uchun emas)


Zebo qizlarga

Hinolardan judo bo'lganmi,
Sarg'ayibdi qaro sochingiz.
Haq yo'lida fido bo'lganmi,
Kamayibdi kamon qoshingiz.

Ne sababdan bilakda kishan,
Qaysi elga tushdingiz asir?
Nigohingiz etmasmu ravshan,
Surma ila aylasak basir.

Singlim, nechun barmoqlaringiz
Uchlarida kamalak dunyo.
Ne ajab bu tirnoqlaringiz,
Yarashurmi, nayzadek go'yo?

Singlim, sizga yarashur, agar,
Kishanlardan bo'lsangiz ozod.
Sizga osmon qarashur, agar,
Bitta uyni etsangiz obod.

Qo'ying, mayli zamon zaylini.
Ro'molingiz tushmasin, faqat.
Iymon butun bo'lsin, maylimi?
Shunda bo'lar, hayo, haqiqat...


K. (c) 2010

[Nigora Umarova]

"Kimning sochi uzun bo'lsa, aqli qisqadir",
Deb o'tmishdan qolgan g'alat naql bor, biroq
Til aqlning tarozusi, soch emas axir,
Kim behuda so'zlar ekan, aqli qisqaroq.
(Qayerdadir eshitgandim)

[Fayzbek]

...Qosh kiprigi qing'ir no'noq
Ko'rinishi misli timsoq...



© Ilhom Fayzullayev

Qiz bolaga "timsoh" deb ta'rif berishlarini birinchi marta o'qishim...:) ;) "Nofelet qaerda" filmida ishlatiladi. Ilhom shoir bu filmni ko'p ko'rgan bo'lsa kerak. :biggrin:

[Husniddin]

"Kimning sochi uzun bo'lsa, aqli qisqadir",
Deb o'tmishdan qolgan g'alat naql bor, biroq
Til aqlning tarozusi, soch emas axir,
Kim behuda so'zlar ekan, aqli qisqaroq.
(Qayerdadir eshitgandim)
O'tmishdagilar nega bunday deyishgan.

[Kavsar]

O'tmishdagilar nega bunday deyishgan.

Sababi oddiy. TVdan eshitgan edim. Sochi uzun qizlar negadir ta'sirchan bo'lishar ekan. Shu sababdan balki o'tmishda "sochi uzun-u, aqli kalta" deb ketishgandir. Chunki emotsiya hamisha real fikr yurutuvchi aqlga parda bo'ladi. Shu sabab sochi uzunmi, kaltami hech qachon his-tuyg'ularni birinchi o'ringa qo'yib olmaslik va dunyoda faqat qalb tuyg'ulari uchun yashamaslik kerak nazarimda. Chunki qalbni ham, insonni ham aql boshqaradi. Agar tuyg'u boshqarsa odam xarob bo'lsa kerak. Sababi, tuyg'ular og'ma, o'zgaruvchan bo'ladi. Uning maskani - yurak. Aql esa sobit bo'ladi. Uning xonasi - ong.

[Nigora Umarova]

...hamisha real fikr yurutuvchi aqlga parda bo'ladi. Shu sabab sochi uzunmi, kaltami hech qachon his-tuyg'ularni birinchi o'ringa qo'yib olmaslik va dunyoda faqat qalb tuyg'ulari uchun yashamaslik kerak nazarimda. Chunki qalbni ham, insonni ham aql boshqaradi. Agar tuyg'u boshqarsa odam xarob bo'lsa kerak. Sababi, tuyg'ular og'ma, o'zgaruvchan bo'ladi. Uning maskani - yurak. Aql esa sobit bo'ladi. Uning xonasi - ong.

Xilqat bizga e'tiborin xo'p qaratgan,
Tag'in boshsiz bo'lmasin deb, bosh yaratgan.
Xilqat bizga e'tiborin xo'p qaratgan,
Boshmiz bo'sh qolmasin deb, ong yaratgan.
Xilqat bizga e'tiborin xo'p qaratgan,
Vujudida hayot doim qaynasin deb
Kech-kunduz ko'piruvchi qon yaratgan.
Xilqat bizga e'tiborin xo'p qaratgan,
Bir-birovin tushunsin deb til yaratgan.
G'oyat uzoq o'ylab-o'ylab fikr qilib,
Bekor turmay ishlasin deb, qo'l yaratgan.
Xilqat bizga e'tiborin xo'p qaratgan,
Baland-pastni ko'rsin deya ko'z yaratgan.
Bilib-bilmay uyat ishni qilib qo'ysa,
Nomus ichra qizarsin deb, yuz yaratgan.
Xilqat bizga e'tiborin xo'p qaratgan,
Yuragi muz bo'lmasin deb, his yaratgan.

[Bekmirzo]

Xilqat bizga e'tiborin xo'p qaratgan,
Tag'in boshsiz bo'lmasin deb, bosh yaratgan.
...

Alloh taolo avvalboshda bizni yaratgan,
Bizni yolg'iz yurmasin, deb, qizni yaratgan.

:) ;)

[Pfefferminze]

Ҳеч ким қизларимиздан атлас/адрас кийиниб бошига дўппи кийиб юришни талаб қилаётгани йўқ.

Бу хозир модада "последний писк"- ку... :)

eh, men maktabga 13 yoshiligmda do'ppida borar edim...sochlarimni ikkita o'rab qo'yishar edi do'ppi kiydirib..eh, yoshligim, yoshligim..biz u milliy kiyimlarni moda emas, oddiy milliy kiyimimiz deb kiyar edik..

[Pfefferminze]

Qizlarimizga atab yozilgan she'rlardan biri ("Janub-Vodiy aytishuvi"da yozilgan edi):

Yuzda kulgich, hayosiyu ibosi bor,
Egnida ko'k uzun harir abosi bor,
So'ylaganda qo'ng'iroqday sadosi bor,
Sochi belin quchgan go'zal o'zbek qizi..

Bu sifatlar ayting qaysi qiznikidir?
Toshkentlikmi, yoki Vodiy, siznkidir?
Yoxud go'zal voha yurti - biznikidir?
Zabonlari qandu asal o'zbek qizi..

Bizni hayron etgan faqat suvratmidi?
Yoki go'zal ma'noga boy siyratmidi?
Hayoli yuz, iboli so'z, iffatmidi?
Ko'zi yerda bo'lgan azal o'zbek qizi..

Qaydan bo'lsin, janub yoki shimolidan,
Ayrilmasin uzun ko'ylak, ro'molidan,
Ibrat olsin boshqalar bul jamolidan,
G'arb tannozin qilsin o'sal o'zbek qizi!



Eh, Shokirbek aka, Sharqda shunday edik,ammo G'rabga kelib, ko'ziga tik qarab shart-shart javob bermasangiz bo'lmas ekan...tik qarab gapiramizu, gapirib bo'lib keyin oxirida yerga emas, boshqa yoqqa burilib turamiz, qarab..bular tushunmaydi...

[Pfefferminze]

(Bu she'r tengdoshlarim yoki singlillarim qatori bo'lgan,
qizlarimizga mehr ko'rguzib yozildi. Aslo, ranjitish uchun emas)


Zebo qizlarga

Hinolardan judo bo'lganmi,
Sarg'ayibdi qaro sochingiz.
Haq yo'lida fido bo'lganmi,
Kamayibdi kamon qoshingiz.

Ne sababdan bilakda kishan,
Qaysi elga tushdingiz asir?
Nigohingiz etmasmu ravshan,
Surma ila aylasak basir.

Singlim, nechun barmoqlaringiz
Uchlarida kamalak dunyo.
Ne ajab bu tirnoqlaringiz,
Yarashurmi, nayzadek go'yo?

Singlim, sizga yarashur, agar,
Kishanlardan bo'lsangiz ozod.
Sizga osmon qarashur, agar,
Bitta uyni etsangiz obod.

Qo'ying, mayli zamon zaylini.
Ro'molingiz tushmasin, faqat.
Iymon butun bo'lsin, maylimi?
Shunda bo'lar, hayo, haqiqat...


K. (c) 2010

mayli tirnog'ini uchi kamalak dunyo bo'lsin, mayli boshida ro'moli bo'lmasin, lekin asosiysi hayoli kamalak dunyo bo'lmasin, yurgan yo'lida to'g'ri bo'lsin...

[Colorado]

mayli tirnog'ini uchi kamalak dunyo bo'lsin, mayli boshida ro'moli bo'lmasin, lekin asosiysi hayoli kamalak dunyo bo'lmasin, yurgan yo'lida to'g'ri bo'lsin...
Гоят куркам Америкада Эски шахар гузал кизлар куп мунча ...:))

https://img.uforum.uz/images/cjszfxe6380011.jpg

https://img.uforum.uz/images/qfsdemi7147683.jpg

[Anvar Atakhanov]

2-расмда Эски шахар гузал кизларни нимагадир курмаяпман :-)

[JUS]

2-расмда Эски шахар гузал кизларни нимагадир курмаяпман :-)

Агар уларнинг Эски шаҳарликларини билмоқчи бўлсанг, улар кийган либосларга боқ! ;)

(с) Амир Темур :)

[UzVersace]

Барчага салом,ажойиб форум экан,менда саволлар бор эди,КИЗЛАР ХАФА БУЛИШ ЮК,охирги пайтда нимагадир эшитиб ю куриб колябман,кизлар йигит талашишни,кизлар йигитларга гап отиши,мен бу билан хама киз шунака демокчи эмасман,бунда кимнинг айби катта,балким биз йигитларда хам айб бордир,фикрларингиз?

[JUS]

балким биз йигитларда хам айб бордир,фикрларингиз?

Албатта айб бор. Катта айб бор! Охирги пайтларда йигитларнинг қизларга гап отмай қўйганликлари кўп кузатиляпти. Шунинг учун бу юмушни қизлар ўз қўлларига олишди. :)

[Pfefferminze]

mayli tirnog'ini uchi kamalak dunyo bo'lsin, mayli boshida ro'moli bo'lmasin, lekin asosiysi hayoli kamalak dunyo bo'lmasin, yurgan yo'lida to'g'ri bo'lsin...
Гоят куркам Америкада Эски шахар гузал кизлар куп мунча ...:))

https://img.uforum.uz/images/cjszfxe6380011.jpg

https://img.uforum.uz/images/qfsdemi7147683.jpg


2-rasmda, nimasi chiroyli?! milliy liboslarimizni ko'rib, ko'zlari quvonib turishibdi...:-)

yigitlarning ko'zlarini parda bosgan...:-) O'zb-da ham go'yat ko'rkam qizlar ko'p...faqat bee'tibor sizlar...

[Pfefferminze]

Барчага салом,ажойиб форум экан,менда саволлар бор эди,КИЗЛАР ХАФА БУЛИШ ЮК,охирги пайтда нимагадир эшитиб ю куриб колябман,кизлар йигит талашишни,кизлар йигитларга гап отиши,мен бу билан хама киз шунака демокчи эмасман,бунда кимнинг айби катта,балким биз йигитларда хам айб бордир,фикрларингиз?


oddiy haqiqat..yigitlar soni qizlarnikidan ancha past. bitta yigitga statistika buyicha 10 ta qiz tugri keladi...balki shu bosidan ham ularni tugri tushunish mumkin...

[Colorado]

oddiy haqiqat..yigitlar soni qizlarnikidan ancha past.
ИМХО, йигитлар уз зиммасига маъсулият олишни хохлашмайди ёки куркишади. Хозирги замонда эгоистик дунъёкараш устунлик килияпти. "Отабеклар", айтингларчи,"айб" кизлардами?

[Pfefferminze]

oddiy haqiqat..yigitlar soni qizlarnikidan ancha past.
ИМХО, йигитлар уз зиммасига маъсулият лишдан куркишади, эгоистик дунъёкараш устунлик килияпти. Айтингларчи,"айб" кизлардами?

hammamiz: yigit, qizlar egoistmiz ma'lum ma'noda..inson tabiati shunaqa, xudbinlikdan xoli emas.
bir tomon hech qachon aybdor bo'lmadi. hamisha ikki tomonda ayb bo'ladi. lekin, bu vaziyatda, men statistikaga yoydim hammasini....yashash uchun kurash bu...:-) qizlar ham qolib ketmay deydi...bittasini kostuyumidan mahkam ushlay, oilali bola-chaqali bulay deydi...ma'lum ma'noda xato emas, agar qo'llayotgan makrida odobni, tarbiyani barcha-barhcaisni muvozanantini ushlab tursa...nimasi yomon? :-)

[Pfefferminze]

oddiy haqiqat..yigitlar soni qizlarnikidan ancha past.
ИМХО, йигитлар уз зиммасига маъсулият олишни хохлашмайди ёки куркишади. Хозирги замонда эгоистик дунъёкараш устунлик килияпти. "Отабеклар", айтингларчи,"айб" кизлардами?

nega Otabeklar deysiz? :-) Otabek, salbiy aqlsiz personaj, ota-onasiga aytmay uylangan...:-) hozirgilarning haddi sig'maydi bu noma'qul ishga. Kumush qolib Zaynabga uylanadi kerak bo'lsa...


R

[Nigora Umarova]

nega Otabeklar deysiz? :-) Otabek, salbiy aqlsiz personaj, ota-onasiga aytmay uylangan...:-) hozirgilarning haddi sig'maydi bu noma'qul ishga. Kumush qolib Zaynabga uylanadi kerak bo'lsa...

R

Ra'no, siz uchun ideal bo'lgan yigit qanday bo'lishi kerak? Qaysi adabiy qahramonni ideal deb ayta olasiz?

[Nigora Umarova]

oddiy haqiqat..yigitlar soni qizlarnikidan ancha past. bitta yigitga statistika buyicha 10 ta qiz tugri keladi...balki shu bosidan ham ularni tugri tushunish mumkin...

Hmm. daraxtni qoqsang yigit yog'iladi. "Mahallada duv-duv gap" filmidagi Umidaning gaplari. ;)

[JUS]

Мужики, бу ерда кўрик-танлов бошланди. Яхши яхши расмларингларни жойлаштиринглар! ;)

Бир одам бир мавзу очганди, "Севгига ишонасизмией..." Шунга ўхшаб кетяпти бу мавзу ҳам. Нима қиласизлар-а шунақа ғалати постларни қолдириб, мавзуни ғалатилаштириб? Энди йигитларни муҳокама қилиш қолганди... (Тўғрилаб қўйилди)

[Nigora Umarova]

Мужики, бу ерда кўрик-танлов бошланди. Яхши яхши расмларингларни жойлаштиринглар! ;)

Бир одам бир мавзу очганди, "Севгига ишонасизмией..." Шунга ўхшаб кетяпти бу мавзу ҳам. Нима қиласизлар-а шунақа ғалати постларни қолдириб, мавзуни ғалатилаштириб?

Savol egasini adashib topdimi deyman? Men Ra'noga murojaat etgandim. ;)

G'alati postni men qoldiribmanmi, yoki bu sizga gapiraman, kimdir eshitsin qabilida gap bo'lyaptimi?

Jasurbek, shu paytgacha gapimni o'ylab gapirganman, bundan keyin ham "g'alati gap" qilmasam kerak, o'zimni -o'zim boshqara olsam kerak deb o'ylayman. Qolgan gapingiz bo'lsa shaxsiy xabarda murojaat qiling, maylimi ukajonim? ;)

[Shomurodov Shohruh]

охирги пайтда нимагадир эшитиб ю куриб колябман,кизлар йигит талашишни,кизлар йигитларга гап отиши
Кани, каерда? :D

[Pfefferminze]

nega Otabeklar deysiz? :-) Otabek, salbiy aqlsiz personaj, ota-onasiga aytmay uylangan...:-) hozirgilarning haddi sig'maydi bu noma'qul ishga. Kumush qolib Zaynabga uylanadi kerak bo'lsa...

R

Ra'no, siz uchun ideal bo'lgan yigit qanday bo'lishi kerak? Qaysi adabiy qahramonni ideal deb ayta olasiz?

Yaxshi savol. Nigora, bilasizmi qiz bolaning oilasida erkaklar soni ko'p bo'lsa, talabi ham shu darajaga yetadi. Meni erkak kishi tarbiyalagan: Dadam, 2 ta akam. 3 tasini xarakteridagi, dunyoqarashidagi personajni hali bironta kitobda uchratmadim. Teskarisi buladi. Ayni damda, T. Drayzerning "Finansist"ini o'qiyapman. U yerda eri ayoliga yomon xiyonat qiladi. Negadir mening qo'limga 'xiyonatkor erkaklar obrazi yaratib berilgan kitoblar tushadi. :-)))


Shu uchun savolingizni teskarisi bilan qo'ysam, Siz uchun ideal bo'lmagan inson qanaqa bo'ladi desangiz...bir og'iz gap....xiyonatkor :-)

Hamma narsani to'g'irlasa bo'ladi, beayb Parvardigor...hammasini o'zgartirsa bo'ladi...hammasiga chidasa bo'ladi...boiriga ham yo'g'iga ham...boriga shukr deb yog'iga sabr qilib, qanoat qilsa bo'ladi...

lekin, xiyonatkorni kechrib bo'lmaydi...xiyonatni yomon ko'raman. judayam..
demak, men uchun xiyonat qilmaydigan inson, har qanday kamchiligi bilan idel.

:-)

[Nigora Umarova]

Барчага салом,ажойиб форум экан,менда саволлар бор эди,КИЗЛАР ХАФА БУЛИШ ЮК,охирги пайтда нимагадир эшитиб ю куриб колябман,кизлар йигит талашишни,кизлар йигитларга гап отиши,мен бу билан хама киз шунака демокчи эмасман,бунда кимнинг айби катта,балким биз йигитларда хам айб бордир,фикрларингиз?

Bu yigitlarning aybi emas, balki o'sha qizning tarbiya ko'rmaganligining , ota-onasining noto'g'ri tarbiya berganligining mahsuli. Sharq ayoli hech qachon o'ziga juft tanlashda bir-biri bilan yulishmagan, urishmagan. Ayollarning, qizlarning hamiyatiga tegadigan gap bo'libdi.

[Pfefferminze]

Барчага салом,ажойиб форум экан,менда саволлар бор эди,КИЗЛАР ХАФА БУЛИШ ЮК,охирги пайтда нимагадир эшитиб ю куриб колябман,кизлар йигит талашишни,кизлар йигитларга гап отиши,мен бу билан хама киз шунака демокчи эмасман,бунда кимнинг айби катта,балким биз йигитларда хам айб бордир,фикрларингиз?

Bu yigitlarning aybi emas, balki o'sha qizning tarbiya ko'rmaganligining , ota-onasining noto'g'ri tarbiya berganligining mahsuli. Sharq ayoli hech qachon o'ziga juft tanlashda bir-biri bilan yulishmagan, urishmagan. Ayollarning, qizlarning hamiyatiga tegadigan gap bo'libdi.

Nigora, afsuski, bunaqa holatlarni eshitganman...ma'lum ma'noda ukamizning gapida jon bor..guruch kurmaksiz emas....

[Nigora Umarova]

Nigora, afsuski, bunaqa holatlarni eshitganman...ma'lum ma'noda ukamizning gapida jon bor..guruch kurmaksiz emas....

Ayol kishida fahmu-farosat o'n chandon, ming chandon ortiq bo'lishi kerak. Agar haqiqatdan ham shunday qizlar bo'lsa, Alloh taollo ul bechoralarni aqlu-idrokdan benasib qilgan ekan. O'z g'ururini sindirib... Eh, qani ibo, qani nazokat...

[Pfefferminze]

Ayol kishida fahmu-farosat o'n chandon, ming chandon ortiq bo'lishi kerak. Agar haqiqatdan ham shunday qizlar bo'lsa, Alloh taollo ul bechoralarni aqlu-idrokdan benasib qilgan ekan. O'z g'ururini sindirib... Eh, qani ibo, qani nazokat...

tugri....g'ruruni yoqotmaslik kerak...

[Nigora Umarova]

Ba'zan avtobusda ketayoganimda yigitlar bilan qo'l telefonida nozlanib gapirib ketayotgan qizlarni ko'rsam g'ijinim keladi. Baraka topkur, ko'nglingga shunchalik yaqin inson ekan, unga bo'lgan munosabatingni hammaning oldida namoyon qilishing shartmikan?
"Ertaga sen ona bo'lasan, sen tarbiyalagan qizlaring o'zingdan besh badtar bo'lmaydimi?" deging keladi. Hatto bir nechta qizlarga bu haqida tanbeh ham berganman. Biroq odamning o'zida fahmu-farosat bo'lmasa fikr uqtirish nihoyatda qiyin. Inson ba'zida "birovga yoki birovning farzandiga aql o'rgatishga ma'naviy haq-huquqim bormikan?!.." deb o'ylab ham qoladi.

[UzVersace]

Ba'zan avtobusda ketayoganimda yigitlar bilan qo'l telefonida nozlanib gapirib ketayotgan qizlarni ko'rsam g'ijinim keladi. Baraka topkur, ko'nglingga shunchalik yaqin inson ekan, unga bo'lgan munosabatingni hammaning oldida namoyon qilishing shartmikan?
"Ertaga sen ona bo'lasan, sen tarbiyalagan qizlaring o'zingdan besh badtar bo'lmaydimi?" deging keladi. Hatto bir nechta qizlarga bu haqida tanbeh ham berganman. Biroq odamning o'zida fahmu-farosat bo'lmasa fikr uqtirish nihoyatda qiyin. Inson ba'zida "birovga yoki birovning farzandiga aql o'rgatishga ma'naviy haq-huquqim bormikan?!.." deb o'ylab ham qoladi.

Бунда менимча ота-она эмас,балки телевизорда берилаётган очикдан очик клиплар,гарб клипларига таклид,оддий кизни кучада калта кийим кийиб юрган кизларни куриб улардан нимам кам деб уларнинг хам шундай килиши,гарбдаги клипларни куриб кизларни 'очилиб кетиши,йигитларга гап отишни нимари ёмон' дейишятгани.
Мана оддий мисол кеча уртогим туйга боришим керак эди,узимга караб кунни исигида метрода бора колай диб метрога тушдим,ёнимда икита киз бор эди,сал утгандан кеин улар гап ота бошлади,хуш бундай кизлар гуручдан купрок курмак булиб кетишмайотганмикан.Ёки кизларнинг СУКИШИГА НИМА ДИЙСИЗ
Жахлингизни чикарган бусам узр )

[Nigora Umarova]

Бунда менимча ота-она эмас,балки телевизорда берилаётган очикдан очик клиплар,гарб клипларига таклид,оддий кизни кучада калта кийим кийиб юрган кизларни куриб улардан нимам кам деб уларнинг хам шундай килиши,гарбдаги клипларни куриб кизларни 'очилиб кетиши,йигитларга гап отишни нимари ёмон' дейишятгани.


Тарбия рисоладагидек ўзбекона йўлга қўйилган оилада муносабатлар очиқдан-очиқ намойиш этилаётган сериал ёки клипни ота-оналар билан фарзандлар биргаликда томоша қилиб ўтиришмаса керак.

[UzVersace]

Бунда менимча ота-она эмас,балки телевизорда берилаётган очикдан очик клиплар,гарб клипларига таклид,оддий кизни кучада калта кийим кийиб юрган кизларни куриб улардан нимам кам деб уларнинг хам шундай килиши,гарбдаги клипларни куриб кизларни 'очилиб кетиши,йигитларга гап отишни нимари ёмон' дейишятгани.


Тарбия рисоладагидек ўзбекона йўлга қўйилган оилада муносабатлар очиқдан-очиқ намойиш этилаётган сериал ёки клипни ота-оналар билан фарзандлар биргаликда томоша қилиб ўтиришмаса керак.

Юк,томоша килишмайди,афсууки,хозир хама клипу кушикк,хатто киноларимиз хам шундай.Бумдай холатлар одатий булиб колмокда хозирги ёшлар учун,буни гарбга интилиш десак хам буладиЧимилдикка лирмасдан жинсий алока ва хоказолар,яна бир тарафи бунга атрофдаги бехае инсонларнинг хам тасири бор

[Anvar Atakhanov]

Юк,томоша килишмайди,афсууки,хозир хама клипу кушикк,хатто киноларимиз хам шундай.Бумдай холатлар одатий булиб колмокда хозирги ёшлар учун,буни гарбга интилиш десак хам буладиЧимилдикка лирмасдан жинсий алока ва хоказолар,яна бир тарафи бунга атрофдаги бехае инсонларнинг хам тасири бор
Вашпее чучуммадим мунга, йима диилган беда?

[UzVersace]

Вашпее чучуммадим мунга, йима диилган беда?

Форумга телефон оркали кирдим,шунинг учун бази узбек харфлари рус алифбосида ёк,шунинг учун постларимда хатолар бор

[Colorado]

Вашпее чучуммадим мунга, йима диилган беда?

Форумга телефон оркали кирдим,шунинг учун бази узбек харфлари рус алифбосида ёк,шунинг учун постларимда хатолар бор
бу ерда хам "дедовщина" деган иллат бор. узверсаче, битта йул курсатайми? хандон писта олиб ифторда катнашинг, танишволамиз. Лекин асло ошковок сомса, катик олакелиб юрманг :)))

[Bekmirzo]

Тарбия рисоладагидек ўзбекона йўлга қўйилган оилада муносабатлар очиқдан-очиқ намойиш этилаётган сериал ёки клипни ота-оналар билан фарзандлар биргаликда томоша қилиб ўтиришмаса керак.Birgalikda emas, navbatma-navbat tomosho qilishsa kerak. Har qalay, seriallarni ertasi kuni uy bekalari va boshqa bekor kishilar uchun takroran ko'rsatishadi. ;)

[Pfefferminze]

Тарбия рисоладагидек ўзбекона йўлга қўйилган оилада муносабатлар очиқдан-очиқ намойиш этилаётган сериал ёки клипни ота-оналар билан фарзандлар биргаликда томоша қилиб ўтиришмаса керак.Birgalikda emas, navbatma-navbat tomosho qilishsa kerak. Har qalay, seriallarni ertasi kuni uy bekalari va boshqa bekor kishilar uchun takroran ko'rsatishadi. ;)

Seriallarning ham har-xili bor-ku...to'g'ri ko'p seriyali odamni asabiga tegadi ba'zi joylari, ammo xulosa qilib aytsak, tarbiyaviy ahamiyatga ega...misol uchun menga taklif qilignani uchun Osiyoni ko'rishni boshlagan edim, xohlasam, xohlamsam, uyda Ayam ko'radilar...:-) men ham tikishimni qilib, ham ko'rib eshitib o'tiraman. va bir xulosaga keldim...o'z vaqtida qo'yilgan bitta xato qadam, harom yo'l tanlangani uchun zino uchun 25 yildan keyin bitta emas, bir nechta oila taqdirlari jabr ko'rishadi....

menga yoqdi bu serial...

[UzVersace]

бу ерда хам "дедовщина" деган иллат бор. узверсаче, битта йул курсатайми? хандон писта олиб ифторда катнашинг, танишволамиз. Лекин асло ошковок сомса, катик олакелиб юрманг :)))

Uzr men Ro'za tuta olmayman,ma'lum sabablarga ko'ra,agar tuta olganimda ham pista holvaga allergiyam bor,qovoq somsa esa yoqmaydi,keyin men somsachi emasman )))
Keyin 'Дедовщина' so'ziga uncha tushunmadim.

[UzVersace]

Seriallarning ham har-xili bor-ku...to'g'ri ko'p seriyali odamni asabiga tegadi ba'zi joylari, ammo xulosa qilib aytsak, tarbiyaviy ahamiyatga ega...misol uchun menga taklif qilignani uchun Osiyoni ko'rishni boshlagan edim, xohlasam, xohlamsam, uyda Ayam ko'radilar...:-)
menga yoqdi bu serial...

Seriallar jonga tegdi,ayniqsa koreys seriallar,yaqinda o'zimiz ham koreys bo'lib qolamizov.
Ha keyin hozirgi seriallarda ochiqdan-ochiqlik bor,masalan kechagi 'Osiyoda' er-xotinni quchoqlashib,bir biriga jipslashib olishi,telefon jiringlaganda yotoqda Osiyoni ustida Temir...
Ma'lum seriallarda yigit qizni labidan o'pishi,Hiyobonga boring darahtni tagida yigit bilan qiz o'pishayotgan bo'ladi
Yigit o'ylamaydiki bu qiz kimnidir qizi,uylamaydiki bo'lajak hotini ham yigitlar bilan qachonlardir shunday qilib yurganini

[Aliya]

Xiyobonga boring, daraxtni tagida yigit bilan qiz o'pishayotgan bo'ladi.
Yigit o'ylamaydiki bu qiz kimnidir qizi, o'ylamaydiki bo'lajak xotini ham yigitlar bilan qachonlardir shunday qilib yurganini

Tamanno qilg'ali la'lingni ko'nglum,
Kishi bilmas onikim, qoldi qanda...

Atoyi g'azali.

O'zbekchiligimizda, ayniqsa, hozirgi kunda bu kabi yozilgan she'r-g'azallar juda kam uchraydi.

[Muhayyo Turdialiyeva]

Seriallar jonga tegdi,ayniqsa koreys seriallar,yaqinda o'zimiz ham koreys bo'lib qolamizov.
Ha keyin hozirgi seriallarda ochiqdan-ochiqlik bor,masalan kechagi 'Osiyoda' er-xotinni quchoqlashib,bir biriga jipslashib olishi,telefon jiringlaganda yotoqda Osiyoni ustida Temir...
Ma'lum seriallarda yigit qizni labidan o'pishi,Hiyobonga boring darahtni tagida yigit bilan qiz o'pishayotgan bo'ladi
Yigit o'ylamaydiki bu qiz kimnidir qizi,uylamaydiki bo'lajak hotini ham yigitlar bilan qachonlardir shunday qilib yurganini
Hiyobondagi qizdan borib suramabsizda kecha Osiyoni ko'rdingmi deb? Yana o'ylamang Osiyoni oldini olyapti deb, shunchaki Osiyo tugul seriallar ham bu yerda "neprichom" dimoqchidim. Hamma narsa uydagi shart-sharoit, TARBIYA sababmikin?

[Nigora Umarova]

Hiyobondagi qizdan borib suramabsizda kecha Osiyoni ko'rdingmi deb? Yana o'ylamang Osiyoni oldini olyapti deb, shunchaki Osiyo tugul seriallar ham bu yerda "neprichom" dimoqchidim. Hamma narsa uydagi shart-sharoit, TARBIYA sababmikin?

Albatta, tarbiya katta ahamiyatga ega. Biz o'zbeklarda qiz bolani qog'ozga o'ralgan qandday, gard yuqtirmay tarbiyalashgan. Qiz bola ham o'z sha'nini asrab-avaylashni eng oliy burchi deb bilgan, ota-ona uni "egasi"ga nomiga dog' tushirmay topshirgan.
Hayronman ko'cha-kuyda yigitlarga gap otadigan qizlarning paydo bo'lganiga. Gap "sivilizatsiya"da bo'lsa, mening o'quvchilarim aslo unday emas. :)

[Muhayyo Turdialiyeva]

G'oyat guzal bu shaharda guzallarimizdan tashqari bir-biridan chiroyli ming bor uzr "uhojenniy" yigitlarimiz ham tiqilib yotibdi.Oldin erga tegishdan oldin qizlarimiz salkam Alpomishdek mard, jasur, savlatli yigitlarni orzu qilishgan. Hozirchi yigitlarimiz kiyimlaridan tortib uzlarini tutishlarigacha "Glamour" niy bulib ketgan. Xiyobonlarda sevgan qizini kuz-kuz qilgan buz yigitlarimiz, jondan shirin farzandiga vaqti yuq otalarning muammosi emasmi aslida?

[JUS]

jasur,

;)

buz

Сўзнинг давоми йўқми ишқилиб...? Давоми йўқ бўлса, бу сўзни тожик тилидан таржима қилганда "эчки" бўлади ;)

[Nigora Umarova]

buz

Сўзнинг давоми йўқми ишқилиб...? Давоми йўқ бўлса, бу сўзни тожик тилидан таржима қилганда "эчки" бўлади ;)

Оббо, Жасурбекей, Муҳайё "бўз йигит" деганларида "турмуш ачиқ-чучугини тотмаган, турмуш тажрибасига эга бўлмаган"ларни(Ўзбек тилининг изоҳли луғатида шундай берилган :)) назарда тутгандилар. Сиз бўлса, қаёқдаги "эчки"ларни ўйлаб юрибсиз. ;)

[Muhayyo Turdialiyeva]

Оффтоп:Сўзнинг давоми йўқми ишқилиб...? Давоми йўқ бўлса, бу сўзни тожик тилидан таржима қилганда "эчки" бўлади
Eh-heeeee....
O'zim bilmagan holda to'g'ri yozib qo'yibmanda... To'g'irlamoqchidim endi to'g'irlamiman!

[JUS]

Оббо, Жасурбекей, Муҳайё "бўз йигит" деганларида "турмуш ачиқ-чучугини тотмаган, турмуш тажрибасига эга бўлмаган"ларни(Ўзбек тилининг изоҳли луғатида шундай берилган :)) назарда тутгандилар. Сиз бўлса, қаёқдаги "эчки"ларни ўйлаб юрибсиз. ;)

Бунга каллам етади, Муҳайёнинг "буз"и билан сизнинг "бўз"ингизни фарқи бор!

Eh-heeeee....
O'zim bilmagan holda to'g'ri yozib qo'yibmanda... To'g'irlamoqchidim endi to'g'irlamiman!

Тушунмадим!

Юқоридаги гапимни яна такрорлайман! (http://uforum.uz/showthread.php?t=13242&page=14) :(

[Muhayyo Turdialiyeva]

Nimasini tushunmaysiz? Kim qanday tushunishi o'ziga bog'liq. Sizga tegishli joyi yo'qku nega qizishasiz? Qizlar haqida shuuuuncha yozishipti yigitlarimiz haqidayam bo'sin...

[Behzod Saidov]

Hayronman ko'cha-kuyda yigitlarga gap otadigan qizlarning paydo bo'lganiga. Gap "sivilizatsiya"da bo'lsa, mening o'quvchilarim aslo unday emas.

Ishonaman. :)

Islom universiteti akademik litseyining qizlarini ko'chada yigitlarga gap otayotganini tasavvur qilish qiyin bo'ldi. :)

[Nigora Umarova]

Islom universiteti akademik litseyining qizlarini ko'chada yigitlarga gap otayotganini tasavvur qilish qiyin bo'ldi. :)

Maktabdagi yuqori sinf o'quvchilarim ham unday emas.

[Bekmirzo]

...Sharq ayoli hech qachon o'ziga juft tanlashda bir-biri bilan yulishmagan, urishmagan. ...
Tanlab bo'lganidan keyin-chi? ;)

[Abdumalik Ismailov]

Islom universiteti akademik litseyining qizlarini ko'chada yigitlarga gap otayotganini tasavvur qilish qiyin bo'ldi. :)

Maktabdagi yuqori sinf o'quvchilarim ham unday emas.

Nigorahon, hozir hech kimga garantiya berib bo'lmay qoldi.

[Nigora Umarova]

...Sharq ayoli hech qachon o'ziga juft tanlashda bir-biri bilan yulishmagan, urishmagan. ...
Tanlab bo'lganidan keyin-chi? ;)

Tanlab bo'lganidan keyin ham. ;)

Agar jufti o'ziga boshqa bir juftni yetaklab kelsa, u holda o'ylab ko'rgan: yulishib-talashaymi yoki "bore-e-ey" deb ikkalasini oldimga solib uydan chiqarib yuboraymi, deb.

Inson o'rmon qonuni asosida yashamaydi-yu, har bir narsani aqlu-zakovat bilan hal qilish kerak. Yulishib-talashish ojizlik belgisi.

Ayollarga bekorga aql berilmagandir, bekorga ularni "ayyora" deb atashmas. Shu o'rinda yozuvchi Tohir Malikning gaplari yodimga keldi.

Ayollarga qirq tuyaga yuk bo'ladigan makr berilgan. Erkaklarga yuz tuyaning yukini ko'taradigan aql berilgan.

Tohir Malik

[Nigora Umarova]

Nigorahon, hozir hech kimga garantiya berib bo'lmay qoldi.

Agar kuchli nazorat ostiga olinsa, "sirdoshi"ga aylanib to'g'ri maslahat bersangiz, u holda "garantiya" berish mumkin. :)

[Colorado]

Ayollarga bekorga aql berilmagandir, bekorga ularni "ayyora" deb atashmas.
купрок "зифа" деб аташкан ку :)))

[Nigora Umarova]

купрок "зифа" деб аташкан ку :)))

Erkak kishiga ham kuch, ham aql berilgan bo'lsa, ayol kishiga faqatgina aql berilgan. Kuchimiz kamligi uchun ham "zaifamiz"de. :)

[Colorado]

ayol kishiga faqatgina aql berilgan.
+ дилраболик!!!

https://img.uforum.uz/images/xkyxwcb4167205.jpg https://img.uforum.uz/images/grpilao3052920.jpg

https://img.uforum.uz/images/mwpynpd1114203.jpg

[Nigora Umarova]

ayol kishiga faqatgina aql berilgan.
+ дилраболик!!!



O'zimizga o'zimiz ta'rif berishlik bizga emas. :)

Kamtarlik ham husn deyishadi.