Бахт ва шодлик куйчиси Хамид Олимжон

[Nigora Umarova]

Бахор

Хусн кўшиб хар кун хуснига,
Табиат чакирар ўз кучогига.
Хар кун кийиб янги бир либос,
Чакирар ўзининг ёшлик чогига.

Тинмай эсар хар томонга ел,
Кўймай сочар ўрикнинг гулин.
Дарахт шохларини силкитар,
Уйготишга бошлар уни тун.

Булбул сайрар, чумчук чиркирар,
Хабар берар асли-зотидан,
Гулга кўниб каттик сўйлашар,
Киш пайтининг хотиротидан.

Тиним йўк, хар нафас сен ёзар,
Бахор ечиб ўз тугунчагин.
Тонгги куртак, окшомга гунча
Сахар туриб очар чечагин.

Дала юзин коплар чечак-гул,
Кулиб чикар ёрию ет тегин.
Зангор кўзларига тўлар нур.
Шудринг билан ювар кипригин.

Хамид Олимжон

[Nigora Umarova]

Yaqinda Hamid Olimjon va Zulfiyaxonimning qizlari Hulkar opa bilan bo'lgan suhbatda quyidagi ikki she'rning yozilish tarixini so'radim. Ular shunday javob berdilar: "Ukam Omonning tug'ilish arafasida adajon Kavkaz safariga chiqadilar. Ayajon og'iroyoq bo'lganliklari sababli ularni olib keta olmaydilar. Adajon safarda ekanliklarida ayajon tush ko'radilar. Tushlarida emishki, adajon ayajonga xiyonat qiladilar. Ayajon darrov Kavkazga maktub yozib yuboradilar. Maktublariga javoban esa ushbu she'riy maktub keladi...
Xayolimda bo'lding uzun kun

Xayolimda bo'lding uzun kun,
seni izlab qirg'oqqa bordim.
och to'lqinlar pishqirgan tunda,
Topib ber, deb oyga yolvordim.
Ishon, bunda seni doimo
Esga solar chroyli tunlar,
Sho'x yulduzlar, salqin saharlar,
Esga solur baxtiyor kunlar.
Toleimning oshinosi sen,
Sen sevgimning ko'kargan bog'i,
Sening bilan birga iqbolim,
Ishonchimning sen vafo tog'i.
Meni qurshar salqin bir havo,
Suv ustidan tun quyuladi.
Shunda qancha-qancha gaplarni
Esga solib oy ham to'ladi,
Kecha jimjit, yolg'iz to'lqinlar
Pishqiradi bilmay tinimni.
Hiylagar oy, sehrgar dilbar,
Solib qo'yding yodimga kimni?...

Xayoling-la o'tadi tunlar

Bu bir uyqu, behuda bir tush,
Axir bu bir aldoqchi ro'yo.
Mumkinmidir sening sevganing
O'z ahdidan qaytganmish go'yo?!

Shu rost esa o'tga tushsin jon,
Yomg'irdayin boshga tushsin g'am.
Yashaganim-bu dunyo yolg'on,
Qasam ichdim: emasman odam.

Nomard ketay, yurakda tug'yon
Shu to'lqindan zarra kam esa,
Nomard ketay, shu otash yurak
Sendan boshqa o'zgani desa.

Nomard ketay, bo'lsa yurak tinch
Va sevgiga bo'lsa nihoya.
Dushman bo'lsin menga baxt, sevinch,
G'am buluti boshimga soya.

Harna bo'lay, aylasam jafo,
Sevinchimni boy berib qo'ysam.
harna bo'lay, etmasam vafo,
Sendan boshqa birovni sevsam.

Dardlarimga topmayin chora,
Va do'stga zor, dushmanlarga xor;
Mayli bo'lay tanho, ovora,
Mendan qochsin hamisha bahor.

To'lqin borda tinmaklik yo'qdir,
Qirg'oqlarga tegmakdir odat.
Bilurmisan, sevgan kishiga
Sodiq bo'lmoq o'zi saodat.

Kecha-kunduz yulduzlar notinch,
Dam olishni bilmas to'lqinlar...
Seni o'ylash o'zi bir sevinch,
Xayoling-la o'tadi tunlar...

Hamid Olimjon

[Gulnora Voisova]

Bilurmisan, sevgan kishiga Sodiq bo'lmoq o'zi saodat Дилбар сатрлар...

[Masud Mahsudov]

Ўзбекистон

Водийларни яёв кезганда,
Бир ажиб хис бор эди менда . . .
Чаппар уриб гуллаган боғин,
Ўпар эдим Ватан тупроғин.
Одамлардан тинглаб ҳикоя
Ўсар эди шоирда ғоя.
Дарёлардан куйлаб ўтардим,
Эртакларга қулоқ тутардим.
Хаммасини тинглардим, аммо,
Ўхшашини топмасдим, асло.
* * * * *
Ўхшаши йўк бу гўзал бўстон,
Достонларда битган гулистон,
Ўзбекистон дея аталур,
Уни севиб эл тилга олур.
Чиройлидир гўё ёш келин,
Икки дарё ювар кокилин.
Корли тоғлар турар бошида,
Гул водийлар яшнар кошида.
Чор атрофга ёйганда гилам,
Асло йўқдир бундайин кўклам.
Тоғлардаги қип-қизил лола
Бўлиб худди ёқут пиёла,
Булоқлардан узатади сув,
Эл кўзидан қочади уйқу.
Далаларда бошланади иш,
Бошланади ижод ва турмуш.
Кундан-кунга ўсади пахта,
Барг чиқади хар бир дарахтда.
Олмазорлар гулин тўкади,
Мева боғлаб шохин букади.
Шаҳарларда ишга чиқиб эл,
Одам билан тўлар Текстиль.
Ҳаммасининг бир истаги бор,
Ҳаммаси хам хурсанд, бахтиёр.
Бу ўлкада ҳар нарса бордир,
Кўрмаганлар доим хумордир.
Аму билан Сирдан сув ичган,
Зарафшонни лойлатиб кечган
Чавандозлар бордир бу элда.
Баҳор чоги пишқирган селда,
Арғумоклар қўшиғи бордир,
Бу шундайин ажиб диёрдир.
Даласида ўсмас тиконлар,
Чўлларида чопмас илонлар,
Қуш учганда куймас қаноти,
Одам ўтса қуримас зоти.
Чанқов қолиб йўловчи ўлмас,
Ҳар бурчакда бошкесар бўлмас.
Кулбаларни келиб босмас қум,
Гўдакларни ютмас оч ўлим.
Одамларга бахт-толе ёрдир,
Бу шундайин ажиб диёрдир.
* * * * *
Бунда булбул китоб ўқийди,
Бунда қуртлар ипак тўқийди,
Бунда ари келтиради бол,
Бунда қушлар топади иқбол,
Бунда қорнинг тагларида қиш,
Баҳор учун сўйлайди олқиш.
Бир ўлкаки ҳуснга бойдир,
Унинг энг зўр кўзгуси ойдир.
Бир парча ўт бўлиб бунда кун
Пахтасига ишлайди хар кун.
Ботирлари канал қазийди,
Шоирлари ғазал ёзади,
Куйчилари ўқийди ялла,
Жувонлари айтади алла.
Пазандаси ёпади ширмон,
Қарилари кутади меҳмон.
Бу шундайин ажиб диёрдир. . .
* * * * *
Шундай ўлка доим бор бўлсин,
Шундай ўлка элга ёр бўлсин.
Омон бўлсин оғайнилари,
Омон бўлсин дўстларнинг бари.
Доим бўлсин ўлкаси омон,
Шундай бўлсин бу бутун жаҳон.
* * * * *
Шафтолизор боғларни кўрдим,
Гул кўкарган тоғларни кўрдим.
Меҳр қўйиб ўпган сари оқ,
Оппоқ бўлди бу азиз тупроқ.
Водийларни яёв кезганда,
Бир ажиб хис бор эди менда...

Ҳамид Олимжон

[Nigora Umarova]

Мен дунёга келган кунданок,
Ватаним деб сени уйгондим,
Одам бахти биргина сенда
Булурига мукаммал кондим.

Кулогимга номинг кирганда
Кумлик каби ташна бокурман,
Сенинг жаннат водийларингдан
Нахрлардай тулиб окурман.

Билсинларким, йулдошим булмас
Кузда ёши билан кулганлар,
Тиллари бор, узлари хаёт
Лекин, юрак-багри улганлар.

Хар айтганинг буюк жангнома,
Кайга десанг кайтмай кетурман,
Кузларимни юммасман асло-
Дарё каби уйгок утурман.

Хамид Олимжон

[Amriddin Ikromov]

Севги десам, фақат сен десам,
Сенинг билан яшаса қалбим,
Сен десамғу, бутун дунёнинг
Шуришига қулоқ солсам жим...

Қуюн каби айланар бошим,
Қарайман-у, кўзим тинади
Ва жилвангдан кўнгил кўзгуси
Парча-парча бўлиб синади.

Шу қарашга борми ниҳоя,
Бўлурманми мақсадга восил?
Топарманми бир янги ғоя,
Бўлармикан бир мурод ҳосил?

Топиларми унда бир чора,
Агар мени қуршаса жунун:
Бўлиб қолса сирим ошкора,
Атасалар номимни Мажнун?

Хамид Олимжон

[Amriddin Ikromov]

Сизни севган эдим қалбдаги олов
Сўниб битмагандир ҳали, эҳтимол;
Ранжитмасин лекин, сизни ушбу ҳол,
Койитмайман асло ва бўлмайман ёв.
Сизни севган эдим: сокин, бенаво,
Жасоратсиз эдим, ғашда бедаво;
Сизни севган эдим, содиқ, вафодор,
Энди ҳақ айласин бошқага дилдор.

Хамид Олимжон

[Nigora Umarova]

Сизни севган эдим қалбдаги олов
Сўниб битмагандир ҳали, эҳтимол;

Хамид Олимжон

Шеър А.С. Пушкинга тегишли, таржима эса Хамид Олижонники.

[Masud Mahsudov]

Сизни севган эдим қалбдаги олов
Сўниб битмагандир ҳали, эҳтимол;

Хамид Олимжон

Шеър А.С. Пушкинга тегишли, таржима эса Хамид Олижонники.

Tarjima Zulfiyaniki emasmidi, opa?

[OmoN]

Tarjima Zulfiyaniki emasmidi, opa?
Нима фарқи бор? Балки Ҳамид Олимжон диктовать қилиб тургандир :)

[Nigora Umarova]

Tarjima Zulfiyaniki emasmidi, opa?
Нима фарқи бор? Балки Ҳамид Олимжон диктовать қилиб тургандир :)

Аниқ манбага таяниб фикримни исботласам, Ҳамид Олимжон. Танланган асарлар. Биринчи том.183 бетга қаранг. Таржима 1936 йилда қилинган.

Ҳамид Олимжон айтиб турганлар, Зулфияхоним котибалик қилганлар. :-)

[Maestro]

Adashmasam, bugun Hamid Olimjon tavalludining 100 yilligi. Rosa keng nishonlanayotgan bo'lsa kerak (hozir O'zbekistonda emasman).

[Husen]

Adashmasam, bugun Hamid Olimjon tavalludining 100 yilligi. Rosa keng nishonlanayotgan bo'lsa kerak

Дарвоқе, "Ўзбекистон адабиёти ва санъати" газетасининг кечаги сонини варақладим, бу ҳақида ҳеч нарса йўқ! Бош мақолада эса - "Миллат таянчи, тараққиёт гарови. 2010 йил - Баркамол авлод йили!"

Яна 3 та спасибо олсангиз менга етишиб олар экансиз... Саволингизга шу гапимнинг ўзи жавоб бўла қолсин! Мен не дейман, қўбизим не дейди...

[Husen]

Маеэстро оға!
Буларни ёзишдан мақсадим, Ҳ.Олимжондек тарихий шахснинг юбилейи нишонлашга арзирлик катта сана бўла туриб, адибиёт жараёнларни ёритгучи бош газетада бу ҳақида ҳеч нарса ўқимасак...Мадҳия, Конституция, Ғанижон Тошматов, Ҳабиб Саъдула ва бошқалар ҳақидаги материалларга жой топилган газетадан Ҳ.Олимжон учун икки энлик жой топилмаса... Ҳаётда қандай шахс бўлганидан, ўтмишининг яхши-ёмонлигидан қатъий назар, у ижодкор эди, нафосат ва гўзаллик шайдоси эди!

[Nigora Umarova]

Ўзбек халқининг атоқли фарзанди – ватанпарвар шоир, талантли драматург, йирик олим ва танқидчи, ёлқинли публицист ва нотиқ, ўзбек адабиётнинг жонкуяр ташкилотчиси, жамоат арбоби Ҳамид Олимжон ўзидан ўлмас мерос қолдирган. У шоир сифатида ўзбек шеъриятида жўшқин лиризмга асосланган шеърият мактаб яратди.
У драматург сифатида тарихий воқеиликни романтик кўтаринкилик билан акс эттирган том маънода тарихий фожеа жанрига асос солди.
Ҳамид Олимжон яратган образлар мингларча одамларнинг қалби ва хотирасида доимо яшайди. У халқ манфаатлари йўлида курашган тарихий шахснинг ўлмаслиги ҳақида айтган қуйидаги жўшқин мисралари ўзига ҳам тўла тааллуқлидир:

Халққа айтинг, мен асло ўлганим йўқ:
Ёв қўлида таслим ҳам бўлганим йўқ.
Мен элимнинг юрагида яшайман,
Эрк деганнинг тилагида яшайман!

[Nigora Umarova]

Ғунча янглиғ бурканиб кўнглинг очилмайдир нега,
Очилур фасли келиб, бўйинг сочилмайдир нега?

Кулгулар, хандонлар, шўх-шўх қўштқлар қайдадир,
Муттасил булбулларинггга кулгу келмайдир нега?

Лолалар, боғлар, чаманлар асти етмасми сенга,
Бу сенинг ой юзларинг шодликни билмайдир нега?

Ўт каби ёнган бу кўзлардан нечун ёшлар оқур,
Ҳам кўнгиллар норозиликдан чекилмайдир нега?

Ҳамид Олимжон, 1935 йил.

[Nigora Umarova]

"Муҳаббат, ул ўзи эски нарса, лекин ҳар бир юрак они ёнғорта..."

Ҳоди Тоқтош.

Ҳар юракнинг бир баҳори бор,
Ҳар бир қалбга ишқ бўлар меҳмон.
Ҳар юракда гуллар муҳаббат,
Бўстон этар уни бегумон.

Лекин Лайли бошига келган
Қора кунлар бизга ёт бугун.
Бизга ётдир Ширин бахтини
Поймол этган у қоп-қора тун.

Ҳамид Олимжон, 1936 йил.

[Nigora Umarova]

Жануб кечасида

Сен бўлмасанг шу оч тўлқинлар
Кўринмасди сира кўзимга.
Сен бўлмасанг ўзимнинг кўнглим
Кирмас эди айтган сўзимга.

Сен бўлмасанг этмасди хурсанд
Сув устида сузиб юрган ой.
Ҳамиша шўх, доимо баланд
Юлдуздаги жон ёққан чирой.

Қарашларинг тинчимни олиб,
Чертиб кетди қалбим торини.
Шундан кейин сездим юракда
Шунча кучли ўтнинг борини.

Айтиб бер-чи, шунча севганлар
Бўлганмикин менча бахтиёр?
Айтиб бер-чи, қайси қиз бурун
Севиб бўлган умид билан ёр?

Ҳамид Олимжон, 1936 йил.