"Ўзбекистон" телеканалими ёки "Ёшлар"..?

[Muhayyo Turdialiyeva]

Хар куни кечки овқатга йиғилар эканмиз қадрдон телевизоримизни ёқамиз. Кимда қанақа билмадиму, бизнинг уйда дадам ўзбек каналларини бир сира айлантириб, россия каналларидан бирига қўйиб қўядилар. Форумдошларимдан сўрамоқчи эдим, сизга қайси ўзбек кўрсатуви ёқади ёки умуман ўзбек каналларини кўрасизми?

[Aziza Abdunabiyeva]

O'zbek kanallarini???

Nima to'xtovsiz beriladigan reklamalaru, qayoqdagi "estrada yulduzlari"ni bema'ni kliplarini ko'rish uchunmi?

Yoki Rossiya telekanallaridan ko'chirilgan ko'rsatuvlarni tomosha qilishgami?

[Maestro]

Сообщение от Muhayyo Turdialiyeva

Форумдошларимдан сўрамоқчи эдим, сизга қайси ўзбек кўрсатуви ёқади ёки умуман ўзбек каналларини кўрасизми?

Нега фақат "Ўзбекистон" ва "Ёшлар"? ;-)
Бундан ташқари "Спорт", "НТТ", "Тошкент", "Марказ" телеканаллари ҳам бор (ҳар бир вилоятнинг ўз телеканналарини ҳисобга олмаганда).

Саволларингизга келсак:
1. Ўзбек телеканналларини кам кўраман (сабабини сўрамагансиз ;-)).
2. Нисбатан кўрса бўладиган дастурлар: "Заковат" (Ёшлар"), "Янгиликлар" (НТТ), "Киномания" ("Ёшлар"), "Оҳанграбо", "ИИВ хабарлари".
3. Авваллари кўрардим: "Оддий ҳақиқатлар", "Шахсий фикр", "Минбар", "Одамлар орасида", "Жиноят ва жазо".

Сообщение от Muhayyo Turdialiyeva

Кимда қанақа билмадиму, бизнинг уйда дадам ўзбек каналларини бир сира айлантириб, россия каналларидан бирига қўйиб қўядилар.

Мен ҳам шундай қиламан. Чунки ўзимизнинг клиплардаги очиқ-сочиқликдан, реклама роликларидаги ярим-ялонғочликдан фарзандларим олдида уялиб қолишим мумкин (ажабтовур бир роҳат билан баданига кўпик сураётган яланғоч қизларми-ей, "жаннат роҳатини ҳис қилаётган" "баунти"хўр алвастиларми-ей...) .
Қолаверса, овқатни иштаҳа билан ейиш керак ;-).

[Lutfillo Tursunov]

Сообщение от Muhayyo Turdialiyeva

"Ўзбекистон" телеканалими ёки "Ёшлар"..? Хар куни кечки овқатга йиғилар эканмиз қадрдон телевизоримизни ёқамиз. Кимда қанақа билмадиму, бизнинг уйда дадам ўзбек каналларини бир сира айлантириб, россия каналларидан бирига қўйиб қўядилар. Форумдошларимдан сўрамоқчи эдим, сизга қайси ўзбек кўрсатуви ёқади ёки умуман ўзбек каналларини кўрасизми?

"O'zbekiston" kanalidan asosan "Axborot"ni ko'raman.
"Yoshlar" kanalida esa "Bugun" deb nomlangan ko'rsatuv ancha ma'qul kelyapti.
"Toshkent" kanalida ba'zida yaxshi kinolar qo'yiladi.
"NTT"ning "Hudud" axborot dasturi boshqa kanallarning axborot dasturlariga qaraganda ancha jonli va unda tanqidga kengroq o'rin beriladi.
O'zimizning kanallar ichida eng ko'p vaqt ajratadiganim "Sport" kanali bo'lsa kerak. Hech bo'lmaganda bitta futbol uchrashuvini ko'rsam qariyb 2 soat vaqt ketadi

[Maestro]

Сообщение от Lutfillo Tursunov

"NTT"ning "Hudud" axborot dasturi boshqa kanallarning axborot dasturlariga qaraganda ancha jonli va unda tanqidga kengroq o'rin beriladi.

Шу кўсатувнинг номини бекор кўсатиб ўтдингиз-да. Яна ёпиб қўйишмасин ёки қаттиқ назоратга олиб юришмасин деган фикрда мен атайдан "янгиликлар" деб ўтган эдим ;-).
Бошида "Давр" ҳам шунақа жонли эди. Энди шаблон янгиликлардан уёғига ўтолмаяпти.

"Ҳудуд"нинг бир сонида, адашмасам, Бухоро вилоятидан тайёрланган танқидий ахборотни кўрган эдим.
Бошида бир маҳалланинг вакиллари нон дўконларидан нон ололмаётганликлари ҳақида гапирдилар. Кейин дўкондаги бўш пештахталар кўрсатилди (ичимда "ўлдиларинг энди" деб қўйдим). Кейин журналист маҳорат билан бунинг сабабни ёритишга киришди:

1. Дўкондор "Бизга фалон новвойхонадан кунига 600 "буханка" нон олиб келишлари керак. Бор йўғи 300-400 та келаяпти" қабилида фикр билдирди.

2. Фалон хусусий новвойхона эгасини эса топиш имкони бўлмади.

3. Мутасадди ташкилот вакили қуйидаги гапи билан масалага ойдинлик киритди "Фалон-фалон хусусий новвойхоналарга ахолини нон билан таъминлаш учун имтиёзли нархларда фалон тонна ун ажратилган. Аммо, новвойхоналар ажратилган арзон уннинг фақат маълум қисминигина "буханка" нон ёпишга ишлатганлар. Ҳозирда суриштурув ишлари давом этмоқда ва нон таъминотидаги вазиятни яхшилаш юзасидан қўшимча чора-тадбирлар амалга оширилмоқда".

Мана, бўларкан-ку!
Қаранг, ҳечам чалларда ёки чойхонада ўтириб олиб фол очишнинг кераги йўқ ("арзон нонни дўкондорлар "левый" қилишаяпти", "ун танқислиги бошланаяпти" ва х.к. ва х.к). Сабаби оддий - баъзи новвойхона эгаларининг олчоқлиги. Жавобини ҳам берашади.

Имхо, кундалик турмушдаги майда-чуйда муаммоларга ойдинлик киритувчи шундай репортажлар кўпайса - бўлар-бўлмас асосланмаган миш-мишлар камаяди.

[Lutfillo Tursunov]

Сообщение от Maestro

Шу кўсатувнинг номини бекор кўсатиб ўтдингиз-да. Яна ёпиб қўйишмасин ёки қаттиқ назоратга олиб юришмасин деган фикрда мен атайдан "янгиликлар" деб ўтган эдим ;-).

Agar muammolarni hozirgidek mohirlik bilan va professional darajada tayyorlashda davom etishsa, yopib qo'yishmasa kerak. Yanayam vaqt ko'rsatadi...
Oxirgi marotaba ko'rgan xabarlardan - Jizzaxdan tayyorlangan tabiiy gaz muammosi haqidagi, Samarqanddan tayyorlangan fermerlarning rejalarni bajarayotgan bo'lsalarda o'z haqlarini hokimliklardan ololmayotganlari haqidagi tanqidiy, Farg'onaning qaysidir qishlog'ida bir kishining Eyfel minorasining 30 metrlik nusxasini qurgani haqidagi qiziqarli reportajlar ancha ma'qul keldi.

[Muhayyo Turdialiyeva]

Сообщение от Aziza Abdunabiyeva

O'zbek kanallarini???

Nima to'xtovsiz beriladigan reklamalaru, qayoqdagi "estrada yulduzlari"ni bema'ni kliplarini ko'rish uchunmi?

Yoki Rossiya telekanallaridan ko'chirilgan ko'rsatuvlarni tomosha qilishgami?

Unda qaysi kanallarni, ko'rsatuv dasturini ko'rasiz? Baribir televizorni umuman ko'rmasligiz mumkin emasku to'g'rimi?

[Muhayyo Turdialiyeva]

Сообщение от Lutfillo Tursunov

Agar muammolarni hozirgidek mohirlik bilan va professional darajada tayyorlashda davom etishsa, yopib qo'yishmasa kerak. Yanayam vaqt ko'rsatadi...
Oxirgi marotaba ko'rgan xabarlardan - Jizzaxdan tayyorlangan tabiiy gaz muammosi haqidagi, Samarqanddan tayyorlangan fermerlarning rejalarni bajarayotgan bo'lsalarda o'z haqlarini hokimliklardan ololmayotganlari haqidagi tanqidiy, Farg'onaning qaysidir qishlog'ida bir kishining Eyfel minorasining 30 metrlik nusxasini qurgani haqidagi qiziqarli reportajlar ancha ma'qul keldi.

Chindan ham bugungi kunda TV dasturlarida ham oldingiga qaraganda "ozgina" demokratiyani hidi kelyapti nazarimda...

[Muhayyo Turdialiyeva]

Сообщение от Maestro

Саволларингизга келсак: 1. Ўзбек телеканналларини кам кўраман (сабабини сўрамагансиз ;-)).

Sababini bilishga juda qiziqdim..?

[G'olib Nishonboyev]

Сообщение от Maestro

Мен ҳам шундай қиламан. Чунки ўзимизнинг клиплардаги очиқ-сочиқликдан, реклама роликларидаги ярим-ялонғочликдан фарзандларим олдида уялиб қолишим мумкин (ажабтовур бир роҳат билан баданига кўпик сураётган яланғоч қизларми-ей, "жаннат роҳатини ҳис қилаётган" "баунти"хўр алвастиларми-ей...) . Қолаверса, овқатни иштаҳа билан ейиш керак ;-).

Гапингизда жон бор, бизнинг санъаткорларимиз миллий кадриятларимизга путур етказишяпти.
Нима рус каналларида бундай очиклик йукми?