Моё меню Общее меню Пользователи Правила форума Все прочитано
Вернуться   uForum.uz > БЕСЕДКА > События
Знаете ли Вы, что ...
...инструкция по установке аватара описана в Правилах форума.
<< Предыдущий совет - Случайный совет - Следующий совет >>

События Дни рождения, поздравления, праздники достижения, интересные даты, печальные события


Ответить

 
Опции темы Опции просмотра
Старый 29.08.2009 06:44   #1  
Pre Open ID Group
Аватар для Abdusalim Nursaidov
Оффлайн
Toza havo
qarovul
AKA:boss
Сообщений: 967
+ 975  467/248
– 32  17/12

Uzbekistan
18 ёшинг муборак ҳур Ўзбекистон!

Мустақиллик байрами ва Тошкент шаҳрининг 2200 йиллиги билан қутлайман!

Ҳурматли ватандошлар!



Сизларни Ўзбекистон Республикасининг 18 йиллиги ҳамда пойтахтимиз Тошкент шаҳрининг 2200 йиллиги билан табриклайди. Сизларга мустаҳкам соғлиқ, хонадонингизга тинчлик ва фаравонлик тилайман. Бутун халқимиз юксалиб яшнашига тилакдошман

Мустакиллигинг абадий бўлсин!
__________________
Fikr va mulohazangiz uchun oldindan rahmat.
Ответить 
Старый 29.08.2009 14:06   #2  
Real ID Group
Аватар для Farhod Fayzullayev
Оффлайн
Muloqot.Uz
AKA:Bittabola
Сообщений: 303
+ 1,047  125/71
– 8  2/2

UzbekistanLiveJournalАккаунт на TwitterFacebook
Оффтоп:
Цитата:
Сообщение от Abdusalim Nursaidov Посмотреть сообщение
18 ёшинг муборак ҳур Ўзбекистон!
Вергул тушиб қолибди
Ответить 
2 "+" от:
Старый 29.08.2009 14:06   #3  
Real ID Group uParty Member
Аватар для Nigora Tursunova
Оффлайн
Сообщений: 229
+ 357  309/121
– 1  0/0

Uzbekistan
Hamisha navqiron Toshkent shahrimizning 2200 yilligi munosabati bilan barcha yurtdoshlarimizni tabriklayman.

Ushbu munosabat bilan shaharda joylashgan tarixiy obidalar, yodgorlik va qadamjolar ta`mirlandi, obodonlashtirish yuzasidan keng ko'lamdagi ishlar amalga oshirildi, yangi zamonaviy ob`ektlar qurilib, shahar infratuzilmasini yanada rivojlantirish tadbirlari ko'rildi.
Toshkent shahrining 2200 yilligi tadbiri shahar markazida kuni kecha qurilgan "Ozbekiston' xalqaro anjumanlar saroyida bo'lib o'tadi.
Ответить 
Старый 30.08.2009 09:25   #4  
uParty Member
Аватар для Gulnora Voisova
Оффлайн
Сообщений: 589
+ 1,042  486/242
– 0  0/0

Uzbekistan
Барчангизни Мукаддас Рамазон ойида Юртимизнинг мустакиллик айёми хамда Тошкент шахрининг 2200-йиллиги муносабати билан муборакбод этаман. Бу кушалок байрамлар муборак руза кунларида булаётганидан жуда хурсандман.
Сизга энг эзгу тилакларим тинчлик хотиржамлик, тан сихатлик, хонадонингизга файзу барака тилайман.

Истиклол байрамингиз муборак булсин, кадрли юртдошлар!!!

Последний раз редактировалось Gulnora Voisova; 30.08.2009 в 09:40.
Ответить 
Старый 30.08.2009 09:44   #5  
uParty Member Real ID Group
Аватар для Behzod Sulaymonov
Оффлайн
UZINFOCOM Сотрудник
ZiyoNET при МНО
AKA:BeK
Сообщений: 256
+ 1,082  261/111
– 8  0/0

UzbekistanОтправить сообщение для Behzod Sulaymonov с помощью AIMОтправить сообщение для Behzod Sulaymonov с помощью Skype™Мой мир
Men ham shu o'rinda, Mustaqilligimizning 18 yoshi va go'zal poytaxtimiz Toshkent shahrining 2200 yilligi munosabati bilan barchangizni samimiy tabriklayman. Mustaqilligimizning abadiylini ko'rish barchamizga nasib qilsin.
__________________
ZiyoNet.uz - Все про образование, науку, культуру и спорт: Деятели| Образование| Учреждения| Блоги| Форум| Гранты
Прими участие в развитии сети ZiyoNet: Создай сайт на ZiyoNet| Добавь книгу в библиотеку| Загрузи видео
Ответить 
Старый 30.08.2009 10:38   #6  
Known ID Group uParty Member
Аватар для Husen
Оффлайн
Erkin ijodkor
Jurnalist
Сообщений: 1,748
+ 2,559  2,642/911
– 20  13/12

Uzbekistan
Истиқлолнинг илк йилида туғилган чақалоқ бугун 18 ёшда! Инсон умрининг энг гўзал дамларидир 18 ёш! Келажак учун муҳим қарорлар айни шу ёшда қабул қилинади, ҳар ким ўз ҳаёт йўлини танлайди.
18 ёшга тўлган мустақил ўзбек давлати ҳам маъсулиятли, залворли паллаларни бошидан кечирмоқда. Барча соҳаларда олиб борилаётган ислоҳотлар кутилганидан ҳам зиёда натижаларни берсин! Яна бир карра барчангизни Мустаққиллик айёми билан самимий муборакбод этаман.
Истиқлолнинг ҳар биримизнинг ҳаётимиздаги тутган ўрни тобора юксалиб бораверсин!
Қўшалоқ байрам - Тошкент шаҳрининг 2200 йиллиги билан ҳам табриклашга рухсат этгайсиз. Тобора чирой очиб бораётган пойтахтимиздаги ободончилик, файзу тароват, бунёдкорлик шаҳару қишлоқларимизга ҳам кўчиб бораверсин.
Байрамингиз муборак бўлсин!!!
Ответить 
Старый 30.08.2009 13:14   #7  
Real ID Group uParty Member Ultimate infocom.uz
Аватар для Александр Сучков
Оффлайн
онлайн издание Инфоком
редколлегия
Сообщений: 6,430
+ 2,148  6,865/2,846
– 0  375/243

Uzbekistan
Хурматли юфорумдошлар!
Поздравляю всех нас с 18-летием независимости Узбекистана.
Узбекистан наш общий дом , а потому я искренне рад, что родился, вырос и живу на этой земле. Дай бог процветания Узбекистану и всем народам проживающим в нашей стране. Счастья и мира всем узбекистанцам!

P.S. Прошу прощения , что на русском. Будем учить ...
Ответить 
Реклама и уведомления
Старый 30.08.2009 13:33   #8  
Аватар для Nigora Umarova
Оффлайн
AKA:Nigorabegim
Сообщений: 8,095
+ 8,360  10,318/4,529
– 37  58/50

UzbekistanОтправить сообщение для Nigora Umarova с помощью ICQОтправить сообщение для Nigora Umarova с помощью Skype™Мой КругFacebook
Юртим, Она маконим, жонажон Узбекистоним!!!

Керак булса сенга фидо булсин бу жоним.

Хакдан сурайлик: хуш ниятимиз доимо дилда булсин, тилаганимиз - кут-барака, тинч-омонлик энг аввало элда булсин.

Ватандошим, миллатдошим айёмимиз муборак!
Аждодларимиз орзикиб кутган бу байрамимиз асрлар давомида нишонлансин. Давлатимизнинг, миллатимизнинг юксалишини куриб узга мамлакатлар ва халклар бизга хавас килишсин. Тарихнинг зарварагидан УЗБЕК, УЗБЕКИСТОН деган ном асло учмасин.
Юртимизга муносиб фарзанд булишликни Узи насиби руз айласин. "Ватан" сузи хар биримизнинг тилимизда эмас, дилимизда хам булсин!!!
Ответить 
Старый 30.08.2009 15:12   #9  
Offline ID
Аватар для Tohir Malik
Оффлайн
народный писатель Узбекистана
Сообщений: 226
+ 163  774/218
– 0  0/0

Uzbekistan
Равнак топгай Она Ватаним

Хамал келди, амал келди... бахор севинчи яна кўнгилларни китиклай бошлади. Табиатнинг дилдираган танларига илик кон югурди. Муз тагида лойкаланиб оккан сувларнинг гамли юзлари кулди, ўзлари хоргин-хоргин оксалар-да, бўшалган кул сингари эркинлик нашъасини кемира-кемира илгари босадилар...
Хамал келди, амал келди...
Устоз Абдулхамид Чўлпон бу сатрларида табиатнинг оддий манзарасини эмас, Ватан бахорининг башоратини ёзганлар, деб ўйлайман.
Афсус шуки, озодликни бахтли тасодиф деб бахоловчилар хам бор. Мазкур фикрни буткул инкор этганимиз холда, деймизки, табиат бахорининг кириб келиши тасодиф бўлмагани каби, Ватан озодлиги – бахорининг юз очгани хам мутлак конуний сиёсий жараён эди.
Бахор богларни яшнатади. Бахор эпкинларига хомиладор куртаклар чирой очадилар. Аммо кайси бир кавакда пайт пойлаётган аямажуз бу гулларни ямлай-ямлай богларни куритиш касдида. Эсли богбон богларини бу зулм хамласидан эхтиёт кила олади.
Бир донишманд айтган экан: “Ватан бир богдир, Ватаннинг содик фарзандлари бу богни ўз юрак конлари ила сугормаклари даркордир...”
Ватан богини юрак кони ила сугормаклик мажозий маънода айтилган. Ўзини Ватан фарзанди деб хисобловчи одам бутун тану жони билан бу богни яшнатиш учун хизмат килиши керак, дейилмокчи. Бахорий озодликка аямажуз хуруж килгудай бўлса, том маънодаги юрак конини тўкмаклик билан хам химоя этмок зарурати тугилади. Табиат бахорининг конунияти барча жойда бир бўлгани каби, Ватан богини эхтиётлаш, яшнатиш мажбурияти хам барча мамлакатларга хосдир. Яъниким, немислар Олмон диёрини, можорлар Можористонни, инглизлар Англияни кандай авайласалар, биз – ўзбеклар Ўзбекистонимизни ўшалар каби, балки улардан-да юксакрок мартабада севмоклигимиз фарздир. Биз бугун тараккиёт бобида айрим мамлакатлардан ортда эканимиз айб эмас, бу ўтмиш жамиятнинг колоклиги таъсиридандир. Аммо Ватанга бўлган эътикод, мухаббат бобида ортда колмоклигимиз мутлако мумкин эмас.
Озодлик бахорини асраб колиш, Ватан богини яшнатишнинг асосий шартларидан бири – амал, яъни хар биримизнинг хизматимиз хисобланади. Тангри таоло айтибдики: “Эй бандаларим, сизлардан харакат, мендан эса барокат!” Огир мухораба олдидан аъёнлар Амир Темур хазратларига дебдиларким: “Эй сохибкирон, дуо килиб Аллохдан сўранг, бу калъани осонлик билан олайлик”. Шунда хазрат сохибкирон: “Агар факат дуо билан олиниш мумкин бўлса мусулмонлар учун Бадр жанги бўлмас эди”, деган эканлар.
Хамал келди, амал келди...
Бу “кутайлик, кўрайлик”, деб эмас, “Курашайлик, бунёд этайлик!”, деб яшамок фурсати келди, демакдир.
“Ватан” атамасига улуглар, донолар турли сифатлар беришган.Улардан аълорок тарзда сифатламокни даъво килмаганимиз холда онгимизнинг кулочи етар даражада фикр билдирмокка харакат килиб кўрамиз. “Ватан –одамнинг киндик кони тўкилган ердир”, деган таърифга эътироз билдирмасак-да, айтмокчимизки, бу шартли бир тушунчадир. Агар тугилган жой тўла маънода Ватан бўлганида эди, биз томонларда тугилиб ўсган немислар, юнонлар, яхудийлар, крим татарлари ва яна бошка миллатларнинг вакиллари ота-боболари юртига кўчишмас эди. Хорижда тугилган ўзбеклар эса “Ватан!” дея Ўзбекистонга интилмас эдилар. Демак, Ватан энг аввало ота-боболарнинг покиза хоклари ила шарафланган жойдир. “Ватан остонадан бошланади”, деган таърифга хам бир оз тахрир киритмокка эхтиёж сезамиз: Ватан хар бир кишининг ўз калбидан, виждонидан бошланади. Яъниким, хар кишининг калбида Ватаннинг жажжи киёфаси яшайди. Ватан – биз нафас олаётган хаводир. Ватаннинг бир зарраси эканини англамок киши учун ифтихор ва шарафдир. Ватанга мухаббатни жамлай олган юрак факат Одам боласига хосдир. Тангри таоло дебдики: “Мен Одам болаларини азиз ва мукаррам килиб яратдим”. Бу азиз ва мукаррамликни “Ватанни севмак, Ватанни кадрламак, эътикод этмак ва равнаки хамда шону шарафи учун хизмат этмак”, деган фазилатларда кўрамиз.
Юрак, ўпка, жигар... барча жонзотларда мавжуд. Хатто кўзларимизга аранг илинадиган чумоли, чивинда хам юрак бордир. Барча жонзотлар хам Яратганга тасбех айтадилар, аммо ота ва онага мухаббатлари чеклангандир - вакти келиб, ота-оналарини унутадилар. Ватан мухаббати хам чеклангандир, туйгу эмас, илмда “шартли рефлекс” деб аталувчи одатдир. Жонзотлардаги “Ватан” тушунчаси ўз уяларини химоя килиш билангина чекланади. Даф килаётган кучдан ожиз бўлсалар, бошка уяга кўчиб яшайверадилар.
Ота-онага, Ватанга бўлган мухаббат фазилати факатгина Одам болаларига берилган. Шундай экан, Ватан кадрига етмасликни Тангри неъматларига ношукурлик, беписандлик, деб бахоламок хам мумкин.
Хамал келди, амал келди – богни парваришлаш вакти келди.
Озод Ватаннинг озодлик гояси шу кадар буюк, шу кадар мукаддаски, у нопок ва лойка окимлардан бекиёс даражада баланд туради. Чунки айнан унда янги жамият ўз ибтидосини олади. 1991 йил 31 август куни эълон килинган истиклол хабари олам аро бир ёруг машъала ёкдики, энди уни ўчирмок мумкин эмас. Ўчирмокка уринмок эса нодонликдир. Истиклол – Ўзбекистон келажаги учун яралмиш зарур шарт-шароит демак. У янги жамиятга, тараккиётга пойдевор курди. Бу пойдевор устига бунёд этилажак озод Ватан саройига дунё хавас килажак, инша Аллох!
Аждодларимизга насиб этмаган истиклол шарафи, бахти ва харакат салохияти том маънода сиз билан бизга насиб этди. Биз факат озодлик куёшини кўрибгина колмай, балки бу куёшни энди турли кора булутлардан, бўронлардан химоя килиш шарафига эришдик. Шу сабабли хам, кейинги авлодларга нисбатан Ватан равнаки учун айнан бизлар масъулрокдирмиз.
Ватан равнаки – кудратли иктисодий кучга айланишдир. Айни чогда инсоннинг рухият, маънавият жихатдан кудратли калъага айланмогидир. Ватан юксалишини ўйламак – бир пайтлар кўлдан кетган хуррият ва номусни ўз ўрнига келтиришга харакат этмокликдир. Энди ўйлаб кўрайлик: хуррият ва номусни нима йўкотади? Ноахиллик. Энди уни нима ўз ўрнига тиклай олади? Ахиллик, якдиллик! Боболаримизнинг шарафли кунларини, одилона даврларини нима тирилтиради? Иттифоклик!
Бир гурух одам касида айтмок билан овора бўлса, яна бир гурух “Кани, нима бўларкин?” деб пайт пойласа-ю бошкалар эса зўр бериб ишлагани билан тараккиётга якин йўланмайди. Бу хол машхур масалдаги аравани уч ёнга тортаётган нодон жониворларни эслатади. Тараккий топмокликнинг шарти – бир тан, бир жон бўлиб ишламоклик.
Ровийлар дерларки, подшох ок мармардан ажиб ховуз бунёд этибди-ю “Ахли фукаронинг хар бири эрта тонгда бир косадан сут келтириб ховузга тўксин” деб амр килибди. Фармонни эшитган бир киши “шунча минг одам орасида битта мен сут ўрнига сув олиб бориб тўксам, ким билиб ўтирибди”, деган карорда сув кўтариб борибди-ю хайратга тушибди: ажабки, шахардаги бошка одамлар хам айнан шу фикр, шу ахд билан сув келтирган эканлар.
Ривоятдан ибрат шуки, Ватан билан ўзни бир бутунликда деб хис этган, виждони покиза одамда Ватан фойдаси, тараккиёти учун мехнат килиш иштиёкидан бошка нарса бўлмаслиги керак. “Йилларнинг йигини умр саналмас, Ватанга наф теккан кунинг умрдир”, деган макол бекорга айтилмаган. Донолар Ватан юксалиши йўлидаги хизмати билан шухрат топишини “иккинчи умр”, деганлар.
Ватан тараккиёти хавойи тушунча эмас, балки аник бир харакатдир, бу харакатнинг асоси хар бир одамнинг ташаббусидан бошланади. Фарзандларимизнинг мактабда битта харф ўрганишлари хам, янги иморатга кўйилган битта гишт хам, илмдаги оламшумул кашфиёт хам ана шу ташаббуснинг меваларидир. Эрталаб Ватандан бир нима олиб, шомда ўша битта микдорда кайтарсак – юткизамиз, бунда тараккиёт бўлмайди, аксинча, тушкунликка юз тутилади. Демак. олган нарсамизни бир-икки эмас, ўн, балки унданда кўп хисса килиб кайтаришга интилмогимиз шарт экан.
Мамлакат тараккий йўлини белгиловчи омиллар кўп. Шулардан бири ва энг мухими – Ватан мустакиллигига, Худога шукр, эгамиз. Ахамияти ва эътибори жихатидан иккинчи ўринда турувчи омил – ахиллик ва иттифокликни зикр этдик. Учинчиси – маориф, илм олмокликдир. Маърифатпарвар устоз Исмоил Гаспирали: “Ватанни севмок, менингча, унинг маорифи учун кайгрмок, унга ёрдам этмокдир”, деган эканлар. Жадидлар факат Ватан равнакинигина эмас, балки ўша дамдаги энг мухим вазифа – истиклолга эришмоклик йўлини хам айнан шу маорифда кўрганлар. Илмсиз, жахолат боткогидаги миллатни озодлик курашига жалб этиб бўлмаслигини англаганлар. Донишмандлар айтишган эканки: “Ўкишдан тўхтаган одам – фикрлашдан тўхтайди”. Шундай экан, фикрламайдиган одамдан Ватанга кандай наф тегиши мумкин?
Илм олмок – хар бир муслим ва муслималарга фарз этилгани барчага маълум. Бизнинг миллатимиз шу фарздан чекинган даврлардан бошлаб таназзулга юз тутганини афсус билан бўлса-да, ёдда тутмогимиз шарт. Аникки, мусулмон мамлакатлар илм-фанга эътиборсизликлари туфайли тобора холсизланиб бордилар. Бу масалага эътиборни кучайтирган Европа кудрати эса ошиб борди. Айникса, Х1Х-ХХ аср уларнинг доруломон даврлари сифатида тарихга мухрланди.
?озир ўзини хар томонлама етук хисоблаган етти давлатнинг иттифоки мавжудки, уни “еттилик” дердилар. Русия хам шу каторда саккизинчи бўлиб туришга даъвогар, бирок у жахон ахли томонидан тараккий топган мамлакат сифатида тўла тан олингани йўк. Шу “еттилик”нинг аъзолари Германия ва Япония Иккинчи жахон урушида маглуб этилиб, тамомила харобазорга айлантирилган эди. Германия хатто икки давлатга бўлиб ташланганди. Эътиборли томони шундаки, улар киска муддатда голиб мамлакатлар билан тенглашибгина колмай, баъзи сохаларда илгарилаб хам кетдилар. Айникса, ер ости бойликлари, хомашёси деярли бўлмаган Япониянинг тараккиёти ажабтовур туюлади. Лекин бунда ажабланарли ёки сирли жихатлар йўк. Хаммаси ойдин кўриниб турибди – бу мамлакатлар факат илм йўли билан дунёнинг энг ил?орлари сафидан ўрин олишди. Улар иктисодий жихатдан кийналган даврларида хам ёшларнинг илм олишларига катта ахамият бердилар ва хозир ўша эътиборнинг меваларидан бахрамандлар.
Ахамиятли жихати шундаки, АКШ, Англия, Франция факат ўз миллатлари орасидан олимларни тарбия килиб колмай, Иккинчи жахон уруши давридаёк ўзга мамлакатлар олимларини ўгирлаб кетиш билан хам шугулланганлар. Мамлакатлари юксалишини шу йўл билан хам таъминлаганлар. Бу иш хозир хам, энди маданий тарзда олиб бориляпти. Маълумотларга караганда, Англиядаги тиббий олимларнинг кўпчилигини Хиндистон, Покистон каби Осиё мамлакатларидан борганлар ташкил этар экан. Собик Совет Иттифокининг разведкаси хам уруш йиллари харбий маълумот тўплаш билан бирга, немислар истилосидаги мамлакатлар олимларини ўгирлаш билан шугулланганлар. Урушдан кейин эса “Социалистик лагер” деб аталмиш мамлакатларнинг, шу жумладан, “Иттифокдош республикалар” деб аталмиш юртларнинг олимлари “Совет фани ва техникаси ривожи учун” мехнат килдилар. Жумладан, ўзбек олимларининг салохияти хам умумиттифок равнакига каратилди. Баъзи кучли олимларимиз Москвага олиб кетилди, баъзан эса олимларимиз ихтиро этган кашфиётлар Москвада, ўша ернинг олимлари томонидан давом эттирилиб, ютуклари уларнинг номига ёзилди. Ўзбек олимлари ўтган асрнинг 70-80 йиллари орасида сув билан харакатга келувчи автомобил двигателини яратдилар. Яъни сув кимёвий йўл билан кислород ва водородга ажратилади ва водород бензин ўрнига ёкилади, кислород эса хавога чикарилади. Ёки куёш нурларидан кувват олувчи электромобил хам Ўзбекистонда тугилган, десак хам бўлади. Факат бу ва бунга ўхшаш кўплаб кашфиётлар “янада такомиллаштириш учун” Москва томонларга олиб кетилган. Телевидениенинг ватани Тошкент эканини кўпчилик унутгани каби, бошка кашфиётлар хам эсдан чикди хисоб. Биринчи фазогир Гагариннинг парвози ва бошка космик тадкикотларда ўзбек олимларининг хиссалари борлигини эса кўпчилик билмайди хам...
Бу каби мисолларни эслашимизга сабаб шуки, биринчидан, истиклол туфайли олимларимизга ўзлигини кўрсатиш имконияти яратилди. Иккинчидан, Ўзбекистон илм-фани колок эмас, балки бугун бўлмаса эртага ўша ривожланган мамлакатлар фан-техникаси билан ракобат кила оладиган даражага етиши аник. Бир неча йил аввал Ўзбекистон вакиллари Покистонда бўлишганида, у мамлакатнинг эътиборли, мансабдор одамлари иштирокидаги йигинда “Ўзбекистон тараккиётига ёрдам бериш” масаласида гапирилибди. Шунда мезбонлардан бири ўрнидан туриб: “Биродарлар, биз масалани нотўгри кўйяпмиз. Биз энди ривожланаётган мамлакатмиз. Ўзбекистон эса кўп жихатдан ривожланган мамлакат хисобланади”, деган экан.
Номдор футбол, хоккей... командалари, бокс клублари бошка юртларнинг спортчиларини сотиб олиш хисобига кучайганлари сингари, айрим мамлакатларнинг фан-техникаси хам шундай ривожланганки, бу услуб бизнинг Ватанимиз учун мутлако хос эмас. Бизнинг илм-фан тараккиётимиз ўз кучимиз, ўз акл-идрокимиз билан амалга ошади.
Бу ўринда илмга факат давлат томонидан ахамият берилмогининг ўзи кифоя эмас. Шукурки, давлатимизнинг бу борадаги ибратли ишлари кўп. Очигини айтганда, истиклолнинг дастлабки йилларида кўпчиликда бадбин карашлар тугилган эди. Ёшлар илмдан юз ўгиришиб, тобора тижорат томон огаётгандек туюлиб, келажак хира булут ортидан кўринаётган эди. “Ўкиб нима киламан, профессор бир ойда ишлайдиган пулни бозорда бир соатда топаман”, деган олифта гаплар кўнгилларни гашлаган эди. Шу холат давом этса, бахор гулларини ямлаган аямажузнинг голиб юришлари бошланарди. Хайриятки, бундай бўлмади. Бундай бўлиши мумкин хам эмасди-да! Тарихда шарафли ўринга эга бўлган улуг алломаларнинг авлодлари нахот озодлик онларига етиб келганларида илмдан тонсалар?! Ёз ойлари олий ўкув юртларига киришга харакат килаётган ёшларни кўриб энди кўз кувонади. Илм эгаллашни истаётган ёшларнинг адади кутилгандан хам кўп бўляптики, бу хол келажак юзини тўсиб турган булутларни хайдайди.
Хамал келди, амал келди...
Менинг бир танишим бор, уни ўттиз йилнинг нари-берисида биламан. Шу вакт мобайнида бирон марта бўлсин,унинг эгнида хорижда ишлаб чикарилган кийимни кўрмаганман. Сифатсизрок бўлса хам, факат ўзимизникини олиб кияди ва буни ватанпарварликнинг кичик бир зарраси деб билади. Саноатимиз юксалиш палласига кирган айни дамларда шундай зарралар хам зарурмикин, дейман.
Швейцарияда истикомат килувчи ватандошимиз бир ибратли вокеани айтиб берган эди: Берндаги ресторанда немис ва яхудий дўстлари билан ўтиришган экан. Газета сотиб юрган йигитча якинлашганида, яхудий уни чакириб, Исроилда чикадиган газетани сотиб олибди. “Сен ибрит тилини билмайсан-ку, газетани нега сотиб одинг?” деб ажабланибди немис. “Ха, афсуски, она тилимни билмайман, бу менин уятли томоним. Лекин бу газета она Ватанимда чикади. Уни сотиб олиш билан у ердаги биродарларимга ёрдам берган бўламан”, дебди яхудий. Бу хам Ватанга хизмат килишнинг ўзига хос бир зарраси.
Баъзан божхона хабарларини эшитиб, кўриб хайратга тушаман. Ўзбекистонликларнинг ўзларига зарур бўлган махсулотларни кўшни республикаларга олиб ўтиб сотишга уринишади. Ёки у ёклардаги арзон-гаров сифатсиз махсулотларни олиб келиб бизларга киммат бахоларда сотишади.
Нафс голиб юракда Ватан туйгуси бўлмайди. Маънавий дунёмизни бузишга хизмат килувчи нарсаларни хориждан олиб келиб сотиш хам шунинг айнан ўзи.
Илмдан йироклашиш - жахолат, мамлакат тараккиётининг биринчи душмани бўлса, иккинчи душмани ана шу нафс, бойишга ва факат бойишгагина интилишдир. “Ватан манфаати” ва “нафс” деган тушунчалар бир-бири билан келиша олмайди. Нафс голиб ерда хиёнат эшиклари очилади. Ингичка игна хам, йўгон мих хам кўзга кирса кўр килиши мумкин бўлгани каби, Ватан манфаатининг бир заррасини сотиш хам хиёнатдир. Шу ўринда кўполрок бўлса-да, “Ватан равнакини ўйламайдиган инсон озод мамлакатда яшашга хаклими?” деб сўрашга тўгри келади.
Мирзо Бобурнинг суюкли ўгли Хумоюн Мирзо дардга чалинганида, “яхши нимарсаларни тасаддук килмок керак”, деб маслахат беришди. Ота Бобур: “Ўглимнинг мендан ўзга яхши нимарсаси йўк, мен ўзим тасаддук бўлайин, Худой кабул килсин”, деган фикрда фарзанди атрофида айланиб: “Мен кўтардим хар не дардинг бор”, деган эканлар. Бобур Мирзонинг бу фазилатларини хар биримиз ўзимизга сингдиришимиз керак. Темирми ё бирон маъданми етишмаса, бошка ерлардан олиб келиш мумкин. Лекин кашшок юракда Ватанга мухаббат, фидойилик хисси бўлмаса, бу туйгуларни ўзга юртлардан келтириб жойлаб бўлмайди. Шу боис хам хар биримиз калбимизни тарбия этмогимиз шарт ва демогимиз жоизки: “Ватан, биз сени севувчи фарзандлармиз, бизгина кўтаргумиз хар не дардинг бор!”
Ватан шаънига атаб неча минг сатрлар битилган. Ватан юксалишига кўшишимиз лозим бўлган хиссамиз хакидаги фикримизни шу шеърлардан бирида юлдуз каби чараклаб турган сатрлар билан якунласак:

Юрак хаёт экан, номусга, шаънга –
Дўстгинам, Ватанга жонни тикканмиз,
Кўнгил орзулари фидо ўшанга!
Ответить 
Старый 31.08.2009 22:22   #10  
uParty Member Known ID Group Ultimate
Аватар для OmoN
Оффлайн
програмщег
Сообщений: 4,971
+ 2,743  5,086/2,116
– 69  99/68

Uzbekistan
Мен ҳам барча форумдошлар қатори барчангизни Мустақиллигимизнинг 18 йиллиги билан табриклайман.
__________________
Ошибки прошлого, мудрость будущего. (с)Д.Тернер.
Ответить 
"+" от:
Ответить
Опции темы
Опции просмотра




Powered by vBulletin® Version 3.8.5
Copyright ©2000 - 2024, Jelsoft Enterprises Ltd. Перевод: zCarot
Advertisement System V2.5 By Branden
OOO «Единый интегратор UZINFOCOM»


Новые 24 часа Кто на форуме Новички Поиск Кабинет Все прочитано Вверх