Кутубхона қаерда?

[Komil Eriev]

Сообщение от Yulduz Alieva

Менинг фикримча, хозирда деярли хамма китобларни электрон куринишини Интернет глобал тармогида кучириб олиш еки сотиб олиш имкониятларини яратилган.

Бироқ, бундан фойдаланиш имкони ҳаммада ҳам мавжудмас-ку?

[Farhod Abdurahmonov]

Ҳозирги пайтда ўқувчилар кутубхоналарга кам бораяптилар. Нега деган саволга, қуйидагича жавоб бераман:
- кўп ўқувчилар интернетдан керакли маълумотларни олаяптилар;
- интернетнинг фойдаси ҳам, зарари ҳам бор, яъни, фойдаси шуки, интернетдан ҳоҳлаган маълумотни бир неча сониялар ичида олиш мумкин. Зарари эса ўқувчилар интернетга ишониб дангаса бўлиб, қолмоқдалар.
- умуман олганда ҳар иккиси ҳам зарур.

[Yulduz Alieva]

Сообщение от Komil Eriev

Бироқ, бундан фойдаланиш имкони ҳаммада ҳам мавжудмас-ку?

Тугри, хаммада хам бундай имконияти йук ,лекин "интилганга толе ер" шундай экан харакат килган одам хар доим йул топади.

[Bahriddin Shayvaliev]

Сообщение от Yulduz Alieva

Тугри, хаммада хам бундай имконияти йук ,лекин "интилганга толе ер" шундай экан харакат килган одам хар доим йул топади.

Yulduz, fikringzga qo`shilaman, intlanganga tole yor, harakatda barkat degan naql ham bor. Lekin tanganing ikkinchi tomoni ham bor. Yani, bevosita odamnng o`ziga bog`liq bo`lmagan jihatlar. Siz aytayapsizki, online tizmdagi kutbxonalarning borligi, net imkoniyatlarinng kengligi ommani kutubxonaga bo`lgan murojaatini qisqartirayapti deb.
Ma`lumki, respublikamiz aholisinng 64% qishloq joylarda istiqomat qiladi, AKT es asosan markazlarda mavjud, hattoki ayrim viloyat markazlarida ham internet zo`r deb aytib bo`lmaydi (bunga bevosta o`tgan yili viloyatlarda seminarda bo`lgan vaqtimiz guvohi bo`lganmiz). Demak, aholing juda kam qismigina netdan foydalanish imkoniyatiga ega, buing obektiv va subektiv sabablari bor.

[Alidjan Nazarov]

Албатта кутарилган мавзу жуда долзарб. Мен бу масалага бошка йул билан ёндашмокчиман. Балки кутубхона ходимлари хам кул ковиштириб утирмасдан узлари мактаб, колледж ва лицейларга бориб укувчилар билан турли учрашувлар утказиб турсалар, янги китоблар хакида гапириб берсалар, компьютер ва уйинлардан ташкари китоблар хам борлиги, компьютерни хар канча билса хам барибир китоб мутолаа килиш кераклиги хакида укувчиларга эслатиб турсалар яхши буларди. Мен мактаб укувчилигим даврида шундай учрашувлар тез-тез булиб турарди, учрашувдан сунг биз дустларимиз билан кутубхоналарга борар эдик.

[Bahriddin Shayvaliev]

Ҳурматли форум иштирокчилари!
Ҳукмингизга "Маъриат" газетасида чоп этилган ва ноябр ойида ушбу газетада ёш ижодкорлар ўртасида ўтказилган танловда "Энг яхши публициятик асар" номинациясида ғолиб деб топилган мавзуга қисман алоқадор бўлган мақолани ҳавола этаяпмиз. Хўш, нима деб ўйлайсиз, мазкур мақола куннинг долзарб муммосини кўтариб чиққанлиги учун ғолиб деб топилганми ёки бунга ижодкор маҳорати асос бўлгани?

КИТОБ ЖАВОНИНГИЗ БОРМИ?
Китобнинг ҳам оиласи, уйи бор — кутубхоналар уларнинг масканидир.
Китобга қизиқишимиз боис, мўъжаз кутубхонага, ҳеч бўлмаганда китоб
жавонига эга бўлишни хоҳлаймиз. Ҳар ким ёшлигидан ихтиёрий ёки мажбуран китоб ўқийди. Агар улар асраб-авайланса, тўпланса жавонларни тўлдириб туради — бошқаларга ҳам ёрдами тегади.
— Китобларга жуда қизиқаман, — дейди талаба Гулбаҳор Қобулова. —Айниіса, шеърий асарлар мутолааси жону дилим. Бобур, Навоий, Завқий, Фурқат, Сайфи Саройининг асарлари китоб жавонимнинг энг юқорисидан жой олган. Бадиий асарлар, тарих, тилга оид қўлланмаларимни ҳисобга олиб айтсам, юзга яқин китобларим бор. Ҳар бир инсон китоб ўқиши шарт, деб ўйлайман. Шу тариқа оила аъзолари, яқин танишларини ҳам мутолаага ўргатиб боради.
— Китоб жавоним бўлишини жуда хоҳлайман, — дейди Мунира Саидова.
— Немис филологияси факультетида ўқиганлигим боис, шу тилдаги китобларим кўп. Аммо бадиий асарлар кам. Баъзи курсдошларим ҳар ойда, стипендиясига икки-учтадан китоб олишади. Уларнинг китоб жавонларини кўрганман. Ўзимизнинг ва чет эл ёзувчиларининг энг машҳур асарларини учратишингиз мумкин у ерда. Улардан олиб ўқийман. Ўзимда 30 га яқин китоб бор. Лекин бу китоб
жавонимга камлик қилади.
— Ҳар бир ўқишга қизиққан инсон китобсиз яшай олмайди, — дейди яна бир талаба Машҳура Содиқова. — Абитуриент усиз талаба бўла олмайди. Китоб муваффаіият калитидир. Талаба бўлгунимга қадар ҳам жуда кўп бадиий асарлар ўқиганман. Мактабнинг юқори синфларида қизиқишим бўйича инглиз тили қўлланмаларини, инглизча китобларни йиға бошладим. Шу харакатларим натижасида мўъжазгина китоб жавони ҳосил бўлди. Талаба бўлганимдан сўнг корейс тилини ўргана бошладим. Ўзлаштириш давомида шу тилга оид манбаларни йиғдим ва китобларим сони янада ортди. Ҳозир 120 дан ортиқ ўқув қўлланма, бадиий асар, турли соҳага оид китобларим бор.
Китоб инсон ҳаётида катта ўрин тутади. Буни фарзанд тарбиясида кўп
кузатганмиз. Жавондаги китоблар эса ўқилмасдан қолмаса бўлгани...
Камола ПОЛВОНОВА,
ЎзДЖТУ талабаси
«Мастер-класс» тингловчиси

[Aziza]

Энг яхши кутубхоналардан бири, бу- Ўзбекистон Фанлар Академиясининг Асосий Кутубхонаси. У ердан Алишер Навоий номидаги кутубхонадан топиш мумкин бўлмаган китобларни топиш мумкин. Энг яхши тарафи шундаки, китобни уйга олиш мумкин (албатта паспорт эвазига, 1 кунига 500 сўм). Алишер Навоий номидаги кутубхонада эса, китобни уйга олиш мумкин эмас. Бу шундай бир тизимки, ксерокопияни фақатгина кутубхонадан чиқмаган ҳолда қилиш мумкин(омадингиз келиб ксерокопия машинаси ишласа албатта). Нархи ҳам арзон эмас: 40 сўм

[Yulduz Alieva]

Хурматли Азиза,

Сообщение от Aziza

Энг яхши кутубхоналардан бири, бу- Ўзбекистон Фанлар Академиясининг Асосий Кутубхонаси. У ердан Алишер Навоий номидаги кутубхонадан топиш мумкин бўлмаган китобларни топиш мумкин. Энг яхши тарафи шундаки, китобни уйга олиш мумкин (албатта паспорт эвазига, 1 кунига 500 сўм). Алишер Навоий номидаги кутубхонада эса, китобни уйга олиш мумкин эмас. Бу шундай бир тизимки, ксерокопияни фақатгина кутубхонадан чиқмаган ҳолда қилиш мумкин(омадингиз келиб ксерокопия машинаси ишласа албатта). Нархи ҳам арзон эмас: 40 сўм

Сизнинг езишингиз буйича китобларни уйга олиб кетиш мумкин экан, лекин фойдаланувчи китобхонда паспортини ташлаб кетиш иложи булмаса у нима килиши мумкин??? Ва бу кутубхона каерда жойлашган? Хамма китобларни олиб кетишга рухсат борми??? 40 сум бу сингигча кимматми??(агар жуда хам зарур , керак китоб булса, менинг фикримча пулнинг катта ахамияти йук).

[Aziza]

Сообщение от Yulduz Alieva

Ва бу кутубхона каерда жойлашган?

Ўзбекистон Фанлар Академиясининг Асосий Кутубхонаси Мирзо Улуғбек кўчасида (Академ городок) жойлашган. Осонроқ бўлиши учун: Ўзбекистон Фанлар Академиясининг биноси билан Беруний номидаги Шарқшунослик институти биносининг орасидаги иморат. Транспорт: 13, 6 трамвайлар, 96, 63, 123, 17 автобуслар.

Сообщение от Yulduz Alieva

40 сум бу сингигча кимматми??

Сообщение от Yulduz Alieva

пулнинг катта ахамияти йук)

Ҳозирги кунда кўпчилик одамлар рўзғорга зўрға пул етиштираётган бир пайтда, 1 варақ учун 40 сўм бу кичкина пул эмас. Албатта, ўзингиз таъкидлаганингиздек

Сообщение от Yulduz Alieva

менинг фикримча

, бу сизнинг шахсий фикрингиз. Хулоса чиқаришга шошилманг. Доно халқимиз айтганидек, шошган қиз элга (эрга) ёлчимайди.
P.S. бугунги хабарларга кўра, 1 варақ ксерокопия нархи 50 сўмга ошибди, шунингдек, китобни уйга олиш учун паспорт билан бирга 3000 сўм "залог" бўлиши керак экан.

[Nigora Umarova]

Сообщение от Atham Mirazizov

Афсуски кўпчилик катталар "тирикчилик" кетида болаларини адабиёт дунёсига киритиш тугур оддий ўқув дастурларига ахамият беришмайди. .

"Туйчибой"

Туйчибой туй киладиган булди: суннат туй...
"Сабзу туграр" га келган махалла оксоколлари "юз кило гуруч шартми, узингизни кийнамай куя колинг", деган эди, астойидил хафа булди:
- Нима, мен одаммасманми? Узимга яраша орзу-хавасим бор, улфатларим бор... Мен хам юртнинг ошини еганман...
Шундай булди... Юз кило эмас, юз йигирма кило ош дамланди...
Тонг отмасдан хофизлар хониш килди. Гурас-гурас одамлар келди...
Туйчибой "юз йигирма кило ошнинг тагида бир капгир колмаганини" гапириб юрди...
Икки хафталардан кейин уйида кий-чув булиб колди. Узи бакирган, хотини додлаган...
Хар калай куздек кушни... Чикдим.
Карасам, Туйчибой ток сури тагида турибди. Кузлари бежо.
Нукул бир гапни такрорлайди: "Узимни улдирсам кутуламанми? Улиб кетсам кутуламанми, санлардан?!"
Янга нарирокда шумшайиб турибди.
- Туй киламан деб бугзимгача карзга ботдим! - деди кушним чинкириб. - Мени хонавайрон килмокчимисан?.. Узимни улдириб куя колай!..
Янга мени куриб бир кадар таскин топди, шекилли эрини юпатди:
- Куйинг, дадаси, узингизни босинг... - Кейин айвон томонга караб мушт дулайтирди. - Сан, киз улгурга качон акл киради-я?! Ман буни нонга чикарсам, китоб обкебди!.. Хах, уша санга китоб укишни буюрган укитувчингнинг уйига ут тушсин! Саккиз юз сумгаям китоб оладими, жувонмарг?! Китоб санга ош билан нон булармиди, ер ютгур!
... Кушнимнинг еттинчими, саккизинчи синфда укийдиган кизига энди кузим тушди.
Кизалок айвон устунига суяниб турар, кафти билан юзини тусганича, унсиз, укиниб-укиниб йиглар эди...
Индамай чикиб кетдим.
... Ростини айтсам, умримда биринчи марта... узбек булганимга уялдим.

Уткир Хошимов "Дафтар хошиясидаги битиклар" дан
Демокчиманки, китоб укишга булган кизикиш оиладан бошланади. Катталар болаларидаги бу хавасни йукотиб юборишмаса, кутубхона манзилини тез ва осон топиб олишади.