Моё меню Общее меню Пользователи Правила форума Все прочитано
Вернуться   uForum.uz > ТЕМАТИЧЕСКИЕ ФОРУМЫ > Образование > Ижод хусусида сўз
Знаете ли Вы, что ...
...для каждой темы существует свой раздел. Изучите структуру форума. Если соответствующего раздела нет, то всегда есть раздел "Разное" :)
<< Предыдущий совет - Случайный совет - Следующий совет >>

Ижод хусусида сўз Ижод аҳли, уларнинг ғояси, ҳаёт қараши, мақсадлари, ютуқлари, орзу ва армонлари.... (Все о творчестве, о людях творчества, их идеях, взглядах, достижениях и целях, мечты…)


Ответить

 
Опции темы Опции просмотра
Старый 26.03.2008 09:34   #1  
Real ID Group
Аватар для Masud Mahsudov
Оффлайн
Freelancer
consultant
Сообщений: 1,749
+ 4,053  3,248/1,245
– 266  151/145

Uzbekistan
Bahru-bayt

Ushbu bo'limda har bir fodalanuvchi o'ziga yoqqan she'r yoki o'z nazmiy ijodi namunasini forumdoshlar bilan baham ko'rishi mumkin...

marhamat:

Қўйгил, у кунларни эслатма менга,
Қалбимни ёқмасин бу хазон фаслинг.
Энди бегонаман,жонгинам, сенга,
Энди бегонадир менга ҳам васлинг.

Гоҳида севиниб, гоҳи ғамдадир,
Ишқ узра ёзардим мен эркин қанот.
Билмайман, қайси кун, қайси дамдадир,
Менинг қисматимга чанг солди сайёд.

Унинг қўлидадир бу кун имконим,
Бу кун ҳамроҳимдир гўзал изтироб.
Қўйгил, у кунларни эслатма, жоним,
Қўйгил, юрагимга сен берма азоб.

Ўзгалар ҳолимга боқса ҳам ҳайрон,
Фақат сен томоша қилма ҳолимни.
Фақат сен шеъримни суйма ҳеч қачон,
Фақат сен ҳимоя қилма номимни.

Дариғ тут ишваю назокатларинг,
Фақат сен юзимга боқмагин кулиб.
Ҳайхот, энди барча илтифотларинг
Менга туюлади масхара бўлиб.


Эркин Воҳидов
Ответить 
"+" от:
Старый 26.03.2008 09:57   #2  
Pre Open ID Group
Аватар для Abduganiyev Murod
Оффлайн
академический лицей
Ученик
Сообщений: 73
+ 72  44/26
– 0  0/0

Uzbekistan
Nega yapon yuz yil yashar-u,
O'zbek bunday yoshga bormaydi.
Chunki yapon bizdek kechqurun,
Sahar turib oshga bormaydi.

Garchi bizdan yuz bor farovon,
Garchi bizdan yuz karra to'qdir.
To'y xarjida yuzta boy yapon,
Bir kambag'al o'zbekcha yo'qdir.

Bayramida u obro' uchun,
Yurtni chorlab ziyofat bermas.
Azasida bel bog'lab uch kun,
Shamddek qotib ko'chada turmas.

Bu gaplarni aytsam yaponga,
Dedi, battar qisib ko'zini-
"Yapon bunday yasholmas hech ham
Xarakiri qilar o'zini".
Ответить 
3 "+" от:
Старый 26.03.2008 10:11   #3  
Аватар для Komila Baxtiyor qizi
Оффлайн
Toshkent Islom Universititeti qoshidagi akademik litsey
talaba
Сообщений: 23
+ 10  24/12
– 0  0/0

Uzbekistan
Ne bu ,erta ketgan yoshligimmi bu,
Yoki do'stlarimdan ortirgan hasrat.
Ne bu qandayin his, qandayin tuyg'u,
Qanday nomsiz mehr,ismsiz nafrat.
Ответить 
2 "+" от:
Старый 26.03.2008 10:30   #4  
Real ID Group
Аватар для Masud Mahsudov
Оффлайн
Freelancer
consultant
Сообщений: 1,749
+ 4,053  3,248/1,245
– 266  151/145

Uzbekistan
OFF TOP: Iltimos, she'rlarning muallifini ko'rsatib o'tinglar... Avvaldan rahmat...

ON:

Сени ўйлаяпман...
Қайдадир сен ҳам,
Олис юлдузларга
Термуласан жим...
Кимнидир кутасан
Интиқиб шу дам.
Мен ҳали билмаган,
Дилгир малагим.

Кичик бир нуқтада,
Жамулжам хаёл...
Йўл қараб чарчаган
Нигоҳинг ғамгин.
Толиққан қарашда
Сон мингта савол,
Ораста қалбингга.
Бермаяпти тин.

Ичинг анор каби.
Қизилликка ғарқ,
Ҳар битта донаси –
Азобинг, дардинг.
Айт нега жим тилинг,
Сарвинози Шарқ,
Бунчалик сабрни
Қаердан олдинг?

Битмас матонат-у
Туганмас тоқат,
Ва жиндек табассум,
Кўзларингда жо.
Юрагинг ақлингдан
Истайди шафқат,
Ҳар битта зарбаси –
Юзта илтижо.

Бас, етар!
Қийноқли дамларинг
Ортда,
Унутиб ғамларни,
Шодон куламиз.
Эзгуликка тўла
Кўркам ҳаётда,
Албатта иккимиз
Бахтли бўламиз...

Соғиниб, ўртаниб,
Энтикиб ёниб,
Сени ўйлаяпман...


Kamina...
__________________
Мой ЖЖ
Ответить 
Старый 26.03.2008 10:58   #5  
Аватар для Aziza Abdunabiyeva
Оффлайн
akademik litsey
o'quvchi
Сообщений: 338
+ 760  368/178
– 0  0/0

UzbekistanМой мир
Ketdim, o'yladimki sendan qutuldim,
Endi sensiz kutgum har tongotarni.
Ismingni qalbimdan chechakday yuldim,
Yorab, chechak shunday ildiz otarmi?

Yorab, o'limku bu ishq degani , a,
Nahot har hujayrang egallab borsa?
Nahot har chin oshiq "ishq" deganida,
Peshonasin o'lim gurzisi yorsa?

Qayoqdanam senga ko'ngil ochdimu,
O'zimni umrlik o'tga soldim men.
O'limdan qochganday senday qochdimu,
Sensiz o'larimni sezib qoldim men.

Izlab topolmayman birorta taftni,
Sensiz har qadamda urilib toshga.
Ko'ksimda hech narsa ildiz otmabdi,
Egallagan o'sha chechakdan boshqa...


Halima Xudoyberdiyeva
Ответить 
2 "+" от:
Старый 26.03.2008 11:26   #6  
Real ID Group
Аватар для Komil Eriev
Оффлайн
Сообщений: 67
+ 52  61/35
– 0  0/0

UzbekistanОтправить сообщение для Komil Eriev с помощью YahooОтправить сообщение для Komil Eriev с помощью Skype™
USTIMIZDAN O'TGAN OYLAR

"Ustimizdan o'tgan oylar"
Yarim edi, to'lin edi.
Ko'nglim edi, ko'ngling edi
Ustimizdan o'tgan oylar.

Suvlar u payt billur edi,
Ketmasak ham bo'lur edi.
Bir narsani bilur edi,
Ustimizdan o'tgan oylar.

Kiyik ko'zing-suzuklaring,
Sirg'alaring, uzuklaring,
Sening bilakuzuklaring -
Ustimizdan o'tgan oylar.

Keyin olam rangga to'ldi,
Qancha qizlar yanga bo'ldi.
To'ylaringda tanga bo'ldi,
Ustimizdan o'tgan oylar.

Sirojiddin Sayyid
__________________
Har doim ham haqligingga ishonaverma!:offtopic:
Ответить 
2 "+" от:
Старый 26.03.2008 11:30   #7  
Real ID Group
Аватар для Masud Mahsudov
Оффлайн
Freelancer
consultant
Сообщений: 1,749
+ 4,053  3,248/1,245
– 266  151/145

Uzbekistan
Бинойидек юриш-туриши,
Суҳбати ҳам сермазмун жуда.
Гоҳи мафтун қилар кулиши,
Ром этади хатто уйқуда.

Киприкларин ёйи қалбингиз
Тўғри нишон олади бехос.
Кўнгли, - дейсиз - каттакон денгиз,
Дарёсидан қуйилади ноз.

Кокиллари мисли мажнунтол,
Қуёш янглиғ табассумлари.
Сўзидан чак-чак томади бол,
Гул баргида шабнам сингари.

Рўмолини қўймас бошидан,
Узун кўйлак қоматин безар.
Ўсма қўйиб етти ёшидан,
Буюк санъат асарин чизар.

Қултум сув-ла ютаман дейсиз,
Бунча гўзал бўлмаса, Худо!
Фақат битта айби бор, эсиз...
Унга юрак этмаган ато!


Kamina...
__________________
Мой ЖЖ
Ответить 
Реклама и уведомления
Старый 26.03.2008 12:11   #8  
Аватар для olimbek
Оффлайн
Тошкент Давлат юридик институти
Булим бошлиги
Сообщений: 196
+ 27  80/56
– 0  1/1

UzbekistanОтправить сообщение для olimbek с помощью ICQ
Ёшлик ортда қолди, турдинг оёққа,
Азму шижоатни унутма, болам.
Насихат ёкмайди энди қулоққа,
Ақлу фаросатни унутма, болам.

Бу дунё аслида алдамчи бозор,
Унда луттибозу нокаслар бисёр.
Сен мардлар қошида мард бўлгин, зинхор
Хайру саховатни унутма, болам.

Балки дастурхонинг доим мўл бўлмас,
Омад хам хамиша чарақлаб кулмас.
Ким айтар суянган падаринг ўлмас,
Сабру қаноатни унутма, болам.

Ёвуз кимсалардан айлагил хазар,
Уларнинг қалби пуч, тиллари захар.
Ахтара-ахтара дўст топсанг агар,
Мехру садоқатни унутма, болам.

Оғам деб кимлардир силар бошингни,
Укам деб еб кетар биров ошингни.
Минг бир тарозига солар тошингни,
Макру адоватни унутма, болам.

Каслap бор, қадрингни гохо билмаслар,
Гох,о билсалар хам кўзга илмаслар.
Гарчанд улар сенга парво қилмаслар
Фазлу диёнатни унутма, болам.

Дину пайғамбардан лоф ургайлар гох
Бетавфик. кимсалар гумрох ва суллох.
Улар Чорёрларга қазганлар-ку чох,
Касри касофатни унутма болам.

Нодонлик белгиси бехуда ғурур
Оллохнинг душмани — кимки такаббур.
Maғзи тўқ бошоқнинг эгилишин кўр,
Сирру синоатни унутма, болам.

Қадамда учрагай азизлар хоки,
Йўлингни ёритгай ақлу идроки.
Уларнинг рухлари шод булсин, токи
Зикру зиёратни унутма, болам.

Турфа синовларга дуч келгай инсон,
Гохида шодондир, гохида нолон.
Чорасиз қолсанг хам, лекин хеч
Адлу адолатни унутма, болам.


Абдулла Орипов
Ответить 
2 "+" от:
Старый 26.03.2008 12:20   #9  
Real ID Group
Аватар для Masud Mahsudov
Оффлайн
Freelancer
consultant
Сообщений: 1,749
+ 4,053  3,248/1,245
– 266  151/145

Uzbekistan
Узоқ бир нуқтага термулганча жим
Мўйсафид ногаҳон кўзларин ёшлар…
“Замон ўзгардими, одамлар… балким…
Не учун бебошроқ ҳозирги ёшлар?

Билмайди, оддий бир “салом” сўзини,
Қўллари кўксининг висолига зор.
Уялиш тарк этган чақноқ кўзини,
Маънисиз сериаллар айлаяпти хор.

Китоб дунёсидан йироқдир улар,
Навоийдан битта сатр билмайди…
Қизиқиб асарлар ўқишмас тунлар,
Насиҳатга асло қулоқ илмайди…

Вақт бекор ўтгандан ачинмайди ҳеч,
Аниқ мақсадидан йўқдир нишона…
Тушунар эканми бўлганини кеч,
Деворга урилган чоғда пешона?...

Узоқ бир нуқтага термулганча жим,
Мўйсафид кўзлари тўлади ёшга
Чин дилдан истайди, имконин топиб,
Айлашни насиҳат ҳар битта ёшга:

“Ёшсан…
Қувватинг бор…
Шижоат бисёр…
Билим ол!
Илм ўрган!
Оллоҳни тани!
Қалбингни пок айла, бўлмасин ғубор,
Эгам ҳам, ҳақ йўлда қўллар бандани…

Жигарим!
Авлодим!
Эртам, индиним!
Имонни бут айла,
Эътиқодни дўст!
Миллатнинг шаънини бошингга қўйиб,
Шу Юртга муносиб фарзанд бўлиб ўс!”

Мўйсафид узоққа термулар, бесас…


Kamina
__________________
Мой ЖЖ
Ответить 
Старый 26.03.2008 14:10   #10  
Real ID Group
Аватар для Komil Eriev
Оффлайн
Сообщений: 67
+ 52  61/35
– 0  0/0

UzbekistanОтправить сообщение для Komil Eriev с помощью YahooОтправить сообщение для Komil Eriev с помощью Skype™
* * *
Kеchikib bo'lsa-da kеldim-ku axir,
Nеchun kiprigingdan
Yosh oqar sizib.
Tongda chiqqan edim...
Qayеrlargadir -
Mеni loyqa suvlar kеtdi oqizib.
Tеntidim ...
o'ttiz yil
bеimkon, sarson,
o'ttiz yil o'zimdan bo'ldim-ku judo.
Mеni quchog'ingdan quvmagin osmon,
Mеni yuragingga yaqin ol, xudo!..

Xosiyat Rustamova
__________________
Har doim ham haqligingga ishonaverma!:offtopic:
Ответить 
Ответить
Опции темы
Опции просмотра




Powered by vBulletin® Version 3.8.5
Copyright ©2000 - 2024, Jelsoft Enterprises Ltd. Перевод: zCarot
Advertisement System V2.5 By Branden
OOO «Единый интегратор UZINFOCOM»


Новые 24 часа Кто на форуме Новички Поиск Кабинет Все прочитано Вверх