Йўлда кечган ўйлар...

[Husen]

КАЕРГА КЕТМОКДА ШУНЧА ОДАМЛАР?

Мархум устоз шоиримиз Мухаммад Юсуф шундай ёзган эди: "Чумоли чумолининг улигини ташийди. Бия кулунидан куз узмай утлайди. Окибат факат одамларда етишмайди".
Гапни бежиз узокдан бошламадим. Каламга олинаётган мавзу гарчи анча эскириб колган булса-да, бу борада хамон ижобий натижага эришилгани йук.
Азим Тошкент шахрининг сершовкин кучаларида хар куни тумонат одам кайнайди. Куча-ю йулакларда, бозор-у расталарда лим-лим одам. Кимдир иш билан, кимдир укиш билан овора, яна кимдир эса тирикчилик ташвишида. Бу оломонни четдан бир кузатиб куринг-а? Саёз дарё тез окади, деганларидай, шунаканги шошишадики, гуё шу кетишда бутун дунёни забт этгани кетаётгандай. Ака укани танимайди, ота болани. Каёкка шошилади? Ахир хаммамизнинг борар манзилимиз битта-ку?..

Сахар мардондан туриб укишга отланаман. Йул узок, автобус эса тикилинч. Устигаустак, камкатнов. Нихоят, орзикиб кутилган автобус хам келади. Шунда бекатда турган оломон "дув" этиб узларини автобусга урадилар. Куполрок килиб айтганда, сурувнинг узини курага уришидай манзара. Кичик каттага йул бермайди, эркак аёлга. Автобус тирбандлигидан бир-иккитасини утказиб юборишга мажбур буламан. Галдаги автобус сал бушрокдай куринади. Эсон-омон эшик ёнидан жой тегади. Одамлар гуё панжарали трактор тиркама(прцеп)га ортилган пахтадай сикилиб жойлашадилар, автобус пишкирганча йулга отланади. Шу пайт рупарадаги уриндикда ялпайиб утирган усмирга кузим тушади. Усмир дераза оша каршисида оёкда аранг турган карияга "Ха, энди, демократия-да, амаки, хамма тенг хукукли" дегандай нигох билан совук иршаяди. Пешонамдан совук тер чикиб кетади. Лекин индаёлмайман. Ахир "демократик" мухитда бировбировнинг ишига тумшук сукиши "тугри" эмас...

Кимдир качондир шундай деган экан: "Инсонни инсонга факат манфаатгина якинлаштиради". Бу фикр шундок йулакда уз домласига кул ковуштириб салом бераётган успиринни куриб хаёлимдан утади. Ахир сессия бошланди, укиш бошида корасини хам курсатмаган, сунгги кезларда эса кун чиккандай пайдо булиб колаётган талабанинг кузларида ялтираб турган манфаатни пайкар экан, домла мийигида кулимсирайди. Эътироз билдиришга шошилманг. Тугри, талабанинг кузларидаги учкун мафаатнинг учкуни эмасдир. Балки узаро хурмат хам дейлик. Лекин уз-узимизга савол бериб курайлик-чи! Кайси биримиз бегона, ёт кимсаларга чукур хурмат билан салом берганмиз. Ахир хадисларда "таниган ва танимаганларга салом бермоклик исломдаги энг етук амаллардан биридир", дейилган-ку! Хуш, биз-чи! Биз факат уз "аудиториямиз"га, танишларга, таниш булганда хам пичоги мой устида булган, фойдаси тегадиган, амалдор инсонларга салом берамиз, уларга ён босамиз, керак булса соясига курпача соламиз. Чунки эртага яшаш бор, эртага рахбарият юзига караш бор, ишлаш бор, бола-чака бор ва хоказо...

Фойдаси камрок, камбагалрок, даромадининг чуги пастрок "таниш"ларга-чи, курмай колса курмаганга оламиз, куриб колса шунчаки бош иргаб куйиш билан кифояланамиз. Ахир узбек деган миллатнинг шаркона менталитети каерга йуколди? Кишлок худудларида-ку, хар калай окибат, салом-алик бор. Шахарда-чи? Ахир шахар кишлокка нисбатан маданийрок маскан эмасми? Кани уша маданият? Хатто шундоккина рупарама-рупара хонадонда истикомат килувчи кушнимизни хам тузукрок билмаймиз. Яна ошириб юборяпсиз, дея аччикланиброк эътироз билдирасиз. Бунга хаккингиз бор, албатта. Лекин хулоса чикаришга шошилманг.

Окибат хакида тинимсиз огиз купиртирамиз. Куйиб берса, соатлаб маъруза укиймиз. Лекин амалда-чи? Ёз кунларининг бирида салкинрок, деб метрога тушдим. Бир пайт эскалатордан чиколмай хайикиб турган бир карияга кузим тушиб колди. Одамлар уни турта-турта узиюрар зинадан тарновдан тушган сувдай пастга "окишарди". Мен хам эскалатордан тушиш учун кариянинг ёнига якинлашдим. Кария бутун дунёдан койингандай норози ва айни чогда умидли нигохини менга тикди:

— Болам, шу кургурдан тушалмаяппан, хах, каричилик курсин, кулимдан ушаб тур, тушволай.

Икки куллаб култигидан тутдим.

— Каердан келдингиз, амаки?

— Анжан томондан. Шу ТошМИ деган жой боракан. Шуни кидириб келувдим. Хеч тополмаяппан-да, байдагиларга нима буган, мунча шошади булар? Адрис сурасам, хеч ким жавоб бермайди.

Мулохазам сунггида, каёкларгадир шошиб кетаётган одамларга бир оз булса-да тухтаб, ён-атрофга мундай бир карашларини, атрофида узига ухшаган инсонлар хам борлигини унутиб куймасликларини таъкидлаб утишни жоиз деб топдим. Ардокли шоиримиз Эркин Вохидовнинг куйидаги сатрлари беихтиёр уша инсонларга берилган савол булиб миямда чарх ураверади:
Кадамлар, Кадамлар, Огир кадамлар... Этиклар зарбидан титрайди тупрок. Каерга кетмокда шунча одамлар?..

Дилмурод УСМОНОВ

'Media+" gazetasidan

[AbdulAziz]

AbdulAziz:

23.04.2006. Tun...
Sokin oqshom!
Falakda yulduzlar tantana qiladi.
Men esa yo'ldaman.
Yulduzlarga termulaman, ularning ham qayg'ulari, g'amlari bormikin?
Yo'q, men ularga xavas qilaman.
Nega shunday katta va bahaybat yulduzlar bizga kichkina bo'lib ko'rinishadi.
Nega unda mashhur kishilarni yulduz deyishadi?
Axir yulduzlarlar bor malohatini ko'rsatmaydilar-ku!
Ana, bitta yulduz, o'zini tashlab yubordi...
Bir zumda yo'qoldi qoldi u...
Inson hayoti ham shunaqa.
Bir marta charaqlaydi, yana bir marta so'nadi...
Yulduzlar mangu yonmaydi.
Xotira qoladi dunyoda mangu.
Kimningdir kimga qilgan arzimas yaxshiligi qoladi.
Shularni o'ylab ketayapman.
Yo'llar tugamaydi... Yuraverasan, yuraverasan, ba'zan aylanib-aylanaib yana eski yo'lingga tushasan.
Iloyim yo'llarimiz bevaqt tugamasin...

[Nigora Umarova]

Nurga qarab intilish...

[Husen]

Сообщение от Nigora Umarova

Nurga qarab intilish...

Оффтоп:

Мабодо, бу сурат Бухородаги темир йўл вокзалидан чиқиш жойида олинмаганми?

[Nigora Umarova]

Оффтоп:

Сообщение от Husen Tangriyev

Nurga qarab intilish...

Мабодо, бу сурат Бухородаги темир йўл вокзалидан чиқиш жойида олинмаганми?

Оффтоп:

Yanglishdingiz. Bu Ho'ja Bahouddin Naqshband majmuasida tong yorishayotganda olingan.

[Husen]

Оффтоп:

Сообщение от Nigora Umarova

Оффтоп:

Мабодо, бу сурат Бухородаги темир йўл вокзалидан чиқиш жойида олинмаганми?

Yanglishdingiz. Bu Ho'ja Bahouddin Naqshband majmuasida tong yorishayotganda olingan.

У ҳолда сурат ҳақиқий фалсафани ўзида қамраб олибди. Буюк пир зиёратига, нурга ошиқаётганлар... Рамзийликка гап йўқ!!!

[Nigora Umarova]

Jizzax yo'lidagi Amir Temur go'ri oldida. 12- aprel, 2009-yil.
Ko'k o'pgan tog'larning zaboni yo'qdir,
Bizga so'zlaguvchi kalomi yo'qdur.
G'orning og'zi beun yig'laydi:
Kelajak avlodning salomi yo'qdir?!..

Ulug'vor tog'lar oldida inson o'zini ojizdek his qilarkan. Zamondoshlarimizning g'or og'zi oldida qoldirgan yozuvlarini ko'rib, afsuslandim. Bilmadim bu yozuvlar nima maqsadda yozilgan...

[Nigora Umarova]

Yo'l

Yil yiqilar yilning ustiga,
Xotiralar tipirchilar xit.
Yelkam og'rir, qaqshar ustixon,
Yuk ostida siltanar umid.

Beraymikan taqdirimga tan,
Nahot bari tugadi yohu!
Yildan yilga yetaklab o'tgan-
Orzularim ushalmadi-ku!

Sergak qadam tashlayman axir,
Yurar yo'lim- qalin tikonzor.
Benihoyat uzundir umr,
Bittagina oq ko'ylagim bor.

Yuksaklarga cho'zibman qo'lni,
Omon yetay unga ishqilib.
Tanladim sal uzunroq yo'lni,
Sal yengilroq jon berayin deb.

Qadam bosish tobora qiyin,
Umr kiftda. Qaqshar ustixon.
Olg'a yurib borganim sayin
Yil yiqilar yilning ustiga.

A'zam O'ktam

[Nigora Umarova]

Svetaforning qizil chirog'i - insonga uning qayerga bunchalik shoshayotganini mulohaza qilib ko'ri9sh uchun bir daqiqalik imkoniyatdir.

Bekat. Qariya soatiga tez-tez qaray boshladi. Ha, u shoshayotgandi, biroq hayotning mazmunli "bekatlar"i orqada qolayotganligini sezmasdi...

Ertalab bekatdagi o'ylar

[Nigora Umarova]

Yo'llar. Bu so'z aslida hech narsa bildirmaydi. Biroq manzil va maqsad belgilansa, unda ushbu yo'llar go'zal mantiq va ulkan ahamiyat kasb etadi...
Yo'ldan adashgan yo'lovchi chorrahaga yetib kelib, o'z yo'nalishini belgillab oladi. Qani edi, hayotda ham shnday chorraha bo'lsa-yu< adashganingni vaqtida anglasang.