Kino va tomоshabin o'rtasidagi masofa yaqinmi yoki uzoq?!

[Husniddin Ato]

Сообщение от Fariza Hasanova

Shu kinolarning o'ziga torta oladigan nimadiri bordir-ki, yoshlarni ko'proq jalb qilayotgan.

"Oldi-qochdi"si bor.
Maktab oldi-qochdi, Institut oldi-qochdi. TV oldi-qochdi, Radio oldi-qochdi, oldi-qochdi gazetalar, oldi-qochdi reklamalar. Mana shu barcha oldi-qochdilar ma'naviyatni, tafakkurni qirqmasa, o`tmaslashtirmasa o`z-o`zidan oldi-qochdi klip, filmlar ham chekkaga chiqib qoladi.
Ana shu narsa yoshlarni, hatto bugungi kunda kattalarni ham o`ziga jalp qilayapti.

[Lutfillo Tursunov]

Сообщение от tornado

Birinchi navbatda bunday saviyali kinolarni olish uchun bizga yaxshigina mablag' kerak.Shuncha gaplar yozildi lekin mablag' haqida yozilmadi.

Мавзуни бошидан ўқиб чиқмагансиз шекилли.

[OmoN]

Сообщение от tornado

Ha, boshqa iloj yo'q, chunki hozirgi yoshlarning saviyasi shunday past

Чунки савияси паст кинолар орқали уларнинг савиялари ҳам пасайтириб юборилган.
Шу кунларда телевизорда "Ўзи уйланмаган совчи" деган сериал кетяпти. Танқли режиссиёр суратга олмаган. Бош ролларда таниқли актёр ва актрисалар ўйнамаган (бош ролдагиларнинг биронтасиниям аввал кўрмаган бўлсам керак). Лекин бошқача кино. "Севимли" хонандаларимиз ижросида таниқли режиссиёрларимиз олган кинолардан ўлса ўлиги ортиқ.

[Lutfillo Tursunov]

Сообщение от Tulqin Eshbekov

Сиз нима дейсиз, азиз форумдош?

Ушбу мавзу очилган пайтда жуда кўп фикр билдирган эдим, ҳозир яна фикрларимни айтсам такрорланиб қолмасмикан деб иккиланиб турибман.
Кино ҳам санъат асари ҳисобланади. Унга бўлган қизиқиш, эътибор бошқа санъат турларига қараганда анча юқори. Кино ҳаётни акс этади, томошабин ундан ўзи истаган ҳолатни ва ечимни қидиради. Аксарият ҳолатларда болалар кинода қаҳрамонликни, ёшлар одатий севги-муҳаббатни, катталар ҳаёт фалсафасини кўришни истайди. Бугунги кино саноатимизнинг йўналиши ҳам шу талабга қараб иш кўряпти. Кинотеатрларга тушадиганларнинг 80-90 фоизини мактабнинг катта синфидаги, лицей ва коллежлардаги ўқувчилар ва талабалар ташкил этади. Айнан шу "бозор" талабидан келиб чиқиб асосан енгилроқ, ёшларбоп кинолар ишланяпти. Бир жиҳатдан ижодкорларни ҳам тушуниш керак.
Кино қанақа савияда ишланган бўлмасин, барибир ўзига яраша томошабинни топа олади.
Мана, корейс сериалларини олайлик. Уч ёшли боладан тортиб, нуроний онахонлару отахонларнида ўзига махлиё қилиб олган. Шундан кўриниб турибдики, халқимиз кино ва сериалларга ўч. Шу ўчликни ўзимизнинг киноасарларимиз қондира олгани йўқ. Чунки ҳали тажриба ҳам, маблағ ҳам, шароит ҳам етарли эмас бизнинг ижодкорларда.
Кўп жиҳат ижодкорларнинг ўзига боғлиқ. Маблағ ҳақида кўп гапирамиз, лекин катта маблағ ишлатмасдан ҳам яхши кино олса бўлади, бунга мисол қилиб Европа киноларини олиш мумкин.
Голливуддан фарқли равишда Европа ижодкорлари кинонинг ғояси ва мазмунига кўпроқ эътибор қаратади(ҳаммасида ҳам эмас албатта). Махсус эффект кам бўлиши тасвир ранг-баранглигини сусайтириши мумкин, аммо асарнинг бадиий ечими кучли бўлса, барибир томошабинни ўзига жалб қила олади. Масалан, Германия ва Белгия ижодкорларининг "Достучаться до небес" филми истаган Голливуд филми билан тенглаша олади. Ёки ўша полякларнинг "Табиб" филми.
Бизнинг ижодкорлар ҳам ҳозир шу йўлдан бориши керак. Махсус эффектлар ва катта харажат талаб қиладиган лойиҳаларни эмас, мазмун жиҳатидан кучли, истаган миллат томошабинини таъсирлантира оладиган асарларни ишлашса, ҳам кино санъатимиз ривожланади, ҳам жаҳонга чиқиш эшиклари очилади.
Россиянинг бугунги кино саноати сармоя жиҳатидан жуда ривожланиб кетди ва улар ўзларининг аввалги услубларидан бироз воз кечган ҳолда махсус эффектларга бой кинолар ишлашга берилиб кетишди. Вазият шу даражага бориб етдики, "Оскар" академиясига мазмун жиҳатидан кучли бўлган киносини эмас, эффектларга бой "Ночной Дозор"ни жўнатишди ва шармандаликка учрашди. Сабаби бу даражадаги филмлар Голливуд томонидан ҳар йили юзлаб чиқарилади.
Агар "Оскар" тарихига этибор берилса, саноқли рус филмлари шу юксак мукофотни қўлга киритган. Шулардан "Дерсу Узала" ҳам, Никита Михалковнинг "Утомленные солнце" асари ҳам бадиий ва кучли режиссёрлик иши туфайлигина муваффақият қозонган.
Кинонинг яхши чиқишида режиссёр, сценарийчи ва продюссернинг ўрни катта.
Агар режиссёр чиндан кучли бўлса, истаган актёрни ўз йўналишига солиб юборади. Агар кучли бўлмаса, Мурод Ражабовдек тажрибали актёрнинг ҳамма кинода бир хил қилиқларини кўришга мажбурмиз.
Агар сценарий кучли бўлса, томошабинни жалб қила олади, шунда кинодаги "Мен маҳалламиз фуқоролар йиғинида ташкил этилган курсларда ўқийман, шунинг учун қишлоғимиздаги бошқа қизлардан кўра кўп нарсани биламан" каби энсани қотирадиган гаплардан қутиламиз.
Агар продюсер кучли бўлса, яхши сценарий ва режиссёр ишини ажрата олади, шундагина кўрганда асаб бузиладиган ва уятдан юз қизарадиган кинолардан қутиламиз.

[OmoN]

Оффтоп:

Сообщение от Lutfillo Tursunov

шундагина кўрганда асаб бузиладиган ва уятдан юз қизарадиган кинолардан қутиламиз.

Қачон келади шу кунлар?

[Lutfillo Tursunov]

Оффтоп:

Сообщение от OmoN

Оффтоп:

Қачон келади шу кунлар?

Продюсерлик билан шуғулланинг, яхши асар ва режиссёрларни ишга жалб қилинг, ана ўшанда келади бу кунлар.

[Narzullayeva Yulduz]

Сообщение от Fariza Hasanova

Shu kinolarning o'ziga torta oladigan nimadiri bordir-ki, yoshlarni ko'proq jalb qilayotgan.

Bilmadim-u, aksariyat tengdoshlarimiz u yerdagi "krutoycha" gaplarni gapirib taqlid qilishadi. Balkim jalb qilayotgan narsa shudir?!

[Narzullayeva Yulduz]

Сообщение от tornado

Birinchi navbatda bunday saviyali kinolarni olish uchun bizga yaxshigina mablag' kerak.Shuncha gaplar yozildi lekin mablag' haqida yozilmadi.Ya'ni hamma narsa hozir borib pulga taqaladi. Mabodo pul topildi desak ham keyin u kinoga kim tushadi? Kino ijodkorlarining qarindoshlari, tanishlari va boshqa ijodkorlarmi? Ha, boshqa iloj yo'q, chunki hozirgi yoshlarning saviyasi shunday past( shu jumladan o'zimning ham.chunki men ham bunday kinolarga tusha olmayman) Nega? buni hech kim bilmaydi.

Bugungi kunda kinoga tushish shart emas, kinolardi DVD orali ham ko'rsa bo'ladi. Achinarli tomoni shundaki, kinolar bitta ko'rishliginadir.

[Narzullayeva Yulduz]

Сообщение от OmoN

Шу кунларда телевизорда "Ўзи уйланмаган совчи" деган сериал кетяпти. Танқли режиссиёр суратга олмаган. Бош ролларда таниқли актёр ва актрисалар ўйнамаган (бош ролдагиларнинг биронтасиниям аввал кўрмаган бўлсам керак). Лекин бошқача кино. "Севимли" хонандаларимиз ижросида таниқли режиссиёрларимиз олган кинолардан ўлса ўлиги ортиқ.

Kinolarning nomi ham g'alati - "Poyma-poy", "Uylanish", "Bir kelib keting qishlog'imizga" yoki super-puperlarmi-yey...

[Narzullayeva Yulduz]

Сообщение от OmoN

Чунки савияси паст кинолар орқали уларнинг савиялари ҳам пасайтириб юборилган.

Omon aka, nega hamma biz yoshlarni saviyamiz pastligida ayblaydi? Balki sizning yoshingizga yetguncha saviyamiz ham oshib qolar?

Ta'nam uchun uzr so'rayman.