Нимага саводсизлашиб кетаяпмиз?

[Colorado]

Сообщение от Khodjaniyazov Alisher

Хар биримиз олдимизга максад куйган холда келажакимиз сари интилишимиз ва албатта уз келажагимизни узимиз яратишимиз керак. Мухими максадни аник куйиш керак.

Инсоният хеч качон олдига куйган максадидан воз кечмаслиги керак. Аксинча куйган максадига караб киладиган ишларини узгартириши керак, яъни режалаштирган холда.

Форумда мен янгиман.

Оффтоп:

қулингизни домла тишлаганга ўхшайди

[Tulqin Eshbekov]

Сообщение от Colorado

қулингизни домла тишлаганга ўхшайди

Оға, ёшлар, шогирдлар устозининг қўлини ўпганини кўрганман, бироқ, ёши улуғлар ёшларнинг қўлини тишлагани ҳақида биринчи эшитишим?! Ё, ўзингиз бошлаб бердингизми? Қўйинг, ҳеч кимнинг ҳеч қатидан тишламанг... Айя-я-я бўлади...

[Shokir Dolimov]

Сообщение от Khodjaniyazov Alisher

Хар биримиз олдимизга максад куйган холда келажакимиз сари интилишимиз ва албатта уз келажагимизни узимиз яратишимиз керак. Мухими максадни аник куйиш керак.

Инсоният хеч качон олдига куйган максадидан воз кечмаслиги керак. Аксинча куйган максадига караб киладиган ишларини узгартириши керак, яъни режалаштирган холда.

Форумда мен янгиман.

Мавзу номини инобатга олган ҳолда, нега энди мақсадни куйдириш, куйиб кетган мақсаддан воз кечмаслик ва куйиб адо бўлган мақсадга қараб, иш ўзгартириш керак деб, роса бошим қотди. Эътибор қаратсам, 1- тоифали дастурловчи муҳандиснинг компьютерида ўзбек ҳарфлари йўқ экан. Қоронғида қилинган иш қоронғи бўлади, деб шунга айтса керак, бориб ётай.

[Tulqin Eshbekov]

Сообщение от Shokir Dolimov

ётай.

Ётиб қолгунча отиб қол, деганларидек, саводсизликка қарши курашда асло ётиб қолманг, биродар!

Сообщение от Shokir Dolimov

Қоронғида қилинган иш қоронғи бўлади

Қоронғига нисбатан бундай муносабатда бўлмаслигингизни истардим. Негаки, аксарият чақалоқлар қоронғида туғилиб, ҳаётимизга ёруғлик олиб келадилар!
Асл ижод ҳам шундай!!!

[Masud Mahsudov]

(c) T. Yusupov

Shunchalik ham xato yozshadimi, a?

[Ustoz]

Сообщение от Tulqin Eshbekov

Катта йўл бўйидаги ўша лавҳани жойлаштиришдан илгари бир она тили ўқитувчисига кўрсатиб, маслаҳатлашганида оламгулистон эди!

Yo`q, Domla, adashasiz. Agar savodsiz bo`lsa unaqa joylarda o`tirmasin. Men ham bir necha bor hatto juda katta lavozimdagi mansabdorlar bilan uchrashdim, shular mamlakatni boshqarayotganini ko`rib ertangi kunimga achinib ketdim. Nafaqat xato yozishadi, hatto qilayotgan ishini tushunmaydigan mansabdorlar ham bor. Savol: qanday qilib ular bu mansabga kelib qolishgan va nima sababdan hali ham o`tirishibdi?
Men bir kuni RayONOga nimadir yozganimda "Kirilcha harflarda yozing, shaxsan Palonchiyeva Pistonchi opamiz lotincha harflarda yozilgan narsalarni o`qiy olmaydilar" deyishdi. Men esa "O`qiy olmasa, bu yerdan ketsin-da qo`lidan keladigan ishni qilsin" deb o`sha narsamni yuborgandim. Hatto o`shanaqa savodsizlarni deb hozirgi bolalarga ham har xil so`rovnomalarni kirilcha harflarda berishyapti. To`g`ri, bolalar tushunishadi (ular RayONOda ishlashmaydi-ku ), ammo davlat idorasiga o`tirib olib davlat tili-yu xalqni oyoq osti qilib o`tirishning nima keragi bor?

[Mahmud Jurat]

Миллатнинг ғурури унинг ўз тилига бўлган ҳурматга таянади. Қайсидир сабабларга кўра миллатда сўнган ғурур эса мана шу ўз тилига бўлган муносабатнинг тикланишидан бошланиб янгидан шаклланади. Бунга мисол қилиб СССРнинг қулаш пайтидаги Болтиқбўйи мамлакатларининг ўз тилларини ҳимоя қилишларида кўрса бўлади. Айни ўшаларнинг ташаббуслари билан тил тўғрисидаги қонунларнинг қабул қилинишлари. Биргина мисол, Эстония Москвага ўша йиллари Таллинн сўзини икки нн билан ёзишга мажбур қилган эди. Биздаги тил тўғрисидаги қонуннинг ва унга киритилган ўзгаришларнинг ишламасликлари, саводсизлик намуналарига бефарқлигимиз, ҳатто ўз саводсизлигимиздан уялмаслик шуни кўрсатадики, ҳали миллий ғуруримиз тикланиш йўналишига эндигина кириб келаётган бўлиши мумкин.Тил тўғрисидаги қонунимизнинг ҳукум қисми, яъни бирор кимса хато ёзса ёки адабий ўрнатилган нормани бузса қандай чора кўрилиши аниқ белгиланмасдан "қонунларда кўрсатилган чорасини олади..." шаклидаги ёзувлар қонунчилигимиздаги энг катта кўзбўямачилик ва саводсизлик намуналаридан бўлса керак. Саводсизлик намуналари ҳақида матбуотда, асосан интернетда зиёлиларимизнинг (чунки очиқ матбуотда саводсизлик ҳақида бизнинг редакторларимиз иложи борича мақолалар бермасликга ҳаракат қилишади) баъзи чиқишларида кўриш мумкин . Яқинда Педуниверситетда бўлдим. Саводхонликнинг ўчоғи бўлган бу даргоҳ синфхоналаридаги ёзувларни кўриб бўрттириб айтганда, тўкилиб кетган сочларим ҳам тикка бўлиб кетди. Ўша даргоҳ ўқитувчиларининг шевада гапиришларини айтмай ҳам қўя қолай. Хулоса, ҳали қилинадиган ишларимиз кўп.

[myu]

Сообщение от Masud Mahsudov

Shunchalik ham xato yozshadimi, a?

"Қўлбола" ёзилган компакт диск қоғозидаги ёзувларни бир ўқиб кўринг. Асосан бу иш билан шуғулланаётганлар ёшлар, шундан кўриш мумкин, уларнинг "саводхонликларини". Масалан "Баявик", "Индийский кино" ва яна бир қанча саводсизларча ёзувларни учратиш мумкин.

[OmoN]

Оффтоп:

Сообщение от Masud Mahsudov

Shunchalik ham xato yozshadimi, a?

Расмдаги автобус/маршрутка аляскагача борар экан

[Bahrom]

Сообщение от myu

"Қўлбола" ёзилган компакт диск қоғозидаги ёзувларни бир ўқиб кўринг. Асосан бу иш билан шуғулланаётганлар ёшлар, шундан кўриш мумкин, уларнинг "саводхонликларини". Масалан "Баявик", "Индийский кино" ва яна бир қанча саводсизларча ёзувларни учратиш мумкин.

Siz keltirgan misollarda ruschani xato bilan yozishibdi, ba'zi "qo'lbola" disklardagi tarjima kinolarning nomlaridagi o'zbekcha so'zlardagi xatolarni ko'rsangiz, "xato hijolatdan qizarib-bo'zarib ketgan".