Моё меню Общее меню Пользователи Правила форума Все прочитано
Вернуться   uForum.uz > ТЕМАТИЧЕСКИЕ ФОРУМЫ > Образование > Ижод хусусида сўз
Знаете ли Вы, что ...
...до того как открыть новую тему, стоит использовать поиск: такая тема уже может существовать.
<< Предыдущий совет - Случайный совет - Следующий совет >>

Ижод хусусида сўз Ижод аҳли, уларнинг ғояси, ҳаёт қараши, мақсадлари, ютуқлари, орзу ва армонлари.... (Все о творчестве, о людях творчества, их идеях, взглядах, достижениях и целях, мечты…)


Результаты опроса: 2011 йил, 10 июнда бўлиб ўтадиган ижодий мулоқотда қатнашасизми?
Ҳа 10 90.91%
Йўқ 1 9.09%
Голосовавшие: 11. Вы ещё не голосовали в этом опросе

Ответить

 
Опции темы Опции просмотра
Старый 10.06.2011 17:45   #21  
Аватар для Nigora Umarova
Оффлайн
AKA:Nigorabegim
Сообщений: 8,095
+ 8,360  10,318/4,529
– 37  58/50

UzbekistanОтправить сообщение для Nigora Umarova с помощью ICQОтправить сообщение для Nigora Umarova с помощью Skype™Мой КругFacebook


Ijodiy uchrashuvdan keyingi lavhalar.



Eronda chiqquvchi "Sino" jurnalida shoirimiz Erkin Vohidovning fors tilida chop etilgan she'rlari forsiyzabon muxlislar uchun ajoyib tuhfa bo'ldi.

Последний раз редактировалось Nigora Umarova; 10.06.2011 в 17:52.
Ответить 
Реклама и уведомления
Старый 10.06.2011 17:58   #22  
Real ID Group
Аватар для Erkin Vohidov
Оффлайн
Сообщений: 107
+ 22  475/106
– 0  0/0

Uzbekistan
Улар тош отсалар...
Чеккан чекмаганни ёмон кўради,
Ичган ичмаганни ёмон кўради.
Юртидан, иймону ор-номусидан
Кечган кечмаганни ёмон кўради.

Молинг сот, боринг сот, юрт сота кўрма,
Юрт сотганлар билан туз тота кўрма.
Сенга тош отсалар- ғурурлан, севин,
Номарддек тенг бўлиб тош ота кўрма.

2009, февраль
Ответить 
Старый 10.06.2011 18:00   #23  
Real ID Group
Аватар для Erkin Vohidov
Оффлайн
Сообщений: 107
+ 22  475/106
– 0  0/0

Uzbekistan
Бўсаға
Ўпмоққа қўлин бермади,
остонани мен зор-
Ўпдим. Бўсаға бўсаға ном –
олмади бекор.

2011, март.

Иш буюрсанг
“Йўқ” деган одамга
Ёлбор, кўндиргин.
“Хўп” деб бажармаса,
Уриб ўлдиргин.

2011, апрель

Билағоннинг жавоби
“ Сан-Марина қайда экан?
Атлас кўрдим, тополмадим”.
Билағондан сўрсам, деган:
“Ўлай агар, мен олмадим!”

2011, апрель
Ответить 
Старый 10.06.2011 18:02   #24  
Real ID Group
Аватар для Erkin Vohidov
Оффлайн
Сообщений: 107
+ 22  475/106
– 0  0/0

Uzbekistan
Кейинроқ...
Етмишингни ғанимат дегин,
Саксонингда йўл ғамин егин.
Кейингиси келсин кейинроқ,
Юздан кейин, юз ўндан кейин...
2010, октябрь


Одам бўл
Урфий Шерозийдан(XVIаср)
Одам бўл! То кетсанг кўз юмиб,
Инсон борки, чексин қайғулар.
Мусулмонлар замзамга ювиб,
Ўтга ёқсин сени ҳиндулар!
2011, январь


Ҳаёт йўли
Замон тез, фурсат оз,
Ҳар лаҳза зиқдир,
Ҳар лаҳза зиқлиги билан қизиқдир.
Ҳаёт йўли надир? Қабр тошида
Икки сана аро қисқа чизиқдир.
2011, апрель
Ответить 
Старый 10.06.2011 18:05   #25  
Real ID Group
Аватар для Erkin Vohidov
Оффлайн
Сообщений: 107
+ 22  475/106
– 0  0/0

Uzbekistan
Зўравон
Ким дер мени майда ҳашарот?
Тепким худди олти яшар от.
Қоч, четга ўт, йўл бер йигитга!-
Дея тоғни тепди чигиртка.
2010, сентябрь

Ёмонга ёндошмоқ
Тош билан ўйнашса,
дарз кетар чинни ҳам,
Арига дўст бўлса,
таланар шинни ҳам.
Ёмонга ёндошмоқ
оқибат нимадир,
Сен англаб етмадинг,
биларди жинни ҳам.
2010, сентябрь
Ответить 
Старый 10.06.2011 18:06   #26  
Real ID Group
Аватар для Erkin Vohidov
Оффлайн
Сообщений: 107
+ 22  475/106
– 0  0/0

Uzbekistan
Шоирга мактуб

- Мен бир қизни севаман, аммо
Қиз дер: - Боринг, тошингиз теринг.
Шоир ака, сиздан илтижо,
Менга битта шеър ёзиб беринг.

Ўқисин-у ўша парвосиз-
Юрагида меҳр уйғонсин.
Қасамимга ишонмаган қиз
Ўша ёниқ байтга ишонсин.

Шундай ёзинг, токи қиз қалби
Эриб кетсин бўлса ҳамки тош.
Жонига ўт тушсин мен каби,
Оқиб кетсин кўзларидан ёш.

Ошиқда ишқ бўлса мукаммал
Маъшуқани этармиш шайдо.
Мажнунлигим англаб у гўзал
Зора севса бамисли Лайло.

Қучоғимга отилса дилбар,
Юрагимда армон қолмаса...
Ахир шоир шоирми агар
Бир юракни эритолмаса.

Шеър кутарман сиздан умидвор,
Ёрга етсам бахтли бўларман.
Йўқса менга ҳаёт не даркор,
Тоғдан ўзни ташлаб ўларман.

- Оҳ, бечора ошиқ укажон,
Андуҳларинг менга аёндир.
Ишқ-вужудни ўртаган армон,
Англаб бўлмас сирли жаҳондир.

Бир бевафо ишқида мен ҳам
Поёни йўқ дардга тўлганман
Шу дард менга тутқазган қалам,
Куя-куя шоир бўлганман.

На оҳимга парво қилган у,
На шеъримни назарга илган.
Неча дафтар тўлдирганману
Улар бари йиртиб отилган.

Укам, менга қилмагин ҳавас,
Юрагимда юз минг армонлар.
Бахтли бўлсанг битта шеър эмас,
Ёзиб берай сенга достонлар.

Ташбеҳларим қадрига етиб,
Ёринг кўнгли тушса жойига.
Менинг бор-йўқ ёзганим элтиб
Ташла ўша қизнинг пойига.

Бўлсин, укам, умринг чарағон,
Мен етмаган бахтга етгин сен.
Ёрингни ишқ деган бепоён
Осмонларга олиб кетгин сен.

Гул очди, деб, бир қалб сўзимдан
Баҳра олди, деб, биргина жон-
Рози бўлай мен ҳам ўзимдан,
Бу дунёдан ўтай беармон.
2011, апрель
Ответить 
3 "+" от:
Старый 10.06.2011 18:08   #27  
Real ID Group
Аватар для Erkin Vohidov
Оффлайн
Сообщений: 107
+ 22  475/106
– 0  0/0

Uzbekistan
Амалиётдан сўнг

Амалиётдан сўнг кўз очган бемор
Дейди:- Раҳмат, доктор, муташшакирман.
Доктор айтар:-Сўзинг кўп жимжимадор,
Лекин мен доктормас, Мункарнакирман.

Бемор кулар: - Эҳ-ҳа, фариштаман, денг,
Ҳазилингиз бунча совуқ, докторжон!
Мункарнакир айтар: - Сўроққа келдинг,
Раббинг ким, жавоб бер, гуноҳкор инсон.

Бемор дер: - Хўп, сўранг. Умримда лекин
Кўп Мункарнакирга сўроқ берганман.
Раббимни сўрсалар деганман – Ленин,
Диним-динсизлик, деб кўкрак керганман.

Умрим кўпи ўтди ёлғонга ҳамроҳ,
Ишончим оз қолган алдовлар сабаб.
Мана, сиз ўзингиз-қўли гул жарроҳ
Мункарнакирман деб турибсиз, ажаб.

Ахир гўдакка ҳам аён ривоят-
Мункар билан Накир икки малакдир.
- Рост, лекин бизда ҳам қисқарган штат,
Иш кўп, улгуролмай жоним ҳалакдир.

- Хўп, Накир бўлсангиз Мункар қаёқда,
Мункар бўлсангиз не иш қилар Накир?
-Жонга тегдинг, сенми ё мен сўроқда?
Бор, йўқол, кўзимга кўринма, фақир!

Амалиётдан сўнг кўз очган бемор,
Мункарнакир қувган фақир мен ўзим.
Оғриқларим унут, олам беғубор,
Шунчалар ёруғки, қамашар кўзим.

Қайтдим мулки бақо остонасидан,
Уйғондим қайта бу ажиб гулшанда.
Ё жой олдим фирдавс кошонасидан
Гуноҳи авф бўлган мен осий банда?

Кўзимни яшнатиб кезган боғ аро
Фаришталарми ё гулрухсоралар?
Жаннат насими ул субҳи сабо,
Бу Оби Кавсарми ё фавворалар?

Қайдаман? Қўз тўла, дил тўла ҳайрат.
Равзаи ризвонми ё ўз чаманим?
Мен ватанда бўлсам, демак, у жаннат,
Агар жаннатдаман, жаннат-Ватаним.

Гўё икки олам менга ошино,
Уйғоқлигим тушдек, уйқуда бедор-
Қадамлаб юрибман ер ва кўк аро
Амалиётдан кўз очган бемор.
2011, май.
Ответить 
Старый 10.06.2011 18:11   #28  
Real ID Group
Аватар для Erkin Vohidov
Оффлайн
Сообщений: 107
+ 22  475/106
– 0  0/0

Uzbekistan
Ҳазил
Бир замонлар Эрон шоҳи
Ҳоким бўлган дунёга.
Юнон юзта олтин тухум
Бож тўлаган Дорога.

Ёш Искандар Юнон тахтин
Олгач деди:-Бас хирож!
Тухум қилган у товуқлар
Ўлиб кетди, на илож!

Шу ҳазилдан жанг бошланди,
Юнон енгди Эронни.
Шоҳ Искандар ҳазил билан
Олди ярим дунёни.

Кўҳна тарих кўп турфа хил
Ҳазилларга гувоҳдир.
Ҳазил борки, кони савоб,
Ҳазил борки, гуноҳдир.

Массагетга ҳазил қилмоқ
Йўқ, деб айтган Искандар.
Окс ёнида оёғидан
Ўқ еб қайтган Искандар.

Соҳибқирон қудратидан
Бехабар эл қолмаган.
Ман-ман деган жаҳонгир ҳам
Ҳазиллаша олмаган.

Наполеон Россияга
Қалтис ҳазил ўйлади.
Совуқ уни ҳуштак чалиб
Парижгача қувлади.

Юз ўттиз йил ўтиб яна
Бир ҳазилкаш юз тубан.
“Катюшалар” қаҳ-қаҳ отиб
Кулдилар ёв устидан.

Бекормаски, эл қадимдан
Ҳазил таги зил, дейди.
Ўйнаб ҳазил қилганда ҳам
Ўйлаб ҳазил қил, дейди.

Ўйнашмагин арбоб билан,
Арбоб гарчи минг дилкаш.
Билки, бўри қўзичоққа,
Шер оҳуга ҳазилкаш.

Бўғма илон қуёнга дўст,
Қучоқлашни ўйлайди.
Мушук эса сичқон билан
“Микки-маус” ўйнайди.

Менинг ҳам дўстларим бор,
Кўп келишар ёнимга.
Улар-юз хил хасталиклар,
Ҳазилкашдир жонимга.

Дору билан меҳмон қилсам
Тинчигандай бўлишар.
Зум ўтмасдан яна йиқиб,
Юмалатиб кулишар.

Мен-ку битта сабил жонман,
Ўзига дард тилаган.
Ҳазил билан, инсон недир,
Салтанатдир қулаган.

Завол топди буюк давлат,
Горбачевда гуноҳ йўқ.
Райкин Шўро қалъасига
Ҳажв тўпидан отди ўқ.

Қитмир арман радиоси
Паймонасин тўлатди.
Йиқитолмас эди НАТО,
Латифалар қулатди.

Ҳазилни ҳеч ўйин дема,
Ҳазил таги пуч эмас.
Қанот ёзган бир ҳазил сўз
Ҳазилакам куч эмас.

Бу дунёда яйраб яша,
Шўх, ҳазилкаш бўл, майли.
Лекин англа, ҳазил билан
Ҳазиллашиб бўлмайди.
2011, май
Ответить 
Реклама и уведомления
Старый 10.06.2011 22:13   #29  
Аватар для Kavsar
Оффлайн
Сообщений: 769
+ 2,104  1,209/531
– 1  2/2

Uzbekistan
Hali hech qayerda e'lon qilinmagan shunday ajoyib she'rlar bilan tanishayotganimizdan juda minnatdorman. Menga ustozning barcha she'rlari yoqdi!
Ayniqsa mana bu misralar : Kavsar haqida ham she'rlari bor ekan-da

Цитата:
Сообщение от Erkin Vohidov Посмотреть сообщение
Кўзимни яшнатиб кезган боғ аро
Фаришталарми ё гулрухсоралар?
Жаннат насими ул субҳи сабо,
Бу Оби Кавсарми ё фавворалар?
Ijodiy uchrashuvdan juda ajoyib va katta taassurot bilan qaytdim, hammaga katta rahmat chin dildan
__________________
Necha insonlar ko'rdim, siyrati bor surati yo'q. Rumiy
Ответить 
"+" от:
Старый 11.06.2011 11:52   #30  
Аватар для Nigora Umarova
Оффлайн
AKA:Nigorabegim
Сообщений: 8,095
+ 8,360  10,318/4,529
– 37  58/50

UzbekistanОтправить сообщение для Nigora Umarova с помощью ICQОтправить сообщение для Nigora Umarova с помощью Skype™Мой КругFacebook
Цитата:
Сообщение от Kavsar Посмотреть сообщение
Ijodiy uchrashuvdan juda ajoyib va katta taassurot bilan qaytdim, hammaga katta rahmat chin dildan
Kavsaroy!

Tarjimon, shoir Ja'far aka Muhammadning Erkin Vohidov she'rlaridan qilgan forsiy tildagi tarjimalarini ham ushbu mavzuga joylashtirsangizlar, iltimos.
Imkon bo'lsa, she'rning asl-o'zbek tilidagi matni bilan yonma-yon qo'ysangiz yaxshi bo'lardi.

Оффтоп:
"Sino" jrnali uchun rahmat. U yerdagi adabiy maqolalar, hikoyalar, she'rlarni o'qib zavq oldim. Ko'pdan beri forsiy tilda matn o'qimagan edim.
Ответить 
2 "+" от:
Ответить
Опции темы
Опции просмотра




Powered by vBulletin® Version 3.8.5
Copyright ©2000 - 2024, Jelsoft Enterprises Ltd. Перевод: zCarot
Advertisement System V2.5 By Branden
OOO «Единый интегратор UZINFOCOM»


Новые 24 часа Кто на форуме Новички Поиск Кабинет Все прочитано Вверх