С праздником Навруз - символом весеннего пробуждения и обновления природы

[Robiya]

NAVRO'Z AYYOMI MUBORAK!

Barcha forum qatnashchilariga kirib kelayotgan "Navro'z" ayyoni muborak bo'lsin. Barchangizni bu kunda xursandchilik, quvonch va baxt tark etmasin!

[Umida Shodiyeva]

Barcha forumdoshlarimizni , yurtimizga qadam ranjida qilayotgan bahoriy ayyom "Navro'z" bilan muborakbod etgum. Bu kunlarda xalqimizda o'zgacha kayfiyat, o'zgacha tarovat ufurib turibdi. Bobolarimiz ,momolarimizning yuz-ko'zlarida mamnuniyat mujassam,aytgan har bir so'zlarida bahoriy nafas sezilar. Shu o'rinda mana shu satrlar yodimga tushdi ,bu satrlarni siz bilan baham ko'rishni istadim.

O'zing tortma davralardan el chorlaganda,
Tiriklikning bayrami deb sozlanganda.
O'zing so'lg'in lablar bilan pichirlagandek,
"Bu kunlarga yetganlar bor,yetmaganlar bor".
Halima Hudoyberdiyeva

[Dilmukhammad Kayumov]

Uchib yurar mayin shamollar,
Yelpib-elpib anhor yuzini.
Qirg‘oqlarda soyabon tollar
Oyna-suvda ko‘rar o‘zini.
Tong yellari o‘ynoqlab sekin,
Jiydazorga kirib yo‘qolar.
Maysa o‘tlar tebranib sekin,
Orqasidan kuzatib qolar.
Chumchuqlarning og‘zida cho‘p-xas,
In qo‘yishar tutlar ustiga.
Ko‘kni quchgan teraklar tinmas,
Oro berar kulrang po‘stiga.
Bedapoya, yam-yashil o‘tloq,
Chinorlarda qushlar chug‘urlar,
Ko‘klam ko‘rkin ko‘rdingmi, o‘rtoq,
Chamanzordek hammayoq gullar.

Ilohim hammani hech qachon bahor kayfiyati tark etmasin!
Ayyominglar muborak bulsin!

[Ozoda Umarova]

[Nigora Tursunova]

Navro'z ayyomi bilan xammani tabriklayman!
Navro'z sizga xursandchilik, quvonch, to'kin-sochinlik, baxt-omad keltirsin.
Yurtimizdan tinchlik va osoyishtalik tark etmasin!

[Husen]

Сизларни уйгониш ва яшариш, гўзаллик ва нафосат, мурувват ва саховат рамзи бўлган, халкимизнинг кадимий урф-одатлари ва кадриятларини ўз ичига камраб олган хамда уларни авлоддан-авлодга етказиб келаётган муборак кун – Наврўз айёми билан чин калбимдан табриклайман.

[Tohir Malik]

Ки бу сур эрур олам афрўз хам,
Хусусан эрур фасли наврўз хам.
Алишер Навоий.
“Хар йили келадиган бахор севинчи яна кўнгилларни китиклай бошлади. Яна табиатнинг дилдираган танларига илик кон югурди... Толларнинг кўм-кўк сочпопуклари кизларнинг майда ўрилган кокилларидай селкиллаб тушмокка бошлади. Муз тагида лойкаланиб оккан сувларнинг гамли юзлари кулди... Бултур экилиб, кўп кошларни корайтирган ўсма илдизидан яна бош кўтариб чикди...”
кушлар чугури тонгни уйготди. Киши билан дилгир бўлган куёш ажиб бир жилмайиш билан юз очди, дўнгликлар ортида писиб ётган кишнинг сўнгги нафаслари тавбасига таяниб, узок ойлар кайтиб келмас бўлиб кетди. Бу ерлардан ризки узилганини сезган каргалар кўринмай колди. Муз либосидан кутулганига шукур килиб, яшил кўйлагини кийган далалар енгил нафас олиб, хўжасини – дехконни кутади. Офтобнинг чараклаши билан бахс бойлаган кизлар гул-гул очилиб, уйларидан чикиб келадилар. Кўнгилни занжирбанд этган санам ишкида киприк кокмаган йигитлар нафаслари кайтиб, энтикиб кизлар йўлига кўз тикадилар.
Бир неча кун мобайнида ундирилган бугдой дошкозонга тушган. Туни билан бикирлаб кайнаган сумалак атрофида аёллар гавжум. Ўтган кузда аразлашган икки кўшни шу сумалак бахонасида ярашиб олишади. Иккови кувонч булутларида учади, бирининг соясига иккинчиси кўрпача солади. Арзимас гап билан узоклашиб кетган кариндошлар хам шу ерда аразларига бархам беришади. Бахорнинг иликлиги барчанинг кўнглини илитади. Хатто ойлар мобайнида йигитлар кўнглини вайрон килган кизларга инсоф бергандай.
Йигитлар: “Кошинг асли кародир,
Ўсма кўйганинг ёлгон.
Сенинг учун мен куйдим,
Сенинг куйганинг ёлгон”,-деса, бу кизи тушмагурлар камон ўкидай киприклари билан ошиклар багрини тилиб, ноз билан:
“Ака, отинг кўкмиди,
Кўк бедаси йўкмиди?
Мунча менга карайсан,
Кора кўзинг йўкмиди?”- деб турса...
Айтишувлар авжига чикса, санамлар барно йигитларга ўгринча караб кўйса, бу ўгри нигохларни илиб олган йигитларнинг юраклари темирчининг босконидай гупиллаб турса... Сўнг сумалаклар тортилса, бахорнинг неъматидан бахраманд бўлишса. Сўнг... далага омоч олиб чикилса, кўшга кўшилса. Билагидаги томирлар чинор шохларини эслатувчи, соколи осмондаги бир тутам покиза ок булутга киёслагулик ок яктакли бобо ер хайдасалар. Ёш-яланглар:
Босган изинг толкон бўлсин,
Хирмон кизил донга тўлсин,
Уйлар кўмач, нонга тўлсин...-деб кўшик айтсалар...
Ўтган аср жамияти томонидан унутилишга махкум этилган бу манзараларни, шукурларким, унутганимиз йўк, харна бўлса хам унутмас эдик. Мана, неъматларга сероб бўлган киш чекиниб, яна наврўз эшик кокмокда. Бу бахор кўнгилга ўзгача кувонч бериб келяпти. Бутун Ўзбекистон халки Наврўзни нишонлашга шайланмокда. Наврўз хар бир кишлокда, махаллада, вилоятда ўзининг кўп йиллик анъаналарига содик колган холда нишонланади. Яккабогдаги наврўз Кувадаги байрамга ўхшамайди. Шунчалар ранг-баранг, шунчалар дилхуш бу тантана. Олимлар, ёзувчилар, киночилар ўрганаман, деса неча йилларга етадиган ижодий иш бу.
Наврўз хакидаги тушунчалар хар хил, билимлар турлича. Байрамнинг номидан тортиб, келиб чикишигача бўлган фикрлар унинг кадим тарихидан далолат беради. “Наврўз”нинг лугавий маъноси “янги кун” эканини бугун катта-ю кичик билади. Жуда кўп шарк мамлакатларида нишонланиши хам маълум. Факат бу атама турли халкларда турлича ифода этилади: Эронда “ноурўз”, Афгонистонда “новрўз”, Ирок ва Туркияда “Неврўз” шаклида айтилади. Айрим халклар бу кунни янги йил сифатида кабул килганлар, айримлари эса шунчаки бахорнинг бошланиши сифатида нишонлайдилар.
Бизнингча, наврўзни янги йил сифатида кабул килиниши тўгрирок. Хўш, бу байрам учун нима сабабдан айнан 21 март куни танланган? Шу куннинг танланиши аждодларимизнинг аник фанлар оламида, айникса фалакиёт, табобат бобида бебахо билимларга эга бўлганликларидан далолатдир. 21 мартда кун билан туннинг тенглашишини хозир кўпчилик билади. Бошкача айтсак, куёш гардиши марказининг хамал буржига кириши шу кунга тўгри келади. Йил хисоби куёш харакатига караб, олиб борилгани учун (шамсий йил хисоби) Наврўз вакти ўзгармайди. Ой харакатига караб олиб борилгани учун (камарий йил хисоби) хайит байрамлари турли фаслларга тўгри келади. Мана шунга асосланиб аждодларимиз гелиоцентрик назарияни Кооперник, Бруно ёки Галилейдан анча олдин билганлар, дея оламиз. Наврўзнинг ёшини тарихчилар 2500-2600 йил деб белгилаяптилар. Бу унчалик тўгри бўлмаса керак. Чунки биздаги кадимий шахарларнинг ёши уч минг йилдан ошади. Шахар бунёд бўлгач орадан тўрт юз йил ўтиб байрам юзага келган, деган тахмин кулгили эмасми? Шахарнинг бунёд бўлиши одамларнинг тўпланиб яшаши билангина белгиланмайди. Шахар бунёд этилишининг аник шартлари бор, шулардан бири бу ерда ўндан зиёд хунармандлар мавжуд бўлиши керак. Хунармандчиликнинг ривожланиши эса илм-фан тараккиётини такозо этади. Хамонки, Наврўзнинг илмий асоси бор экан, демак, унинг ёшини дастлаб пайдо бўлган шахарлар билан тенгдош сифатида кабул килиш мантикан тўгри бўлади. Демакким, аждодларимиз орасидаги алломалар куёш ва юлдузлар харакатини ўша дамлардаёк кузатганлар, осмон жисмлари орасидаги богликлик борасида маълум билимларга эга бўлганлар. Наврўзнинг шамсий йил хисобида нишонланиши бу маросим “мусулмонларнинг диний байрами” деган фикрларни инкор этади. Бу фикр совет жамиятида динга карши кураш режаси бўйича хукм сурган, хатто Мухаммад алайхиссалом “Бу яхши байрам экан”, деб маъкуллаганлар, деган ёлгон хадисни тўкиб хам чикарган эдилар. Холбуки бу байрамнинг хеч кайси динга дахли йўк. Тўгри, ривоятлар бор. Наврўзга доир ривоятларнинг хилма-хиллигига сабаб: йиллар, асрлар оралаб ўтган бу байрамга хар бир даврдаги жамият, хар бир дин, хар бир подшолик ўз муносабатини билдирган, ўзига маъкул томонга буришга харакат килган. Мусулмон дини карор топгач, шубхасиз, байрамга янги либослар кийдирилди. Лекин Наврўз диний карашларга бўйсунмайди. Аксинча, жойга, махаллий анъаналарга мос тарзда ўтказилади.

[Tohir Malik]

Кадим алломалар Наврўз тарихи хакида фикр юритишганда илмий карашларини диний карашлар билан уйгунлаштиришга харакат килганлар.Масалан, Беруний хазратлари ёзадилар: “Наврўз –оламнинг бошланиши ва яратилишига далил килинган. Айтишларича, харакатсиз турган фалакларни Худо шу куни сайр эттириб юборган. У Куёшни яратган, нихоят у туфайли муддатнинг йиллар, ойлар, кунлар ва бошкалардан иборат бўлаклари яширинликдан кейин маълумликка айланган ва хисоб боши улардан бошланган”. Бу фикрларни тасдикловчи асосларни Куръони Карим оятларида учратиш мумкинки, бу илмий хакикатга якинрок туради. Кўпгина ровоятлар бу байрамни шох Жашмид номи билан боглайди. Шулардан бири – шох Жамшид мажусийлар динини янгилаб ана шу янгиланиш кунини “Янги кун” деб атаганмиш. Бошка бир ривоятда Жамшид раиятни турли хунарларга ўргатади, мамлакатни обод килади ва шу хайрли ишларининг окибатида гаройиб бир тахт ясатиб, унда осмонга кўтарилади. Яна бошкачарок тарздаги ривоятда Жамшид ўзига арава ясаттиради ва бу аравани жинлар ва шайтонлар хавога кўтарадилар. Одамлар бу аравага таклид килиб аргимчок ясаб уча бошлайдилар. Хазрат Навоий хам “Тарихи мулки ажам” асарларида бу байрамни Жамшид номи билан боглаб, унинг шу пайтгача одамзод кўрмаган “Чихил минор” ва акл бовар килмас баланд бино курдирганини баён кила туриб ёзадиларким:”олам саломин ва ахбарин йигиб, базми жашн килди. Ул вактким, куёш нукта эътикодли рабийга таквил килиб эрди ул бинода тахт устига ўлтириб, адолат сайт ва садосин оламга мунташир килди ва ул кунининг отин “Наврўз” кўйди”. Хазрат Навоий бу баённи Фирдавсий, Умар Хайём, Беруний каби улугларнинг ривоятлари асосида ёзган бўлсалар ажаб эмас. Ривоятлар жуда кўп. Аммо уларнинг барчасини илмий хакикатдан йирок деб инкор этмай, балки илмий асосларини излаб, тахлил килсак тўгрирок бўларди. Демокчимизки, тарих илмининг бу сохада хали киладиган ишлари кўп. Ривоятларни тўплаш билан чекланиш максадга мувофик эмас.
Наврўз – узок асрлар мобайнида дехконлар байрами сифатида нишонланиб келинди. Бошка халкларда, хусусан Европа халкларида хам шунга ўхшаш байрамлар бўлган. Римлик дехконлар учун йил бошланиши 1 март деб белгиланган. “Март” атамаси “Марс” номидан олинган. Маълумки “Марс” кадим юнон адабиётида уруш худосининг номи сифатида тилга олинади. Лекин Марс факатгина уруш худоси эмас, балки чўпонлар ва дехконларнинг хомийси хам бўлган. кадимги мисрлик насронийлар байрамни сентябр ойида нишонлашган. Уларнинг бахори Нил дарёсининг тошиши билан бошланган. Ана шундан кейин экин экилган. Наршахий “Бухоро тарихи”да ёзишларича, Варахшада йигирма кун бозор бўлган, йигирма биринчи куни эса Наврўз нишонланган. Халк орасида бу кун “Дехконлар наврўзи” деб аталган.
Дехкон ахли аник фанлардан бебахра бўлгани сабабли айрим маросимларга илохийлик туси аралашган бўлиши мумкин. Айтайлик, сумалакка илохий таом сифатида караганлар. Бу таомда дармондори кўплиги, киши билан дармон-мадорга зориккан танага тетиклик бахш этишини табобат исбот этди. Илгари Ой ёки Куёш тутилишига илохий ходиса сифатида караган одамлар хозир бу жараён сабабини биладилар ва вахимага тушмайдилар. Худди шунга ўхшаб энди сумалак хам дармондори таом сифатида кабул килиняпти, унга доир бидъатлар бархам топяпти
Кадимда Наврўз чоги донга сигинишган. Бу бежиз эмас. Дон – фаровонлик рамзи. Ана шу хурмат белгиси сифатида етти хил ёрмадан гўжа тайёрлашган. Бугдой, арпа, нўхат, жўхори, гуруч, мош, ловия солиб тайёрланган таомнинг мазасини кўя турайлик, одам аъзоларига фойдасини таъкид этайлик. Булар шунчаки ирим-сирим эмас, балки табобат илмидан бохабар алломаларнинг тавсиялари билан бўлганлиги аник. Бахорга силласи куриб етган одамга бу гўжа етуклик берар экан, нима учун ундан воз кечиш керак? Лекин одам табиати, феъли кизик: унга “мана шу таом фойдали, тайёраб тановвул кил”, дейилса, эринибми ё бошка сабаб биланми амал килмайди. Агар бу таклиф диний кўринишда бўлса савоб олиш орзусида дарров ишга киришади. Зеро, кишининг ўз саломатлигини яхшилаш учун килган саъй-харакати хам савобдир. Яна бир фикрни тортадиган ери – дехконлар доннинг унишига караб йил об-хавосини, хосилдорлигини хам чамалаганлар.
Ирим никобидаги яна бир яхши одат – янги йилнинг кечаси эмас, кундузи кутилганида, оила аъзоларининг дастурхон атрофида жам бўлганлигидадир. Агар ким шу пайтда оила даврасида бўлмаса, у йил давомида иссик гўшасидан узокларда юраркан. Хозир айрим фарзандларнинг зиёфатларга кетиб, ота-оналарнинг эса янги йил кечасида ёлгиз колаётганларини эсласак, бу одатнинг багоят инсофли, яхши одат эканига тан берамиз.
Ерга омоч солишни кишлокнинг энг кекса одамига топширилиши, бу одамнинг табаррук деб иззат килиниши-чи? Одамлар орасидаги ўзаро хурматни мустахкамлаш, кексаларга эътибор, гамхўрлик, мехнатни эъзозлаш учун зарур тарбиявий восита эмасми? Хозир кўшчи йўк, лекин азалий одатларимизни эсласакда, ерга рамзий кўринишда бўлса хам омоч солсак, бу харакатимиз шу тупрокни эъзозлаган аждодларимизга хурматимиз ифодаси бўлмасмикин? Ёшларимиз аждодларни, аждодлар удумини – кадриятни эъзозлашлари, хурмат бажо келтиришлари лозимлигини шу каби тадбирлардан ўрганишмайдими?
Кадимда Наврўз кунлари урушларга чек кўйилган. Байрам кунлари кон тўкилмаган. Бу табаррук кунда бировни ранжитсанг, ёки кон тўксанг Худонинг газабига учрайсан, деган акида ана шундай зулм йўларини тўсиб турган. Наврўз сайллари одамларни бирлаштиради, нотанишларни таништиради. Айникса кўп каватли уйларда яшовчи кўни-кўшниларнинг бир-бирларини яхши танимасликлари, билмасликлари инобатга олинса, бундай сайлларнинг янада зарурлиги аён бўлади. Байрам кунлари “Хаётингиз ширин бўлсин”, деган ниятда одамларнинг бир-бирларига ширинликлар инъом этишлари, “Гўзаллик умр бўйи йўлдошингиз бўлсин”, деган дуо билан гуллар такдим этишлари, “Бу йил сувга серобчилик йили бўлсин, неъматлар янада мўл бўлсин”, деган хайрли умид билан бир-бирларига сув сепишларини унутмадикми? Наврўз тонгида бировга гап гапиришдан аввал уч кошик асал ялаб олиш-чи?
Биз якин ўтмишимизда Наврўздан яхши фазилатлар кидириб топишга, унутилганларини тиклашга уринмай, ирим-сиримларни бахона килиб, кўп нарсаларни рад этавердик. Агар таъбир жоиз бўлса, эскирган кинга кўшиб, пичокни хам ташлаб юбордик, бургага аччик килиб кўрпа куйдирдик. О?ибатда юкорида тилга олинган яхши одатлар четга чикиш баробаринда олов устидан сакраб ўтиш, аргимчоклар учиш каби бир канча кўнгилхуш ўйинлар хам унутилди. Ўйлаб каралса, кадим ўйинлардан дорбозлик сакланиб колибди. Энди халк орасида юриб, бошка ўйинларни, одатларни ўрганиб, тиклаш керак. Концертлар, шеърхонликлар – наврўзнинг янги либослари, булар хам керак. Лекин азалий удумларни ёддан чикармайлик. Демокчимизки, халк оддий томошабин эмас, шу байрамнинг фаол иштирокчиси бўлсин. Яна демокчимизки, бу байрамга кейин кўшилган зарарли одатларни кўяйлик: яъни, арокхўрликлар, эркакларнинг ўзаро йигилиб олиб ошхўрлик килишлари... Наврўзга ёт. Наврўз – оилаларнинг хамжихатлиги билан ўтувчи хайрли байрам.
Сўз бошини устоз Абдулхамид Чўлпон каламига мансуб сатрлар билан бошлашимнинг сабаби бор. Шоирнинг номи ва шу сўзлар билан бошланган машхур “Кеча ва кундуз” романи Ватан бахори келишини узок йиллар кутди. Нихоят, тепасини коплаган музни ёриб чикди. Бахор тасвири билан бошланувчи бу асарнинг “бандиликдан озод этилиши” билан бахор байрами Наврўзга хам “озодлик берилиши” карийб бир даврда юз берди. Дилларни яйратган хар икки вокеани хам халкимиз хакикат тантанаси сифатида кабул этди. Аямажизнинг изгиринли нафаси бахорни тўхтата олмайди. Умид улки, бахор баркарор бўлажак. Бу баркарорлик, бахорнинг нечоглик юз очиши эса сиз билан бизнинг –барчамизнинг Ватан равнаки йўлидаги хизматимизга боглик.
Шукрларким, озод юртнинг янги кунига етиб келдик. Янги куннинг эртаси янада нурли бўлажак, иншааллох!

Навруз айёмингиз муборак, Азизлар!!!

[Nigora Umarova]

Хар кунинг Кадр улубон,
Хар кунинг улсун Навруз!!!

Алишер Навоий

Mухтарам форумдошларим!!!

Биз Наврузга пешвоз чикдик. Бахорнинг хар бир янги чечагини "Омонлик-эй-омонлик, хеч курмайлик ёмонлик", дея кузимизга суртамиз, "Шукур бахорга етдик!" деймиз. Икки-уч кун хафсала билан ёккан ёмгир кунгилларимизга хуш ёкди. Гуёки кунгиллардаги кишда колган губорларни ювиб юборди у. Дарахтларнинг гуж-гуж куртаклагани, пойтахтнинг яшил либосга буркангани ёмгирдан кейин аник кузга ташланди. Ховлидаги дарахтларнинг гуллаганини куриб, енгил тортамиз- демак, бу йил мева мул буларкан деб уйлаймиз, узимизча.

Кипригимиз нам, дилларимиз гам курмасин. Хокимларнинг эккани арча, кизларнинг кийгани парча булсин. Богу- роглар тула гул, учоклар тула кул, хамёнимиз тула пул булсин.
Бизни хаёт билан богловчи, умримизни узайтирувчи, шодлигимизга шодлик кушувчи айём Наврузи олам муборак булсин!!!

[khikmatilla]

Сообщение от Feruza Fayziyeva

NAVRO'Z AYYOMI MUBORAK!

Barcha forum qatnashchilariga kirib kelayotgan "Navro'z" ayyoni muborak bo'lsin. Barchangizni bu kunda xursandchilik, quvonch va baxt tark etmasin!

Сизни ва хамма форумдошларни "Навроз байрами" билан табриклайман. Хар тунларингиз кадр, кунингиз навроз булсин!