Kino va tomоshabin o'rtasidagi masofa yaqinmi yoki uzoq?!

[Bobir Samadov]

Узбекистон телеканалида бир куни бир кино бериб колди. Тугрси икичикрок кинолар мужассамлашган фильм шекилли. Уша кичикрок фильмлардан биттасининг номи "Кичкина одамнинг "катта" таниши" деб ном олганди. Шунака хаётий кинолар томошабинларни аник узига якинлаштиради...

[Tulqin Eshbekov]

Сообщение от Bobir Samadov

якинлаштиради..

Санъатлар ичида энг муҳими кино эканлигини яхши биламиз. Миллионлаб томошабинларимиз ҳар куни телевизорда берилаётган сериалларга "михланиб" қолаётган экан, демак, кино ва томошабин ўртасидаги масофа тобора яқинлашмоқда.

[olim]

Kino biznesmi yoki sa'nat?
Bu savolga bugungi kunda ikkilanmasdan biznes deya javob berish xato sanalmasa kerak deya o'ylayman. Yuqoridan fikrga kelishimdan sabab hozirda yaratilayotgan kinolar buning yaqqol isboti bo'ladi.

[Tulqin Eshbekov]

Сообщение от olim

biznes

Пул кетидан қувиб яратилган олди-қочди фильмлар ўткинчи, ҳақиқий санъат асарларининг умри боқийдир!

[Lutfillo Tursunov]

Аюб Шаҳобиддиновнинг янги филми катта экранларда намойиш этилаётгани ҳақида ТВдан хабар топиб, уни томоша қилиш нияти туғилди. Бу режиссёр ишини кузатишга қизиқаман. Сермаҳсуллик борасида бошқа киночилардан ортда турадиган Аюб Шаҳобиддиновнинг киноасарлари анча жиддий, салмоқли чиқади. Сўнгги иши "Кечиккан ҳаёт" ҳам реклама роликларида шундай таассурот қолдирди.
Хуллас, ўтган ҳафта дам олиш учун "Киночилар уйи"га бордим. Бордиму борганимдан кўнглим тўлмай қайтдим. Бунга кинонинг савиясиданам кўра, киносаройнинг хизмат кўрсатиши сабаб бўлди.
"Киночилар уйи"нинг асосий катта залида Жаҳонгир Позилжоновнинг филми намойиш қилинаётган экан. "Кечиккан ҳаёт" эса учта кичик кинозалнинг бирида, киночилар музейи остидаги залда қўйилаётган экан. Кино бошланишига оз вақти қолган бўлса-да, томошабинлар сони саноқли эди. Бу ҳолат хавотир уйғотди. Кечки сеанс (21 00) бўлгани учун ташриф буюрувчилар сони кам бўлса керак, деб ўзимни тинчлартирдим. Намойишга 10 дақиқача қолганда залга кирдим, ҳали бўм-бўш. Шундоқ бўлса-да, бемалол ўтирса бўладиган жой қидиришга тушдим. Ўриндиқлар хароб. Бири сингган, бири қимирлаган... Кино қўйилиши арафасида 10-15 нафарча томошабин йиғилди. Экран жуда хира туюлди, тасвир ва овозидан ўзингизни 15-20 йил аввалги туман кинотеатрларига тушгандек ҳис қиласиз. Буниси ҳам ҳолва экан. Филмнинг ўрталарига келиб, тасвир "қотиб қола" бошлади. Худди dvdда "пиратский" диск кўраётгандексиз. 5 дақиқаликча дифектдан сўнг, тасвир бутунлай қотиб қўя қолди. Кинонинг ярмидан олган таассурот "учиб" кетди. Техниклардан дарак бўлмади. Залдагиларнинг қичқиришиям, ҳуштак чалишиям фойда бермади. Мажбур ташқарига чиқдим. Кино узатиладиган хонада ҳеч ким йўқ экан, масъулни топишга яна бир неча дақиқа кетди. Масъул топилди ва бир амаллаб тасвирни тўғрилади. У ёғига одам кинони кўргандек ҳам бўлмади...
Наҳотки, республикамизнинг энг номдор киносаройи шу аҳволга тушиб қолган бўлса? Томошабинларнинг камлигига сабаб аслида филмлар сифати эмас, сервис ҳам сабабчи экан. Шахсан мен энди қайтиб у залга бормайман.
Жорий йилдан бошлаб Тошкент халқаро кинофестивалга мезбонлик қилади. Унгача кинозалларни тартибга келтиришса яхши бўларди. Акс ҳолда, уятга қоламиз.
Энди филм ҳақида. "Кечиккан ҳаёт"га оддий муҳлис сифатида ўртача баҳо қўяман. Аюб Шаҳобиддинов бу асарида ҳам ўз услубидан воз кечмаган. Филмни бир деталл атрофида қурган. Кастинг, операторлик ва режиссёрлик иши ёмонмас. Актёрлар иши, айниқса, қассоб образини талқин этган Бобур Йўлдошев ижроси яхши таассурот қолдирди. Меҳнати сезилиб турибди. Аммо сценарий бироз бўшроқдек туюлди. Филм якунида узилиш бордай, бус-бутунликни ҳис эта олмадим. Сценарий муаллифи Ёлқин Тўйчиевнинг одати шунақа, баъзида кучли асарлар ("Ўтов", "Илова") тақдим этса, баъзида катта экранларга чиққан асарлари ўзгача ("Учар қиз", "Пойма-пой") таассурот қолдиради.
Нима ҳам дердим, бу икки кучли дуэтдан келажакда салмоқлироқ филмлар кутиб қоламан.

[Nigora Umarova]

Bugun o'quvchilarim Husan Sharipovdan, "Nega kinoda suratga olishayotganda tushmay qo'ygansiz?"-deb savol berishdi. U kishi, Menga mos keladigan rol yo'q, filmni suratga olayotgan rejissyorlar esa mening darajamda emas,- deya javob qaytardilar.
Qaysidir yoshi katta 60 dan oshgan aktyorni ham qattiq tanqid qildilar: "Krupniy plan"da qurt tishlab, pivo ichib o'tirgan holda tasvirga olishibdi. Axir inson 63 yoshidan keyin yoshlarga ibrat bo'lgulik ishlarni qilishi kerakmasmi. Kinoning tarbiyaviy ahamiyatini buzayotgan narsalar mana shunday kadrlar hisoblanadi. Kino shunday olinaversa unda milliylik qoladimi? U ma'naviyatni rivojlantirishga xizmat qiladimi?"

[OmoN]

Аслида кино ва томошабинлар ораси шунақанги яқин-ки... Яқинда Абу-Саҳийга чақалоқ учун коляска олгани боргандим. Уч аёл болалар кровати қидириб юришибди. Кумушнинг боласи ухлайдиган кроватдан қидириб юришган экан (аввалига Отабекнинг Кумуши деб ўйлабман). Ўғил бола учун пушти ранг кровать сотиб олишди. Кроватни ўғил бола учун олишаётганини кўк коляска олишаётганида билдим. Сотувчи таклиф қилган пушти коляскани "Ўғил болага пушти коляска тўғри келмайди" деб рад этишди. Кровать ҳам пушти-ку деса "Кумушнинг қизининг кровати худди шунақада" деб жавоб беришди.

[Nigora Umarova]

Сообщение от OmoN

Аслида кино ва томошабинлар ораси шунақанги яқин-ки... Яқинда Абу-Саҳийга чақалоқ учун коляска олгани боргандим. Уч аёл болалар кровати қидириб юришибди. Кумушнинг боласи ухлайдиган кроватдан қидириб юришган экан

Agar buyumlarga nisbatan kinofilmlarning ta'sirini oladigan bo'lsak, ha, haqiqatan ham odamlar film qahramonlaridek kiyinishga, ular ishlatadigan buyumlarni o'zlarida bo'lishiga harakat qilishadi. Kinofilmlar qaysidir jihatdan insonlarning taqlid qilishlari uchun asos yaratib beradi. Eslang, "Cho'ri Izaura" seriali ko'rsatilganda "Izaura", "Boylar ham yig'laydi" serialidan keyin "Marianna"? "Morena Klara" serialidan keyin "Valentin" deb ataluvchi erkaklar ko'ylagi urfga kirgandi.
Seriallarni qo'yish orqali yengil sanoatni rivojlantirish ham kiyim reklamasi ham ketadi.
Agar odamlarning qurbi yetsa uy-joylarini ham serialdaka qilib qurishga harakat qilishadi.

[Masud Mahsudov]

Bir necha o'n yillar avval milliy kinomizga san'at deb qarashimiz qanchalik to'g'ri bo'lgan bo'lsa, hozirga kelib, ularning aksariyati yosh avlodning tafakkurini zaharlovchi, kitob mutoalasidan chalg'ituvchi, milliyligimizga to'gri kelmaydigan kiyimlarni targ'ib qiluvchi va tilimizni buzuvchi vosita sifatida "shakllanayotgani"ni shuncha afsus bilan tilga olishimiz mumkin...

[Husen]

Томошабиннинг айби йўқ деб кўп ҳолларда айбни фақат драматургияга, кинорежиссурага тўнкашга ўрганиб қолганмиз! Томошабин масъулияти ҳам бор-ку, ахир! Дуч келган кинога (айниқса, рекламаси кучли бўлса) кириб кетаверишдан олдин, сал мушоҳада ҳам қилиш керак. Баъзи киноларнинг рекламасиёқ мазмуни қанақа эканлигини фош қилиб қўяди. Одатда савиясиз кинолар ҳақида гап кетганда унинг режиссёридан ҳам кўра унга кирган томошабиндан кўпроқ жаҳлим чиқади.