Рамазон-1433

[Billur]

Mehribon va rahmli Olloh nomi bilan (boshlayman).

Fotiha surasi.

Yetti oyatdan iborat bu sura Makkada nozil bo’lgan. U "Fotiha", ya`ni "Ochuvchi sura" deb ataladi. Qur`ondagi suralarning joylashish tartibida avvalgi o’rinda turgani va qisqa bo’lishiga qaramasdan Qur`onning asosiy ma`no-mohiyatini o’zida mujassam etgani uchun ham u Qur`on mazmunini "Ochuvchi" deb nomlangan.
Bu surada yagona Allohga bo’lgan e`tiqod, Uning O’zigagina ibodat qilish, oxirat kuni borligiga ishonish, yolg’iz Ollohning O’zidan madad-yordam so’rash: haq din va To’g’ri Yo’lni Uning O’zigina ko’rsata olishiga iymon keltirish kabi Islom dinining asosiy talablari o’z aksini topgan. Shuning uchun bu surani "Ummul-Qur`on" - "Qur`onning onasi - asli" deb ham ataydilar.

1. Mehribon va rahmli Olloh nomi bilan (boshlayman).
2-3-4. Hamdu sano butun olamlar xojasi, mehribon va rahmli, jazo (qiyomat) kunining egasi - podshohi bo’lmish Olloh uchundir.
Izoh. Maqtov-olqishga haqdor bo’lish uchun bashar olamiga podshoh bo’lishning o’zi kifoya qilmaydi. Balki koinotdagi barcha sayyoralar va ulardagi bor jonli-jonsiz mavjudodning hammasi ustidan ilmu-hikmat va rahm shafqat bilan ezgulik qiladigan, bundan tashqari, oxiratdagi xisob-kitob kunida ham yagona podshoh bo’lgan Olloh taoloning O’zigina hamdu sanoga loyiq zotdir.
5. Sengagina ibodat qilamiz va Sendangina madad so’raymiz.
Ya`ni, Sendan o’zganing oldida boshimizni egmaymiz va Sendan o’zgaga yordam so’rab iltijo qilmaymiz.
6-7. Bizlarni, gazabga duchor bo’lmagan va haq yo’ldan toymagan zotlarga in`om qilgan yo’ling bo’lmish – To’gri Yo’lga yo’llagaysan.
Izoh. Mazkur zotlar - barcha payg’ambarlar, haqiqiy iymon-e`tiqod egalari va o’z aqidalari yo’lida jonlarini fido qilgan kishilardir.

Tarjima va izohlar muallifi
ALOUDDIN MANSUR.

[Биллур]

"Илм эгалланг!" - дерди Муҳаммад издошларига. - Илм - саҳрода дўст, ҳаёт йўлларида - таянч, ёлғизлик дамларида - йулдош, бахтиёр дақиқаларда - раҳбар, қайғули онларда - мададкор, одамлар орасида - зебу-зийнат, душманларга қарши курашда - қуролдир".
У касаллардан аҳвол сўраш ёки таъзияга боришдан эринмасди. У тоат-ибодат этишни юксак баҳоларди.
"Муҳаммад пайғамбар ибодатни ҳамма нарсадан устун қўйди, - деган эди доктор Сарваралли Рахакришнан, - у бутун дунёни улкан масжидга айлантирди".
У ҳеч қачон илоҳийликни даъво қилмасди. "Мен ҳам сизларга ўхшаган одамман, - дерди у, - мен илоҳий пайғомлар олдим, холос. Мендан сўнг пайғамбар ўтмайди. Мендан олдин эса кўп пайғамбарлар ўтишган: Одам Ато, Нуҳ, Иброҳим, Исмоил, Ёқуб, Юсуф, Шуайб, Мусо, Аърон, Лут, Довуд, Сулаймон, Илёс, Закариё, Жон Баптист, Исо...Мен ҳам шулар қатори худо сўзини сизга етказувчиман"...

***
Бирортангиз ўзидан моли кўпрок, ҳулқи яхшироқ кишига ҳаваси келиб қараса, орқасидан ўзидан пастроқ ҳолатдаги кишига ҳам қарасин.
***
Гарчи боши майиздек қора қул бошлиқ қилиб тайинланса ҳам, унга итоат қилинглар.
***
Одамларнинг яхшилигига раҳмат айтувчи киши Аллоҳга ҳам ҳаммадан кўп шукр қилувчи хисобланади.
***
Кечиримли бўлинглар, шунда сизларга ҳам кечиримли бўлишади.

("Хадислар" китобидан)

[Anvar Atakhanov]

Ўзбекистон мусулмонлари идораси Фатво ҳайъатининг ҳижрий 1433 йил (милодий 2012 йил) Рамазон ойи учун закот нисоби 1 гр. тиллонинг бугунги кундаги бозордаги ўртача нархи 105 882 сўм эканини эътиборга олиб, 85 гр. тилло ҳисобидан закот нисоби 9 млн. сўм экани ва мазкур сумманинг қирқдан бир ҳиссаси, яъни 225000 сўм закот чиқариш тўғрисидаги хулосаси маъқулланди.

Бу йилги Фитр садақаси миқдори вилоят, шаҳар ва туман бозорларидаги 2 кг. буғдой нархидан келиб чиққан ҳолда белгилади. Масалан Тошкент шаҳар бозорида 1 кг буғдойнинг нархи ўртача 1000 сўм бўлса, демак 2 кг буғдой нархи 2000 сўм бўлади.

Бу йилги Фидя миқдори бир оч одамнинг бир кунлик озиқ-овқати баробарида бўлиб, ўртача 6000 сўм деб белгиланди, дея хабар беради Фатво ҳайъати.

ccылка

[Гўзал]

Ассаламу алайкум!



oramadane.ru

[Биллур]

"Аёлларни эъзозланг, - дейди Пайғамбар, - ёдингизда бўлсин: жаннат оналар оёғи остидадир..." Хотин-қизлар исломда алоҳида ўрин тутишади. Муҳаммадни пайғамбар деб таниб, унга биринчи бўлиб имон келтирган ҳам аёл - Ҳадича эди. Шунингдек, Муҳаммад авлодлари бўлмиш имомлар ҳам унинг ўғлинингмас, қизи - Фотиманинг болалари эди.
"Дунёда тўрт буюк аёлнинг шухрати абадий сўнмасдир, - дейди Муҳаммад. - Бу Асия (Мусо даврида яшаган фиравннинг хотини), Марям (Исонинг онаси), Ҳадича ва Фотима (пайғамбарнинг қизи)".

***
Илму ҳунарни Хитойдан бўлса ҳам бориб ўрганинглар.
****
Яхшиликни раҳмдил умматларимдан истанглар. Уларнинг атрофида кўнгилли ҳаёт кечирасизлар. Яхшиликни бағри тош одамлардан истаманглар, чунки уларга Аллоҳнинг лаънати ёғилиб туради. Эй Али, Аллоҳ яхшиликни яратганда унга лойиқ кишиларни ҳам яратди ва у кишиларга яхшиликни севдирди ва яхшилик қилмоқликни хуш кўрсатди ва у кишиларга яхшилик истаганларни йўллади, бу худда қуруқ жойга сув йўллагандекдур. Ерни сув билан тирилтиргандек, яхшилик аҳлини ҳам яхшилик истовчилари билан яхшилигини рўёбга чиқарди.
Дунёда яхшилик қилувчи кишилар охиратда яхшиликка эришувчилардир.
***
Мазлумнинг (зулм кўрган киши) доуи бадидан қўрқинглар, чунки унинг дуоси ижобатдир (қабулдир).
***
Топилган молнинг энг тозаси (покизаси) кишининг пешона тери билан топилган мол ва беғирром ҳалол савдодан топилган пулидир.
***
Хотин кишига энг ҳаққи кўп киши эридир, эркак кишига энг ҳаққи кўп киши онасидир.
***
Мусулмонлар йулларидан озор берувчи нарсаларни (тош, тикан каби) олиб ташланганлар...

("Хадислар" китобидан)

[Nigora Umarova]

Расулуллоҳ соллаллоҳу алайҳи ва саллам дедилар: «Рутаб (ғўра) хурмо билан, агар у бўлмаса бошқа хурмо нави билан рўзангизни очинг. Агар хурмо бўлмаса сув билан очинг. Чунки сув – покловчидир» (Имом Аҳмад 12215, 15654, 17214; Термизий 632; Абу Довуд 1689, 2009; Доримий 1639).

****
Росулуллоҳ соллаллоҳу алайҳи васаллам айтдилар: «Бирларингиз рўза тутган кунида ёмон-ножуя гапирмасин, бақириб-чақирмасин, мабодо у билан бирон киши жанжаллашса ёки уни ҳақоратласа, икки бор: мен рўзадорман, деб жавоб берсин! Муҳаммаднинг жони қўлида бўлган зотга қасамки, рўзадор оғзида ўзгарган ҳид Аллоҳ ҳузурида миски анбардан-да хушбўйроқдир. Рўзадорнинг икки хурсандчилиги бор, бири: ифторлик қилган вақтида, яна бири: Парвардигорига рўбарў бўлганда» (Бухорий, 1904)

****
Анас разияллоҳу анҳу ривоят қиладилар: «Биз Расулуллоҳ соллаллоҳу алайҳи ва саллам билан бирга (сафарда) эдик. (Баъзимиз рўза тутган ва баъзимиз тутмаган бўлиб, кун ниҳоятда иссиқлигидан) кўпчилигимиз кийими билан, (қолганлар эса қўли билан ўзини Куёшдан) пана қилиб келар эрди. (Ниҳоят, бир ерда дам олгани тўхтадик). Шунда рўза тутганлар азбаройи толиққанларидан ҳеч бир иш қилиша олмади, рўза тутм
аганлар эса (ўзларининг ва рўза тутганларнинг) туяларини (сув буйига) ҳайдаб бориб суғоришди, ем-хашак беришди, (рўза тутганларга чайлалар қуришди). (Буни кўриб) Расулуллоҳ соллаллоҳу алайҳи ва саллам: «Рўза тутмаганлар бугун (рўза тутганларга хизмат қилиб, кўп) ажру савоблар олишди» - деб марҳамат қилдилар» (Муттафақун алайҳ).

****
Пайғамбар соллаллоҳу алайҳи ва саллам дедилар: «Саҳарликни (охирги пайтигача) кечиктиринглар! Саҳарликни кечиктириб қилиш афзалдир» (Имом Аҳмад 24230; Насоий 2129).

*****
Расулуллоҳ соллаллоҳу алайҳи ва саллам дедилар: «Рамазон ойидаги умра ҳажга баробардир» (Муттафақун алайҳ).

"Кун ҳадиси" дан

[Billur]

Mehribon va rahmli Olloh nomi bilan (boshlayman).

Baqara surasi.

Bu sura Madinada nozil qilingan bo’lib, ikki yuz sakson yetti oyatdan iborat. U Qur`ondagi eng uzun suradir.
Bu surada e`tiqod, ibodat, muomala, axloq, nikoh, taloq, idda va boshqa shariat hukmlari borasida so’z ketadi. Bu suraning avvalida mo’minlar, kofirlar (inkor etuvchilar), munofiqlar va iymonning haqiqati, kufr va nifoqning mohiyati bayon qilinadi. So’ngra bashariyat otasi Odam alayhis-salom qissasi zikr qilinib, u zot yaratilgan vaqtda bo’lib o’tgan ibratli voqea-hodisalar xabar beriladi.
«Baqara» oyatlarining qariyib uchdan bir qismini "ahli kitoblar" (Tavrot va Injilga iymon keltirganlar), xususan yahudiylar haqidagi ma`lumotlar tashkil qiladi. Keyin sudxo’rlik jinoyati to’g’risida ma`lumot berilib, Olloh va payg’ambar bu jinoyatga qarshi urush e`lon qilganliklari uqtiriladi.
Suraning xotimasida esa mo’minlarni Olloh taologa tavba-tazarru qilishga va Uning O’zidangina madad tilashga chaqiriladi.
Bu sura nima uchun «Baqara» - "Sigir" surasi deb atalgan?
Qadimda bani Isroil qavmidan bo’lgan kishi o’ldiriladi. Ammo uning qotilini topa olmaydilar. Shunda Olloh taolo Muso alayhis-salomga: "Qavmingga aytgin, bir sigir so’yib, uning bir bo’lagi bilan o’likni ursinlar", deb buyuradi. Ollohning buyrug’ini bajo qilganlarida haligi o’likka jon kirib, qotili kimligini aytadi.

Mehribon va rahmli Olloh nomi bilan (boshlayman).
1. Alif, lom, mim.
Izox. Qurondagi bir necha sura mana shunday yolg’iz – yolg’iz xarflar bilan boshlanadi. Ko’pchilik Islom ulamolari nazdida mazkur xarflar «Xurufi muqattaot», ya`ni ma`nodan uzilgan xarflar sanalib, ularning ma`nosi yagona Ollohgagina ma`lum. Ulamolarning aytishlaricha, ilohiy mo’jiza bo’lgan bu Kitob odamlar oson o’qib-anglab amal qilishlari uchun yaxshi taniydigan xarflar bilan oson tushuniladigan qilib yuborilgan.
Lekin olimlar orasida «Alif - Olloh, Lom - Jabroil (Olloh bilan payg’ambar o’rtasidagi vositachi farishta), Mim - Muhammad alayhis-salom», deb bu xarflarga ma`no beruvchilar ham bor.
…

Tarjima va izohlar muallifi
ALOUDDIN MANSUR.

[Nigora Umarova]

Пири комил Боязид Бистомий шаҳар кўчалари бўйлаб ўтиб бораётиб, Шайх Шиблий ҳазратлари истиқомат қиладиган маҳалла томон бурилди. Ул зотнинг хона-донига кириб бир ҳазил-мутойиба қилгиси келди. Остонасига келиб:
—Бормисиз, ҳозиқ табиб жаноблари? — дея ичкарига мўралади.
Ичкаридан «кираверинг», деган овоз эшитилди. Ўша дамда Шиблий ҳазратлари жинниларни даволаш билан машғул эди.
Бир жинни йўлакдаги темир панжара-ни худди тишлари билан ғажиётгандек қилиқлар қилиб турарди. Боязид Бистомий ҳазратлари унга шунчаки бир назар ташла-ди-да: Шиблий ҳазратларига, гап қотди:
—Менга бир дору керак, бемормен, — деди.
—Кандай дору? —деса, Бистомий ҳаз-ратлари:
—Сизда гуноҳнинг доруси борми? —
деди.
—Гуноҳнинг доруси? — таажжубланди табиби ҳозиқ.
Шу пайт темир панжарага тишларини ботириб, турфа қилиқлар қилиб турган ҳалиги жинни тилга кирди.
—Агар гуноҳнинг дорусини сўрасанг, мана мен айтаман сенга.
Бистомий ҳазратлари унга қараб.
—А-а, хўш-хўш, айтчи, нима экан у? — деса, жиннига жон кириб, жавоб қилди.
—¥ар куни тавбанинг томури билан истиғфорнинг япроғини қалбинг ҳавончаси-да тавҳид тўқмоғи билан туй, инсоф элагидин ўтказ, кўз ёшларинг била йўғир, ишқ тандурида пишур, бомдоддин то шомгача тановул қил! Отдай бўлиб кетмасанг мана мен кафил, —деди.
Буни эшитган Боязид Бистомий ҳазрат-лари жиннига ҳайрат кўзларини тикиб,
—Ё, Ра-а-аб! Эй дунё! Хастахонангда қандай табибларинг бор-а! — дея ҳушидан кетиб, йиқилди...

[dili]

Болаларимга "бисмиллаҳ" деб иш бошлаш ҳақида гапирсам, бир танишим айтиб берган ривоят эсимга тушади.
Бир куни икки шайтон учрашиб қолишибди.Бири жуда ҳам нимжон кичкина, зўрға турганмиш. Иккинчиси эса аксинча жуда бақувват, катта, кучли эмиш. Нимжон шайтон шеригидан бақувватлигининг сирини сўрабди. Шунда бақувват шайтон айтибди: Менинг эгам бисмиллаҳ нималигини билмайди, уни бирор марта чин дилдан тўғри қилиб айтганини эслай олмайман дебди. иккинчи эса афсусланиб, эҳ менинг эгам кунни бисмиллаҳдан бошлайди, ҳар қадамини бисмиллаҳ билан ташлайди,иш қилса ҳам , овқат еса ҳам бисмиллаҳ оғзидан тушмайди дебди.

[dili]

Билганлар айтсин, одам шамоллаб қолиб укол олса, мисол учун саҳарликдан кейин тонгги соат 8 да рўзаси бузиладими? Билмаган эдим, энди ўйланиб қолдим.